Na Soqoni Tabu: Na Veitarataravi Ni Noda Veiqaravi Kei Na Kalou

Holy Communion in Fijian
 

Fijian is a major Austronesian language spoken in the Anglican Church in Aotearoa, New Zealand and Polynesia. With 450,000 native speakers and about 200,000 second-language users, it has since 1997 been a national language of the island nation of Fiji, along with English and Hindustani.

Anglicanism in Fiji began with the arrival of the Reverend William Floyd in 1870; he followed Wesleyan and Roman Catholic missionaries by several decades, but established a lasting presence there for the Church of England. Today, Fiji is part of the Anglican Diocese of Polynesia, which ministers to a diverse community of Anglicans in the western Pacific and New Zealand.

Two larger translations of the Book of Common Prayer have been published in Fijian under the title A i vola ni masu e na Vosa Vakaviti. Both were printed in Sydney by D.S. Ford, a prominent publisher of Anglican missionary material pertaining to Australia and Oceania. Griffiths lists one of these, an undated 248-page translation, as item 35:1 in his Bibliography of the Book of Common Prayer; he does not mention a 115-page Fijian translation published in 1944 by the major Anglican missionary-linguist Arthur Capell (1902-1986). Parts of the Eucharist in Fijian may also be found in the current New Zealand Prayer Book.

This translation of an Anglican Eucharistic service into Fijian has no date, but appears to follow the 1966 New Zealand Liturgy, and so can most likely be dated between then and 1970, when a revised Eucharist was issued in New Zealand.

NA KENA VAKARAUTAKI

TU CAKE:

(Me'ra tu cake kece na i vavakosa ka me qai wiliki na i yatu vosa e digitaki me baleta na siga ko ya, se o koya na i yatu vosa oqo:)

Oqo na siga ka a bulia na Turaga: me’da reki ka marautaka.

(Me qai kidavaki ira na i vavakoso na i Talatala ka kaya:)

Me tiko vata kei kemuni na Turaga
 

KEI KEMUNI TALEGA

(Na masu oqo me qai cavuta na i Talatala, se o koya na i Talatala kei ira na i vavakoso vata kaya:)

Oi Kemuni na Kalou Kaukauwa, ki vei Kemuni sa dolavi kecega na yalo ni tamata, ka kilai na gagadre taucoko; ka saga na ka me vunitaki rawa mai vei Kemuni: me vakasavasavataka na neimami vakasama na nomuni Yalo Tabu, me rawa kina ni keimami lomani kemuni e na yalo dina ka vakacerecerea na yacamuni tabu, e na vuku i Karisito na neimami Turaga. Amen.

(Me qai tarava:)
 

    VAKAROKOROKO VUA NA KALOU CECERE SARA, KA ME YACO NA VAKACEGU VEI IRA NA TAMATA E NA VURAVURA OQO. KEIMAMI VAKACAUCAUTAKI KEMUNI, KEIMAMI DOKAI KEMUNI, KEIMAMI VAKAROKOROKOTAKI KEMUNI, KEIMAMI VAKALAGILAGI KEMUNI, KEIMAMI VAKAVINAVINAKA VEI KEMUNI E NA LEVU NI NOMUNI DOKAI, TURAGA NA KALOU, TUI VAKALOMALAGI, NA KALOU NA TAMA I KEIMAMI KAUKAUWA.
    TURAGA, OI KEMUNI KO JISU KARISITO NA LUVE NI KALOU E DUA BAU: TURAGA NA KALOU, NA LAMI NI KALOU, LUVE I TAMADA, KO NI KAUTA TANI NA I VALAVALA CA NIVURAVURA, LOMANI KEIMAMI MAI. TURAGA, KO NI KAUTA TANI NA I VALAVALA CA NI VURAVURA, NI ROGOCA NA NEIMAMI MASU. TURAGA, KO NI DABE E NA LIGA I MATAU NI KALOU NA TAMADA, NI LOMANI KEIMAMI MAI.
    OI KEMUNI DUADUA GA SA DODONU, OI KEMUNI DUADUA GA NA TURAGA, OI KEMUNI DUADUA GA. JISU KARISITO, KEI NA YALO TABU, KO NI SA CECERE E NA I SERAU NI KALOU NA TAMADA. AMEN.

TEKIDURU:

(Me'ra qai tekiduru na i Vavakoso:)

Na sere e toka e cake me kua ni lagati e na dua na siga wale ka sega ni Siga Tabu, ka qai vo ga e na siga ni Tu-cake-tale ka yacova na Siga Tabu ni Lewe-tolu-va-Kalou, e na siga e sega ni vakayagataki kina me qai taurivaki na kena oqo, me cavuti vakatolu na vei i yatu vosa yadua kevaka e gadrevi me vakakina:
 

Turaga, e nomuni na loloma
Karisito, e nomuni na loloma
Turaga, e nomuni na loloma.

(Me qai kaya na i Talatala:)

    Rogoca na vosa ni Kalou ki vei ira kece era vuki vakaidina ki vua e na vuku i Jisu Karisito:
    Lako mai vei Au, ko i kemuni ka cakacaka vakaukauwa ka vaka i colacola bibi, Au na solia vei kemuni na vakacegu.
    Sa rui lomana na vuravura oqo na Kalou ka a solia kina na Luvena e dua bulu, o koya ga e vakabauti koya me kakua ni ciba.
    Na i vosavosa sa dei ka dodonu me taurivaki, ni ko Jisu Karisito ka a lako mai ki na vuravura oqo me ra vakabulai na i valavala ca.
    Kevaka e da na vakatusa na noda i valavala ca, ni sa yalo dina ka dodonu ko koya,,sa na vosota na noda i valavalaca ka vakasavasavataki keda mai na vei cala kecega.
    Me da qai toro voleka vata kai na veivutuni dina e na noda vakadinata na noda vakabauta, ka vakayacora na noda vakatutusa ki vua na Tamada Vakalomalagi.

(Me gai cavuta na i Talatala kai na i vavakoso:)
 

TAMAI KEIMAMI VAKALOMALAGI, KO NI LEWA NA TAMATA KECEGA, KEIMAMI SA CALA VEI KEMUNI E NA NEIMAMI VAKASAMA, NEIMAMI VOSA KEI NA NEIMAMI I VALAVALA. KEIMAMI SEGA NI LOMANI KEMUNI E NA YALO I KEIMAMI TAUCOKO; KEIMAMI SEGA NI LOMANI IRA NA TANI ME VAKA NA NEIMAMI LOMANI KEIMAMI VAKATAKI KEIMAMI. NI VOSOTI KEIMAMI E NA VUKU I LUVEMUNI NA NEIMAMI I VAKABULA KO JISU KARISITO. KA VUKEI KEIMAMI ME KEIMAMI QARAVI KEMUNI E NA BULA VDU ME VAKALAGILAGI KINA NA YACAMUNI. AMEN.

(Me tu cake tu na Bete ka kaya:)

Oi Kemuni na Kalou kaukauwa, na Tamai keimami dau loloma, o koya sa yalataka na vakabokoci ni i valavala ca ki vei ira kece era sa veivutuni vakaidina ka rai vua e na vakabauta kecega, ka ra sa dau veivosoti ko ira vakataki ira me sa lomani keimuni, bokoca ka sereki kemuni mai na i valavala ca kecega, vakaukauwataki kemuni e na vei ka vinaka taucoko ka maroroi kemuni e na bula tawa yalani, e navuku i Jisu Karisito na noda Turaga. Amen.

(Kevaka e sega ni tiko na Bete me qai cavuti na masu oqo:)

Oi Kemuni na Kalou kaukauwa, Ni lomani keimami mai, bokoca kece na neimami i valavala ca ka vakauti keimami, tani mai na ca kecega, vakaukauwataki keimami e na vei ka vinaka taucoko, ka maroroi keimami e na bula tawa yalani, e na vuku i Jisu Karisito na neimami Turaga. Amen.
 

NA VUNAUTAKI NI VOSA

(Me qai kaya na I talatala:)

Me tiko vei kemuni na Turaga
Vei kemuni talega

(Na i yatu vosa me baleta na siga 'o ya me qai cavuti eke, ni sa oti me qai kaya na i Talatala:)

Me'da sa masu mada

Me qai tarava na masu se so na masu leleka sa digitaki oti tu, ka me'ra qai sauma na i vavakoso e na Amen.

DABE

(Me'ra dabe na i vavakoso ni sa wiliki na i Vela Tabu makawa.)

E dua na Same se dua na sere lakaleka me qai tarava.
Me wilikl Na i Vola ni 'ra dabe tikoga na i vavakoso. Ni sa oti na wiliki ni i Vola, me qai tarava e dua na Same se dua na sere lekaleka.
Sa rawa me kakua ni wiliki na Lesoni mai na i Vola Tabu Makawa se mai na i Vola.

TU CAKE

Ni sa vakarau wiliki na i Tukutuku Vinaka me qai tu cake na i vavakoso ka sauma vaka oqo:

MO NI SA VAKAROKOROKOTAKI, TURAGA NA KALOU

Ni sa wiliki oti na i Tukutuku Vinaka me qai kena i sau:

MO NI SA VAKACAUCAUTAKI, TURAGA NA KARISITO.

E na vei Siga Tabu me sa tarava saran a i Vunau.

Ni sa oti na Vunau me qai tu cake na i vavakoso, ka tarava sara, e na vei signa ni vakacecegu se Siga Tabu.
 

NA VIKABAUTA VAKA NAISIA

    Au sa vakabauta e dua ga na Kalou, na Tamada kaukauwa, koya ka a bulia na lomalagi kei na vuravura kei na ka taucoko e laurai se saga ni laurai.
    Au sa vakabauta e dua ga naTuraga ko Jisu Karisito, e dua bau ga na luve ni Kalou; e dua bulu ga mai vua na Tamana ni sabera na vuravura taucoko, Kalou mai vua na Kalou, Rarama mai na Rarama, Kalou dina mai na Kalou dina; ka a sega ni buli, ni a vu ga vaka i lava; e rau sa dua vata kei na Tamana; o koya ka a bulia na ka kecega; e na vukuda na tamata kei na noda vakabulai e a lako mai kina mai lomalagi, ka kunekunetaki e na Yalo Tabu mai vua na gone yalewa ko Meri, ka a buli me tamata. E a vakoti talega e na kau-vei-latai e na vukuda e na gauna i Ponitio Pilato; ka a kune rarawa kabulu: E na i ka tolu ni siga ka a tu cake tale me vaka ka a volai ta e na Vola Tabu, ka a lako cake ki lomalagi ka dabe e na liga i matau i Tamana: E na qai lako tale mai e na lagilagi me lewai ira na bula kei na mate; na nona matanitu e na tawa mudu.
    Ka’u sa vakabauta na Yalo Tabu, na Turaga, na Vu-ni-bula, ka sa vu mai vua na Tamana kei na Luvena, o koya, vata kei na Tamana kei na Luvena, e sa vakarokorokoaki ka vakalagilagi; o koya ka’ra a tukuna na Parofita. Au sa vakabauta e dua na Lotu Katolika Tabu kei na Lotu vaka Apositolo: Au sa vakadinata na papitaiso me baleta na bokoci ni I valavala ca; Ka’u namaka na tu cake tale main a mate kei na bula e na vuravura sa bera mai. Amen.

Ke so na ka e tiko me kacivaki me qai kacivaki e ra gauna oqo.
 

NA VEIMASULAKI

    Na veimasulaki me qai liutaka e dua na lewe ni i vavakoso. Me na qai vakayagataka na i Talatala e vica ga se mani vei kerekere kece ka tabaki tu oqo e ra, kevaka e lailai me taurivaki e yadua main a vei i wasewase e vei Siga Tabu.
    E rawa me ‘ra soqoni vata taucoko na kerekere se ke mani vinakati me vakakina, me tomani tale yani eso.

(Me keya na i Talatala:)
    Me ‘da masu mada e na vukudra na Lotu taucoko Vakarisito kei ira kece na tamata me vaka na nodra dui gagadre.

1.

Me tekiduru na i vavakoso, ka sauma na vei kerekere taucoko se i wasewase ni kerekere taucoko sara ka masulaki me vaka oqo:

TURAGA, ROGOCA NA NEIMAMI MASU

    No nodra dua vata na lewe ni lotu va Karisito ki na dua ga na lotu tabu keimami masu vei kemuni;
Ko ira kece na Bisope, Bete na Dikoni kei ira tale na vo ni i Talatala, vakahibi ko . . . . . . . . keimami masu vei kemuni;
    E na vukudra na cakacaka e na lotu (vakauasivi . . . . . ) keimami masu vei kemuni;
    E na vuku ni tabacakacaka vakalotu oqo, vakauasivi . . . . . keimami masu vei kemuni;
    E na vukudra na tamata taucoko me’ra rogoca ka katona na nomuni Vosa, keimami masu vei kemuni;
    Me baleta na veisaututaki e vuravura taucoko, keimami masu vei kemuni;
    Ko ira na i Liuliu ni vei matanitu taucoko kei na matanitu e dodonu me vaka na nomuni lewa tabu, keimami masu vei kemuni;
    Me baleta na neimami vanua kei Elisapeci na neimami Ranadi, keimami masu vei kemuni;
    Ko ira na vakaitavi e na keimami maliwa (vakauasivi . . . . . ) keimami masu vei kemuni;
    Na neimami veivalevale, i tubutubu kei ira kece na gone lali e veivanua kece, keimami masu vei kemuni;
    Keimami masu vei kemuni me baleta na veivanua ni vaivakavulici, veivale ni vuli se vakadidike (vakauasivi . . . . . ) keimami masu vei kemuni;
Vei ira na dau veilakoyaki (ka vakauasivi . . . . . ) keimami masu vei kemuni;
    Keimami masulaki ira na dravudravua, na via kana na luve ni yali kei ira ka sega tu ni cakacaka, keimami masu vei kemuni;
    Me baleti ira na tu taudua ka kune rarawa vakalevu keimami masu vei kemuni;
    Keimami masulaki ira na lomabibi ka vakararawataki keimami masu vei kemuni;
    Ko ira na tauvi mate kei ira ka rarawa tu e na nodra vakasama kei na yagodra (vakauasivi . . . . . ) keimami masu vei kemuni;
    Me baleti ira na sa voleka ni mate keimami masu vei kemuni;
    Me baleti ira ka sa takali tani yani mai na bula oqo (vakabibi vei . . . . . ) keimami masu vei kemuni;

Me'da dui masulaka lo na vei ka e 'da dui gadreva vakataki keda:

Turaga rogoca na neimami masu.

NI LAIVA NA NEIMANI TAGI ME YACOVI KEMUNI YANI

Oi Kemuni na Kalou kaukauwa, ko ni sa kila na vei ka keimami gadreva ni bera neimami kerea yani, ni vukei keimami me keimami kerea walega na ka e vaka na lomamuni; kai na vei ka vinaka e dredre vei keimami e na dela ni neimami sesewa, me keimami kerea yani, Ni solia mai vei keimami e na yaca ni Luvemuni ko Jisu Karisito na neimami Turaga, o koya e tiko ka veiliutaki vata kei Kemuni kai na Yalu Tabu, e na vuravura tawa mudu. Amen.

2

(Se na masu oqo me qai eavuta na i Talatala, se me cavuta vala kei r_a i vavakoso)

    Oi Kemuni na Kalou kaukauwa, me vaka na i vakavuvuli mai na nomuni Vosa tabu me keimami masulaka na tamata kecega, ia oqo keimami sa kerei kemuni yani mo ni rogoca na neimami masu me baleta na vei Lotu kecega, me 'ra sa vakasinaiti e na yalo sa dina, duavata kei na veidinadinati, ka me 'ra vakadinata ko ira era vakatusa na yacamuni tabu na dina ni nomuni Vosa, ka me 're, tiko e na duavata kei na veilomani.
    Keimami masulaki ira na i Liuliu ni veimatanitu, ka vakauasivi na nomuni tamata ko Elisapeci neimami Ranadi, kei ira kece ka vaka i tavi e na matanitu me 'ra veiliutaki vakavuku ka vakadodonu me tubu kina na tiko vinaka kei na sautu e na maliwa ni duikaikai.
    Ni tuvuca na veivakalougatataki ka a soli vei ira ka cuqena tiko na cakacaka ni nomuni Vosa kei na Sakaramede vakauasivi vei koya na nomuni i Talai ko Jone Jalesi na neimami Bisope, me rawa kina mai na nodra bula kei na i vakavuvuli me vakaraitaki yani na kemuni i serau ka torovi kemuni yani na tamata kecega.
    Keimami masulaka mo ni sa tuberi ira ka vakacokotaki ira era sa ogataka tiko na cakacaka ni kena vakatetei na i tukutuku vinaka ki na veimatanitu ka vakararamataka e ra yalomuni na veivanua kece ni cakacaka, veituberi kei na veivakabulai. Ki vei ira kece na nomuni tamata, e na vei ka era dui kacivi kina, ni solia na nomuni veivakalougatataki vakalomalagi, vakauasivi ki na i vavakoso ka sogoni vata oqa, me rawa ni ‘ra rogoca na nomuni Vosa tabu e na vakarokorako kei na yalo talairawarawa, ka me 'ra qaravi kemuni vakaidina e na veisiga kece ni nodra bula.
    Keimami kerea Tama i keimami na nomuni loloma me vakaukauwataka ka cuqena, vakamamadataka ka vukei ira kece era lega, rarawa, dravudravua se tauvi mate.
    Keimami nanumi ira talega e matamuni na nomuni tamata ka ra sa takali mai na bula oqo e na vakabauta kei na rere; na nodra i vakarau uasivi keimami vakavinavinakataka vei kemuni kei na i vakarau vinaka era dusimaka keimami kerea me keimami muria; ka me keimami curu vata kei ira kei na taucoko ni nomuni marau tawa mudu.
    Ni vakayacora oqo Tama i keimami vakalomalagi e na vuku i Jisu Karisito. Amen.

3

Se me vakayagataki na masu oqo.

    Tama i keimami, ko ni sa vakavulici keimami mai na i Vola Tabu me kaimami masulaki ira na tamata kecega. Ni rogoci keimami n.i keirna.mi masulaka na namuni Leta Katolika tabu.
    ME KEIMAMI DUAVATA ME RAWA KINA NI VAKABAUTA KO VURAVURA.
    Ni solia vei ira yadua na lawe ni lotu me ra qaravi kemuni e na yalo dina kai na yalo malumalumu;
    ME VAKALAGILAGIA NA TAMATA KECEGA NA YACAMUNI.
    Keimami masulaki ira taucoko na Bisope, Bete kei na Dikoni (vakauasi . . . . )
    KA ME RAWA NI RA DAU VEIQARAVI YALODINA E NA NOMUNI VEI CAKACAKA TABU.
    Vei ira kece ka veiliutaki kei ira na vakatu lewa e na vei matanitu e vuravura;
    ME YACO NA SAUTU KEI NA LENA DODONU E NA NEIMAMI DELA NI GAUNA.
    Me keimami vakayacora na lomamuni e na vei ka keca e keimami cakava;
    ME KEIMAMI VAKALOUGATATAKI E NA NEIMAMI VEI CAKACAKA TAUCOKO.
    Ni lomani ira ka vauci tu e na i vau ni rarawa se leqa;
    ME RA BAU SEREKI MAI NA NODRA I VAU NI LEWA.
    * Solia na vakacegu tawa mudu ki vei ira na sa takali yani;
    ME CILAVI IRA NA RARAMA TAWA MUDU.
    Keimami vakacaucautaki kemuni e na vukudra na nomuni tamata yalo dodonu e ra sa curu oti ki na marau;
    OI KEIMAMI TALEGA ME KEIMAMI BAU VAKI I VOTAVOTA E NA NOMUNI MATANITU VAKALOMALAGI.
    Turaga rogoca na neimami masu;
    LAIVA NEIMAMI TAGI ME YACOVI KEMUNI YANI.

Ni sa oti na lotu ka tini e na masu ka tabaki tu e cake, me qai cavuti na Masu ni Turaga vata kei na Masu ni Veivakalougatataki.
 

NA I SOLISOLI

TU CAKE

Tu cake taucoko, na Bete me qaravi ira na i vavakoso, ka kaya:

    'Ra Veitacini, koi keda na Yago i Karisito.
    A PAPITAISOTAKI KEDA E DUA GA NA YALO KI NA DU GA NA YAGO.
    Tovolea mo maroroya na duavata ni Yalo Tabu ki na i vau ni sautu.
    Me tiko vata ga kei kemuni na veivakacegui ni Turaga.
    ME VAKA TAIEGA KINA VEI KEMUNI.

Me qai vakatikitikitaki na madrai kei na waini ki na dua na yasa ni teveli se i tutu ni vunau, ka cabo na i solisoli ni vavakose.

Me qai kaya na Bete:

    Koi kemuni Turaga, ko ni sa vutuni vei ka lelevu, kaukauwa kei na lagilagi, qaqa kei na vei ka vaka i ukuuku.
    NA VEI KA KECE E TU MAI LOMALAGI KEI NA VURAVURA E SA NOMUNI, KA KEIMAMI SA SOLIA YANI VEI KEMUNI NA VEI KA KECEGA KO NI TAUKENA.

E rawa me qai kaya na Bete:

Ni toro moi na Yalo Tabu Dau-vei-savai, Kalou bula tawa mudu, ni vakalougatataki keimami kei na i solisoli ka vakarautaki tu oqo me vakayagataki me nomuni.
 

NA MASU NI VAKAVINAVINAKA NI KAKANA TABU

TU CAKE

(Me qai kaya na Bete:)

    Me tiko vei kemuni na Turaga
    VEI KEMUNI TALEGA
    Tabea cake na yalomuni
    KEIMAMI TABEA CAKE VUA NA TURAGA
    Me 'da sa vakavinavinaka vua na Turaga, na noda Kalou
    SA DODONU SARA ME VAKAKINA.

Sa ka dodonu sara ka kilikili, Turaga Yalo savasava, Tama i keimami kaukauwa, Kalou tawa mudu, me keimami dau ia e na vei gauna taucoko, e na vei venue kece sara, na vakavinavinalca vei kemuni e na vuku i Jisu Karisito, na luvemuni e dua bau ga, na neimami Turaga; e na vukuna gona ko ni a bulia kina na vei ka kecega mai na i vakatekivu, ko ni a bulia talega na tamata me vei ucui kei kemuni; e na vukuna ko ni a vueti keimami kina mai na curuoso ni gauna ni keimami a sikalutu ki na i valavala ca, ko ni a soli koya me sucu mai vakatamata; me mate e na kau-vei-latai me qai tu cake tale e na vuku i keimami; Ko ni qai vakatikori Koya e na lagilagi e na yasamuni i matau; e na vukuna ko ni a vakasavasavataki keimami kina e na nomuni a vakatala mai na nomuni Yalo Tabu dau soli bula; e na vukuna gona kei ira na yalo dina ka tiko vata kaya kei ira kece na i vavakoso dokai mai lomalagi, keimami marautaka ni keimani vakacerecerei kemuni ka kaya:

DONU, DONU, DONU, TURAGA NA KALOU NI LEWE VUQA, SA VAKASINAITI KO LOMALAGI KEI VURAVURA E NA KEMUNI I SERAU.
LAGILAGI KOI KEMUNI NA TURAGA CECERE SARA.

Me qai tarava eke:

SA KALOUGATA KO KOYA SA LAKO MAI E NA YACA NI TURAGA.
OSANA KI CAKE SARA.

Me qai tekiduru na i vavakoso:

Na lagilagi kece sa nomuni na Tama i keimami vakalomalagi, e na malumu gona ni nomuni loloma ko ni a solia kina na luvemuni e dua bau ga ko Jisu Karisito me rawa kina vei ira taucoko sara ka vakabauti koya me 'ra rawata na bula tawa mudu. Rogoci keimami, Tama i keimami dau loloma, Ni vakadonuya e na neimami vakayagataka na madrai oqo kei na waini oqo, nai vakananumi ni mate kei na vosota nei koya na luvemuni na neimami i vakabula ko Jisu Karisito, me keimami vaka i votavota e na yagona kei na nona dra Tabu; 'o koya e ne bogi no kena mataka cake me soli koya yani me mate, +++ ka a taura na madrai, ni sa vakavinavinakatala oti ka a qai dovia ka solia vei iratou na nona tisaipeli ka kaya, Taura kania*** ogo na yagoqu, sa soli e ra vukumuni mo dou cakava na ka, oqo ka vakananumiau kina. E a vakayacora talega vaka kina ni sa oti na vakayakavi ka a qai taura na === bilo, ni sa vakavinavi nakataka oti, a qai solia vei iratou ka kaya, Gunuva ogo, kemudou taucoko, ni ≠ sa i koy a oqo na noqu dra ni veiyalayalati vou sa liviraki e na vukumudou vata kei ira na lewe vuqa me baleta na vakabokoci ni i valavala ca; mo dou vakayacora oqo e na vei gauna ni ko dou gunuva, mo dou vakananumi au kina.
 

NA NONA MATE KEIMAMI VAKARAITAKA YANI, NA NONA TU CAKE TALE KEIMAMI KACIVAKA, NA NONA LESU MAI KEIMAMI NAMAKA. MO NI VAKALAGILAGI NA TURAGA SA CECERE SARA.

O koya gona Tama i keimani, keimami vakayacora kina oqo me vaka ka a vakarota na Luvemuni, keimami vakacabora yani na neimami veivakacaucautaki kei na vakamuduo e na vuku ni nona i solisoli cecekia ka a cabo e na kau-vei-latai me baleta na i valavala ca e vuravura. Na kaukauwa ni nona tu cake tale kei na lagilagi ni nona cabe cake yani, keimami vakananuma tiko yani oqo e matamuni e na Sakaramede oqo ni madrai ni bula kei na bilo ni veivakabulai. Ni tauri keimami ki vei koya, keimami masu, vata kei na neimami i sora ni veivakacaucautaki kei na vakamuduo ka mo ni solia vei keimami taucoko ka vaka i tavi e na soqoni tabu oqo me keimami vakasinaiti e na Yalo Tabu ka me keimami vakaduavatataki e na nomuni lotu tabu, na yago i na Luvemuni ko Jisu Karisito na neimami Turaga, o koya a na vukuna, na duavata kei na Yalo Tabu, mo ni vakarokorokotaki ka vakalagilagi, na tama i keimami kaukauwa ka tawa mudu. Amen.

Me qai cavuti eke na masu ni Turaga se ni sa oti na i vakayakavi ni Turaga, me kaya taumada na Bete;

Me vaka ka a vakavulici keda kina na noda Turaga, me ‘da kaya:
 

TAMAI KEIMAMI MAI LOMALAGI, ME VAKAROKOROKOTAKI NA YACAMUNI; ME YACO MAI NA NOMUNI MATANITU, ME YACO NA LOMAMUNI E VURAVURA ME VAKA SA YACO TIKO MAI LOMALAGI. SOLIA MAI VEI KEIMAMI E DAIDAI NA KAKANA E RAUTI KEIMAMI; NI VOSOTA NA NEIMAMI CAKA CALA ME VAKA NI KEIMAMI SA VOSOTI IRA KA CAKA CALA VEI KEIMAMI. NI VAKAUTI KEIMAMI TANI MAI NAME, KA VAGALALATAKI KEIMAMI MAI NA CA NI SA NOMUNI NA MATANITU, NA KAUKAUWA, KEI NA LAGILAGI, KA SEGA NI MUDU. AMEN.
 

NA DOVI NI MADRAI

E sa na qai dovia na madrai na Bete ka kaya:

Na madrai eda dovia, e saga li ni keda i votavota mai na yago i Karisito?

ME VIKA NI SA DUA GA NA MADRAI, KA 'DA LEWE VUQA E 'DA SA DUA GA, NI 'DA SA VOTA E DUA GA NA MADRAI.

Eke se e na gauna ka vakayacori tiko kina na soqoni tabu, me qai cavuti se lagati:

KEMUNI NA LAMI NI KALOU, KO NI KAUTA TANI NA CA NI VURAVURA, LOMANI KEIMAMI MAI.
KEMUNI NA LAMI NI KALOU, KO NI KAUTA TANI NA CA NI VURAVURA, LOMANI KEIMAMI MAI.
KEMUNI NA LAMI NI KALOU, KO NI KAUTA TANI NA CA NI VURAVURA, NI SOLIA MAI VEI KEIMAMI NA NOMUNI VEIVAKACEGUI.
 

NA SOQONI TABU

Me qai tarava sara na masu oqo, me cavuta duadua ga na Bete kei na i vavakoso.

KEIMAMI SEGA NI DOUDOU NA TOROVA YANI NA NOMUNI TEVELI TABU, TURAGA DAULOLOMA, NA NEIMAMI VAKABAUTA NA NEIMAMI DUI DODONU YADUA, IA NA NOMUNI LOLOMA LEVU GA, SA SEGA MADA NI GANITI KEIMAMI ME KEIMAMI TOMIKA NA MENE NI KAKANA MAI NA RUKU NI NOMUNI TEVELI. IA KO NI SA TURAGA GA, SA NOMUNI I VAKARAU MO NI DAULOLOMA. O KOYA GONA MO NI SOLIA VEI KEIMAMI, TURAGA YALO LOLOMA, ME KEIMAMI KANIA NA YAGO I LUVEMUNI KO JISU KARISITO, KA GUNUVA NA NONA URA, ME RAWA KINA NI KEIMAMI TIKO E LOMANA KA VAKA EIRA KO KOVA E LOMA I KEIMAMI. AMEN.

Me qai tekivuna na Bete na kena vakayagataki na Kakana Tabu ka qai kaya ki vei ira kece ka na via vaka i votavota kina:

Toro voleka mai mo ni mai vakayagataka na Yago kei na Dra ni noda Turaga ko Jisu Karisito me i vakananumi ni ko Karisito ka a mate e na vukumu, mai kana vua vakayalo e na nomu vakabauta kei na vakamuduo.

Sa qai tekivu soli na Sakaramede vei ira na i Talatala ka 'ra na vukea na Bete, ka qai soli vei ira na lewe ni i vavakoso. O koya ka solia na madrai se waini ka sa vakalougatataki oti, me qai kaya ki vei ira yadua ka solia vei ira:
 

NA YAGO I NODA TURAGA KO JISU KARISITO KA A SOLI E NA VUKUMU

kei

NA DRA NI NODA TURAGA KO JISU KARISITO KA A DAVE E NA VUKUMU

Na Bete vata kei cei tale e kaciva me qai vakaotia, eke se e na gauna ni veisukayaki, e na vakarokoroko na vo ni madrai kei na waini ka qai vaka vo walega na ka e baleti ira na tauvi mate.
 

NA VAKAVINAVINAKA KEI NA VEISUKAYAKI

Ma qai kaya na Bete:

Kemuni na Kalou kaukauwa ka tawa mudu, keimami vakavinavinaka vei kemuni mai na yalo i keimami taucoko e na nomuni vakani keimami e na kakana vakayalo ka sa i koya na yago kei na dra talei ni luvemuni, na neimami i Vakabula ko Jisu Karisito. Keimami kila na nomuni loloma kei na nomuni karoni keimami e na nomuni qisi keimami ma keimami lewe ni i soqosoqo talei, na veitokani ni tamata yalo dina ka na taukena e muri na bula tawa mudu.

Me qai cavuta na i vavakoso vata kei na Bete:

O KOYA GONA, TAMA I KEIMAMI VAKALOMALAGI, MO NI SA TAQOMAKI KEIMAMI KINA E NA NOMUNI LOLOMA E NA LOMA NI I SOQOSOQO TABU OQORI, ME RAWA KINA NI KEIMAMI VAKAYACO NA VEI CAKACAKA UASIVI KECE KO NI GADREVA VEI KEIMAMI. KEIMAMI SOLI KEIMANI YANI OQO E NA NEIMAMI VAKACABORA NA YALO KEI NA YAGO I KEIMAMI ME I MADRALI KA I SORO TABU, E NA VUKU I JISU KARISITO NA NEIMAMI TURAGA, ME SA DOKA KA VAKALAGILAGI KO KOYA VATA KEI KEMUNI KEI NA YALO TALI KA SEGA NI MUDU. AMEN.

Sa na qai vakasukai ira na i vavakoso na Bete ka kaya:

Ni lako yani ki na vuravura e na vakacegu
E NA YAGA NI KALOU. AMEN.

------******------

Ke takiveiyaga na madrai kei na waini ka sa vakalougatataki oti me baleta na soqoni tabu, me qai vakayacora na Bete na ka oqo:

NA I KURI NI KA E VAKATATABUTAKI

Me qai taura ga na Bete na levi ni madrai kei na waini e vinakati ka kaya:

Eda sa taura na madrai oqo +++ ka vakatakila talega *** vakatabui me baleta na kena vakayagataki tabu oqo me rawa kina ni vaka vei keda na Yago === i noda Turaga ko Jisu Karisito, e na yaca i Tamana, kei na Luvena kei na Yalo Tabu. Amen.