Binandere was one of the three major local languages used by the early missionaries of the Church of England in Australia in the New Guinea Mission. (Wedau and Ubir were the other two first languages of publication on mission presses.) Today, Binandere is used by about 7000 people in the eastern Oro Province of Papua New Guinea, part of the Diocese of Popondota in the Anglican Church of Papua New Guinea.

This translation, made in 1916, is the work of Copland King (1868-1918) a botanist, zoologist, and linguist whose missionary life and significant translation activity are chronicled in Gilbert White’s A Pioneer of Papua. The following contemporary account of the production of this service is noteworthy:

There is on the way to Ambasi the first service in the Binandere dialect, to which the Rev. Copland King has devoted much patient study and research. We would like to draw special attention to the way in which “The Service of Holy Communion” in Binandere has been supplied to the Mission. Two kind friends in Sydney have typed 100 copies. The result is a piece of work which is really beautiful. (Australian Board of Missions Review, April 1, 1916, page 5.)

In 1917 much of the BCP was published in Binandere by D.S. Ford, a commercial printer in Sydney who produced material for the Australian Board of Missions over many decades. Griffiths’s Bibliography of the Book of Common Prayer identifies only an abridged 1959 BCP in this language (14:1); this is, however, in fact a reprinting of the 1917 translation by Copland King. Muss-Arnolt makes brief mention of Anglican translations into Binandere in Chapter XLIV.

The church at Ambasi, where this translation was first used

DOREGARI KOTOPU.

Teneba Doregari da iji de woru aia de, Ekalesia toropu da itaina, edo gido Chancel, Sipo da Turo de Tumodebai teora ago.

Pirisi Teneba gada kena petedo, Bada da Pari ajigaina, edo Pari nei aida gagane, ebo baogo dadari aide.
 

Maka natokare, Utu da isima eta awa, Dao ito kotopu etera. Basileia ito puresira. Jipapa ito etera awa butu da utu da ago. Rorae natokare piedo ewasi iji da doae. Edo rorae beiae natokare kotebedo dowasi, Ago nakare ebo nenei da rorae beiae natokare iai kotebarago dotera. Edo bawari da nakare kudo aibote; Ko beiae da nakare toregewasi Amen.
 

God, Goroba jiwae, jisi ito da dubo berari udegotora, jipapa berari idegotora, da ojigae; Asisi Kotopu dubo natokare da pie torari, edo awa dubo eora awa beiamana ewasi, ato nakare Imo be jipapa edo Dao ito Kotopu gadore, Kerisomi Bada natokare. Amen.
 

Kera ari.

    God ge eiwa sisina tedo, Na Bada God ito; God nenei nato do da dowasi.
    Ebo. Bada, nakare do edo, dubo natokare ato wareregari, edo ge eiwas kera ore.

    Kera ari. Ove kewote dowasi, ta asisi be utu da ikane itevira awa, ta butu da kabe da, ta ewa da butu du da. Tumodebai eote dowasi, do da benunu teote dowasi. Na Bada God ito God gegata eona, edo mamono da rorae beiae mamai da iai rorou kupona, umo e tamode ta umo igo ao pasido da namode ge jidora, edo ebo tausana jiwae do edo ena, awamanemi na jipapa eite, ge nato gido era.
    Ebo. Bada, nakare do edo, dubo natokare ato wareregari, edo ge eiwa kera ore.

    Kera ari. Bada ito God da Dao tedo jirote dowasi. Bada beiamana kotemai ae, ebo aida Dao tedo jijireira.
    Ebo. Bada, nakare do edo, dubo natokare ato wareregari, edo ge eiwa kera ore.

    Kera ari. Sabate kotebedo kotopu ewasi. Iji ipa nei da gisi de buro edo, berari eteta awa ewasi; iji ipa nei da tobo de, amo Bada ito God da Sabato. Aida buro ro esiko dowasi, Imo, ta mai ito jiada, ta mai ito ai, ta siga ito jiada, ta siga ito ai, ta sinopu ito, ta ebo nei ito maguro be do da isira awari. Iji ipa nei da gisi, amone Bada utu de butu de ena, ewa ae jiwae do da itora aide; iji ipa nei da toro de dago tununa: awa tedo Bada Sabate beiamana edo, kotopu ena.
    Ebo. Bada, nakare do edo, dubo natokare ato wareregari, edo ge eiwa kera ore.

    Kera ari. Mamo ae ai de kotopu ewasi; edo iji ito ribori are, iai ito da Bada God itomi pipitevira.
    Ebo. Baida, nakare do edo, dubo natokare ato wareregari, edo ge eiwa kera ore.

    Kera ari. Ago ato betore dowasi.
    Ebo. Bada, nakare do edo, dubo natokare ato wareregari, edo ge eiwa kera ore.

    Kera ari. A ipu da dowasi.
    Ebo. Bada, nakare do edo, dubo natokare ato wareregari, edo ge eiwa kera ore.

    Kera ari. Nebu ito ge butote dowasi.
    Ebo. Bada, nakare do edo, dubo natokare ato wareregari, edo ge eiwa kera ore.

    Kera ari. Nebu ika da mado jipapa eote dowasi; nebu ika da aro, ta siga ika jiada, ta siga ika ai, ta bulamakau ika, ta asine ika, ta ikaito ro ra mi, jipapa eote dowasi.
    Ebo. Bada, nakare do edo, dubo Ge ito eiwa berari dubo natokare iai ga ewasi, benunu tera.

Benunu King ebo ajigaina, Pirisimi gisi ago petedo taina. 
 

Kae benunu tana

            God, Goroba jiwae, Basileia ito matawa itevira, goroba ito gobu de; Ekalesia berari do ewasi; edo GEORGE, abodani ito avigesiteta, King natokare de Gamana natokare de awa dubo jiwasi; edo (ito iai abodani evira awa gira) dasiga ari ito de birikoku ito de kakoa are, nenei ago ae; edo nakare abodani ikaito berari de daedo (badari ikaito iai be kotebedo) be aida abodani eite, kotopu eite, burau kera ara jisi ito da dave Ge ito de jibo ito de ago de da Iesumi Keriso Bada natokare, Imo de Asisi Kotopu de itota Dariga matawa itota. Amen.

Awa ae rata eiwa.

God, Goroba jiwae, Matawa itota, Ove ito kotopu da pioto gotora edo Dadariga da dubo kapetegari ito de gisi jiari ito de itera ito jipapa da ago. Buraumi tedo gotera, edo Siga ito GEORGE Daotari natokare ae Gamana de, aida dubo gisi jiatate, ago dubomi, gemi, jibomi, berari ito dasiga de ito parara de kakoa aina; edo ebo ito piena awa sima ari rorae de bega de jibo beiamana de itara. Eiwa piewasi, Mamo natokare, Mai ito Iesu Keriso Bada natokare awa ebo. Amen.

Iji da Benunu ajigaina.

Benunu itar ari Epistle ajigedo taina, Epistle, (ta Ginuma Epistle ebo sirigetevira) eida pisina Kapita ——— Gano ——— be evira. Epistle itae ari, taina, Eida Epistle itae.

Ebo eraro, Ge eora tari ajigedo taine, ge ewa tari Kotopu eida pisina, Kapita ——— Gano ——— be evira.

Ge ewa tari itae ari, Kiki ego tari ta ajigari, ebo da ago petedo isiraro.
 

    Na God dakaki ge be eona, Mamo, Goroba jiwae, utu de butu de Ariebo, edo berari idegotora awa ae gae arago eora awa.
    Eda Bada dakaki, Iesu Keriso, God da Mai ao da. Mamomi kupu sina, nasi berari isirae, God Godmi, Parara Pararami, God awara awara Godmi, kupusina ae rata, Ae Mamo de tamo da dawa, Amimi berari ena. Ouwa kaena ebo edo, edo ari erari kaenato ebo, utu de ago wotena, edo Asisi Kotpu de Mary Kakara de iai pisi kudo; ebo ena, edo kaena ebo Orega da dewa Pontius Pilate gisi jiena ago de. Mamato eunu, goewo; iji tamode de teda erido, Utu da visina, Mamo da ipa be da anumena isira. Edo Parara de teda gudo, wawasi ri de bebetegari de kataina. Basileia ika gobu de.
    Edo Asisi Kotopu ge be eona, Bada ae Wasiri kado kato de, Mamo de Mai de wowotevira awa. Ouwa Mamo de Mai de daedo kaede tumodebai eite dasiga eona; Ouwa Peroveta da be da ago ge sisina. Edo Ekalesia dakaki ge be eona, Katoliko ae Aposetolo de; Bapataito dakaki, jibo beiae da rorou awa ebo ajijigotona, Edo Be betegari da Erari sima ena, edo Kaviegari nasi da gupevira awa. Amen.

ORU ARI.

DEGORO BAIARI.

RORAE PIARI GE.
 

Parara itomane ebomai da gisi da parara aina, ago de jino beiamana itomane gido, Mamo itomane utu topo dasiga ara, Matt. K. 6.

Rorae itomane nasi da dada eove, uve ae ganuma de de mi idora awa, totari kakato ururugedo beono edo eora; tena rorae itomane utu da dada ewo, uve de ga numa de de mi idea, rata torari kakato ururugae, beono ae. Matt. K. 6.

Imomane ebomaini itomane iai orote jipapa eowa awa ago awa mane de iai ewavi; eiwa Ge de Peroveta de. Matt. K. 7.

Ebomaimi namode teora Bada, Bada, mana berarimi Basileia nato utu da torara; edo gido ebo Mamo nato utu topo aida jipapa eora awa. Matt. K. 7

Zacchaeusmi erido Bada de sisina, Giwasi, Bada, rorae nato kupo nenei sisibere de pisido ena; gonedeganetae, ipa ao pasido tebukera edo tekago pisido ena. Luke K. 19.

Itoro aimi eiri gidop mina aida? Ai vine uredo, be ijido ae? Ta aimi sinopu udedo, sinopu amimi ijido ae? 1 Cor. 9

As isi itomane da rorae itomane iai uretera, jino bajina ta rorae itomane nasi da awa vederikae? 1 Cor. 9.

Gotovi ta gaeri rorae kokotopu da kera eora awa rorou de kaviegotora; edo teneba da sima eora awa tenebda ae da de kupora? Ago de Badami tevira, Ge ewa tari baiora awa, Ge ewa tari de kaviegara.

Siaka uredo siaka kapaina, edo jiwae uredo jiwae kapaina. Ebo barari dubo da jipapa eora awa ago orote, mana dumo ara, mana boretaeboretae ara. God dubo beiamana piari ebo karupa evira. II Cor. 9.

Ge de tesiri gotevira awa atopapotevira awa kera arate rorae beiamana berari de. Imodemane mana ge pitawa torote; God isibae; ebo urevira awa dawa kapaina. Gal. 6.

Iji isiri gido, ebo berari beiamana anate; awara da ebo kotebari da oro be da aida. Gal. 6.

Jibo beiamana giuri awa dubo damo evira awa rorae jiwae; ro ae butu da kudo gubera; ro ae wotedo kumai. I Tim. 6.

Rorae ebobo eiwa nasi da tewasi, piari kakato orote, kado edo dubo beiamana orote; rorae beiamana aida koara da piorote, ago de iji e gubari gido kaviegari matawa itari da vitara. I Tim. 6.

God jibo itomane edo rorae karupa edo esitewa awa dumo edo ruvegai ae, karupa ari awa aida Dao gido esitewa awa, imomano koko topu da iai kera esitewa awa, ko boroko kera eowa awa. Heb. 6.

Rorae beiamana ari, edo kado edo ruvogeove. Rorou awa gido God dubo beiamana evira. Heb. 13.

Aida eiwa nasi da rorae itera awa, edo nameji sibere gido do ae evira, God da karupa aida iai nomi itevira? I John K. 3.

Rorae ito kado ewasi, edo sibere da iai da dobu ito jisi piote; ago de God da dobu da jisi ito iai pieurekae. Tobit 4.

Do ewasi jibo ito ago. Ito iai jiwae gido, jiwae piewasi; ito iai siaka, dubo beiamana edo siaka piewasi; ago de rorou beiamana imo ebo piatate, iji de jipapa eota awa. Tobit 4.

Sisibere do evira awa Bada de pievira, edo gi, pievira awa tekago aide mina piore. Prov. 19.

Abari de sibere de udevira awa aida iai beiamana. Bada mamato ari de toregaina. Ps. 41.

Pirisi Palawa den Waina de Teneba Kotopu da piaina.

Keriso da Ekalesia de de nasi eida itoro edo era awa ebo kae benunu tana.

God Goroba jiwae Wasiri kato, Aposetolo ito kotopu de gemi atopapositeta, benunu tedo ategara ebomai ebo. Buraumi tedo gotera, do ewasi (udari natokare edo rorou ito kubuwasi, edo) benunu natokare eiwa kubuio, nakare Imo jisi kubokubo de tetera awa; tedo gotera Ekaleseia ito de de ge be, Dada ari, edo Bega aida asisi be de pie iji da doae totari, Kado ate, ebo berari Dao ito kotopu ajijigotora awa ge ito kotopu gido dada ore, edo dubo vivi da dada utore. Tedo gotera, Dadariga de ebo babadegari de Gamana Kerisiana berari de toregewasi, ago de Abodani ito GEORGE King natokare; ouwa jibo ewami babaiago aina, aida katari berari piewasi, edo berari aida abo da gisi jido era awa, da ago, ge wewa katera jibo beiae ari mina ago de kiki ito ae jibo ewa de sima orote, Kodade piewasi, maka natokare utu topo, Bishop ae sima ari ebo ebrari de, edo ewasi kera edo, atopasido, Ge be ito wasiri de karigore, edo Sakarameneta ito kotopu kado ewa ore. Edo ebo ito berari de kodade ari utu da pie, edo be eida gisini isima ora awa, edo burau ge ito gido kudo kotopu ore siga be ari da ge be ari da aida iji berari. Tedo gotera, Baba beiamana, berari eiwa nasi da dubo damo edo tonebewasi, mamate eri ta dubo beiae eri ta abari ebobo, nenei nomi dubo vevera eiko. Edo Dao ito kotopu ategetera, abodani ito berari ebo, Imo ge be eite ae adu eite nasi eiwa dodo autera awa; tedo gotera, namodekare piato nakare aida dero da abodaaboda ore, ago ae aide daedo basileia ito utu da kubore. Eiwa piewasi, Maka natokare, Iesu Keriso ge kato dakaki ebo. Amen.

Gupeito Doregari Kotopu kumai eite Pirisimi taina.

Imomane awara jibo beiae itomane ebo dubo eitowa, edo ebo ikaitomane de dubo mina bara eite, kaviegari taka ari jipapa ewa God da Ge udugewo, boroko rita abo da aida begata da tebave, Kotebedo atutubawo, edo Sakarameneta eiwa Kotopu kubawo dubo damodamo ari, God Goroba jiwae aida iai jibo beiae ari itomane awa babaiago aji gave, baogo dadari edo aide.
 

Jibo beiae Ajijigari.

God Goroba jiwae, Bada natokare Iesu Keriso da Mamoni, Berari Ariebo, Ebo berari Katari kato, Jibo beiae natokare jiwae kotebedo ji teroa, Iji berari eora awa, Dubomi, Gemi, Jibomi, Imo God Birikoku ito da do da, awara isibeteiwoto. Nakare dubo siteiworo, Dubo natokare beiae edo eira. Jino natokare beiae eiwa ebo. Be de tari awa ebo dubo vevera eira; Sino aboka kubari bouga. Nakare do ewasi, Nakare do ewasi, Maka natokare do kato. Mai ito Bade natokare Iesu Keriso awaebo Pisido doturora awa kotebedo doio; edo kado ewasi boroko ta abo da, Ita iai abodani aro dubo ito beiamana ari; Edo kaviegari natokare teka ari, Edo Dao ito dasiga eite parare ara; Iesu Keriso Bada natokare awa ebo. Amen.

Pirisi (ae rata Bishopmi isima eira agode) erido ebomai da iai wareregedo, Udegari eiwa taina.

God, Goroba jiwae, Maka kaenato utu da ami, do esira ouwa dubo sitado ge be eora, edo aida iai wareregedo isimo eora, jibo beiae awa kotebedo dosira. Imomane do esira, jibo itomane beiae berari Kotebedo dotureite, imomane toregesira beiamana berari da jiari goroba etewa; edo kabiegari matawa itari da kubesira; Iesu Keriso Bada kaenato awa ebo. Amen.
 

Pirisimi taina.

Ge dubo damo ari giwo, Ewari kaenato Kerisomi berari de tevira, ouda iai wareregedo eora awa.

Nato iai berari puwavi, imomane buro eowa awa, sino aboka ito mane bajinanane, nanemi kumano dago turave. Matt. K. 9. 22.

God ago nasi dubo budo, aida Mai ao da awa piena, ami berari kotebotora awa betai ae, rata kaviegari matawa itari kubo rote. John K. 3. 16.

Giwo, Paul Kotopumi tevira awa.

Eiwa ge be sira, ebo berarimi kuborote, Iesu Keriso nasi da gumuna, jibo beiae egeregari awa ari erorote. I Tim. 1 15.

Giwo, K. John Kotopumi tevira awa.

Ebo da jibo beiae ari, kaenato Ge kato Mamo da iai isira, Iesu Keriso dave ebo; edo ouwa jibo beiae kaenato da rorou arira. I John K. 2. 1.

Abo da Pirisimi ego tare.

Dubo itomane jiwavi erore.
Mina tari.         Bada da iai jiero erorera.
Pirisimi.           Bada da iai jiero erere kaenato kae ategane.
Mina tari.         Awa ari beiamana.

Pirisi Bada da Teneba da wareregedo taina,

Awara ari beiamana ai jibo natokare iji berari butu berari da Imo Ategara, bada Mamo Kotopu, Goroba jiwae de, God matawa ago itota.

(Ge “Mamo Kotopu” Trinity da Bodo da ajijigeore.)

Eida Iji Ajijigari ajijigara, pipitevira ago, edo gido iki dakaki taina,

Awa tedo ae Anela de Anela da Badadegari de, jisi utu da berari de daedo, Dao ito beiamana awa gadeite karupa eite iji berari Imo dasiga eite tedo era,

Kotopu, Kotopu, Kotopu, Bada Sabaoth da God, utu de butu de parara ito be da esira; Parara ito iai, Bada ikane itota. Amen.
 

IJI AJIJIGARI

Christmas da, edo iji 7 abo da

Iesu Keriso Mai ito dakaki piteta, edo iji ago de nakare ebo ago wotarate; edo awa Asisi Kotopu da jibo rare aware ebo esisina, Mary Kakara aida ai da tamomi; edo jibo beiae da dono de daedo ae, rata jibo beiae berari de nakare dave aina. Awa tedo ae anela de, &c.

Easter da edo iji 7 abo da.

Awa karupa ara Mai ito Iesu Keriso Bada natokare da Erari parara de ebo; ouwa aware Darutegari da Arini, nakare ebo pipitevira awa, edo nasi ebo da jibo beiae kupevira awa, aida betaimi betari ginena, edo aida erarimi kaviegari matawa itari nemodekare takgo piena. Awa tedo Ae Anela de, &c.

Vitari iji da edo iji 7 abo da.

Mai itomi karupa be arimi, Iesu Keriso Bada natokare, awa aida Erarai parara beiamana de abo da aida Aposetolo berari da iai da awara idegena, edo awamane di jisi da utu da visina iai sia ai tedo; edo awa isima eira aida, ouda nakare ego vitetera, edo aide daedo parara da dariga etera. Awa tedo ae Angela de &c.

Pentecost da edo iji 6 abo da.

Iesumi Keriso Bada natokare; tesiri gotera ago Asisi Kotopu eiwa iji ago, asisi de borae utu de wotedo, bisi siakabadae ago, be ni beriberi, Aposetolo da kopuru da anumena atopatai tedo, edo ge be berari da kumai tedo, edo be nei omi piena edo goroba edo Ge be tari jisi berari de tugaga orote; ago de nakare muia de itera awa edo ae dubae oera awa gisi jido kudo aibira parara beiamana da edo be kotebari ito beiamana da, edo Mai ito Iesu Keriso aida kotebari da; Awa tedo ae Anela de, &c.

Trinity da Bodo da akuta.

Imo God dakaima, Bada dakaima; Persona dakaima akuta ae, rata Persona tamode edo Tamo dakaki. Awara da Mamo aida Parara gido, ago Mai da Parara gotora, edo Asisi Kotopu da dawa. Awa tedo ae Anea de. &c.

Ajijigari abo da ego de tare,

Awa tedo ae Anela de Anela da Babadegari de, jisi utu da berari de daedo, Dao ito beiamana awa gareite edo karupa eite, iji berari Imo dasiga eite tedo era,

Kotopu, Kotopu, Kotopu, Bada Sabaoth da God; Utu de Butu de parara ito be da esira; Parara ito iai, Bada ikane itota. Amen.

Pirisi Bada da Teneba da Baogo dadari edo ebo berari atutubetera awa dao da Pari ego taima.
 

Teneba ito eida gupera, Badam Doariebo, jibo natokare ewa ko tebae, tena ito udedegari jiwae babaigamana. Nakare ewa raro, Teneba ito du da gigisi sirigeri. Imo Bada dakakima, doari kato eota, Awa ebo piewasi, Bada nakare Mai ito dubo ebo Iesu Keriso da Tamo ijido, Ororo ijido arate, ago tamo natokare beiae Tamo amidami ewa aina, edo asisi natokare aida Ororo beiamanami teiaina, edo nakare aida do da matawa itara, edo. Awa do natokare da.

Pirisi Teneba do da petedo, Palawa de Waina de beiamana aina, Palawa ebomai da jisi da dabu da egegaina, edo Akou ipa da kumaina, edo Aoari Benunu ago ajigaina.
 

God, Goroba jiwae, Mamo natokaere utu da, doari ito bajina, Mai ito ao da Iesu Keriso piato orega da dewo betena rorou ebo; Ouwa aida (aida iji dakaima ouwa tekago piewa,) rorou matawa de de rorou be ari, beiamana ari, nasi berari da jibo beiae awa ebo ena, eiwa aida betari kotebukotebu ego oru ena, aida Ge be Tari Kotopu da tena be de orote, abo da tekago gumaina; Giwasi nakare buraumi tedo gotera, Maka natokare Doariebo; piewasi, nakare palawa eiwa ae waina eide jibo ito kubara, ago Mai ito arierari Iesu Keriso oru ena, betari de mamato ari de da kotebukotebu, aida Tamo de Ororo de beiamana kubara. Ouwa muia de, ojiga tena awa, palawa kudo, ategedo, (1.) ipa da kumaina (2.) egegedo, abodani de pisido tena Kudo, ijiwo; (3.) Tamo nato eiwa imomane ebo pipitena eiwa ewo Kotebukotebu nato. (4.) Ago de itae ijido dodo, Akou kumuna ategedo pisido tena, Berarimi emi jiwo; (5.) Ororo nato eiwa kotebukotebu, teka imomane berari ebo dodegetena jibo beiae da udegari. Ago de ijiwo eiwa ewo kotebukotebu nato. Amen.

Kera ari gisi Doregari tote kuba edo, Bishop Pirisi de Deacon de ago piaina, abo da nenei da piaina, baogo dadari eora. Ago de Pirisi pipiteite ego taina.
 

Bada kaenato Iesu Keriso da Tamo, imo ebo piena awa, tamo de asisi ito de kaviegari matawa itari da toregaina. Eiwa kudo ijido, kotebeio, Keriso imo ebo betena, edo dubo ito amidami sinieio, ategari de daedo.

Kera ari Akou pipitevirami taina,

Bada kaenato Iesu keriso da Ororo, imo ebo dodegena awa, tamo de asisi ito de kaviegari matawa itari da toregaina. Eiwa ijido kotebeio Keriso da Ororo imo ebo dodegena, edo ategeio.

Pirisimi Bada da Pari ajigare, ae ebomai de daedo.
 

Maka natokare, Utu da isima eta awa, Dao ito kotopu etera, Basileia ito puresira. Jipapa ito etera awa butu da utu da ago. Rorae natokae piedo ewasi iji da doae. Edo rorae beiae natokare kotebedo dowasi. Ago nakare ebo nenei da rorae beiae natokare iai kotebarago dotera. Edo bawari da nakare kudo aibote, Ko beiae da nakare toregewasi. Imo de Basileia, ae Goroba ae parara de matawa. Amen.

Abo da eiwa ajigare.

Bada natokare utu topo, nakare abodani ito buraumi tedo gotera, Imo beiamana edo, nakare do ewasi, edo piari natokare eiwa, dasiga de ategari de kudo; piewasi, edo Mai ito Iesu Keriso da betari ebo, Ororo kotebarimi, nakare edo Ekalesia ito de de jibo naokare beiae kotebedo doari kubara, edo berari nenei ago awa Owuwa mamato eira. Edo eida Asisi natokare edo tamo natokare Imo de pipitera, Bada, edo jisi ito da rorou kotopu de wasiri de itara, Imo tedo gotera, edo nakare berari Doregari Kotopu eiwa kuopera awa, kodada ari de jibo ewa ari de utu da ago kudo be da ara. Nakare ewarikae, jibo natokare eiwa kubuio; jibo natokare ewa tega eote, ta jibo beiae natokare kotebedo dowasi, Iesumi Keriso Bada batokare, amimi aide Asisis Kotopu da dadautari, dasiga ae parara de ito iai da, Mamaka natokare, Goroba jiwae matawa itaina. Amen.

Edo gido eiwa.

God, Goroba jiwae, Matawa itari, Imo be ategetera, nakare Sakarameneta kotopu eiwa kupera awara, edo asisi natokare da rorae Mai ito Ari kaviegari natokare Iesu Keriso da Tamomi ae Ororo de mi nakare udeta, edo ago namodekare teota awa edo natokare iai paira eota; edo nakare Mai ito da Tamo da ago teora awa dada utera edo jiwaemi kotebotora awa aida utari dave; edo nakare basileia matawa itari da baiau kubara; Mai ito karupa ari aida betari edo aida mamato ari de aida jibo ebo. Edu buraumi Imo de tedo gotera, Mamo natokare utu topo, edo nakare kodade ewasi, ato utar kotopu aida itore, edo jibo ewagaewa berari ore, nakare ebo pepeta ai sirigo tota awa: Iesumi Keriso Bada natokare, aida iai Imo de Asisi Kotopu de daedo, dasiga de parara berari matawa itaina. Amen.

Ajigariri ta ia tari.
 

    God ikane itari da iai parara itare tae, edo nasi da bega, ebomai da iai da dubo ewa evira. Imo dasiga eora, Imo beiamana eora, Imo tumo debai eora, parara ito da doregetera, parara ito bajina awa gido Imo ategetera, Bada God, Dariga utu topu, God, Mamo Goroba jiwae.
    Bada, Mai ao da, Iesu Keriso, Bada God, Gad da Arini, Mamo de Mai, Nasi da beiae kupota awa, nakare do ewasi. Nasi da beiae kupota awa, nakare do ewasi. Nasi da beiae kupota awa, benunu natokare kubuwasi. God Mamo da ipa be da anubotota awa, nakare do ewasi.
    Imo akuta Kotopu, Imo akuta Bada, Imo akuta, Keriso, Asisi Kotopu de daedo ikane itota, God Mamo da Parara da. Amen.
 

Pirisi, (ta Bishop, isima eira age de,) dado edo ego ajigaina.

God da Bega, ebomaimi mana getera awa, God, edo aida Mai Iesu Keriso Bada kaenato aida kotebari ae karupa ari de da dubo itomane toregaina. Edo God Goroba jiwae, mamo de Mai de Asisi Kotopu de da dave ari itomane iai ari, edo matawa itaina. Amen.