Ad missam dicendam dum sacerdos induit se sacris vestibus dicat Hymnum: Veni creator Spiritus, &c.
    V. Emitte Spiritum tuum et creabuntur.
   R. Et renovabis faciem terræ.
    Oratio. Deus cui omne cor patet et omnis voluntas loquitur, et quem nullum latet secretum : purifica per infusionem Sancti Spiritus cogitationes cordis nostri; ut perfecte te diligere et digne laudare mereamur. Per Christum.

    Deinde sequatur Antiph. Introibo ad altare. Ps. Judica me Deus. Deinde dicitur Antiph. Introibo ad altare Dei, ad Deum qui lætificat juventutem meam.
    Kyrie eleison. Christe eleison. Kyrie eleison.
    Pater noster. Ave Maria.
 

    His finitis et Officio missæ inchoato, cum post Officium Gloria Patri incipitur, accedat sacerdos cum sitis ministris ad gradum altaris, et dicat ipse confessionem, diacono assistente a dextris, et subdiacono a sinistris, hoc modo incipiendo: V. Et ne nos, &c. R. Sed libera, &c. V. Confitemini domino quoniam bonus.
    R. Quoniam in sæculum misericordia ejus.

    Confiteor. Misereatur. Absolutionem (ut supra, p. 267).
    Deinde dicat sacerdos: V. Adjutorium nostrum in nomine Domini.
    R. Qui fecit cœlum et terram.
    V. Sit nomen Domini benedictum.
    R. Ex hoc, nunc, et usque in sæculum.
    Deinde finitis precibus, sacerdos deosuletur diaconum, et postea subdiaconum, ita dicens: Habete osculum pacis et dilectionis, ut apti sitis sacrosancto altari ad perficiendum officia divina.
    His itaque peractis, ceroferarii candelabra cum cereis ad gradum altaris dimittant: deinde accedat sacerdos ad altare, et dicat in medio altaris tacita voce inclinatoque corpore et junctis manibus: Oremus.

    Deinde ponat diaconus thus in thuribulum, et dicat prius sacerdoti: Benedicite. Et sacerdos dicat: Dominus. Ab ipso benedicatur in cujus honore cremabitur: In nomine Patris, &c. Tunc diaconus ei thuribulum tradens deosculetur manum ejus; et ipse sacerdos thurificet medium altaris, et utrumque cornu altaris, primo in dextera, secundo in sinistra parte, et interim in medio. Deinde ab ipso diacono ipse sacerdos thurificetur: et postea Textum ministerio subdiaconi sacerdos deosculetur.
   His itaque gestis in dextro cornu altaris, cum diacono et subdiacono officium missæ usque ad orationem prosequatur vel usque ad Gloria in excelsis quando dicitur. Quo facto sacerdos et sui ministri in sedibus paratis se recipiant, ei expectent usque ad Gloria in excelsis, quod incipiatur semper in medio altaris quandocunque dicitur. Post inceptionem Gloria in excelsis divertat se sacerdos ad dextrum cornu altaris et ministri cum eo prosequentes diaconus a dextris et subdiaconus a sinistris submissa voce dicani idem.
 

    Sequantur Kyrie eleison (iij) Christe eleison (iij) Kyrie eleison (iij).
    Gloria in excelsis Deo. Et in terra pax hominibus bonæ voluntatis. Laudamus te, Benedicimus te, Adoramus te, Glorificamus te, Gratias agimus tibi propter magnam gloriam tuam. Domine Deus, Rex cœlestis, Deus Pater omnipotens. Domine Fili unigenite Jesu Christe. Domine Deus, Agnus Dei, Filius Patris. Qui tollis peccata mundi, miserere nobis. Qui tollis peccata mundi, suscipe, deprecationem nostram. Qui sedes ad dexteram Patris, miserere nobis. Quoniam tu solus sanctus, Tu solus Dominus, Tu solus altissimus, Jesu Christe, cum Sancto Spiritu, in gloria Dei Patris. Amen.

    His peractis, factoque signaculo crucis in facie sua, vertat se sacerdos ad populum; elevatisque aliquantulum brachiis, junctisque manibus, dicat : Dominus vobiscum. Chorus respondeat: Et cum spiritu tuo. Et iterum revertat se sacerdos ad altare, et dicat: Oremus. Deinde dicitur Oratio. Excita quæsumus domine potentiam, &c. (p. 263).
    Et si aliqua memoria habenda est, iterum dicat sacerdos, Oremus, ut supra. Et quando sunt plures collectæ dicendæ, tunc omnes orationes quæ sequuntur sub uno Per Dominum, et uno Oremus dicuntur: ita tamen quod septenarium numerum . excedere non debeat secundum usum ecclesiæ Sarum:
    Post introitum missæ unus ceroferariorum panem, vinum, et aquam, quæ ad Eucharistiæ ministrationem disponuntur, deferat: reliquus vero pelvim cum aqua et manutergio portet.

    Incepta vero ultima oratione ante epistolam, subdiaconus per medium chori ad legendum Epistolam in pulpitum accedat.
    Lectio Epistolæ Beati Pauli apostoli ad Romanos,
    Fratres scientes quia hora est, &c. (Rom. xiii, 11-14).
    Quando epistola legitur, duo pueri in superpelliceis facta inclinatione ad altare ante gradum chori in pulpitum per medium chori ad Gradale incipiendum se præparent, et suum versum cantandum.

    Grad. Universi: Chorus idem prosequatur per totum usque ad finem: qui te expectant non confundentur, Domine. V. Vias tuas Domine notas fac mihi et semitas tuas edoce me.
    Post versum chorus repetat Gradale.
    Dum versus gradalis canitur, duo de superiori gradu ad Alleluya cantandum cappas sericas se induant, et ad pulpitum per medium chori accedant.

    Finito Alleluya, sequatur Sequentia.
        Salus eterna indeficiens mundi vita.
        Lux sempiterna et redemptio vere nostra, &c.

    In fine Alleluya, vel Sequentiæ vel Tractus, diaconus antequam accedat ad evangelium pronuntiandum, thurificet medium altaris tantum.
    Deinde accipiat Textum, scilicet librum Evangeliorum, et humilians se ad sacerdotem stantem coram altari, versa facie ad meridiem, ita dicat: Jube demne benedicere. Sacerdos respondeat: Dominus sit in corde tuo et ore tuo ad pronuntiandum sanctum evangelium Dei, in nomine Patris, et Filii, et Spiritus Sancti. Amen. Et sic procedat diaconus per medium chori, ipsum textum super sinistram manum solenniter gestando ad pulpitum accedat, thuribulario et ceroforario precedentibus. . . . Et semper legatur evangelium versus aquilonem. Cum autem inceperit evangelium, post Dominus vobiscum, faciat signum crucis super librum, deinde in sua fronte, et postea in pectore cum pollice.

    Evangelium secundum Matthæum. In illo tempore cum appropinquasset Jesus, &c. (S. Mat. xxi, 1-9).
    Lecto evangelio osculetur librum. . . .

    Ad te, Domine, levavi animam meam: Deus meus, in te confido, non erubescam: neque irrideant mc inimici mei; etenim universi qui te expectant non confundentur.
    V. Dirige me in veritate, &c.
    V. Respice in me et miserere mei, &c. isti duo versus dicuntur per ebdomadam alternis vicibus quando de feria agitur et non in dominica.

    Suscipe, sancta Trinitas, hanc oblationem quam ego indignus peccator offero in honore tuo, beatæ Mariæ, et omnium sanctorum tuorum, pro peccatis et offensionibus meis, et pro salute vivorum et requie omnium fidelium defunctorum.
    In nomine Patris, et Filii, et Spiritus Sancti, acceptum sit omnipotenti Deo hoc sacrificium novum.
    Dicta oratione reponat calicem, et cooperiat cum corporalibus: ponatque panem super corporalia decenter ante calicem vinum et aquam continentem; et osculetur patenam, et reponat eam a dextris sacrificii super altare sub corporalibus parum cooperiendo, Hoc peracto accipiat thuribulum a diacono, et thurificet sacrificium . . . . et dum thurificat, dicat:

    Dirigatur Domine ad te oratio mea, sicut incensum in conspectu tuo.
    Postea thurificetur ipse sacerdos, &c.
    His itaque peractis, eat sacerdos ad dextrum cornu altaris, et abluat manus, dicens:

    Munda mc Domine ab omni inquinamento cordis et corporis mei; ut possim mundus implere opus sanctum Domini.
    Deinde revertat se, et stans ante altare inclinatoque capite et corpore,junctis manibus dicat:
    In spiritu humilitatis et in animo contrito suscipiamur Domine a te: et sic fiat sacri. ficium nostrum in conspectu tuo, ut a te suscipiatur hodie et placeat tibi, Domine Deus meus:
    Et erigens se deosculatur altare a dextris sacrificii; et dans benedictionem ultra sacrificium : postea slgnet se, dicens: In nomine Patris, et Filii, et Spiritus Sancti.
 

    Et reversus ad altare sacerdos secretas orationes dicat juxta numerum et ordinem antedictarum ante epistolum, ita incipiens: Oremus.
    Or, Hæc sacra nos, Domine, potenti virtute mundatos ad suum faciant puriores venire principium. Per Dominum.
    Quibus finitis dicat sacerdos aperta voce: Per omnia sæcula sæculorum : manibus non levatis donec dicitur Sursum corda. Et tunc accipiat subdiaconus offertorium et patenam de manu diaconi, &c. . . .
    Hoc modo incipiantur omnes præfationes ad missam per totum annum tam in feriis quam in festis: Per omnia sæcula sæculorum. Amen.

Dominus vobiscum. Et Cum spiritu tuo.
Hic elevet sacerdos manus, ita dicendo:
    Sursum corda.
      Habemus ad Dominum.
    Gratias agamus Domino Deo nostro.
      Dignum et justum est.
Hæc Præfatio esi quotidiana.

    Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua: osanna in excelsis. Benedictus qui venit in nomine Domini: osanna in excelsis.
    Deinde confestim manibus junctis et oculis elevatis incipiat:

    TE IGITUR, clementissime Pater, per Jesum Christum, Filium tuum, Dominum nostrum, supplices rogamus ac petimus,
    Hic erigens se sacerdos osculetur altare a dextris sacrificii, dicens:
    Uti accepta habeas et benedicas hæc dona, hæc munera, hæc sancta sacrificia illibata;

    Factisque signaculis super calicem, elevet manus suas, ita dicens:
    Imprimis quæ tibi offerimus pro ecclesia tua sancta catholica, quam pacificare, custodire, adunare, et regere digneris toto orbe terrarum; una cum famulo tuo papa nostro N. et antistite nostro N. (id est proprio episcopo tantum) et rege nostro N. et omnibus orthodoxis, atque catholicæ et apostolicæ fidei cultoribus.
    Hic oret cogitando pro vivis.
    Memento, Domine, famulorum famularumque tuarum N, et N. et omnium circumstantium, quorum tibi fides cognita est et nota devotio : pro quibus tibi offerimus, vel qui tibi offerunt, hoc sacrificium laudis pro se, suisque omnibus, pro redemptione animarum suarum, pro spe salutis et incolumitatis suæ; tibique reddunt vota sua æterno Deo, vivo et vero.
    Communicantes, et memoriam venerantes, imprimis gloriosæ semper virginis Mariæ, genetricis Dei et Domini nostri Jesu Christi: sed et beatorum Apostolorum ac Martyrum tuorum, Petri, et Pauli, Audreæ, Jacobi, Joannis, Thomæ, Jacobi, Philippi, Bartholomæi, Matthæi, Simonis, et Thaddæi : Lini, Cleti, Clementis, Sixti, Cornelii, Cypriani, Laureutii, Grisogoni, Joannis et Pauli, Cosmæ et Damiani: et omnium Sanctorum tuorum: quorum meritis precibusque concedas, ut in omnibus protectionis tuæ muniamur auxilio. Per eundem Christum Dominum nostrum. Amen.
    Hic respiciat sacerdos hostiam cum magna veneratione, dicens:
    Hanc igitur oblationem servitutis nostræ, sed et cunctæ familiæ tuæ, quæsumus Domine, ut placatus accipias: diesque nostros in tua pace disponas, atque ab æterna damnatione nos eripi, et in electorum tuorum jubeas grege numerari. Per Christum Dominum nostrum. Amen.
    Hic iterum respiciat hostiam dicens:
    Quam oblationem tu Deus omnipotens in omnibus, quæsumus, bene dictam, adscrip tam, ra tam, rationabilem, acceptabilemque facere digneris, ut nobis Cor pus et San guis fiat dilectissimi Filii tui Domini nostri Jesu Christi.

    Hic erigat sacerdos manus et conjungat: et postea tergat digitos, et elevet hostiam, dicens.
    Qui, pridie quam pateretur, accepit panem in sanctas et venerabiles manus suas, et elevatis oculis in cœlum (Hic elevet oculos suos) ad te Deum Patrem suum omnipotentem, (Hic inclinet se, et postea elevet paululum dicens:) tibi gratias agens, bene dixit, fregit, (Hic tangat hostiam, dicens:) deditque discipulis suis, dicens: Accipite et manducate ex hoc omnes: Hoc est enim corpus meum.
    Et debent ista verba proferri cum uno spiritu et sub una prolatione, nulla pausatione interposita. Post hæc verba inclinet se sacerdos ad hostiam, et postea elevet eam supra frontem, ut possit a populo videri; et reverenter illud reponat ante calicem in modum crucis per eandem facta. Et tunc discooperiat calicem et teneat inter manus suas non disjugendo pollicem ab indice, nisi dum facit benedictiones tantum, ita dicens :
    Simili modo, postenquam cœnatum est, accipiens et hunc præclarum calicem in sanctas ac venerabiles manus suas, item tibi (Hic inclinet se dicens:) gratias agens, bene dixit, deditque discipulis suis, dicens; Accipite, et bibite ex eo omnes: (Hic elevet sacerdos parumper calicem, ita dicens:) Hic est enim calix sanguinis mei, novi et æterni testamenti, mysterium fidei, qui pro vobis et pro multis effundetur in remissionem peccatorum: (Hic elevet calicem usque ad pectus vel ultra caput dicens:) Hæc quotienscunque feceritis) in mei memoriam facietis.
    Hic reponat calicem, et elevet brachia in modum crucis, junctis digitis, usque ad hæc verba, de tuis donis.

    Unde et memores, Domine, nos servi tui, sed et plebs tua sancta, ejusdem Christi Filii tui Domini Dei nostri tam beatæ passionis, necnon et ab inferis resurrectionis, sed et in cœlos gloriosæ ascensionis, offerimus præclaræ majestati tuæ de tuis donis ac datis, hostiam pu ram, hostiam sanc tam, hostiam imma culatam; Panem sanc tum vitæ æternæ, et Ca licem salutis perpetuæ: supra quæ propitio ac sereno vultu respicere digneris: et accepta habere, sicuti accepta habere dignatus es munera pueri tui justi Abel, et sacrificium patriarchæ nostri Abrahæ, et quod tibi obtulit summus sacerdos tuus Melchisedech, sanctum sacrificium, immaculatam hostiam.
    Hic sacerdos corpore inclinato et cancellatis manibus dicat:
    Supplices te rogamus, omnipotens Deus, jube hæc perferri per manus sancti angeli tui in sublime altare tuum, in conspectu divinæ majestatis tuæ : ut quotquot (Hic erigens se osculetur altare il dextris sacrificii, dicens:) ex hac altaris participatione sacrosanctum Filii tui Cor pus, et San guinem sumpserimus, omni (Hic signet se in facie, dicens:) bene dictione cœlesti et gratia repleamur. Per eundem Christum Dominum nostrum. Amen.
    Hic oret pro mortuis.
    Memento etiam, Domine, animarum famulorum famularumque tuarum, N. et N., qui nos præcesserunt cum signo fidei, et dormiunt in somno pacis. Ipsis, Domine, et omnibus in Christo quiescentibus, locum refrigerii, lucis et pacis, ut indulgeas, deprecamur Per eundem Christum Dominum nostrum. Amen.
    Hic percutiat pectus suum semel, dicens:
    Nobis quoque peccatoribus famulis tuis, de multitudine miserationum tuarum sperantibus, partem aliquam et societatem donare digneris cum tuis sanctis apostolis et martyribus; cum Joanne, Stephano, Matthia, Barnaba, Ignatio, Alexandro, Marcellino, Petro, Felicitate, Perpetua, Agatha, Lucia, Agnete, Cæcilia, Anastasia, et cum omnibus sanctis tuis: intra quorum nos consortium, non æstimator meriti, sed veniæ, quæsumus, largitor admitte. Per Christum Dominum nostrum. Per quem hæc omnia, Domine, semper bona creas, (Hic sacerdos ter signet calicem, dicens:) sancti ficas, vivi ficus, bene dicis, et præstas nobis.
    Hic sacerdos discooperiat calicem, et faciat signaculum crucis cum hostia quinquies. . . . .
    Per ip sum, et cum ip so, et in ip so, est tibi Deo Patri omni potenti, in unitate Spiritus Sancti, omnis honor et gloria, (Hic cooperiat sacerdos calicem, et teneat manus suas super altare usque dum dicitur Pater noster, ita dicens:) Per omnia sæcula sæculorum. Amen.

    Oremus. Præceptis salutaribus moniti, et divina institutione formati audemus dicere, (Hic accipiat diaconis patenam, eamque a dextris sacerdotis extento brachio in alium, usque Da propitius, discoopertam teneat. Hic elevet manus sacerdos, ita dicens:) Pater noster, &c. Et ne nos inducas in tentationem. Chorus respondeat: Sed libera nos a malo. Sacerdos privatim, Amen.
    Libera nos, quæsumus Domine, ab omnibus malis, præteritis præsentibus, et futuris: et intercedente beata et gloriosa semperque virgine Dei genitrice Maria, et beatis apostolis tuis Petro et Paulo, atque Andrea, cum omnibus sanctis, (Hic committat diaconus patenam sacerdoti, deosculans manum ejus; et sacerdos deosculetur patenam: postea ponat ad sinistrum oculum deinde ad dextrum: postea faciat crucem cum patena ultra caput: et tunc reponat eam in locum suum, dicens:) Da propitius pacem in diebus nostris: ut ope misericordiæ tuæ adjuti, et a peccato simus semper liberi, et ab omni perturbatione securi. (Hic discooperiat calicem, et sumat corpus cum inclinatione, transponens in concavitate calicis, retinendo inter pollices et indices, et frangat in tres partes dum dicitur:) Per eundem Dominum nostrum Jesum Christum Filium tuum. (Secunda fractio.) Qui tecum vivit et regnat in unitate Spiritus Sancti Deus. (Hic teneat duas fracturas in sinistra manu, et tartiam fracturam in dextera manu in summitate calicis, ita dicens aperta voce:) Per omnia sæcula sæculorum. Amen.¹
    Hic faciat tres cruces infra calicem cum tertia parte hostiæ dicendo: Pax Do mini sit sem per vobiscum.
    Chorus respondeat: Et cum spiritu tuo.

    Ad Agnus dicendum accedant diaconus et subdiaconus ad sacerdotem uterque a dextris; diaconus propior, subdiaconus remotior, et dicant privatim:
    Agnus Dei, qui tollis peccata mundi, miserere nobis.
    Agnus Dei, qui tollis peccata mundi, miserere nobis.
    Agnus Dei, qui tollis peccata mundi, dona nobis pacem.

    Hic cruce signando deponat dictam tertiam partem hostiœ in sacramentum sanguinis, sic dicendo:
    Hæc sacro sancta commixtio Corporis et Sanguinis Domini nostri Jesu Christi fiat mihi omnibusque sumentibus salus mentis et corporis, et ad vitam æternam promerendam et capescendam præparatio salutaris. Per eundem Christum Dominum nostrum. Amen.

    Antequam pax detur, dicat sacerdos:
    Domine sancte, Pater omnipotens, æterne Deus, da mihi hoc sacrosanctum Corpus et Sanguinem Filii tui Domini nostri Jesu Christi ita digne sumere, ut merear per hoc remissionem omnium peccatorum meorum accipere, et tuo sancto Spiritu repleri, et pacem tuam habere. Quia tu es Deus, et non est alius præter te: cujus regnum gloriosum permanet in sæcula sæculorum. Amen.
    Hic osculetur sacerdos corporalia in dextera parte et summitatem calicis, et postea diaconum, dicem: Pax tibi et ecclesiæ Dei.
    Responsio: Et cum spiritu tuo.

    Deus Pater, fons et origo totius bonitatis, qui ductus misericordia Unigenitum tuum pro nobis ad infima mundi descendere et carnem sumere voluisti, quam ego indignus hic in manibus meis teneo: (Hic inclinet se sacerdos ad hostiam, dicens:) Te adoro, te glorifico, te tota cordis intentione laudo: et precor, ut nos famulos tuos non deseras, sed peccata nostra dimittas: quatenus tibi soli Deo vivo et vero puro corde ac casto corpore servire mereamur. Per eundem Christum Dominum nostrum. Amen.
    Domine Jesu Christe, Fili Dei vivi, qui ex voluntate Patris, cooperante Spiritu Sancto, per mortem tuam mundum vivificasti: libera me per hoc sacrosanctum Corpus et hunc Sanguinem tuum a cunctis iniquitatibus meis, et ab universis malis: et fac me tuis semper obedire mandatis: et a te nunquam in perpetuum permittas separari; qui cum Deo Patre et eodem Spiritu Sancto vivis et regnas Deus; per omnia sæcula sæculorum. Amen.
    Corporis et Sanguinis tui, Domine Jesu, sacramentum, quod licet indignus accipio, non sit mihi judicio et condemnationi, sed tua prosit pietate corporis mei et animæ saluti. Amen.
    Ad corpus dicat cum humiliatione antequam percipiat:
    Ave in æternum sanctissima caro Christi, mihi ante omnia et super omnia summa dulcedo. Corpus Domini nostri Jesu Christi sit mihi peccatori via et vita, in nomine Patris, et Filii, et Spiritus Sancti. Amen.
    Hic sumat corpus, cruce prius facta cum ipso corpore ante os.
    Deinde ad sanguinem cum magna devotione dicat:
    Ave in æternum cœlestis potus, mihi ante omnia et super omnia summa dulcedo. Corpus et Sanguis Domini nostri Jesu Christi prosint mihi peccatori ad remedium sempiternum in vitam æternam, in nomine Patris, et Filii, et Spiritus Sancti. Amen.
    Hic sumat sanguinem: quo sumpto inclinet se sacerdos, et dicat cum devotione orationem sequentem:
    Gratias tibi ago, Domine sancte, Pater omnipotens, æterne Deus, qui me refecisti de sacratissimo Corpore et Sanguine Filii tui Domini nostri Jesu Christi: et precor, ut hoc sacramentum salutis nostræ quod sumpsi indignus peccator, non veniat mihi ad judicium neque ad condemnationem pro meritis meis, sed ad profectum corporis et animæ in vitam æternam. Amen.

    Qua dicta eat sacerdos ad dextrum cornu altaris cum calice inter manus, digitis adhuc conjunctis sicut prius; et accedat subdiaconus, et effundat in calicem vinum et aquam,; et resinceret sacerdos manus suas, ne aliquæ reliquiæ corporis vel sanguinis remaneant in digitis vel in calice. . . .
    Post primam ablutionem dicitur hæc oratio:
    Quod ore sumpsimus, Domine, pura mente capiamus : et de munere temporali fiat nobis remedium sempiternum.
    Hic lavet digitos in concavitate calicis cum vino infuso a subdiacono; quo hausto, sequatur oratio:
    Hæc nos communio, Domine, purget a crimine: et cœlestis remedii faciat esse consortes.
    Post perceptionem ablutionem ponat sacerdos calicem super patenam, ut si quid remaneat stillet; et postea inclinando se dicat:
    Adoremus crucis signaculum, per quod salutis sumpsimus sacramentum.
    Deinde lavet manus: diaconus interim corporalia complicet. Ablutis manibus et redeunte sacerdote ad dextrum cornu altaris, diaconus calicem porrigat ori sacerdotis, si quid infusionis in eo remanserit resumendum.
    Postea vero dicat cum suis ministris Communionem.

    Co. Dominus dabit benignitatem, et terra nostra dabit fructum suum.
    Deinde Tacto signo crucis in facit, vertat se sacerdos ad populum, elevastique aliquantulum brachiis, et functis manibus, dicat: Dominus vobiscum. Et iterum revertens se ad altare dicat: Oremus. Deinde dicat Postcommuniones, juxta munerum et ordinem antedictarum orationum ante Epistolam.

    Postcom. Suscipiamus Domine misericordiam tuam in medio templi tui: et reparationis nostræ ventura solemnia congruis honoribus præcedamus. Per Dominum.
    Finita ultima Postcommunione, factoque signo crucis in fronte, iterum vertat se sacerdos ad populum, et dicat: Dominus vobiscum. Deinde diaconus: Benedicamus Domino. Alio vero tempore dicitur, Ite missa est. Quotiescunque enim dicitur, Ite, missa est, semper dicitur ad populum convertendo, et cum dici debeat, Benedicamus Domino, vel Requiescat in pace, convertendo ad altare dicitur.

    His dictis sacerdos inclinato corpore, junctisque manibus, tacita voce coram altari in medio dicat hanc orationem:
    Placeat tibi, sancta Trinitas, obsequium servitutis meæ : et præsta, ut hoc sacrificium, quod oculis tuæ majestatis indignus obtuli, tibi sit acceptabile, mihique et omnibus pro quibus illud obtuli sit, te miserante, propitiabile. Qui vivis et regnas Deus; Per omnia sæcula sæculorum. Amen.
    Qua finita erigat se sacerdos, signans se in facie sua, dicens: In nomine Patris, etc.
    Et sic inclinatione facta, eo ordine quo prius accesserunt ad altare in principio missæ. sic induti cum ceroferario et cætoris ministris redeant. Et statim post Deo gratias, incipiatur in choro hora nona quando post missam dicitur. Sacerdos vero in redeundo dicat Evangelium: In principio, &c. (S. John i. 1-14.)

1. Here the episcopal bencdiction was given. For the First Sunday in Advent it was:—
    'Omnipotens Deus, cujus Unigeniti adventum et præteritum creditis et futurum expectatis, ejusdem adventus vos illustratione sanctificet, et sua benedictione locupletet. Amen.
    In præsentis vitæ stadio vos ab omni adversitate defendat, et se vobis in judicio placabilem ostendat. Amen.
    'Quo a cunctis peccatorum contagiis liberati in præsentis vitæ curriculo cum sanctis animabus tanto intercessore inveniamini digni, et illius tremendi examinis diem expectetis interriti. Amen.
    Quod ipse præstare dignetur, cujus regnum et imperium sine fine permanet in sæcula sœculorum. Amen.
   "Benedictio Dei omnipotentis, Pa+tris, et Fi+lii, et Spiritus+ Sancti, descendat super vos et maneat semper. Amen.'