ATOR
SAMBEYANG LEMAI,
TIAP HARI SAPEMANJAI TAUN.

    ¶ Ka pun Sanibeyang Pagi, Padri macha barang siti dua genteran tu ari Surat Kudus. Udahnya, iya nelah jako-ajar ti nampong genteran.

    LEBOH orang ti salah ngelengkaka penyalah ti udah di-gaga iya, lalu ngaga ti ngena, ti lurus, iya ngidupka samengat iya.   Ezek. xviii. 27.
    Aku ngaku penyalah aku, dosa aku di moa aku berari.   Maz. li. 3.
    Kalihka moa Nuan, anang meda dosa aku; kendas samoa penyalah aku.   Maz. li. 9.
    Piring Allah, nya ati ti runtoh; ati ti runtoh, ati ti ngesal enda dipechat Nuan, O Allah.   Maz. li. 17.
    Charik ka ati kita, anang nyarik ka kalambi kita; pulai kita ngosong Tuhan, Allah kita; olih Iya kasih, Iya sinu amai, Iya lobah nganu orang, pemadu penelap Iya.   Joel ii. 13.
    Tuhan, Allah kitai bisi pengasih enggau pengampun, udah pen kitai ngelaban Iya, udah pen kitai enda ngasi ka nyawa Tuhan Allah kitai, ti ngasoh kitai bejalai nunda ka pesan ti dibri Iya ka kitai.   Dan. ix. 9, 10.
    O Tuhan, pejeraka aku, amai enggau kena: anang enggau anu, enggaika Nuan ngambis ka aku.   Jer. x. 24. Maz. vi. 1.
    Perubahka ati kita, olih prentah serga nyau dampih.   S. Mat. iii. 2.
    Aku ka angkat, ka ngagai Apai aku, lalu aku ka madah ka iya: Apai, aku udah salah ngelaban serga, udah salah di moa Nuan, aku nadai agi badas dikumbai anak Nuan.   S. Lukas xv. 18, 19.
    Anang mai anembiak Nuan bechara, O Tuhan; di moa Nuan nadai siko mensia ka di kumbai lurus.   Maz. cxliii. 2.
    Enti kitai madah kadiri nadai penyalah, kitai ngakal diri, nadai pengamai dalam ati kitai. Utang enti kitai ngaku penyalah kitai, Allah endang tau dikarap, endang lurus ka ngampun penyalah kitai, lalu nuchi kitai ari samoa penyai.   1 S. Joan i. 8,9.

    MENYADI aku, Surat Kudus suah ngajar kitai ngaku samoa penyalah kitai, penyai kitai; anang kitai ngamun iya, anang belalai ka iya di moa Allah Apai kitai di serga; amai ngaku iya enggau ati ti baroh, ti ngesal, ti nangi, ti nunduk; awak ka kitai bulih pengampun, olih pemadas enggau pengasih Iya ti nadai bepemadu. Patut kitai berari ngaku penyalah kitai di moa Allah; amai lebih agi patut, leboh kitai begempuru sama samoa dalam greja, awak ka muji Iya, olih utai badas ti disambut kitai ari jari Iya, ka ngemesaika Nama Iya, ka ninga ka jako Iya, ka minta utai ti ka guna tuboh, enggau utai ti ka guna samengat kitai. Kra, aku ngumbok samoa kita ti ditu, sama enggau aku ngadap Allah Taala, enggau ati tuchi, enggau nyawa begadai, nitih ka aku;

    ¶ Sampi ti Ngaku Penyalah, ti disebut samoa orang nunda udi Padri, samoa besugang.
 

    APAI ti pemadu bekuasa, ti pemadu kasih: Kami udah tesat, udah limpang ari jalai Nuan. Kami udah nitih ka peneka ati diri. Kami udah ngelaban pesan Nuan. Kerja badas nadai digaga kami; Kerja jai udah digaga kami; Lalu nadai bisi pengrai dalam ati kami. Tuhan, kasih ka kami orang bedosa. O Allah, sayauka orang ti ngaku penyalah sida. Orang ti ngesal ati bai pulai ngagai jalai ti lurus; Nunda ka semaia Nuan ditusi ka mensia dalam ISA Almesih Tuhan kami. Apai ti kasih, kami minta olih Nama Tuhan ISA; Saup kami dudi hari betuai ka Nuan, Lalu diau badas diau lurus; Awak ka ngemesaika Nama Nuan. Amin.

    ¶ Ampun Penyalah, disebut Padri aja li bediri; orang meruan besugang.

    ALLAH, Apai Isa Almesih Tuhan kitai, enggai meda mensia mati dalam penyalah, amai Iya rindu meda orang muai olah jai, lalu idup; Iya udah mri kuasa enggau pesan ka padri ti penyuroh Iya, awak ka madah ka pengampun penyalah ka samoa anembiak Iya ti ngesal ati. Iya ngampun, Iya ngelepaska samoa orang ti berubah ati, ti enggau pengambis ati arap ka Injil. Kra, badas kitai minta bri Iya ati ngesal, minta bri Roh Alkudus; awak ka Iya rindu ka utai ti digaga kitai kamaiatu; awak ka olah kitai lurus enggau tuchi salama kitai idup; lalu kitai masok ka pengandal Iya, ti nadai bepemadu; olih ISA Almesih Tuhan kitai. Amin.

    ¶ Udahnya Padri besugang, lalu enggau nyawa trus nelah Sambeyang Tuhan ISA, orang mega besugang, lalu nelah iya serta enggau iya.
 

    APAI kami di serga: Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi: Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji; Lepaska kami ari penyai: kra Nuan empu prentah, enggau kuasa, enggau mulia; Datai ka belama lama iya. Amin.

¶ Udahnya Padri nelah.

O Tuhan, buka mulut kami.
Saut. Lalu nyawa kami ka mandangka puji Nuan.
Padri. O Allah, pantas ngelepaska kami.
Saut. O Tuhan, tangkas saup kami.

¶ Ditu samoa bediri, lalu Padri nelah.

    Mulia ka Apai, ka Anak : ka Roh Alkudus.
    Saut. Baka mula iya kalia, kamaiatu : datai ka belama lama iya. Amin.
    Padri. Puji Tuhan alih kita.
    Saut. Nama Tuhan ti dipuji.

    ¶ Udahnya Mazmur ditelah, tauka dinyanyi, nunda ka baka iya udah diator. Udah nya dibacha ari Surat Penyanggup Lama, Bacha siti, baka ti diletak. Ambis nya, tu ti benama Magnificat, iya nya, Pantun Maria Dara tuchi, ditelah.

MAGNIFICAT. S. Lukas i.

    1. SAMENGAT aku ngemesaika Tuhan : ati aku andal dalam Allah Penglepas aku.
    2. Kra Iya udah nilik : pemarah aku anembiak Iya.
    3. Peda ka nyau ari kamaiatu : samoa serak orang ka ngumbai aku beberkat.
    4. Kra Iya ti bekuasa udah ngaga ka aku utai ti besai : Nama Iya kudus.
    5. Pengasih Iya meruan ka serak menurun samoa : datas orang ti takut ka Iya.
    6. Iya udah mandangka kuasa enggau jari Iya : Iya udah mambarka orang sumbong dalam jangka ati sida.
    7. Iya udah nurunka orang ti kring ari krusi iya : Iya udah ninggika orang ti baroh.
    8. Orang lapar dikenyang ka Iya enggau utai ti badas : orang raja diasoh Iya pulai puang.
    9. Iya udah nyaup Israel anembiak Iya, awak ka ingatka pengasih Iya : munyi jako Iya enggau aki kitai, enggau Ibrahim, enggau anak uchu iya, datai ka belama iya.
    Mulia ka Apai, ka Anak : ka Roh Alkudus.
    Baka mula iya kalia, kamaiatu : datai ka belama lama iya. Amin.

    ¶ Amaiu Mazmur tu ti benama Cantate Domino tau ditelah nganti ti dulu tadi; enti enda sambilanblas hari bulan leboh iya ditelah dalam macha Mazmur.
 

CANTATE DOMINO. Mazmur xcviii.

    1. NYANYI ka Tuhan pantun ti baru : olih Iya udah ngaga kerja nyelai.
    2. Jari kanan Iya, lengan kudus Iya : udah ngaga salamat ka Iya.
    3. Tuhan udah begarika salamat Iya : Iya udah mri penglurus Iya tampak di moa samoa bansa mensia.
    4. Iya udah ingatka pengasih Iya, ka pemendar Iya, enggau orang Israel : samoa punggang bumi udah meda salamat Allah kitai.
    5. Angkatka nyawa kita ka Tuhan samoa menoa : kangau, nyanyi, bri puji.
    6. Nyanyi puji ka Tuhan enggau engkratong : enggau engkratong enggau nyawa belagu.
    7. Enggau suling enggau enserunai : angkatka nyawa di moa Tuhan ti Raja.
    8. Awak ka tasik brauh enggau samoa isi iya : dunya enggau samoa orang ti diau dalam iya.
    9. Awak ka samoa batang ai betempap jari : bukit mega serta nyanyi enggau andal,
    10. Di moa Tuhan : olih Iya datai bechara ka bumi.
    11. Iya ka bechara ka dunya enggau lurus : ka samoa bansa orang enggau bendar.
    Mulia ka Apai, ka Anak : ka Roh Alkudus.
    Baka mula iya kalia, kamaiatu : datai ka belama lama iya. Amin.

    ¶ Udahnya Bacha siti ari Surat Penyanggup Baru dibacha. Ambis nya, tu ti benama Nunc Dimittis, (iya nya Pantun Simeon) ditelah.

NUNC DIMITTIS. S. Lukas ii. 29.

    1. O TUHAN, kamaiatu Nuan ngelepaska anembiak Nuan pulai enggau salamat : nunda ka jako Nuan.
    2. Kra mata aku udah meda : penglepas Nuan.
    3. Ti udah ditaga Nuan : di moa samoa mensia.
    4. Iya trang, awak ka nerangka samoa bansa orang : mulia Israel anembiak Nuan.
    Mulia ka Apai, ka Anak : ka Roh Alkudus.
    Baka mula iya kalia, kamaiatu : datai ka belama lama iya. Amin.

    ¶ Amai Mazmu» tu ti benama Deus Misereatur, tau ditelah nganti li dulu tadi; enli enda leboh hari bulan ka duablas.

DEUS MISEREATUR. Mazmur lxvii.

    1. ALLAH kasihka kitai, bri berkat ka kitai : pandangka penampak moa Iya song kitai.
    2. Awak ka jalai Nuan ditemu dalam dunya : salamat Nuan olih samoa bansa orang.
    3. Awak ka samoa bansa orang muji Nuan, O Allah : awak ka samoa bansa orang sampal muji Nuan.
    4. Awak ka samoa bansa orang andal ati lalu nyanyi : olih Nuan ka beletakka mensia enggau lurus, Nuan ka mrentah samoa bansa orang ti di bumi.
    5. Awak ka samoa bansa orang muji Nuan, O Allah : awak ka samoa bansa orang sampal muji Nuan.
    6. Tanah ka numbohka buah iya : Allah, Allah kitai, ka mri kitai berkat.
    7. Allah ka mri kitai berkat: lalu samoa punggang bumi ka takut ka Iya.
    Mulia ka Apai, ka Anak : ka Roh Alkudus.
    Baka mula iya kalia, kamaiatu : datai ka belama lama iya. Amin.

    ¶ Udah nya Aku arap dinyanyi, tauka disebut, olih Padri enggau samoa orang ti bediri; enti enda hari leboh Quicunque Vult disebut.
 

    AKU ARAP ka Allah, Apai ti pemadu bekuasa, Pengaga langit enggau bumi.
    Aku arap ka ISA Almesih Anak tunggal Iya Tuhan kitai, Iya dikandong olih kuasa Roh Alkudus, Diada ka Maria darah tuchi, Iya merinsa maia Pontius Pilatus, Iya diregang, lalu mati, lalu ditumbak, Iya nurun ka sabayan: Ka tiga hari Iya pulai idup baru, Iya niki ka serga, Iya duduk puak kanan Allah, Apai ti pemadu bekuasa; Ari nyin Iya ka datai baru ka nembuka pechara mensia, orang ti idup, enggau orang ti mati.
    Aku arap ka Roh Alkudus; Ka Eklisia Katolika ti tuchi; Ka Saum orang tuchi; Ka Pengampun penyalah; Ka Pengangkat tuboh orang ari mati; Ka Idup meruan. Amin.

    ¶ Udahnya Sambeyang tu ti dudi, samoa orang besugang: ulang dulu Padri nelah enggau nyawa trus,

Tuhan enggau kita.
Saut. Lalu enggau ati nuan.
Padri. Besampi kitai.
Tuhan, kasih ka kami.
    Almesih, kasih ka kami.
Tuhan, kasih ka kami.

    ¶ Ditu Padri, orang penyanyi enggau orang samoa nelah Sambeyang Tuhan ISA enggau nyawa inggar.
 

    APAI kami di serga: Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi: Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji: Lepaska kami ari penyai. Amin.

¶ Padri bediri lalu nelah.

O Tuhan, enjok ka kami pengasih Nuan.
Saut. Bri kami salamat Nuan.
Padri. O Tuhan, intu Raja kami.
Saut. Enggau kasih, dinga kami leboh kami nyampi ngadap Nuan.
Padri. Samoa Padri Nuan serayong enggau penglurus.
Saut. Bri ati andal ka samoa orang ti dipilih Nuan.
Padri. O Tuhan, intu anembiak Nuan.
Saut. Bri berkat ka pesaka Nuan.
Padri. O Tuhan, asoh menoa baik salama kami idup.
Saut. Olih kami nadai penyaup, enti enda Nuan aja, O Allah.
Padri. O Allah, gaga ati kami tuchi.
Saut. Anang ngambi Roh Alkudus Nuan ari kami.

    ¶ Udahnya ditelah Sampi tiga: siti, ti diletak ka hari nya: ka dua, ti minta Penyamai: ka tiga, ti minta Dinding ari Pengrosak. Dua tu ti dudi nadai kala diganti, iya ditelah tiap hari dalam Sambeyang Lemai.
 

SAMPI TI KA DUA DALAM SAMBEYANG LEMAI.

O ALLAH, ari Nuan datai samoa peneka tuchi, samoa pragam badas, samoa kerja ti lurus; Bri kami penyamai nya ti enda tau ulih ari dunya tu: awak ka ati kami tetap nitih ka pesan Nuan; awak ka kami ti didinding Nuan ari munsoh, tau idup enggau nyamai enggau salamat: olih ISA Almesih Penglepas kami. Amin.
 

SAMPI TI KA TIGA, MINTA DINDING ARI PENGROSAK.

    KAMI minta Tuhan nerang ka petang kami: lalu olih pemesai pengasih Nuan dinding kami ari samoa penusah malam tu lagi; olih pengrindu Anak tunggal Nuan, ISA Almesih, Penglepas kami. Amin.

    ¶ Dalam greja endor orang nyanyi, ditu Pantun dinyanyi.

    ¶ Udahnya Sampi lima tu dibacha, enti enda leboh Litani ditelah; leboh nya, mina dua ti dudi dibacha baka diator dalam Litani.
 

SAMPI KA TUAN RAJA.

    O TUHAN, Apai kami di serga, ti, pemadu tinggi, ti pemadu bekuasa, ti Raja ari atas samoa raja, Tuhan ari atas samoa tuan; Kami minta Tuhan enggau kasih peda Tuan Raja kami; bri iya penoh enggau Roh Alkudus, awak ka iya ngiga ti ka deka Nuan, lalu mansang dalam jalai Nuan. Bri iya maioh penau badas. Asoh iya gayu, saup iya ngalahka samoa munsoh iya, bri iya penyamai meruan: olih ISA Almesih Tuhan kami. Amin.
 

SAMPI KA TUAN RANI ENGGAU ANAK TUAN RAJA.

    ALLAH ti bekuasa, ti pun samoa pemadas, kami minta Tuhan mri berkat ka Tuan Rani enggau Raja Muda, enggau Rani Muda, enggau samoa anak Tuan Raja; bri sida Roh Alkudus Nuan: enjok ka sida pengasih Nuan ari serga; ngerajaka sida enggau berkat serga; bai sida datai ka prentah Nuan ti nadai bepemadu: olih ISA Almesih Tuhan kami. Amin.
 

SAMPI KA PADRI ENGGAU ORANG KRISTIAN SAMOA.

    ALLAH ti bekuasa ti meruan, Nuan aja ti tau ngaga kerja ti besai; Bri Roh Alkudus Nuan nurun datas samoa Bishop, datas samoa Padri, datas samoa orang ti dalam ibun sida; Bri sida berkat Nuan berari; awak ka sida llgaga samoa ti ka deka Nuan; Bri tu, O Tuhan, olih Nama ISA Almesih Seruan kami. Amin.
 

SAMPI S. KRUSOSTOM.

    ALLAH ti pemadu bekuasa, Nuan udah mai kami besambeyang sama serta enggau sa ati ngosong Nuan; Nuan mega udah besemaia, enti bisi dua tiga orang begempuru dalam Nama Nuan, Nuan ka mri utai ti dipinta sida: Bri, Tuhan, kamaiatu, utai ti ka deka, ti digiga kami, nunda ka guna kami: dalam menoa tu asoh kami nemu samoa ajar Nuan, dalam menoa ti ka datai bri kami idup meruan. Amin.

2 Cor. xiii.

    Pengasih ISA Almesih Tuhan kitai, pengrindu Allah, saum Roh Alkudus, meruan enggau kitai samoa belama lama iya. Amin.

Tu pengambis Sambeyang Lemai sapemanjai taun.
 

LITANI.

    ¶ Tu Sambeyang ti ditelah Litani, iya nya, Sambeyang Pinta: iya dipenyanyi, tauka dibacha udah Sambeyang Pagi, Hari Minggo, Hari Reba, Hari Jemat, Hari lain mega nunda ti diator olih Bishop.

    ¶ Ditu Padri enygau samoa orang nelah Sambeyang Tuhan ISA.
 

    Apai kami di serga: Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi. Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji: Lepaska kami ari penyai. Amin.
    Padri. O Tuhan, anang ngaga enggau kami nunda ka dosa kami.
    Saut. Anang malas nunda ka penyai kami.

Besampi kuai.

    O Allah, Apai ti kasih; Nuan nadai mejah ati orang ti ngesal ka penyalah, nadai mechat pinta orang ti tusah; Enggau kasih saup sambeyang kami di moa Nuan, dalam samoa penusah enggau pemerinsa ti nuntong kami; lalu dinga ka kami, awak ka samoa penyai ti datai ngelaban kami olih akal mensia, olih akal seitan tau alah, lalu pambar olih ibun Nuan; anang kami, anembiak Nuan, dirosak olih keduan orang, amai mri puji ka Nuan berari dalam Eklisia Nuan; olih ISA Almesih Tuhan kami.
    O Tuhan, angkat, saup kami, lepaska kami, tegal Nama Nuan.
    O Allah, kami udah ninga enggau pending kami; lalu aki ini kami udah nusi kerja besai ti digaga Nuan, dalam maia sida kalia, enggau maia dulu ari sida.
    O Tuhun, angkat, saup kami, lepaska kami, tegal mulia Nuau.
    Mulia ka Apai, ka Anak: ka Roh Alkudus.
    Saut. Baka mula iya kalia, kamaiatu: datai ka belama lama iya. Amin.
    Dinding kami ari munsoh kami, O Almesih.
        Enggau kasih peda pemerinsa kami.
    Enggau sinu peda penusah ati kami.
        Enggau kasih ampun dosa anembiak Nuan.
    Enggau kasih dinga sambeyang kami.
        O Anak Daud, kasih ka kami.
    Kamaiatu lalu belama dinga kami, O Almesih.
    Enggau kasih dinga kami, O Almesih: enggau kasih dinga kami, O Tuhan Almesih.
    Padri. O Tuhan, enjokka kami pengasih Nuan;
    Saut. Baka kami udah arap ka Nuan.

Besampi kitai.

    Kami minta Nuan, O Apai, enggau kasih peda penglemi kami; olih mulia Nama Nuan, buai ari kami samoa pemerinsa ti patut ditanggong kami; dalam samoa penusah saup kami arap bendar bepanggai di Nuan, lalu betuai ka Nuan berari, enggau ati enggan pendiau ti tuchi; olih Penebus, olih Seruan kami, ISA Almesih Tuhan kami. Amin.
 

SAMBEYANG S. KRUSOSTOM.

    Allah ti pemadu bekuasa, Nuan udah mai kami besambeyang sama serta enggau sa ati ngosong Nuan; Nuan mega udah besemaia, enti bisi dua tiga orang begempuru dalam Nama Nuan, Nuan ka mri utai ti dipinta sida: Bri, Tuhan, kamaiatu, utai ti ka deka, ti digiga kami, nunda ka guna kami: dalam menoa tu asoh kami nemu samoa ajar Nuan, dalam menoa ti ka datai bri kami idup meruan. Amin.

2 Cor. xiii.

    Pengasih ISA Almesih Tuhan kitai, pengrindu Allah, saum Roh Alkudus, meruan enggau kitai samoa belama lama iya. Amin.

Tu pengambis Litani.
 

LAIN SAMPI PINTA ENGGAU
SAMPI PUJI.

    ¶ Sampi tu tau dibacha dulu ari dua ti dudi dalam Litani, dalam Sambeyang Pagi, Sambeyang Lemai ga.

SAMPI PINTA.
 

Sampi minta Ujan.

    O ALLAH, Apai kami di serga, olih Anak Nuan ISA Almesih, Nuan udah besemaia ka mri utai ti ngidup ka tuboh ka samoa orang ti ngiga prentah Nuan, enggau penglurus, iya; Kami minta Nuan meda pemerinsa kami; bri kami ujan pengumbas iya; awak ka kami bulih buah tanah, ka penyamai kami, ka mulia Nuan: olih ISA Almesih Tuhan kami. Amin.
 

Sampi minta Hari Baik.

    O TUHAN, Allah ti pemadu bekuasa, dulu kalia, tegal penyalah orang, Nuan ngelemaska samoa mensia enggau ampoh bah, mina delapan iko aja ti idup; lalu Nuan besemaia nadai ngerosak mensia baka nya agi: Kami ngaku, enggau ati nunduk, patut kami dirosak olih ujan balat, tegal penyalah kami; utang kami ngesal ati bendar; kami minta Nuan mri kami hari baik, awak ka kami bulih buah tanah dalam musim iya ka pemakai kami; lalu ukum Nuan tau ngajar kami ngubahka olah diri, pemadas Nuan mega tau ngrakka kami mri puji enggau mulia ka Nuan; olih ISA Almesih Tuhan kami. Amin.
 

Sampi maia Lapar Pungkang,

    O ALLAH, Apai di serga,olih bri Nuan ujan laboh, tanah numbohka buah iya, jelu nambah menambah, ikan nyadi maioh; Kami minta Nuan meda penusah anembiak Nuan; olih pemadas Nuan ngemaduka lapar pungkang tu ti ngerosak kami, lalu mri kami umbas dipakai; olih ISA Almesih Tuhan kami; ka Iya, enggau Nuan, enggau Roh Alkudus samoa puji enggau mulia, datai ka belama lama iya. Amin.
 

Sampi leboh menoa Kudi olih Munsoh.

    O ALLAH, Raja ari atas samoa raja, Nuan ti mrentah samoa utai, nadai siko ti tau ngelaban kuasa Nuan; Nuan ti ngukum orang salah, nunda ka penglurus; Nuan mega ti kasih ka orang ti bendar jera ka jai; Kami minta Nuan nyaup kami, ngelepas ka kami ari jari munsoh kami; ngemarohka penyumbong sida; ngemaduka anu sida; ngalahka akal sida; ngambika kami, ti dilindong olih dinding Nuan, tau dilepas ari samoa pemerinsa, lalu muji Nuan ti mai kami menang; olih pemadas Anak tunggal Nuan ISA Almesih, Tuhan kami. Amin.
 

Sampi leboh Mansa, leboh Penyakit Besei.

O ALLAH, ti pemadu kuasa, dalam anu, Nuan ngasoh anembiak Nuan kalia kena penyakit besai, tegal sida ngelaban Musa enggau Aron; agi mega, maia Raja Daud, Nuan ngasoh mati beribu mensia; utang dalam pengasih Nuan ngidupka sida ti lain: Kami minta Nuan, sinuka kami ti bedosa, ti kamaiatu kena penyakit, kena mati; lalu baka Nuan nyambut Sambeyang Piring, lalu ngasoh Maleikat Pengrosak badu ngerosak; pia mega ngemaduka penyakit tu, lalu lepaska kami ari pemerinsa enggau penusah; olih ISA Almesih Tuhan kami. Amin.
 

    ¶ Sampi Hari Ember, iya nya, hari orang dipasok nyadi Padri, nyadi Dikon.

    ALLAH ti pemadu bekuasa, Apai kami di serga, Nuan udah bulih ka diriempu Eklisia seblah samoa menoa, olih darah Anak ti karindu Nuan; Peda iya enggau kasih: lalu maia tu, iring, ajar ati samoa Bishop ti Pengibun kaban anembiak Nuan, awak ka sida en da begaut ngengkahka jari datas sabarang orang, amai enggau jimat, enggau bendar milih orang ti patut megai pengawa dalam Eklisia kudus Nuan. Bri mega berkat enggau penyaup Nuan ka samoa orang ti diasoh megai kerja Nuan, awak ka maia dalam olah, maia dalam ajar, sida tau ngemesai ka Nama Nuan, lalu ngemansangka salamat samoa mensia: olih ISA Almesih Tuhan kami. Amin.

Tauka tu dibacha.

    O ALLAH ti pemadu bekuasa, ti mri samoa utai badas; Nuan udah ngator pengasoh Nuan berangkat rangkat dalam Eklisia Nuan; kami minta Nuan mri berkat Nuan ka samoa orang ti dikumbai nyadi Padri nyadi Dikon; isi penoh ati sida enggau pemendar ajar Nuan; saup sida diau enggau olah tuchi; awak ka sida bekerja bendar di moa Nuan, lalu ngemesaika Nama Nuan, lalu ngemansangka Eklisia Nuan; olih ISA Almesih Tuhan kami. Amin.
 

¶ Sampi ti tau dibacha dudi ari barang nya ti dulu.

O ALLAH, ati Nuan endang kasih endang ngampun, dinga ka pinta kami: saja kami kena sangkut, kena tanchang olih penyalah diri; kami minta Nuan ngelepaska kami, olih penyinu ati Nuan; awak ka ngemesaika Nama ISA Almesih, Penyaup enggau Seruan kami. Amin.

Sampi ka Orang Tesat.

    ALLAH ti pemadu kasih, Nuan udah ngaga samoa mensia, Nuan enggai meda orang mati dalam penyalah, amai Nuan andal meda orang berubah ati lalu idup: kasih ka samoa orang ti bedau nemu Nuan; iarka petang sida; buka ati sida; ngambika ngasi ka jako Nuan; bai sida pulai ngagai Nuan; awak ka sida nyadi anembiak Nuan, lalu bulih idup meruan: olih ISA Almesih Tuhan kami. Amin.
 

    ¶ Sampi ka samoa mensia, ti dibacha leboh Litani enda diletak dibacha.

    O ALLAH, Pengaga, Pengintu samoa mensia, kami minta Nuan kasih ka samoa bansa, samoa macham mensia; asoh jalai Nuan ditemu olih sida, salamat Nuan olih samoa bansa orang. Lebih ari samoa, kami minta Nuan, intu Eklisia Katolika; awak ka iya diiring, diprentah mega olih Roh Alkudus Nuan, datai ka samoa orang ti ngaku diri Kristian dibai ka dalam jalai bendar, lalu megai pengarap enggau ati saum, ati baik, enggau olah lurus. Kami minta pemadas Nuan, O Apai, ka samoa orang ti merinsa ti tusah, tauka dalam ati, tauka dalam tuboh, tauka dalam utai sida; [* lebih agi kasih ka orang ti ngasoh kami minta pengasih ka iya] saup sida: asoh sida nyamai nunda ka guna sida; saup sida ngenatka pemedis; lepas ka sida ari samoa penusah sida; Tu kami minta, olih Nama, ISA Almesih. Amin.
 

SAMPI MINTA PENDIAU BAIK DALAM EKLISIA.

    O ALLAH, ti Apai Tuhan kami ISA Almesih, ti Pun samoa Salamat: Saup kami bepragam bendar ka penusah enggau pengrugi ti tumboh leboh orang kristian beripih ngelaban diri sama diri: Buai ari kami ati pedis, ati beguai nyangka jai, enggau samoa utai ti ngasoh en da besaum badas: awak ka samoa orang kristian nyadi saum ati, saum samengat, begulai dalam pengarap siti, dalam ngiga salamat, dalam ngibun pengrindu ati: nunda ka Eklisia ti satu, ka Roh siko, ka pengarap siti dalam ISA, ka pembaptisa satu, baka Nuan endang satu Allah Apai ti bempu ka kami samoa: ngambika kami, enggau saum ati saum samengat, enggau mulut siti, ngemesaika Nuan belama lama: olih ISA Almesih Tuhan kami. Amin.

SAMPI ORANG BELAYAR.

O TUHAN Allah ti endang meruan, ti nganchau langit, ti mrentah glombang tasik, ti megai ai enggau tanah salama hari enggau malam bisi: Kami minta Kuan, sambut kami ti belayar dalam dinding Nuan. Intu kami dalam pemansang enggau pemulai kami: anang kami bebadi olih biobalai olih ai; asoh samoa pejalai kami kena enggau nyamai, lalu bri kami diau lantang di menoa; awak ka kami bulih berkat dalam pelayar, enggau buah kerja kami di darat; lalu meruan betuai ka Nuan enggau ati andal, enggau ati puji mega ka samoa pengasih Nuan enggau kami: olih ISA Almesih Tuhan kami. Amin.
 

SAMPI PUJI.

¶ Sampi Puji atas samoa pemadas Allah.

    ALLAH ti pemadu bekuasa, Apai samoa pengasih, kami anembiak Nuan, kami ti nadai badas, mri puji enggau pengambis ati, olih samoa pemadas enggau penelap Nuan enggau kami, enggau samoa mensia; [* lebih agi enggau orang nya ti ka ngenjok puji iya kamaiatu, olih pengasih Nuan enggau iya baru dia iya]. Kami muji Nuan, olih kami udah digaga, udah diintu Nuan; olih samoa berkat ti udah disambut kami dalam dunya tu: lebih ari samoa, kami muji Nuan, olih pengrindu besai nya dalam Nuan nebus dunya olih Tuhan kami ISA Almesih; olih Nuan udah mri jalai bulih penyaup enggau berkat: olih Nuan udah muka serga ka kami. Kami minta Nuan bri kami ati ti bepragam ka pengasih Nuan, awak ka kami ngenjok puji ka Nuan, ukai enggau mulut aja, amai enggau olah kami; lalu betuai ka Nuan enggau kerja ti tuchi ti lurus salama kami idup: olih ISA Almesih Tuhan kami: ka Iya enggau Nuan enggau Roh Alkudus, samoa puji enggau mulia, datai ka belama lama iya. Amin.
 

Thanksgivings

General Thanksgiving

 
* Tu disebut leboh barang sida ti uduh disambeyang ka orang ka ngenjok puji ka Allah Taala.

Alas Ujan.

    O ALLAH, Apai di serga, ti ngasoh ujan ti dulu enggau ujan ti dudi laboh ka tanah; awak ka numboh ka buah ka guna mensia; Kami muji Nuan, olih Nuan, dalam penyuntok kami, udah mri ujan ti pemanah iya, ti ngasoh ati kami nyamai; awak ka ngemesaika Nama Nuan; olih pengasih Nuan dalam ISA Almesih Tuhan kami. Amin.
 

Alas Hari Baik.

    O TUHAN Allah, Nuan udah ngemarohka kami olih ujan enggau ampoh bah, lalu, olih pengasih Nuan, udah ngelempongka ati kami olih hari ti berubah baik; Kami ngemesaika Nama Nuan olih pengasih tu: lalu kami ka nusi penelap Nuan ka serak anak uchu kami: olih ISA Almesih Tuhan kami. Amin.
 

Alas Umbas Pemakai.

    O APAl pemadu kasih; enggau pemadas Nuan udah ninga ka sambeyang anembiak Nuan, lalu udah mri umbas pemakai nganti lapar pungkang; Enggau baroh ati kami muji Nuan olih penelap tu; kami minta Nuan agi ngintu kami, awak ka tanah tau numboh ka buah iya, nyadi ka mulia Nuan, nyadi ka penyamai kami: olih ISA Almesih Tuhan kami. Amin.
 

Alas Penglepas ari Prang, ari menoa Kudi.

    O ALLAH ti meruan, Apai di serga, Nuan aja ti mai, orang saum ati, ti madam ka pengringat orang jai; Kami muji nama Nuan olih Nuan udah ngemaduka laya ti udah tumboh di menoa; Kami minta Nuan nyaup kami bejalai nitih ka ajar Nuan; awak ka diau enggau baik enggau lurus, lalu berari ngenjok ka Nuan piring puji kami: olih ISA Almesih Tuhan kami. Amin.
 

Atas Penqlepas ari Mansa, ari Penyakit.

    O TUHAN Allah, Nuan udali ngukum kami olih penyalah kami dalam penyakit pengrosak: amai leboh Nuan ngukum kami, Nuan ingatka pengasih. lalu ngelepaska kami ari mati; O Apai ti kasih. kami ngenjok diriempu ka Nuan, sampai tuboh enggau samengat kami, nyadi piring ti idup, betuai ka Nuan: berari ari kami muji, lalu ngemesaika pengasih Nuan di tengah anembiak Nuan: olih ISA Almesih Tuhan kami. Amin.