SAMBEYANG EUKARISTA

IYA NYA,

SAKRAMEN TUBOH ENGGAU DARAH.

ISA ALMESIH.

    [¶ Samoa orang ti bedau dipasok nyadi Katekumen enda tau enda ninggalka Greja bedau Sambeyang Sakramen. tu dibla.]

    ¶ Patut samoa orang ti ka makai Sakramen madah ka Padri dulu sa hari.

    ¶ Enti bisi ti tampak salah pendiau, enti bisi ti udah ngaga jai enggau pangan iya; tauka dalam jako, tauka dalam kerja; endor orang kristian tesanqkut ati, Padri, serta iya nemu, enda tau enda ngumbai orang nya, lalu madah ka iya enda tau ngagai Meja Tuhan, enti iya bedau ngaku diri ngesal ati serta ngubah olah iya, lalu bebaik ka diri enggau orang kristian maioh, bebaik ka diri mega, enggau pangan ti udah dikeduan iga.

    ¶ Bakanya mega Padri enggau orang ti ditemu iya naroh ati pedis enggau pangan; anang, iya nyagi sida makai ari Meja Tuhan, salama sida agi bedau saum baru. Enti siko ka ngampun pangan, lalu siko ari sapiak enggai saum, utang meruan dalam ati pedis, ati kras; iya ti ka saum tau disagi makai Sakramen, iya ti enggai enda tau.

    ¶ Utang Padri ti ngelara orang makai Sakramen, munyi ko tadi, enda tau enda madah ka Bishop dalam tempoh anipat blas hari, lalu Bishop ngabas pechara nya nunda ka adat Eklisia.

    ¶ Meja Tuhan, lebah Sambeyang Eukarista, dibap enggau kain badas ti burak. * * * Padri bediri puak utara Meja, lalu nelah Sambeyang Tuhan Isa enggau Sambeyang ti nampong nya, samoa orang besugang.
 

    APAI kami di serga: Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi: Bri kami sa hari tu pengumbas dipakai kami: Ampun kami penyalah kami, Baka kami ngampun orang ti salah enggau kami: Anang mai kami ngagai penguji; Lepas ka kami ari penyai. Amin.

SAMPI.
 

    ALLAH ti pemadu bekuasa, samoa ati mensia ambis dipeda Nuan, samoa ti ka deka mensia ditemu Nuan, nadai kami tau belalai ka Nuan: Gaga tuchi pragam ati kami, olih ajar Roh Alkudus Nuan; ngambika kami rindu ka Nuan enggau pengambis ati; lalu ngemesaika Nama Nuan enggau patut: olih ISA Almesih Tuhan kami. Amin.

    ¶ Udahnya Padri nunga ka orang, lalu macha, enggau trus, SAPULOH PESAH tu; udah iya macha siti siti Pesan, orang ti meruan besugang, minta Allah ngampun penyalah ti udah dalam ngelangkah Pesan nya, minta Iya mega nyaup sida nitih ka Pesan dudi hari; nunda ka ti dibaroh tu.

Padri.
 

    ALLAH udah madah ka jako tu, ko Iya: Aku tu Allah Petara nuan: anang nuan bisi barang petara udah Aku.
    Saut. Tuhan, kasih ka kami; grak ka ati kami nitih ka pesan tu.
    Padri. Anang ngaga ka diri sabarang gambar ka berala; anang ngaga engkramba nunda utai ti di langit, utai di bumi, utai dalam ai, anang meremi nyembah iya, anang betuai ka iya; Aku tu Tuhan. Petara Nuan, Petara kras, lalu ngukum penyalah aki ini ngagai anak uchu, datai ka tiga ampat serak orang ti jai ati enggau Aku; lalu ngenjok pengasih ka beriburibu serak orang ti rindu ka Aku, ti nitih ka pesan Aku.
    Saut. Tuhan, kasih ka kami: grak ka ati kami nitih ka pesan tu.
    Padri. Anang nuan nyebut ngapa Nama Allah Petara nuan; Allah ka nyalah orang ti nyebut ngapa Nama Iya.
    Saut. Tuhan, kasih ka kami: grak ka ati kami nitih ka pesan tu.
    Padri. Ingat nuan, intu bebadas hari ti dikadiau, Anam hari patut nuan bekerja ngaga samoa pengawa nuan; amai ka tujoh hari, nya hari ti dikadiau ka Allah Petara nuan. Dalam hari nya anang ngaga barang kerja, nuan anang, anak nuan anang, anembiak nuan anang, benatang nuan anang, orang temuai anang mega: kra dalam anam hari Tuhan ngaga langit enggau tanah, enggau tasik enggau samoa isi iya; lalu Iya diau hari ti ka tujoh; nya alai Tuhan merkat ka hari nya; lalu ngaga iya hari kudus.
    Saut. Tuhan, kasih ka kami: grak ka ati kami nitih ka pesan tu.
    Padri. Bebasa ka apai indai nuan: awak ka umor nuan panjai di menoa ti dibri ka nuan alih Allah Petara nuan.
    Saut. Tuhan, kasih ka kami: grak ka ati kami nitih ka pesan tu.
    Padri. Anang nuan nunoh orang.
    Saut. Tuhan, kasih ka kami: grak ka ati kami nitih ka pesan tu.
    Padri. Anang nuan butang.
    Saui. Tuhan, kasih ka kami: grakka ati kami nitih ka pesan tu.
    Padri. Anang nuan ngenchuri.
    Saut. Tuhan, kasih ka kami: grakka ati kami nitih ka pesan tu.
    Padri. Anang nuan nyadi saksi bula ngelaban orang.
    Saut. Tuhan, kasih ka kami: grakka ati kami nitih ka pesan tu.
    Padri. Anang nuan ingin ka rumah orang, anang ingin ka bini orang, ka anembiak orang anang, ka benatang orang anang, ka barang utai orang anang.
    Saut. Tuhan, kasih ka kami: ukir samoa pesan tu dalam ati kami.

    ¶ Padri bediri baka ti dulu, lalu macha barang siti sampi dua tu ka Tuan Raja; ko iya.

BESAMPI KITAI.
 

    ALLAH, ti empu prentah endang meruan, ti empu kuasa nadai pemadu: Kasih ka samoa sida Eklisia Nuan; lalu iring ati anembiak Nuan, Raja kami, awak ka iya, ti nemu diri pengasoh Nuan, tau ngiga basa enggau mulia Nuan, lebih ari ntai lain; ngambi ka kami mega, ti nemu kuasa Nuan dipegai iya, tau bendar betuai, bebasa, lalu nitih ka, iya, dalam Nuan, tegal Nuan, nunda ka jako enggau letak Nuan: olih ISA Almesih Tuhan kami, ti idup, ti megai prentah, enggau Nuan, enggau Roh Alkudus, endang satu Allah, belama lama iya. Amin.

TAUKA TU.

    ALLAH ti pemadu bekuasa, kami diajar olih surat Nuan, ati samoa Raja dalam pegai dalam prentah Nuan, lalu Nuan nguing ka iya baka ti ka deka Nuan; kami minta Nuan ngiring ati Tuan Raja kami; awak ka iya ngemesaika Nuan enggau samoa jangka, samoa jako, samoa kerja iya; lalu nguji ngintu anembiak Nuan di baroh ibun iya, dalam penyamai enggau penglurus: Tu kami minta, O Apai ti kasih, olih ISA Almesih Tuhan kami. Amin.

    ¶ Ditu ditelah Sampi ti diletak ka hari nya. Udah nya Padri macha Epistola, ko iga: Epistola [tauka Bagi Surat Kudus ti diletak ka Epistola] ditulis dalam Surat —— Bagi —— ari ayat ——. Ambis nya dibacha, iya nyebut: Tu pengambis Epistola. Udahnya iya macha Injil ka hari nya, (samoa orang bediri) ko iya: Injil Kudus ditulis dalam —— Bagi —— ari ayat ——. [Bedau Injil di bacha, orang nyebut: Mulia ka nuan, O Tuhan. Ambis Injil disebut: Puji ka Nuan, O Tuhan.] Ambis Injil, Aku arap ti dibaroh. tu ditelah, baik dinyanyi; ontng mental! bediri.
 

    AKU arap ka satu Allah, Apai, ti megai samoa kuasa, Pengaga langit enggau bumi, enggau samoa utai, sampai ti dipeda, enggau ti nadai tau dipeda.
    Aku arap ka satu Tuhan ISA Almesih, Anak tunggal Allah, Iya diperanak olih Apai Iya apin sama utai bisi, Allah ari Allah, Trang ari Trang, Allah bendar ari Allah bendar, Iya diperanak Iya ukai digaga, Iya satu enggau Allah Apai, Olih Iya samoa utai udah digaga: Iya tegal kitai mensia, tegal salamat kitai udah nurun ari serga: Iya diadaka olih Roh Alkudus ari Maria Darah Tuchi: lalu nyadi mensia; Iya diregang tegal kitai maia Pontius Pilatus: Iya merinsa, lalu ditumbak: Hari ka tiga Iya angkat idup baru, munyi jako Surat kalia, lalu niki ka serga, Iya duduk puak kanan Apai. Ari nyin Iya ka datai baru enggau mulia ka nembuka pechara mensia, sampal orang ti agi idup, enggau orang ti udah mati: Prentah Iva nadai pemadu.
    Aku arap ka Roh Alkudus, Ti Tuhan, ti Pengidup, Iya datai ari Apai enggau Anak, Iya enggau Apai enggau Anak sama disembah sama dipuji. Iya ti bejako beseruan ka Nabi. Aku arap ka Satu Eklisia ti Katolika, ti bepun ka Rasul. Aku ngaku satu Baptisa ka Pengampun penyalah. Aku nganti Pengangkat orang mati: enggau Idup meruan dalam dunya ti ka datai. Amin.

    ¶ Ditu Padri madah ka orang barang Hari Raya, barang Hari Pasa ti datai dalam minggu ti dudi. Iya madah mega, enti bisi kabuah, hari ni Sakramen Eukarista dibla baru. * * *

    ¶ Ditu mega jaka ajar ditusi ka orang.

    ¶ Udahnya Padri pulai ka Meja Tuhan, lalu ikas dikumbai iya umbas, lebah orang mri utai, macha skeda ayat tu.
 

    ASOH penampak kita tampak di moa mensia: awak ka sida me da kerja badas kita, lalu ngemesai ka Apai kita ti di serga. S. Matt. v.
    Anang naroh ka diriempu rerta di bumi, endor dipakai gegat enggau tegar, endor penchuri ngerumpang lalu ngenchuri: taroh rerta kita dalam serga, endor nadai dipakai gegat nadai tegar, endor nadai penchuri ngerumpang nadai ngenchuri. S. Matt. vi.
    Samoa ti ka deka kita orang ngaga enggau kita, pia mega gaga olih kita enggau orang: nya munyi surat Taurat enggau surat Nabi. S. Matt. vii.
    Ukai samoa orang ti nelah Aku, Tuhan, Tuhan, ti tau masok prentah serga: amai orang ti ngaga peneka Apai Aku di serga. S. Matt. vii.
    Zakius bediri, lalu bejako enggau Tuhan; Peda, Tuhan, modal aku satengah, aku mri ka orang ti umang; enti aku udah ngambi utai orang enggau salah, aku mulaika iya ampat kali pemaioh iya. S. Lukas xix.
    Nadai kita nemu, orang ti ngerja utai kaaba, makai utai kaaba; orang ti ngibun meja piring bisi bagi enggau meja piring? Bakanya mega Tuhan udah ngeletak, orang ti ngajar Injil idup ari Injil. 1 Cor. ix.
    Orang ti nabor mimit iya ngetau mimit; orang ti nabor maioh, iya ngetau maioh. Patut orang mri nitih ka aum ati diri, anang enggau ati lembau, semadi enda tau euda; Allah rindu ka orang ti mri enggau ati nelap. 2 Cor. ix.
    Iya ti diajar dalam utai Allah patut nyaup iya ti ngajar dalam samoa utai badas. Anang kita kena akal, Allah enda tau dibai kita bebungah; barang utai ti ditabor orang, nya utai ti diketau iya. Gal. vi.
    Barang endor kita tau, gaga badas olih kita enggau samoa mensia; lebih agi enggau sida ti saum pengarap. Gal. vi.
    Besai untong orang ti rindu ka Allah, orang ti lantang ati enggau utai ti ka bisi iya: kitai nadai mai utai kadalam menoa tu, nadai mega kitai tau mai utai pulai. l Tim. vi.
    Anang enda ingat ngaga ti bad as, lalu bebagi utai enggau orang; Allah rindu bendar ka piring ti bakanya. Heb. xiii.
    Barang orang ti bisi utai menoa tu, lalu meda pangan iya rapas, utang enda kasih meda iya; dini pengrindu Allah tau diau dalam iya? S. Joan iii.
Iya ti kasih ka orang saranta bejali ka Tuhan: peda, utai ti dibuai iya ka dibalas ka iya baru. Ump. xix.
    Beberkat mensia ti nyaup orang ti sakit ti suntok; leboh iya kena penusah Tuhan ka ngelepaska iya. Maz. xiv.

    ¶ Dalam ayat nya dibacha, orang Dikon, tauka Pengibun greja, tauka barang orang patut diasoh, ngumpul sedekah, enggau utai lain ti dienjok. orang, dalam jalong badas ti endang dilaga ka nya, lalu enggau jimat nganjong ngagai Padri; lalu Padri ngenjok lalu ngengkah ka iya datas Meja Tuhan.

    ¶ Lebah bisi Sambeyang Eukarista, Padri, leboh nya, ngengkah ka datas Meja Tuhan pemaioh Roti enggau Ai Anggar ii disangkah iya umbas. Udahnya Padri nelah,
 

Besampi kitai ka samoa Eklisiu Almesih dalam bumi.

    ALLAH ti pemadu bekuasa, ti endang idup, Nuan, olih Rasul, udah ngajar kami besampi, lalu ngenjok puji ngosong Nuan, ka samoa mensia:
Kami minta Nuan, enggau kasih (* nyambut sedekah enggau piring kami), nyambut sambeyang ti dienjok kami ka Tuhan. Kami minta Nuan mri samoa Eklisia ati bendar ati siti, awak ka iya sajalai samoa: asoh samoa orang ti ngaku Nama Nuan nyadi sapenemu dalam jako Nuan, lalu diau dalam baik dalam pengrindu ati.
    Kami minta Nuan mega, nyaup, ninding, samoa Raja, samoa Pengulu enggau Tuai kristian: saup Tuan Raja kami, awak ka kami diprentah badas; saup samoa orang ti diasoh iya megai prentah, ngambika sida megai pechara enggau lurus; lalu ngukum penyalah enggau penyai, lalu ngringka sembah enggau kerja Nuan dalam pemadas.
    O Apai di serga, bri berkat ka samoa Bishop, ka samoa Padri, ngambika sida mandangka Jako Nuan, maia dalam ajar, maia dalam olah sida, lalu mla Sakramen Nuan enggau ngena enggau patut:
    Bri berkat mega, ka samoa anembiak Nuan, lebih agi ka samoa orang ti begempuru ditu; awak ka sida, enggau ati lemi, enggau ati nangi, ninga lalu nyambut Jako Nuan, lalu betuai ka Nuan enggau olah ti tuchi ti lurus, salama sida idup.
    Kami minta Tuhan, dalam pemadas Nuan, mri penyamai enggau penyangga ati, ka samoa orang ti kena penusah, kena pemedis, samoa ti suntok ti merinsa, dalam menoa injau tu.
    Kami muji Nama Nuan atas samoa anembiak Nuan ti udah nyau pulai ari menoa tu, enggau arap enggau takut ka Nuan: saup kami nunda ka pemadas teladan sida, awak ka kami, sama enggau sida, bulih pesaka dalam prentah serga.
    O Apai, bri ka kami utai tu; olih Nama Isa Almesih Seruan kami. Amin.

* * * * * * *

    ¶ Udahnya Padri madah ka samoa orang ti datai ka makai Sakramen.

    SAMOA kita ti jera bendar laban penyalah ti udah, kita ti bebaik enggau pangan, kita ti deka nitih ka pesan Allah; mansang kita enggau arap, sambut Sakramen tu ka penyamai kita; Besugang, lalu ngaku penyalah kita di moa Allah.

    ¶ Udahnya Pengaku Penyalah tu disebut dalam nama samoa orang ti ka makai Sakramen; olih barang Padri siko ti dia, iya enggau samoa orang besugang.

    ALLAH, Apai ISA Almesih Tuhan kami, Pengaga samoa utai, Nuan ka bechara ka samoa mensia; Euggau tusah ati kami ngaku samoa penyalah enggau penyai kami, Dalam pragam, dalam jako, dalam kerja kami, Ngelaban pesan Tuhan; Patut Tuhan nganu kami. Kami ngesal ati, kami tusah ati olih penyalah nya; Tusah ati kami ingatka iya, Pemrat iya enda ulih tanggong kami. Kasih ka kami, kasih ka kami, O Apai ti kasih: Olih Nama Anak Nuan ISA Almesih Tuhan kami, Ampun samoa penyalah kami ti udah; Saup kami dudi hari betuai ka Nuan enggau olah badas: Awak ka ngemesai ka Nama Nuan: Olih ISA Almesih Tuhan kami. Amin.

    ¶ Udahnya Padri, (Bishop enti iya dia) nunga ka orang maioh, lalu madah ka Pengampun dosa baka tu:

    ALLAH, Apai kitai di serga, ti enggau pengasih besai, udah besemaia ngampun penyalah samoa orang ti pulai ngagai Iya enggau ati ngesal enggau arap bendar; Kasih ka kita; ampun kita, lepaska kita ari samoa penyalah kita; kringka kita dalam samoa kerja badas ; bai kita ngagai idup meruan: olih ISA Almesih Tuhan kitai. Amin.

¶ Udahnya Padri nelah:
 

Prayer for the Whole State of Christ's Church Militant

* Lebah nadai sedekah, nadai ulai lain dienjok, jako tu enda ditelah.

    Dinga olih kita jako ti ngelantangka ati ari Almesih Penglepas kitai, enggau samoa orang ti pulai ngagai lya.

    DATAI ngagai Aku samoa kita ti lelak kita ti nyan brat; lalu Aku ka ngasoh kita nyamai.
    Bakanya Allah rindu ka samoa mensia; Iya mri Anak tunggal lya, awak ka orang ti arap ka Iya enda rosak, amai bulih idup meruan.

Dinga kita mega jako San Paulos.

    Tu jako amai, patut disambut samoa mensia: ISA Almesih datai kadalam dunya, ka ngelepaska orang bedosa.

Dinga kita mega jako San Joan.

    Enti orang udah bedosa, kitai bisi Siko ti Penyaup kitai ngosong Apai, iya nya, ISA Almesih ti endang lurus; Iya nyadi ginselan ka penyalah kitai.

Lalu Padri nelah.

Angkatka ati kita.
Saut. Kami ngangkatka ati ngagai Tuhan.
Padri. Am kitai mri puji ka Allah Tuhan kitai.
Saut. Iya ngena, iya patut muji Iya.

¶ Udahnya Padri nunga ka Meja Tuhan, lalu nelah:

    ENDANG ngena, endang badas, endang patut, kami maia samoa endor samoa, nyanyi puji ka Nuan, O Tuhan, Apai ti kudus, Allah ti bekuasa, ti endang meruan.
 

    ¶ Ditu dibacha ayat bagi Hari Raya Kristian, samoa dalam hari diri, enti bisi diletak; enti nadai, tu lalu ditelah.

    KRA, serta enggau Maleikat, enggau samoa orang serga, kami ngelagu, kami ngemesaika Nama Nuan; berariari: ko kami;
    Kudus, kudus, kudus, Tuhan ti empu bala langit enggan bumi: serga enggau bumi penoh olih mulia Nuan; Mulia ka Tuhan ti pemadu tinggi. Amin.
 

LEBOH HARI KRISMAS, lalu dalai ka tujah hari udahnya.

    OLIH Nuan udah mri ISA Almesih Anak tunggal Nuan diadaka tegal kami baka maia tu kalia: Iya olih kuasa Roh Alkudus, nyadi mensia dalam tuboh Maria Dara Tuchi, ti indai Iya; amai nadai bedosa, awak ka nuchi kami ari samoa dosa. Kra, &c.

HARI ISTER, lalu datai ka tujah hari udahnya.

    LEBIH ari samoa kami enda tau enda muji Nuan, laban Pengangkat Anak Nuan ISA Almesih Tuhan kami; Iya Domba Ginselan ti dipiring ngidupka kami; Iya udah nanggong dosa samoa mensia; olih pemati Iya, Iya udah ngalahka pemati; olih pengangkat Iya mega, Iya udah mulaika kami ngagai idup meruan. Kra, &c.

HARI ISA NIKI KA SERGA, lalu datai ka lujoh hari udahnya.

    OLIH Anak ti ka rindu Nuan, ISA Almesih, Tuhan kami: Iya dipeda samoa Rasul Iya udah Iya nyau angkat idup baru; di moa sida Iya niki ka serga, awak ka ngemas endor ka kami; awak ka endor Iya diau, dia mega kami niki, lalu megai prentah enggau Iya dalam mulia. Kra, &c.

HARI PENTIKOST, lalu datai ka anam hari udahnya.

    OLIH ISA Almesih Tuhan kami; nunda ka semaia Iya, Roh Alkudus nurun ari serga enggau munyi besai ti ngenyit baka ribut ti balat, baka gambal dilah api, ti nepan datas samoa Rasul, awak ka ngajar sida, ngiring sida ka dalam samoa penemu ti amai: Iya mri sida nemu jako maioh bansa, enggau ati brani mega, ati tetap, nusi brita Injil ka samoa bansa mensia: nya alai kami udah dilepas ari petang, ari jalai tesat, ngagai penemu Nuan, enggau penemu Anak Nuan ISA Almesih. Kra, &c.

MINGGU TRINITI aja.

    NUAN Allah Satu, Tuhan Satu aja, Tiga dalam Satu: kra, baka kami arap ka mulia Apai, bakanya kami arap ka mulia Anak, ka mulia Roh Alkudus mega, endang sama sabaka, sama bla, Kra, serta enggau Maleikat, &c.

¶ Udali ayat nya, jaka tu ditelah, baik dinyanyi.

    KRA, serta enggau Maleikat, enggau samoa orang serga, kami ngelagu, kami ngemesaika Nama Nuan; berariari kami muji Nuan; ko kami;
    Kudus kudus, kudus, Tuhan ti empu bala langit enggau bumi; serga enggau bumi penoh olih mulia Nuan; Mulia ka Tuhan ti pemadu tingii. Amin.

    ¶ Ditu Padri besugang di Meja Tuhan, lalu nelah Sunbeyang tu dalam nama samoa orang ti ka nyambut Sakramen.
 

    O TUHAN ti kasih, kami brani ngagai Meja Nuan, ukai olih kami arap ka penglurus diriempu, utang kami sigi arap ka pengasih Nuan ti maioh ti besai. Kami nadai bisi pemadas alai kami makai teda dibaroh Meja Nuan; utang Nuan endang Tuhan ti megai pengasih: O Tuhan ti nelap, bri kami makai tuboh ISA Almesih Anak Nuan, bri kami ngirup darah Iya, awak ka tuboh kami ti bedosa dituchi olih tuboh Iya; lalu samengat kami mega dibasu olih darah Iya; awak ka kami diau dalam Iya, Iya diau dalam kami belama lama iya. Amin.

    ¶ Padri bediri di moa Meja, lalu nqator Roti enggau Ai Anggor, awak ka iya enggau lantanq enggau jimat mechah ka Roti di moa orang, lalu megai Mangkok dalam jari iya; udahnya iya nelah Sambeyang Pengudus tu.
 

    O ALLAH ti pemadu bekuasa, Apai kami di serga, ti udah mri Anak tunggal Nuan ISA Almesih mati di kayu regang ka penebus kami; di kayu regang, (olih Iya ngenjok Diri sa kali,) Iya udah ngaga piring, ginsalan, enggau timbang, umbas ka penyalah samoa mensia; Iya udah ngeletak Sakramen tu, lalu ngasoh kami mla iya, nyadi pengingat pemati Iya datai ka penatai Iya baru.
    Kami minta Nuan, O Apai ti kasih, dinga ka kami; bri kami ti makai roti enggau ai anggor tu, nunda ka letak Iya, nyadi pengingat pemati enggan pemerinsa Iya, bri kami makai Tuboh enggau Darah Iya:
    Malam Iya dijual, Iya (*) megai Roti; udah Iya mri puji, Iya (†) mechah ka roti, lalu nyua ka murid Iya, ko Iya: Sambut, pakai; (‡) Tu Tuboh Aku, ti dibri ka kita; Gaga tu nyadi pengingat Aku.

    Pia mega, udah sida makai, Iya (§) megai Mangkok, udah Iya mri puji, Iya nyua ka murid Iya. ko Iya; Irup ari tu kita samoa; kra (||) Tu Darah Aku, Darah Penyanggup baru ti pansut ngidupka kita, enggau orang maioh; awak ka penyalah diampun. Gaga tu, genap kali kita ngirup Iya, nyadi pengingat Aku. Amin.
 

    TUBOH ISA Almesih Tuhan kitai, ti dibri ka nuan, ngintu tuboh ngintu samengat nuan, datai ka idup meruan. Sambut, empa tu, enggau ingatka Almesih mati ngidupka nuan; pakai iya dalam ati enggau arap, lalu bri Iya puji.

¶ Dalam Padri mri Mangkok ka orang iya nelah.

    DARAH ISA Almesih Tuhan kitai, ti dipansut Iya ka nuan, ngintu tuboh ngintu samengat nuan, datai ka idup meruan. Irup tu enggau ingatka Darah Almesih ti dipansut Iya ka nuan, lalu bri Iya puji.

    ¶ Enti Roti enggau Ai Anggor ti udah. dikudus udah ambis apin sampal samoa orang makai Sakramen, Padri agi ngudus ka baru, nunda jako ti dulu tadi; ari [Penglepas kami ISA Almesih malam Iya dijual, &c.] awak ka merkatka Roti; ari, [Pia mega udah sida makai, &c.] awak ka merkaika Ai Anggor.

    ¶ Udah samoa orang nyambut Sakramen, Padri pulai ka Meja Tuhan, lalu enggau jimat naroh. datas iya samoa ti tinggal laloh Roti enggau Ai Anggor ti udah dikuduska, lalu map iya enggau kain badas ti burak.

    ¶ Udahnya Padri enggau samoa orang nelah Sambeyang Tuhan ISA.
 

    APAI kami di serga: Kudus me Nama Nuan; Datai me prentah Nuan; Jadi me peneka Nuan, Baka dalam serga, bakanya dalam bumi. Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji; Lepaska kami ari penyai: kra Nuan empu prentah, enggau kuasa, enggau mulia: Datai ka belama lama iya. Amin.

¶ Udahnya tu ditelah.

O TUHAN, Apai kami di serga, kami anembiak Nuan minta Nuan nyambut sambeyang piring, sambeyang puji kami. Kami minta Nuan, olih pemadas olih pemati ISA Almesih Anak Nuan, olih amp ka Darah Iya, bri kami, enggau samoa Eklisia Nuan, bulih pengampun penyalah, enggau samoa berkat ti datai ari pemerinsa Iya. O Tuhan, ditu kami ngenjok diriempu ka Nuan, sampaI tuboh enggau samengat kami, awak ka nyadi piring ti ngena, ti idup, ti tuchi. Kami minta Nuan mri samoa kami ti makai Sakramen tu penoh enggau berkat Nuan ari serga. Amai kami nadai patut, olih penyalah diri, mri barang piring ka Nuan, utang kami minta Nuan nyambut sambeyang tu, ti enda tau enda dikerja kami, anang ngerunding pemadas kami, utang ampun dosa kami: olih ISA Almesih Tuhan kami; olih Iya, enggau Iya, dalam saum Roh Alkudus, samoa puji enggau mulia ka Nuan, O Apai ti pemadu bekuasa, datai ka belama lama iya. Amin.

¶ Tauka tu ditelah.

ALLAH ti pemadu bekuasa, ti endang idup, kami bendar muji Nuan, olih Nuan, dalam Sakramen tu, nupi kami enggau pemakai samengat, iya nya, Tuboh enggau Darah Anak Nuan ISA Almesih Pengelepas kami; dalam tu Nuan udah nentuka pengasih ka pemadas Nuan enggau kami, udah nentuka kami udah bendar masok saum Eklisia ISA Almesih Anak Nuan, iya nya, kaban samoa orang ti arap; agi mega, udah nentuka kami ti arap udah bempu ka pesaka idup meruan, olih kuasa pemati enggau pemerinsa Anak ti ka rindu Nuan. Enggau baroh ati kami minta Nuan, O Apai di serga, saup kami enggau kuasa Nuan; awak ka kami meruan dalam saum kudus nya, lalu ngaga samoa kerja badas ti udah ditaga Nuan ka kami, ngambika kami mansang dalam iya: olih ISA Almesih Tuhan kami; ka Iya, enggau Nuan, enggau Roh Alkudus, samoa puji enggau mulia belama lama iya Amin.

¶ Udahnya tu ditelah, baik dinyanyi.
 

    MULIA ka Allah endor ti tinggi, datas bumi salamat, pengasih ka mensia. Kami muji Nuan, kami nyembah Nuan, kami mri mulia ka Nuan, kami nyanyi puji ka Nuan, olih pemesai mulia Nuan, O Tuhan, Raja di serga, Allah Apai ti pemadu bekuasa.
    O Tuhan ISA Almesih, Anak tunggal Allah Apai, Nuan ti muai penyalah mensia, kasih ka kami. Nuan ti muai penyalah mensia, kasih ka kami. Nuan ti muai penyalah mensia, sambut sambeyang kami. Nuan ti duduk puak kanan Allah Apai, kasih ka kami.
    Nuan siko aja ti kudus; Nuan siko aja ti Tuhan; O Almesih, Nuan siko aja enggau Roh Alkudus, ti pemadu tinggi dalam mulia Allah Apai. Amin.

    ¶ Udahnya Padri, (Bishop enti iya dia,) ngelepaska orang pulai enggau Berkat tu.

    SALAMAT Allah ti ngelui pragam mensia, ngintu ati, ngintu samengat kita, dalam nemu, dalam rindu ka Allah, enggau Anak Iya ISA Almesih Tuhan kitai. Berkat Allah, Apai, Anak, Roh Alkudus, datas kita samoa, meruan enggau kita samoa belama lama iya. Amin.
 

    ¶ Sampi ti diielah. udal, "Offertory" lebah Sakramen. nadai dibla, tiap hari, siti dua; iya tau ditelah mega udah Sampi dalam Sambeyang Pagi, Lemai, Eukarista, Litani, nunda ka penemu Padri.

    SAUP kami O Tuhan, dalam sambeyang tu enggau pinta kami; lalu ator jalai anembiak Nuan nuju salamat meruan: awak ka, dalam samoa ubah samoa ukur dunya tu, kami tau didinding olih penyaup Nuan: olih ISA Almesih Tuhan kami. Amin.

    O TUHAN ti pemadu besai, ti endang idup; kami minta Nuan ngiring, nuchi, lalu mrentah, ati enggau tuboh kami, dalam jalai adat Nuan, dalam kerja pesan Nuan; awak ka, olih dinding Nuan, kami tau diintu dalam tuboh dalam samengat kami: olih ISA Almesih Tuhan kami. Amin.

    O ALLAH ti pemadu bekuasa, asoh samoa jako ti udah didinga kami saritu enggau pending kami, ditanam dalam ati kami; awak ka numbohka buah pendiau badas, ka mulia ka puji Nama Nuan: olih ISA Almesih Tuhan kami. Amin.

    O TUHAN, enggau penelap, uluka kami dalam samoa kerja lalu pansangka kami enggau penyaup Nuan; awak ka, dalam samoa kerja ti bepun, ti pemengkang, ti ngambis ka diri, dalam Nuan, kami mandangka mulia Nuan, lalu, olih pengasih, bulih idup meruan: olih ISA Almesih Tuhan kami. Amin.

    ALLAH ti pemadu bekuasa, pun samoa penemu, ti ngelala samoa utai ti diguna kami bedau kami minta, enggau pengagu kami dalam minta: Peda penglemi kami enggau sinu; lalu bri kami utai nya ti kami nadai brani minta olih penyalah, lalu nadai tan minta olih pemuta kami: olih pemadas Anak Nuan, ISA Almesih Tuhan kami. Amin.

    ALLAH ti pemadu bekuasa, ti udah besemaia ninga ka samoa pinta orang ti nyampi dalam Nama Anak Nuan: Kami minta Nuan nyingit ka pending Nuan song kami, ti udah ngaga sambeyang enggau kumbok kami ngosong Nuan; lalu bri kami utai nya ti udah dipinta kami nunda ka peneka Nuan; awak ka nabat ka guna kami, lalu mandangka puji Nuan: alih ISA Almesih Tuhan kami. Amin.

* * * * * * *

DALAM SAMBEYANG EUKARISTA.

    ¶ Lebah Padri madah ka orang Sambeyang Sakramen ka dibla, maia Hari Minggu, tauka Hari Kudus lain; udah Jako-Ajar ambis, iya macha jako tu:

    MENYADI, Hari . . . , alih saup Allah, aku ka mri Sakramen Tuboh enggau Darah Almesih ka samoa orang ti bisi ati arap, ati nangi, ka Allah; awak ka disambut sida enggau ingatka Regang enggau pemerinsa Iya, ti endor kitai bulih ampun dosa, lalu dibai besaum dalam prentah serga. Nya alai kitai patut, enggau barah ati, mri puji bendar ka Allah, Apai kitai di serga, olih Iya udah mri Anak Iya Penglepas kitai, ISA Almesih, mati ka ngidup ka kitai; lalu nyadi ka pemakai samcngat kitai dalam Sakraman kudus nya. Tu utai besai, utai nyamai mega, ka samoa ti nyambut iya enggau patut; pia mega, iya mai bebadi orang ti meransang ka diri nyambut iya enggau ti nadai patut: lalu aku en da tau enda ngajar kita berunding ka pemesai Sakramen tu: bepragam mega ka pengrugi enggau pengrosak sida ti nyambut iya enggau jai; aku ngajar kita begiga, lalu besagam, dalam ati diri; anang baka orang ti emplita enggau Allah; utang enggau bendar ati; awak ka kita tau datai tuchi ka raya serga tu, dalam kalambi tikah nya, ti diasah Allah dalam Jaka Iya: lalu kita disambut baka orang ti badas makai ari Meja-Kudus nya.
    Baka tu kita ngaduka diri; dulu kita ngabas pejalai enggau pendiau kita ti udah, manding iya enggau ajar, pesan, Allah; lalu barang endor kita udah salah dalam peneka, dalam jaka, dalam kerja, padah ka penyai diri, lalu ngaku dosa kita di moa Allah, enggau ati ti ka bendar ngeluruska olah diri. Agi mega, enti kita nyan nemu penyalah kita, ukai ngelaban Allah aja, utang ngelaban mensia mega; patut kita ngiga bebaik enggau orang, ikas penau kita; lalu mulaika barang utai ti udah salah diambi; lalu patut kita ngampun orang ti udah salah enggau kita, baka kita minta ampun so Allah ka penyalah kita. Enti enda pia, Sakramen ti disambut kita sigi nambah ukum kita.
    Kra nya, enti bisi kita ti bejako busang ngelaban Allah; ti ngelaban, ti bejai Jako Iya; ti butang; ti diau dalam pedis ati; ti kapapas; ti diau dalam barang penyalah lain ti besai; anang guai ngagai Meja Tuhan; berubah ati kita, enggai ka, udah Sakramen disambut, seitan masak kadalam kita, lalu ngisi kita enggau penyai; lalu ngerosak kita dalam tuboh dalam samengat kita.
    Agi mega; enda patut orang makai Sakramen, enti enda enggau ati ti bepanggai di pengasih Allah, enggau ati lantang, ati nyamai; nyadi enti kita kadiri nadai tau ngulihka ati lantang, utang agi beguna ka ajar enggau penyaup; datai kita ngosong aku, tauka Padri lain, ti nemu ti jimat; padah ka penusah kita; awak ka alih saup jaka Allah, kita tau bulih berkat Pengampun, enggau barang ajar lain ti tau ngendiau ka ati kita.

    Enti Padri meda orang enda iboh ka Sakramen, lalu jarang nyambut iya; iya ka macha ajar tu nganti nya tadi.

    MENYADI, Hari . . . , olih saup Allah, aku ka mla Sakramen Tuboh enggau Darah Tuhan ISA; lalu, dalam Nama Allah, aku mai kita samoa, aku ngumbok kita, tegal Nama Tuhan ISA, anang kita enggai datai leboh kita dikumbai Allah lyampu dalam pengrindu Iya. Kita nemu baka penusah enggau pengirau bisi, lebah orang udah ngemaska gawei, udah ngadu ka meja iya enggau samoa macham pemakai, datai ka nadai utai dianti agi, enti enda pengabang duduk dia; lalu sida ti diambi ngabang, enggau nadai kabuah, enggai datai, Sapa kita en da tusah laban nya? Sapa kita enda ngumbai diri kena keduau laban nya? Kra nya, menyadi ti karindu aku dalam Almesih, jaga kita, enggaika, dalam kita ngelengka ka Sakramen, kita mai ukum Allah ninggang kita. Mudah orang bejako: Aku nadai makai Sakramen, olih aku rindang laban pengawa maioh. Utang tanggoh baka nya nadai mudah disambut, disagi, di moa Allah. Enti orang bejako: Aku udah salah, aku takut makai. Lapa utang nuan en da berubah ati, lalu nyeluri olah diri? Lebah Allah ngumbai kita, kati ko kita enda malu madah ka diri enggai datai? Lebah kita patut pulai ngagai Allah, tan kita betanggoh ka, madah ka nadai sikap? Bepragam bendar kita enggau diriempu; tanggoh baka nya nadai guna di moa Allah. Orang ti enggai ngagai raya dalam Injil laban sida udah mli umai, laban sida udah ka ngabas chapi; laban sida udah bebini; nadai didinga; utang sida diitong nadai badas nyambut raya serga nya. Aku tu ka bekemas di tu; lalu, nunda ka kerja aku, aku mai kita, aku ngumbok kita, enti kita rindu ka salamat diri, datai kita makai Sakramen tu. Baka Anak Allah mri samengat datas regang, awak ka ngidupka kita, pia patut nyambut Sakramen tu ka pengingat piring pemah Iya, baka Iyampu ngasoh; lalu enti kita enggai, bepragam enggau diriempu, kita ngaga jai enggau Allah; lalu ukum besai ninggang kita laban nya; olih kita sigi mlakang ka Meja Tuhan, kita nyerara ka diri ari menyadi kita ti datai ka nupi diri enggau pemakai nya ti ari serga. Enti kita bendar bepragam ka tu, kita bulih runding ti kena agi; lalu aku enda ngetu minta ari Allah Apai ti pemadu kuasa, ngambika bulih berkat enggau penembu tu.

    Leboh Sambeyang Sakramen, udah samoa orang diator ka nyambut iya, Padri macha ajar tu.

    MENYADI, kita ti datai makai Sakramen Tuboh enggau Darah Almesih Penglepas kitai; hadas kita ingat ka jaka S. Paulos, ti ngajar samoa orang, ugasoh sida nguji ngabas diriempu dulu, bedau sida makai Roti tu, ngirup ari Mangkok tu. Besai guna iya, enti kitai makai Sakramen tu enggau ati ngesal ka dosa, ati arap bendar; (kitai makai Isi Tuhan ISA, kitai ngirup Darah Iya; kitai diau dalam Iya, Iya dian dalam kitai; kitai saum enggau Iya, Iya saum enggau kitai}; pia mega, kitai tau bebadi, ent kitai makai iya enggau ati jai: kitai salah atas Tuboh, salah atas darah Tuhan ISA: kitai makai, kitai ngirup mai ukum datas dirimpu, laban kitai nadai ngelala Tuboh Tuhan; kitai ngasoh Allah nganu kitai, kitai ngumbok Iya medis ka kitai enggau penyakit, enggau macham pemati. Kra, menyadi, badas kita ngabas ati diri, anang kita diabas lalu diukum, olih Tuhan: jera ati kita ka dosa ti udah; arap bendar ka Almesih penglepas kitai; seluri olah kita; bebaik enggau samoa orang; bakanya, kita makai Sakramen kudus tu enggau badas. Lebih ari samoa, patut kita mri puji, enggau ambis ati, ka Allah, Apai, Anak, Roh Alkudus, meda Iya udah nebus mensia olih pemati enggau pemerinsa Almesih Penglepas kitai: Iya Allah, Iya mensia mega, ti ngemarohka Diri datai ka Iya mati datas regang, ngidupka kitai orang jai, ti diau dalam petang dampih mati; awak ka ngaga kitai nyadi anak Allah, lalu ngangkatka kitai ngagai idup meruan. Ngambi ka kitai ingat ka pemesai pengrindu Tuhan kitai, ti mati ngidupka kitai bakanya; ingat mega ka guna darah ti dipansut Iya ka kitai; Iya udah ngeletak Sakramen tu nyadi kiai pengrindu Iya, nyadi pengingat ka pemati Iya; awak ka kitai bulih penyamai ti besai ti meruan. Kra, badas kitai berari mri puji ka Iya, enggau Apai, enggau Roh Alkudus, baka ti patut; kitai nitih ka peneka Iya, lalu ngiga jalai betuai ka Iya enggau olah ti tuchi ti lurus, salama kitai idup. Amin.