ATOR
SAMBEYANG PAGI ENGGAU SAMBEYANG
LEMAI TI DIKENA
TIAP HARI SAPEMANJAI TAUN.

    SAMBEYANG Pagi enggau Sambeyang Lemai ka disebut dalam Greja endor ti endang udah teleba, enti nadai ator lain digaga Bishop. "Cancella" mega meruan baka ti udah ari kalia.
    LALU Prengka enggau Ngepan Greja, Prengka enggau Ngepan Padri mega, barang maia sida mla Sambeyang, ka diintu, lalu dikena, baka ti dalam Eklisia England, olih kuasa Kunsil Prentah, dalam taun kadua Raja Edward ti ka Anam.
 

ATOR SAMBEYANG PAGI, TIAP HARI
SAPEMANJAI TAUN

    ¶ Ka pun Sanibeyang Pagi, Padri macha barang siti dua genteran tu ari Surat Kudus. Udahnya, iya nelah jako-ajar ti nampong genteran.

    LEBOH orang ti salah ngelengkaka penyalah ti udah di-gaga iya, lalu ngaga ti ngena, ti lurus, iya ngidupka samengat iya.   Ezek. xviii. 27.
    Aku ngaku penyalah aku, dosa aku di moa aku berari.   Maz. li. 3.
    Kalihka moa Nuan, anang meda dosa aku; kendas samoa penyalah aku.   Maz. li. 9.
    Piring Allah, nya ati ti runtoh; ati ti runtoh, ati ti ngesal enda dipechat Nuan, O Allah.   Maz. li. 17.
    Charik ka ati kita, anang nyarik ka kalambi kita; pulai kita ngosong Tuhan, Allah kita; olih Iya kasih, Iya sinu amai, Iya lobah nganu orang, pemadu penelap Iya.   Joel ii. 13.
    Tuhan, Allah kitai bisi pengasih enggau pengampun, udah pen kitai ngelaban Iya, udah pen kitai enda ngasi ka nyawa Tuhan Allah kitai, ti ngasoh kitai bejalai nunda ka pesan ti dibri Iya ka kitai.   Dan. ix. 9, 10.
    O Tuhan, pejeraka aku, amai enggau kena: anang enggau anu, enggaika Nuan ngambis ka aku.   Jer. x. 24. Maz. vi. 1.
    Perubahka ati kita, olih prentah serga nyau dampih,   Mat. iii. 2.
    Aku ka angkat, ka ngagai Apai aku, lalu aku ka madah ka iya: Apai, aku udah salah ngelaban serga, udah salah di moa Nuan, aku nadai agi badas dikumbai anak Nuan.   S. Lukas xv. 18, 19.
    Anang mai anembiak Nuan bechara, O Tuhan; di moa Nuan nadai siko mensia ka di kumbai lurus.   Maz. cxliii. 2.
    Enti kitai madah kadiri nadai penyalah, kitai ngakal diri, nadai pengamai dalam ati kitai. Utang enti kitai ngaku penyalah kitai, Allah endang tau dikarap, endang lurus ka ngampun penyalah kitai, lalu nuchi kitai ari samoa penyai.   1 S. Joan i. 8,9.

    MENYADI aku, Surat Kudus suah ngajar kitai ngaku samoa penyalah kitai, penyai kitai; anang kitai ngamun iya, anang belalai ka iya di moa Allah Apai kitai di serga; amai ngaku iya enggau ati ti baroh, ti ngesal, ti nangi, ti nunduk; awak ka kitai bulih pengampun, olih pemadas enggau pengasih Iya ti nadai bepemadu. Patut kitai berari ngaku penyalah kitai di moa Allah; amai lebih agi patut, leboh kitai begempuru sama samoa dalam greja, awak ka muji Iya, olih utai badas ti disambut kitai ari jari Iya, ka ngemesaika Nama Iya, ka ninga ka jako Iya, ka minta utai ti ka guna tuboh, enggau utai ti ka guna samengat kitai. Kra, aku ngumbok samoa kita ti ditu, sama enggau aku ngadap Allah Taala, enggau ati tuchi, enggau nyawa begadai, nitih ka aku;

    ¶ Sampi ti Ngaku Penyalah, ti disebut samoa orang nunda udi Padri, samoa besugang.
 

    APAI ti pemadu bekuasa, ti pemadu kasih: Kami udah tesat, udah limpang ari jalai Nuan. Kami udah nitih ka peneka ati diri. Kami udah ngelaban pesan Nuan. Kerja badas nadai digaga kami; Kerja jai udah digaga kami; Lalu nadai bisi pengrai dalam ati kami. Tuhan, kasih ka kami orang bedosa. O Allah, sayauka orang ti ngaku penyalah sida. Orang ti ngesal ati bai pulai ngagai jalai ti lurus; Nunda ka semaia Nuan ditusi ka mensia dalam ISA Almesih Tuhan kami. Apai ti kasih, kami minta olih Nama Tuhan ISA; Saup kami dudi hari betuai ka Nuan, Lalu diau badas diau lurus; Awak ka ngemesaika Nama Nuan. Amin.

    ¶ Ampun Penyalah, disebut Padri aja li bediri; orang meruan besugang.

    ALLAH, Apai Isa Almesih Tuhan kitai, enggai meda mensia mati dalam penyalah, amai Iya rindu meda orang muai olah jai, lalu idup; Iya udah mri kuasa enggau pesan ka padri ti penyuroh Iya, awak ka madah ka pengampun penyalah ka samoa anembiak Iya ti ngesal ati. Iya ngampun, Iya ngelepaska samoa orang ti berubah ati, ti enggau pengambis ati arap ka Injil. Kra, badas kitai minta bri Iya ati ngesal, minta bri Roh Alkudus; awak ka Iya rindu ka utai ti digaga kitai kamaiatu; awak ka olah kitai lurus enggau tuchi salama kitai idup; lalu kitai masok ka pengandal Iya, ti nadai bepemadu; olih ISA Almesih Tuhan kitai.

    ¶ Ditu, di ujong samoa sambeyang mega, orang ka nyaut, Amin.

    ¶ Udahnya Padri besugang, lalu enggau nyawa trus nelah Sambeyang Tuhan ISA, orang besugang mega, lalu nelah iya serta enggau Padri, ditu, barang endor mega, iya dikena dalam sambeyang.
 

    APAI kami di serga; Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi. Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji; Lepaska kami ari penyai: kra Nuan empu prentah, enggau kuasa, enggau mulia: Datai ka belama lama iya. Amin.

¶ Udahnya Padri nelah.

O Tuhan, buka mulut kami.
Saut. Lalu nyawa kami ka mandangka puji Nuan.
Padri. O Allah, pantas ngelepaska kami.
Saut. O Tuhan, tangkas saup kami.

¶ Ditu samoa bediri, lalu Padri nelah.

    Mulia ka Apai, ka Anak: ka Roh Alkudus;
    Saut. Baka mula iya kalia, kamaiatu: datai ka belama lama iya. Amin.
    Padri. Puji Tuhan olih kita.
    Saut. Nama Tuhan ti dipuji.

    ¶ Udahnya Mazmur tu ditelah, tauka dinyanyi; enti enda Hari Ister leboh Pantun lain disebut; leboh sambilanblas hari bulan mega, iya ditelah dalam macha Mazmur.

VENITE, EXULTEMUS DOMINO. Mazmur xcv.

    1. ARAM kitai nyanyi ka Tuhan : kitai andal ati ka kuasa Penglepas kitai.
    2. Aram kitai ngadap Iya enggau puji : kitai nyanyi ka Iya enggan Mazmur.
    3. Olih Tuhan Allah besai : Iya Raja besai ari atas samoa petara.
    4. Dalam jari Iya samoa darong bumi : Iya empu mega punjong bukit ti tinggi.
    5. Iya bempu tasik, Iya ti ngaga iya : jari Iya ti ngator tanah darat.
    6. Aram kitai besembah, kitai meremi : kitai besugang di moa Tuhan ti ngaga kitai.
    7. Olih Iya Tuhan Allah kitai: kitai anembiak ti diintu Iya, domba di jari Iya.
    8. Sa hari tu, enti kita ka ninga ka nyawa Iya, anang ngringka ati diri baka di Meribah : baka hari di Masah di menoa sunyi.
    9. Leboh aki ini kita nguji Aku : nentuka Aku, lalu meda kerja Aku.
    10. Ampat puloh taun aku tusah enggau serak nya, ko Aku : orang tesat ati sida tu, nadai sida nemu jalai Aku.
    11. Kra, Aku besumpah dalam pengringat Aku : tentu sida nadai datai ka dalam penyamai Aku.
    Mulia ka Apai, ka Anak : ka Roh Alkudus;
    Baka mula iya kalia, kamaiatu : datai ka belama lama iya. Amin.

    ¶ Udahnya Mazmur ditelah nunda ka baka iya diator. Di ujong genap Mazmur sapemanjai taun, di ujong Benedicite mega, enggau Benedictus, Magnificat, Nunc Dimittis, tu ditelah berari,

    Mulia ka Apai, ka Anak : ka Roh Alkudus:
    Saut. Baka mula iya kalia, kamaiatu : datai ka belama lama iya, Amin.

    ¶ Udahnya dibacha, enggau nyawa trus, Bacha ka satu ari Surat Penyanggup Lama nunda ka baka iya diletak dalam Surat Bulan. Iya ti macha bediri, lalu nguing ka diri ngambi ka tentu didinga olih samoa orang dalam Greja. Udah ambis Bacha nya, tu ti benama Te Deum Laudamus ditelah tauka dinyanyi.

    ¶ Dulu ari macha Bacha siti, iya ti macha nelah, Surat anu, Bagi anu, Ayat anu: udah ambis Bacha siti iya nelah, Tu pengambis Bachu Satu baik Bacha Dua.

TE DEUM LAUDAMUS.

l. KAMI muji Nuan Allah : Nuan kami ngaku Tuhan.
2. Samoa menoa nyembah Nuan : Apai ti endang meruan.
3. Ka Nuan samoa Maleikat nyanyi : serga enggau samoa kuasa iya.
4. Ka Nuan Kerubin enggau Serapin : berari ari ngangau.
5. Kudus, Kudus, Kudus : Tuhan bala langit enggau bumi.
6. Penoh serga enggau bumi : olih Mulia Nuan.
7. Kaban Rasul bemulia : muji Nuan.
8. Samoa Nabi saum : muji Nuan.
9. Bala orang saksi ti beserayong burak bekilat : muji Nuan.
10. Eklisia tuchi dalam samoa menoa : ngaku Nuan;
11. Apai : ti empu mulia nadai bepemadu;
12. Anak tunggal Nuan, Anak amai : ti patut disembah;
13. Roh Alkudus mega : ti Penyaup kami.

    14. Nuan, O Almesih : Nuan ti Raja mulia.
    15. Nuan Anak Apai : endang ari mula mula, datai ka belama lama.
    16. Leboh Nuan nyadi mensia ka ngelepaska kami : nadai Nuan enggai dikandong ka Dara tuchi.
    17. Udah Nuan ngalahka sengat pemati : Nuan muka menoa serga ka samoa orang ti arap.
    18. Nuan duduk puak kanan Allah : dalam mulia Apai.
    19. Kami arap ka Nuan ka datai baru : nyadi Hakim kami.
    20. Kra, kami minta Nuan, saup anembiak Nuan : ti udah ditebus Nuan enggan darah Diriempu.
    21. Asoh sida digaum enggau orang tuchi Nuan : dalam mulia meruan.

    22. O Tuhan, idupka anembiak Nuan : bri berkat ka pesaka Nuan.
    23. Prentah sida : ninggika sida belama iya.
    24. Genap hari: kami ngemesailm Nuan.
    25. Kami nyembah Nama Nuan : datai ka belama-lama iya.
    26. O Tuhan : intu kami sa hari tu ari penyalah.
    27. O Tuhan, kasih ka kami : kasih ka kami.
    28. O Tuhan, enjok ka kami pengasih Nuan : baka kami arap ka Nuan.
    29. O Tuhan, aku udah arap ka Nuan : anang aku dipemalu belama-lama.
 

¶ Tauka tu.

BENEDICITE, OMNIA OPERA.

    1. O SAMOA kita kerja Tuhan, puji Tuhan : kemesaika Iya belama lama iya.
    2. O kita Maleikat Tuhan, puji Tuhan: kemesaika Iya belama lama iya.
    3. O kita Langit, puji Tuhan : kemesaika Iya belama lama iya.
    4. O samoa kita Ai ti datas langit, puji Tuhan : kemesaika Iya belama lama iya.
    5. O samoa kita Kuasa Tuhan, puji Tuhan : kemesaika Iya belama lama iya.
    6. O kita Mata-hari enggau Bulan, puji Tuhan : kemesaika Iya belama lama iya.
    7. O kita Bintang di langit, puji Tuhan : kemesaika Iya belama lama iya.
    8. O kita Ujan enggau Jemu, puji Tuhan : kemesaika Iya belama lama iya.
    9. O kita Ribut Allah, puji Tuhan : kemesaika Iya belama lama iya.
    10. O kita Api enggau Panas, puji Tuhan : kemesaika Iya belama lama iya.
    11. O kita Landas enggan Kamarau, puji Tuhan : kemesaika rya belama lama iya.
    12. O kita Jemu enggau Chelap, puji Tuhan : kemesaika rya belama lama iya.
    13. O kita Ai Meku enggau Salju, puji Tuhan : kemesaika Iya belama lama iya.
    14. O kita Malam enggau Siang, puji Tuhan : kemesaika Iya belama lama iya.
    15. O kita Tawas enggau Petang, puji Tuhan : kemesaika Iya belama lama iya.
    16. O kita Kilat enggau Moa Hari, puji Tuhan : kemesaika Iya belama lama iya.
    17. Awak ka Bumi muji Tuhan : ngemesaika Iya belama lama iya.
    18. O kita Munggu enggau Bukit, puji Tuhan : kemesaika Iya belama lama iya.
    19. O samoa kita Utai ti tumboh di Tanah, puji Tuhan : kemesaika Iya belama lama iya.
    20. O kita Telaga, puji Tuhan : kemesaika Iya belama lama iya.
    21. O kita Tasik enggau Batang Ai, puji Tuhan : kemesaika Iya belama lama iya.
    22. O kita Ikan enggau samoa utai ti melenang dalam Ai, puji Tuhan : kemesaika Iya belama lama iya.
    23. O kita Burong samoa, puji Tuhan : kemesaika Iya belama lama iya.
    24. O samoa kita Jelu kampong enggau Jelu menoa, puji Tuhan: kemesaika Iya belama lama iya.
    25. O kita Anak Mensia, puji Tuhan : kemesaika Iya belama lama iya.
    26. O Orang Israel, puji Tuhan: kemesaika Iya belama lama iya.
    27. O kita Padri Tuhan, puji Tuhan: kemesaika Iya belama lama iya.
    28. O kita Anembiak Tuhan, puji Tuhan : kemesaika Iya belama lama iya.
    29. O kita Samengat orang ti lurus, puji Tuhan : kemesaika Iya belama lama iya.
    30. O kita Orang ti tuchi, ti ngemaroh kadiri, puji Tuhan: kemesaika Iya belama lama iya.
    31. O Ananias, Azarias enggau Misael, puji Tuhan: kemesaika Iya belama lama iya.
    Mulia ka Apai, ka Anak : ka Roh Alkudus;
    Baka mula iya kalia, kamaiatu : datai ka belama lama iya. Amin.

    ¶ Udahnya Bacha ti ka Dua ari Surat Penyanggup Baru dibacha. Ambis nya, Pantun tu ti benama BENEDICTUS ditelah, enti iya enda udah kena telah dalam Bacha, baik dalam Injil Hari S. Joan Baptisa.

BENEDICTUS. S. Lukas i. 68.

    1. PUJI ka Tuhan Allah Israel : olih Iya udah ngosong, udah nebus anembiak Iya;
    2. Lalu udah ngangkatka tandok salamat ka kitai : dalam rumah Daud anembiak iya;
    3. Nunda ti ditelah Iya olih nyawa nabi tuchi Iya : ti diasoh Iya ari mula-mula.
    4. Awak ka kitai dilepas ari munsoh kitai : ari jari orang ti pedis ati di kitai;
    5. Awak ka ngenjok pengasih ii dipadah Iya ka aki kitai: awak ka ingatka semaia tuchi Iya;
    6. Ngamaika semaia ti disumpah Iya enggau aki kitai Ibrahim: awak ka Iya mri kitai;
    7. Ngambika kitai ti dilepas ari jari munsoh kitai : tau betuai ka Iya enggau nadai takut:
    8. Dalam penuchi enggau penglurus di moa Iya : sapemanjai umor kitai.
    9. Nyadi Nuan, O anak, ka ditelah Nabi Allah ti pemadu peninggi: olih nuan ka bejalai di moa Tuhan ngaduka jalai Iya;
    10. Awak ka mri anembiak Iya nemu penglepas : dalam pengampun penyalah sida,
    11. Olih penyinu ati Allah kitai: endor pajar ari atas udah ngagai kitai;
    12. Ka mri trang ka orang ti duduk dalam petang, dalam kalemayang pemati : lalu ngiring kaki kitai ngagai jalai salamat.
    Mulia ka Apai, ka Anak : ka Roh Al kudus ;
    Baka mula iya kalia, kamaiatu : datai ka belama lama iya. Amin.

¶ Tauka Mazmur tu.

JUBILATE DEO. Mazmur c.

    1. KANGAU ka Tuhan enggau andal, kita di samoa menoa : betuai ka Tuhan enggau gaga, ngadap Iya enggau nyanyi.
    2. Tentuka olih kita Tuhan endang Allah : Iya ti udah ngaga kitai, ukai kitai ngaga diri, kitai anembiak Iya, domba ti diibun Iya.
    3. Tama ka pintu Iya enggau puji, ka balai Iya enggau nyanyi : puji Iya, lalu kemesaika Nama Iya.
    4. Olih Tuhan badas, pengasih Iya meruan : pemendar Iya mengkang ka serak nurun menurun.
    Mulia ka Apai, ka Anak : ka Roh Alkudus;
    Baka mula iya kalia, kama iatu : datai ka belama lama iya. Amin.

    ¶ Udah nya Aku arap dinyanyi, tauka disebut olih Padri enggau samoa orang, bediri; enti enda hari leboh Quicunque Vult diletak dibacha.
 

    AKU ARAP ka Allah, Apai ti pemadu bekuasa, Pengaga langit enggau bumi;
    Aku arap ka ISA Almesih Anak tunggal Iya Tuhan kitai, Iya dikandong olih kuasa Roh Alkudus, Diada ka Maria dara tuchi, Iya merinsa maia Pontius Pilatus, Iya diregang, lalu mati, lalu ditumbak, Iya nurun ka sabayan; Ka tiga hari Iya pulai idup baru, Iya niki ka serga, Iya duduk puak kanan Allah, Apai ti pemadu bekuasa; Ari nyin Iya ka datai baru ka nembuka pechara mensia, orang ti idup, enggau orang ti mati.
    Aku arap ka Roh Alkudus; Ka Eklisia Katolika ti tuchi; Ka Saum orang tuchi; Ka Pengampun penyalah; Ka Pengangkat tuboh orang ari mati; Ka Idup meruan. Amin.

    ¶ Udahnya Sambeyang tu ti dudi, samoa orang besugang: utang dulu Padri nelah enggau nyawa trus,

Tuhan enggau kita.
Saut. Lalu enggau ati nuan.
Padri. Besampi kitai.
Tuhan, kasih ka kami.
    Almesih; kasih ka kami.
Tuhan, kasih ka kami.

    ¶ Ditu Padri, orang penyanyi, enggau orang samoa nelah Sambeyang Tuhan ISA enggau nyawa inggar.
 

    APAI kami di serga: Kudus me Nama Nuan. Datai me prentah Nuan. Jadi me peneka Nuan, Baka dalam serga, baka nya dalam bumi. Bri kami sa hari tu pengumbas dipakai kami. Ampun kami penyalah kami, Baka kami ngam pun orang ti salah enggau kami. Anang mai kami ngagai penguji. Lepaska kami ari penyai. Amin.

¶ Padri bediri lalu nelah;

O Tuhan, enjok ka kami pengasih Nuan.
Saut. Bri kami salamat Nuan.
Padri. O Tuhan, intu Raja kami.
Saut. Enggau kasih, dinga kami leboh kami nyampi ngadap Nuan.
Padri. Samoa Padri Nuan serayong enggau penglurus.
Saut. Bri ati andal ka samoa orang ti dipilih Nuan.
Padri. O Tuhan, intu anembiak Nuan.
Saut. Bri berkat ka pesaka Nuan.
Padri. O Tuhan, asoh menoa baik salama kami idup.
Saut. Olih kami nadai penyaup, enti enda Nuan aja, O Allah.
Padri. O Allah, gaga ati kami tuchi.
Saut, Anang ngambi Roh Alkudus Nuan ari kami.

¶ Udahnya ditelah Sampi tiga: siti, ti diletak ka Hari nya, baka ti dalam Sambeyang Eukarista; ka dua, ti minta Pendiau Baik; ka tiga, ti minta Penyaup. Dua tu ti dudi nadai kala diganti, iya ditelah dalam Sambeyang Pagi sapemanjai taun: samoa besugang.
 

SAMPI MINTA PENDIAU BAIK.

    ALLAH, Nuan ti numboh ka pendiau baik, ti rindu meda orang sa ati: orang ti nemu Nuan, iya bempu idup meruan, orang ti betuai ka Nuan iya raja: Dinding kami anembiak Nuan ari samoa langgar munsoh kami; awak ka kami ti arap bendar ka dinding Nuan, nadai takut ka kuasa iya ti ngelaban kami, olih kuasa ISA Almesih Tuhan kami. Amin.
 

SAMPI MINTA PENYAUP

    O TUHAN, Apai kami di serga, Allah ti pemadu bekuasa, Nuan udah mai kami meda siang ari tu enggau nya mai; Dinding kami sa hari tu enggau kuasa Nuan; anang kami laboh kadalam dosa, anang kami teransu dalam barang pengrosak; adu ka samoa kerja kami olih prentah Nuan; awak ka kami berari ngaga ti ka deka Nuan; olih ISA Almesih Tuhan kami. Amin.

    ¶ Dalam Greja endor orang nyanyi, ditu Pantun dinyanyi.

    ¶ Udahnya Sampi lima tu dibacha, enti enda leboh Litani ditelah; leboh nya mina dua ti dudi dibacha baka diator dalam Litani.
 

SAMPI KA TUAN RAJA.

O TUHAN Apai kami di serga, ti pemadu tinggi, ti pemadu bekuasa, ti Raja ari atas samoa raja, Tuhan ari atas samoa tuan; Kami minta Tuhan enggau kasih peda Tuan Raja kami; bri iya penoh enggau Roh Alkudus, awak ka iya ngiga ti ka deka Nuan, lalu mansang dalam jalai Nuan; Bri iya penau badas, asoh iya gayu, saup iya ngalahka samoa munsoh iya, bri iya penyamai meruan: olih ISA Almesih Tuhan kami. Amin.
 

SAMPI KA TUAN RANI ENGGAU ANAK TUAN RAJA.

ALLAH ti bekuasa, ti pun samoa pemadas; kami minta Tuhan mri berkat ka Tuan Rani enggau Raja Muda, enggau Rani Muda, enggau samoa anak Tuan Raja: bri sida Roh Alkudus Nuan; ngeraja ka sida enggau berkat serga; asoh sida diau nyamai; bai sida datai ka prentah Tuhan ti nadai bepemadu: olih ISA Almesih Tuhan kami. Amin.
 

SAMPI KA PADRI ENGGAU ORANG KRISTIAN SAMOA.

ALLAH ti bekuasa ti meruan, Nuan aja ti tau ngaga kerja ti besai; Asoh Roh Alkudus Nuan nurun datas samoa Bishop, datas samoa Padri, datas samoa orang ti dalam ibun sida; Bri sida berkat Nuan berari; awak ka sida ngaga samoa ti ka deka Nuan; Bri tu, O Tuhan, olih Nama ISAAlmesih Seruan kami. Amin.
 

SAMPI S. KRUSOSTOM.

ALLAH ti pemadu bekuasa, Nuan udah mai kami besambeyang sama serta enggau sa ati ngosong Nuan; Nuan mega udah besemaia, enti bisi dua tiga orang begempuru dalam Nama Nuan, Nuan ka mri utai ti dipinta sida; Bri, Tuhan, kamaiatu, utai ti ka deka, ti digiga kami, nunda ka guna kami: dalam menoa tu asoh kami nemu samoa ajar Nuan, dalam menoa ti ka datai bri kami idup meruan. Amin.

2 Cor. xiii.

    PENGASIH ISA Almesih Tuhan kitai, pengrindu Allah, saum Roh Alkudus, meruan enggau kitai samoa belama lama iya. Amin.

Tu pengambis Sambeyang Pagi sapemanjai taun.