THE MAKING OF CATECHUMENS.
(Kupeleka Msalaba.)

The Candidates stand in the Church in the Place of the Catechumens. The Priest wears a Surplice and violet stole. The Crosses with strings may be arranged on a short stick and carried by the server.

THE PROMISES.

The Candidates kneel down.

    Natilombe.

    Mlungu, Awisi a Asikulu wasu, Yesu Kristo, ŵaikamo mmitima yanu cipangwilo ici ciweme cusakila cawanzi cake ca Ubatizo Ŵozila, palusungu Iwake lukulu ampeni kukoselela kankalilo, kuti muŵocita vyakupangwa Yeve nsiku zyonse zya moyo wanu.

Now the Candidates stand, the Priest puts the Cross on the neck of each one and says:—

    (Name) nukulovya mliumba la Anafunzi a Yesu Kristo mu Eklezya yake Ikatoliko. Poka msalaba uyu, ni ciziwikwilo cakuti Yesu Kristo ecifwa pamsalaba pamlandu wako, na kuti lelo otambulula manja ŵake kukupokelela nokusyukisya.

Those who have received the Cross kneel down.

    Mlungu wa mpamvu zyonse aŵomyavyani na Mzimu wake Mtuŵa, nomtangululani kuti posililila muze munkalililamo mu mtendele wake. Amen.
 

THE ANOINTING OF CATECHUMENS.
(Kuzoleka Anafunzi oliwamya ku
Ubatizo Ŵozila.)

At the time of the Mass, before the Dismissal of the Catechumens, (or some other convenient time) the Priest goes to the Place of the Catechumens, he faces East (to the Altar). The Candidates stand facing him (looking West), then the Priest says:—

Ŵana ŵangu (mwana ŵangu) mupangwanji?
(Answer) Nupangwa kubatiziwa.

The Priest addresses the congregation.

    Akwasu ŵotemweka, pakuti ŵantu ŵonse civyalikwilo akuŵa ŵolenda mmitima, na cikomo coteti opuvyopona mviipa na kuti Mpuzumusyi wasu Yesu Kristo eciti, Sangalowemo muntu mu ufumu wa Mlungu, akakanovyalikwa mu moyo wa lomba na manzi na Mzimu Mtuŵa; napapata kuti mumsenge Mlungu Ŵata, mwa Zina la Asikulu ŵasu Yesu Kristo, kuti aŵape ŵantu aŵa (amupe muntu uyu) mpamvu zyosunsuluka nsiku na nsiku kupangwa Ubatizo Ŵozila; nozula mvwano nondandaula pamlandu wa viipa vyaŵo (vyake) kuti aŵekuŵa ŵowamila kubatiziwa na Mzimu Mtuŵa nocisyiwa vizo vya moyo vya moyo vya (cizo ca moyo ca) Yesu Kristo.

    Natilombe.

    Mlungu wa mpamvu zyonse, mwaikano mmitima ya ŵantu aŵa (mmutima wa muntu uyu) cipangwilo ca Ubatizo Ŵozila na kulekelewa kwa viipa vyaŵo (vyake); Tusenga kuti muzomele kuŵapokelela (kumpokelela) umo mmwizomelela pakanwa paMwana ŵanu ŵotemweka, peciti, Sengani ninga cipewe kwanu; sakani, ninga mufwange: kuntani, ninga cizuliwe kwanu. Teti lomba mtipe seo tusenga; patusaka natifwange: mtizulile pamuIvango patukunta; kuti ŵantu aŵa (muntu uyu) azule na mvwano, nondandaula pamlandu wa viipa vyaŵo (vyake) na kuti apuzyemo kupatusya vnpa mmoyo wawo (wake) mpaka pati aŵe wowamila kupokelewa mu ufumu ŵanu wa kankalilo, nocisyiwa wana ŵanu (mwana wanu); mwa wamene Yesu Kristo Asikulu ŵasu. Amen.

Now the Priest asks the Candidates these questions, they answer one by one:

Kansi, wakukana Satana na milimo yake yonse?
(Answer) Inde, nakumkana Satana na milimo yake yonse.
Kansi, wakukana ulemo wa tyala wa mcalo, na mcmzi wake watyala?
(Answer) Inde, nakukana ulemo watyala wa mcalo, na mcinzi wake watyala.
Kansi, wakukana makumbwilo aipa a mmuŵili?
(Answer) Inde, nakukana makumbwilo aipa a mmuŵili.

THE EXORCISM.

The Priest says:—

    NUKUPINGULA weo, Satana, + pa Zina la Ŵata, na la Mwana na la Mzimu Mtuŵa, fumamo mu ŵantu awa fmuntu'uvu) nakuya kutali na weve (yeve) pakuti Asikulu Lsu Yesu Kristo wawaita (wamwita) kuza ku Ubatizo wake ŵozila acisyiwe vizo vya (acisyiwe cizo ca) Muŵili wake Cikomo coteti, we mzimu wosyamikiwa, imvwa upinguzi ululembewe—usati wowawevya ŵantu aŵa (womumevya muntu uyu) pakuti Kristo ewanunula (emnunula), na mlopa wake wa mcinzi ukulu noteaMa (nomsalula) kuti aloŵemo mu liumba lake pa Ubatizo Ŵozila.

Then the Priest dips his thumb into the Oil of Catechumens, he signs each one with the Sign of the Cross as he says:—

+ MSALABA WA KRISTO NAUKUWA WOPATUSYA SATANA KULI WEO MAŴELO, NA WEO, MWANA ŴANGU, WAKULWA NAYE NKONDO NOMSUSYA NA MPAMVU ZYA MLUNGU MPAKA KUFWA. AMEN.

Now he reads the Gospel:—

Asikulu aŵe na mweo.
Soti na mzimu wanu.

    EVANGELO yulembewa mchapter 3 ca mu Evangelo ya mlingo wa Msanto Yohana.
    Enzepo muntu wa mwa Afarisayo, zina lake Nikodemo, mmbili wa Ayuda wamene uyu emzila usiku emnenela, Rabi, tuziwa nimwe msambizi wofumila kwa Mlungu; pakuti paliye muntu angacite ivi viziwikwilo vimucita mweo akakana Mlungu kuŵa naye pamo, Yesu eyasuka enena naye, Lezee, lezee nukuuzya, Akakana muntu kuvyalikwa soti sangaŵone ufumu wa Mlungu. Nikodemo enena naye, Nga muntu angavyalikwe tyani akawa okota? kansi angalowe pakawili mvumo la anyina novyalikwa? Yesu eyasuka, Lezee, lezee nukuuzya, Akakana muntu kuvyalikwa na manzi na Mzimu Mtuŵa sangalowemo mu ufumu wa Mlungu, ico cakuvyala Mzimu ni mzimu.
    Na seo, Asikulu, mticitile lusungu.
    (Answer) Mayamiko kwawo, Mlungu.

THE GIVING OF THE LORD'S PRAYER AND THE CREED.

The Priest says:—

    Ŵana ŵangu (mwana ŵangu) citatikile lelo ni kuzomelewa kuti mosambizyiwa (wosambizyiwa) kunena Lombelo iii la Asikulu, na Mvwano wa Apostolo. Cikomo coteti lolesyani (lolesya) ku Mazabau, nonena pokonkesya malizu ŵangu:—

The Candidates now turn to face the Altar: The Priest says clause by clause:

Ausu wasu, muli kumulu,—Zina lanu nalulemekewa, Ufumu ŵanu nauze,—Kupangwa kwanu nakucitiwa, Pansi pano nga ni kumulu:
Mtipe lelo cakulya casu ca nsiku,
Mtilekelele viipa vyasu, nga ni seo Mtuŵalekela otipontela.
Msatiulila mmayezyo,—sembe mticilingizye kuviipa:
Pakuti ŵanu ni ufumu na mpamvu na ulemo, vilimika vyosasila. Amen.

The Creed.
Neo numcetekela Mlungu Ŵata, Mwme wa mpamvu zyonse,
Epoza kumulu na pansi;
Na Yesu Kristo, Mwana wake sicimo, Asikulu wasu,
Euliwa mvumo na Mzimu Mtuŵa,—Evyalikwa kwa Maliya Virgo,
Etamana kwa Pontiyo Pilato,—Epacikiwa pa Msalaba,
Ecifwa,—Eikiwa mu msitu,—Esika mParadiso,
Nga ni mazo ezyuka kwa akufwa,—Ecip kumulu,
Onkala ku kwanja kwendi kwa Mlungu Ŵata, Mwine wa mpamvu zyonse.
Kufumila uko azaŵapingule amoyo na akufwa.
Numcetekela Mzimu Mtuŵa,—Eklezya Ikatoliko Ituwa;
Nuzomela kuti Asanto osanzyana,—viipa vyulekelelwa,
Muwili uzouzyuke,—Ulipo moyo wosasila. Amen.

They turn back to face the Priest:

Natilombe.

    Mlungu mwine wa mpamvu zyonse na wa yyaka vyonse, Ausu wasu muli kumulu; Tumyamikani kolisisya pemwizomela kutiita seo tiziwe cawanzi canu nommvwilani: Tapapata muŵape ŵantu aŵa (mumpe muntu uyu) kuti awopuzyamo nsiku na nsiku mu mvwano na mkulinasya; kuti aŵekuŵa ŵowamila kuvyalikwa soti nocisyiwa apyani a (mpyani wa) upuzumusyi wa kankalilo, mwa Yesu Kristo Asikulu wasu. Amen.
    NATEMWE Asikulu kuŵapokelela (kumpokelela) mliumba la Asanto, noŵasunga (nomsunga) pamo namwe, noŵapa (nompa) moyo wa maŵelo.

The Priest may now say the Dismissal of Catechumens as at the Mass
 

THE SCRUTINIES IN PREPARATION FOR HOLY BAPTISM.
(Makonsyo kwa Anafunzi osaluliwa
ku Ubatizo.)

Presentation.

On Tuesday in the Baptism week, at the beginning of the Mass, the Priest, standing at the lower Altar step, will call the names of the Candidates for Baptism. These will stand in the Place of the Catechumens, in front of their fellow Catechumens. They shall answer their names as they are called. When this is done, the Priest speaks to the Congregation:—

    AKWASU ŵotemweka, ŵantu aŵa ŵaza kuliwamizyatu ku Ubatizo Ŵozila. Lomba ali pakazanga panu kuti azomelewe na mweo kuŵa wowamila kulovyewa mciwanza ca Mlungu. Cikomo coteti, kati alipo ali ŵonse wa mweo oziwa cikomo colesya muntu ali ŵonse wa ŵantu awa asabatiziwa, akundulule lomba pano.

Then the Priest goes to the Altar and begins the Mass of the Day.

The Scrutinies.

Every day from Tuesday until Friday, after the reading of the Gospel, the Priest and his servers leave the Altar and go to the Place of the Catechumens and, facing the Candidates for Baptism, he says:—

Mwe Anafunzi wosaluliwa, fukamani.
Pa Zina la Ŵata, na la Mwana, na la Mzimu Mtuŵa. Amen.

Asikulu mticitile lusungu.
    Asikulu mticitile lusungu.
Kristo mticitile lusungu.
    Kristo mticitile lusungu.
Asikulu mticitile lusungu.
    Asikulu mticitile lusungu.

    Mwe Asikulu Ŵozila, Ausu wa mpamvu zyonse tuŵapapatilila aŵa atumiki wanu. Muŵasanikile na kuŵala kwa nzelu zyanu. Ŵapeni kulapa kwendi na mvwano womvwilani mweo. Ŵapeni kuziwisya kwendi kuti awe ŵowamila kupokela cawanzi ca mu Ubatizo nocisyiwa wana wanu; mwa Yesu Kristo, Asikulu wasu. Amen.

The the Priest speaks to the Congregation:—

    Akwasu ŵotemweka, pakuti ŵantu aŵa opangwa kulovyewa mliumba la Eklezya ya Kristo pa Ubatizo Ŵozila, ni mulimo ŵangu kuwakonsya, pa zina lanu, tiziwisye kuti osambizyiwa paweme kuti ni cintu cikulu cakupangwa lomba; na kuti awamizyilatu mmitima kucipokela; nakuti opangwa cendi kulisunga mcawanzi ca cine mpaka kufwa. Imvwani lomba mayasuko waŵo.

Then the Priest asks the Questions for that Day. When these are ended, he goes back to the Altar step to give the Instruction. After this, he dismisses the Catechemens and continues the Mass.

On Tuesday—Mass of the Passion.
Kundandaula pamlandu wa viipa.

Scrutiny.

Q. Vintu vyanji vitatu vuwamila kuwamo mmitima yanu pakuza ku Ubatizo Ŵozila?
A. Vuwamila kuwamo mmitima yasu patikuza ku Ubatizo Ŵozila ni Kundandaula pamlandu wa viipa, Mvwano na Kumvwila.
Q. Nga Kundandaula pamlandu wa viipa ni vinji?
A. Kundandaula pamlandu wa Viipa ni kumvwa nsoni cikomo ca viipa vyasu, novisokolola, novileka.
Q. Pasiku la Ubatizo nga muze mucitenji kulangizya pasweta kundandaula kwanu?
A. Pasiku la Ubatizo nize nimkane Satana, na viipa vya mcalo, na vya muŵili.

Masimbizyo.

a. Mtuŵamizyila ku Ubatizo.
b. Mtuŵamizyila mmitima kupanama pamenso pa Mlungu na moyo wasu ŵonse wa Ukristo.

On Wednesday. Mass of the Holy Trinity.

Scrutiny.
Q. Vintu vyanji vitatu vuwamila kuwamo mmitima yanu pakuza ku Ubatizo Ŵozila?
A. Vuwamila kuwamo mmitima yasu patikuza ku Ubatizo Ŵozila ni Kundandaula pamlandu wa viipa na Mvwano na Kumvwila.
Q. Muwamila kumvwila wani?
A. Nuwamila kumvwila Mlungu, ni Ŵata na Mwana na Mzimu Mtuŵa.
Q. Panamani nonena malizu a Mvwano wa Apostolo wimwipewa pemwizolekewa Jcuti musambile.
A. Neo numcetekela Mlungu Ŵata . . . (na malizu ŵonse a Creed.)

Masimbizyo.
Kuti Mvwano uyu utuwamila kukatisya nomvwila mpaka kufwa.

On Thursday. Mass of Epiphany I.

Scrutiny.
Q. Pasiku la Ubatizo uzoŵe na cipango cocitanji ukasilobatiziwa?
A. Nize niwe na cipango cocita cipangwilo ca Mlungu, nosunga matetulo ŵake.
Q. Kansi ungacite vyakupangwa Mlungu nosunga matetulo ŵake pavizo vyako weka?
A. Yai, siningacite vyakupangwa Mlungu nosunga matetulo ŵake, sembe poyavyiwa na Mlungu.
Q. Nga tupokela syani kuyavya kwake Mlungu?
A. Tupokela kuyavya kwa Mlungu pamalombelo na mmasakalamenti a Eklezya Yozila.
Q. Nenani maliza a Lombelo lila la Asikulu mwine etisambizya notiuzya kunena.
A. Ausu wasu . . . (na malizu ŵonse a Lord's Prayer.)

Masambizyo.
Lombelo la Asikulu: na kuti tuwamila kumsenga Mlungu nsiku zyonse.

On Friday. Mass of the Holy Spirit.

Scrutiny.
Q. Masakalamenti ni vinji?
A. Masakalamenti ni ivyo vitetuliwa na Mlungu, kuŵa njila zyopokela vyawanzi vyake.
Q. Nga cawanzi ca Mlungu cutupewa mu Ubatizo Ŵozila ni cinji?
A. Mu Ubatizo Ŵozila cawanzi cutupewa ni kulekelewa kwa viipa novyalikwa kwa lomba mciŵanza ca Mlungu.
Q. Ni ŵani okuletela cawanzi ca Mlungu mmasakalamenti a Eklezya Yozila?
A. Otiletela cawanzi ca Mlungu ni Mlungu Mzimu Mtuŵa.

Masambizyo.
Zya cawanzi cutupewa masakalamenti—ngako-ngako mu Ubatizo Ŵozila.

On Saturday. Mass of All Saints.
Today the Scrutiny is held after the Epistle.

Q. Mu Ubatizo Ŵozila ucisyiwe mwana wa wani?
A. Mu Ubatizo Ŵozila nucisyiwa mwana wa Mlungu.
Q. Kansi Mlungu olaŵila syani na ŵana ŵake?
A. Mlungu olawila na ŵana ŵake mmalombelo na mu Evangelo yake Yozila.
Q. Cakuŵamila mwana umo umo wa Mlungu kucita na ntina ni cinji?
A. Cakuŵamila mwana umo umo wa Mlungu ni kumsenga Mlungu na ntina, nopenda (kano kumvwa) Evangelo Yozila.

Masambizyo.
Kuti Evangelo Yozila ni malizu a Mlungu: tuwamila kupenda nolinga-linga zya mslizu amene aŵo.

The Priest having given the Instruction shall sing the Gospel as on a festival, then he will dismiss the Catechumens.
 

HOLY BAPTISM (ADULTS).
(Ubatizo wa Akulu.)

This Service may not be used except for those who have been anointed with the Oil of Catechumens. The people assemble at the Place of Baptism. The Priest wears surplice and violet stole, (and cope). He speaks to the Congregation:—

    Akwasu ŵotemweka, pakuti ŵantu ŵonse civyalikwilo akuŵa ŵolenda mmitima, na cikomo coteti opuvyopona mviipa, na kuti Mpuzumusyi wasu Kristo eciti, Sangalowemo muntu muufumu wa Mlungu, akakanovyalikwa mmoyo wa lomba na manzi na Mzimu Mtuŵa; Numpapatilani msengeni Mlungu Ŵata, paZina la Asikulu wasu Yesu Kristo, kuti aŵape ŵantu avva (amupe muntu uyu) cila casakumako kuŵa naco povyalikwa kwaŵo (kwake), kuti abatiziwe na manzi na Mzimu Mtuŵa, nolovyewa mu Eklezya Yozila ya Mlungu, nocisyiwa vizo vya moyo wa Kristo (cizo ca moyo wa Kristo).

Natilombe.

    Mlungu wa mpamvu na wa maŵelo, pobatizo wa Mwana ŵanu ŵotemweka Yesu Kristo mkamana Yordani, mwituwisya manzi kusuka viipa; Tumpapatilani waloleni na lusungu ŵantu awa, muwasambike nowatuvya na Mzimu Mtuŵa kuti aŵwekuŵa wokosa mumvwano, (mloleni na lusungu muntu uyu, mumsambike nomtuvya na Mzimu Mtuŵa kuti aŵwekuŵa wokosa mumvwano) wosekelela pacigomezyo, nonkazikika pacitemwano kuti afwike kucalo ca moyo wosasila, nonkala muufumu pamo namwe, mwa Yesu Kristo Asikulu wasu. Amen.

Then the Priest speaks to those to be baptized, he says:—

ŴOTEMWEKA, mwaza kuno pakuti mupangwa kubatiziwa. Cikomo coteti muzomelezye pamenso pa mboni izi zyanu na paliumba ili lonse, kuti mopuzyamo kumkana Satana na milimo yake yonse, na kuti muwomvwila Malizu a Mlungu, nosunga komvwila matetulo ŵake.

They answer one by one (unless they be many);

Inde, nakuvikana ivi vyonse.

The Priest then says:—

Kansi, mumcetekela wani?

They turn to the Altar and say together:—

Neo, numcetekela Mlungu Ŵata, . . .  (and all the words of the Creed).

Then they turn to the Priest again and he asks them:

Kansi, uŵocita kokoselela cipangwilo ca Mlungu, nosunga matetulo ŵake?

(Answer) Niŵosunga kokoselela.

Natilombe.

    Umo Mpuzumusyi wasu Yesu Kristo mwecltiuzizya notisambizya tukawalala nakuti:—

Ausu wasu, . . .  (and all the Words of the Lord's Prayer)

    Mlungu wa lusungu, zomelani kuti Adamu wa kale ali mu ŵantu aŵa (muntu uyu) aikiwe mumsitu, kuti untu wa lomba uŵoneke. Amen.
    Zomelani kuti makumbwilo ŵonse aipa afwe mwawo (mwake) na vyonse vya mzimu viŵe moyo nokula mwawo (mwake). Amen.
    Zomelani kuti aŵe na mpamvu nokosa mtima vyompulamo muwepeki na calo na Muŵili. Amen.
    Zomelani kuti ali ŵonse ocisyiwa ŵozila kuli mweo, pano pautumiki wasu, apewe vyolungama vyofuma kumulu, na cilambu ca maŵelo; palusungu Lwanu, Asikulu Mlungu wa mpamvu zyonse, munkala noyondolola vyonse, vyaka vyosasila. Amen.

THE BLESSING OF THE FONT.

Now the Priest wears white stole (and cope). He blesses the incense and says, or sings,

Asikulu aŵe na mweo.
Soti na mzimu wanu.

Imyani mitima.
Tuiimya kwa Asikulu.

Natiyamike Asikulu Mlungu wasu.
Ni cowamila na ciweme kucita teti.

    NI COWAMILA NA CIWEME, na mulimo wasu utiti toingocita wakuti tomyamikani Asikulu Ŵozila, Ausu wasu wa mpamvu zyosapelela, nimwe Mlungu wa kankalilo.
    Pakuti Mwana ŵanu ŵotemweka, kwa kulekelewa kwa viipa vyasu ecivwa mcitumba mwake mozila, manzi na mlopa, noŵauzya asambili wake kuyosambizya mitundu yonse, noibatiza mZina la Ŵata, na la Mwana, na la Mzimu Mtuŵa.
    Imvwani, tapapata, masengelo a liumba ili; Mwat uŵisye + manzi aŵa kosuka viipa; nozuzya na cawanzi canu ŵantu aŵa osakobatiziwa mwamene muno, kuti aŵonkala mliumba la ŵana ŵanu ozomeleka nosaluliwa; mwa Yesu Kristo Asikulu wasu, onkala noyondolola pamo na mweo na Mzimu Mtuŵa, Mlungu umo, vyaka vyosasila. Amen.

Then the Priest censes the Water three times. If the Font is an immersion font, the Priest takes the right hand of the person to be baptized and dips them into the Water three times, once saying “Ŵata,” once saying “Mwana” and when he says “Mzimu Mtuŵa.” If it is a small font, the person kneels down near the Font. The Priest baptizes them pouring Water three times when he says “Ŵata,—Mwana,—Mzimu Mtuŵa.”

As he baptizes he says;—

(NAME) NUKUBATIZA PA ZINA LA ŴATA, NA LA MWANA. NA LA MZIMU MTUŴA. AMEN.

Now the Priest dips his thumb into the Oil of Salvation and signs the person baptized with the Sign of the Cross upon the forehead, and says:—

+ NUKULEMBA CIZIŴIKWILO CA MSALABA NA MAFUTA A UPUZUMUSYI, KUŴA CIZIŴIKWILO CAKUTI WALOŴAMO MLIUMBA LA KRISTO. AMEN.

He gives the White Vesture, and says:—

    (Name) poka mwinjila uyu, ni ciziŵikwilo ca utuwa wa mzimu wako. Wolisunga Mtuŵa mpaka pauti uzopaname pacilimba copinguzi ca Asikulu wasu Yesu Kristo, kuti uzopoke moyo wa maŵelo-maŵelo. Amen.

He gives the Light, saying:—

    (Name) poka msaniko uyu; kuvvala kwake ni ciziwikwilo ca Ubatizo wako. Uŵowasunga matetulo ŵonse a Mlungu, kuti pati awele Asikulu, uze uŵe wozomelewa naye, pamo na Asanto wake, kulowamo muufumu wake wa maŵelo. Amen.

If there are many being baptized, he may say to each one, Poka mwinjila uyu, (—msaniko uyu) ni ciziŵikwilo ca utuŵa (—cawanzi ca Ubatizo wako) and the rest of the words to all of them when he has finished baptizing.

Now he speaks to those who have been baptized:—

    Ŵana ŵangu, namlembani ciziŵikwilo ca Msalaba, kuti msamvwa nsoni kuzomela pasweta mvwano wa Kristo epacikiwa paMsalaba, sembe mnyansi mwa ndembela yake mwakulwa nkondo na viipa kwa mkanka, na calo na muŵepeki, nonkala manjoli-njoli ŵocetekeleka a Kristo na atumiki ŵake mpaka posila pamoyo wanu.

Now he speaks to the Congregation.

    Akwasu ŵotemweka, pakuti ŵantu aŵa avyalikwa soti (muntu uyu wavyalikwa soti) nolovyewa mu Eklezya, ni Muŵili wa Kristo, natiyamike Mlungu wa mapamvu zyonse kwa viweme ivi vyapewa nomsenga na mtima umo kuti ŵantu awa, citatikile lelo, awonkala mmoyo wawo nga ni umo mwautatikila muno.

    Natilombe.

    Tumyamikani na mitima yasti yonse, Ausu wasu wa lusungu, pamwatemwa kuti ŵantu aŵa avyalikwa soti na Mzimu Mtuŵa na pakuti mwawasalula kuŵa wana wanu, noŵalovya mu Eklezya yanu Yozila. Lomba tumlambilani kolicefya kuti afwile viipa kuŵa na moyo wolungama; kuti nga ni umo mwakusazyilana mu imfwa ya Mwana wanu, tetyo asanzyane na mkuzyuka kwake kumo: kuti kunsilililo, ŵeve pamo na ŵambiamu Eklezya yanu Yozila, akonkala muufumu ŵanu vyaka vyosasila, mwa Kristo Asikulu wasu. Amen.

The Priest now blesses the Congregation:—

Asikulu awomsyukisyani + nomsungani. Cinso ca Asikulu comsanikilani nomyavyani na cawanzi cake. Asikulu aŵomlolani na cinso cotemwa nompani mtendele, lomba na maŵelo-maŵelo. Amen.
 

HOLY BAPTISM OF INFANTS.
(Ubatizo wa wana.)

The people assemble at the Place of Baptism. The Priest wears surplice, and violet stole (and cope).

    Akwasu ŵotemweka, pakuti ŵantu ŵonse civyalikwilo akuŵa ŵolenda mmitima, na cikomo coteti opuvyopona mviipa, na kuti Mpuzumusyi wasu Kristo eciti, Sangalowemo muntu mu ufumu wa Mlungu, akakanovyalikwa mmoyo wa lomba, na manzi na Mzimu Mtuŵa; Numpapatilani msengeni Mlungu Ŵata pa Zina la Asikulu wasu Yesu Kristo kuti amupe uyu mwana (aŵape wana awa) cila cas kumako kuŵa naco povyalikwa kwake (kwaŵo), kuti abatiziwe na manzi na Mzimu Mtuŵa, nolovyewa mu Eklezya yozila ya Mlungu, nocisyiwa cizo ca (vizo vya) moyo ca (vya) Kristo.

    Natilombe.

    Mlungu wa mpamvu na wa maŵelo, pobatizo wa Mwana ŵanu wotemwekwa Yesu Kristo mkamana Yordani, mwituwisya manzi kusuka viipa, Tumpapatilani mloleni na lusungu mwana uyu, mumsambike nomtuvya (ŵaloleni na lusungu wana awa, muwasambike noŵatuvya) na Mzimu Mtuŵa, kuti aŵekuŵa wokosa (wokosa) mumvwano, wosekelela pa cigomezyo, nonkazikika pa citemwano, kuti afwike ku calo ca moyo wosasila, nonkala mu ufumu pamo namwe, mwa Yesu Kristo Asikulu wasu. Amen.

Then the Priest says to those who have brought the child to be baptized:—

    Ŵotemweka mwaza naye mwana uyu (mwaza naŵo ŵana aŵa) kuti abatiziwe. Cikomo coteti mweo muli mboni zyake (zyao) muzomelezye pa zina lake (lawo) kuti mumkane Satana na milimo yake yonse, nozomela nsiku zyonse malizu a Mlungu, nosunga komvwila matetulo wake.

THE EXORCISM.

Then the Priest says:—

+ NAKUPINGULA Satana, pa Zina la Ŵata, na la Mwana, na la Mzimu Mtuŵa, fumamo mu mwana uyu, (ŵana aŵa) nakuya kutali na yeve, (ŵeve) pakuti Asikulu Yesu Kristo amuita (aŵaita) aze ku Ubatizo wake ŵozila, nocisyiwa cizo (vizo) ca Muŵili wake. Cikomo coteti, we mzimu wosyamikiwa, imvwa upinguzi ululembewe, usati womuŵevya mwana uyu, (usati woŵaŵevya wana awa) pakuti Kristo emnunula (eŵanunula) na mlopa wake wa mcinzi ukulu, nomsalula (noŵasalula) kuti alowemo mu liumba lake pa Ubatizo ŵozila.

Then the Priest dips his thumb into the Oil of Catechumens and signs the child on its forehead with the sign of the Cross, and says:—

+ MSALABA WA KRISTO NAUKUŴA WOPATUSYA SATANA KULI MWEO MAŴELO, NA WEO, MWANA ŴANGU, WAKULWA NAYE NKONDO NOMSUSYA NA MPAMVU ZYA MLUNGU MPAKA KUFWA.

Then he reads the Gospel.

Asikulu avve na mweo.
Soti na mzimu wanu.

EVANGELO yulembewa mchapter 10 ca mu Evangelo ya mlingo wa Msanto Marko, pa verse 13.

Emletela Kristo tuwana atukumye, nawo asambili ewatuzula. Sembe Yesu akawone ecipya mtima nowanenela, Tulekeni tuwana tuze kuli neo, msatulesya; pakuti ufumu wa Mlungu ni wa toteti. Lezee numuuzyani, Ali ŵonse asapokela ufumu wa Mlungu nga ni kamwaiia sangalowemo peka patonto. Naye etufukata notusvukisva posintilila manja.

Na seo, Asikulu, mticitile lusungu.
(Answer) Malumbo aŵe kwa Mlungu.

Then he asks the witnesses.
Kansi, umvwila wani?

The witnesses turn to the Altar and say;—

    Neo numcetekela Mlungu Ŵata, Mwine wa mpamvu zyonse, Epoza kumulu and pansi:
    Na Yesu Kristo Mwana wake sicimo Asikulu wasu, Euliwa mvumo na Mzimu Mtuŵa, Evyalikwa kwa Mariya Virgo, Etamana kwa Pontiyo Pilato, Epacikiwa pa Msalaba, Ecifwa, Eikiwa mumsitu, Esika mParadiso; Nga ni mazo ezyuka kwa akufwa, Eciya kumulu, Onkala ku kwanja kwendi kwa Mlungu Ŵata, Mwine wa mpamvu zyonse, kufumila uko azawapingule amoyo na akufwa:
    Numcetekela Mzimu Mtuŵa, Eklezwa Ikatoliko Ituwa; Nuzomela kuti Asanto osanzyana, Viipa vyulekelelwa, Muŵili uzozyuke, Ulipo moyo wosasila. Amen.

Then the witnesses turn to face the Priest again.

Kansi, upangwobatiziwa kuti wosunga mvwano uyu?
(Answer) Ni mnupangwila.

Kansi, uwocita kokoselela cipangwilo ca Mlungu, nosunga matetulo ŵake?
(Answer) Niwowasunga kokoselela.

    Natilombe.

Umo Mpuzumusyi wasu Kristo mwecitiuzizya notisambizya tukawalala nakuti,

    Ausu wasu . . . (and all Lord’s Prayer.)

    Mlungu wa lusungu, zomelani kuti Adamu wa kale ali mu mwana uyu (ŵana aŵa) aikiwe mu msitu, kuti untu wa lomba uwoneke. Amen.

    Zomelani kuti makumbwilo ŵonse aipa afwe mwake, na vyonse vya mu mzimu vivve moyo nokula mwake (mwawo). Amen.

    Zomelani kuti aŵe na mpamvu nokosa mtima vyompulamo muŵepeki na calo na Muŵili. Amen.

    Zomelani kui ali ŵonse ocisyiwa ŵozila kuli mweo, pano pa utumiki wasu, apewe vyolungama vyofuma kumulu, na cilambu ca maŵelo; pa lusungu lwanu, Asikulu Mlungu wa mpamvu zyonse, munkala noyondolola vintu vyonse, vyaka vyosasila. Amen.
 

THE BLESSING OF THE FONT.

The Priest now wears white stole (and cope), he blesses the incense, and says

Asikulu aŵe na mweo.
Soti na mzimu wanu.

Imyani mitima.
Tuiimya kwa Asikulu.

Natayamike Asikulu Mlungu wasu.
Ni cowamila na ciweme kucita teti.

    NI COWAMILE NA CIWEME, na mulimo wasu utiti toingocita kuti nsiku zyonse na mmalo monse tomyamikani, Mwe Asikulu Ŵozila, Ausu wasu wa mpamvu zyosapelela nimwe Mlungu wa kankalilo. Pakuti Mwana ŵanu ŵotemweka, kwa kulekelewa kwa viipa vyasu, ecivwa mcitumba mwake mozila, manzi na mlopa, nowauzya asambili wake kuyosambizya mitundu yonse, noibatiza Zina la Wata, na la Mwana, na la Mzimu Mtuŵa;
    Imvwani, tapapata, masengelo a liumba ili; Mwatuwisye manzi aŵa kosuka viipa nomzuzya na cawanzi canu mwana uyu (nowazuzya, na cawanzi canu wana awa) osakobatiziwa mwamene muno, kuti awonkala mliumba. La wana ŵanu ozomeleka nosaluliwa; mwa Yesu Kristo Asikulu wasu, onkala noyondolola na mweo na Mzimu Mtuŵa, Mlungu umo, vyaka vyosasila. Amen.

The Priest now censes the Water, three times.

Then one witness shall bring the child to the Priest who baptizes it, saying:—

(NAME) NUKUBATIZA PA ZINA LA ŴATA, NA LA MWANA NA LA MZIMU MTUŴA. AMEN.

The Priest pours the Water three times on the head of the child, once when he says, “Ŵata,” and at the word “Mwana,” and when he says, “Mzimu Mtuŵa.” Then the Priest dips his thumb into the Oil of Salvation and signs the Sign of the Cross on the forehead of the Child, and says:—

+ NUKULEMBA CIZIŴIKWILO CA MSALABA NA MAFUTA A UPUZUMUSYI, KUŴA CIZIŴIKWILO CAKUTI WALOWAMO MLIUMBA LA KRISTO.

He gives the White Vesture, saying:—

    (Name) poka mwinjila uyu, ni ciziŵikwilo ca utuwa wa mzimu wako. Wolisunga Mtuŵa mpaka pauti uzopaname pacilimba copinguzi ca Asikulu wasu Yesu Kristo, kuti uzopoke moyo wa maŵelo-maŵelo. Amen.

He gives the Light, and says:—

    (Name) poka msaniko uyu; kuŵala kwake ni ciziŵikwilo ca cawanzi ca ubatizo wako. Uwowasunga matetulo ŵonse a Mlungu, kuti pati awele Asikulu, uze uwe wozomelewa naye, pamo na Asanto wake, kuiowamo muufumu ŵake wa maŵelo. Amen.

Now he speaks to the one baptized:—

    Mwana ŵangu nakulemba (wana ŵangu namlembani) ciziwikwilo ca Msalaba, kuti usamvwa (msamvwa) nsoni kuzomela pasweta mvwano wa Kristo epacikiwa paMsalaba sembe mnyansi mwa ndembela yake, wakulwa nkondo na viipa kwa mkanka, nonkala linjoli-njoli locetekeleka la Kristo na mtumiki wake mpaka posila pamoyo ŵako (nonkala manjoli-njoli wocetekeleka a Kristo na atumiki ŵake mpaka posila pamoyo wanu).

The Priest speaks to the Congregation;—

    Akwasu ŵotemweka, pakuti mwana uyu wavyalikwa soti (wana aŵa avyalikwa soti) nolovyewa mu Eklezya, Muŵili wa Kristo, natiyamike Mlungu wa mpamvu zyonse kwa viweme ivi vyapewa, nomsenga na mtima umo kuti mwana uyu (ŵana aŵa) citatikile lelo, awonkala mmoyo ŵake (ŵawo) nga ni umo mwautatikile lomba.

Natilombe.

    Tumyamikani, Ausu wasu wa lusungu, pamwatemwa kuti mwana uyu (wana awa) avyalikwa soti ma Mzimu Mtuŵa, na pa kuti mwamsalula (mwawasalula) kuwa mwana ŵanu (ŵana ŵanu) nomlovya (nowalovya) mu Eklezya yanu Yozila. Lomba tumlambilani kolicefya kuti afwile viipa na kuŵa na moyo wolungama; kuti nga ni umo mwakusanzyilana mu imfwa ya Mwana wanu, tetyo asanzyane na mkuzyuka kwake kumo, kuti kunsilililo yeve pamo na ŵambi a mu Eklezya yanu Yozila, akonkala. mu ufumu ŵanu wa vyaka vyosasila, mwa Kristo Asikului wasu. Amen.

The Blessing.

ASIKULU awomsyukisyani + nomsungani; cinso ca Asikulu comsanikilani nomyavyani na cawanzi cake. Asikulu aŵomlolani na cinso cotemwa, nompani mtendele, lomba na maŵelo-maŵelo. Amen.

A child baptized in Infancy shall not be brought to the Bishop to be confirmed until he (or she) has been taught the Lessons for Catechumens, and the Lessons for Anointed Catechumens, and attended Confirmation Class.