BOREOL WEDDI.

PSALM CII. Domine, exaudi.

ARGLWYDD, clyw fy ngweddi : a deled fy llef attat.
   2 Na chudd dy wyneb oddi wrthyf yn nydd fy nghyfyngder : gostwng dy glust attaf; yn y dydd y galwyf, brysia, gwrando fi.
    3 Canys fy nyddiau a ddarfuant fel mwg : a’m hesgyrn a boethasant fel aelwyd.
    4 Fy nghalon a darawyd, ac a wywodd fel llysieuyn : fel yr anghofiais fwytta fy mara.
    5 Gan lais fy nhu chan : y glynodd fy esgyrn wrth fy nghnawd. |
    6 Tebyg wyf i belican yr anialwch : ydwyf fel dylluan y diffaethwch.
    7 Gwyliais, ac ydwyf fel aderyn y tô : unig ar ben y tŷ.
    8 Fy ngelynion a’m gwaradwyddant beunydd : y rhai a ynfydant wrthyf, a dyngasant yn fy erbyn.
    9 Canys bwytteais ludw fel bara : a chymysgais fy nïod âg wylofain;
    10 O herwydd dy lid di a’th ddigofaint : canys codaist fi i fynu, a theflaist fi i lawr.
    11 Fy nyddiau sy fel cysgod yn cilio : a minnau fel glaswelltyn a wywais.
    12 Tithau, Arglwydd, a barhêi yn dragywyddol : a’th goffadwriaeth hyd genhedlaeth a chenhedlaeth.
    13 Ti a gyfodi, ac a drugarhêi wrth Sïon : canys yr amser i drugarhâu wrthi, ïe, yr amser nodedig, a ddaeth.
    14 Oblegid y mae dy weision yn hoffi ei meini : ac yn tosturio wrth ei llwch hi.
    15 Felly’r cenhedloedd a ofnant Enw’r Arglwydd : a holl frenhinoedd y ddaear dy ogoniant.
    16 Pan adeilado’r Arglwydd Sïon : y gwelir ef yn ei ogoniant.
    17 Efe a edrych ar weddi’r gwael : ac ni ddïystyrodd eu dymuniad.
    18 Hyn a ysgrifenir i’r genhedlaeth a ddel : a’r bobl a greïr a foliannant yr Arglwydd.
    19 Canys efe a edrychodd o uchelder ei gyssegr : yr Arglwydd a edrychodd o’r nefoedd ar y ddaear;
    20 I wrando uchenaid y carcharorion : ac i ryddhâu plant angau;
    21 I fynegi Enw’r Arglwydd yn Sïon : a’i foliant yn Jerusalem;
    22 Pan gasgler y bobl yngh?d : a’r teyrnasoedd i wasanaethu’r Arglwydd.
    23 Gostyngodd efe fy nerth ar y ffordd: byrhaodd fy nyddiau.
    24 Dywedais, Fy Nuw, na chymmer fi ymaith ynghanol fy nyddiau : dy flynyddoedd di sydd yn oes oesoedd.
    25 Yn y dechreuad y seiliaist y ddaear : a’r nefoedd ydynt waith dy ddwylaw.
    26 Hwy a ddarfyddant, a thi a barhêi : ïe, hwy oll a heneiddiant fel dilledyn; fel gwisg y newidi hwynt, a hwy a newidir.
    27 Tithau yr un ydwyt: a’th flynyddoedd ni ddarfyddant.
    28 Plant dy weision a barhânt : a’u had a sicrhêir ger dy fron di.
 

PSALM CIII. Benedic, anima mea.

FY enaid, bendithia’r Arglwydd : a chwbl sydd ynof, ei Enw sanctaidd ef.
    2 Fy enaid, bendithia’r Arglwydd : ac nac anghofia ei holl ddoniau ef;
    3 Yr hwn sydd yn maddeu dy holl anwireddau : yr hwn sydd yn iachâu dy holl lesgedd;
    4 Yr hwn sydd yn gwaredu dy fywyd o ddistryw: yr hwn sydd yn dy goroni â thrugaredd ac â thosturi;
    5 Yr hwn sydd yn diwallu dy enau â daioni : fel yr adnewyddir dy ieuengctid fel yr eryr.
    6 Yr Arglwydd sydd yn gwneuthur cyfiawnder a barn: i’r rhai gorthrymmedig oll.
    7 Hyspysodd ei ffyrdd i Moses : ei weithredoedd i feibion Israel.
    8 Trugarog a graslawn yw’r Arglwydd : hwyrfrydig i lid, a mawr o drugarowgrwydd.
    9 Nid byth yr ymryson efe : ac nid byth y ceidw efe’ ei ddigofaint.
    10 Nid yn ol ein pechodau y gwnaeth efe â ni : ac nid yn ol ein hanwireddau y talodd efe i ni.
    11 Canys cyfuwch ag yw’r nefoedd uwchlaw’r ddaear : y rhagorodd ei drugaredd ef ar y rhai a’i hofnant ef.
    12 Cyn belled ag yw’r dwyrain oddi wrth y gorllewin : y pellhaodd efe ein camweddau oddi wrthym.
    13 Fel y tosturia tad wrth ei blant : felly y tosturia’r Arglwydd wrth. y rhai a’i hofnant ef.
    14 Canys efe a edwyn ein defnydd ni : cofia mai llwch ydym.
    15 Dyddiau dyn sy fel glaswelltyn : megis blodeuyn y maes, felly y blodeua efe.
    16 Canys y gwŷnt a â drosto, ac ni bydd mwy o hono : a’i le nid edwyn ddim o hono ef mwy.
    17 Ond trugaredd yr Arglwydd sydd o dragywyddoldeb hyd dragywyddoldeb, ar y rhai a’i hofnant ef : a’i gyfiawnder i blant eu plant;
    18 I’r sawl a gadwant ei gyfammod ef : ac a gofiant ei orchymynion i’w gwneuthur.
    19 Yr Arglwydd a barottôdd ei orseddfa yn y nefoedd : a’i frenhiniaeth ef sydd yn llywodraethu ar bob peth.
    20 Bendithiwch yr Arglwydd, ei angylion ef, cedyrn o nerth: yn gwneuthur ei air ef, gan wrando ar leferydd ei air ef.
    21 Bendithiwch yr Arglwydd, ei holl luoedd ef: ei holl weision yn gwneuthur ei ewyllys ef.
    22 Bendithiwch yr Arglwydd, ei holl weithredoedd ef, ym mhob man o’i lywodraeth: Fy enaid, bendithia’r Arglwydd.
 

PRYDNHAWNOL WEDDI.

PSALM CIV. Benedic, anima mea.

FY enaid, bendithia’r Arglwydd : O Arglwydd fy Nuw, tra mawr ydwyt; gwisgaist ogoniant a harddwch.
    2 Yr hwn wyt yn gwisgo goleuni fel dilledyn : ac yn taenu’r nefoedd fel llen.
    3 Yr hwn sy’n gosod tylathau ei stafelloedd yn y dyfroedd : yn gwneuthur y cymylau yn gerbyd iddo; ac yn rhodio ar adenydd y gwynt.
    4 Yr hwn sydd yn gwneuthur ei genhadon yn ysprydion : a’i weinidogion yn dân fflamllyd.
    5 Yr hwn a seiliodd y ddaear ar ei sylfeini : fel na symmudo byth yn dragywydd.
    6 Toaist hi â’r gorddyfnder, megis â gwisg : y dyfroedd a safent goruwch y mynyddoedd.
    7 Gan dy gerydd di y ffoisant : rhag swn dy daran y prysurasant ymaith.
    8 Gan y mynyddoedd yr ymgodant : ar hŷd y dyffrynoedd y disgynant, i’r lle a seiliaist iddynt.
    9 Gosodaist derfyn, fel nad elont drosodd : fel na ddychwelont i orchuddio’r ddaear.
    10 Yr hwn a yrr y ffynhonnau i’r dyffrynoedd : y rhai a gerddant rhwng y bryniau.
    11 Dlodant holl fwystfilod y maes : yr asynod gwylltion a dorrant eu syched.
    12 Adar y nefoedd a drigant ger llaw iddynt: y rhai a leisiant oddi rhwng y cangau.
    13 Y mae efe’n dyfrhâu’r bryniau o’i ’stafelloedd : y ddaear a ddigonir o ffrwyth dy weithredoedd.
    14 Y mae yn peri i’r gwellt dyfu i’r anifeiliaid, a llysiau i wasanaeth dyn : fel y dycco fara allan o’r ddaear;
    15 A gwin, yr hwn a lawenycha galon dyn; ac olew, i beri i’w wyneb ddisgleirio : a bara, yr hwn a gynnal galon dyn.
    16 Preniau’r Arglwydd sy lawn sugn : cedrw?dd Libanus, y rhai a blannodd efe;
    17 Lle y nytha’r adar : y ffynnidwŷdd yw tŷ’r ciconia.
    18 Y mynyddoedd uchel sy noddfa i’r geifr : a’r creigiau i’r cwningod.
    19 Efe a wnaeth y lleuad i amserau nodedig: yr haul a edwyn ei fachludiad.
    20 Gwnei dywyllwch, a nos fydd : ynddi yr ymlusga pob bwystfil coed.
    21 Y cenawon llewod a ruant am ysglyfaeth : ac a geisiant eu bwyd gan Dduw.
    22 Pan godo haul, ymgasglant : a gorweddant yn eu llochesau.
    23 Dyn a â allan i’w waith : ac i’w orchwyl hyd yr hwyr.
    24 Mor 1lïosog yw dy weithredodd, O Arglwydd! gwnaethost hwynt oll mewn doethineb : llawn yw’r ddaear o’th gyfoeth.
    25 Felly y mae’r môr mawr, llydan : yno y mae ymlusgiaid heb rifedi, bwystfilod bychain a mawrion.
    26 Yno’r â’r llongau : yno y mae’r lefiathan, yr hwn a luniaist i chwarae ynddo.
    27 Y rhai hyn oll a ddisgwyliant wrthyt : am roddi iddynt eu bwyd yn ei bryd.
    28 A roddech iddynt, a gasglant: agori dy law, a diwellir hwynt â daioni.
    29 Ti a guddi dy wyneb, hwythau a drallodir : dygi ymaith eu hanadl, a threngant, a dychwelant i’w llwch.
    30 Pan ollyngych dy yspryd, y creïr hwynt: ac yr adnewyddi wyneb y ddaear.
    31 Gogoniant yr Arglwydd fydd yn dragywydd : yr Arglwydd a lawenycha yn ei weithredoedd.
    32 Efe a edrych ar y ddaear, a hi a gryna : efe a gyffwrdd â’r mynyddoedd, a hwy a fygant.
    33 Canaf i’r Arglwydd tra fyddwyf fyw : canaf i’m Duw tra fyddwyf.
    34 Bydd melus fy myfyrdod am dano : mi a lawenychaf yn yr Arglwydd.
    35 Darfydded y pechaduriaid o’r tir; na fydded yr annuwiolion mwy : Fy enaid, bendithia di’r Arglwydd. Molwch yr Arglwydd.
 

BOREOL WEDDI.

PSALM CV. Confitemini Domino.

CLODFORWOH yr Arglwydd; gelwch ar ei Enw : mynegwch ei weithredoedd ym mysg y bobloedd.
    2 Cenwch iddo, canmolwch ef : ymddiddenwch am ei holl ryfeddodau ef.
    3 Gorfoleddwch yn ei Enw sanctaidd : llawenyched calon y rhai a geisiant yr Arglwydd.
    4 Ceisiwch yr Arglwydd a’i nerth : ceisiwch ei wyneb ef bob amser.
    5 Cofiwch ei ryfeddodau y rhai a wnaeth efe : ei wyrthiau, a barnedigaethau ei enau;
    6 Chwi had Abraham ei was ef : chwi meibion Jacob, ei etholedigion.
    7 Efe yw’r Arglwydd ein Duw ni : ei farnedigaethau ef sy trwy’r holl ddaear.
    8 Cofiodd ei gyfammod byth: y gair a orchymynodd efe i fil o genhedlaethau;
    9 Yr hyn a ammododd efe âg Abraham: a’i lw i Isaac;
    10 A’r hyn a osododd efe yn ddeddf i Jacob : ac yn gyammod tragywydd ol i Israel;
    11 Gan ddywedyd, I ti Y rhoddaf dir Canaan : rhandir eich etifeddiaeth.
    12 Pan oeddynt ychydig o rifedi : ïe, ychydig, a dïeithriaid ynddi:
    13 Pan rodient o genhedlaeth i genhedlaeth: o’r nl1ill deyrnas at bobl arall;
    14 Ni adawodd i neb eu gorthrymmu : ïe, ceryddodd frenhinoedd o’u plegid;
    15 Gan ddywedyd, Na chyffyrddwch â’m rhai enneiniog : ac na ddrygwch fy mhrophwydi.
    16 Galwodd hefyd am newyn ar y tir : a dinystriodd holl gynhaliaeth bara.
    17 Anfonodd wr o’u blaen hwynt : Joseph, yr hwn a werthwyd yn was.
    18 Cystuddiasant ei draed ef mewn gefyn : ei enaid a aeth mewn heiyrn;
    19 Hyd yr amser y daeth ei air ef : gair yr Arglwydd a’i profodd ef.
    20 Y brenhin a afonodd, ac a’i gollyngodd ef : llywodraethwr y bobl, ac a’i rhyddhaodd ef.
    21 Gosododd ef yn arglwydd ar ei dŷ : ac yn llywydd ar ei holl gyfoeth;
    22 I rwymo ei dywysogion ef wrth ei ewyllys : ac i ddysgu doethineb i’w henuriaid ef.
    23 Aeth Israel hefyd i’r Aipht : a Jacob a ymdeithiodd yn nhir Ham.
    24 Ac efe a gynnyddodd ei bobl yn ddirfawr : ac a’u gwnaeth yn gryfach nâ’u gwrthwynebwŷr.
    25 Trodd eu calon hwynt i gasâu ei bobl ef: i wneuthur yn ddichellgar â’i weision.
    26 Efe a anfonodd Moses ei was : ac Aaron, yr hwn a ddewisasai.
    27 Hwy a ddangosasant ei arwyddion ef yn eu plith hwynt : a rhyfeddodau yn nhir Ham.
    28 Efe a anfonodd dywyllwch, ac a dywyllodd : ac nid anufuddhasant hwy ei air ef.
    29 Efe a drodd eu dyfroedd yn waed : ac a laddodd eu pysgod.
    30 Eu tir a heigiodd lyffaint : yn ystafelloedd eu brenhinoedd.
    31 Efe a ddywedodd, a daeth cymmysgbla : a llau yn eu holl fro hwynt.
    32 Efe a wnaeth eu gwlaw hwynt yn genllysg : ac yn fflammau tân yn eu tir.
    33 Tarawodd hefyd eu gwinwŷdd, a’u ffigyswŷdd : ac a ddrylliodd goed eu gwlad hwynt.
    34 Efe a ddywedodd, a daeth y locustiaid : a’r lindys, yn aneirif;
    35 Y rhai a fwyttasant yr holl laswellt yn eu tir hwynt: ac a ddifasant ffrwyth eu daear hwynt.
    36 Tarawodd hefyd bob cyntaf-anedig yn eu tir hwynt : blaen-ffrwyth eu holl nerth hwynt.
    37 Ac a’u dug hwynt allan âg arian ac aur: ac heb un llesg yn eu llwythau.
    38 Llawenychodd yr Aipht pan aethant allan : canys syrthiasai eu harswyd arnynt hwy.
    39 Efe a daenodd gwmmwl yn dô : a thân i oleuo liw nos.
    40 Gofynasant, ac efe a ddug soflieir : ac a’u diwallodd â bara nefol.
    41 Efe a holltodd y graig, a’r dyfroedd a ddylifodd : cerddasant ar h?d lleoedd sychion yn afonydd.
    42 Canys efe a gofiodd ei air sanctaidd : ac Abraham ei was;
    43 Ac a ddug ei bobl allan mewn llawenydd: ei etholedigion mewn gorfoledd.
    44 Ac a roddes iddynt diroedd y cenhedloedd: a meddiannasant lafur y bobloedd:
    45 Fel y cadwent ei ddeddfau ef : ac y cynhalient ei gyfreithiau. Molwch yr Arglwydd.
 

PRYDNRAWNOL WEDDI.

PSALM CVI. Confitemini Domino.

MOLWCH yr Arglwydd. Clodforwch yr Arglwydd; canys da yw : o herwydd ei drugaredd a bery yn dragywydd.
    2 Pwy a draetha nerthoedd yr Arglwydd : ac a fynega ei holl fawl ef?
    3 Gwỳn eu byd a gad want farn: a’r hwn a wnel gyfiawnder bob amser.
    4 Cofia fi, Arglwydd, yn ol dy raslonrwydd i’th bobl : ymwêl â mi â’th iachawdwriaeth.
    5 Fel y gwel wyf ddaioni dy etholedigion : fel y llawenychwyf yn llawenydd dy genedl di; fel y gorfoleddwyf gyd â’th etifeddiaeth.
    6 Pechasom gyd â’n tadau: gwnaethom gamwedd; anwireddus fuom.
    7 Ein tadau ni ddeallasant dy ryfeddodau yn yr Aipht; ni chofiasant lïosowgrwydd dy drugareddau : eithr gwrthryfelgar fuont wrth y môr, sef y môr coch.
    8 Etto efe a’u hachubodd hwynt er mwyn ei Enw : i beri adnabod ei gadernid:
    9 Ac a geryddodd y môr coch, fel y sychodd efe : a thywysodd hwynt trwy’r dyfnder, megis trwy’r anialwch.
    10 Achubodd hwynt hefyd o law eu digasog : ac a’u gwaredodd o law y gelyn.
    11 A’r dyfroedd a doisant eu gwrthwynebwŷr : ni adawyd un o honynt.
    12 Yna y credasant ei eiriau ef : canasant ei fawl ef.
    13 Yn y fan yr anghofiasant ei weithredoedd ef : ni ddisgwyliasant am ei gyngor ef:
    14 Eithr blysiasant yn ddirfawr yn yr anialwch: a themtiasant Dduw yn y diffaethwch.
    15 Ac efe a roddes eu dymuniad iddynt : eithr efe a anfonodd gulni i’w henaid.
    16 Cynfigennasant hefyd wrth Moses yn y gwersyll : ac wrth Aaron sant yr Arglwydd.
    17 Y ddaear a agorodd, ac a lyngcodd Dathan : ac a orchuddiodd gynnulleidfa Abiram.
    18 Cynneuodd tân hefyd yn eu cynnulleidfa hwynt : fflam a losgodd y rhai annuwiol.
    19 Llo a wnaethant yn Horeb : ac ymgrymmasant i’r ddelw dawdd.
    20 Felly y troisant eu gogoniant : i lun eidion yn pori glaswellt.
    21 Anghofiasant Dduw eu Hachubwr : yr hwn a wnelsai bethau mawrion yn yr Aipht;
    22 Pethau rhyfedd yn nhir Ham : pethau ofnadwy wrth y môr coch.
    23 Am hynny y dywedodd y dinystriai efe hwynt, oni buasai i Moses ei etholedig sefyll ar yr adwyo’i flaen ef : i droi ymaith ei lidiowgrwydd ef, rhag eu dinystrio.
    24 Dïystyrasant hefyd y tir dymunol : ni chredasant ei air ef;
    25 Ond grwgnachasant yn eu pebyll : ac ni wrandawsant ar lais yr Arglwydd.
    26 Yna y dyrchafodd efe ei law yn eu herbyn hwynt: i’w cwympo yn yr anialwch;
    27 Ac i gwympo eu had ym mysg y cenhedloedd : ac i’w gwasgaru yn y tiroedd.
    28 Ymgyssylltasant hefyd â Baal-Peor : a bwyttasant ebyrth y meirw.
    29 Felly y digiasant ef â’u dychymmygion eu hun : ac y tarawodd pla yn eu mysg hwy.
    30 Yna y safodd Phinees, ac a iawn-farnodd: a’r pla a attaliwyd.
    31 A chyfrifwyd hyn iddo yn gyfiawnder: o genhedlaeth i genhedlaeth byth.
    32 Llidiasant ef hefyd wrth ddyfroedd y gynnen : fel y bu ddrwg i Moses o’u plegid hwynt;
    33 O herwydd cythruddo o honynt ei yspryd ef : fel y cam-ddywedodd â’i wefusau.
    34 Ni ddinystriasant y bobloedd : am y rhai y dywedasai’r Arglwydd wrthynt;
    35 Eithr ymgymmysgasant â’r cenhedloedd : a dysgasant eu gweithredoedd hwynt;
    36 A gwasanaethasant eu delwau hwynt : y rhai a fu yn fagl iddynt.
    37 Aberthasant hefyd eu meibion : a’u merched i gythreuliaid,
    38 Ac a dywalltasant waed gwirion, sef gwaed eu meibion a’u merched : y rhai a aberthasant i ddel wau Canaan; a’r tir a halogwyd â gwaed.
    39 Felly’r ymhalogasant yn eu gweithredoedd eu hun : ac y putteiniasant gyd â’u dychymmygion:
    40 Am hynny y cynneuodd dig yr Arglwydd yn erbyn ei bobl : fel y ffieiddiodd efe ei etifeddiaeth.
    41 Ac efe a’u rhoddes hwynt yn llaw’r cenhedloedd : a’u caseion a lywodraethasant arnynt.
    42 Eu gelynion hefyd a’u gorthrymmasant : a darostyngwyd hwynt dan eu dwylaw hwy.
    43 Llawer gwaith y gwaredodd efe hwynt; hwythau a’i digiasant ef â’u cyngor eu hun : a hwy a wanhychwyd am eu hanwiredd.
    44 Etto efe a edrychodd pan oedd ing arnynt : pan glywodd eu llefain hwynt.
    45 Ac efe a gofiodd ei gyfammod â hwynt : ac a edifarhaodd yn ol llïosowgrwydd ei drugareddau;
    46 Ac a wnaeth iddynt gael trugaredd : gan y rhai oll a’u caethiwai.
    47 Achub ni, O Arglwydd ein Duw, a chynnull ni o blith y cenhedloedd : i glodfori dy Enw sanctaidd, ac i orfoleddu yn dy foliant.
    48 Bendigedig fyddo Arglwydd Dduw Israel eriôed ac yn dragywydd : a dyweded yr holl bobl, Amen. Molwch yr Arglwydd.
 

BOREOL WEDDI.

PSALM CVII. Confitemini Domino.

CLODFORWCH yr Arglwydd; canys da yw : o herwydd ei drugaredd sydd yn dragywydd.
    2 Felly dyweded gwaredigion yr Arglwydd : y rhai a waredodd efe o law y gelyn;
    3 Ac a gasglodd efe o’r tiroedd, o’r dwyrain : ac o’r gorllewin, o’r gogledd, ac o’r dehau.
    4 Crwydrasant yn yr anialwch mewn ffordd ddisathr: heb gael dinas i aros ynddi;
    5 Yn newynog ac yn sychedig : eu henaid a lewygodd ynddynt.
    6 Yna y llefasant ar yr Arglwydd yn eu cyfyngder : ac efe a’u gwaredodd o’u gorthrymderau;
    7 Ac a’u tywysodd hwynt ar hŷd y ffordd uniawn : i fyned i ddinas gyfanneddol.
    8 O’ na foliannent yr Arglwydd am ei ddaioni : a’i ryfeddodau i feibion dynion!
    9 Canys efe a ddiwalla’r enaid sychedig : ac a leinw’r enaid newynog â daioni.
    10 Y rhai a breswyliant yn y tywyllwch a chysgod angau : yn rh wyrn mewn cystudd a haiarn;
    11 O herwydd anufuddhâu o honynt eiriau Duw : a dirmygu cyngor y Goruchaf.
    12 Am hynny yntau a ostyngodd eu calon â blinder : syrthiasant, ac nid oedd cynorthwywr.
    13 Yna y gwaeddasant ar yr Arglwydd yn eu cyfyngder : ac efe a’u hachubodd o’u gorthrymderau.
    14 Dug hwynt allan o dywyllwch a chysgod angau: a drylliodd eu rhwymau hwynt.
    15 O na foliannent yr Arglwydd am ei ddaioni : a’i ryfeddodau i feibion dynion!
    16 Canys efe a dorrodd y pyrth pres : ac a ddrylliodd y barrau heiyrn.
    17 Ynfydion, oblegid eu camweddau : ac o herwydd eu hanwireddau, a gystuddir.
    18 Eu henaid a ffieiddiai bob bwyd : a daethant hyd byrth angau.
    19 Yna y gwaeddasant ar yr Arglwydd yn eu cyfyngder : ac efe a’u hachubodd o’u gorthrymderau.
    20 Anfonodd ei air, ac iachaodd hwynt: ac a’u gwaredodd o’u dinystr.
    21 O na foliannent yr Arglwydd am ei ddaioni : a’i ryfeddodau i feibion dynion!
    22 Aberthant hefyd aberth moliant: a mynegant ei weithredoedd ef mewn gorfoledd.
    23 Y rhai a ddisgyn ant mewn llongau i’r môr: gan wneuthur eu gorchwyl mewn dyfroedd mawrion.
    24 Hwy a welant weithredoedd yr Arglwydd : a’i ryfeddodau yn y dyfnder.
    25 Canys efe a orchymyn, a chyfyd tymmestl-wỳnt : yr hwn a ddyrchafa ei donnau ef.
    26 Hwy a esgynant i’r nefoedd, disgynant i’r dyfnder : tawdd eu henaid gan flinder.
    27 Ymdroant, ac ymsymmudant fel meddwyn : a’u holl ddoethineb a ballodd.
    28 Yna y gwaeddant ar yr Arglwydd yn eu cyfyngder : ac efe a’u dwg allan o’u gorthrymderau.
    29 Efe a wna’r ystorm yn dawel : a’i thonnau a ostegant.
    30 Yna y llawenhânt am eu gostegu: ac efe a’u dwg i’r porthladd a ddymunent.
    31 O na foliannent yr Arglwydd am ei ddaioni : a’i ryfeddodau i feibion dynion!
    32 A dyrchafant ef ynghynnulleidfa’r bobl : a moliannant ef yn eisteddfod yr henuriaid.
    33 Efe a wna afonydd yn ddiffaethwch : a ffynhonnau dyfroedd yn sychdir;
    34 A thir ffrwythlawn yn ddiffrwyth : am ddrygioni y rhai a drigant ynddo.
    35 Efe a dry’r anialwch yn llyn dwfr : a’r tir cras yn ffynhonnau dwfr.
    36 Ac yno y gwna i’r newynog aros : fel y darparont ddinas i gyfanneddu;
    37 Ac yr hauont feusydd, ac y plannont winllannoedd : y rhai a ddygant ffrwyth toreithiog.
    38 Ac efe a’u bendithia hwynt fel yr amlhânt yn ddirfawr : ac ni ad i’w hanifeiliaid leihâu.
    39 Lleihêir hwynt hefyd, a gostyngir hwynt : gan gyfyngder, drygfyd, a chyn i.
    40 Efe a dywallt ddirmyg ar foneddigion : ac a wna iddynt grwydro mewn anialwch heb ffordd.
    41 Ond efe a gyfyd y tlawd o gystudd : ac a wna iddo deuluoedd fel praidd.
    42 Y rhai uniawn a wellant hyn, ac a lawenychant : a phob anwiredd a gau ei safn.
    43 Y neb sy ddoeth, ac a gadwo hyn : hwy a ddeallant drugareddau’r Arglwydd.
 

PRYDNHAWNOL WEDDI.

PSALM CVIII. Paratum cor meum.

PAROD yw fy nghalon, O Dduw : canaf a chanmolaf â’m gogoniant.
    2 Deffro, y nabl a’r delyn : minnau a ddeffroaf yn fore.
    3 Clodforaf di, Arglwydd, I ym mysg y bobloedd : canmolaf di ym mysg y cenhedloedd.
    4 Canys mawr yw dy drugaredd oddi ar y nefoedd : a’th wirionedd a gyrraedd hyd yr wybren.
    5 Ymddyrcha, O Dduw, uwch y nefoedd : a bydded dy ogoniant ar yr holl ddaear;
    6 Fel y gwareder dy rai anwyl : achub â’th ddeheulaw, a gwrando fi.
    7 Duw a lefarodd yn ei sancteiddrwydd : Llawenychaf, rhannaf Sichem, a mesuraf ddyffryn Succoth.
    8 Eiddof fi yw Gilead; eiddof fi Manasseh : Ephraim hefyd yw nerth fy mhen; Judah yw fy neddfwr.
    9 Moab yw fy nghrochan golchi : tros Edom y taflaf fy esgid; buddugoliaethaf ar Philistia.
    10 Pwy a’m dwg i’r ddinas gadarn : pwy a’m dwg hyd yn Edom?
    11 Onid tydi, O Dduw, yr hwn a’n bwriaist ymaith : ac onid ai di allan, O Dduw, gyd â’n lluoedd?
    12 Dyro i ni gynhorthwy rhag cyfyngder : canys gau yw ym wared dyn.
    13 Trwy Dduw y gwnawn wroldeb : canys efe a sathr ein gelynion.
 

PSALM CIX. Deus laudum.

NA thaw : O Dduw fy moliant.
   2 Canys genau’r annuwiol a genau’r twyllodrus a ymagorasant arnaf : â thafod celwyddog y llefarasant i’m herbyn.
    3 Cylchynasant fi hefyd â geiriau cas : ac ymladdasant â mi heb achos.
    4 Am fy ngharedigrwydd y’m gwrthwynebant : minnau a arferaf weddi.
    5 Talasant hefyd i mi ddrwg am dda : a chas am fy nghariad.
    6 Gosod dithau un annuwiol arno ef : a safed Satan wrth ei ddeheulaw ef.
    7 Pan farner ef, eled yn euog : a bydded ei weddi yn bechod.
    8 Ychydig fyddo ei ddyddiau : a chymmered arall ei swydd ef.
    9 Bydded ei blant yn amddifaid : a’i wraig yn weddw.
    10 Gan grwydro hefyd crwydred ei blant ef, a chardottant : ceisiant hefyd eu bara o’u hanghyfanneddleoedd.
    11 Rhwyded y ceisiad yr hyn oll sy ganddo : ac anrheithied dïeithriaid ei lafur ef.
    12 Na fydded neb a est yno drugaredd iddo : ac na fydded neb a drugarhao wrth ei amddifaid ef.
    13 Torrer ymaith ei hiliogaeth ef : dilëer eu henw yn yr oes nesaf.
    14 Cofier anwiredd ei dadau o flaen yr Arglwydd : ac na ddilëer pechod ei fam ef.
    15 Byddant bob amser ger bron yr Arglwydd : fel y torro efe ymaith eu coffadwriaeth o’r tir:
    16 Am na chofiodd wneuthur trugaredd: eithr erlid o hono y truan a’r tlawd, a’r cystuddiedig o galon, i’w ladd.
    17 Hoffodd felldith, a hi a ddaeth iddo : ni fynnai fendith, a hi a bellhaodd oddi wrtho.
    18 Ië, gwisgodd felldith fel dilledyn : a hi a ddaeth fel dwfr i’w fewn, ac fel olew i’w esgyrn.
    19 Bydded iddo fel dilledyn yr hwn a wisgo efe: ac fel gwregys a’i gwregyso ef yn wastadol.
    20 Hyn fyddo tâl fy ngwrthwynebwŷr gan yr Arglwydd : a’r rhai a ddywedant ddrwg yn erbyn fy enaid.
    21 Tithau, Arglwydd Dduw, gwna erof fi er mwyn dy Enw : am fod yn dda dy drugaredd, gwared fi.
    22 Canys truan a thlawd ydwyf fi : a’m calon a archollwyd o’m mewn.
    23 Aethum fel cysgod pan gilio : fel locust y’m hysgydwir.
    24 Fy ngliniau a aethant yn egwan gan ympryd : a’m cnawd a guriodd o eisiau brasder.
    25 Gwaradwydd hefyd oeddwn iddynt : pan welent fi, siglent eu pennau.
    26 Cynnorthwya fi, O Arglwydd fy Nuw : achub fi yn ol dy drugaredd;
    27 Fel y gwypont mai dy law di yw hyn : mai ti, Arglwydd, a’i gwnaethost.
    28 Melldithiant hwy, ond bendithia di : cywilyddier hwynt, pan gyfodant; a llawenyched dy was.
    29 Gwisger fy ngwrthwynebwŷr â gwarth : ac ymwisgant â’u cywilydd, megis â chochlo
    30 Clodforaf yr Arglwydd yn ddirfawr â’m genau : ïe, moliannaf ef ym mysg llawer.
    31 O herwydd efe a saif ar ddeheulaw’r tlawd : i’w achub oddi wrth y rhai a farnant ei enaid.
 

BOREOL WEDDI.

PSALM CX. Dixit Dominus.

DYWEDODD yr Arglwydd wrth fy Arglwydd : Eistedd ar fy neheulaw, hyd oni osod wyf dy elynion yn faingc i’th draed.
    2 Gwïalen dy nerth a enfyn yr Arglwydd o Sïon : llywodraetha di ynghanol dy elynion.
    3 Dy bobl a fyddant ewyllysgar yn nydd dy nerth, mewn harddwch sancteiddrwydd : o groth y wawr y mae gwlith dy enedigaeth i ti.
    4 Tyngodd yr Arglwydd, ac nid edifarhâ : Ti wyt offeiriad yn dragywydd ol, yn ol urdd Melchisedec.
    5 Yr Arglwydd ar dy ddeheulaw : a drywana frenhinoedd yn nydd ei ddigofaint.
    6 Efe a farn ym mysg y cenhedloedd; lleinw leoedd â chelaneddau : archolla ben llawer gwlad.
    7 Efe a ŷf o’r afon ar y ffordd : am hynny y dyrcha efe ei ben.
 

PSALM CXI. Confitebor tibi.

MOLWCH yr Arglwydd. Clodforaf yr Arglwydd â’m holl galon : ynghymmanfa y rhai uniawn, ac yn y gynnulleidfa.
    2 Mawr yw gweithredoedd yr Arglwydd: wedi eu ceisio gan bawb a’u hofiant.
    3 Gogoniant a harddwch yw ei waith ef : a’i gyfiawnder sydd yn parhâu byth.
    4 Gwnaeth gofio ei ryfeddodau : graslawn a thrugarog yw’r Arglwydd.
    5 Rhoddodd ymborth i’r rhai a’i hofnant ef : efe a gofia ei gyfammod yn dragywydd.
    6 Mynegodd i’w bobl gadernid ei weithredoedd : i roddi iddynt etifeddiaeth y cenhedloedd.
    7 Gwirionedd a barn yw gweithredoedd ei ddwylaw ef : ei holl orchymynion ydynt sicr;
    8 Wedi eu sicrhâu byth ac yn dragywydd: a’u gwneuthur mewn gwirionedd ac uniawnder.
    9 Anfonodd ymwared i’w bobl; gorchymynodd ei gyfammod yn dragywyddol : sancteiddiol ac ofnadwy yw ei Enw ef.
    10 Dechreuad doethineb yw ofn yr Arglwydd : deall da sy gan y rhai a wnant ei orchymynion ef; y mae ei foliant ef yn parhâu byth.
 

PSALM CXII. Beatus vir.

MOLWCH yr Arglwydd. Gwỳn ei fyd y gwr a ofna’r Arglwydd : ac sydd yn hoffi ei orchymynion ef yn ddirfawr.
    2 Ei had fydd cadarn ar y ddaear : cenhedlaeth y rhai uniawn a fendithir.
    3 Golud a chyfoeth fydd yn ei dŷ ef : a’i gyfiawnder sydd yn parhâu byth.
    4 Cyfyd goleuni i’r rhai uniawn yn y tywyllwch : trugarog, a thosturiol, a chyfiawn, yw efe.
    5 Gwr da sy gymmwynasgar, ac yn rhoddi benthyg : wrth farn y llywodraetha efe ei achosion.
    6 Yn ddïau nid ysgogir ef byth : y cyfiawn fydd byth mewn coffadwriaeth.
    7 Nid ofna efe rhag chwedl drwg : ei galon sy ddisigl, yn ymddiried yn yr Arglwydd.
    8 Attegwyd ei galon; nid ofna efe : hyd oni welo ei ewyllys ar ei elynion.
    9 Gwasgarodd, rhoddodd i’r tlodion : a’i gyfiawnder sydd yn parhâu byth; ei gorn a ddyrchefir mewn gogoniant.
    10 Yr annuwiol a wêl hyn, ac a ddigia; efe a ysgyrnyga ei ddannedd, ac a dawdd ymaith : derfydd am ddymuniad y rhai annuwiol.
 

PSALM CXIII. Laudate, pueri.

MOLWCH yr Arglwydd. Gweision yr Arglwydd, molwch : le, molwch Enw’r Arglwydd.
    2 Bendigedig fyddo Enw’r Arglwydd : o hyn allan ac yn dragywydd.
    3 O godiad haul hyd ei fachludiad : moliannus yw Enw’r Arglwydd.
    4 Uchel yw yr Arglwydd goruwch yr holl genhedloedd : a’i ogoniant sy goruwch y nefoedd.
    5 Pwy sy fel yr Arglwydd ein Duw ni : yr hwn sydd yn preswylio yn uchel,
    6 Yr hwn a ymddarostwng : i edrych y pethau yn y nefoedd, ac yn y ddaear?
    7 Efe sydd yn codi’r tlawd o r llwch : ac yn dyrchafu yr anghenus o’r dommen,
    8 I’w osod gyd â phendefigion : le, gyd â phendefigion ei bobl.
    9 Yr hwn a wna i’r ammhlantadwy gadw tŷ : a bod yn llawen fam plant. Canmolwch yr Arglwydd.
 

PRYDNHAWNOL WEDDI.

PSALM CXIV. In exitu Israel.

PAN aeth Israel o’r Aipht : tŷ Jacob oddi wrth bobl anghyfiaith;
   2 Judah oedd ei sancteiddrwydd : ac Israel ei arglwyddiaeth.
    3 Y môr a welodd hyn, ac a giliodd : yr Iorddonen a drodd yn ol.
    4 Y mynyddoedd a neidiasant fel hyrddod : a’r bryniau fel ŵyn defaid.
    5 Beth a ddarfu i ti, O fôr, pan giliaist : tithau Iorddonen, paham y troaist yn ol?
    6 Paham, fynyddoedd, y neidiech fel hyrddod : a’r bryniau fel ŵyn defaid?
    7 Ofna di, ddaear, rhag yr Arglwydd: rhag Duw Jacob;
    8 Yr hwn sydd yn troi’r graig yn llyn dwfr: a’r gallestr yn ffynnon dyfroedd.
 

PSALM CXV. Non nobis, Domine.

NID i ni, O Arglwydd, nid i ni, ond i’th Enw dy hun dod ogoniant : er mwyn dy drugaredd, ac er mwyn dy wirionedd.
    2 Paham y dywedai’r cenhedloedd : Pa le yn awr y mae eu Duw hwynt?
    3 Ond ein Duw ni sydd yn y nefoedd : efe a wnaeth yr hyn a fynnodd oll.
    4 Eu delwau hwy ydynt o aur ac arian : gwaith dwylaw dynion.
    5 Genau sydd iddynt, ond ni lefarant : llygaid sy ganddynt, ond ni welant;
    6 Y mae clustiau iddynt, ond ni chlywant : ffroenau sy ganddynt, ond ni aroglant.
    7 Dwylaw sydd iddynt, ond ni theimlant; traed sydd iddynt, ond ni cherddant : ni leisiant ch waith â’u gwddf.
    8 Y rhai a’u gwnant ydynt fel hwythau : a phob un a ymddiriedo ynddynt.
    9 O Israel, ymddiried di yn yr Arglwydd : efe yw eu porth a’u tarian.
    10 Tŷ Aaron, ymddiriedwch yn yr Arglwydd : efe yw eu porth a’u tarian.
    11 Y rhai a ofnwch yr Arglwydd, ymddiriedwch yn yr Arglwydd : efe yw eu porth a’u tarian.
    12 Yr Arglwydd a’n cofiodd ni; efe a’n bendithia : bendithia efe dŷ Israel; bendithia efe dŷ Aaron.
    13 Bendithia efe y rhai a ofnant yr Arglwydd : fychain a mawrion.
    14 Yr Arglwydd a’ch ’chwanega chwi fwyfwy : chwychwi a’ch plant hefyd.
    15 Bendigedig ydych chwi gan yr Arglwydd : yr hwn a wnaeth nef a daear.
    16 Y nefoedd, ïe, ’r nefoedd ydynt eiddo’r Arglwydd : a’r ddaear a roddes efe i feibion dynion.
    17 Y meirw ni foliannant yr Arglwydd : na’r neb sydd yn disgyn i ddistawrwydd.
    18 Ond nyni a fendithiwn yr Arglwydd : o hyn allan ac yn dragywydd. Molwch yr Arglwydd.
 

BOREOL WEDDI.

PSALM CXVI. Dilexi, quoniam.

DA gennyf wrando o’r Arglwydd : ar fy llef a’m gweddïau.
   2 Am ostwng o hono ei glust attaf : am hynny llefaf dros fy nyddiau arno ef.
    3 Gofidion angau a’m cylchynasant, a gofidiau uffern a’m daliasant : ing a blinder a gefais.
    4 Yna y gelwais ar Enw’r Arglwydd: Attolwg, Arglwydd, gwared fy enaid.
    5 Graslawn yw’r Arglwydd, a chyfiawn : a thosturiol yw ein Duw ni.
    6 Yr Arglwydd sydd yn cadw y rhai annichellgar : tlodais, ac efe a’m hachubodd.
    7 Dychwel, O fy enaid, i’th orphwysfa: canys yr Arglwydd fu dda wrthyt.
    8 O herwydd i ti waredu fy enaid oddi wrth angau : fy llygaid oddi wrth ddagrau, a’m traed rhag llithro:
    9 Rhodiaf o flaen yr Arglwydd: yn nhir y rhai byw.
    10 Credais, am hynny y lleferais : cystuddiwyd fi’n ddirfawr.
    11 Mi a ddywedais yn fy ffrwst : Pob dyn sy gelwyddog.
    12 Beth a dalaf i’r Arglwydd : am ei holl ddoniau i mi?
    13 Phïol iachawdwriaeth a gymmeraf : ac ar Enw’r Arglwydd y galwaf.
    14 Fy addunedau a dalaf i’r Arglwydd : yn awr yngŵydd ei holl bobl ef.
    15 Gwerthfawr yngolwg yr Arglwydd : yw marwolaeth ei saint ef.
    16 O Arglwydd, yn ddïau dy was di ydwyf fi; dy was ch ydwyf fi : mab dy wasanaethwraig; dattodaist fy rhwymau.
    17 Aberthaf i ti aberth m011iant : a galwaf ar Enw’r Arglwydd.
    18 Talaf fy addunedau i’r Arglwydd : yn awr yngŵydd ei holl bobl,
    19 Ynghynteddoedd tŷ’r Arglwydd : yn dy ganol di, O Jerusalem. Molwch yr Arglwydd.
 

PSALM CXVII. Laudate Dominum.

MOLWCH yr Arglwydd, yr holl genhedloedd : clodforwch ef, yr holl bo bloedd.
    2 O herwydd ei drugaredd ef tu ag attom ni sy fawr : a gwirionedd yr Arglwydd a bery yn dragywydd. Molwch yr Arglwydd.
 

PSALM CXVIII. Confitemini Domino.

CLODFORWCH yr Arglwydd; canys da yw : o herwydd ei drugaredd a bery yn dragywydd.
    2 Dyweded Israel yr awr hon : fod ei drugaredd ef yn parhâu yn dragywydd.
    3 Dyweded tŷ Aaron yn awr : fod ei drugaredd ef yn parhâu yn dragywydd.
    4 Yn awr dyweded y rhai a ofnant yr Arglwydd : fod ei drugaredd ef yn parhâu yn dragywydd.
    5 Mewn ing y gelwais ar yr Arglwydd: yr Arglwydd a’m clybu, ac a’m gosododd mewn ehangder.
    6 Yr Arglwydd sy gyd â mi : nid ofnaf beth a wna dyn i mi?
    7 Yr Arglwydd sy gyd â mi ym mhlith fy nghynnorthwywŷr : am hynny y caf weled fy ewyllys ar fy nghaseion.
    8 Gwell yw gobeithio yn yr Arglwydd : nag ymddiried mewn dyn.
    9 Gwell yw gobeithio yn yr Arglwydd : nag ymddiried mewn tywysogion.
    10 Yr holl genhedloedd a’m hamgylchynasant : ond yn Enw’r Arglwydd mi a’u torraf hwynt ymaith.
    11 Amgylchynasant fi; ïe, amgylchynasant fi : ond yn Enw’r Arglwydd mi a’u torraf hwynt ymaith.
    12 Amgylchynasant fi fel gwenyn; diffoddasant fel tân drain : o herwydd yn Enw’r Arglwydd mi a’u torraf hwynt ymaith.
    13 Gan wthio y gwthiaist fi, fel y syrthiwn : ond yr Arglwydd a’m cynnorthwyodd.
    14 Yr Arglwydd yw fy nerth a’m cân : ac sydd iachawdwriaeth i mi.
    15 Llef gorfoledd a iachawdwriaeth sydd ym mhebyll y cyfiawn : deheulaw’r Arglwydd sydd yn gwneuthur grymmusder.
    16 Deheulaw’r Arglwydd a ddyrchafwyd : deheulaw’r Arglwydd sydd yn gwneuthur grymmusder.
    17 Ni byddaf farw, ond byw : a mynegaf weithredoedd yr Arglwydd.
    18 Gan gospi y’m cospodd yr Arglwydd : ond ni’m rhoddodd i farwolaeth.
    19 Agorwch i mi byrth cyfiawnder : af i mewn iddynt, a chlodforaf yr Arglwydd.
    20 Dyma borth yr Arglwydd: y rhai cyfiawn a ant i mewn iddo.
    21 Clodforaf di; o herwydd i ti fy ngwrando : a’th fod yn iachawdwriaeth i mi.
    22 Y maen a wrthododd yr adeiladwŷr: a aeth yn ben i’r gongl.
    23 O’r Arglwydd y daeth hyn : hyn oedd ryfedd yn ein gol wg ni.
    24 Dyma’r dydd a wnaeth yr Arglwydd : gorfoledd wn a llawenychwn ynddo.
    25 Attolwg, Arglwydd, achub yn awr : attolwg, Arglwydd, par yn awr lwyddiant.
    26 Bendigedig yw a ddêl yn Enw’r Arglwydd : bendithiasom chwi o dŷ’r Arglwydd.
    27 Duw yw’r Arglwydd, yr hwn a lewyrchodd i ni : rhwymwch yr aberth â rhaffau, hyd wrth gyrn yr allor.
    28 Fy Nuw ydwyt ti, a mi a’th glodforaf: dyrchafaf di, fy Nuw.
    29 Clodforwch yr Arglwydd; canys da yw : o herwydd yn dragywydd y pery ei drugaredd ef.
 

PRYDNHAWNOL WEDDI.

PSALM CXIX. Beati immaculati.

GWYN fyd y rhai perffaith eu ffordd : y rhai a rodiant ynghyfraith yr Arglwydd.
    2 Gwyn fyd y rhai a gadwant ei dystiolaethau ef : ac a’i ceisiant ef â’u holl galon.
    3 y rhai hefyd ni wnant anwiredd : hwy a rodiant yn ei ffyrdd ef.
    4 Ti a orchymynaist : gadw . dy orchymynion yn ddyfal.
    5 O am gyfeirio fy ffyrdd : i gadw dy ddeddfau!
    6 Yna ni’m gwaradwyddid: pan edrych wn ar dy holl orchymynion.
    7 Clodforaf di âg uniondeb calon : pan ddysgwyf farnedigaethau dy gyfiawnder.
    8 Cadwaf dy ddeddfau : O na ad fi’n hollol.

In quo corriget?

PA fodd y glanhâ llangc ei lwybr : wrth ymgadw yn ol dy air di.
   10 A’m holl galon y’th geisiais : na ad i mi gyfeiliorni oddi wrth dy orchymynion.
    11 Cuddiais dy ymadroddion yn fy nghalon : fel na phechwn i’th erbyn.
    12 Ti, Arglwydd, wyt fendigedig : dysg i mi dy ddeddfau.
    13 A’m gwefusau y traethais: holl farnedigaethau dy enau.
    14 Bu mor llawen gennyf ffordd dy dystiolaethau : â’r holl olud.
    15 Yn dy orchymynion y myfyriaf : ac ar dy lwybrau yr edrychaf.
    16 Yn dy ddeddfau’r ymddigrifaf: nid anghofiaf dy air.

Retribue servo tuo.

BYDD dda wrth dy was: fel y byddwyf byw, ac y cadwyf dy air.
    18 Datguddia fy llygaid: fel, y gwelwyf bethau rhyfedd allan o’th gyfraith di.
    19 Dïeithr ydwyf fi ar y ddaear : na chudd di rhagof dy orchymynion.
    20 Drylliwyd fy enaid gan awydd : i’th farnedigaethau bob amser.
    21 Ceryddaist y beilchion melldigedig : y rhai a gyfeiliornant oddi wrth dy orchymynion.
    22 Tro oddi wrthyf gywilydd a dirmyg : oblegid dy dystiolaethau di a gedwais.
    23 Trywysogion hefyd a eisteddasant, ac a ddywedasant i’m herbyn : dy was dithau a fyfyriai yn dy ddeddfau.
    24 A’th dystiolaethau oeddynt fy hyfrydwch : a’m cynghorwŷr.

Adhmsit pavimento.

GLYNODD fy enaid wrth y llwch : bywhâ fi yn ol dy air.
   26 Fy ffyrdd a fynegais, a gwrandewaist fi : dysg i mi dy ddeddfau.
    27 Gwna i mi ddeall ffordd dy orchymynion : a mi a fyfyriaf yn dy ryfeddodau.
    28 Diferodd fy enaid gan ofid : nertha fi yn ol dy air.
    29 Cymmer oddi wrthyf ffordd y celwydd: ac yn raslawn dod i mi dy gyfraith.
    30 Dewisais ffordd gwirionedd : gosodais dy farnedigaethau o’m blaen.
    31 Glynais wrth dy dystiolaethau : O Arglwydd, na’m gwaradwydda.
    32 Ffordd dy orchymynion a redaf: pan ehangech fy nghalon.
 

BOREOL WEDDI.

Legem pone.

DYSG i mi, O Arglwydd, ffordd dy ddeddfau : a chadwaf hi hyd Y diwedd.
    34 Gwna i mi ddeall, a chadwaf dy gyfraith : ïe, cadwaf hi â’m holl galon.
    35 Gwna i mi gerdded yn llwybr dy orchymynion : canys ynddo y mae fy ewyllys.
    36 Gostwng fy nghalon at dy dystiolaethau : ac nid at gybydd-dra.
    37 Tro heibio fy llygaid, rhag edrych ar wagedd : a bywhâ fi yn dy ffyrdd.
    38 Sicrhâ dy air i’th was : yr hwn sy’n ymroddi i’th ofn di.
    39 Tro heibio fy ngwaradwydd yr wyf yn ei ofni : canys dy farnedigaethau sy dda.
    40 Wele, awyddus ydwyf i’th orchymynion : gwna i mi fyw yn dy gyfiawnder.

Et veniat super me.

DEUED i mi dy drugaredd, Arglwydd : a’th iachawdwriaeth yn ol dy air.
    42 Yna yr attebaf i’m cablydd : o herwydd yn dy air y gobeithiais.
    43 Na ddwg dithau air y gwirionedd o’m genau yn llwyr : o herwydd yn dy farnedigaethau di y gobeithiais.
    44 A’th gyfraith a gadwaf yn wastadol : byth ac yn dragywydd.
    45 Rhodiaf hefyd mewn ehangder : o herwydd dy orchymynion di a geisiaf.
    46 Ac am dy dystiolaethau di y llefaraf o flaen brenhinoedd : ac ni bydd cywilydd gennyf.
    47 Ac ymddigrifaf yn dy 0r’chymynion : y rhai a hoffais.
    48 A’m dwylaw a ddyrchafaf at dy orchymynion, y rhai a gerais : a mi a fyfyriaf yn dy ddeddfau.

Memor esto servi tui.

COFIA’r gair wrth dy was : yn yr hwn y peraist i mi obeithio.
   50 Dyma fy nghysur yn fy nghystudd : canys dy air di a’m bywhaodd i.
    51 Y beilchion a’m gwatwarasant yn ddirfawr : er hynny ni throais oddi wrth dy gyfraith di.
    52 Cofiais, O Arglwydd, dy farnedigaethau eriôed : ac ymgysurais.
    53 Dychryn a ddaeth arnaf, oblegid yr annuwiolion : y rhai sydd yn gadu dy gyfraith di.
    54 Dy ddeddfau oedd fy nghân : yn nhŷ fy mhererindod.
    55 Cofiais dy Enw, Arglwydd, y nos : a chedwais dy g’yfraith.
    56 Hyn oedd gennyf: am gadw o honof dy orchymynion di.

Portio mea, Domine.

O ARGLWYDD, fy rhan ydwyt : dywedais y cadwn dy eiriau.
   58 Ymbiliais â’th wyneb â’m holl galon : trugarhâ wrthyf yn ol dy air.
    59 Meddyliais am fy ffyrdd : a throais fy nhraed at dy dystiolaethau di.
    60 Brysiais, ac nid oedais : gadw dy orchymynion.
    61 Minteioedd yr annuwiolion a’m hyspeiliasant : ond nid anghofiais dy gyfraith di.
    62 Hanner nos y cyfodaf i’th foliannu : am farnedigaethau dy gyfiawnder.
    63 Cyfaill ydwyf fi i’r rhai oll a’th ofnant : ac i’r rhai a gadwant dy orchymynion.
    64 Llawn yw’r ddaear o’th drugaredd, O Arglwydd : dysg i mi dy ddeddfau.

Bonitatem fecisti.

GWNAETHOST yn dda â’th was, O Arglwydd : yn ol dy air.
   66 Dysg i mi ia wn ddeall a gwybodaeth : o herwydd dy orchymynion di a gredais.
    67 Cyn fy nghystuddio, yr oeddwn yn cyfeiliorni : ond yn awr cedwais dy air di.
    68 Da ydwyt, a daionus : dysg i mi dy ddeddfau.
    69 y beilchion a glytiasant gelwydd i’m herbyn : minnau a gadwaf dy orchymynion a’m holl galon.
    70 Cyn frased â’r bloneg yw eu calon : minnau a ymddigrifais yn dy gyfraith di.
    71 Da yw i mi fy nghystuddio : fel y dysgwn dy ddeddfau.
    72 Gwell i mi gyfraith dy enau ; nâ miloedd o aur ac arian.
 

PRYDNHAWNOL WEDDI.

Manus tuæ fecerunt me.

DY ddwylaw a’m gwnaethant, ac a’m lluniasant : par i mi ddeall, fel y dysgwyf dy orchymynion.
    74 Y rhai a’th ofnant a’m gwelant, ac a lawenychant : oblegid gobeithio o honof yn dy air di.
    75 Gwn, Arglwydd, mai cyfiawn yw dy farnedigaethau : ac mai mewn ffyddlondeb y’m cystuddiaist.
    76 Bydded, attolwg, dy drugaredd i’m cysuro : yn ol dy air i’th wasanaethwr.
    77 Deued i mi dy drugareddau, fel y byddwyf byw : o herwydd dy gyfraith yw fy nigrifwch.
    78 Cywilyddier y beilchion; canys gwnant gam â mi yn ddiachos : ond myfi a fyfyriaf yn dy orchymynion di.
    79 Troer attaf fi y rhai a’th ofnant di : a’r rhai a adwaenant dy dystiolaethau.
    80 Bydded fy nghalon yn berffaith yn dy ddeddfau : fel na’m cywilyddier.

Defecit anima mea.

DIFFYGIODD fy enaid am dy iachawdwriaeth: wrth dy air yr ydwyf yn disgwyl.
    82 Y mae fy llygaid yn pallu am dy air : gan ddywedyd, Pa bryd y’m diddeni?
    83 Canys ydwyf fel costrel mewn mwg: ond nid anghofiais dy ddeddfau.
    84 Pa nifer yw dyddiau dy was : pa bryd y gwnei farn ar y rhai a’m herlidiant?
    85 Y beilchion a gloddiasant byllau i mi : yr hyn nid yw wrth dy gyfraith di.
    86 Dy holl orchymynion ydynt wirionedd : ar gam y’m herlidiasant; cymmorth fi.
    87 Braidd na’m difasant ar y ddaear : minnau ni adewais dy orchymynion.
    88 Bywhâ fi yn ol dy drugaredd : felly y cadwaf dystiolaeth dy enau.

In æternum, Domine.

YN dragywydd, O Arglwydd: y mae dy air wedi ei sicrhâu yn y nefoedd.
    90 Dy wirionedd sydd hyd genhedlaeth a chenhedlaeth : seiliaist y ddaear, a hi a saif.
    91 Wrth dy farnedigaethau y safant heddyw : canys dy weision yw pob peth.
    92 Oni bai fod dy ddeddf yn hyfrydwch i mi : darfuasai yna am danaf yn fy nghystudd.
    93 Byth nid anghofiaf dy orchymynion : canys â hwynt y’m bywheaist.
    94 Eiddot ti ydwyf, cadw fi : o herwydd dy orchymynion a geisiais.
    95 y rhai annuwiol a ddisgwyliasant am danaf i’m difetha : ond dy dystiolaethau di a ystyriaf fi.
    96 Yr ydwyf yn gweled diwedd ar bob perffeithrwydd : ond dy orchymyn di sy dra ehang.

Quomodo dilexi!

MOR gu gennyf dy gyfraith di : hi yw fy myfyrdod beunydd.
   98 A’th orchymynion yr ydwyt yn fy ngwneuthur yn ddoethach nâ’m gelynion : canys byth y maent gyd â mi.
    99 Deallais fwy na’m holl athrawon: o herwydd dy dystiolaethau yw fy myfyrdod.
    100 Deallais yn well nâ’r henuriaid : am fy mod yn cadw dy orchymynion di.
    101 Atteliais fy nhraed oddi wrth bob llwybr drwg: fel y cadwn dy air di.
    102 Ni chiliais oddi wrth dy farnedigaethau : o herwydd ti a’m dysgaist.
    103 Mor felus yw dy eiriau i’m genau : melusach nâ mel i’m safn.
    104 Trwy dy orchymynion di y pwyllais : am hynny y caseais bob gau lwybr .
 

BOREOL WEDDI.

Lucerna pedibus meis.

LLUSERN yw dy air i’m traed : a llewyrch i’m llwybr.
   106 Tyngais, a chyflawn af : y cadwn farnedigaethau dy gyfiawnder.
    107 Cystuddiwyd fi yn ddirfawr: bywhâ fi, O Arglwydd, yn ol dy air.
    108 Attolwg, Arglwydd, bydd foddlon i ewyllysgar offrymmau fy ngenau : a dysg i mi dy farnedigaethau.
    109 Y mae fy enaid yn fy llaw yn wastadol : er hynny nid wyf yn anghofio dy gyfraith.
    110 Y rhai annuwiol a osodasant fagl i mi : ond ni chyfeiliornais oddi wrth dy orchymynion.
    111 Cymmerais dy orchymynion yn etifeddiaeth dros byth : o herwydd llawenydd fy nghalon ydynt.
    112 Gostyngais fy nghalon: i wneuthur dy ddeddfau byth hyd y diwedd.

Iniquos odio habui.

MEDDYLIAU ofer a gaseais : a’th gyfraith di a hoffais.
   114 Fy lloches a’m tarian ydwyt: yn’ dy air y gobeithiaf.
    115 Ciliwch oddi wrthyf, rai drygionus : canys cadwaf orchymynion fy Nuw.
    116 Cynnal fi yn ol dy air, fel y byddwyf byw : ac na ad i mi gywilyddio am fy ngobaith.
    117 Cynnal fi, a dïangol fyddaf : ac ar dy ddeddfau yr edrychaf yn wastadol.
    118 Sethraist y rhai oll a gyfeiliornant oddi wrth dy ddeddfau : canys twyllodrus yw eu dichell hwynt.
    119 Bwriaist heibio holl annuwiolion y tir fel sothach : am hynny’r hoffais dy dystiolaethau.
    120 Dychrynodd fy nghnawd rhag dy ofn : ac ofnais rhag dy farnedigaethau.

Feci judicium.

GWNAETHUM farn a chyfiawnder : na ad fi i’m gorthrymmwŷr.
   122 Mechnïa dros dy was er daioni : na ad i’r beilchion fy ngorthrymmu.
    123 Fy llygaid a ballasant am dy iachawdwriaeth : ac am ymadrodd dy gyfiawnder.
    124 Gwna i’th was yn ol dy drugaredd : a dysg i mi dy ddeddfau.
    125 Dy was ydwyf fi; par i mi ddeall : fel y gwypwyf dy dystiolaethau.
    126 Amser yw i’r Arglwydd weithio : diddymmasant dy gyfraith di.
    127 Am hynny’r hoffais dy orchymynion : yn fwy nag aur; ïe, yn fwy nag aur coeth.
    128 Am hynny uniawn y cyfrifais dy orchymynion am bob peth : a chaseais bob gau lwybr.

Mirabilia.

RHYFEDD yw dy dystiolaethau : am hynny y ceidw fy enaid hwynt.
   130 Agoriad dy eiriau a rydd oleuni : pair ddeall i rai annichellgar.
    131 Agorais fy ngenau, a dyheais : oblegid awyddus oeddwn i’th orchymynion di.
    132 Edrych arnaf, a thrugarhâ wrthyf: yn ol dy arfer i’r rhai a garant dy Enw.
    133 Cyfarwydda fy nghamrau yn dy air : ac na lywodraethed dim anwiredd arnaf.
    134 Gwared fi oddi wrth orthrymder dynion : felly y cadwaf dy orchymynion.
    135 Llewyrcha dy wyneb ar dy was : a dysg i mi dy ddeddfau.
    136 Afonydd o ddyfroedd a redant o’m llygaid : am na chadwasant dy gyfraith di.

Justus es, Domine.

CYFIAWN ydwyt ti, O Arglwydd : ac uniawn yw dy farnedigaethau.
   138 Dy dystiolaethau y rhai a orchymynaist : ydynt gyfiawn, a ffyddlon iawn.
    139 Fy zel a’m difaodd : o herwydd i’m gelynion anghofio dy eiriau di.
    140 Purwyd dy ymadrodd yn ddirfawr : am hynny y mae dy was yn ei hoffi.
    141 Bychan ydwyf fi a dirmygus : ond nid anghofiais dy orchymynion.
    142 Dy gyfiawnder sy gyfiawnder byth : a’th gyfraith sydd wirionedd.
    143 Adfyd a chystudd a’m goddiweddasant : a’th orchymynion oedd fy nigrifwch.
    144 Cyfiawnder dy dystiolaethau a bery yn dragywydd : gwna i mi ddeall, a byw fyddaf.
 

PRYDNHAWNOL WEDDI.

Clamavi in toto corde meo.

LLEFAIS â’m holl galon : clyw fi, O Arglwydd; dy ddeddfau a gadwaf.
    146 Llefais arnat; achub fi : a chadwaf dy dystiolaethau.
    147 Achubais flaen y cyfddydd, a gwaeddais : wrth dy air y disgwyliais.
    148 Fy llygaid a achubasant flaen gwyliadwriaethau’r nos : i fyfyrio yn dy air di.
    149 Clyw fy llef yn ol dy drugaredd : Arglwydd, bywhâ fi yn ol dy farnedigaethau.
    150 Y rhai a ddilynant ysgelerder a nesasant arnaf : ymbellasant oddi wrth dy gyfraith di.
    151 Tithau, Arglwydd, wyt agos : a’th holl orchymynion sydd wirionedd.
    152 Er ys talm y gwyddwn am dy dystiolaethau : seilio o honot hwynt yn dragywydd.

Vide humilitatem.

GWEL fy nghystudd, a gwared fi : canys nid anghofiais dy gyfraith.
    154 Dadleu fy nadl, a gwarred fi : bywhâ fi yn ol dy air.
    155 Pell yw iachawdwriaeth oddi wrth y rhai annuwiol : o herwydd ni cheisiant dy ddeddfau di.
    156 Dy drugareddau, Arglwydd, sydd aml: bywhâ fi yn ol dy farnedigaethau.
    157 Llawer sydd yn fy erlid, ac yn fy ngwrthwynebu : er hynny ni throais oddi wrth dy dystiolaethau.
    158 Gwelais y troseddwŷr, a gresynais: am na chadwent dy air di.
    159 Gwel fy mod yn hoffi dy orchymynion : Arglwydd, bywhâ fi yn ol dy drugarowgrwydd.
    160 Gwirionedd o’r dechreuad yw dy air : a phob un o’th gyfiawn farnedigaethau a bery yn dragywydd.

Principes persecuti sunt.

TYWYSOGION a’m herlidiasant heb achos : er hynny fy nghalon a grynai rhag dy air di.
    162 Llawen ydwyf fi oblegid dy air : fel un yn cael ysglyfaeth lawer.
    163 Celwydd a gaseais, ac a ffieiddiais : a’th gyfraith di a hoffais.
    164 Seithwaith yn y dydd yr ydwyf yn dy glodfori : o herwydd dy gyfiawn farnedigaethau.
    165 Heddwch mawr fydd i’r rhai a garant dy gyfraith : ac nid oes dramgwydd iddynt.
    166 Disgwyliais wrth dy iachawdwriaeth di, O Arglwydd : a gwnaethum dy orchymynion.
    167 Fy enaid a gadwodd dy dystiolaethau : a hoff iawn gennyf hwynt.
    168 Cedwais dy orchymynion a’th dystiolaethau : canys y mae fy holl ffyrdd ger dy fron di.

Appropinquet deprecatio.

NESAED fy ngwaedd o’th flaen, Arglwydd : gwna i mi ddeall yn ol dy air.
    170 Deued fy ngweddi ger dy fron : gwared fi yn ol dy air.
    171 Fy ngwefusau a draetha foliant : pan ddysgech i mi dy ddeddfau.
    172 Fy nhafod a ddatgan dy air : o herwydd dy holl orchymynion sy gyfiawnder.
    173 Bydded dy law i’m cynorthwyo : o herwydd dy orchymynion di a ddewisais.
    174 Hiraethais, O Arglwydd, am dy iachawdwriaeth: a’th gyfraith yw fy hyfrydwch.
    175 Bydded byw fy enaid, fel y’th folianno di : a chynorthwyed dy farnedigaethau fi.
    176 Cyfeiliornais fel dafad wedi colli : cais dy was; oblegid nid anghofiais dy orchymynion.
 

BOREOL WEDDI.

PSALM CXX. Ad Dominum.

AR yr Arglwydd y gwaeddais yn fy nghyfyngder : ac efe a’m gwrandawodd i.
    2 Arglwydd, gwared fy enaid oddi wrth wefusau celwyddog : ac oddi wrth dafod twyllodrus.
    3 Beth a roddir i ti? neu pa beth a wneir i ti : dydi dafod twyllodrus?
    4 Llymion saethau cawr : ynghŷd â marwor meryw.
    5 Gwae fi, fy mod yn preswylio ym Mesech : yn cyfanneddu ym mhebyll Cedar.
    6 Hir y trigodd fy enaid : gyd â’r hwn oedd yn casâu tangnefedd.
    7 Heddychol ydwyf fi : ond pan lefarwyf, y maent yn barod i ryfel.
 

PSALM CXXI. Levavi oculos.

DYRCHAF AF fy llygaid i’r mynyddoedd : o’r lle y daw fy nghymmorth.
    2 Fy nghymmorth a ddaw oddi wrth yr Arglwydd : yr hwn a wnaeth nefoedd a daear.
    3 Ni ad efe i’th droed lithro : ac ni huna dy geidwad.
    4 Wele, ni huna : ac ni chwsg ceidwad Israel.
    5 Yr Arglwydd yw dy geidwad : yr Arglwydd yw dy gysgod ar dy ddeheulaw.
    6 Ni’th dery’r haul y dydd : na’r lleuad y nos.
    7 Yr Arglwydd a’th geidw rhag pob drwg: efe a geidw dy enaid.
    8 Yr Arglwydd a geidw dy fynediad, a’th ddyfodiad : o’r pryd hwn hyd yn dragywydd.
 

PSALM CXXII. Lætatus sum

LLAWENYCHAIS pan ddywedent wrthyf : A wn i dŷ’r Arglwydd.
    2 Ein traed a safant o fewn dy byrth di : O Jerusalem.
    3 Jerusalem a adeiladwyd : fel dinas wedi ei chyd-gyssylltu ynddi ei hun.
    4 Yno’r esgyn y llwythau, llwythau’r Arglwydd : yn dystiolaeth i Israel, i foliannu Enw’r Arglwydd.
    5 Canys yno y gosodwyd gorseddfeingciau barn : gorseddfeingciau tŷ Ddafydd.
    6 Dymunwch heddwch Jerusalem : llwydded y rhai a’th hoffant.
    7 Heddwch fyddo o fewn dy ragfur : a ffyniant yn dy balasau.
    8 Er mwyn fy mrodyr a’m cyfeillion: y dywedaf yn awr, Heddwch fyddo i ti.
    9 Er mwyn tŷ’r Arglwydd ein Duw: y ceisiaf i ti ddaioni.
 

PSALM CXXIII. Ad te levavi oculos meos.

ATTAT ti Y dyrchafaf fy llygaid : ti yr hwn a breswyli yn y nefoedd.
    2 Wele, fel y mae llygaid gweision ar law eu meistraid, neu fel y mae llygaid llawforwyn ar law ei meistres : felly y mae ein llygaid ni ar yr Arglwydd ein Duw, hyd oni thrugarhao efe wrthym ni.
    3 Trugarhâ wrthym, Arglwydd, trugarhâ wrthym : canys llanwyd ni â dirmyg yn ddirfawr.
    4 Yn ddirfawr y llanwyd ein henaid â gwatwargerdd y rhai goludog : ac â dïystyrwch y beilchion.
 

PSALM CXXIV. Nisi quia Dominus.

ONI buasai yr Arglwydd yr hwn a fu gyd â ni : y gall Israel ddywedyd yn awr;
    2 Oni buasai’r Arglwydd yr hwn a fu gyd â ni : pan gyfododd dynion yn ein herbyn;
    3 Y na y’n llyngcasent ni yn fyw : pan ennynodd eu llid hwynt i’n herbyn;
    4 Yna y dyfroedd a lifasai drosom : y ffrwd a aethai dros ein henaid;
    5 Yna’r aethai dros ein henaid : ddyfroedd chwyddedig.
    6 Bendigedig fyddo’r Arglwydd : yr hwn ni roddodd ni yn ysglyfaeth i’w dannedd hwynt.
    7 Ein henaid a ddïangodd fel aderyn o fagl yr adarwŷr : y fagl a dorrwyd, a ninnau a ddïangasom.
    8 Ein porth ni sydd yn Enw’r Arglwydd : yr hwn a wnaeth nefoedd a daear.
 

PSALM CXXV. Qui confidunt.

Y RHAI a ymddiriedant yn yr Arglwydd, fyddant fel mynydd Sïon: yr hwn ni syflir, ond a bery yn dragywydd.
    2 Fel y mae Jerusalem â’r mynyddoedd o’i hamgylch : felly y mae’r Arglwydd o amgylch ei bobl, o’r pryd hwn hyd yn dragywydd.
    3 Canys ni orphwys gwïalen annuwioldeb ar randir y rhai cyfiawn: rhag i’r rhai cyfiawn estyn eu dwylaw at anwiredd.
    4 O Arglwydd, gwna ddaioni i’r rhai daionus : ac i’r rhai uniawn yn eu calonnau.
    5 Ond y rhai a ymdroant i’w trofeydd, yr Arglwydd a’u gyr gyd â gweithredwŷr anwiredd : a bydd tangnefedd ar Israel.
 

PRYDNHAWNOL WEDDI.

PSALM CXXVI. In Convertendo.

PAN ddychwelodd yr Arglwydd gaethiwed Sïon: yr oeddym fel rhai yn breuddwydio.
    2 Yna y llanwyd ein genau â chwerthin, a’n tafod â chanu : yna y dywedasant ym mysg y cenhedloedd, Yr Arglwydd a wnaeth bethau mawrion i’r rhai hyn.
    3 Yr Arglwydd a wnaeth i ni bethau mawrion: am hynny’r ydym yn llawen.
    4 Dychwel, Arglwydd, ein caethiwed ni : fel yr afonydd yn y dehau.
    5 Y rhai sydd yn hau mewn dagrau : a fedant mewn gorfoledd.
    6 Yr hwn sydd yn myned rhagddo, ac yn wylo, gan ddwyn had gwerthfawr: gan ddyfod a ddaw mewn gorfoledd, dan gludo ei ysgubau.
 

PSALM CXXVII. Nisi Dominus.

OS yr Arglwydd nid adeilada’r, tŷ, ofer y llafuria ei adeiladwŷr wrtho : os yr Arglwydd ni cheidw’r ddinas, ofer y gwylia’r ceidwad.
    2 Ofer i chwi fore-godi, myned yn hwyr i gysgu, bwytta bara gofidiau : felly y rhydd efe hun i’w anwylyd.
    3 Wele, plant ydynt etifeddiaeth yr Arglwydd : ei wobr ef yw ffrwyth y groth.
    4 Fel y mae saethau yn llaw y cadarn : felly y mae plant ieuengctid.
    5 Gwyn ei fyd y gwr a lanwodd ei gawell saethau â hwynt : ni’s gwaradwyddir hwy pan ymddiddanant â’r gelynion yn y porth.
 

PSALM CXXVIII. Beati omnes.

GWYN ei fyd pob un sydd yn ofni’r Arglwydd : yr hwn sydd yn rhodio yn ei ffyrdd ef.
    2 Canys mwynhei lafur dy ddwylaw: gwyn dy fyd, a da fydd i ti.
    3 Dy wraig fydd fel gwinwŷdden ffrwythlawn ar hŷd ystlysau dy dŷ : dy blant fel planhigion olewŷdd o amgylch dy ford.
    4 Wele, fel hyn yn ddïau y bendithir y gwr : a ofno’r Arglwydd.
    5 Yr Arglwydd a’th fendithia allan o Sïon : a thi a gei weled daioni Jerusalem holl ddyddiau dy einioes;
    6 A thi a gei weled plant dy blant : a thangnefedd ar Israel.
 

PSALM CXXIX. Sæpe expugnaverunt.

LLAWER gwaith y’m cystuddiasant o’m hieuengctid: y dichon Israel ddywedyd yn awr;
    2 Llawer gwaith y’m cystuddiasant : o’m hieuengctid; etto ni’m gorfuant.
    3 Yr arddwŷr a arddasant ar fy nghefn : estynasant eu cwysau yn hirion.
    4 Yr Arglwydd sy gyfiawn: efe a dorrodd raffau y rhai annuwiol.
    5 Gwaradwydder hwy oll, a gyrrer yn eu hol : y rhai a gasânt Sïon.
    6 Byddant fel glaswellt pen tai : yr hwn a wywa cyn y tynner ef ymaith;
    7 A’r hwn ni leinw y pladurwr ei law : na’r hwn fyddo yn rhwymo yr ysgubau, ei fynwes.
    8 Ac ni ddywed y rhai a ant heibio, Bendith yr Arglwydd arnoch : bendithiwn chwi yn Enw’r Arglwydd.
 

PSALM CXXX. De profundis.

O’R dyfnder y llefais arnat : O Arglwydd.
   2 Arglwydd, clyw fy llefain: ystyried dy glustiau wrth lef fy ngweddïau.
    3 Os creffi ar anwireddau, Arglwydd: O Arglwydd, pwy a saif?
    4 Ond y mae gyd â thi faddeuant : fel y’th ofner.
    5 Disgwyliaf am yr Arglwydd, disgwyl fy enaid : ac yn ei air ef y gobeithiaf.
    6 Fy enaid sydd yn disgwyl am yr Arglwydd : yn fwy nag y mae y gwylwŷr am y bore; yn fwy nag y mae y gwylwŷr am y bore.
    7 Disgwylied Israel am yr Arglwydd : o herwydd y mae trugaredd gyd â’r Arglwydd, ac aml ym wared gyd âg ef.
    8 Ac efe a wared Israel : oddi wrth ei holl anwireddau.
 

PSALM CXXXI. Domine, non est.

O ARGLWYDD, nid ymfalchïodd fy nghalon, ac nid ymddyrchafodd fy llygaid : ni rodiais chwaith mewn pethau rhy fawr a rhy uchel i mi.
    2 Eithr gosodais a gostegais fy enaid, fel un wedi ei ddiddyfnu oddi wrth ei fam : fy enaid sydd ynof fel un wedi ei ddiddyfnu.
    3 Disgwylied Israel wrth yr Arglwydd: o’r pryd hwn hyd yn dragywydd.
 

BOREOL WEDDI.

PSALM CXXXII. Memento, Domine.

O ARGLWYDD, cofia Ddafydd : a’i holl flinder;
   2 Y modd y tyngodd efe wrth yr Arglwydd : ac yr addunodd i rymmus Dduw Jacob.
    3 Ni ddeuaf i fewn pabell fy nhŷ : ni ddringaf ar erchwyn fy ngwely;
    4 Ni roddaf gwsg i’m llygaid : na hun i’m hamrantau;
    5 Hyd oni chaffwyf le i’r Arglwydd : preswylfod i rymmus Dduw Jacob.
    6 Wele, clywsom am dani yn Ephratah : cawsom hi ym meusydd y coed.
    7 Awn i’w bebyll ef : ymgrymmwn o flaen ei faingc draed ef.
    8 Cyfod, Arglwydd, i’th orphwysfa : ti, ac arch dy gadernid.
    9 Gwisged dy offeiriaid gyfiawnder : a gorfoledded dy saint.
    10 Er mwyn Dafydd dy was: na thro ymaith wyneb dy Enneiniog.
    11 Tyngodd yr Arglwydd mewn gwirionedd i Ddafydd; ni thry efe oddi wrth hynny : O ffrwyth dy gorph y gosodaf ar dy orseddfaingc.
    12 Os ceidw dy feibion fy nghyfammod a’m tystiolaeth, y rhai a ddysgwyf iddynt : eu meibion hwythau yn dragywydd a eisteddant ar dy orseddfaingc.
    13 Canys dewisodd yr Arglwydd Sïon : ac a’i chwenychodd yn drigfa iddo ei hun.
    14 Dyma fy ngorphwysfa yn dragywydd : yma y trigaf; canys chwennychais hi.
    15 Gan fendithio y bendithiaf ei lluniaeth : diwallaf ei thlodion â bara.
    16 Ei hoffeiriaid hefyd a wisgaf âg iachawdwriaeth : a’i saint dan ganu a ganant.
    17 Yna y paraf i gorn Dafydd flaguro : darperais lamp i’m Henneiniog.
    18 Ei elynion ef a wisgaf â chywilydd : arno yntau y blodeua ei goron.
 

PSALM CXXXIII. Ecce, quam bonum!

WELE, mor ddaionus ac mor hyfryd yw : trigo o frodyr ynghŷd.
    2 Y mae fel yr ennaint gwerthfawr ar y pen, yn disgyn ar hŷd y farf, sef barf Aaron : yr hwn oedd yn disgyn ar hŷd ymyl ei wisgoedd ef;
    3 Fel gwlith Hermon, ac fel y gwlith yn disgyn ar fynyddoedd Sïon : canys yno y gorchymynodd yr Arglwydd y fendith, sef bywyd yn dragywydd.
 

PSALM CXXXIV. Ecce nunc.

WELE, holl weision yr Arglwydd, bendithiwch yr Arglwydd : y rhai ydych yn sefyll yn nhŷ’r Arglwydd y nos.
    2 Dyrchefwch eich dwylaw yn y cyssegr : a bendithiwch yr Arglwydd.
    3 Yr Arglwydd yr hwn a wnaeth nefoedd a daear: a’th fendithio di allan o Sïon.
 

PSALM CXXXV. Laudate Nomen.

MOLWCH yr Arglwydd. Molwch Enw’r Arglwydd : gweision yr Arglwydd, molwch ef.
    2 Y rhai ydych yn sefyll yn nhy’r Arglwydd : ynghynteddoedd tŷ ein Duw ni.
    3 Molwch yr Arglwydd; canys da yw’r Arglwydd : cennwch i’w Enw; canys hyfryd yw.
    4 Oblegid yr Arglwydd a ddetholodd Jacob iddo ei hun : ac Israel yn brïodoriaeth iddo.
    5 Canys mi a wn mai mawr yw’r Arglwydd : a bod ein Harglwydd ni goruwch yr holl dduwiau.
    6 Yr Arglwydd a wnaeth yr hyn oll a fynnai yn y nefoedd, ac yn y ddaear : yn y môr, ac yn yr holl ddyfnderau.
    7 Y mae yn codi tarth o eithafoedd y ddaear; mellt a wnaeth efe ynghŷd â’r gwlaw : gan ddwyn y gwŷnt allan o’i drysorau.
    8 Yr hwn a darawodd gyntafanedig yr Aipht : yn ddyn ac yn anifail.
    9 Danfonodd arwyddion a rhyfeddodau i’th ganol di, yr Aipht : ar Pharaoh, ac ar ei holl weision.
    10 Yr hwn a darawodd genhedloedd lawer : ac a laddodd frenhinoedd cryfion;
    11 Sehon brenhin yr Amoriaid, ac Og brenhin Basan : a holl frenhiniaethau Canaan;
    12 Ac a roddodd eu tir hwynt yn etifeddiaeth : yn , etifeddiaeth i Israel ei bobl.
    13 Dy Enw, O Arglwydd, a bery yn dragywydd : dy goffadwriaeth, O Arglwydd, o genhedlaeth i genhedlaeth.
    14 Canys yr Arglwydd a farna ei bobl: a bydd edifar gantho o ran ei weision.
    15 Delwau’r cenhedloedd ydynt arian ac aur : gwaith dwylaw dyn.
    16 Genau sydd iddynt, ond ni lefarant : llygaid sy ganddynt, ond ni welant.
    17 Y mae clustiau iddynt, ond ni chlywant: nid oes chwaith anadl yn eu genau.
    18 Fel hwynt y mae y rhai a’u gwnant : a phob un a ymddiriedo ynddynt.
    19 Tŷ Israel, bendithiwch yr Arglwydd : bendithiwch yr Arglwydd, tŷ Aaron.
    20 Tŷ Lefi, bendithiwch yr Arglwydd: y rhai a ofnwch yr Arglwydd, bendithiwch yr Arglwydd.
    21 Bendithier yr Arglwydd o Sïon: yr hwn sydd yn trigo yn Jerusalem. Molwch yr Arglwydd.
 

PRYDNHAWNOL WEDDI.

PSALM CXXXVI. Confitemini.

CLODFORWCH yr, Arglwydd; canys da yw : o herwydd ei drugaredd sydd yn dragywydd.
    2 Clodforwch Dduw y duwiau : oblegid ei drugaredd sydd yn dragywydd.
    3 Clodforwch Arglwydd yr arglwyddi : o herwydd ei drugaredd sydd yn dragywydd.
    4 Yr hwn yn unig sydd yn gwneuthur rhyfeddodau: canys ei drugaredd sydd yn dragywydd.
    5 Yr hwn a wnaeth y nefoedd mewn doethineb : o herwydd ei drugaredd sydd yn dragywydd.
    6 Yr hwn a estynodd y ddaear oddi ar y dyfroedd : oblegid ei drugaredd sydd yn dragywydd.
    7 Yr hwn a wnaeth oleuadau mawrion : canys ei drugaredd sydd yn dragywydd;
    8 Yr haul, i lywodraethu’r dydd : canys ei drugaredd sydd yn dragywydd;
    9 Y lleuad a’r ser, i lywodraethu’r nos : canys ei drugaredd sydd yn dragywydd.
    10 Yr hwn a darawodd yr Aipht yn eu cyntaf-anedig : o herwydd ei drugaredd sydd yn dragywydd;
    11 Ac a ddug Israel o’u mysg hwynt: o herwydd ei drugaredd sydd yn dragywydd;
    12 A llaw gref, ac â braich estynedig : o herwydd ei drugaredd sydd yn dragywydd.
    13 Yr hwn a rannodd y môr coch yn dd wy ran : o herwydd ei drugaredd sydd yn dragywydd;
    14 Ac a wnaeth i Israel fyned trwy ei ganol : o herwydd ei drugaredd sydd yn dragywydd.
    15 Ac a ysgytiodd Pharaoh a’i lu yn y môr coch : o herwydd ei drugaredd sydd yn dragywydd.
    16 Ac a dywysodd ei bobl trwy’r anialwch : o herwydd ei drugaredd sydd yn dragywydd.
    17 Yr hwn a darawodd frenhinoedd mawrion: o herwydd ei drugaredd sydd yn dragywydd;
    18 Ac a laddodd frenhinoedd ardderchog : o herwydd ei drugaredd sydd yn dragywydd;
    19 Sehon bren hin yr Amoriaid : o herwydd ei drugaredd sydd yn dragywydd;
    20 Ac Og brenhin Basan : o herwydd ei drugaredd sydd yn dragywydd;
    21 Ac a roddodd eu tir hwynt yn etifeddiaeth : o herwydd ei drugaredd sydd yn dragywydd;
    22 Yn etifeddiaeth i Israel ei was : o herwydd ei drugaredd sydd yn dragywydd.
    23 Yr hwn yn ein hisel radd a’n cofiodd ni : o herwydd ei drugaredd sydd yn dragywydd;
    24 Ac a’n hachubodd ni oddi wrth ein gelynion : o herwydd ei drugaredd sydd yn dragywydd.
    25 Yr hwn sydd yn rhoddi ymborth i bob cnawd : canys ei drugaredd sydd yn dragywydd.
    26 Clodforwch Dduw’r nefoedd : canys ei drugaredd sydd yn dragywydd.
 

PSALM CXXXVII. Super flumina.

WRTH afonydd Babilon, yno yr eisteddasom, ac wylasom : pan feddyliasom am Sïon.
    2 Ar yr helyg o’u mewn : y crogasom ein telynau.
    3 Canys yno y gofynodd y rhai a’n caethiwasent i ni gân, a’r rhai a’n hanrheithiasai, lawenydd : gan ddywedyd, Cenwch i ni rai o ganiadau Sïon.
    4 Pa fodd y canwn gerdd yr Arglwydd : mewn gwlad ddïeithr?
    5 Os anghofiaf di, Jerusalem: anghofied fy neheulaw ganu.
    6 Glyned fy nhafod wrth; daflod fy ngenau : oni chofiaf di; oni chodaf Jerusalem goruwch fy llawenydd pennaf.
    7 Cofia, Arglwydd, blant Edom yn nydd Jerusalem : y rhai a ddywedant, Dinoethwch, dinoethwch hi, hyd ei sylfaen.
    8 O ferch Babilon, a anrheithir : gwyn ei fyd a dalo i ti fel y gwnaethost i ninnau:
    9 Gwỳn ei fyd a gymmero : ac a darawo dy rai bach wrth y meini.
 

PSALM CXXXVIII. Confitebor tibi.

CLODFORAF di â’m holl galon : yngŵydd y duwiau y canaf i ti.
    2 Ymgrymmaf tu â’th deml sanctaidd, a chlodforaf dy Enw, am dy drugaredd a’th wirionedd: oblegid ti a fawrheaist dy air uwchlaw dy Enw oll.
    3 Y dydd y llefais, y’m gwrandewaist : ac a’m cadarnheaist â nerth yn fy enaid.
    4 Holl frenhinoedd y ddaear a’th glodforant, O Arglwydd: pan glywant eiriau dy enau.
    5 Canant hefyd am ffyrdd yr Arglwydd: canys mawr yw gogoniant yr Arglwydd.
    6 Er bod yr Arglwydd yn uchel, etto efe a edrych ar yr isel : ond y balch a edwyn efe o hirbell.
    7 Pe rhodiwn ynghanol cyfyngder, ti a’m bywhêit : estynit dy law yn erbyn digofaint fy ngelynion, a’th ddeheulaw a’m hachubai.
    8 Yr Arglwydd a gyflawna â mi: dy drugaredd, Arglwydd, sydd yn dragywydd; nac esgeulusa waith dy ddwylaw.
 

BOREOL WEDDI.

PSALM CXXXIX. Domine, probâsti.

ARGLWYDD, chwiliaist: ac adnabuost fi.
   2 Ti a adwaenost fy eisteddiad a’m cyfodiad : dealli fy meddwl o bell.
    3 Amgylchyni fy llwybr a’m gorweddfa : a hyspys wyt yn fy holl ffyrdd.
    4 Canys nid oes air ar fy nhafod : ond wele, Arglwydd, ti a’i gwyddost oll.
    5 Amgylchynaist fi yn ol ac ym mlaen : a gosodaist dy law arnaf.
    6 Dyma wybodaeth ry ryfedd i mi : uchel yw, ni fedraf oddi wrthi.
    7 I ba le yr af oddi wrth dy yspryd : ac i ba le y ffoaf o’th ŵydd?
    8 Os dringaf i’r nefoedd, yno yr wyt ti : os cyweiriaf fy ngwely yn uffern, wele di yno.
    9 Pe cymmerwn adenydd y wawr : a phe trigwn yn eithafoedd y môr;
    10 Yno hefyd y’m tywysai dy law: ac y’m daliai dy ddeheulaw.
    11 Pe dywedwn, Dïau y tywyllwch a’m cuddiai: yna y byddai y nos yn oleuni o’m hamgylch.
    12 Ni thywylla y tywyllwch rhagot ti; ond y nos a oleua fel dydd : un ffunud yw tywyllwch a goleuni i ti.
    13 Canys ti a feddiennaist fy arennau: toaist fi ynghrôth fy mam.
    14 Clodforaf di; canys ofnadwy a rhyfedd y’m gwnaed: rhyfedd yw dy weithredoedd; a’m henaid a wŷr hynny yn dda.
    15 Ni chuddiwyd fy sylwedd oddi wrthyt : pan y’m gwnaethpwyd yn ddirgel, ac y’m cywreiniwyd yn iselder y ddaear.
    16 Dy lygaid a welsant fy anelwig ddefnydd; ac yn dy lyfr di yr ysgrifenwyd hwynt oll : y dydd y lluniwyd hwynt, pan nad oedd yr un o honynt.
    17 Am hynny mor werthfawr yw dy feddyliau gennyf, O Dduw : mor fawr yw eu swm hwynt!
    18 Pe cyfrifwn hwynt, amlach ydynt nâ’r tywod : pan ddeffro wyf, gyd â thi’r ydwyf yn wastad.
    19 Yn ddïau, O Dduw, ti a leddi’r annuwiol : am hynny, y gwŷr gwaedlyd, ciliwch oddi wrthyf;
    20 Y rhai a ddywedant ysgelerder yn dy erbyn : dy elynion a gymmerant dy Enw yn ofer.
    21 Onid cas gennyf, O Arglwydd, dy gaseion di : onid ffiaidd gennyf y rhai a gyfodant i’th erbyn?
    22 A chas cyflawn y caseais hwynt: cyfrifais hwynt i mi yn elynion.
    23 Chwilia fi, O Dduw, a gwybydd fy nghalon : prawf fi, a gwybydd fy meddyliau;
    24 A gwel a oes ffordd annuwiol gennyf : a thywys fi yn y ffordd dragywyddol.
 

PSALM CXL. Eripe me, Domine.

GWARED fi, O Arglwydd, oddi wrth y dyn drwg : cadw fi rhag’ y gwr traws.
    2 Y rhai sydd yn bwriadu drygioni yn eu calon : ymgasglant beunydd i ryfel.
    3 Golymmasant eu tafodau fel sarph : gwenwyn asp sy dan eu gwefusau.
    4 Cadw fi, O Arglwydd, rhag dwylaw’r annuwiol : cadw fi rhag y gwr traws, y rhai a fwriadasant fachellu fy nhraed.
    5 Y beilchion a guddiasant faglau i mi, ac a estynasant ! rwyd wrth dannau ar ymyl y llwybrau : gosodasant hoenynnau ar fy medr.
    6 Dywedais wrth yr Arglwydd, Fy Nuw ydwyt ti : clyw, O Arglwydd, lef fy ngweddïau.
    7 Arglwydd Dduw, nerth fy iachawdwriaeth : gorchuddiaist fy mhen yn nydd brwydr.
    8 Na chaniattâ, Arglwydd, ddymuniad yr annuwiol : na lwydda ei ddrwg feddwl; rhag eu balchïo hwynt.
    9 Y pennaf o’r rhai a’m hamgylchyno : blinder eu gwefusau a’u gorchuddio.
    10 Syrthied marwor arnynt, a bwrier hwynt yn tân : ac mewn ceu-ffosydd, fel na chyfodant.
    11 Na sicrhâer dyn siaradus ar y ddaear : drwg’ a hela y gwr traws i’w ddistryw.
    12 Gwn y dadleu’r Arglwydd ddadl y truan : ac y barna efe y tlodion.
    13 Y cyfiawn yn ddïau a glodforant dy Enw di : y rhai uniawn a drigant ger dy fron di.
 

PSALM CXLI. Domine, clamavi.

ARGLWYDD, yr wyf yn gwaeddi arnat; brysia attaf : clyw fy llais, pan lefwyf arnat.
    2 Cyfeirier fy ngweddi ger dy fron fel arogl-darth : a dyrchafiad fy nwy law fel yr offrwm prydnhawnol.
    3 Gosod, Arglwydd, gadwraeth o flaen fy ngenau : cadw ddrws fy ngwefusau.
    4 Na ostwng fy nghalon at ddim drwg, i fwriadu gweithredoedd drygioni gyd fi. gwŷr a weithredant anwiredd : ac na ad i mi fwytta o’u dainteithion hwynt.
    5 Cured y cyfiawn fi yn garedig, a cherydded fi : na thorred eu holew pennaf hwynt fy mhen; canys fy ngweddi fydd etto yn eu drygau hwynt.
    6 Pan dafler eu barnwŷr i lawr mewn lleoedd carregog : clywant fy ngeiriau; canys melus ydynt.
    7 Y mae ein hesgyrn ar wasgar ar fin y bedd : megis un yn torri neu yn hollti coed ar y ddaear.
    8 Eithr arnat ti, O Arglwydd Dduw, y mae fy llygaid : ynot ti y gobeithiais; na ad fy enaid yn ddïymgeledd.
    9 Cadw fi rhag y fagl a osodasant i mi : a hoenynnau gweithredwŷr anwiredd.
    10 Cyd-gwymped y rhai annuwiol yn eu rhwydau eu hun: tra’r elwyf fi heibio.
 

PRYDNHAWNOL WEDDI.

PSALM CXLII. Voce mea ad Dominum.

GWAEDDAIS â’m llef ar yr Arglwydd : â’m llef yr ymbiliais â’r Arglwydd.
    2 Tywalltais fy myfyrdod o’i flaen ef : a mynegais fy nghystudd ger ei fron ef.
    3 Pan ballodd fy yspryd o’m mewn, tithau a adwaenit fy llwybr : Yn y ffordd y rhodiwn, y cuddiasant i mi fagl.
    4 Edrychais ar y tu dehau, a deliais sulw, ac nid oedd neb a’m hadwaenai : pallodd nodded i mi; nid oedd neb yn ymofyn am fy enaid.
    5 Llefais arnat, O Arglwydd; a dywedais : Ti yw fy ngobaith, a’m rhan yn nhir y rhai byw.
    6 Ystyr wrth fy ngwaedd; canys truan iawn ydwyf : gwared fi oddi wrth fy erlidwŷr; canys trech ydynt nâ mi.
    7 Dwg fy enaid allan o garchar, fel y moliannwyf dy Enw : y rhai cyfiawn a’m cylchynant; canys ti a fyddi da wrthyf.
 

PSALM CXLIII. Domine, exaudi.

ARGLWYDD, clyw fy ngweddi, a gwrando ar fy neisyfiadau : erglyw fi yn dy wirionedd, ac yn dy gyfiawnder.
    2 Ac na ddos i farn â’th was : o herwydd ni chyfiawnheir neb byw yn dy olwg di.
    3 Canys y gelyn a erlidiodd fy enaid; curodd fy enaid i lawr : gwnaeth i mi drigo mewn tywyllwch, fel y rhai a fu feirw er ys talm.
    4 Yna y pallodd fy yspryd o’m mewn : ac y synnodd fy nghalon ynof.
    5 Cofiais y dyddiau gynt; myfyriais ar dy holl waith : ac yngweithredoedd dy ddwylaw y myfyriaf.
    6 Lledais fy nwylaw attat : fy enaid fel tir sychedig sydd yn hiraethu am danat.
    7 O Arglwydd, gwrando fi yn ebrwydd; pallodd fy yspryd : na chuddia dy wyneb oddi wrthyf; rhag fy mod yn gyffelyb i’r rhai a ddisgynant i’r pwll.
    8 Par i mi glywed dy drugarowgrwydd y bore; o herwydd ynot ti y gobeithiaf : par i mi wybod y ffordd y rhodiwyf; oblegid attat ti y dyrchafaf fy enaid.
    9 Gwared fi oddi wrth fy ngelynion, O Arglwydd: gyd â thi’r ynlguddiais.
    10 Dysg i mi wneuthur dy ewyllys di; canys ti yw fy Nuw: tywysed dy Yspryd daionus fi i dir uniondeb.
    11 Bywhâ fi, O Arglwydd, er mwyn dy Enw : dwg fy enaid allan o ing, er mwyn dy gyfiawnder.
    12 Ac er dy drugaredd dinystria fy ngelynion, a difetha holl gystuddwŷr fy enaid : oblegid dy was di ydwyf fi.
 

BOREOL WEDDI.

PSALM CXLIV. Benedictus Dominus.

BENDIGEDIG fyddo’r Arglwydd fy nerth: yr hwn sydd yn dysgu fy nwylaw i ymladd, a’m bysedd i ryfela.
    2 Fy nhrugaredd, a’m hamddiffynfa; fy nhŵr, a’m gwaredydd; fy nharian yw efe, ac ynddo y gobeithiais : yr hwn sydd yn darostwng fy mhobl danaf.
    3 Arglwydd, beth yw dyn, pan gydnabyddit ef : neu fab dyn, pan wneit gyfrif o hono?
    4 Dyn sy debyg i wagedd : ei ddyddiau sy fel cysgod yn myned heibio.
    5 Arglwydd, gostwng dy nefoedd, a disgyn : cyffwrdd â’r mynyddoedd, a mygant.
    6 Saetha fellt, a gwasgar hwynt : ergydia dy saethau, a difa hwynt.
    7 Anfon dy law oddi uchod: achub a gwared fi o ddyfroedd mawrion, o law plant estron;
    8 Y rhai y llefara eu genau wagedd : ac y mae eu deheulaw yn ddeheulaw ffalsder.
    9 Canaf i ti, O Dduw, ganiad newydd : ar y nabl a’r deg tant y canaf i ti.
    10 Efe sydd yn rhoddi iachawdwriaeth i frenhinoedd : yr hwn sydd yn gwaredu Dafydd ei was oddi wrth y cleddyf niweidiol.
    11 Achub fi, a gwared fi o law meibion estron : y rhai y llefara eu genau wagedd, ac y mae eu deheulaw yn ddeheulaw ffalsder;
    12 Fel y byddo ein meibion fel planwŷdd yn tyfu yn eu hieuengctid : a’n merched fel congl-faen nadd, wrth gyffelybrwydd palas;
    13 Fel y byddo ein celloedd yn llawn, yn trefnu pob rhyw luniaeth: a’n defaid yn dwyn miloedd a myrddiwn yn ein heolydd;
    14 A’n hychen yn gryfion i lafurio; heb na rhuthro i mewn, na myned allan : na gwaedd yn ein heolydd.
    15 Gwyn eu byd y bobl y mae felly iddynt : gwyn eu byd y bobl y mae’r Arglwydd yn Dduw iddynt.
 

PSALM CXLV. Exaltabo te, Deus.

DYRCHAF AF di, fy Nuw, O Frenhin : a bendithiaf dy Enw byth ac yn dragywydd.
    2 Beunydd y’th fendithiaf : a’th Enw a folaf byth ac yn dragywydd.
    3 Mawr yw’r Arglwydd, a chanmoladwy iawn: a’i fawredd sydd anchwiliadwy.
    4 Cenhedlaeth wrth genhedlaeth a fawl dy weithredoedd : ac a fynega dy gadernid.
    5 Ardderchowgrwydd gogoniant cly fawredd: a’th bethau rhyfedd, a draethaf;
    6 Traethant hwy gadernid dy weithredoedd ofnadwy : mynegaf finnau dy fawredd.
    7 Coffadwriaeth amlder dy ddaioni a draethant: a’th gyfiawnder a ddatganant.
    8 Graslawn a thrugarog yw’r Arglwydd : hwyrfrydig i ddig, a mawr ei drugaredd.
    9 Daionus yw’r Arglwydd i bawb : a’i drugaredd sydd ar ei holl weithredoedd.
    10 Dy holl weithredoedd a’th glodforant, O Arglwydd: a’th saint a’th fendithiant.
    11 Dywedant am ogoniant dy frenhiniaeth : a thraethant dy gadernid;
    12 I beri i feibion dynion adnabod ei gadernid ef: a gogoniant ardderchowgrwydd ei frenhiniaeth.
    13 Dy frenhiniaeth di sy frenhiniaeth dragywyddol : a’th lywodraeth a bery yn oes oesoedd.
    14 Yr Arglwydd sydd yn cynnal y rhai oll a syrthiant : ac sydd yn codi pawb a ddarostyngwyd.
    15 Llygaid pob peth a ddisgwyliant wrthyt : ac yr ydwyt yn rhoddi eu bwyd iddynt yn ei bryd;
    16 Gan agoryd dy law : a diwallu pob peth byw â’th ewyllys da.
    17 Cyfiawn yw’r Arglwydd yn ei holl ffyrdd : a sanctaidd yn ei holl weithredoedd.
    18 Agos yw’r Arglwydd at y rhai oll a alwant arno : at y rhai oll a alwant arno mewn gwirionedd.
    19 Efe a wna ewyllys y rhai a’i hofnant : gwrendy hefyd eu llefain, ac a’u hachub hwynt.
    20 Yr Arglwydd sydd yn cadw pawb a’i carant ef : ond yr holl rai annuwiol a ddifetha efe.
    21 Traetha fy ngenau foliant yr Arglwydd : a bendithied pob cnawd ei Enw sanctaidd ef byth ac yn dragywydd.
 

PSALM CXLVI. Lauda, anima mea.

MOLWCH yr Arglwydd : Fy enaid, mola di’r Arglwydd.
   2 Molaf yr Arglwydd yn fy myw: canaf i’m Duw tra fyddwyf.
    3 Na hyderwch ar dywysogion, nac ar fab dyn : yr hwn nid oes iachawdwriaeth ynddo.
    4 Ei anadl a â allan, efe a ddychwel i’w ddaear : y dydd hwnnw y derfydd am ei holl amcanion ef.
    5 Gwỳn ei fyd yr hwn y mae Duw Jacob yn gymmorth iddo : sydd â’i obaith yn yr Arglwydd ei Dduw;
    6 Yr hwn a wnaeth nefoedd a daear, y môr, a’r hyn oll y sydd ynddynt : yr hwn sydd yn cadw gwirionedd yn dragywydd;
    7 Yr hwn sydd yn gwneuthur barn i’r rhai gorthrymmedig, yn rhoddi bara i’r newynog: Yr Arglwydd sydd yn gollwng y carcharorion yn rhŷdd.
    8 Yr Arglwydd sydd yn agoryd llygaid y deillion : yr Arglwydd sydd yn codi y rhai a ddarostyngwyd; yr Arglwydd sydd yn hoffi y rhai cyfiawn.
    9 Yr Arglwydd sydd yn cadw’r dïeithriaid; efe a gynnal yr amddifad a’r weddw : ac a ddadymchwel ffordd y rhai annuwiol.
    10 Yr Arglwydd a deyrnasa byth : sef dy Dduw di, Sïon, dros genhedlaeth a chenhedlaeth. Molwch yr Arglwydd.
 

PRYDNHAWNOL WEDDI.

PSALM CXLVII. Laudate Dominum.

MOLWCH yr Arglwydd; canys da yw canu i’n Duw ni : o herwydd hyfryd yw, ïe, gweddus yw mawl.
    2 Yr Arglwydd sydd yn adeiladu Jerusalem : efe a gasgl wasgaredigion Israel.
    3 Efe sydd yn iachâu y rhai briwedig o galon : ac yn rhwymo eu doluriau.
    4 Y mae efe yn rhifo rhifedi’r ser : geilw hwynt oll wrth eu henwau.
    5 Mawr yw ein Harglwydd, a mawr ei nerth : aneirif yw ei ddeall.
    6 Yr Arglwydd sydd yn dyrchafu y rhai llariaidd : gan ostwng y rhai annuwiol hyd lawr.
    7 Cyd-genwch i’r Arglwydd mewn dïolchgarwch: cenwch i’n Duw â’r delyn;
    8 Yr hwn sydd yn toi’r nefoedd â chymmylau : yn parottôi gwlaw i’r ddaear, gan beri i’r gwellt dyfu ar y mynyddoedd.
    9 Efe sydd yn rhoddi i’r anifail ei borthiant: ac i gywion y gigfran, pan lefant.
    10 Nid oes hyfrydwch ganddo yn nerth march : ac nid ymhoffa efe yn esgeiriau gwr.
    11 Yr Arglwydd sydd hoff ganddo y rhai a’i hofnant ef : sef y rhai a ddisgwyliant wrth ei drugaredd ef.
    12 Jerusalem, mola di’r Arglwydd : Sïon, molianna dy Dduw.
    13 O herwydd efe a gadarnhaodd farrau dy byrth: efe a fendithiodd dy blant o’th fewn.
    14 Yr hwn sydd yn gwneuthur dy fro yn heddychol : ac a’th ddiwalla di â brasder gwenith.
    15 Yr hwn sydd yn anfon ei orchymyn ar y ddaear : a’i air a red yn dra buan.
    16 Yr hwn sydd yn rhoddi eira fel gwlan : ac a daena rew fel lludw.
    17 Yr hwn sydd yn bwrw ei iâ fel tammeidiau : pwy a erys gan ei oerni ef?
    18 Efe a enfyn ei air, ac a’u tawdd hwynt : â’i wỳnt y chwŷth efe, a’r dyfroedd a lifant.
    19 Y mae efe yn mynegi ei eiriau i Jacob : ei ddeddfau a’i farnedigaethau i Israel.
    20 Ni wnaeth efe felly âg un genedl : ac nid adnabuant ei farnedigaethau ef. Molwch yr Arglwydd.
 

PSALM CXLVIII. Laudate Dominum.

MOLWCH yr Arglwydd. Molwch yr Arglwydd o’r nefoedd : molwch ef yn yr uchelderau.
    2 Molwch ef, ei holl angylion: molwch ef, ei holl luoedd.
    3 Molwch ef, haul a lleuad : molwch ef: yr holl ser goleuni.
    4 Molwch ef, nef y nefoedd: a’r dyfroedd y rhai ydych oddi ar y nefoedd.
    5 Molant Enw’r Arglwydd : o herwydd efe a orchymynnodd, a hwy a grëwyd.
    6 A gwnaeth iddynt barhâu byth yn dragywydd : gosododd ddeddf, ac ni’s troseddir hi.
    7 Molwch yr Arglwydd o’r ddaear : y dreigiau, a’r holl ddyfnderau;
    8 Tân, a chenllysg; eira, a tharth : gwynt ystormus, yn gwneuthur ei air ef;
    9 Y mynyddoedd, a’r bryniau oll : y coed ffrwythlawn, a’r holl gedrwŷdd;
    10 Y bwystfilod, a phob anifail : yr ymlusgiaid, ac adar asgellog;
    11 Brenhinoedd y ddaear, a’r holl bobloedd : tywysogion, a holl farnwŷr y byd;
    12 Gwŷr ieuaingc, a gwyryfon hefyd : henafgwŷr, a llangciau.
    13 Molant Enw’r Arglwydd; o herwydd ei Enw ef yn unig sy ddyrchafadwy : ei ardderchowgrwydd ef sydd uwchlaw daear a nefoedd.
    14 Ac efe sydd yn dyrchafu corn ei bobl, moliant. ei holl saint: sef meibion Israel, pobl agos atto. Molwch yr Arglwydd.
 

PSALM CXLIX. Cantate Domino.

MOLWCH yr Arglwydd. Cenwch i’r Arglwydd ganiad newydd : a’i foliant ef ynghynnulleidfa’r saint.
    2 Llawenhâed Israel yn yr hwn a’i gwnaeth : gorfoledded meibion Sïon yn eu Brenhin.
    3 Molant ei Enw ef ar y dawns : canant iddo ar dympan a thelyn.
    4 O herwydd hoffodd yr Arglwydd ei bobl : efe a brydfertha y rhai llednais â iachawdwriaeth.
    5 Gorfoledded y saint mewn gogoniant : a chanant ar eu gwelŷau.
    6 Bydded ardderchog foliant Duw yn eu genau : a chleddyf dau-finiog yn eu dwylaw;
    7 I wneuthur dïal ar y cenhedloedd : a chosp ar y bobloedd;
    8 I rwymo eu brenhinoedd â chadwynau : a’u pendefigion â gefynnau heiyrn;
    9 I wneuthur arnynt y farn ysgrifenedig : yr ardderchowgrwydd hwn sydd i’w holl saint ef. Molwch yr Arglwydd.
 

PSALM CL. Laudate Dominum.

MOLWCH yr Arglwydd. Molwch Dduw yn ei sancteiddrwydd : molwch ef yn ffurfafen ei nerth.
    2 Molwch ef am ei gadernid : molwch ef yn ol amlder ei fawredd.
    3 Molwch ef â llais udgorn : molwch ef â nabl ac â thelyn.
    4 Molwch ef â thympan ac â dawns : molwch ef â thannau ac âg organ.
    5 Molwch ef â symbalau soniarus : molwch ef â symbalau llafar.
    6 Pob perchen anadl : molianned yr Arglwydd. Molwch yr Arglwydd.