KOE TEBILE OE G. AHO FAKAMANATU
FIEFIA KE TOKAGA‛I I HE JIAJI IGILANI
KI HE TA‛U.

Koe Gahi Aho oe Eiki kotoabe
Koe Aho ‛oe Kamu ‛o HO TAU EIKI KO JISU KALAISI
Koe Aho ‛oe Epifani ‛o HO TAU EIKI
Koe Aho ‛oe Liliu ‛o Sa. Baula
Koe Aho ‛oe Fakamaa ‛oe Tauboou Monuia
Koe Aho ‛o Sa. Mataiasi koe Abosetolo
Koe Aho ‛oe Fakaha ki he Tauboou Monuia
Koe Aho ‛o Sa. Maake koe Evagelio
Koe Aho ‛o Sa. Felibe mo Sa. Jemesi koe ogo Abosetolo
Koe Aho ‛oe Ha‛ele hake ‛o HO TAU EIKI KO JISU KALAISI
Koe Aho ‛o Sa. Banabasa
Koe Aho ‛oe Faele‛i ‛o Jone Bapitaiso
Koe Aho ‛o Sa. Bita koe Abosetolo
Koe Aho ‛o Sa. Jemesi koe Abosetolo
Koe Aho ‛o Sa. Batolomiu koe Abosetolo
Koe Aho ‛o Sa. Matiu koe Abosetolo
Koe Aho ‛o Sa. Maikale moe kau Agelo kotoabe
Koe Aho ‛o Sa. Luke koe Evagelio
Koe Aho ‛o Sa. Saimone mo Sa. Jute, koe ogo Abosetolo
Koe Aho ‛o Kaiga Ma‛oni‛oni Kotoabe
Koe Aho ‛o Sa. Anitelu koe Abosetolu
Koe Aho ‛o Sa. Tomasi koe Abosetolo
Koe Aho ‛oe Alo‛i ‛o HO TAU EIKI
Koe Aho ‛o Sa. Setiveni koe Uluaki Maata
Koe Aho ‛o Sa. Jone koe Evagelio
Koe Aho ‛oe Fanau Taehalaia

KOE TU‛UTU‛UNI ‛AIA ‛OKU ILO AI ‛AE ‛AHO
TOETU‛U.

‛E hoko mau ai be ‛ae ‛Aho Toetu‛u ‛i he Uluaki ‛Aho ‛oe ‛Eiki hili ‛ae katoa ‛ae Mahina ‛aia ‛oku hoko ‛i hono uofulu ma taha ‛o Maaji, be hili ‛ae ‛aho koia bea kabau ‛oku katoa ‛ae mahina ‛i he ‛Aho ‛oe ‛Eiki, koe ‛Aho ‛oe ‛Eiki hoko koe ‛Aho Toetu‛u ia.

KOE TEBILI ‛OE G. EFIAFI LEO, MOE G.
‛AHO AUKAI KE TOKAGA‛I I HE TA‛U.

Koe G. Efiafi Leo.

Koe Efiafi muomu‛a i he

Alo‛i o HO TAU EIKI
Fakamaa oe Tauboou Monuia
Fakaha ki he Tauboou Monuia
Aho oe Toetu‛u
Aho oe Ha‛ele hake
Aho oe Penitekosi
Aho oe Sa. Mataiasi
Aho oe Sa. Jone Bapitaiso
Aho o Sa. Bita
Aho o Sa. Jemisi
Aho o Sa. Batolomiu
Aho o Sa. Matiu
Aho o Sa. Saimone mo Sa. Jute
Aho o Sa. Anitelu
Aho o Sa. Tomasi
Aho o Kaiga Ma‛oni‛oni Kotoabe

Koe G. Aho Aukai.

I. Koe g. ‛Aho ‛e Fagofulu ‛oe Leniti.

II. Koe g. Aukai ‛i he Faahi-ta‛u ‛e Fa, koia, koe Buielulu moe Falaite, moe Tokonaki hili ‛ae gahi aho ni:

Ko hono Uluaki Aho oe Eiki ‛i Leniti
Koe Aho oe Penitekosi
Ko hono aho 14 ‛o Sepitema
Ko hono aho 13 ‛o Tisema.

III. Koe Monete, mo Tusite mo Bulelulu muomu‛a ‛i he Ha‛ele hake o ho tau EIKI, kuo ui Koe g. Aho-Kole.

IV. Koe g. Falaite kotoabe i he ta‛u, kapau ‛e ikai ‛ae ALO‛I ‛O KALAISI.
 

KOE TU‛UTU‛UNI KOE‛UHI
KOE LOTU BOGIBOGI Moe LOTU
EFIAFI.

‛I HE ‛AHO KOTOABE ‛OE TA‛U.

¶ Ke lau ‛e he Minisita ‛aki ‛ae leo lahi ha taha be niihi ‛oe gahi botu ni ‛oe Tohi Tabu. Bea ‛e toki lau ‛eia ‛ae Eginaki.

OKA tafoki ‛ae tagata agakovi mei he agakovi kotoabe na‛a ne fai, bea fai ‛eia ‛aia ‛oku lelei mo totonu, e fakamo‛ui ‛eia hono laumalie. Isikieli xviii. 27.
    He ‛oku ou fakamo‛oni ‛eku gahi talagata‛a, bea ‛oku tu‛u ma‛u ai be i hoku ‛ao ‛eku agahala. Same li. 3.
    Ke ke fufu ho fofoga mei he ‛eku agahala, mo ke tamate‛i ‛eku gahi hia kotoabe. Same li. 9.
    Koe gahi feilaulau ‛oe ‛Otua koe loto mafeji: koe loto mafeji mo mafofoa, ‛E ‛Otua ‛e ‛ikai te ke manuki‛i. Same li. 17.
    Bea mou haehae ho mou loto, kae ‛ikai ko ho mou kofu be, bea tafoki ki he ‛Eiki, ko ho mou ‛Otua: he ‛oku ne agalelei mo ‛alo‛ofa ‛o tuotuai ki he houhau, bea oku ne agaofa lahi, bea ‛oku ne fakatomala ‛i he kovi. Joeli ii. 13.
    ‛Oku ‛i he ‛Eiki ko ho tau ‛Otua ‛ae gahi ‛alo‛ofa moe fakamolemole, ka na‛a tau agatuu kiate ia: bea na‛e ‛ikai te tau talagofua ki he leo ‛oe ‛Eiki ko ho tau ‛Otua, ke alu ‛i he gahi lao ‛aia na‛a ne fokotu‛u ‛i ho tau ‛ao. Taniela ix. 9, 10.
    ‛E ‛Eiki, ke ke tautea au, bea ke ke fai i he fakamāu, ‛oua na‛a ‛i ho houhau, telia na‛a ke fakaauha au. Jelemaia x. 24.
    Mou fakatomala; he ‛oku ofi ae Buleaga ‛oe Lagi. Matiu iii. 2.
    Teu tu‛u hake, beau alu ki he eku tamai, bea teu behe kiate ia, ‛E Tamai, na‛aku fai agahala ki hevani, bea ‛i ho ‛ao, bea ‛oku ‛ikai teu kei aoga ke ui au ko ho foha.Luke xv. 19.
    ‛Oua na‛a ke fakamāu‛i ho‛o tamaio‛eiki; koe‛uhi ‛e ‛ikai tonuhia ‛i ho ‛ao ha tagata mo‛ui ‛e toko taha. Same cxliii. 2.
    Kapau te tau behe, ‛oku ‛ikai haa tau agahala, ‛oku tau kākā ‛i ‛akitautolu, bea ‛oku ‛ikai iate kitautolu ‛ae mo‛oni. Kapau te tau vete ‛e tau gahi agahala, ‛oku mo‛oni mo agatonu ia ke fakamolemole ‛e tau gahi agahala, mo fakama‛a ‛akitautolu mei he ta‛ema‛oni‛oni kotoabe. 1 Jone i. 8, 9.

¶ Koe Vete lahi ke fai ‛e he Minisita, bea agimui ki ai ‛ae kakai, o‛ tu‛ulutui kotoabe.
 

¶ Koe Fakamolemole, ke lau ‛ehe Taula‛eiki be oku tuu, bea ‛e tu‛ulutui ‛ae kakai.

¶ Ke tali ‛ehe Kakai ‛iheni, bea ‛i he gataaga ‛oe g. lotu kotoabe. Ameni.

¶ Bea e toki lau ‛ehe Minisita ‛ae Lotu ‛ae ‛Eiki, bea muimui ki ai ‛ae kakai.
 

¶ Bea ‛e toki lau ‛eia, ‛o behe.

    ‛E ‛Eiki, ke ke fa‛ai ho mau lougutu.
    Kakai.— Bea ‛efakahaatu‛e homau gutu ‛a ho‛ofakamalo.
    Minisita.— ‛E ‛Otua, ke ke fakavave ke fakamo‛ui ‛akimautolu.
    Kakai.— ‛E ‛Eiki, ke ke fakavave ke tokoni ‛akimautolu.

¶ Bea ‛e tutu‛u kotoabe, bea ‛e behe ‛e he Minisita.

    Kololia ki he Tamai, bea moe ‛Alo: bea moe Laumalie Ma‛oni‛oni;
    Tali.—Hage koia na‛e fai ‛i mu‛a, ‛oku kei fai ni, bea e behe ma‛u ai be: ‛O ta‛egata bea ta‛egata. Ameni.
    Minisita.—Mou fakamalo ki he ‛Eiki.
    Tali.—Ke maloia ‛ae Huafa ‛oe ‛Eiki.

KI HE LOTU BOGIBOGI.

Bea ‛e toki lau be hiva ‛ae Same ni ‛oku muimui, kapau e ikai i he Aho ‛oe Toetu‛u, ‛aia ‛oku tuutuuni ‛ae Anitemi kehe; bea ki hono ‛aho hogofulu ma hiva ‛oe mahina kotoabe ‛oku ‛ikai ke lau ‛iheni ka ‛i he g. Same ‛oe ‛aho.

Venite exultemus Domino. Same xcv.

¶ Bea ‛e lau be hiva ‛ae g. Same kuo tu‛utu‛uni ki he ‛aho. Bea ‛e hiva ‛i he gataaga ‛oe Same kotoabe,

    Kololia ki he Tamai, bea moe ‛Alo: bea moe Laumalie Ma‛oni‛oni.
    Hage koia na‛e fai ‛i mu‛a, ‛oku kei fai ni: bea ‛e behe ma‛u ai be, ‛o ta‛egata bea ta‛egata. Ameni.

¶ Bea ‛e toki lau ‛ae Uluaki Lesoni mei he Tohi Tabu Motua, ‛o fakatatau ki he tu‛utu‛uni ‛i he Tohi Mahina. Bea hili ia ‛e lau be hiva ae Himi kuo ui Te Deum Laudamus.

¶ ‛I he lau ‛ae Lesoni kotoabe ‛e behe ‛e he Minisita, ‛Oku kamata ‛i heni hono ———— oe Vahe oe ———— be hono ———— oe Vesi o hono ———— oe Vahe oe —————: Bea i hono fakaoji,Koe gataaga eni ‛oe Uluaki Lesoni be o hono Ua oe Lesoni.
 

Te Deum Laudamus.

‛Oku mau fakamalo kiate koe, ‛E ‛Otua: ‛oku mau fakaha koe ‛Eiki be ‛akoe.
    ‛Oku hu kiate koe ‛a mamani kotoabe: koe Tamai ta‛egata.
    ‛Oku fakamalo le‛o lahi ki he ‛Afiona ‛ae kau agelo koto abe: koe gahi Hevani, moe gahi Malohi kotoabe ‛oku ‛i ai.
    ‛Oku lea lahi ma‛u ai be ki he ‛Afiona: ‛ae Jelubimi moe Selafimi,
    Ma‛oni‛oni, Ma‛oni‛oni, ‛oku Ma‛oni‛oni: ‛ae ‛Eiki koe ‛Otua ‛oe gahi tau:
    ‛Oku fonu ‛a hevani mo mamani ‛i he ‛Afiona: ‛o ho‛o kololia.
    ‛Oku fakamalo koe: ‛e he fakataha lelei ‛oe kau Abosetolo.
    ‛Oku fakamalo koe: ‛e he feohi lelei ‛ae kau Balofita.
    ‛Oku fakamalo koe: ‛e he tau ogoogolelei, koe kau Ma‛ata.
    ‛Oku fakaha kiate koe: ‛ae Jiaji Ma‛oni‛oni‛i mamani kotoabe;
    Koe Tamai: ‛ae ‛Afiona ta‛egata;
    Mo ho ‛Alo ogoogolelei: mo mo‛oni, mo toko taha be;
    Bea moe Laumalie Ma‛oni‛oni foki: koe Fakafiemalie ‛ia.
    Ko koe ‛ae Tu‛i oe Kololia: ‛E Kalaisi.
    Koe ‛Alo ta‛egata koe: ‛oe Tamai.
    ‛I ho‛o fai ke fakamo‛ui ‛ae tagata: na‛e ‛ikai te ke fehia ki he mānāva ‛oe Tauboou.
    Bea hili ho‛o ikuna hono majila ‛oe mate: na‛a ke fakaava ‛ae Buleaga ‛o Hevani ki he kakai tui kotoabe.
    ‛Oku ke afio ‛i he niraa to‛omata‛u ‛oe ‛Otua: ‛i he Kololia ‛oe Tamai.
    ‛Oku mau tui te ke ha‛ele mai: ko ho mau ‛Eiki Fakamāu.
    Koia ‛oku mau kole ai kiate koe ke ke tokoni ho‛o kau tamaio‛eiki: ‛aia na‛a ke huhu‛i ‛aki ho ta‛ata‛a maogooga.
    Ke ke bule ke lau fakataha ‛akinautolu mo ho Kaiga Ma‛oni‛oni: ‛i he kololia ta‛egata.
    ‛E ‛Eiki, ke ke fakamo‛ui ho kakai; bea tabuaki‛i ho tofia.
    Ke ke bule‛i ‛akinautolu: bea hiki ‛akinautolu ki ‛oluga ‛o ta‛egata.
    ‛Oku mau fakahikihiki kiate koe: ‛i he ‛aho kotoabe.
    Bea ‛oku mau fakamalo ma‛u ai be ki ho Huafa: ‛o ta‛egata bea ta‛egata.
    Ke ke ‛ofa mai, ‛E ‛Eiki; ke tauhi ‛akimautolu he ‛aho ni ke ‛oua na‛a mau fai agahala.
    ‛E ‛Eiki, alo‛ofa mai kiate kimautolu: ke ke alo‛ofa mai kiate kimautolu.
    ‛E ‛Eiki, ke hoko ‛a ho‛o aga‛ofa kiate kimautolu: ‛o hage ko ‛e mau falala kiate koe.
    ‛E ‛Eiki, kuou falala kiate koe: ‛oua na‛a ke tuku au keu ma.

¶ Be koe Hiva ni.

Benedicite, omnia Opera.

‛AKIMOUTOLU ‛ae gahi Gaue Kotoabe ‛ae ‛Eiki, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae kau ‛Agelo ‛ae ‛Eiki, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu koe gahi Hevani, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu koe gahi vai na‛e ‛i ‛oluga ‛i he atā, mou fakafeta‛i ki he ‛Eiki: mo fakamalo kiate ia mo fakahikihiki ia ‛o ta‛egata.
    ‛Akimoutolu koe gahi Malohi ‛oe ‛Eiki, mou fakafeta‛i ki he Eiki: mo fakamalo kiate ia, mo fakahikihiki ia ‛o ta‛egata.
    ‛Akimoua koe La‛a moe Mahina mofakafeta ‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu koe gahi Fetu‛u ‛oe Lagi, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi ‛Uha moe Hāhāu, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Matagi ‛ae ‛Otua, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoua ‛ae Afi moe Mafana, mo fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoua ‛ae faahita‛u Mafana moe faahita‛u Momoko, mo fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoua ‛ae Falosite moe Momoko, mo fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoua ‛ae Vai fefeka moe ‛Uha hinehina, mo fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi ‛Aho moe gahi Bo, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoua ‛ae Mama moe Bo‛uli: mo fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi ‛Uhila moe gahi ‛Ao, moe fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    Ke fakafeta‛i ‛ae Fonua ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Mo‛uga moe gahi Tafugofuga, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Me‛a Mata kotoabe ‛i he fonua, mou fakafeta‛i ki he Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Matavai, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Tahi moe gahi Vaitafe, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Tofua‛a moe gahi me‛a kotoabe oku gau‛e ‛i he moana, mo fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae faga Manu-buna oe Atā, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae faga Manu Hehegi, moe gahi Manu Lalata, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae Fanau ‛oe Tagata, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    Ke fakafeta‛i ‛a Isileli ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae kau Taula‛eiki ‛oe ‛Eiki, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    Akimoutolu ‛ae kau Tamaio‛eiki ‛ae ‛Eiki, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu ‛ae gahi Laumalie ‛oe kau Tagata Agatonu, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    ‛Akimoutolu, Ananaia mo Asalia mo Misaeli, mou fakafeta‛i ki he ‛Eiki: mo fakamalo kiate ia, mo fakahikihiki ia ‛o ta‛egata.
    Kololia ki he Tamai, etc.
    O hage koia na‛e fai ‛i mu‛a, etc.

¶ E lau i heni a hono Lesoni Ua mei he Fuakava Fo‛ou. Bea toki fai ae Himi ni.
 

Benedictus. Sa. Luke i. 68.

FAKAFETA‛I ki he ‛Eiki koe ‛Otua ‛o Isileli: he kuo ne a‛ahi mo huhu‛i ‛a hono kakai,
    Bea kuo ne fokotu‛u ‛eia ‛ae malohi ‛oe fakamo‛ui kiate kitautolu: ‛i he fale ‛o ‛ene tamaio‛eiki ko Tevita;
    ‛O hage ko ‛ene folofola ‛i he gutu ‛o ene kau Balofita ma‛oni‛oni: na‛e ai talu ‛ae tubuaga ‛o mama ni:
    Koe‛uhi ke fakamo‛ui ‛akitautolu mei ho tau gahi fili: moe nima ‛o kinautolu kotoabe ‛oku fehia kiate kitautolu;
    Ke fakamo‛oni ‛ae ‛alo‛ofa ki he ‛e tau mātua: mo manatu ki he ‛ene fuakava ma‛oni‛oni;
    ‛Ae fuakava ‛aia ne fuakava ‛aki ki he ‛e tau tamai ko Ebalahame: ke tuku ‛eia kiate kitautolu;
    Ke tau hao mei he nima ‛o ho tau gahi fili: bea tau tauhi ia ta‛emanavahe;
    ‛I he ma‛oni‛oni moe agatonu ‛i hono ‛ao: ‛i he ‛aho kotoabe ‛oe tau mo‛ui.
    Bea ko koe, e tama, ‛e ui koe koe Balofita ‛oe Fugani Maoluga: he te ke mu‛omu‛a ‛i he ‛ao ‛oe ‛Eiki ke teuteu hono hala;
    Ke fakailo ‛ae fakamo‛ui ki hono kakai: ‛i he fakamole-mole ‛oe nau hia,
    Koe me‛a ‛i he ‛alo‛ofa ogogofua a ho tau ‛Otua: ‛aia kuo hoko mei ai ‛ae hegihegi ‛oe ‛aho mei ‛oluga kiate kitautolu,
    Ke fakamāma kiate kinautolu ‛oku nofo ‛i he fakabo‛uli moe ‛ata ‛oe mate: ke fakahinohino ho tau va‛e ki he hala ‛oe fiemalie.
    Kololia ki he Tamai, etc.
    Hage koia na‛e fai ‛i mu‛a, etc.

¶ Be koe Same ni,

Jubilate Deo. Same c.

MOU mavava ‛i he fiefia ki he ‛Eiki: ‛ae gahi fonua kotoabe.
    Tauhi ‛ae ‛Eiki ‛i he fiefia: ha‛u moe hiva ki hono ‛ao.
    Mou ilo koe ‛Eiki ko ia be koe ‛Otua: ko ia be na‛a ne gaohi ‛akitautolu, ka na‛e ‛ikai te tau gaohi ‛akitautolu; ko hono kakai ‛akitautolu, moe faga sibi ‛o ‛ene goue.
    Hu ki hono gahi mataba ‛i he fakafeta‛i, bea ki hono gahi lotoa ‛i he fakamalo: mou fakafeta‛i kiate ia, bea fakamonu‛ia ki hono Huafa.
    He ‛oku agalelei ‛ae ‛Eiki, ‛oku ta‛egata ‛ene ‛alo‛ofa: bea ‛oku tologa ma‛u ai be ‛ene mo‛oni mei he to‛utagata ki he to‛utagata.
    Kololia ki he Tamai, etc.
    Hage koia na‛e fai ‛i mu‛a, etc.

KI HE LOTU EFIAFI.

¶ Bea ‛e lau be hiva ‛ae g. Same kuo tu‛utu‛uni ki he ‛aho. Bea ‛e toki lau ‛ae ‛Uluaki Lesoni mei he Tohi Tabu Motua. Bea hili ia, koe Magnificat be Koe Hiva ‛oe Tauboou Monuia ko Mele.

Magnificat. Sa. Luke i.

‛OKU fakahikihiki ‛ae ‛Eiki ‛e hoku laumalie: bea ‛oku fiefia hoku laumalie ‛i he ‛Otua ko hoku Fakamo‛ui.
    He kuo ne vakai ‛eia ‛ae vaivai ‛a ‛ene kaunaga: vakai, gata mei heni ‛e ui au koe monu‛ia ‛e he gahi to‛utagata kotoabe.
    He ko ia ‛oku mafimafi kuo ne fai kiate au ‛ae gahi me‛a lahi: ‛oku ma‛oni‛oni hono Huafa.
    Bea ‛oku iate kinautolu ‛oku manavahe kiate ia ‛a ‛ene ‛alo‛ofa: mei he to‛utagata ki he to‛utagata.
    Kuo fakaha mai ‛eia ‛ae malohi ‛i hono nima: bea kuo veteki eia ae laukau i he gao i a ho nau loto.
    Kuo fakahifo ‛eia ‛ae malohi mei he gahi nofo‛aga: bea kuo ne hakeaki‛i ‛akinautolu na‛e maulalo.
    Kuo fakamakona ‛eia ‛ae fiekaia ‛aki ‛ae gahi me‛a lelei: ka ne teke‛i ‛atu ‛ae ma‛ume‛a ke majiva.
    Kuo tokoni ‛eia ‛a ‛ene tamaio‛eiki ko Isileli: ‛i he ‛ene manatu ki he ‛alo‛ofa;
    ‛O hage ko ‛ene lea ki he ‛e tau gahi tamai: kia Ebalahame, mo hono hako, ‛o lauikuoga.
    Kololia ki he Tamai, etc.
    Hage koia na‛e fai ‛i mu‛a, etc.

¶ Be koe Same ko ‛eni.

Cantate Domino. Same xcviii.

HIVA ki he ‛Eiki ‛aki ‛ae hiva fo‛ou: he kuo fai ‛eia ‛ae gahi me‛a fakaofo.
    Kuo ne ‛ikuna ‛aki hono nima to‛omatau: mo hono nima ma‛oni‛oni.
    Kuo fakaha ‛e he ‛Eiki ‛a ‛ene fakamo‛ui: kuo ne fakaha atu ‛ene ma‛oni‛oni ‛i he ‛ao ‛oe hiteni.
    Kuo ne manatu ki he ‛ene ‛alo‛ofa mo ‛ene mo‛oni ki he fale ‛o Isileli: kuo mamata ‛e he gahi gata‛aga ‛o mamani ki he fakamo‛ui ‛a ho tau ‛Otua.
    Kalaga ‛i he fiefia ki he ‛Eiki ‛a mamani kotoabe: Kalaga i he le‛o lahi, mo fiefia, bea hiva fakamalo.
    Hiva ki he ‛Eiki ‛aki ‛ae haabe: ‛aki ‛ae haabe, bea moe le‛o ‛oe Same.
    Mou kalaga fakafiefia ‛aki ‛ae gahi me‛alea moe le‛o ‛oe me‛alea: ‛i he ‛ao ‛oe ‛Eiki koe Tu‛i.
    Ke u ‛ulu ‛ae tahi, mo hono fonu ‛oia: ‛a mamani, mo kinautolu ‛oku nofo ai.
    Ke bajibaji ‛e gahi vai ‛a ho nau nima: ke fiefia fakataha ‛ae gahi mo‛uga ‛i he ‛ao ‛oe ‛Eiki;
    He ‛oku ha‛ele mai ia ke fakamāu ‛a mamani: te ne fakamāu ‛a mamani ‛i he ma‛oni‛oni, bea moe kakai ‛i he agatonu.
    Kololia ki he Tamai, etc.
    Hage koia na‛e fai ‛i mu‛a, etc.

¶ Bea toki koe Lesoni kuo tu‛utu‛uni mei he Fuakava Fo‛ou. Bea hili ia koe hiva o Simione be Nunc Dimittis.

Nunc Dimittis. Sa. Luke ii. 29.

‛E ‛EIKI, koeni, ‛oku ke tukuage ‛a ho‛o tamaio‛eiki ke fonoga ‛i he fiemalie: ‛o hage ko ho‛o folofola.
    He kuo mamata ‛a hoku mata: ki ho‛o fakamo‛ui, ‛Aia kuo ke teuteu: i he ao oe kakai kotoabe;
    Koe māma ke fakamāma ‛aki ‛ae Jenitaile: moe nāunāu ‛o ho kakai ko Isileli.
    Kololia ki he Tamai, etc.
    Hage koia na‛e fai ‛i mu‛a, etc.

¶ Be koe Same ko eni.

Deus Misereatur. Same lxvii.

¶ Bea e toki lau be hiva ‛ae Tui ‛ae kau Abosetolo ‛o tutu‛u kotoabe.

‛OKU ou tui ki he ‛Otua koe Tamai Mafimafi, koe Tubu‛aga ‛o hevani mo mamani.
Bea mo Jisu Kalaisi, ko hono ‛Alo be taha, ko ho tau ‛Eiki: ‛Aia na‛e tubu ‛i he Laumalie Ma‛oni‛oni; Bea ‛alo‛i ia ‛e he Taubo‛ou ko Mele; Na‛e mamahi‛ia ia Ponitusi Pailate; Na‛e kalusifai ia, bea bekia, bea telio; Na‛e ha‛ele hifo ia ki hetesi; Bea toetu‛u mei he bekia ‛i hono ‛aho tolu; Bea na‛e ha‛ele hake ia ki hevani; Bea ‛afio ia ki ne nima to‛omata‛u ‛oe ‛Otua koe Tamai Mafimafi; Bea ‛e ha‛ele ia mei ai ke fakamāu ‛ae mo‛ui moe mate.
‛Oku ou tui ki he Laumalie Ma‛oni‛oni, Moe Jiaji Ma‛oni‛oni mo Katolika; Moe Feohi ‛oe Kaiga Ma‛oni‛oni; Moe Fakamolemole ‛oe gahi agahala; Moe Toetu‛u ‛oe jino; Bea moe Mo‛ui ta‛egata. Ameni.

¶ Bea hili ia ae gahi Lotu, ‛o tuulutui kotoabe, bea ‛e lea ‛ehe Minisita,

Ke iate kimoutolu ‛ae ‛Eiki.
Tali. Bea ke ‛i ho laumalie ia.
Minisita. Ke tau lotu.

‛Eiki, ‛alo‛ofa mai kiate kimautolu.
Kalaisi, ‛alo‛ofa mai kiate kimautolu.
‛Eiki, ‛alo‛ofa mai kiate kimautolu.
 

¶ Bea e toki tuu ae Minisita, kabau koe Taulaeiki ia, o behe,

    ‛E ‛Eiki, fakaha mai kiate kimautolu ‛a ho‛o ‛alo‛ofa.
    Tali. Bea foaki kiate kimautolu ‛a ho‛o fakamo‛ui.
    Minisita. ‛E ‛Eiki, fakamo‛ui ‛ae Tu‛i.
    Tali. Bea ke ke fanogo kiate kimautolu ‛i he ‛e mau ui kiate koe.
    Minisita. Ke kofu ‛aki ‛e ho‛o kau Minisita ‛ae agatonu.
    Tali. Bea ke fiefia ‛a ho kakai ma‛oni‛oni
    Minisita. ‛E ‛Eiki, fakamo‛ui ‛a ho kakai.
    Tali. Bea tabuaki ‛a ho tofia.
    Minisita. Foaki ‛ae melino ‛i ho mau kuoga, ‛E ‛Eiki.
    Tali. Koe‛uhi ‛oku ‛ikai mo ha taha ‛oku tau ma‛a mautolu ka ko koe be, ‛E ‛Otua.
    Minisita. ‛E ‛Otua, fakama‛a ‛a ho mau loto.
    Tali. Bea ‛oua na‛a ke to‛o iate kimautolu ho Laumalie Ma‛oni‛oni.

¶ Bea e toki lau ae g. Lotu ‛e tolu; koe uluaki Koe Lotu ‛oe ‛Aho ko hono Ua ki he Lotu Bogibogi ki he Melino, mo hono Tolu ki he Kelesi; bea ki he Lotu Efiafi Ito hono Ua ki he Melino mo hono Tolu ki he Tokoni ‛i he g. tu‛utamak.
 

Ko hono Ua ‛oe Lotu ki he Lotu Bogibogi.

‛E ‛OTUA, koe tubuaga koe ‛oe melino, moe ‛ofa ki he feofoofani, ‛oku tu‛u ‛i he ‛e mau ilo‛i ‛ae ‛Afiona ‛e mau mo‛ui ta‛egata, koe tauataina mo‛oni ‛ae tauhi kiate koe; ke ke malu‛i ‛akimautolu ko ho kakai agavaivai, ‛i he ‛ahi‛ahi-kovi kotoabe ‛a ho mau gahi fili; koe‛uhi ‛i he ‛e mau falala mo‛oni ki he ‛Afiona, ke ‛oua na‛a mau manavahe ki he malohi ‛o ha fili ‛e toko taha, ‛i he malohi ‛o Jisu Kalaisi, ko ho mau ‛Eiki. Ameni.

Ko hono Tolu ‛oe Lotu ki he Lotu Bogibogi.

‛E ‛EIKI, ko ‛emau Tamai ‛oku ‛i hevani, koe ‛Otua mafimafi mo ta‛egata, kuo ke ‛omi mo‛ui ‛akimautolu ki he kamataaga ‛oe ‛aho ni; ke ke malu‛i ma‛u ai be kimautolu ‛i ho malohi lahi; bea ke tuku ke ‛oua na‛a mau to ki ha agahala he ‛aho ni; be oho ki ha kovi ‛e taha; ka ke fakatonutonu ‛emau gaue kotoabe ‛e ho‛o bule, ke mau fai ma‛u ai be ‛aia ‛oku agatonu ‛i ho ‛ao; ia Jisu Kalaisi ko ho mau ‛Eiki. Ameni.

Ko hono Ua ‛oe Lotu ki he Lotu Efiafi.

‛E ‛OTUA, koe tubuaga koe ‛oe gahi holi ma‛oni‛oni kotoabe, moe gahi gaue lelei kotoabe, ‛oku mau kole kiate koe ke tuku mai kiate kimautolu ‛a ho‛o melino mo‛oni ‛aia ‛oku ‛ikai lava ke foaki ‛e mamani; koe‛uhi ke tokoni ki ho‛o mau loto ke mau tauhi ho‛o gahi fekau; bea ‛i he malu‛i ‛akimautolu mei he manavahe ki ho mau gahi fili, koe‛uhi ke mau nofo ‛i he fiemalie moe melino; ‛i hono ‛aoga lelei ‛oho mau Fakamo‛ui ko Jisu Kalaisi. Ameni.

Ko hono Tolu ‛oe Lotu ki he Lotu Efiafi.

‛E ‛EIKI, ‛oku mau hu ‛atu kiate koe, ke ke fakamāma ho mau fakabo‛ubo‛uli bea ‛i ho‛o aga‛ofa lahi ke ke fakahaofi ‛akimautolu mei he gahi faigata‛a moe gahi tu‛utamaki ‛oe bo ni, ‛i ho‛o ‛ofa ki ho ‛Alo be taha, ko ho mau Fakamo‛ui, ko Jisu Kalaisi. Ameni.

¶ ‛E fai ‛ae hiva be koe Anitemi ‛i heni.

Bea e toki lau ae gahi Lotu oku muimui ki he Lotu Efiafi, bea ki he Lotu Bogibogi kapau ‛e ‛ikai ke fai ‛ae Litani be ‛ae Feohiaga Ma‛oni‛oni.

Koe Lotu koe‛uhi koe g. Tu‛i, moe g. Kovana.

‛E ‛OTUA Mafimafi, koe matavai ‛oe agalelei kotoabe, ‛oku mau kole kiate koe ‛i he agavaivai ke ke tabuaki ‛ae gahi Tu‛i, moe g. Hou‛eiki, moe g. Kovana Kalisitiani kotoabe; teu‛i akinautolu ‛i ho Laumalie Ma‛oni‛oni; fakakoloa ‛akinautolu ‛i ho‛o kelesi fakahevani; fakamonu‛ia ‛akinautolu i he fiefia kotoabe; bea omi ‛akinautolu ki ho buleaga ta‛egata; ia Jisu Kalaisi ko ho mau ‛Eiki. Ameni.
 

Koe Lotu ko‛euhi koe g. Minisita moe Kakai.

‛E ‛OTUA Mafimafi mo ta‛egata, ko koe be ‛oku fai ‛ae gahi mana lahi; Ke ke tuku hifo ki ho mau gahi Episekopo moe gahi Tauhi, moe gahi Fakataha kotoabe kuo tuku kiate kinautolu ke tauhi, ‛ae Laumalie ‛o ho‛o kelesi fakamo‛ui; bea koe‛uhi ke nau fakafiemalie mo‛oni kiate koe, hua‛i hifo ma‛u ai be kiate kinautolu ‛ae hāhau ‛o ho‛o tabuaki. Foaki mai ‛ae me‛a ni, ‛E ‛Eiki, koe‛uhi koe ogoogolelei ‛o ho mau Fakalaloa mo Fakalelei, ko Jisu Kalaisi. Ameni.
 

Koe Lotu koe‛uhi koe kau tagata kotoabe.

‛E ‛OTUA, koe tubu‛aga koe moe Fakamo‛ui ‛oe kakai kotoabe, ‛oku mau hu fakamatoato kiate koe, koe‛uhi koe kakai aga kehekehe kotoabe, moe nofo kehekehe koe‛uhi ke lelei kiate koe ke fakaha ‛a ho gahi hala kiate kinautolu, mo ho‛o gaue fakamo‛ui ki he gahi buleaga kotoabe. Bea ‛oku mau lotu lahi, koe‛uhi ke lelei lahi ‛ae Jiaji Katolika; ke fakahinohino mo bule‛i ia ‛e ho Laumalie lelei, koe‛uhi ke tataki ‛i he hala ‛oe mo‛oni, ‛akinautolu ‛oku fakaha mo ui ‛akinautolu koe Kalisitiani, ke nau buke ke ma‛u ae tui, i he fakataha ‛oe laumalie, i he nono‛o ‛oe melino, moe mo‛ui ma‛oni‛oni. Bea, ko hono gata, ‛oku mau tuku ki ho‛o agalelei fakatamai ‛akinautolu kotoabe ‛oku mahaki, be mamahi i loto, be i he jino, be i he tu‛utamaki; [*mo kinautolu oku kole ke mau hufia ‛akinautolu a   ] ‛ofa ke lelei ia kiate koe, ke ke fakafiemalie‛i mo fakamo‛ui ‛akinautolu, ‛o fakatatau ki he ‛e nau gahi majiva kehekehe; bea tuku kiate kinautolu ‛ae loto faa kataki i he ‛e nau gahi mamahi, moe mo‛ui lelei mei ho nau gahi mahaki kotoabe; bea ‛oku mau kole ‛ae me a ni koe‛uhi ko Jisu Kalaisi. Ameni. [Lau ia ka ai ha niihi oku kole ke mau hufia ‛akinautolu.]
 

Koe Fakafeta‛i Lahi.

‛E ‛OTUA Mafimafi, koe Tamai ‛ae aga‛ofa kotoabe, ko kimautolu ko ho kakai ta‛eaoga, ‛oku mau atu kiate koe ‛ae fakafeta‛i, ‛i he agavaivai moe mo‛oni, ‛i ho‛o gahi agalelei moe aga‛ofa kiate kimautolu, bea moe kakai kotoabe; [kae ajili be, koe‛uhi ko kinautolu ‛oku atu ‛e nau fakafeta‛i kiate koe, ‛i ho‛o agaofa kuo ke tuku kiate kinautolu.] ‛Oku mau fakafeta‛i kiate koe ‛i ho mau fakatubu, bea moe gahi tabuaki kotoabe ‛oe mo‛ui ni; kae lahi taha be ‛i ho‛o ‛ofa ta‛efa‛alaua ‛i he huhu‛i a mamani ‛e ho mau ‛Eiki, ko Jisu Kalaisi; ‛i he gahi ma‛uaga kelesi, bea ki he ‛amanaki lelei ki he kololia. Bea ‛oku mau kole kiate koe, ke ke tuku kiate kimautolu ‛ae ilo lelei ‛a ho‛o agaofa kotoabe kiate kimautolu, koe‛uhi ke fakafeta‛i mo‛oni ai ho mau loto, bea ke mau faa fakaha atu ai a ho‛o ogoogolelei, ‛e ‛ikai i ho mau lougutu be, ka ‛i he ‛e mau mo‛ui; ‛i he ‛e mau tuku atu ‛akimautolu ki ho‛o gaue, bea ‛i he ‛e mau ‛alu be ‛i ho ‛ao, ‛i he ma‛oni‛oni moe aga totonu, ‛i ho mau gahi ‛aho kotoabe ‛oe mau mo‛ui; ia Jisu Kalaisi ko ho mau ‛Eiki aia ke iate ia fakataha mo koe moe Laumalie Ma‛oni‛oni, ae faka‛aba‛aba, moe kololia, ‛o ta‛egata bea ta‛egata. Ameni. [E lau ia oka ai ha niihi oku nau fie fakafetai ‛i he ‛e nau mo‛ui.]
 

Koe Lotu ‛o Sa. Kelisotoma.

‛E‛OTUA Mafimafi, kuo ke tuku kiate kimautolu ‛ae kelesi i he taimi ni ke mau fakaha loto taha ‛e mau gahi kole kiate koe, bea oku ke talaofa oka fakataha ‛ae toko ua, be ‛ae toko tolu, ‛i ho Huafa, te ke foaki ‛aia ‛oku nau kole; Ko eni ke fai, ‛E ‛Eiki, ki he gahi holi moe kole ‛a ho kakai, ‛o gali mo ia ‛oku lelei ke nau ma‛u; ‛o tuku kiate kimautolu ‛i he mamani ‛ae ilo ‛a ho‛o mo‛oni, bea ‛i he mama ka ha‛u ‛ae mo‛ui ta‛egata. Ameni.

2 Kolinito xiii. 14.

KOE kelesi ‛ae ‛Eiki ko Jisu Kalaisi, moe ‛ofa ‛ae ‛Otua, moe feohi ‛oe Laumalie Ma‛oni‛oni, ke iate kitautolu kotoabe, ‛o ta‛egata. Ameni.
 

KOE TUI FAKA-ATANASIUSI.

¶ ‛E lau be hiva ‛ae Tui ni koe fetogi ‛oe Tui ‛ae kau Abosetolo, ‛i he Lotu Bogibogi, ‛i he gahi ‛Aho Fakamanatu ni; Koe ‛Aho ‛oe ‛Alo‛i, ‛oe Epifani, ‛o Sa. Mataiasi, ‛oe Toetu‛u, ‛oe Ha‛ele Hake, ‛o Penitekosi, ‛o Sa. Jone Babitaiso, ‛o Sa. Jemisi, ‛o Sa. Batolomiu, ‛o Sa. Matiu, ‛o Sa. Saimone mo Sa. Jute, ‛o Sa. Anitelu, moe Aho oe Eiki oe Tolu-Taha: ka kapau oku fai ae Feohiaga Ma‛oni‛oni hili ae Lotu Bogibogi ‛e lau be hiva ‛ae Tui ni ‛i he Lotu Efiafi.

‛ILOGA ha taha ‛oku fie mo‛ui: ‛oku ‛aoga lahi hake ‛i he gāhi me‛a kotoabe ke ne ma‛u ‛ae Tui Katolika.
    Bea kabau ‛oku ‛ikai tauhi ‛e ha taha ‛ae Tui koia ke haohaoa mo ta‛eliliu: kuo bau ‛e ‛auha ia ‛o ta‛egata.
    Bea koeni ‛ae Tui Katolika: ‛oku tau hu ki he ‛Otua be taha ‛i be Tolu-Taha, bea moe Tolu-Taha ‛i he Aga be taha;
    ‛Oua na‛ake veuveuki ‛ae gāhi Pesona: be mavahevahe ‛ae Aga.
    He ‛oku ai ha Pesona ‛e taha koe Tamai, moe taha koe ‛Alo: bea moe taha koe Laumalie Ma‛oni‛oni.
    Ka koe Aga Faka-‛Otua ‛oe Tamai, moe ‛Alo, bea moe Laumalie Ma‛oni‛oni, ‛oku taha be: ‛oku tatau ‛ae Kololia, mo ta‛egata fakataha ‛ae Afifiona.
    ‛O hage koe Tamai, ‛oku behe moe ‛Alo: bea ‛oku behe moe Laumalie Ma‛oni‛oni.
    ‛Oku ta‛egaohi ‛ae Tamai, mo ta‛egaohi ‛ae ‛Alo: bea mo ta‛egaohi ‛ae Laumalie Ma‛oni‛oni.
    ‛Oku aoniu ‛ae Tamai, mo aoniu ‛ae ‛Alo: bea mo aoniu ‛ae Laumalie Ma‛oni‛oni.
    ‛Oku ta‛egata ‛ae Tamai, mo ta‛egata ‛ae ‛Alo: bea mo ta‛egata ‛ae Laumalie Ma‛oni‛oni.
    Ka ‛oku ‛ikai ha toko tolu ta‛egata: ka koe ta‛egata be taha.
    Bea behe foki ‛oku ‛ikai ha toko tolu aoniu, mo toko tolu ta‛egaohi: ka koe ta‛egaohi be taha, moe aoniu be taha.
    Bea behe foki ‛oku Mafimafi ‛ae Tamai, mo Mafimafi ‛ae ‛Alo: bea mo Mafimafi ‛ae Laumalie Ma‛oni‛oni.
Ka ‛oku ‛ikai ha toko tolu Mafimafi: ka koe Mafimafi be taha.
    Bea behe ‛oku ‛Otua ‛ae Tamai, ‛Otua moe ‛Alo: ‛Otua moe Laumalie Ma‛oni‛oni.
    Ka ‛oku ‛ikai ha Gāhi ‛Otua ‛e toko tolu: ka koe ‛Otua be taha.
    Bea behe koe Tamai koe ‛Eiki, moe ‛Alo koe ‛Eiki: bea moe Laumalie Ma‛oni‛oni koe ‛Eiki.
    Ka ‛oku ‛ikai koe Gahi ‛Eiki ‛e toko tolu: ka koe ‛Eiki be taha.
    Koia ‛o hage ‛oku bau ‛i he mo‛oni Kalisitiani: ke tau fakaha ki he Pesona takitaha, koe ‛Otua moe ‛Eiki ia;
    Bea behe ‛oku tabu ‛i he Lotu Katolika: ke behe, ‛Oku ai ha ‛Otua ‛e tolu, be ha ‛Eiki ‛e tolu.
    ‛Oku ‛ikai gaohi ‛e ha taha ‛ae Tamai: oku ta‛egaohi mo ta‛efakatubu.
    Mei he Tamai be ‛ae ‛Alo: ‛oku ta‛egaohi, kae fakatubu.
    Mei he Tamai moe ‛Alo ‛ae Laumalie Ma‛oni‛oni: ‛oku ta‛egaohi, mo ta‛efakatubu, ka ‛oku alu atu be.
    Koia ‛oku ai ‛ae Tamai ‛e taha, ‛o ‛ikai ‛ae gāhi Tamai ‛e tolu; moe ‛Alo ‛e taha, ‛o ‛ikai ‛ae gāhi ‛Alo ‛e tolu; moe Laumalie Ma‛oni‛oni ‛e taha, o ikai ‛ae gāhi Laumalie Ma‛oni‛oni ‛e tolu.
    Bea ‛i he Tolu-Taha ni ‛oku ‛ikai muomu‛a be muimui ha taha ‛i ha taha: ‛oku ‛ikai lahi hake be ji‛i hifo ha taha ‛i ha taha;
    Ka ‛oku ta‛egata fakataha ‛ae gāhi Pesona ‛e toko tolu: bea tatau ‛i he Afifiona.
    Bea koia, ‛o hage na‛e tomua lau: ‛oku ‛aoga ke tau hu ki he Aga-be-Taha ‛i he Tolu-Taha, bea moe Tolu-Taha ‛i he Aga-be-Taha.
    Koia ‛iloga ha taha ‛oku fie mo‛ui: ‛oku ‛aoga ke behe ‛ene mahalo ki he Tolu-Taha.
    Bea koeni, ‛oku ‛aoga ke ma‛u ai ‛ae mo‛ui ta‛egata: ke ne tui totonu foki ki he Fakahoko-koe-Kakano ‛a ho tau ‛Eiki ko Jisu Kalaisi.
    He koe Tui totonu ‛eni, ke tau tui mo fakaha: ko ho tau ‛Eiki ko Jisu Kalaisi, koe ‛Alo ‛oe ‛Otua, koe ‛Otua moe Tagata ia;
    Koe ‛Otua mei he Aga ‛oe Tamai, na‛e fakatubu ‛i he teeki ai gaohi ‛ae gāhi mama: bea moe Tagata, mei he Aga ‛o ‛ene Fa‛e, na‛e ‛alo‛i ‛i mamani;
    Koe ‛Otua haohaoa, moe Tagata haohaoa: ‛oku iate ia ‛ae laumalie fakaloto moe kakano fakatagata;
    ‛Oku tatau moe Tamai ‛i hono Aga Faka-‛Otua: bea ‛oku ji‛i hifo ‛i he Tamai ‛i hono Aga Faka-Tagata.
    ‛Aia neogo koe ‛Otua moe Tagata: kae ‛ikai ha toko ua ia, ka koe Kalaisi be taha;
    Koe taha; ‛ikai ‛i he liliu ‛ae Aga Faka-‛Otua ki he kakano: ka ‛i he hiki ‛ae Aga Faka-Tagata ki he ‛Otua.
    Koe taha katoa; ‛ikai ‛i he veuveuki ‛a hono Aga: ka ‛i he taha be ‛a hono Pesona.
    Ka ‛o hage koe laumalie fakaloto moe kakano koe tagata be taha: bea behe koe ‛Otua moe Tagata ko Kalaisi be taha;
    ‛Aia na‛e mamahi koe‛uhi ko ho tau fakamo‛ui: na‛e ha‛ele hifo ki hetesi, ‛o toetu‛u mei he bekia ‛i hono ‛aho tolu.
    Na‛e ha‛ele hake ia ki hevani, ‛o ‛afio ki he nima to‛omata‛u ‛oe Tamai, koe ‛Otua Mafimafi: bea ‛e ha‛ele ia mei ai ke fakamāu‛i ‛ae mo‛ui moe mate.
    Bea ‛i he ‛ene ha‛ele mai ‛e toetu‛u ‛ae kakai kotoabe mo ho nau jino: bea ‛e fakamatala ‛a ‛enau gāhi gaue.
    Bea ko kinautolu na‛e fai lelei ‛e ‛alu ki he mo‛ui ta‛egata: bea ko kinautolu na‛e fai kovi ki he ‛afi ta‛egata.
    Koeni ‛ae Tui Katolika: ‛aia kabau ‛e ‛ikai tui mo‛oni ki ai ha taha, ‛e ‛ikai mo‛ui ia.
    Kololia ki he Tamai, bea moe ‛Alo: bea moe Laumalie Ma‛oni‛oni;
    Hage koia na‛e fai ‛i mu‛a, ‛oku kei fai ni, bea ‛e behe ma‛u ai be: ‛o ta‛egata bea ta‛egata. Ameni.