Koe Tohi 'oe Gahi: The Book of Common Prayer in Tongan

The Book of Common Prayer

United States

England

Scotland

Koe Tohi ‛oe Gahi
The Book of Common Prayer in Tongan

KOE GAHI LOTU, MOE G. EPISELE MOE G. KOSIBELI,

KE FAI KI HE TA‛U.

KOE ULUAKI ‛AHO ‛OE ‛EIKI, ‛I HE HA‛ELE MAI.

Koe Lotu.

‛E ‛OTUA Mafimafi, ke ke foaki ‛ae tokoni kiate kimautolu, koe‛uhi ke mau li‛aki ‛ae gahi gaue ‛oe fakabo‛uli, bea ai kiate kimautolu ‛ae mahafu tau ‛oe māma, ‛i he taimi ni ‛oe mo‛ui mategofua ni ‛aia na‛e ha‛ele ai ‛a ho ‛Alo ko Jisu Kalaisi, ‛i he agavaivai lahi ko ho mau a‛ahi; koe‛uhi ‛oka toe ha‛ele mai ia ‛i he ‛aho fakamui, ‛i he kololia ‛o ‛ene ‛Afio ke fakamāu ‛ae kakai mo ui moe mate, ke tu u hake akimautolu ki he mo‛ui ta‛emate, iate ia ‛oku mo‛ui mo bule mo Koe moe Laumalie Ma‛oni‛oni, ‛i he taimi ni, bea ta‛egata. Ameni.

¶ E lau ‛ae Lotu ni ‛i he ‛aho kotoabe i he Ha‛ele mai kae ‛oua na‛a a‛u ki he Efiafi ‛oe Alo‛i.

Koe Episele. Loma xiii. 8-14. Koe Kosibeli. Sa. Matiu xxi. 1-13.

Collects, Epistles, & Gospels

Here, as in the original, the text of the Collects is given, but the Biblical texts are given only by reference.

1 Advent

KO HONO UA ‛OE ‛AHO ‛OE ‛EIKI ‛I HE HA‛ELE MAI.

Koe Lotu.

‛E ‛EIKI monu‛ia, na‛a ke bule ke tohi ‛ae gahi Tohi Tabu kotoabe, ko ho mau akonaki, Ke ke tuku ke behe e mau fanogo ki ai, mo lau, mo faka‛iloga, mo ilo, mo fakalaulauloto ki ai, koe‛uhi koe me‛a ‛i he fa‛a kataki moe fakafiemalie mei ho‛o Folofola Tabu, ke mau ma‛u, bea kuku ma‛u ai be ‛ae amanaki monu‛ia ‛oe mo‛ui ta‛egata, ‛aia kuo ke foaki kiate kimautolu, ‛i ho mau Fakamo‛ui ko Jisu Kalaisi. Ameni.

Koe Episele. Loma xv. 4-13. Koe Kosibeli. Sa. Luke xxi. 25-33.

2 Advent

KO HONO TOLU ‛OE ‛AHO ‛OE ‛EIKI ‛I HE HA‛ELE MAI.

Koe Lotu.

‛E ‛EIKI ko Jisu Kalaisi, ‛i he fuofua ha‛ele mai na‛a ke fekau ‛a ho‛o fakamelomelo ke teuteu ho hala ‛i ho ‛ao; Tuku ke behe ‛ae teu‛i ‛a ho hala ‛e he kau minisita moe kau tauhi ‛a ho‛o gahi me‛a fakalilolilo, ‛i he liliu ‛ae loto ‛oe talagata‛a ki he boto ‛oe agatonu, koe‛uhi oka ke ka ha‛ele mai ko hono liuga ua ke fakamāu ‛a mamani, ke ‛ilo ai ‛akimautolu koe kakai lelei ‛i ho ‛ao; ‛akoe, ‛oku ke mo‛ui, mo bule, moe Tamai moe Laumalie Ma‛oni‛oni, koe ‛Otua be taha ma‛u ai be, ‛i he māma ta‛egata. Ameni.

Koe Episele. 1 Kolin. iv. 1-5. Koe Kosibeli. Sa. Matiu xi. 2-10.

3 Advent

KO HONO FA ‛OE ‛AHO ‛OE ‛EIKI ‛I HE HA‛ELE MAI.

Koe Lotu.

‛E ‛EIKI, ‛oku mau kole kiate koe, ke ke fokotu‛u hake ho‛o malohi, bea ke ha‛ele mai kiate kimautolu, ‛o tokoni ‛akimautolu ‛i he malohi lahi; koe‛uhi koe me‛a ‛i he ‛emau gahi agahala moe hia, kuo fakatoubikoi mo ta‛ofi lahi ‛akimautolu ‛i he lele ‛ae fakabuebue kuo tuku ‛i ho mau ‛ao, ke tokoni mo fakahaofi vave ‛akimautolu ‛e he kelesi moe ‛alo‛ofa lahi ‛ae ‛Afiona; ‛i he totogi lelei ‛o ho ‛Alo, ko ho mau ‛Eiki; ke iate ia, mo Koe, moe Laumalie Ma‛oni‛oni, ‛ae faka‛aba‛aba, moe kololia, ‛i he mama ta‛egata. Ameni.

Koe Episele. Filibai iv. 4-7. Koe Kosibeli. Sa. Jone i. 19-28.

4 Advent

KOE ‛AHO ‛OE ALO‛I O KALAISI,
Oku ui
AHO KALISIMASI.

Koe Lotu.

‛E ‛OTUA Mafimafi, na‛a ke foaki kiate kimautolu ‛a ho ‛Alo be taha na‛e tubu, ke ne to‛o kiate ia ho mau aga, bea hage ‛i he taimi ni ke ‛alo‛i ia ‛e he Taubo‛ou ma‛oni‛oni; Tuku kiate kimautolu na‛e fakatubu fo‛ou, bea hoko koe fānau a‛au ‛i he ohi moe aga‛ofa, ke fakafo‛ou ‛akimautolu ‛i he ‛aho kotoabe ‛e ho Laumalie Ma‛oni‛oni; ‛i ho mau ‛Eiki ko Jisu Kalaisi, ‛aia ‛oku mo‛ui mo bule mo Koe moe Laumalie koia, koe ‛Otua be taha ma‛u ai be, ‛i he māma ta‛egata. Ameni.

Koe Episele. Hebelu i. 1-12. Koe Kosibeli. Sa. Jone i. 1-14.

Christmas

KOE ‛AHO ‛OE SANITA SETIVENI.

Koe Lotu.

TUKU mai, ‛E ‛Eiki, kiate kimautolu ‛i he ‛emau mamahi kotoabe ‛i mamani koe‛uhi koe fakamo‛oni ‛o ho‛o tui, ke mau jio fakamama‛u ki he lagi mo mamata ‛i he tui ki he lagilagi e fakaha; bea ke fakafonu ‛akimautolu ‛i he Laumalie Ma‛oni‛oni, bea ke mau ako ‛aki ke ‛ofa mo tabuaki ‛akinautolu ‛oku fakataga‛i kiate kimautolu, ‛o fakatatau ki he fa‛ifa‛itaki‛aga ‛o ho uluaki Maata ko Sanita Setiveni, aia na e ne hufia a hono kau fakabo kiate koe, ‛E Jisu monu‛ia, akoe oku ke tu‛u ‛i he nima to‛omata‛u ‛oe ‛Otua ke ke tokoni ‛akinautolu kotoabe ‛oku mamahi koe‛uhi ko koe, ko ho mau Fakalelei moe Fakalaloa toko taha be. Ameni.

¶ ‛E toki muimui ‛ae Lotu ‛oe Alo‛i ‛aia ke lau ia ‛i he ‛aho kotoabe kae ‛oua na‛a a‛u ki he Fakaoji-ta‛u.

Ma‛ae Episele. Gaue vii. 55-60. Koe Kosibeli. Sa. Matiu. xxiii. 34-39.

St. Stephen

KOE ‛AHO ‛OE SANITA JONE KOE EVAGELIO.

Koe Lotu.

‛E

‛EIKI ‛Alo‛ofa, oku mau kole kiate koe, tuku ke ‛ulo ho‛o mama ki ‛ho Jiaji, ke fakamama ia ‛aki ‛ae akonaki ‛o ho‛o Abosetolo moe Evagelio monu‛ia, ko Sanita Jione, bea ke behe ‛ene a‛eva i be mama ‛o ho‛o mo‛oni, koe‛uhi ke ne ha‛u ‛i he gata‛aga ki he mama ‛oe mo‛ui ta‛egata; ia Jisu Kalaisi ko ho mau ‛Eiki. Ameni.

Koe Episele. 1 Sa. Jone i. 1-10. Koe Kosibeli. Sa. Jone xxi. 19-25.

St. John the Evangelist

KOE ‛AHO ‛OE FANAU TA‛EHALAIA.

Koe Lotu.

‛E

‛OTUA Mafimafi, ‛akoe na‛a ke tu‛utu‛uni ‛ae malohi mei he gutu ‛oe kau valevale moe kei huhu, bea ko ho finagalo ki he tamaiki iki ke nau fakaogoogolelei koe ‛aki ‛enau mate: Ke ke tamate‛i ‛ae gahi kovi kotoabe iate kimautolu, bea fakamalohi ‛akimautolu ‛aki ho‛o kelesi, koe‛uhi ke mau fakaogoogolelei ai ‛a ho Huafa ma‛oni‛oni ‛i he aga ta‛ehalaia ‛o ‛emau mo‛ui, bea tu‛uma‛u ‛o ‛emau tui ‛o a‛u ki he mate; ia Jisu Kalaisi ko ho mau ‛Eiki. Ameni.

Koe Episele. Fakaha xiv. 1-5. Koe Kosibeli. Sa. Matiu ii. 13-18.

Holy Innocents

KOE ‛AHO ‛OE ‛EIKI HILI ‛AE ‛AHO ‛OE ‛ALO‛I.

Koe Lotu.

‛E

‛OTUA Mafimafi, na‛a ke foaki kiate kimautolu ‛a ho ‛Alo be taha na‛e tubu, ke ne to‛o kiate ia ho mau aga, bea hage ‛i he taimi ni ke ‛alo‛i ia ‛e he Taubo‛ou ma‛oni‛oni; Tuku kiate kimautolu na‛e fakatubu fo‛ou, bea hoko koe fanau a‛au ‛i he ohi moe aga‛ofa, ke fakafo‛ou akimautolu ‛i he aho kotoabe ‛e ho Laumalie Ma‛oni‛oni; ‛i ho mau ‛Eiki ko Jisu Kalaisi, ‛aia ‛oku mo‛ui mo bule mo Koe moe Laumalie, koe Otua be taha ma‛u ai be, ‛i he māma ta‛egata. Ameni.

Koe Episele. Kaletia iv. 1-7. Koe Kosibeli. Sa. Matiu i. 18-25.

1 Christmas

KOE KAMU A KALAISI.

Koe Lotu.

‛E

‛OTUA Mafimafi, ‛akoe na‛a ke tuku atu ‛a ho ‛Alo monu‛ia ke kamu, bea ke talagofua ki he lao koe‛uhi koe tagata; Foaki mai kiate kimautolu ‛ae kamu mo‛oni ‛ae Laumalie; koe‛uhi ke tamate‛i ‛ae gahi holi-kovi fakamamani mo fakakakano ‛i ho mau loto mo ho mau gahi kubu kotoabe; bea ke mau talagofua ki ho finagalo monu‛ia ‛i he gahi me‛a kotoabe; ‛i ho ‛Alo ko Jisu Kalaisi, ko ho mau ‛Eiki. Ameni.

Koe Episele. Loma iv. 8-14. Koe Kosibeli. Sa. Luke ii. 15-21.

¶ ‛E lau ‛ae Lotu, moe Episele, moe Kosibeli ni ‛i he ‛aho kotoabe kae ‛oua na‛a a‛u kihe Epifani.

Circumcision

KOE EPIFANI,
BE KOE FAKAHA A KALAISI KIHE KAU JENITAILE.

Koe Lotu.

‛E

‛OTUA, ‛akoe na‛a ke fakaha ‛a ho ‛Alo be taha na‛e tubu ki he kau Jenitaile ‛i he tataki ‛aki ‛ae fetu‛u; Tuku mai ‛i ho‛o alo‛ofa kiate kimautolu ‛oku mau ‛ilo koe ‛i he tui ‛i he taimi ni, bea ka hili ‛ae mo‛ui ni ke mau ma‛u ‛a ho‛o ‛Afio naunau‛ia; ia Jisu Kalaisi, ko ho mau ‛Eiki. Ameni.

Koe Episele. Efeso. iii. 1-12. Koe Kosibeli. Sa. Matiu ii. 1-12.

Epiphany

KOE ULUAKI ‛AHO ‛OE ‛EIKI HILI ‛AE EPIFANI.

Koe Lotu.

‛E ‛EIKI, ‛oku mau kole kiate koe, ke ke ma‛u ‛i ho‛o ‛alo‛ofa ‛ae gahi lotu ‛a ho kakai ‛oku ui kiate koe; bea tuku ke nau vakai mo ilo ‛ae gahi me‛a ‛oku totonu ke nau fai, bea ke ma‛u foki ‛ae kelesi moe malohi ke fai totonu ki ai; ia Jisu Kalaisi, ko ho mau ‛Eiki. Ameni.

Koe Episele. Loma xii. 1-5. Koe Kosibeli. Sa. Luke ii. 41-52.

1 Epiphany

KO HONO UA ‛OE ‛AHO ‛OE ‛EIKI HILI ‛AE EPIFANI.

Koe Lotu.

‛E ‛OTUA Mafimafi, mo ta‛egata, ‛akoe ‛oku ke bule‛i ‛ae gahi me‛a kotoabe ‛i he lagi mo mamani; Ke ke afio ‛i ho‛o ‛alo‛ofa, ki he gahi hu tauma‛u ‛a ho kakai, bea ke tuku ‛a ho melino kiate kimautolu ‛i he ‛aho kotoabe o‛emau mo‛ui; ia Jisu Kalaisi, ko ho mau ‛Eiki. Ameni.

Koe Episele. Loma xii. 6-16. Koe Kosibeli. Sa. Jone ii. 1-11.

2 Epiphany

KO HONO TOLU ‛OE ‛AHO ‛OE ‛EIKI HILI ‛AE EPIFANI.

Koe Lotu.

‛E ‛OTUA Mafimafi mo ta‛egata, ke ke ‛afio mai, ‛i ho‛o ‛alo‛ofa, ki he ‛emau gahi vaivai, bea ke mafao ho nima to‛omata‛u ke tokoni mo malu‛i ‛akimautolu ‛i he ‛emau gahi tu‛utamaki moe gahi majiva kotoabe; ia Jisu Kalaisi, ko ho mau ‛Eiki. Ameni.

Koe Episele. Loma xii. 16-21. Koe Kosibeli. Sa. Matiu viii. 1-13.

3 Epiphany

KO HONO FA ‛OE ‛AHO ‛OE ‛EIKI HILI ‛AE EPIFANI.

Koe Lotu.

‛E ‛OTUA, ‛akoe ‛oku ke ‛ilo ‛oku a‛i ‛akimautolu ‛e he gahi tu‛utamaki ‛oku lahi, bea koe me‛a ‛i he vaivai o‛emau aga ‛e ‛ikai te mau fa‛a tu‛u agatonu ma‛u ai be; Ke ke tuku kiate kimautolu ‛ae malohi moe tokoni koia, ‛aia ke ne boubou ‛akimautolu ‛i he gahi tu‛utamaki kotoabe, bea tataki ‛akimautolu ‛oku ta‛ehala‛ia ki ke ‛ahi‛ahi kovi kotoabe; ia Jisu Kalaisi, ko ho mau ‛Eiki. Ameni.

Koe Episele. Loma xiii. 1-7. Koe Kosibeli. Sa. Matiu viii. 23-34.

4 Epiphany

KO HONO NIMA ‛OE ‛AHO ‛OE ‛EIKI HILI ‛AE EPIFANI.

Koe Lotu.

‛E ‛EIKI, ‛oku mau kole kiate koe, ke ke tauhi ma‛u ai be ho Jiaji moe fale ‛i ho‛o lotu mo‛oni; koe‛uhi ko kinautolu ‛oku faaki be ki he ‛amanaki lelei ‛a ho‛o kelesi mei hevani, ke ugaki‛i ma‛u ai be ‛akinautolu ‛e ho malohi lahi; ia Jisu Kalaisi, ko ho mau ‛Eiki. Ameni.

Koe Episele. Kolose iii. 12-17. Koe Kosibeli. Sa. Matiu xiii. 24-30.

5 Epiphany

KO HONO ONO ‛OE ‛AHO ‛OE ‛EIKI HILI ‛AE EPIFANI.

Koe Lotu.

‛E ‛OTUA, na‛e fakaha ho ‛Alo monuia koe‛uhi ke ne faka‛auha ‛ae gaue ‛ae tevolo, mo gaohi ‛akimautolu koe fānau ‛ae ‛Otua moe kau Hoko ‛oe mo‛ui ta‛egata; ‛Oku mau kole kiate koe, ‛i he ‛emau ma‛u ‛ae ‛amanaki lelei ni, ke mau fakama‛oni‛oni ‛akimautolu, ‛o hage ko ‛ene ma‛oni‛oni; koe‛uhi oka toe fakaha mai ai, ‛i he malohi moe kololia lahi, ke mau hoko ‛o tatau mo ‛ene ‛afio, ‛i hono bule‛aga ta‛egata mo naunau‛ia; ‛aia ‛oku mo‛ui ai ia mo bule fakataha mo koe, ‛E Tamai, mo koe, ‛E Laumalie Ma‛oni‛oni, koe ‛Otua be taha ma‛u ai be, ‛i he mama ta‛egata. Ameni.

Koe Episele. Sa. Jone iii. 1-8. Koe Kosibeli. Sa. Matiu xxiv. 23-31.

6 Epiphany

KOE ‛AHO ‛OE ‛EIKI ‛OKU UI KO FITUGOFULU,
BE KO HONO ‛AHO ‛OE ‛EIKI TOLU ‛I MU‛A ‛OE ‛AHO ‛E FAGOFULU.

Koe Lotu.

‛E ‛EIKI, ‛oku mau kole kiate koe, ke ke ‛afio mai ki he gahi lotu ‛a ho kakai; koe‛uhi ko kimautolu, kuo tautea totonu ‛i he ‛emau gahi hia, ke fakahaofia ‛akimautolu ‛i ho‛o ‛alo‛ofa mo ho‛o agalelei, ke ogolelei ai ho Huafa; ia Jisu Kalaisi, ko ho mau Fakamo‛ui, ‛aia ‛oku ne mo‛ui mo bule mo Koe moe Laumalie Ma‛oni‛oni, koe ‛Otua be taha, ‛i he mama ta‛egata. Ameni.

Koe Episele. 1 Kolinito ix. 24-27. Koe Kosibeli. Sa. Matiu xx. 1-16.

Septuagesima

KOE ‛AHO ‛OE ‛EIKI ‛OKU UI KO ONOGOFULU,
BE KO HONO ‛AHO ‛OE ‛EIKI UA ‛I MU‛A ‛OE ‛AHO ‛E FAGOFULU.

Koe Lotu.

‛E ‛EIKI koe ‛Otua, ‛oku ke ‛afio‛i ‛oku ‛ikai te mau faaki ki ha gaue ‛e taha ‛oku mau fai: Ke ke tuku, ‛i ho‛o ‛alo‛ofa, ke malu‛i ‛akimautolu ‛e ho‛o malohi mei he gahi me‛a kovi kotoabe; ia Jisu Kalaisi, ko ho mau ‛Eiki. Ameni.

Koe Episele. 1 Kolinito xi. 19-31. Koe Kosibeli. Sa. Luke viii. 4-15.

Sexagesima

KOE ‛AHO ‛OE ‛EIKI ‛OKU UI KO NIMAGOFULU,
BE KOE ‛AHO ‛OE ‛EIKI ‛I MU‛A ‛OE ‛AHO ‛E FAGOFULU.

Koe Lotu.

‛E ‛EIKI, kuo ke akonaki‛i ‛akimautolu, ‛oku ta‛eaoga ko ‛emau gaue kotoabe ‛oku ta‛e ai ‛ae ‛ofa; Ke ke tuku mai ho Laumalie Ma‛oni‛oni, bea ke hua‛i ki ho mau loto ‛ae fugani me‛a foaki lelei, koe ‛ofa, ‛aia ko hono no‛o mo‛oni ‛oe melino moe agalelei kotoabe, bea ‛oku lau ha taha, ‛oku majiva ai, koe mate ‛i ho ‛ao; Tuku mai ‛ae me‛a ni koe‛uhi ko ho ‛Alo be taha, ko Jisu Kalaisi. Ameni.

Koe Episele. 1 Kolinito xiii. 1-13. Koe Kosibeli. Sa. Luke xviii. 31-43.

Quinquagesima

KOE ‛AHO ULUAKI ‛OE ‛AHO ‛E FAGOFULU ‛OKU UI,
KOE BULELULU FAKAEFUEFU.

‛E ‛OTUA Mafimafi mo ta‛egata, ‛akoe ‛oku ‛ikai ke fehi‛a ki ha me‛a kuo ke gaohi, bea ‛oku ke fa‛a fakamolemole ‛akinautolu ‛oku fakatomala; Ke ke gaohi iate kimautolu ‛ae loto fo‛ou mo mamahi, bea ‛i he ‛emau tegihia mo‛oni a‛emau gahi agahala, bea moe vete ‛emau gahi hia, ke mau ma‛u meiate koe, koe ‛Otua ‛ae ‛alo‛ofa kotoabe, ‛ae fakamolemole haobaoa; ia Jisu Kalaisi, ko ho mau ‛Eiki. Ameni.

¶ ‛E lau ‛ae Lotu ni ‛i he ‛aho kotoabe ‛oe gahi ‛Aho ‛e Fagofulu hili ‛ae Lotu ‛oe ‛Aho.

Ma‛ae Episele. Joeli ii. 12-17. Koe Kosibeli. Sa. Matiu vi. 16-21.

Ash Wednesday

KOE ULUAKI ‛AHO ‛OE ‛EIKI ‛I HE ‛AHO ‛E FAGOFULU.

Koe Lotu.

‛E ‛EIKI, ‛akoe na‛a ke ‛aukai ‛i he ‛aho ‛e fagofulu moe bo ‛e fagofulu koe‛uhi ko kimautolu; Ke ke foaki mai ‛ae kelesi kiate kimautolu koe‛uhi ke behe ‛emau ‛aukai, ke tokalalo ai ho mau kakano ki he Laumalie, bea ke mau talagofua ma‛u ai be ki ho‛o fakamānava ma‛oni‛oni ‛i he agatonu, moe ma‛oni‛oni mo‛oni, ke faka‛aba‛aba mo fakalagilagi‛i ai ‛ae ‛Afiona, ‛akoe, ‛oku ke mo‛ui mo bule moe Tamai moe Laumalie Ma‛oni‛oni, koe ‛Otua be taha ‛i he mama ta‛egata. Ameni.

Koe Episele. 2 Kolinito vi. 1-10. Koe Kosibeli. Sa. Matiu iv. 1-11.

1 Lent

KO HONO UA ‛OE ‛AHO ‛OE ‛EIKI ‛I HE ‛AHO ‛E FAGOFULU.

Koe Lotu.

‛E ‛OTUA Mafimafi, ‛akoe ‛oku keafio‛i ‛oku ‛ikai ha‛a mau malohi ke mau tokoni ‛aki ‛akimautolu; Ke ke tauhi ho mau jino i tua, mo ho mau laumalie i loto; koe uhi ke malu‛ia ‛akimautolu mei he me‛a kovi kotoabe ‛e hoko ki he jino, moe gahi mahalo kovi, ‛aia ‛e tau‛i bea lavea ai ‛ae laumalie; ia Jisu Kalaisi, ko ho mau ‛Eiki. Ameni.

Koe Episele. 1 Tesalonika iv. 1-8. Koe Kosibeli. Sa. Matiu xv. 21-28.

2 Lent

KO HONO TOLU ‛OE ‛AHO ‛OE ‛EIKI ‛I HE ‛AHO ‛E FAGOFULU.

Koe Lotu.

‛OKU mau kole kiate koe, ‛E ‛Otua Mafimafi, ke ke‛afio ki he holi fakamatoato ‛a ho kakai agavaivai, bea ke mafao mai ‛ae nima to‛omatau a ho o Afio, ke lagomaki‛i ‛akimautolu telia ho mau gahi fili; ia Jisu Kalaisi, ko ho mau ‛Eiki. Ameni.

Koe Episele. Efeso v. 1-14. Koe Kosibeli. Sa. Luke xi. 14-26.

3 Lent

KO HONO FA ‛OE ‛AHO ‛OE ‛EIKI ‛I HE ‛AHO ‛E FAGOFULU.

Koe Lotu.

‛E ‛OTUA Mafimafi, ‛oku mau kole kiate koe, keke tuku kiate kimoutolu, ‛oku tautea totonu koe‛uhi ko ho mau gahi faiaga kovi, ke mau ma‛u ‛i ho‛o ‛alo‛ofa ‛ae fiemalie ‛o ho‛o kelesi: ‛i ho mau ‛Eiki mo Fakamo‛ui, ko Jisu Kalaisi. Ameni.

Koe Episele. Kaletia iv. 21-31. Koe Kosibeli. Sa. Jone vi. 1-14.

4 Lent

KO HONO NIMA ‛OE ‛AHO ‛OE ‛EIKI ‛I HO ‛AHO ‛E FAGOFULU.

Koe Lotu.

‛OKU mau kole kiate koe, ‛E ‛Otua Mafimafi, ke ke ‛afio ‛i ho‛o hoifua ki ho kakai, koe‛uhi ke bule‛i mo fakamo‛ui ma‛u ai be ‛akinautolu ‛i he jino moe laumalie ‛i ho‛o agalelei lahi; ia Jisu Kalaisi, ko ho mau ‛Eiki. Ameni.

Koe Episele. Hebelu ix. 11-15. Koe Kosibeli. Sa. Jone viii. 46-59.

5 Lent

KOE ‛AHO ‛OE ‛EIKI MUOMU‛A ‛I HE TOETU‛U.

Koe Lotu.

‛E ‛OTUA Mafimafi mo ta‛egata, akoe, ‛i ho‛o ‛alo‛ofa ogogofua ki he kau tagata, na‛a ke fekau ho ‛Alo, ko ho mau Fakamo‛ui, ko Jisu Kalaisi, ke ne to‛o kiate ia ho mau kakano, bea kataki ‛eia ‛ae bekia ‛i he kolosi, koe‛uhi ke agimui ‛ae kakai kotoabe ki he fa‛ifa‛itaki‛aga ‛o ‛ene agavaivai lahi; ke ke tuku ‛i ho‛o ‛alo‛ofa, ke mau agimui ki he fa‛ifa‛itaki‛aga ‛o ‛ene fa‛a kataki, bea ke mau kau foki ‛i he ‛ene toetu‛u; ia Jisu Kalaisi koia, ko ho mau ‛Eiki. Ameni.

Koe Episele. Filibai ii. 5-11. Koe Kosibeli. Sa. Matiu xxvii. 1-54.

Palm Sunday

MONETE MUOMU‛A ‛I HE TOETU‛U.

Ma‛ae Episele. Isaia lxiii. Koe Kosibeli. Sa. Maake xiv.

TUSITE MUOMU‛A ‛I HE TOETU‛U.

Ma‛ae Episele. Isaia 1. 5-11. Koe Kosibeli. Sa. Maake xv.

BULELULU MUOMU‛A ‛I HE TOETU‛U.

Koe Episele. Hebelu ix. 16-28. Koe Kosibeli. Sa. Luke xxii.

TUABULELULU MUOMU‛A ‛I HE TOETU‛U.

Koe Episele. 1 Kolinito xi. 17-34. Koe Kosibeli. Sa. Luke xxiii. 1-49.

Holy Week

KOE FALAITE LELEI.

Koe Gahi Lotu.

‛E ‛OTUA Mafimafi, ‛oku mau kole kiate koe ke ke ‛afio mai ‛i ho‛o hoifua ki ho‛o fānau ni, ‛aia na‛e kataki fiemalie ai a ho mau ‛Eiki, ko Jisu Kalaisi, hono lavaki‛i mo hono tuku atu ki he nima ‛oe kau tagata agakovi, moe bekia ‛i he kolosi; ‛aia ‛oku ne mo‛ui ni, mo bule, mo Koe, moe Laumalie Ma‛oni‛oni, koe ‛Otua be taha ma‛u ai be, ‛i he mama ta‛egata. Ameni.

‛E ‛OTUA Mafimafi, mo ta‛egata, ‛oku bule‛i mo fakama‛oni‛oni ‛e ho Laumalie ‛ae jino kotoa ‛ae Jiaji; ke ke tali ‛emau gahi kole tauma‛u mo ‛emau lotu ‛aia ‛oku mau fai ‛i ho ‛ao koe‛uhi koe kakai aga kehekehe kotoabe ‛i ho Jiaji ma‛oni‛oni; koia ke nau taki taha tauhi ‛ae ‛Afiona ‛i he mo‛oni moe agafaka‛otua, ‛i he ‛ene lakaga moe gaue; ‛i ho mau ‛Eiki moe Fakamo‛ui ko Jisu Kalaisi. Ameni.

‛E ‛OTUA ‛Alo‛ofa, na‛a ke gaohi ‛ae tagata kotoabe, bea ‛oku ‛ikai te ke fehi‛a ki ha me‛a ‛e taha kuo ke gaohi, bea ‛oku ‛ikai ko ho finagalo ke mate ‛ae agahala, ka ‛oku ke finagalo ke liliu ia ‛o mo‛ui ai; ke ke ‛alo‛ofa ki he kakai Jiu kotoabe, moe Toake, moe kakai ta‛etui, moe kakai he, bea too meiate kinautolu ‛ae ta‛eilo kotoabe, moe loto fefeka, moe manuki ki ho‛o Folofola; bea ke ke fetuku ‛akinautolu ki abi, ‛E ‛Eiki monuia, ki ho faga sibi, koe‛uhi ke fakamo‛ui ‛akinautolu fakataha mo hono toe ‛oe kau Isileli mo‛oni, mo nau hoko koe faga sibi be taha ‛i he tauhi be taha, ko Jisu Kalaisi ko ho mau ‛Eiki, ‛aia ‛oku mo‛ui mo bule mo Koe, moe Laumalie Ma‛oni‛oni, koe ‛Otua be taha ‛i he mama ta‛egata. Ameni.

Koe Episele. Hebelu x. 1-25. Koe Kosibeli. Sa. Jone xix. 1-37.

Good Friday

KOE EFIAFI ‛OE TOETU‛U.

Koe Lotu.

TUKU mai, ‛E ‛Eiki, ‛o hage ko kimautolu na‛e babitaiso ki he bekia ‛a ho ‛Alo monuia ko ho mau Fakamo‛ui ko Jisu Kalaisi, ke behe foki ho mau tanu fakataha mo ia ‛i he ‛emau tamate‛i ma‛u ai be ‛emau holi fakakakano; bea ‛i he fa‛itoka moe mataba ‛oe mate ke mau ha‛u ki he ‛emau toetu‛u fiefia; koe‛uhi koe gahi gaue lelei a‛ana: ‛aia na‛a ne bekia, bea telio, bea toetu‛u koe‛uhi ko kimautolu, ko ho ‛Alo ko Jisu Kalaisi, ko ho mau ‛Eiki. Ameni.

Koe Episele. 1 Sa. Bita iii. 17-22. Koe Kosibeli. Sa. Matiu xxvii. 57-66.

Easter Even

¶ ‛I he Lotu Bogibogi ke hiva ‛ae g. Anitemi muimui koe fetogi ‛ae Same 95.

KO KALAISI ko ho tau Laka-atu kuo feilaulau ‛aki ma‛atautolu: koia ke tau fai ‛ae katoaga;
Kae ‛ikai ‛i he levani motua, be ‛i he levani ‛oe fakafajifaji moe agahala: ka ‛i he ma ta‛efakalevani ‛oe agatonu moe mo‛oni. 1 Kolin. v. 7-8.

KUO fokotu‛u ‛a Kalaisi mei he bekia, bea ‛e ‛ikai toe bekia ia: ‛e ‛ikai toe bule‛i ia ‛e he mate.
He ko ‛ene bekia, koe bekia tu‛o taha be koe‛uhi koe agahala: ka ko ‛ene mo‛ui, koe mo‛ui ia ki he ‛Otua.
Bea ke behe foki ‛ae lau ‛akimoutolu koe mate mo‛oni ki he agahala: ka koe mo‛ui ki he ‛Otua ia Jisu Kalaisi, ko ho tau ‛Eiki. Loma vi. 9-11.

KUO toetu‛u ‛a Kalaisi mei he bekia: bea kuo hoko ia koe uluaki fua ‛okinautolu na‛e mohe.
He koe me‛a ‛i he tagata na‛e hoko ai ‛ae mate: bea ‛e hoko ‛i he tagata foki ‛ae toetu‛u ‛oe mate.
He ‛oku hage ‛oku mate kotoabe ia Atama: ‛e behe foki ‛e mo‛ui kotoabe ia Kalaisi. 1 Kolin. xv. 20-22.
Kololia ki he Tamai, bea moe ‛Alo: bea moe Laumalie Ma‛oni‛oni;
Hage koia na‛e fai ‛i mu‛a, oku kei fai ni, bea e behe ma‛u ai be: o ta‛egata, bea ta‛egata. Ameni.

Koe Lotu.

‛E ‛OTUA Mafimafi, ‛akoe ‛i ho ‛Alo be taha na‛e fakatubu, kuo ke ikuna ‛ae mate, mo to‛o ‛ae mataba ki he mo‛ui ta‛egata kiate kimautolu; ‛Oku mau kole kiate koe, hage ‛oku ke ai ae gahi holi lelei ki ho mau loto i ho‛o kelesi, ‛ofa ke ke tokoni ma‛u ai be ‛akimautolu ke mau tauhi ia kefua lelei; ia Jisu Kalaisi, ko ho mau ‛Eiki, ‛aia ‛oku mo‛ui mo bule, mo Koe moe Laumalie Ma‛oni‛oni, koe ‛Otua be taha ma‛u ai be, ‛i he mama ta‛egata. Ameni.

Koe Episele. Kolose iii. 1-7. Koe Kosibeli. Sa. Jone xx. 1-10.

MONETE HILI ‛AE TOETU‛U.

Ma‛ae Episele. Gaue x. 34-43. Koe Kosibeli. Sa. Luke xxiv. 13-35.

TUSITE HILI ‛AE TOETU‛U.

Ma‛ae Episele. Gaue xiii. 26-41. Koe Kosibeli. Sa. Luke xxiv. 36-48.

Easter Day

KOE ULUAKI ‛AHO ‛OE ‛EIKI HILI ‛AE TOETU‛U.

Koe Lotu.

‛E TAMAI Mafimafi, ‛akoe, na‛a ke foaki ho ‛Alo be taha ke bekia koe‛uhi ko ‛emau gahi hia, bea ke fokotu‛u hake ia koe‛uhi ko ho mau fakatonuhia; Tuku ke behe ‛emau li‛aki ‛ae levani ‛oe fakafajifaji moe agahala, koe‛uhi ke mau tauhi ma‛u ai be kiate koe ‛i he agama‛a ‛oe tui moe mo‛ui; ‛i he gahi gaue lelei ‛a ho ‛Alo, ko Jisu Kalaisi, ko ho mau ‛Eiki. Ameni.

Koe Episele. 1 Sa. Jone v. 4. Koe Kosibeli. Sa. Jone xx. 19.

1 Easter

KO HONO UA ‛OE ‛AHO ‛OE ‛EIKI HILI ‛AE TOETU‛U.

Koe Lotu.

‛E ‛OTUA Mafimafi, na‛a ke foaki ho ‛Alo be taha ke hoko ia koe feilaulau totogi ‛i he hia, moe fa‛ifa‛itakiaga foki kiate kimautolu ‛oe mo‛ui faka‛otua: Tuku ‛ae kelesi kiate kimautolu, koe‛uhi ke mau ma‛u ‛i he fakafeta‛i ma‛u ai be ‛ae lelei lahi koia, bea feiga ‛i he ‛aho kotoabe ke muimui ki he tobuva‛e monu‛ia ‛o ‛ene mo‛ui ma‛oni‛oni: ia Jisu Kalaisi, ko ho mau ‛Eiki. Ameni.

Koe Episele. 1 Sa. Bita ii. 19-25. Koe Kosibeli. Sa. Jone x. 11-16.

2 Easter

KO HONO TOLU ‛OE ‛AHO ‛OE ‛EIKI HILI ‛AE TOETU‛U.

Koe Lotu.

‛E ‛OTUA Mafimafi, ‛oku ke fakaha ‛ae māma ‛o ho‛o mo‛oni kiate kinautolu ‛oku he, koe‛uhi ke nau tafoki ai ki he hala ‛oe ma‛oni‛oni; Tuku kiate kinautolu kotoabe kuo fakahoko ki he feohi ‛ae Lotu ‛a Kalaisi, ke nau afe mei he gahi me‛a koia ‛oku ta‛egali mo ‛enau tui, mo nau muimui ki he gahi me‛a kotoabe ‛oku gali mo ia; ia Jisu Kalaisi, ko ho mau ‛Eiki. Ameni.

Koe Episele. 1 Bita ii. 11-17. Koe Kosibeli. Sa. Jone xvi. 16-22.

3 Easter

KO HONO FA ‛OE ‛AHO ‛OE ‛EIKI HILI ‛AE TOETU‛U.

Koe Lotu.

‛E ‛OTUA Mafimafi, ‛oku fa‛a fai ‛e he ‛Afiona beke bule‛i ‛ae loto malohi moe aga kovi ae kakai hia; Tuku ki ho kakai ke nau ‛ofa ki he me‛a ‛oku ke fekau ki ai, bea holi ki he me‛a ‛oku ke fakailo; koe‛uhi ‛i he gahi liliu kehekehe ‛o mamani, ke ma‛u be ho mau loto ki he me‛a koia, ‛aia ‛oku ilo mei ai ‛ae fiefia mo‛oni; ia Jisu Kalaisi, kq ho mau ‛Eiki. Ameni.

Koe Episele. Sa. Jemisi i. 17-21. Koe Kosibeli. Sa. Jone xvi. 5-14.

4 Easter

KO HONO NIMA ‛OE ‛AHO ‛OE ‛EIKI HILI ‛AE TOETU‛U.

Koe Lotu.

‛E ‛EIKI, ‛oku mei he Afiona ‛ae gahi me‛a kotoabe; Tuku mai kiate kimautolu, ko ho‛o kau tamaio ‛eiki agavaivai, ke mau fa‛a fakalaulauloto, ‛i ho‛o fakāmanava ma‛oni‛oni ‛akimautolu, ki he gahi me‛a ‛oku lelei; bea ‛i ho‛o fakahinohino ‛akimautolu, ke mau fa‛a fai ia; ‛i ho mau ‛Eiki ko Jisu Kalaisi. Ameni.

Koe Episele. Sa. Jemisi i. 22-27. Koe Kosibeli. Sa. Jone xvi. 23-33.

5 Easter

KOE ‛AHO ‛OE HA‛ELE HAKE.

Koe Lotu.

‛E ‛OTUA Mafimafi, ‛oku mau kole ke ke tuku kiate kimautolu, ‛o hage ko ‛emau tui na‛e ha‛ele hake ki hevani ‛a ho ‛Alo be taha na‛e fakatubu; ke hiki behe ki ai ho mau loto mo ho mau laumalie, ke nofo ma‛u mo ia, ‛aia ‛oku mo‛ui mo bule mo Koe moe Laumalie Ma‛oni‛oni, koe ‛Otua be taha, ‛i he mama ta‛egata. Ameni.

Koe Episele. Gaue i. 1-11. Koe Kosibeli. Sa. Maake xvi. 14-20.

Ascension Day

KOE ‛AHO ‛OE ‛EIKI HILI ‛AE HA‛ELE HAKE.

Koe Lotu.

‛E ‛OTUA, koe Tu‛i oe Kololia, na‛a ke hiki ki ‛oluga ‛a ho ‛Alo be taha, ko Jisu Kalaisi ‛i he malohi lahi ki ho buleaga ‛i hevani; ‛oku mau kole kiate koe, ke ‛oua na‛a ke jiaki ‛akimautolu ta‛efiemalie; ka ke fekau ho Laumalie Ma‛oni‛oni kiate kimautolu ke ne fakafiemalie ‛akimautolu, mo hiki hake ki he botu koia, ‛aia kuo muomu‛a ki ai ho mau Fakamo‛ui, ko Kalaisi, ‛aia ‛oku mo‛ui mo bule mo koe moe Laumalie Ma‛oni‛oni, koe ‛Otua be taha ‛i he mama ta‛egata. Ameni.

Koe Episele. 1 Bita iv. 7-11. Koe Kosibeli. Sa. Jone xv. 26—xvi. 4.

Sunday after Ascension

KOE ‛AHO ‛OE PENITEKOSI.

Koe Lotu.

‛E ‛OTUA, naa ke akonaki‛i ‛ae loto ‛a ho kakai agatonu i ho‛o fekau kiate kinautolu ‛ae mama ‛o ho Laumalie Ma‛oni‛oni; ke ke tuku ke ma‛u ‛ekimautolu, ‛i he Laumalie koia, ‛ae boto mo‛oni i he gahi me‛a kotoabe, mo mau fiefia ma‛u ai be i he ‛ene fiemalie ma‛oni‛oni; ‛i he ‛aoga lelei ‛o Kalaisi Jisu ko ho mau Fakamo‛ui, ‛aia ‛oku mo‛ui mo bule mo koe ‛i he feohi ‛oe Laumalie koia, koe ‛Otua be taha ‛i he mama ta‛egata. Ameni.

Koe Episele. Gaue ii. 1-11. Koe Kosibeli. Sa. Jone xiv. 15-31.

MONETE ‛I HE UIKE PENITEKOSI.

Koe Episele. Gaue x. 34-48. Koe Kosibeli. Sa. Jone iii. 16-21.

TUSITE ‛I HE UIKE PENITEKOSI.

Koe Episele. Gaue viii. 14-17. Koe Kosibeli. Sa. Jone x. 1-10.

Whit-Sunday (Pentecost)

KOE ‛AHO ‛OE ‛EIKI ‛OE TOLU-TAHA.

Koe Lotu.

‛E ‛OTUA Mafimafi mo ta‛egata, kuo ke foaki ‛ae kelesi kiate kimautolu, ko ho‛o kau tamaio‛eiki, ke mau fakaha ‛i he tui mo‛oni ki he kololia ‛oe Taha-Tolu ta‛egata, bea ‛i he malohi ‛oe Afiona Fakaotua ke hu ki he Fakataha; ‛Oku mau kole kiate koe, ke ke tauhi ‛akimautolu, ke mau tu‛uma‛u ‛i he tui ni, bea malu‛i ma‛u ai be ‛akimautolu mei he me‛a kovi kotoabe, ‛ae ‛Afiona, ‛oku ke mo‛ui mo bule koe ‛Otua be taha, ‛i he mama ta‛egata. Ameni.

Koe Episele. Fakaha iv. 1-11. Koe Kosibeli. Sa. Jone iii. 1-18.

Trinity Sunday

KOE ULUAKI ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, koe malohi ‛okinautolu kotoabe ‛oku falala kiate koe, ke ke ma‛u ‛i ho‛o alo‛ofa ‛e mau gahi lotu; bea koe me‛a ‛i he vaivai ‛ae mau aga mategofua ‛e ikai te mau faa fai ha me‛a lelei, ka mavae mo koe, ke ke tuku kiate kimautolu hono tokoni ‛o ho‛o kelesi, koe‛uhi ‛i he ‛e mau tauhi ho‛o gahi fekau, ke mau fakafiemalie ai ki he ‛Afiona, ‛i ho mau loto mo ‛emau gaue; ia Jisu Kalaisi, ko ho mau ‛Eiki. Ameni.

Koe Episele. 1 Sa. Jone iv. 7-21. Koe Kosibeli. Sa. Luke xvi. 19-31.

1 Trinity

KO HONO UA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛akoe ‛oku ke tokoni mo bule‛i ma‛u ai be ‛akinautolu ‛oku tauhi ‛ekoe ‛i ho‛o manavahe moe ‛ofa; ‛Oku mau kole kiate koe, ke ke tauhi ‛akimautolu ‛i he malu ‛o ho‛o bule lelei, bea ke gaohi ‛akimautolu ke mau manavahe mo ‛ofa ma‛u ai be ki ho Huafa tabu; ia Jisu Kalaisi, ko ho mau ‛Eiki. Ameni.

Koe Episele. 1 Sa. Jone iii. 13-24. Koe Kosibeli. Sa. Luke xiv. 16-24.

2 Trinity

KO HONO TOLU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛oku mau kole kiate koe, ke ke fanogo kiate kimautolu ‛i ho‛o alo‛ofa; bea tuku kiate kinautolu, kuo foaki ki ai ‛ae holi ke lotu, ke malu‛i mo fakafiemalie‛i ‛akinautolu ‛e ho‛o tokoni malohi ‛i he gahi tu‛utamaki moe gahi kovi kotoabe; ia Jisu Kalaisi, ko ho mau ‛Eiki. Ameni.

Koe Episele. 1 Bita v. 5-11. Koe Kosibeli. Sa. Luke xv. 1-10.

3 Trinity

KO HONO FA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, koe tauhi ‛okinautolu kotoabe ‛oku falala kiate koe, ka mavae mo koe ‛oku ‛ikai malohi be ma‛oni‛oni ha me‛a ‛e taha; ke ke fakalahi ho‛o ‛alo‛ofa kiate kimautolu, koe‛uhi ke behe ‛emau ‛alu ‛i he gahi me‛a ‛ojigofua, ‛i ho‛o bule‛i mo fakahinohino ‛akimautolu, bea ke ‛oua na‛a mole iate kimautolu ‛ae gahi me‛a ta‛egata: Tuku mai ‛ae me‛a ni, ‛E Tamai oku ‛i hevani, koe‛uhi ko Jisu Kalaisi, ko ho mau ‛Eiki. Ameni.

Koe Episele. Loma viii. 18-23. Koe Kosibeli. Sa. Luke vi. 36-42.

4 Trinity

KO HONO NIMA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛OKU mau kole kiate koe, ‛E ‛Eiki, ke tuku mai, ke faa bule‛i ‛ae aga ‛oe mamani ‛i ho‛o bule fakamelino, koe‛uhi ke tauhi fiefia kiate koe ‛e ho Jiaji‛i he fakafiemalie faka‛otua; ia Jisu Kalaisi, ko ho mau Eiki. Ameni.

Koe Episele. 1 Bita iii. 8-15. Koe Kosibeli. Sa. Luke v. 1-11.

5 Trinity

KO HONO ONO ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, kuo ke tokonaki ma‛akinautolu ‛oku ‛ofa kiate koe ‛ae gahi me‛a lelei lahi hake fi he fa‛a ‛ilo ‛e he boto ‛oe tagata; Hua‛i hifo ki ho mau loto ‛ae ‛ofa behe ni kiate koe, koe‛uhi, ‛i he mau ‛ofa lahi hake kiate koe ‛i he gahi me‛a kotoabe, ke mau ma‛u ho‛o gahi tala‛ofa, ‛aia ‛oku lahi hake ‛i he me‛a kotoabe te mau fa‛a holi ki ai; ia Jisu Kalaisi, ko ho mau ‛Eiki. Ameni.

Koe Episele. Loma vi. 3-11. Koe Kosibeli. Sa. Matiu v. 20-26.

6 Trinity

KO HONO FITU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI ‛oe malohi moe mafimafi kotoabe, ‛akoe koe tubu‛aga moe fa‛a foaki‛aga ‛oe gahi me‛a lelei kotoabe; fakahoko ki ho mau loto ‛ae ‛ofa ki ho Huafa, fakalahi iate kimautolu ‛ae lotu mo‛oni, fafaga ‛akimautolu ‛aki ‛ae agalelei kotoabe, bea ‛i ho‛o ‛alo‛ofa lahi tauhi ma‛u ai be ‛akimautolu ‛i ai; ia Jisu Kalaisi, ko ho mau ‛Eiki. Ameni.

Koe Episele. Loma vi. 19-23. Koe Kosibeli. Sa. Maake viii. 1-9.

7 Trinity

KO HONO VALU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, ‛oku tokaga‛i ‛ae gahi me‛a kotoabe ‛i hevani mo mamani ‛e ho‛o bule ta‛etuku; ‛oku mau kole agavaivai kiate koe, ke ke fakamama‛o meiate kimautolu ‛ae gahi me‛a kovi kotoabe, bea foaki ‛ae gahi me‛a ‛e aoga kiate kimautolu; ia Jisu Kalaisi, ko ho mau ‛Eiki. Ameni.

Koe Episele. Loma viii. 12-17. Koe Kosibeli. Sa. Matiu vii. 15-21.

8 Trinity

KO HONO HIVA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛oku mau kole kiate koe, ke ke foaki kiate kimaiitolu ‛ae laumalie ke mau mahalo mo fai ma‛u ai be ki he gahi me‛a ‛oku totonu; koe‛uhi ko kimautolu, ‛oku ‛ikai te mau fa‛a fai ha me‛a lelei ‛e taha, ka mavae mo koe, ke mau fa‛a fai, i ho‛o tokoni, ‛o hage ko ho finagalo; ia Jisu Kalaisi, ko ho mau ‛Eiki. Ameni.

Koe Episele. 1 Kolinito x. 1-13. Koe Kosibeli. Sa. Luke xvi. 1-9.

9 Trinity

KO HONO HOGOFULU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, tuku ke ‛afio‛i ‛e ho fofoga ‛alo‛ofa ki he gahi lotu ‛o ho kakai agavaivai; bea koe‛uhi ke nau ma‛u ‛enau gahi kole, ‛ofa ke nau kole ‛ae gahi me‛a ‛oku lelei ‛i ho ‛ao; ia Jisu Kalaisi, ko ho mau ‛Eiki. Ameni.

Koe Episele. 1 Kolinito xii. 1-11. Koe Kosibeli. Sa. Luke xix. 41-47.

10 Trinity

KO HONO HOGOFULU MA TAHA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, ‛akoe, oku ke fakaha ho‛o malohi lahi ‛i ho‛o fa‛a fai ‛ae ‛alo‛ofa moe manava‛ofa; Foaki kiate kimautolu ‛i ho‛o ‛alo‛ofa ‛ae kelesi koia, koe‛uhi ke mau lele ai ‛i he hala ‛o ho‛o gahi fekau, bea mau ma‛u ai ‛a ho‛o gahi tala‛ofa, bea mau kau ai ‛i ho‛o koloa fakahevani; ia Jisu Kalaisi, ko ho mau ‛Eiki. Ameni.

Koe Episele. 1 Kolinito xv. 1-11. Koe Kosibeli. Sa. Luke xviii. 9-14.

11 Trinity

KO HONO HOGOFULU MA UA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA Mafimafi mo ta‛egata, ‛oku lahi hake ho‛o fie fanogo ‛i he ‛e mau fie lotu, bea ‛oku lahi hake ho‛o fa‛a foaki ‛i he me‛a ‛oku mau kole be totonu ke mau ma‛u; Hua‛i hifo kiate kimautolu hono lahi ‛o ho‛o alo‛ofa, ‛o fakamolemole ‛akimautolu ‛i he gahi me‛a koia ‛oku manavahe ki ai ho mau loto, bea foaki kiate kimautolu ‛ae gahi me‛a lelei koia, ‛aia ‛oku ‛ikai te mau ‛aoga ke kole, ka ‛i he ‛aoga lelei moe fakalaloa ‛a Jisu Kalaisi, ko ho ‛Alo ko ho mau ‛Eiki. Ameni.

Koe Episele. 2 Kolinito iii. 4-7. Koe Kosibeli. Sa. Maake vii. 31-37.

12 Trinity

KO HONO HOGOFULU MA TOLU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA Mafimafi mo ‛alo‛ofa, koe me‛a ‛i ho‛o foaki be, ‛oku atu kiate koe ‛e ho kakai agatonu ‛ae gaue mo‛oni mo lelei; ‛Oku mau kole kiate koe, ke ke tuku mai ke mau tanhi totonu kiate koe ‛i he mo‛ui ni, bea ke lava‛i tomui ‛a ho‛o gahi tala‛ofa fakahevani; ‛i he gahi gaue lelei ‛o Jisu Kalaisi, ko ho mau ‛Eiki. Ameni.

Koe Episele. Kaletia iii. 16-22. Koe Kosibeli. Sa. Luke x. 23-37.

13 Trinity

KO HONO HOGOFULU MA FA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA Mafimafi mo ta‛egata, foaki kiate kimautolu hono fakalahi ‛oe tui, moe amanaki lelei, moe ‛ofa; bea, koe‛uhi ke mau ma‛u ‛aia ‛oku ke talaofa, ke ke fakamanako ‛i ho mau loto ki he gahi me‛a ‛oku ke fekau; ia Jisu Kalaisi, ko ho mau ‛Eiki. Ameni.

Koe Episele. Kaletia v. 16-24. Koe Kosibeli. Sa. Luke xvii. 11-19.

14 Trinity

KO HONO HOGOFULU MA NIMA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛OKU mau kole kiate koe, ‛E ‛Eiki, ke ke tauhi ‛a ho Jiaji ‛i ho‛o ‛alo‛ofa ta‛etuku; bea koe me‛a ‛e fa‛a higa ae vaivai fakatagata ‛oku mavae mo koe, ke ke taofi ‛akimautolu ‛i ho‛o tokoni mei he gahi me‛a kovi kotoabe, bea tataki ‛akimautolu ki he gahi me‛a kotoabe ‛oku aoga ki ho mau fakamo‛ui; ia Jisu Kalaisi, ko ho mau ‛Eiki. Ameni.

Koe Episele. Kaletia vi. 11-18. Koe Kosibeli. Sa. Matiu vi. 24-34.

15 Trinity

KO HONO HOGOFULU MA ONO ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛oku mau kole kiate koe, ke ke fakama‛a ho Jiaji mo malu‛i ia ‛i ho‛o ‛alo‛ofa ta‛etuku; bea koe me‛a ‛i he ‛ikai tu‛u maluia, ka mavae mo koe, ke ke bule ma‛u ai be ia ‛i he tokoni ‛o ho‛o agalelei; ia Jisu Kalaisi, ko ho mau ‛Eiki. Ameni.

Koe Episele. Efeso iii. 13-21. Koe Kosibeli. Sa. Luke vii. 11-17.

16 Trinity

KO HONO HOGOFULU MA FITU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛oku mau kole kiate koe, ke muomu‛a mo muimui ma‛u ai be ‛a ho‛o kelesi kiate kimautolu, bea ke ne fakakau ‛akimautolu ki he gahi gaue lelei kotoabe; ia Jisu Kalaisi, ko ho mau ‛Eiki. Ameni.

Koe Episele. Efeso iv. 1-6. Koe Kosibeli. Sa. Luke xiv. 1-11.

17 Trinity

KO HONO HOGOFULU MA VALU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛oku mau kole kiate koe, foaki ‛ae kelesi ki ho kakai, ke nau lalago aki ‛ae gahi ‛ahi‛ahi kovi ‛oe mamani, moe kakano, moe tevolo; bea ke nau muimui ‛iate koe, koe ‛Otua mo‛oni be taha, ‛i he loto moe atamai ma‛a; ia Jisu Kalaisi, ko ho mau ‛Eiki. Ameni.

Koe Episele. 1 Kolin. i. 4-8. Koe Kosibeli. Sa. Matiu xxii. 34-46.

18 Trinity

KO HONO HOGOFULU MA HIVA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, koe me‛a ‛i he ‛emau ta‛e fa‛a fakafiemalie‛i ‛ae ‛Afiona, ka mavae mo koe; Ke ke tuku i ho‛a ‛alo‛ofa, ke bule‛i mo fakahinohino ho mau loto ‛e ho Laumalie Ma‛oni‛oni ‛i he gahi me‛a kotoabe; ia Jisu Kalaisi, ko ho mau ‛Eiki. Ameni.

Koe Episele. Efeso iv. 17-32. Koe Kosibeli. Sa. Matiu ix. 1-8.

19 Trinity

KO HONO UOFULU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA Mafimafi mo ‛alo‛ofa, ‛oku mau kole kiate koe, ‛i ho‛o agalelei lahi, ke ke taofi ‛akimautolu mei he gahi me‛a kotoabe te mau kovi ai; koe‛uhi ke tali teu be ‛akimautolu ‛i he jino moe Laumalie, ke mau fiefie fai ‛ae gahi me‛a koia ‛oku ke finagalo ke fai ai; ia Jisu Kalaisi, ko ho mau ‛Eiki. Ameni.

Koe Episele. Efeso v. 15-21. Koe Kosibeli. Sa. Matiu xxii. 1-14.

20 Trinity

KO HONO UOFOLU MA TAHA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI ‛Alo‛ofa, ‛oku mau kole kiate koe, ke ke tuku ki ho kakai agatonu ‛ae fakamolemole moe melino; koe‛uhi ke ma‛a ai ‛akinautolu mei he ‛enau gahi hia, mo nau tauhi kiate koe ‛i he loto fiemalie; ia Jisu Kalaisi, ko ho mau ‛Eiki. Ameni.

Koe Episele. Efeso vi. 10-20. Koe Kosibeli. Sa. Jone iv. 46-54.

21 Trinity

KO HONO UOFULU MA UA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛okumau kole kiate koe, ke ke tauhi ma‛u ai be ho fale koe Jiaji ‛i he agafaka‛otua; koe‛uhi ke hao ia mei he gahi kovi kotoabe ‛i ho‛o tokoni, bea tauhi kiate koe ‛i he gahi gaue lelei, ke ogoogolelei ai ho Huafa; ia Jisu Kalaisi, ko ho mau ‛Eiki. Ameni.

Koe Episele. Filibai i. 3-11. Koe Kosibeli. Sa. Matiu xviii. 21-35.

22 Trinity

KO HONO UOFULU MA TOLU ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛OTUA, ko ho mau hufaga moe malohi, koe tubu‛aga ‛oe agafaka‛otua kotoabe; ‛oku mau kole kiate koe, ke ke fanogo ki he gahi lotu mo‛oni ‛a ho Jiaji; bea koe gahi me‛a koia ‛oku mau kole fakamo‛omo‛oni ki ai, ‛ofa ke mau ma‛u totonu; ia Jisu Kalaisi, ko ho mau ‛Eiki. Ameni.

Koe Episele. Filibai iii. 17-22. Koe Kosibeli. Sa. Matiu xxii. 15-22.

23 Trinity

KO HONO UOFULU MA FA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛E ‛EIKI, ‛oku mau kole kiate koe, ke ke tukuage ho kakai mei he ‛enau gahi hia; koe‛uhi, koe me‛a ‛i ho‛o agalelei lahi, ke fakahaofi ai ‛akimautolu mei he gahi ha‛i ‛oe gahi agahala koia, na‛a mau fai ‛i he ‛emau vaivai; Foaki mai ‛ae me‛a ni, ‛E Tamai ‛oku ‛i hevani, koe‛uhi ko Jisu Kalaisi, ko ho mau ‛Eiki monu‛ia mo Fakamo‛ui. Ameni.

Koe Episele. Kolose i. 3-12. Koe Kosibeli. Sa. Matiu ix. 18-26.

24 Trinity

KO HONO UOFULU MA NIMA ‛OE ‛AHO ‛OE ‛EIKI HILI ‛AE TOLU-TAHA.

Koe Lotu.

‛OKU mau kole kiate koe, ‛E ‛Eiki, ke ke ue‛i lelei ‛ae loto ‛o ho kakai agatonu; koe‛uhi ke tubu lahi iate kinautolu ‛ae fua ‛oe gahi gaue lelei, bea ke nau ma‛u meiate koe ‛ae totogi lahi; ia Jisu Kalaisi, ko ho mau ‛Eiki. Ameni.

Ma‛ae Episele. Jelem. xxiii. 5-8. Koe Kosibeli. Sa. Jone vi. 5-14.

¶ Kabau ke toe ‛ae g. Aho ‛oe ‛Eiki lahi hake, kae ‛oua na‛a a‛u ki he Ha‛ele mai, ‛e lau ‛ae Lotu moe Episele moe Kosibeli ‛oe taha be niihi ‛oe g. ‛Aho ‛oe ‛Eiki hili ‛ae Epifani, kuo ta‛e fai. Kabau ke jii hifo ‛ae g. ‛Aho ‛oe ‛Eiki ‛i he Uofulu mo Nima hili ‛ae Tolu Taha, ‛e ta‛efai ‛ae Lotu lahi hake. Kae ‛e fai ma‛u ai be ‛ae Lotu, moe Episele, moe Kosibeli ni ‛i he ‛Aho ‛oe ‛Eiki muomu‛a ‛i he Ha‛ele mai.

25 Trinity

KOE ‛AHO ‛O SANITA ANITELU.

Koe Lotu.

‛E ‛OTUA Mafimafi, ‛akoe na‛e foaki ‛ae kelesi ki ho‛o Abosetolo Ma‛oni‛oni, ko Sanita Anitelu, ke ne muimui ‛aki ‛ae talagofua ‛i ho ‛Alo ko Jisu Kalaisi, kuo ui ‛e ia; Tuku mai kiate kimautolu kotoabe, kuo ui ‛e ho‛o Folofola Ma‛oni‛oni, ke mau talagofua ma‛u ki ho‛o gahi fekau ma‛oni‛oni; ia Jisu Kalaisi, ko ho mau ‛Eiki. Ameni.

Koe Episele. Loma x. 9-21. Koe Kosibeli. Sa. Matiu iv. 18-22.

St. Andrew

KOE ‛AHO ‛OE SANITA TOMASI KOE ABOSETOLO.

Koe Lotu.

‛E ‛OTUA Mafimafi mo ta‛egata, ‛akoe na‛e tuku ‛a ho‛o Abosetolo Ma‛oni‛oni ko Tomasi, ke ne ta‛etui ki he toetu‛u ‛a ho ‛Alo ko Jisu Kalaisi, koe‛uhi ke fakamalohi ‛ae tui; Tuku kiate kimautolu ke mau tui ‛aki ‛ae tui haohaoa koia ki ho Alo ko Jisu Kalaisi bea ‛e ‛ikai e valoki‛i ‛emau tui ‛i ho ao ‛o ta‛egata. Fanogo, ‛E ‛Eiki, kiate kimautolu, ia Jisu Kalaisi, ke iate Ia, mo Koe, moe Laumalie Ma‛oni‛oni ae faka‛aba‛aba moe kololia kotoabe ‛i he taimi ni, ‛o ta‛egata. Ameni.

Koe Episele. Efeso ii. 19-22. Koe Kosibeli. Sa. Jone xx. 24-31.

St. Thomas

KOE LILIU ‛O SANITA BAULA.

Koe Lotu.

‛E ‛OTUA, ‛akoe na‛a ke fakaraama ‛a mamani kotoabe ‛aki ‛ae māma ‛oe Kosibeli ‛i he malaga ‛a ho‛o Abosetolo monuia ko Sanita Baula, ‛oku mau kole kiate koe ke ke tuku mai kiate kimautolu ke mau fa‛a fakaha atu a‛emau fakafeta‛i koe‛uhi ko hono liliu fakaofo, ‛aia oku mau manatu ‛i he ‛aho ni, bea ke mau muimui ki he ‛ene ako ma‛oni‛oni; ia Jisu Kalaisi, ko ho mau ‛Eiki. Ameni.

Ma‛ae Episele. Gaue ix. 1-22. Koe Kosibeli. Sa. Matiu xix. 27-30.

Conversion of St. Paul

KOE FAKAHA O KALAISI I HE FALELOTU LAHI, KUO UI,
KOE FAKAMA‛A ‛OE TAUBOOU KO SANITA MELE.

Koe Lotu.

‛E ‛OTUA Mafimafi mo ta‛egata, ‛oku mau kole ‛i he agavaivai ki ho ‛Afiona ke fakaha akimautolu kiate koe ‛aki ‛ae loto ma‛a mo ma‛oni‛oni; ‛o hage kuo fakaha ‛a ho ‛Alo be taha na‛e tubu ‛i he ‛aho ni ‛i he aga ‛o ho mau kakano ‛i he falelotu lahi; ia Jisu Kalaisi, ko ho ‛Alo, ko ho mau ‛Eiki. Ameni.

Ma‛ae Episele. Malakai iii. 1-5. Koe Kosibeli. Sa. Luke ii. 22-40.

Purification of St. Mary

KOE ‛AHO ‛O KO SANITA MATAIASI.

Koe Lotu.

‛E ‛OTUA Mafimafi, ‛akoe na‛a ke fili ‛a ho‛o tamaio‛eiki agatonu, ko Mataiasi, ke lau fakataha ia moe kau Abosetolo ‛e toko hogofulu ma toko ua, koe fetogi ‛oe lavaki, ko Jiutasi, tuku ke fakahaofi ma‛u ai be ‛a ho Jiaji mei he kau Abosetolo loi, bea ke bule‛i mo tataki ia ‛e he kau tauhi mo‛oni mo agatonu; ia Jisu Kalaisi, ko ho mau Eiki. Ameni.

Ma‛ae Episele. Gaue i. 15-26. Koe Kosibeli. Sa. Matiu xi. 25-30.

St. Matthias

KOE FAKAHA KI HE TAUBOOU MONUIA KO MELE.

Koe Lotu.

‛E ‛EIKI, ‛oku mau kole kiate koe, ke ke hua‛i hifo ho‛o kelesi ki ho mau loto, koe‛uhi, ‛o hage kuo fakaha mai ‛e he agelo kiate kimautolu, nae hoko ho ‛Alo ko Jisu Kalaisi koe kakano, ke omi ‛akimautolu ‛e hono kolosi moe mamahi ki he nāunāu ‛o ‛ene toetu‛u, ‛ia Jisu Kalaisi, ko ho mau‛Eiki. Ameni.

Ma‛ae Episele. Isaia vii. 10-15. Koe Kosibeli. Sa. Luke i. 26-38.

Annunciation of the BVM

KOE AHO ‛O SANITA MAAKE.

Koe Lotu.

‛E ‛OTUA Mafimafi, ‛akoe na‛e ako‛i a ho Jiaji ma‛oni‛oni aki ae akonaki fakalagi ‛o ho‛o Evagelio, ko Sanita Maake; ke ke tuku ae kelesi kiate kimautolu, koe‛uhi ke oua na‛a mau feliliuaki ‛i he matagi kotoabe ‛oe akonaki, bea ke mau tu‛uma‛u ki he mo oni ‛o ho‛o Kosibeli ma‛oni‛oni; ia Jisu Kalaisi, ko ho mau ‛Eiki. Ameni.

Koe Episele. Efeso iv. 7-16. Koe Kosibeli. Sa. Jone xv. 1-11.

St. Mark

KOE ‛AHO ‛O SANITA FELIBE MOE SANITA JEMISI.

Koe Lotu.

‛E ‛OTUA Mafimafi, ‛oku tubu ‛i he ‛emau ‛ilo mo‛oni ‛ae ‛Afiona ‛emau mo‛ui ta‛egata; Tuku mai kiate kimautolu ke mau ‛ilo mo‛oni ‛a ho ‛Alo ko Jisu Kalaisi, ‛aia koe hala moe rno‛oni bea moe mo‛ui; koe‛uhi ke mau tpbuva‛e taha mo ho‛o ogo Abosetolo ma‛oni‛oni, ko Sanita Filipe mo Sanita Jemisi, bea ke mau ‛aeva ma‛u ai be ‛i he hala‛oku fakatau ki he mo‛ui ta‛egata; koe‛uhi ko Jisu Kalaisi, ko ho ‛Alo, ko ho mau ‛Eiki. Ameni.

Koe Episele. Jemisi i. 1-12. Koe Kosibeli. Sa. Jone xiv. 1-14.

St. Philip & St. James

KOE ‛AHO ‛O SANITA BANEBASA KOE ABOSETOLO.

Koe Lotu.

‛E ‛EIKI koe ‛Otua Mafimafi, ‛akoe na‛a ke fakamanava ki ho‛o Abosetolo ma‛oni‛oni, ko Banebasa, ‛ae gahi foaki lelei lahi ‛aubito ‛oe Laumalie Ma‛oni‛oni; ‛Oku mau kole kiate koe, ‛oua na‛a ke tuku ‛akimautolu ke mau majiva ‛i ho‛o gahi foaki lahi, be koe kelesi ke mau gaue‛aki ia ma‛u ai be ki ho‛o ogoogolelei moe nāunāu; ia Jisu Kalaisi, ko ho mau ‛Eiki. Ameni.

Ma‛ae Episele. Gaue xi. 22-30. Koe Kosibeli. Sa. Jone xv. 12-16.

St. Barnabas

KOE ‛AHO ‛O JONE BAPITAISO.

Koe Lotu.

‛E ‛OTUA Mafimafi, na‛e tubu ai ke faele‛i fakaofo ‛a ho‛o tamaio‛eiki, ko Jone Bapitaiso ‛i ho‛o bule, bea fekau ia ke ne teuteu ‛ae hala ‛o ho ‛Alo ‛o ho mau Fakamo‛ui ‛i he malaga ‛aki ‛ae fakatomala; Tuku mai kiate kimautolu ke mau muimui ki he ‛ene akonaki moe mo‛ui ma‛oni‛oni, koia ke mau fakatomala mo‛oni ‛o hage ko ‛ene malaga; bea ke lea ma‛u ai be ‛aki ‛ae mo‛oni, bea valoki malohi ‛ae kovi, bea mamahi koe‛uhi koe mo‛oni, ‛o fakatatau ki he fai‛fai‛taki‛aga na‛a ne tuku mai; ia Jisu Kalaisi, ko ho mau ‛Eiki. Ameni.

Ma‛ae Episele. Isaia xl. 1-11. Koe Kosibeli. Sa. Luke i. 57-80.

St. John the Baptist

KOE ‛AHO ‛O SANITA BITA, KOE ABOSETOLO.

Koe Lotu.

‛E ‛OTUA Mafimafi, ‛akoe na‛a ke tuku ki ho‛o Abosetolo, ko Sanita Bita ‛ae gahi foaki lelei lahi aubito ‛i ho ‛Alo, ko Jisu Kalaisi, bea na‛a ke fekau malohi kiate ia, ke ne fafaga ‛a ho‛o faga sibi; ‛Oku mau kole kiate koe, ke ke tuku ki he kau Episekopo moe kau tauhi kotoabe, ke nau malaga fakamātoāto ‛aki ‛a ho‛o Folofola ma‛oni‛oni, bea ke talagofua ki ai ‛ae kakai, koe‛uhi ke nau ma‛u ‛ae kalauni ‛oe nāunāu ta‛egata; ia Jisu Kaiaisi, ko ho mau ‛Eiki. Ameni.

Ma‛ae Episele. Gaue xii. 1-11. Koe Kosibeli. Sa. Matiu xvi. 13-19.

St. Peter

KOE ‛AHO ‛O SANITA JEMISI, KOE ABOSETOLO.

Koe Lotu.

‛E ‛OTUA ‛Alo‛ofa, ke hage na‛e liaki ‛e ho‛o Abosetolo ma‛oni‛oni, ko Sanita Jemisi ‛a ‛ene tamai moe gahi me‛a kotoabe a‛ana, bea ne talagofua ki ho ‛Alo, ko Jisu Kalaisi, ‛aia na‛e ui ia, bea muimui leva ia ki ai; Tuku mai kiate kimautolu, ke mau liaki ae gahi holi fakamaraani mo fakakakano kotoabe, bea ke mau teuteu ma‛u ai be ke muimui ki ho‛o gahi fekau ma‛oni‛oni; ia Jisu Kalaisi, ko ho mau ‛Eiki. Ameni.

Ma‛ae Episele. Gaue xi. 27—xii. 3. Koe Kosibeli. Sa. Matiu xx. 20-28.

St. James

KOE ‛AHO ‛O SANITA BATOLOMIU KOE ABOSETOLO.

Koe Lotu.

‛E ‛OTUA Mafimafi mo ta‛egata, ‛akoe na‛a ke foaki ki ho‛o Abosetolo ko Batolomiu ‛ae kelesi ke ne tui mo‛oni mo malaga ‛aki ‛a ho‛o Folofola; ‛Oku mau kole kiate koe ke ke tuku mai ki ho Jiaji, ke mau ‛ofa ki he Folofola ‛aia na‛a ne tui ki ai, bea ke malaga ‛aki mo ma‛u ‛aia na‛a ne ako ‛aki; ia Jisu Kalaisi, ko ho mau ‛Eiki. Ameni.

Ma‛ae Episele. Gaue v. 12-16. Koe Kosibeli. Sa. Luke xxii. 24-30.

St. Bartholomew

KOE ‛AHO ‛O SANITA MATIU, KOE ABOSETOLO.

Koe Lotu.

‛E ‛OTUA Mafimafi, ‛akoe na‛a ke ui ‛i ho ‛Alo monuia ‛a Matiu mei he fale-tute, ke ne hoko koe Abosetolo moe Evagelio; Tuku mai kiate kimautolu ‛ae kelesi ke mau liaki ‛ae holi manumanu kotoabe moe‛ofa ki he koloa; bea ke muimui ki ho ‛Alo ko Jisu Kalaisi, ‛aia ‛oku mo‛ui mo bule mo Koe bea moe Laumalie Ma‛oni‛oni, koe ‛Otua be taha ‛o ta‛egata. Ameni.

Koe Episele. 2 Kolin. iv. 1-6. Koe Kosibeli. Sa. Matiu ix. 9-13.

St. Matthew

KOE ‛AHO ‛O SANITA MAIKALE MOE AGELO KOTOABE.

Koe Lotu.

‛E ‛OTUA Ta‛egata, ‛akoe na‛a ke fakanofo ‛ae gahi tauhi ‛oe kau Agelo moe kau tagata ‛i he lakaga fakaofo; Ke ke ‛alo‛ofa mai ‛o fekau ‛a ho‛o kau Agelo ma‛oni‛oni, ke nau tokoni‛i mo malu‛i ‛akimautolu ‛i mamani, ‛o hage ko ‛enau tauhi ‛oku fai ma‛u ai be ki he ‛Afiona ‛i he lagi; ia Jisu Kalaisi, ko ho mau ‛Eiki. Ameni.

Ma‛ae Episele. Fakaha xii. 7-12. Koe Kosibeli. Sa. Matiu xviii. 1-10.

St. Michael & All Angels

KOE ‛AHO ‛O SANITA LUKE, KOE EVAGELIO.

Koe Lotu.

‛E ‛OTUA Mafimafi, ‛akoe na‛a ke ui ‛a Luke koe tagata faito‛o ‛aia ‛oku ‛i he Kosibeli ‛a ‛ene fakamalo, ke ne hoko koe Evagelio moe Faito‛o ki he laumalie: ‛Ofa ke lelei kiate koe, ke fakamo‛ui ‛ae gahi mahaki kotoabe ‛o ho mau laumalie ‛aki ‛ae gahi faito‛o lelei ‛oe akonaki ‛aia na‛a ne ako ‛aki; ‛i ho ‛Alo ko Jisu Kalaisi, ko ho mau ‛Eiki. Ameni.

Koe Episele. 2 Tim. iv. 5-15. Koe Kosibeli. Sa. Luke x. 17

St. Luke

KOE ‛AHO ‛O SANITA SAIMONE MO SANITA JUTE, KOE OGO ABOSETOLO.

Koe Lotu.

‛E ‛OTUA Mafimafi, ‛akoe na‛a ke fokotu‛u ‛a ho Jiaji ki he tu‛uga ‛ae kau Abosetolo moe kau Balofita, ko hono fugani maka tuliki ‛a Jisu Kalaisi be; Tuku ke fakahoko ‛aki ‛e he ‛enau akonaki ‛akimautolu ki he fakataha ‛oe laumalie, bea ke mau hoko koe fale ma‛oni‛oni ‛e ‛aoga ki he ‛Afiona; ia Jisu Kalaisi, ko ho mau ‛Eiki. Ameni.

Koe Episele. Sa. Jute 1-8. Koe Kosibeli. Sa. Jone xv. 17-27.

St. Simon & St. Jude

KOE ‛AHO ‛OE KAIGA MA‛ONI‛ONI KOTOABE.

Koe Lotu.

‛E ‛OTUA Mafimafi, ‛akoe na‛a ke no‛ono‛o fakataha ho kakai kuo fili ‛i he fakataha moe feohi taha ‛oe jino ta‛eha mai ‛o ho ‛Alo ko Kalaisi; Tuku mai kiate kimautolu ‛ae kelesi ke mau fa‛ifa‛itaki ki he aga ma‛oni‛oni moe gahi gaue lelei ‛a ho Kaiga Ma‛oni‛oni mo monuia, bea ke mau ha‛u ki he fiefia ta‛efa‛alaua na, na‛a ke teuteu ma‛ae kakai ‛oku ‛ofa mo‛oni kiate koe; ia Jisu Kalaisi, ko ho mau ‛Eiki. Ameni.

Ma‛ae Episele. Fakaha vii. 2-12. Koe Kosibeli. Sa. Matiu v. 1-12.

All Saints Day

Return home

Web author: Charles Wohlers

U. S. • England • Scotland • Ireland • Wales • Canada • World