KULYA TI NYEIT NA MATAT LIKAŊ KÖTI LUŊU A MOMORET NAKE

    Se logon 'de'dekan wuju Momoret Nake kilo se ködyö kwekindya Kayukunit karin kase ma'di i lor lo kaje.
    Nyena ko lele lose a dena koke a katoronyanit, kode lele logon a kondya maratejin kanyit arabat kode i kulyaesi kode i koneei, nyena a ŋina Teŋ aje toyulö ko lepeŋ; a Kayukunit, ko a den kine, a de luŋgi lepeŋ i tokujöndu na lepeŋ, adi ti nye gwe ti tukaŋan i tu i Misa na Matat, tojo ko nye a tuggö adi nye aje löpuggö töili, aje leuddya gwiliŋit nanyit naron, anyen ŋina Teŋ ko yiyimönö, nagon 'beron. a toyulö na, köti ködyö adi nye a ropakindya se logon nye a kondya se arabat kilo; kode a tuggö adi nye de kondya sona, ko nye a ryö diŋit na'but.
    Kayukunit de sarju sona, ju seloŋon. nye a met adi visa, kode mandu gwon kase kiden; a tene kölökin se i gwon a kavarak ti Misa na Matat, tojo ko nye a den adi se a tomorja ko 'börik. Nyena ko lele lose lo mömörö sona kilo a ruk pitökondyö lele ko töili liŋ i ŋo liŋ na kondi lepeŋ arabat kine, köti ko nye a ruk ropakindya toron na kondi lepeŋ na; ama ko lele ti 'bön löpukö i momorja 'bura ama nyuŋ gwon i tukaŋan nanyit ko ŋisa: a Kayukunit ködyö rukundye nye lo löpuggö lo i Momoret Nake, a lege nye logon a kano lo. Nagon ko lele Kayukunit aje riköddu lele, gwoso nagon a taki i na pirit, kode i nu pirit na ki nu, a ködyö takindye kine kulya i Duma lonyit i diŋit nagon ti lwöŋgu kode perok puök wot iŋwan. A Duma lo de riŋge ŋilo lo torondya lo gwoso Saret lo Kanisa.

I diŋit na Momoret na, ti Misa gwe ko boŋgo nakwe na'but, ti gwe i Kadi na Ŋun kata: Ti Temejiktyo gwo'de i suöt lo lobot lo Misa, ti nye kulyani Kwaset lo Matat likaŋ ko Momolet lo gwon i mukök, ti ŋutu liŋ rugwuŋöni kak.
 

BABA likaŋ, lo ki, Ti karin kunök bulani bula, Ti tumatyan inot ti po. Ti kulya kunök konani, i kak gwoso ki. . Ti yi kinyo likaŋ lo lo lor. Pitöki yi i toronjin kaŋ, Gwoso nagon yi a pitökindye lepeŋat lo kondya yi arabat kilo. Ko nyömörö yi i möriesi; Nagon lwöki yi i kulya narok. Amin.
 

A ŊUN kabulönit lo ŋo liŋ, töilyet liŋ a ŋa konut i komoŋ, 'dekesi kaŋ liŋ a dena ko do, lwönö ti 'dela konut i komoŋ; Yukakindye yi Mulökötyo Loke ilot i toke'ya na 'dekesi ti töilyet kaŋ, anyen yi böŋö nyanyar do liŋ 'bura, anyen pupurja karin kunök nake jojo, kogwon kulya ti Matat likaŋ Yesu Kristo. Amin

Nyena ti Temejiktyo wöriŋwene ko ŋutu i komoŋ, i kendya na Saresi Puök; ti ŋutu rugwuŋöni ko ti momo'yi Ŋun i mukök na saresi liŋ geleŋ geleŋ, i pitökindyö na se i toronjin kase ti 'beron, ko i tindu na se 'busan 'depet na saresi kulo.
 

ŊUN lo kulya kune kulya liŋ adi; Nan logon a Yekowa Ŋun ilot. Do ti gwon ko kulye rjunyön köyö ŋerot.
    Ruket. Matat, ti konyen kulök wone yi, ko löpukörö töilyet kaŋ i 'debba na ŋilo saret.
    Do ti tetenakindya mugun nene nyömuye na woworo a gwuluet na ŋo ti ki yu, kode ŋo ti kak ni, kode ŋo ti pioŋ kata nagon gwon kata yu. Do ti rugwuŋöki kase i komoŋ, do ti twöju se; kogwon nan Yekowa Ŋun ilot gwon a Ŋun logon a kayinönit, Nan tindu toronjin kase monye ko torela ki tojo ko nyakwariat tomusala ko toiŋwan ti kilo logon maman nan, nagon konyen kwe wowon ŋutu, tojo ko nyakwariat alipan ti kilo logon nyanyar nan, ko 'de'dep saresi kwe.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Do ti ' dindya karin ti Yekowa Ŋun ilot kana; kogwon Yekowa ti kurun nye a loke, logon 'dindya karin kanyit kana.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Yeyene yeye i 'debba na lor lo Sabata a loke. Do de kita perok buker, a do kondi kita inot liŋ; nagon lor toburyo a Sabata lo Yekowa Ŋun ilot; i ŋilo lor do ti kondya nene kita inot kwöŋ, do kode ŋuro ilot, kode ŋuro inot, kode kölipönit ilot, kode kölipönit inot, kode toro'bo kunök, kode kömutöt logon konut i 'ban lo; kogwon i perok buker Yekowa a gweja ko ki ko kak, ko törön ti 'balan, ko ŋo liŋ logon gwon kata yu, a yuke yukan i lor toburyo; nyenagon a Yekowa 'boroji lor toburyo, a toke'yi nye a loke,
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Bule bu munyi kase ŋuti, anyen perok kulök gwon jore i ŋilo jur logon Yekowa Ŋun ilot a tin do lo.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Do ti tatuja ŋuto.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Do ti lubbö.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Do ti koko'ya.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Do ti liŋikindyö marate ilot.
    Ruket. Matat, ti konyen kulök wone yi, ko löpukörö töilyet kaŋ i 'debba na lo saret.
    Do ti he'ya kadi na marate Hot, do ti he'ya narakwan na marate ilot, kode kölipönit lonyit, kode köli­pönit nanyit, kode dwöt lonyit, kode kayine nanyit, kode ŋo liŋ nagon gwon ko marate ilot.
    Ruket. Matat, ti konyen kulök wone yi, ko wuröki kulo saresi kulök liŋ kayaŋ i töilyet.

Ti yi momo'yi ta.

A ŊUN, kabulönit lo ŋo liŋ, tumatyan inot yeŋ nyin, riŋib inot ti 'duddyö. Ti konyen kulök wone Kanisa liŋ. Sarji töilyet ti kimak kaŋ logon mogga yi kilo, anyen se böŋö kurundyö adi, kido liŋ popo konut; anyen se böŋö galakindya do bula ko gota kokwe i ŋo liŋ; anyen yi böŋö yeyeju adi, du­malak liŋ a ti ko do, anyen böŋö twötwö se 'bura, ko kukuk se, ko yiyiŋga kulya kase, gwoso kulyaet loke ilot ko saret ilot; kogwon kulya ti Yesu Kristo Matat likaŋ, logon gwogwoloŋ ko tutumatyan ko do ko Mulökötyo Loke, Ŋun gelen, ŋupi ŋupi. Amin.
 

A kirut ti Kwaset lo lo lor ti jamani jama, a kirut ti Temejiktyo kendi Leta, adi, Leta a wurö i Kapita to . . . na . . . suluwa i kalet to . . . Nagon Leta ajo, a nye kulyani adi, Nyena 'dutet oa Leta. A kirut ti nye kendi Loŋe Lo'but, ŋutu liŋ gwogwo­'dan ki, a nye kulyani adi, Loŋe Lo'but a wurö i Kapita to . . . na . . . suluwa i kalet to . . . A nagon Loŋe Lo'but ajo, ti Y upet na wuröki i mukök na ti jamani jama, a ŋutu nyuŋ gwogwo' dan ki.
 

NAN yuyup Ŋun gelen Monye Kabulönit lo ŋo liŋ, Kagweyanit lo ki ko lo kak, ko lo ŋo liŋ nagon memeta ko nagon ti meta.
    Nan yuyup Matat geleŋ Yesu Kristo, Ŋuro lo Ŋun lo yuŋwe gelen, Logon a yuŋwe ko Monye kokwe i diŋitan liŋ, Ŋun lo lupe kaŋo ko Ŋun, Parara na lupe kaŋo ko Parara, Ŋun 'diri lo lupe kaŋo ko Ŋun 'diri, A yuŋwe, a ko gweya, Kogwon nye ko mugun geleŋ ko Monye i pirit na geleŋ, Ŋo liŋ a gweya ko nye: Logon a po ki po kak kogwon kulya kaŋ ti ŋutu i lwöggu na yi, A 'debba mugun kogwon Mulökötyo Loke ko Maria 'Diet, A po a ŋuto, A 'bikiki i kö­dini na görö kogwon kulya kaŋ i könin lo Pontio Pilato. A ŋoŋga ko a nuka, A i lor tomusala lo nye a ŋien köti gwoso nagon a wurörikin nu, A tu ki, a si'daki i swöt lutaten lo Monye. A nye mo popo köti ko minyo i 'dungö na kulya ti lo gwogwoloij ko ti lo twatwa: Tumatyan nanyit na ti 'duddyö.
    Nan yuyup Mulökötyo Loke, Matat, Katinunit lo ru, Logon Iupe kaŋo ko Monye se ko Ŋuro, Logon a kwakwasa ko a bula ko Monye se ko Ŋuro i pirit na geleŋ, Logon a jambu ko nebijin i kutusen. Nan yuyup Kanisa geleŋ Nakatolik ko na Luyökie. Nan ruruk Batisimo geleŋ i pitöki na toronjin. Nan yeyendu Toŋiyu na lo twatwa, ko gwiliŋit na diŋit na popo. Amin.

TI parara nasu kobbi kobbu ko ŋutu i komoŋ, anyen se böŋö memet konesi na'but kasu, anyen pu­purja Munyi losu lo gwon ki lu. Mat. 5. 16.
    Ko 'delakindya ta 'börik tito i kak ni; i pirit nagon lolo'dokwe se ko kokora kökörju nagon kolak turje gorom i kokoladdu na: nagon 'delaki ta 'börik tito ki yu, nagon kode lolo'dokwe kode kokora tene körju nu, nagon. kolak tene turjö gorom i kokoladdu nu. Mat. 6. 19-20.
    Nagon nan kulya sona adi, Nye logon a weja ku'dik lo mo ŋerja ku'dik; a nye lo weyaddu jore lo mo ŋerja jore köti. Ti ŋutu liŋ geleŋ geleŋ kondi gwoso na yeyeji lepeŋat kase i töilyet a kokwe na; ti gwon ko gwoke i riŋwe ; kogwon Ŋun nyanyar katinunit lo tindu ko lyöŋön, 2 Kor. 9. 6.
    Ko böŋö ta kondya 'bura ko gwe'ya; kogwon Ŋun a tulyöŋö ko rubaŋgajin gwoso kilo. Eb. 13. 16.
    Ŋuto lo 'dogga ŋutu lo gilö ko lomerika a kalyönö­nit: Matat mo lwöggu lepeŋ i diŋit nagusu. Köli. 41. 1.

Nagan kine kulya gwon i kena, ti Dikonyan, kode Kati­yuk ti Kanisa, kode kulye ŋutu wuwuju 'Dokesi ti ŋutu; ti se jakindye Temejiktyo logon wukindya se a lokoyok, a tindi i Misa lo ki.

Nagon Momoret kata nu, ti Temejiktyo tindi i Misa lo ki nene Ambata se ko kunie Binyo gwoso na yeyeji nye adi jojo na. A Temejiktyo, ko kandi sona, ti kulyani adi,
 

    Ti yi mumulukindye Kanisa na Kristo liŋ na mörö ko merok i kak ni.

Prayer for the Whole State of Christ's Church

* ko 'dokesi gwe 'bayin, ti kilo kulyaesi gwe ti jama.

    I diŋit na Momoret ti Temejiktyo de kulyani ko Kauruyuk adi,

LUŊASIRIK, ta lo nyanyara ko Matat i mugun kilo, ta logon yeyeju po i Momoret Nake na Mugun se ko Rima ti Kalwökönit likaŋ Kristo, ta ködyö yeyeju adi Paulo Luyökie tukökindyö ŋutu liŋ i temba na 'börik 'diri, ko se nyuŋ 'bak a ko nyesu na Ambata kode möju na Matet. Kogwon 'buIit a duma, ko yi a wuju na Sakramento nake ko töili logon a löpuggö köti ko yupet na'but; (kogwon nyena a yi nyesi mugun na Kristo kayaŋ i ködu­dwölön ko möju rima kanyit; nyena a yi gwoloŋe ko Kristo i mugun, ko Kristo kayaŋ; i mugunya; a yi gwe geleŋ ko Kristo, ko Kristo ko yi;) ama sona köti twayet a duma, ko yi wuju gwoso nagon ti jukin na. Kogwon nyena a yi gwe ko öpu na Mugun ko Rima ti Kalwökönit likaŋ Kristo; nyena a yi nyesi ko möju se a ŋöesi kan, a tene kurundyö Mugun na Matat; a yi toworji Ŋun ko 'börik; a yi mörji lepeŋ i sandu na yi ko twana ka'de ka'de, ko twayesi. Nyenagon 'duŋöki ta kulya kasu, luŋasirik, an kulya kasu 'duŋöki ta ko Ŋun; löpugge ta töilyet i toronjin ti 'beron, gwe ta ko yupet na'but nago ko Kristo Kalwökönit likaŋ; leuddye ta gwiliŋisi kasu, ko gwe ta ko nyaret ' diri ko ŋutu liŋ; nyenagon a ta de gwe a kanarak lo'but lo jujukin i kine ŋo nagon a kweyesi nake. Ama kegga ta ködyö tin du lyöŋesi a lokoyo­kak ko töilyet liŋ ko Ŋun Monye, Ŋun Tore, Ŋun Mulökötyo Loke, kogwon gwörwe na kak liŋ ko twan ŋoŋet na Kalwökönit likaŋ Kristo logon a Ŋun ko a ŋuto i pirit na geleŋ; logon a tokoyok mugun tojo ko twan i ködini na görö kogwon kulya kaŋ, yi katoronyak lorok, logon a piriki kak i mudwe i tölimöt na twan; anyen nye ko tindu yi a ŋwajik ti Ŋun, ariyen 'bili­kindya yi ki i gwiliŋit na yeŋ nyin. Nyena anyen yi ko yiyiundyö ŋupi nyaret duma na Matat likaŋ, Kalwökönit likaŋ geleŋ, Yesu Kristo, i twakin nanyit ko yi, se ko 'bulit duma nagon nye a ryekin yi ŋina ko 'bukundyö nanyit na rima; nyena a nye aje suluja kine kweyesi nake, a sarakindye se a denesi ti nyaret nanyit, a yeyeesi ŋupi ti twan nanyit a togolesi kaŋ dumalak na ti 'baka. Nyenagon ti yi tindi lepeŋ, se ko Monye, ko Mulökötyo Loke, lyöŋesi kaŋ ŋupi (gwoso nagon yi ködyö agu kokondya); ti yi wukindye 'börik i'dekesi kanyit liŋ, ko i möröddu i kitakindya na lepeŋ ko gwiliŋisi nake perok liŋ. Amin.

A kirut Temejiktyo kulyani kulya ko ŋutu liŋ logon a po i wuju na Momoret N ake, adi,

TA logon 'diri a löpuggö töilyet i toronjin kasu, lo gwon i nyarju na kulye ŋutu, lo 'dek gwolon a ludukö, i kebbu na saresi ti Ŋun, anyen wöwörö i kikolin kanyit loke; Po ta nyona ko yupeti 'debba na ŋina Sakramento nake a togolet; tuköki ta Ŋun toronjin kasu ko gworo lokoyok, ta rurugwuŋö ko kuŋwat kasu.

A kirut ti ŋina Tuket na Toron ti jamani ko ŋutu liŋ logon 'de'dekan wuju Momoret Nake; ti Temeji­ktyo se ko ŋutu liŋ ti rugwuŋöni ko kuŋwat kase adi,
 

A ŊUN kabulönit lo ŋo liŋ, Monye Matat likan Yesu Kristo, Kagweyanit lo ŋo liŋ, Ka'duŋönit lo kulya ti ŋutu liŋ; Yi tutuk toronjin kaŋ liŋ kaŋo, a yi gwine i pele kogwon se gwe jore; Toronjin kaŋ kune yi aje kokon daŋin jore, Ko i yeyeesi, ko i kulyaesi, ko i konesi, Konut i komoŋ, Ŋun Mor likaŋ; Nyena yi a toworja do aka. Yi 'diri löpuggö töilyet kaŋ, A gwine parik i pele, kogwon yi a kondya arabat; Yeyeo na lepeŋat todelyaju yi; Lepeŋat pömöni lwö­lwöŋ 'doggu nikaŋ. Ti konyen kulök wone yi, Ti kenyen kulök wone yi, Monye logon a Kapitönit; Kogwon kulya ti Yesu Kristo, Ŋuro ilot, Matat likaŋ, pitöki yi i ŋo liŋ nagon yi a kon kunu; Ko ti yi anyen yi böŋö ŋupi Kitakindya do, anyen tulyöngu do I gwiliŋit ludukötyo, Anyen Karin kunök bubula ko gogota: Kogwon kulya ti Yesu Kristo Matat likaŋ. Amin.

A kirut ti Temejektyo (kode Bisop, ko nye kata yu) ti gwo'de ki, ko ti wöriŋwene ko ŋutu i komoŋ, i jambu na ŋina Pitöet na toron adi.

ŊUN kabulönit lo ŋo liŋ, Monye likaŋ lo ki, logon aje rukökin ko 'busan nanyit duma adi, nye pipitökin toronjin ti ŋutu liŋ logon a wöriŋwe kanyit ko löpuket na töili ko yupet; Ti konyen kanyit wone ta; ti nye pitöki ta ko lakundya ta kaŋo i toronjin kasu liŋ; ti nye togwo'yi ta ko ti togo'yi ta i kulya na'but liŋ: ti nye joŋgi ta i gwilinit na yeŋ nyin, kogwon kulya ti Yesu Kristo Matat likaŋ. Amin.
 

Yinge ta kulyaesi lo'but ti Kristo Kalwökönit likaŋ logon nye a kulyari ko kilo logon ' diri a wöriŋwe kanyit ni.

PO ta köyö ta liŋ logon kikita ko logon a sopa pömöni, a nan de tin ta yuyukan. Mat. 11. 28.

Ŋun nyanyar jurön liŋ sona, a nye tindi Ŋuro lonyit lo geleŋ, anyen ŋutu liŋ logon a yubbö lepeŋ kilo böŋö gwon ti twan, nagon gwon ko gwiliŋit na yeŋ nyin, Yoane 3. 16.

Yiŋge ta köti kulya ti Paulo nagon nye a kulyari kine adi, Kine kulya a kulyarikin 'diri a ködyö 'depani ko ŋutu liŋ adi, Kristo Yesu a 'dur kak ni i lwöggu na ŋutu lorok. 1 Tim. 1. 15.

Yiŋge ta köti kulya ti Yoane nagon nye a kulyari kine adi,
    A ko lele ŋuto a kondya arabat, a yi ko kakwakwasanit ko Monye i komoŋ, logon a Yesu Kristo logon a loke parik, a nye gwe a daket lo toronjin kaŋ.   1 Yoane 2.1.

Temejiktyo. 'Bili ta töilyet kasu ki.
Ruket. Yi 'bi'bi se ki ko Ŋun i komoŋ.
Temejiktyo. Ti yi tindi Ŋun Matat likaŋ lyöŋesi kaŋ.
Ruket. Yi ködyö kondya sona.

A kirut Temejiktyo wöriŋwene i Misa, a kulyani adi,

'DIRI a na'but, ko yi ködyö 'dek tindu do lyöŋesi kaŋ i perok liŋ ko i piritön liŋ, Matat likaŋ, Monye loke, Ŋun Kabulönit lo ŋo liŋ lo yeŋon nyin.

NYENA ko Malaikajin ko Malaikajin dumalak ko ŋutu liŋ ti ki i pirit na geleŋ, yi pupurja karin kunök na kwekwelen; yi pupurja do ŋupi ŋupi, adi, Loke, Loke, Loke, Matat Ŋun lo kurumi, ki ko kak a jore ko minyo ilot; Ti bulet gwe konut Matat lo ki liŋ. Amin.
 

I Lor Ta'duet ko i perok buryo logon popo i mukök kulo.

KOGWON do a tindu Yesu Kristo Ŋuro ilot lo yuŋwe geleŋ, anyen nye yuŋwe kogwon kulya kaŋ i na diŋit, Logon ko kita na Mulökötyo Loke, a kona a ŋuto 'diri i mugun na Maria 'Diet ŋote nanyit, a kine gwe 'bak toron, anyen yi böŋö totokela i toro­njin.

I Lor Ŋiet, ko i perole buryo logon popo i mukök kulo.

NAGON yi kegga ködyö pupurja do kogwon kulya ti Ŋien na kwelen na Ŋuro ilot Yesu Kristo Matat likaŋ: kogwon nye a kiloloŋ lo Pasaka 'diri, logon a wuki kogwon kulya kaŋ aje joŋga toro­njin ti jurön liŋ kaŋo ; logon a körju twan ko twan nanyit na, köti a nyökökindyö yi gwiliŋit na yeŋ nyin kogwon ŋien nanyit na.

I Lor lo Tiri Kristo ki, ko i perok buker logon. popo i mukök kulo.

KOGWON kulya ti Ŋuro ilot Yesu Kristo,. Matat likaŋ, logon i mukök na ŋien nanyit a pukökin ko Luyökie kanyit liŋ i komoŋ, a iti ki yu kase i konyen i tetenakindya na yi pirit ; anyen yi köti böŋö tutu ki i ŋinu pirit nagon nye gwon kata nu, anyen ko tumatyan ko lepeŋ i pirit na geleŋ i minyo lonyit.

I Lor lo Pentekosta, ko kulye perok buker.

KOGWON kulya ti Matat likaŋ Yesu Kristo; gwoso na rukökindye nye nu, a Mulökötyo Loke poni ki po kak ko wuggö gwoso na köbuŋöt duma, a metani gwoso ŋedepa ti kimaŋ, logon a 'doro ko Luyökie i kusik, i todindyö na se, ko i jiggö na se i kulya 'diri liŋ: logon tindu se 'doket na kutusen jore, ko köti tukaŋan ko riŋit i tokuöddu ŋupi na Loŋe Lo'but i jurön liŋ; anyen yi bönö joŋa kaŋo i mudwe ko i giran, i dendya na do 'diri ko na Ŋuro ilot Yesu Kristo.

I Lol' lo Triniti ka' de.

LOGON a Ŋun geleŋ, Matat geleŋ, lege Ŋutu geleŋ  ka'de, nagon ŋutu musala momorja a mugun geleŋ. Kogwon ŋina ŋo nagon yi a yubbö i kulya ti minyo lo Monye lo, ŋina ŋo yi a yubbö i kulya ti Ŋuro köti, ko ti Mulökötyo Loke, 'bak koret: liŋ jojo.

A kirut Temejiktyo rugwuŋökine i Misa na Matat, a kulyani i karin ti ŋutu liŋ logon de wuwuju Momorei adi,
 

Yl ti gwon a kaŋajin i po konut i Misa inot na, a Matat Kapitönit, i yinikindyö gwiliŋisi na'but kaŋ nagon pitöesi kunök jore, Yi ti jo 'dumundya pi­tönö nagon a 'do'do i Misa inot kak. Nagon do lo a Matat logon konyen kulök ŋupi wowon ŋutu lo; nyena ŋaraki yi, Matat lo 'busan, anyen yi nyönyö Mugun na' Ŋuro ilot Yesu Kristo, ko mamat rima kanyit, anyen mugunya kaŋ na jore ko toronjin böŋö totokela ko Mugun nanyit, ko ködudwölön kan böŋö lala ko Rima kanyit, anyen yi böŋö gwogwolon ŋupi ko lepeŋ i mugun, ko lepeŋ kayaŋ i mugunya. Amin.

Ti Temejiktyo gwo'de i Misa i komoŋ, ti tetendi Ambata ko Binyo anyen gwon pölilyo kanyit i pipindya na Ambata ko ŋutu i kornoŋ ko i 'debba na Matet kanyit i könin, a kirut ti kulyani ŋilo Kwaset Gelet lo gwon i mukök lo adi,
 

A ŊUN Kabulönit lo ŋo liŋ, Baba likan lo ki, logon ko 'busan inot duma a tindu Ŋuro ilot lo geleŋ Yesu Kristo i twan i ködini na görö anyen dakundya yi; logon, kogwon wukindya nanyit na mugun gelere, a kondya rubaŋga, lo wuki a daket lo temakindya a jukin i toronjin ti jurön liŋ; logon a suluja yeyeet na yeŋ nyin na twan nanyit, a sarji yi i Loŋe loke lonyit adi, ti yi ŋupi yeyeoddi twan nanyit sona tojo ko yitwe nanyit; Yiŋe yi, Monye kapitönit, yi mo­mo'yu do, ko ŋaraki yi logon wuwuju ambata ko binyo kilo, gwoso na suluje Ŋuro ilot Yesu Kristo Kalwö­könit likaŋ nu, anyen wuju ko Mugun ko Rima kanyit nake, logon i ŋilu tukwaje logon nye a 'burönöki lu, * a 'dumun ambata, a tindi Ŋun lyöŋesi, † a pipindye pipindya, a tindi kayiyiŋak kanyit, adi, 'Dumundye ta, nyösi ta, ‡ na a Mugun .nio nagon a ti kogwon kulya kasu na. Kondi ta sona i yeyeoddu na nan. Köti nagon se aje nyösu, a nye || 'dumundye Matet; a nye ko tindi lyöŋesi, a tindi lepeŋat, adi, Möji ta kine, ta liŋ: kogwon kine § a Rima kwe ti Tomoret Ludukötyo nagon a 'buköki i ta se ko ŋutu jore i pitöki na toronjin. Kondi ta sona perok liŋ temba i möju nasu, i yeyeodduna nan. Amin.
 

A kirut ti Kagwelanit lepeŋ kokwe wuji kine ŋo murek liŋ ti na momoret; a kirut tindi Bisopjin ee ko Temejik se ko Dikonyon (ka kulye kase kata yu) ko kirut i vutu liŋ, kase i könisi se liŋ rurugwuŋö kak a lokoyokak. A i tindu nanyit na Ambata i ŋuto lele ti nye kulyani adi,

TI Mugun na Yesu Kristo Matat likaŋ nagon a ti 'kogwon kulya kunök nu, ti gane ko mugun ko ködudwö inot tojo ko gwiliŋit na yeŋ nyin, 'Dumundye ko nyösi na a yeyeet adi, Kristo a twan kogwon kulya kunök, nyena nyösi lepeŋ konut i töili ko yupet ko lyöŋesi.

Ti Kagwelanit logon tindu ŋutu lele Matet lo ti kulyani adi,

TI Rima ti Yesu Kristo Matat likaŋ nagon a 'bukwe kogwon kulya kunök kunu, ti gane ko mugun ko ködudwö inot tojo ko gwiliŋit na yeŋ nyin .. Möji kine a yeyeesi adi, Rima ti Kristo a 'buköki kogwon kulya kunök ko lyöŋi.

Kode Ambota kode Binyo nagon. a gelwe kune ko a 'baka liŋ, nagon ŋutu liŋ nyuŋ 'bak a ko wuju, ti Temejiktyo gelundye kunie gwoso nagon a sararikin ki nu: suluja i kulya adi, (Kalwökönit likaŋ Kristo i ŋilu tuwaje . . . ) i gelundya na Ambata ko i kulya adi (Köti nagon se aje nyesu . . .) i gelundya na Binyo.

Nagon ko se liŋ a wuju, ti Kölipönit yitöni bot i Misa na Matat, a tanyakindye kanyit lo ki pitönö ti ŋo nagon a 'gelwe kine, mumuggö se ko boŋgo nakue na'but.

A kirut ti Temejiktyo kulyani K waset lo Matat likaŋ, ŋutu kulo kukulya kanyit i mukök adi,
 

BABA likaŋ lo ki, Ti karin kunök bulani bula. Ti  tumatyan inot ti po. Ti kulya kunök konani, i kak gwoso ki. Ti yi kinyo likaŋ lo lo lor. Pitöki yi i toronjin kaŋ, Gwoso nagon yi a pitökindye lepeŋat lo kondya yi arabat kilo. Ko nyömörö yi i möriesi ; Nagon lwöki yi ikulya narok. Kogwon nagon tumatyan ŋina konut, Ko rinit, ko minyo, Ŋupi ŋupi. Amin.
 

A kirut ti kine jamakine adi,

MATAT Baba likaŋ lo ki, yi kölipönök kulök 'de'dekan do ruggö ŋilo rubaŋga likaŋ logon a puret ko a lyöŋit. Yi momo'yu do, tini yi, anyen, kogwon kulya ti 'busan ko twan na Yesu Kristo Ŋuro ilot kogwon yubbö na rima kanyit, yi se ko Kanisa inot liŋ böŋö wuju pitöki na toronjin kaŋ ko ŋo na'but liŋ nagon popo kayaŋ ni kogwon kulya ti ŋoŋga na Kristo kine. Nyena yi 'do'dogga do a Matat, ko 'börik, ko ködudwölön kaŋ, ko mugunya kaŋ, gwoso nagon yi ködyö a 'doggi na; yi momo'yu do anyen yi liŋ, logon a wuju Momoret nake na, bubulö tojore ko 'busan inot ko 'boriet inot na ki. Ko ma'di yi ti jo konakindya do rubaŋga, kogwon kulya ti toronjin kaŋ, a yi momo'yi do i wuju na ŋilo ŋo logon yi ködyö a tindu do lo; ti gwon i temba na ŋo na'but kaŋ, nagon i pitökindyö na yi i toronjin kaŋ, kogwon kulya ti Yesu Kristo Matat likaŋ, logon ko do ko Mulökötyo Loke ti lepeŋ bulani ko purani ŋupi ŋupi. Amin.

Kode Vilo,

A ŊUN, kabulönit lo ŋo liŋ lo yeŋon nyin, yi . lyölyöŋön ko do parik, kogwon do a ruk tunyöju yi, logon a wuju kine kweyesi, gwoso na jojo na, ko kinyo lo ködudwölön logon a Mugun se ko Rima ti Ŋuro ilot Kalwökönit likaŋ Yesu Kristo; köti kogwon do a tokurukindyö yi ŋina nyarju inot na yi ko 'busan; adi yi a swötön 'diri ti mugun na Ŋuro ilot, nagon a teŋ nake na ŋutu kulök; köti adi yi a kanarak ti tumatyan inot na yeŋ nyin ko yenet, kogwon twan na ŋoŋga na Ŋuro ilot lo nyanyara nagon a 'bulit. Nyena yi momo'yu do, a Baba lo ki, ŋaraki yi ko 'busan inot, anyen yi böŋö yeyeŋon i ŋina tojulin nake, anyen kondya kine ŋo liŋ nagon do a tetenakin yi kine, anyen yi wöwöröri; kogwon Yesu Kristo Matat likaŋ logon ko dö ko Mulökötyo Loke i pirit na geleŋ ti lepeŋ bulani ko purani, ŋupi ŋupi. Amin.

Ti vutu liŋ kulyani adi,
 

TI bulet gwe ko Ŋun lo ki, ko i kak ni ti taliŋ ko nyarju gwe ko ŋutu. Yi pupurja do, yi goddya do, yi kwakwaddu do, yi tokuöddu karin kunök, yi tindu do lyöŋesi kaŋ kogwon kulya ti minyojin du­malak kulök, a Matat Ŋun, Mor lo ki, Ŋun Monye Kabulönit lo ŋo liŋ.
    A Matat, Ŋuro lo geleŋ, Yesu Kristo; a Matat Ŋun, kiloloŋ lo Ŋun lo, Ŋuro lo Monye, do logon a joŋga toronjin ti jurön liŋ kaŋo lo, ti konyen kulök wone yi. Do logon a joŋga toronjin ti jurön liŋ kaŋo lo, ti konyen kulök wone yi. Do logon a joŋga toronjin ti jurön liŋ kano lo, yiŋe kwasesi kaŋ, Do logon a si'daki i könin lutaten lo Ŋun lo, ti konyen kulök wone yi.
    Kogwon do gelen a loke, do geleŋ a Matat; do geleŋ, a Kristo, do se ko Mulökötyo Loke, a duma i minyo lo Ŋun Monye. Amin.

A kirut ti Temejiktyo kode Bisop (ko nye kata yu) ti kölöddi ŋutu kaŋo ko ŋina 'boriet.
 

TI taliŋ na Ŋun nagon lwölwöŋ kurwe ko ŋutu liŋ, ti gane ko töilyet kasu ko yeyeesi kasu i dendya na Ŋun, ko i nyarju na lepeŋ, ko na Yesu Kristo Ŋuro lonyit, Matat likan: nyena ti 'boriet na Ŋun, Kabulönit lo ŋo liŋ, ko na Monye ko na Tore ko na Mulö­kötyo Loke, ti gwe ko ta, ko ti yeŋe kasu ŋupi ŋupi. Amin.

KWASESI LOGON KÖDYÖ JAMA I MUKÖK NA TINDU NA 'DOKESI I DIDIT NAGON MOMORET NAKE 'BAYIN, KODE GELEŊ KODE KULYE.

ŊARAKI yi, a Matat, i kilo momolesi kaŋ ko kwakwasesi kaŋ kilo, böŋö, ko riiki kiko lo kölipönök kulök i ryöndu na lwökit na yeŋ nyin; anyen se böŋö gaya ko 'busan ŋaret inot na gwon nyona na i kiden na löpukesi ko senyundya nikáŋ na na gwiliŋit kayaŋ i mugunya; kogwon Yesu Kristo Matat likaŋ. Amin.

A ŊUN kabulönit lo ŋa liŋ, do logon a kidi lo koŋon liŋ, do logon a den 'dekesi kaŋ, nagon yi nyuŋ a ko pi, ko dyadyangu nikaŋ i pija nikan: Yi momo'yu do i won na kanyen ko tomunyan nikaŋ; nyenagon tindi yi kine ŋo nagon yi a kujönöri i piu­ndya kine kogwon tor an nikaŋ, ko kine köti nagon yi ti bulö piundya kogwon tomo'dokenon nikaŋ, tindi yi se ko 'busan na Ŋuro ilot Yesu Kristo Matat likaŋ. Amin.

TINDI yi, a Ŋun Kabulönit lo ŋo liŋ, yi momo'yu do, anyen kulyaesi logon yi a yiŋ i lo lol' ko swö kan kilo, böŋö yuyutuki ko 'busan inot kayaŋ i töilyet, anyen se böŋö raradan ludwe logon a gwiliŋit na'but, i bu'ya ko i pupurja na karin kunök; kogwon Yesu Kristo Matat likaŋ. Amin.

I TI kayaŋ ŋerot, a Matat, i konesi kaŋ liŋ ko 'busan inot nyaret, ko toputuru yi ŋerot ko nyaret inot ŋupi; anyen i kitajin kaŋ liŋ nagon a sulua ko a tuwörö ko a tutuŋö konut i mugun, anyen yi böŋö bu'ya karin kunök nake, anyen yi molu ryöryö gwi­liŋit na yeŋ nyin ko yatet inot; kogwon Yesu Kristo Matat likaŋ, Amin.

A ŊUN Kabulönit lo ŋo liŋ do logon a rukökin yi i yiŋga na momolesi ti kilo logon momo'yu i karin ti Ŋuro ilot kilo: Yi momo'yu do i togwo'ya na swö kulök ko yi logon soŋinana a tindu momolesi se ko kwakwasesi kaŋ konut i komoŋ, köti tindi yi, anyen kine ŋo nagon yi a mo ko yupet gwoso 'deket inot kine, böŋö wuyu 'bura i tutuŋgö na tu'bakan nikaŋ, ko i tuwöröju na bulet inot; kogwon Yesu Kristo Matat likaŋ. Amin.
 

    Ko nene Ambata kode kunie Binyo a pitundyö, a ko gelwe, a Kayukunit de joŋgi a kanyit: ama ko kunie a pitundyö i kine nagon a gelwe, a se tene joŋa kaŋo i Kadi na Ŋun, ama Temejiktyo se ko kulye ti Kawuyuk, logon nye a luŋun kanyit ni kilo, a de nyesi ko möju kine i mukök na 'Boriet.
    Kristianijin liŋ geleŋ geleŋ de wuju Momoret Nake ma'di daŋin musala temba i kiŋa nagon Diŋit Ŋiet ködyö gwon a nene nase.
    Lo Kwaset lo Nyeit na Matat a sarju adi Kawuyuk ködyö wuju kine ŋo i rugwuŋö nase; (lo sares a kurwe 'bura a kweyet adi yi a ruk a lokoyokak ko lyöŋön, ina Nyeit na, 'busam na Kristo nagon a ti i ŋutu liŋ lo wuju 'bura kilo, köti an Momoret Nake ko körö ko tuka'de kode ko towuya;) ama an kulye ŋutu kode ko dyadyaŋgu nase kode ko ŋisa ti kurundyö 'bura i na rugwuŋö nase; a tukö ni adi kwakwaddu na Ambata se ko Binyo ti Sakramento ködyö ti yeyeo kode ti kona, gwoso nagon adi Mugun se ko Rima ti Kristo gwon ni i meta. Ko­gwon Ambata se ko Binyo ti na Sakramento yeyeŋon i gweya nase, nyenagon se ti bulö kwakwasa; (kogwon nu ködyö gwon a twöju na nyömuye, nagon ködyö mamana ko Kristianijin 'diri:) köti Mugun se ko Bima gwak ti Kalwökönit likaŋ Kristo gwe ki yu, a tene gwon ni: kogwon Mugun na Kristo, na gweya nu, gwon nanyit i kunie piritön lwölwöŋ geleŋ i diŋit geleŋ ti jukin i to'diri.