flag of Zambia The Book of Common Prayer
United States England Scotland Ireland Wales Canada World

 
    Amalombelo Mu Cilala
Portions of the Book of Common Prayer in Bemba

 

UKUPAPATA KWAMULUCELO

+ Mwishina lyakwe Lesa Tata, nelyaMwana, nelya mupashi Uswetele. Amen.

M. MweBashikulu, mutucenamune imilomo yesu:
B. Netunwa twesu twakumutota.

M. MweLesa, mwendesye ukutupulusya:
B. MweBashikulu, mwendesye ukutwafwa.

M. Umucinshi ube kuli Lesa Tata, nakuMwana, nakuMupashi Uswetele:
B. Fyenkefyo wali pantangile, nabukumo, nekulokuli insiku syonse. Amen.

M. Mutotesye Bashikulu:
Isina lyaBashikulu litotwe.

Venite. Lisamo 95.

    Ngatwise mukwimbila Bashikulu: tusangalele kuCibwe cakupulusya kwesu.
    Ngatwise pamenso akwe nekumulambila: tumulumbe pakusangalala nenyimbo.
    Panto Bashikulu eLesa umukulu: infumu ikulu icilile Balesa bonse.
    Muminwe yakwe muli mpelo syonse isyafyalo: ukukosa kwamapili nako kwakwe.
    Icishiba cakwe naye alicilengele: nakabili minwe yakwe yalibumbile imilundu.
    Ngatwise, tulombe nekwinama: tufukame ku—Mfumu mubumfi wesu.
    Pakuti ye eMfumu Lesa wesu: fwebo tuli bantu bamukuteka kwakwe, mbelele syakuminwe yakwe.
    Umucinshi ube kuli Lesa Tata, nakuMwana: Naku Mupashi Uswetele:
    Fyenkefyo wall pantangile, nabukumo: nekulokuli insiku syonse. Amen.

(Penka umutumikishi angapenda mukulayana kwakale)

Te Deum

    Tukomutota mwebo mweLesa: twasumina ati mwebo muli Bashikulu.
    Ifyalo fyonse fikomucindika: Bawisifwe bamyaka yonse.
    Inkalamba syonse shikomutota: kwiulu nebukulu bonse ubulimo.
    Bakelubi naBaselafi: balikumushimbula.
    Batondelwe, Batondelwe, Batondelwe: Bashikulu Lesa wamabumba.
    Kwiulu namucalo fyaisula nebuleme: bwampupo syenu.
    Abakemba baleme baBapostolo: bakomutota.
    Ibumba lyacindikwa lyaBakushimika: likomutota.
    Ifita fyamboni isyafwite imingila itubile: fikomutota.
    Ikelesya ilitondelwe lyamufyalo fyonse: likomusumina.
    Bawisifwe: babukulu bwakubule mipaka;
    Umwana wenu enka: wacine wacindikwa;
    Kabili Umupashi Uswetele: eNkosyo.
    Mwebo muli mfumu yacipupo: mwebo mweKlistu.
    Mwebo muli mwana wamyaka yonse: waBawishinwe.
    Ili mwabele umuntu mukupulusya bantu: tamwalipufisye ipafu lyaVirgo.
    Apo mwakanjile ukusomenwa kwamfwa: mwaliswilile ubufumu bwakwiulu abantu bonse abasumina.
    Mwakulokwikala kulwine lwakwe Lesa: pabulme bwabo Bawishinwe.
    Tukosumina ati mukesa: mukuba kalondolola wesu.
    Epo tukomupapato ’kwafwa abapyunjishi benu: benkabo abamwalubwile kumulopa wenu wabuleme.
    Mwakubapendela pamo neBasanto benu: mumucinshi utafwa.
    Mwebo mweBashikulu, mubapulusye abantu benu: nekusyukisya ababupyani bwenu.
    Mubateke: mubemakanine insiku syonse.
    Insiku nanshiku: tukomulemya.
    Tukolitotela Ishina lyenu: mufyaka fitashila.
    Musumine mwebo, mweBashikulu: ukulokutupembelela lelo ati twicite fibipile.
    Mwebo mweBashikulu, mutucitile inkumbu: mutucitile icisa.
    Mwebo mwe Bashikulu, nalikupemamo muli mwebo: ati nshikashininwa.

Cipale

Benedicite

Mwe imilimo yonse yaBashikulu:
Toteni Bashikulu, kamwimbeni, kamwimbeni kutaleka.
Mwe Nkalamba syonse syakwe Lesa:
Mwe Ulu:
Mwe Menda apeulu-peulu:
MweNkosa syaBashikulu:
Mwe Kasuba neMwenshi:
Mwe Tutandala twakwiulu:
Mwe Tufula tonse neMume:
Mwe Kabesya onse wakwe Lesa:
Mwe Mulilo nekukaba:
Mwe Mwela neManyinsa:
Mwe Mume neCandwa:
Mwe Candwa neMpepo:
Mwe Mashiku neTusuba:
Mwe Kutuba neMfinshi:
Mwe Tumpeshi-mpeshi neMakumbi:
Mwe Calo conse:
Mwe Mapili neTutunta-tunta:
Mwe Fikomena:
Mwe Mikalo:
Mwe Bemba neNika:
Mwe Masabi nafyonse ifikoenda mumenda:
Mwe Fyuni fyonse ifyamwiulu:
Mwe Nama syonse neFitekwa:
Mwe Bantunshi mwense:
Mwe Bantu bonse bakwe Lesa:
Mwe Bacipupila baBashikulu:
Mwe Bapyunjishi baBashikulu:
Mwe Mipashi neMyeo yaBalungeme:
Mwe Baswetele bakulicefya mumitima.

Umucinshi ube kuli Lesa Tata nakuMwana, naku Mupashi. Uswetele: Fyenkefyo wali pantangile, nabukumo, nekulokuli inshiku syonse, Amen.

Penka Umutumikishi angapenda amashiwi amuKulayana kwabukumo.
 

Morning Prayer

Benedictus

    Batotelwe Bashikulu Lesa wabalslaeli: pakuti balishile nekubalubula abantu babo,
    Nekutupela uwakupulusya umukulu ukosele:
    Mucikoto cakwe Dafiti umumtu wabo;
    Kabati nifyenkefyo ifi balabile mutunwa twabakushimika babo abatondelwe: abalokwikala ukufuma kumpindi yakulengwa kwacalo capanshi:
    Mukutupulusya kutupondo twesu: nakuminwe yabantu abakutupata.
    Mukulokubabwenesya inkumbu bawisifwe: nekulanguluka ukulayana kwabo ukutondelwe;
    Uko kulayana ukubalayene nakwe Abalamu bawishifwe: ukutusumina fwebo;
    Pakupuluka kuminwe yatupondo twesu: twakulokubapyunjila ukulokubulo-kutina,
    Fwe baswetele abalungeme mumitima pamenso abo: insiky syesu syonse.
    Icine nawebo we mwana ukelikwa ati wakushimika waOyo Ucilile: pakuti ukalokutangila pamenso aBashikulu, mukwanshila inshila syabo,
    Mukubapela abantu babo ukwishibisya ukupulusya: mykulekelela ifyakubifya fyabo,
    Pakuti mumutima wankumbu wakwe Lesa wesu: pakuti pali uyo ikuca kwakwiulu kukesa kuli fwebo,
    Mukutula pali babo abalokwikala mumfinshi namucinto camfwa: mukutangilila amakasa esu munsila yabutende.
    Umucinshi ube kuli Lesa Tata, nakuMwana: naku Mupashi Uswetele.
    Fyenkefyo wall pantangile, nabukumo: nekulokuli inshiku syonse. Amen.
 

 

    Nkocetekela mull Lesa Tata, Umwine wamakose onse, Uwalengele iulu necalo;
    Namuli Yesu Klistu, Umwana wakwe cans cimo Bashikulu besu, Uyo aliletelwe nemakosa akwe Umupashi Uswetele, Alifyelwe muli Maliya Virgo, Alipengele kwa Pontiyo Pilati, Alitanikilwe, alifwile, alishikilwe, Alile kuciyabafu, Ngamasoshi alibukile kubafwile, Alile kwiulu, Alokwikala palwine lwakwe Lesa Tata, Umwine wamakosa onse, Ukufumo-ko akesa libili mukulondolola abalabi nebafwile.
    Nkocetekela mu-Mupashi Uswetele, Nekelesya ilitondelwe ilikatoliko, Nebwanankashi bwaBasanto, Nekulekelelwa kwafibipile, Nekubuka kwamubili, Nemweo utashila. Amen.

M. Bashikulu babe namwebo:
B. Napamo nemutima wenu.
M. Ngatulombe.

Bashikulu, mutucitile inkumbu
Klistu, mutucitile inkumbu
Bashikulu, mutucitile inkumbu.

 

Apostles'Creed

MweBawishifwe, muli kwiulu, Ishina lyenu licindikwe, Ubufumu bwenu bwise, Ukufwaya kwenu kucitwe: panshi pano kubati nikwiulu. Mutupele lelo ifyakulya fyesu ifyalelo. Mutulekelele ifibipile fyesu, Fyenkefyo tubalekelela abatubifisya. Tekututwala kufyakwesya, kuntu mutupulusye kukubifya. Amen.

M. MweBashikulu, mutulangile ’nkumbu:
B. Nekutupela ukupulusya kwenu.
M. MweBashikulu, mupembelele baPresident besu;
B. Nekutumfwa nenkumbu tukompapata.
M. Mubapele abatumikishi wenu ubulungeme:
B. Nekubasekelesya abasalwa benu.
M. MweBashikulu, mubapulusye abantu benu:
B. Nekusyukisya ababupyani bwenu.
M. Mutupele umutende munshiku syesu, mweBashikulu:
B. Pantu tapalipo umbi ula pall fwebo kuntu mwebo mwenka, mweLesa.
M. MweLesa, musamfisye mumitima yesu:
B. Mwifumya kuli fwebo Umupashi wenu Uswetele.

Umutumikishi angalabila Kalombelo kanshiku. Penka amalombelo aya.

MweLesa, mwemupela umutende, mwe mutemwa citemwano, pakumwishiba epali umweo wesu utashila, pakumpyunjila epali'ubufumu ubwakuti: mutucicile fwebo fwebapyunjishi benu mubukali bonse bwatupondo twesu ati pakucetekela kwacine mukucicila kwenu, tatungalokutina amakosa abapate bonse: mufiso fyakwe Yesu Klistu, Imfumu yesu. Amen.

MweMfumu, Bawishifwe bakwiulu, mweLesa mwine wamakosa onse, mwebanshiku syonse, mwatusyukisya bwino ukufika nakulucelo luno: muticicile lelo nefiso fyenu ifyafikulu fyonse; musumine lelo ati twiba nefibipile fyonse, neli kukumana nefyakukatasya, sombi mull fyonse ifitucita mufiwamye kukuteka kwenu ukulungeme, ati tucite ifyo ifili fiweme pamenso enu: mwa Yesu Klistu Bashikulu besu. Amen.

Uluse lwa Bashikulu besu Yesu Klistu, nebutemwe bwakwe Lesa, nekwambaula kwaMupashi Uswetele, filokwikele nafwebo inshiku syonse. Amen.
 


 

Lord's Prayer

UKUPAPATA KWAMUCINGULO

+ Mwishina lyakwe Lesa Tata, nelyaMwana nelyaMupashi Uswetele. Amen.

M. MweBashikulu, mutucenamune imilomo yesu:
B. Netunwa twesu twakumutota.
M. MweLesa, mwendesye ukutupulusya:
B. MweBashikulu, mwendesye ukutuwafwa.

Ngwabaimakane bonse.

M. Umucinshi ube kuli Lesa Tata, nakuMwana, nakuMupashi Uswetele:
B. Fyenkefyo wall pantangile nabukumo, nekulokuli inshiku syonse. Amen.
M. Mutotesye bashikulu:
B. Ishina lya Bashikulu litotwe.

Penka hangemba Ulwimho

Penka umutumikishi angapenda mukulavana kwakale

Magnificat

    Umutima wanji ulokubalemya Bashikulu: umweo wanji wasangalala muli Lesa wakumpulusya wanji,
    Pakuti alitontomekele: pakupenga kwamusya wakwe,
    Pakuti, boneni, ukufuma kumpindi yabukumo: abantu bamikoka yonse bakalokungeba nebo ati Usyukile.
    Pakuti Uyo uwamakosa ancitila nebo ifintu ifikulu: Ishina lyakwe litondelwe.
    Inkumbu syakwe shili nakubantu abakufyaluluka nakufyaluluka: ekuli babo abalokumutonda.
    Alicitile ifyamakosa nekubobo kwakwe: alibapalangenye abakulitota mufyakulanguluka ifyamumitima yabo.
    Alishifumisyepo nemfumu pafipuna fyashiko: neku-bapyanikapo abapengele.
    Abansala alibekutisye nefintu ifiweme: kuntu ababile nabo alibatamfisye abakubula akantu.
    Alimwafwikelo Islaeli umumtu wakwe, ukulokulanguluke 'nkumbu kubati nifyenkefyo ifialabile kuli bawisifwe, isya kuli     Abalamu nebana bakwe insiku syonse lukoso.
    Umucinshi ube kuli Lesa Tata, nakuMwana, nakuMupashi Uswetele:
    Fyenkefyo wali pantangile, nabukumo, nekulokuli inshiku syonse. Amen.

Penka Umutumikisi angapenda amashiwi amuKulayana kwabukumo

Nunc Dimittis

    Bukumo, mweBashikulu, ngamusumine ati ne muntu wenu nje nebutende: kubati masiwi enu.
    Pakutu amenso anji abona: ukupulusya kwenu,
    Uko kwenkoku, mwanshikile: pamense abantu bonse:
    Ekutuba ukwakutuba pabenafyalo: nebuleme bwabantu benu abalslaeli.
    Umucinshi ube kuli Lesa Tata, nakuMwana: nakuMupashi Uswetele:
    Fyenkefyo wali pantangile, nabukumo: nekulokuli inshiku syonse. Amen.

 

Evening Prayer

    Nkocetekela muli Lesa Tata, Umwine wamakosa onse, Uwalengele iulu necalo.
    Namuli Yesu Klistu, Umwana wakwe cana cimo Bashikulu besu, Uyo aliletelwe nemakosa amupashi Uswetele, Alifyelwe muli Maliya Virgo, Alipengele kwaPontiyo Pilati, Alitanikilwe, alifwile, alishikilwe, Mile kuciyabafu, Mgamasoshi alibukile kubafwile, Alile kwiulu, Alokwikala palwine lwakwe Lesa Tata, Umwine wamakose onse, Ukufumoko akesa libili mukulondolola abalabi nebafwile.
    Nkocetekela muMupashi Uswetele, neKelesya ilitondelwe ilikatoliko, Nebwanankashi bwaBasanto, Nekulekelelwa kwafibipile, Nekubuka kwamubili, + Nemweo utashila. Amen.

M. Bashikulu babe namwebo:
B. Napamo nemutima wenu.
M. Ngatulombe.

(Ngabafukame bonse)

Bashikulu mutucitile inkumbu
Klistu mutucitile inkumbu
Bashikulu mutucitile inkumbu

 

Apostles' Creed

MweBawishifwe, muli kwiulu, Ishina yenu licindikwe, Ubufumu bwenu bwise, Ukufwaya kwenu kucitwe; Pansi pano kubati nikwiulu. Mutupele lelo ifyakulya fyesu ifyalelo. Mutulekelele ifibipile fyesu, Fyenkefyo tubalekelela abatubifisya. Takututwala kufyakwesya, kuntu mutupulusye kukubifya. Amen.

M. MweBashikulu, mutulangilile inkumbu:
B. Nekutupela ukupulusya kwenu.
M. MweBashikulu, mupembele baPresident besu:
B. Nekutumfwa nenkumbu ili tukomupapata.
M. Mubapele abatumikishi benu ubulungeme:
B. Nekubasekelesya abasalwa benu.
M. MweBashikulu, mubapulusye abantu benu:
B. Nekusyukisya ababupyani bwenu.
M. Mutupele umutende munshiku syesu, mweBashikulu:
B. Pantu tapalipo umbi ulwa pali fwebo kuntu mwebo mwenka, mwe Lesa.
M. MweLesa, musamfisye mumitima yesu:
B. Mwifumya kuli fwebo Umupashi wenu Uswetele.

Umutumikishi angalabila Kalombelo kanshiku

Penka amalombelo aya

MweLesa, kwafuma kuli mwebo tulokupoka ifintu fyonse ifiweme, ifyo ifitukofwaya nekulasa nekucita: mutupele fwebo fwebapyunjishi benu umutende uyo wenka ici calo tacikwetepo amakosa akutupela, ati imitima yesu ikalokwikatisya ukusunga amafunde enu, kabili pakutulama mwebo twilokutina akapondo neli kamo, sombi tukalokwikala mumutende: mwa bune bwakwe Yesu Klistu Mupulushi wesu. Amen.

Twapapata, mweBashikulu, mubembe mumfinshi yesu, kabili kunkumbu syeni ishikulu mutucicile kufyakukatasya nefyakutinsya fyonse mubushiku buno, mwa Yesu Klistu Bashikulu besu. Amen.

Lesa wamakosa onse, mwe mwatupela uluse bukumo nemutima umo lwakupapata amapapatilo afonse pamo kuli mwebo, mukolayana ati pakulonganina babili kani batatu mwiShina lyenu mukabapela ukulomba kwabo: Shilisyeni, mweMfumu, ukufwaya kwabapyunjishi benu umomulokufwaila; mutupele ukulokwishiba ifyacine fyenu mumweo uno, namucalo cikesa umweo utashila. Amen.

Uluse lwaBashikulu besu Yesu Klistu, nebutemwe bwakwe Lesa, nekwambaula kwa Mupashi Uswetele, filokwikele nafwebo inshiku syonse. Amen.


Lord's Prayer

UKUFISULULA

  Cipupila Bashikulu babe mumutima wobe napamilomo yobe ati ufisulule icine ifibipile fyobe fyonse: + mwiShina lyakwe Lesa Tata, nelya Mwana, nelya Mupashi Uswetele.
  Uyo akofisulula Nkofisulula kuli Lesa Tata nakuMwana nakuMupashi Uswetele, napamenso abasanto bonse abakwiulu, nakuli mwebo batata, ati nalibifisye ifibipile ifi, ukutatika lwenkolo nafisulwile akale ... Lomba napapata Lesa muncitile inkumbu, nakundekelela ifibipile fyanji, namwebo batata ngamunkakulule nekumpangila amano.
  Cipupila (Ila amupangile amano kabili nekumufunda amashiwi).
  Bashikulu besu Yesu Klistu, abo abapele Ikelesya lyabo ubukulu ubwakukakulula abantu ababifya benkabo abali nensoni nekubacetekela, ngabafumye ifibipile fyobe fyonse pankumbu syabo ishikulu. Nanebo, kubukulu bwapelwe kuli nebo, nakukakulula kufibipile fyobe fyonse mweShina lyakwe Lesa Tata, nelya Mwana, nelyaMupashi Uswetele.
  Isyuko lyakwe Lesa wamakosa onse, Tata, Mwana, Nemupashi Uswetele, libe kuli webo nekulokwikala nawebo inshiku mipelo.
  Koya nemutenda: Bashikulu bafumya ifibipile fyobe.

Labila amalombelo kutota Lesa, kubati nifi:

  Nkomutota ukwakuti, mwebaLesa banji pakuti kunkumbu syenu ishikulu mwandekelela nebo nembifi, nekuntubisya pamenso enu. Munshiku shikesa mukankoselesye ili Satana akalokuntunka, ati nkalokumupyunjila bwino panwesonde nekufika kutuseko twenu utwakwiulu.
  MweBashikulu Yesu, nkofwaya ukulokukana ifibipile fyonse, pakuti palifyo epo mwatanikilwe.
  MweBashikulu Yesu, nkofwaya ukumutemwa mwebo kubati nifyenkefi muntemenwe nanebo.

 


Web author: Charles Wohlers U. S. EnglandScotlandIrelandWalesCanadaWorld