flag of Tonga The Book of Common Prayer
United States England Scotland Ireland Wales Canada World

 
    Koe Tohi ‛oe Gahi
The Book of Common Prayer in Tongan

 

KOE LITANI.

‛E lau be hiva ‛ae LITANI be Koe Lotu Taumau ki he g. ‛Aho ‛oe ‛Eiki, moe g. Bulelulu, moe g. Falaite.

‛E ‛OTUA koe Tamai, ‛i hevani: alo‛ofa mai kiate kimautolu, koe kau agahala mamahi‛ia.
    ‛E ‛Otua koe Tamai, ‛i hevani: alo‛ofa mai kiate kimautolu, koe kau agahala mamahi‛ia.
    ‛E ‛Otua koe ‛Alo, koe Huhu‛i ‛o mamani: ‛alo‛ofa mai kiate kimautolu, koe kau agahala mamahi‛ia.
    ‛E ‛Otua koe ‛Alo, koe Huhu‛i ‛o mamani: ‛alo‛ofa mai kiate kimautolu, koe kau agahala mamahi‛ia.
    ‛E ‛Otua koe Laumalie Ma‛oni‛oni, ‛oku ha‛u mei he Tamai moe ‛Alo: ‛alo‛ofa mai kiate kimautolu, koe kau agahala mamahi‛ia.
    ‛E ‛Otua koe Laumalie Ma‛oni‛oni, ‛oku ha‛u mei he Tamai moe ‛Alo: ‛alo‛ofa mai kiate kimautolu, koe kau agahala mamahi‛ia.
    ‛E Tolu-Taha ma‛oni‛oni, mo monuia, mo naunau‛ia, koe Pesona ‛e Tolu ka koe ‛Otua be taha: ‛alo‛ofa mai kiate kimautolu koe kau agahala mamahi‛ia.
    ‛E Tolu-Taha ma‛oni‛oni, mo monu‛ia, mo niiuniiu‛ia, koe Pesona ‛e Tolu ka koe ‛Otua be taha: ‛alo‛ofa mai kiate kimautolu, koe kau agahala mamahi‛ia.
    ‛Oua na‛a ke manatu‛i, ‛E ‛Eiki, ‛e mau gahi agakovi, be koe gahi agakovi ‛ae mau gahi tamai ‛i mua; be ‛oua na‛a ke totogi kiate kimautolu ‛e mau gahi agahala: ka ke fakamo‛ui ‛akimautolu, ‛E ‛Eiki lelei, ke ke fakamo‛ui ho kakai, aia naa ke huhu‛i aki ho ta‛ata‛a maogooga lahi, bea oua naa ke houhau ta‛egata kiate kimautolu.
‛E ‛Eiki Lelei, fakahaofi ‛akimautolu.
    Mei he kovi kotoabe moe agapau‛u; mei he agahala, moe gahi me‛a kaka, moe ‛ohofia ‛ae tevolo ; mei ho‛o houhau, moe mala‛ia ta‛egata,
‛E ‛Eiki Lelei, fakahaofi ‛akimautolu.
    Mei he kui kotoabe ‛oe loto; mei he laukau, moe vikiviki launoa, moe malualoi; mei he meheka, moe taufehia, moe fakafajifaji, moe agataeofa kotoabe,
‛E ‛Eiki Lelei, fakahaofi ‛akimautolu.
    Mei he feauaki, moe gahi agahala fakamate kotoabe; bea mei he gahi kākā kotoabe ‛o mamani, moe kakano, moe tevolo,
‛E ‛Eiki Lelei, fakahaofi ‛akimautolu.
    Mei he ‛uhila moe mana; moe mahaki lahi, moe hoge ; mei he tau, moe fakabo, moe mate fakafokifa be,

‛E ‛Eiki Lelei, fakahaofi ‛akimautolu.
    Mei he maveuveu, moe buleaki fakafufu, moe agatu‛u; mei he gahi akonaki loi, moe he, moe mavahevahe; moe loto fefeka, moe ta‛etokaga ki ho‛o folofola mo ho‛o fekau,
‛E ‛Eiki Lelei, fakahaofi ‛akimautolu.
    ‛I he fakalilolilo ‛o ho fakahoko koe kakano ma‛oni‛oni; i ho Alo‛i ma‛oni‛oni moe Kamu; i ho‛o Bapitaiso, moe Aukai, moe ‛Ahiahi kovi,
‛E ‛Eiki Lelei, fakahaofi ‛akimautolu.
    I ho‛o Mamahi lahi mo ho‛o Tauta‛a koe Ta‛ata‛a; i ho‛o Kolosi moe Feiga lahi; i hoo Bekia mahu‛iga moe Telio; i hoo To‛etu‛u nāunāu‛ia moe Ha‛ele hake; bea ‛i he ha‛ele mai ‛oe Laumalie Ma‛oni‛oni,
‛E ‛Eiki Lelei, fakahaofi ‛akimautolu.
    I he taimi kotoabe ‛oe mau mamahi; i he taimi kotoabe ‛oe mau koloaia; i he houa ‛oe mate, moe ‛aho Fakamāu,
‛E ‛Eiki Lelei, fakahaofi ‛akimautolu.
The Litany
    Ko kimautolu agahala, ‛oku mau kole kiate koe, ke ke fanogo kiate kimautolu, ‛E ‛Eiki, koe ‛Otua; bea ke lelei kiate koe ke tauhi mo bule ‛i ho‛o Jiaji ma‛oni‛oni ‛i mamani kotoabe, ‛i hono hala totonu,
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke fakamoui mo malu‛i ae gahi Tu‛i, moe gahi Houeiki, moe gahi Kovana Kalisitiani kotoabe ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke huluaki ‛ae kau Bisobe, moe kau Taula‛eiki, moe kau Tikoni, ‛aki ‛ae loto totonu moe ilo‛i ‛a ho‛o Folofola; koe‛uhi ‛i he ‛e nau malaga moe nau mo‛ui ke nau fokotu‛u mo nau fakaha lelei ai be ia ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke tabuaki mo tauhi ‛ae kau Fakamāu, bea foaki ‛ae boto kiate kinautolu ke nau fai agatotonu, mo tauhi ‛ae mo‛oni ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke ke fekau ‛atu ‛ae kau gaue ki ho‛o ututa‛u;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke tabuaki mo tauhi ‛a ho kakai kotoabe;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
  . Ke lelei kiate koe ke foaki ki he gahi buleaga kotoabe ‛ae loto taha be, moe melino, moe fe‛ofo‛ofani ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke foaki kiate kimautolu ‛ae loto ke ‛ofa mo manavahe kiate koe, bea ke mau muimui fakakukafi be ki ho‛o gahi fekau;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke foaki ki ho kakai kotoabe hono fakalahi ‛oe kelesi, ke nau fanogo ki ho‛o Folofola ‛i he agamalu, bea ma‛u ia ‛i he agama‛a ‛oe loto, bea ke tubu iate kinautolu ‛ae gahi fua ‛oe Laumalie ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke ‛omi ki he hala ‛oe mo‛oni ‛akinautolu kotoabe kuo he, be kuo kākā ‛i ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke fakamalohi ‛akinautolu ‛oku tu‛u ; mo ke fakafiemalie mo tokoni ki he loto vaivai; bea ke fokotu‛u hake ‛akinautolu kuo higa; bea ke malaki hifo ‛a Setani i ho mau lalo va‛e ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke lagomaki‛i, mo tokoni, mo fakafiemalie‛i ‛akinautolu kotoabe ‛oku tu‛utamaki, be majiva, be mamahi;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke fakamo‛ui ‛akinautolu kotoabe ‛oku fonoga ‛i uta, be ‛i tahi, moe fefine kotoabe ‛oku laga ke fa‛ele, moe kakai kotoabe ‛oku mahaki, moe gaahi fanau iki; bea ke fakaha‛a ho‛o aga‛ofa, ki he kakai nofo fakabobula moe kau bobula kotoabe ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke lagomekina, mo ke tokonaki ma‛ae gahi tamai mate, moe kau uitou, mo kinautolu kotoabe oku paea mo mafajia ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke aga‛ofa ki he kakai kotoabe ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke fakamolemole ho mau gaahi fili, ‛ae kau fakataga, moe kau lohiaki‛i bea liliu ho nau loto;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke foaki, mo fakatologa ke aoga kiate kimautolu, ‛ae gaahi fua lelei ‛oe kelekele, koe‛uhi ke mau ma‛u lelei ia ‛i hono kuoga totonu ;
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    Ke lelei kiate koe ke foaki kiate kimautolu ‛ae fakatomala mo‛oni; mo ke fakamolemole ‛e mau gahi agahala kotoabe, moe mau ta‛etokoga, moe mau gahi vale; bea teu‛i ‛akimautolu ‛aki ‛ae kelesi ‛a ho Laumalie Ma‛oni‛oni, ke mau fakafo‛ou ‛e mau mo‛ui, ‛o fakatatau ki ho‛o Folofola ma‛oni‛oni ; ‛
‛E ‛Eiki Lelei, ‛oku mau kole kiate koe, ke ke fanogo kiate kimautolu.
    ‛E ‛Alo ‛oe ‛Otua, ‛oku mau kole kiate koe, ke ke fanogo kiate kimautolu.
‛E ‛Alo ‛oe ‛Otua, ‛oku mau kole kiate koe, ke ke fanogo kiate kimautolu,
    ‛E Lami "ae ‛Otua, ‛aia ‛oku ke ave ‛ae agahala ‛a mamani;
Tuku kiate kimautolu ho‛o melino.
    ‛E Lami ‛ae ‛Otua, ‛aia ‛oku ke ave ‛ae agahala ‛a mamani;
‛Alo‛ofa mai kiate kimautolu.
    Fanogo mai kiate kimautolu, ‛E Kalaisi.
Fanogo mai kiate kimautolu, ‛E Kalaisi.
    ‛Eiki, ‛alo‛ofa mai kiate kimautolu.
‛Eiki, ‛alo‛ofa mai kiate kimautolu.
    ‛Alo‛ofa mai kiate kimautolu, ‛E Kalaisi.
‛Alo‛ofa mai kiate kimautolu, ‛E Kalaisi.
    ‛Eiki, ‛alo‛ofa mai kiate kimautolu.
‛Eiki, ‛alo‛ofa mai kiate kimautolu.
 
 

KO ‛Emau Tamai ‛oku ‛i hevani, ke tabuha ho Huafa. Ke hoko mai ho buleaga. Ke fai ho finagalo ‛i mamani, ‛o hage koia ‛i hevani. Ke foaki mai kiate kimautolu he ‛aho ni ha‛a mau me‛a kai. Bea fakamolemole ‛e mau gahi agahala, ‛o hage ko ‛e mau fakamolemole ‛akinautolu ‛oku fai agahala kiate kimautolu. Bea ‛oua na‛a tuku ‛akimautolu ki he ‛ahi‛ahi; ka ke fakahaofi ‛akimautolu mei he kovi. Ameni.
    Minisita. ‛E ‛Eiki, ‛oua na‛a ke fakatatau kiate kimautolu a ‛e mau gahi agahala,
    Kakai. Be totogi kiate kimautolu ‛o fakatatau ki he e mau gahi agakovi.

Ke tau Lotu.

‛E ‛OTUA ko ‛e mau Tamai agaofa, ‛oku ‛ikai te ke tae tokaga ki he toe ‛ae loto mafeji, moe holi ‛o kinautolu ‛oku mamahi: Ke ke tokoni i ho‛o agaofa, ‛ae gahi lotu ‛oku mau fai ‛i ho ‛ao, ‛i he ‛e mau gahi mamahi moe tu‛utamaki kotoabe, ‛i he‛e mau mafajia ai; bea ke fanogo ‛ofa mai kiate kimautolu, koe‛uhi koe gahi kovi koia ‛oku fakatubu ‛e he klikli ‛ae tevolo, be ‛ae tagata kiate kimautolu ke fakagata ia, bea ‛i he kau malie ai ‛a ho‛o bule lelei, ke veteki ‛akinautolu; koe‛uhi ko kimautolu ko ho kakai, ‛e ‛ikai lava ‛i ‛akimautolu ‛e ha fakataga ‛e taha, ke mau atu ma‛u ai be ‛ae gahi fakafeta‛i kiate koe, ‛i ho Jiaji maonioni; ia Jisu Kalaisi, ko ho mau ‛Eiki.

‛E ‛Eiki, tu‛u hake, tokoni‛i ‛akimautolu, mo fakahaofi ‛akimautolu, koe‛uhi ko ho Huafa.

‛E ‛OTUA, kuo fanogo ‛e ho mau teliga, bea kuo fakaha kiate kimautolu ‛e he ‛e mau gahi tamai, ‛ae gahi gaue ogoogo na‛a ke fai ‛i ho nau gahi ‛aho, bea ‛i he gahi kuoga ‛i mu‛a iate kinautolu.

‛E ‛Eiki, tu‛u hake, tokoni‛i ‛akimautolu, bea fakahaofi ‛akimautolu, koe‛uhi ko ho ogoogolelei.

    Kololia ki he Tamai, bea moe ‛Alo, bea moe Laumalie Ma‛oni‛oni.
    Kakai. Hage koia nae fai i mu‛a, oku kei fai ni, bea e behe ma‛u ai be, o ta‛egata bea ta‛egata. Ameni.

    ‛E Kalaisi, ke ke malu‛i ‛akimautolu mei ho nau gahi fili.
    Ke ke ajio mai ki he‛e mau gahi mamahi ‛i ho‛o agaofa.

    I ho‛o ‛alo‛ofa ke ke afio mai ki he gahi mamahi ‛o ho mau loto.

‛I ho‛o ‛alo‛ofa ke ke fakamolemole ‛ae gahi agahala ‛a ho‛o kakai.

    Ke ke fanogo lelei ki he ‛emau gahi lotu, ‛i ho‛o ‛alo‛ofa.

‛E ‛Alo ‛o Tevita, ‛alo‛ofa mai kiate kimautolu.

    Fanogo kiate kimautolu ‛i he taimi ni, bea ta‛egata, ‛E Kalaisi.

‛I ho‛o ‛alo‛ofa ke ke fanogo kiate kimautolu, ‛E Kalaisi; ‛i ho‛o ‛alo‛ofa ke ke fanogo kiate kimautolu, ‛E ‛Eiki ko Kalaisi.

    ‛E ‛Eiki, ke fakaha ho‛o ‛alo‛ofa kiate kimautolu ;

‛O hage ko ‛emau falala kiate koe.

Ke tau lotu.

‛OKU mau kole kiate koe, ‛i he agavaivai, ‛E Tamai, ke ke ‛afio mai ‛i ho‛o ‛alo‛ofa, ki he ‛emau gahi vaivai; bea ‛i he naunau ‛o ho Huafa, ke ke le‛ei meiate kimautolu ‛ae gahi kovi na‛e totonu ke mau ma‛u; bea ke tuku ke mau falala mo ‛amanaki lelei ki ho‛o ‛alo‛ofa, ‛i he ‛e mau gahi mamahi kotoabe, mo tauhi ma‛u ai be kiate koe, ‛i he ma‛oni‛oni moe mo‛ui haohaoa, ke ogoogolelei mo naunau‛ia ai ‛ae Afiona, ‛i ho mau Fakalelei mo Fakalaloa be taha, ko Jisu Kalaisi, ko ho mau ‛Eiki. Ameni.
 

Lord's Prayer

‛E ‛OTUA Mafimafi, kuo ke tuku kiate kimautolu ‛ae kelesi ‛i he taimi ni, ke mau fakaha loto taha ‛e mau gahi kole kiate koe, bea ‛oku ke tala‛ofa, ‛oka fakataha ‛ae toko ua, be koe toko tolu i ho Huafa, te ke foaki ‛aia oku nau kole; ko eni ke fai, ‛E ‛Eiki, ki he gahi holi moe kole ‛a ho‛o kakai ‛o gali mo ia ‛oku lelei ke nau ma‛u; ‛o tuku kiate kimautolu ‛i he mama ni ‛ae il0 ‛a ho‛o mo‛oni, bea ‛i he mama ka ha‛u ae mo‛ui ta‛egata. Ameni.

2 Kolinito 13. 14.

KOE kelesi ‛ae ‛Eiki ko Jisu Kalaisi, moe ‛ofa ‛ae ‛Otua, moe feohi ‛oe Laumalie Ma‛oni‛oni, ke iate kitautolu kotoabe, ‛o ta‛egata. Ameni.

KO HONO GATA OE LOTU TAUMAU
 


 

Prayer of St. Chrysostom

KOE LOTU KE FAI ‛I HE GAHI ‛AHO EMIBA.*

    ‛E fai ‛ae Lotu ni koe‛uhi ko kinautolu ‛aia ‛e fakahu ki he gahi Lakaga Tabu ‛i he ‛aho kotoabe ‛oe Uike ‛e fa ‛oku kamata: (1) ‛i he Uluaki ‛Aho ‛oe ‛Eiki ‛i he ‛Aho ‛e Fagofulu; (2) moe ‛Aho ‛oe Benitekosi; (3) moe ‛Aho ‛oe ‛Eiki hili hono 11 ‛oe ‛aho ‛o Sepitema; (4) mo hono tolu ‛oe ‛Aho ‛oe ‛Eiki ‛i he Ha‛ele mai.

‛E ‛OTUA Mafimafi, ko ‛emau Tamai ‛oku ‛i hevani, ke ke ‛afio mai ‛i ho‛o ‛alo‛ofa ki he Jiaji ‛i mamani kotoabe, ‛aia na‛a ke fakatau mo‛ou ‛aki ‛ae Ta‛ata‛a ma‛ogo‛oga ‛o ho ‛Alo ‛ofa‛aga, bea ke ke fakahinohino mo bule‛i ‛ae loto ‛o ho‛o kau tamaio‛eiki, koe kau Bisobe, moe kau Tauhi ‛o ho‛o faga sibi, koe‛uhi ke ‛oua te nau hilifaki nima fakavave ki he tagata ‛e toko taha, kae fili ‛i he agatonu moe agafakabotoboto ‛ae kau tagata ‛oku tāu ke fai ‛ae gaue tabu ‛a ho Jiaji. Bea tuku atu kiate kinautolu, ‛aia ‛e fakanofo ‛akinautolu ki ha lakaga ma‛oni‛oni, ‛a ho‛o kelesi moe tabuaki fakahevani, koe‛uhi ke nau fakaha ai ‛a ho lagilagi ‛i he ‛enau mo‛ui moe akonaki, bea fakatubulaki ‛ae fakamo‛ui ‛ae kau tagata kotoabe; ia Jisu Kalaisi ko ho mau ‛Eiki. Ameni.

Be koeni.

‛E ‛OTUA Mafimafi, koe foakiaga ‛oe gahi me‛a lelei kotoabe, ‛akoe, na‛a ke fakanofo ‛i ho‛o bule faka‛otua ‛ae gahi Lakaga kehekehe ‛i ho Jiaji; ‛oku mau kole kiate koe ‛i he agavaivai, ke ke tuku atu ‛a ho‛o kelesi kiate kinautolu kotoabe, ‛aia ‛e ui ‛akinautolu ki ha lakaga be ha gaue ‛i ai; bea ke ke fakafonu ‛akinautolu ‛aki ‛ae mo‛oni ‛a ho‛o akonaki, mo fakakofu ‛aki ‛akinautolu ‛ae aga ta‛ehalaia o‛enau mo‛ui, koe‛uhi ke nau fai ‛ae gaue ‛i he agatonu ‛i ho ‛ao ki he lagilagi ‛o ho Huafa lahi, moe fai lelei ki ho Jiaji ma‛oni‛oni; ia Jisu Kalaisi ko ho mau ‛Eiki. Ameni.

Prayers

* Ko bana uhiga oe lea "Emiba" ‛I he Faahi-ta‛u e Fa


Return home

Web author: Charles Wohlers U. S. EnglandScotlandIrelandWalesCanadaWorld