IMINSA ITONDELWE

UKUBUNGANA KWA BONSE

Ulwimbo lungembwa, nekulabila pamo nacipupila aka kalombelo:
  Mwe Lesa wamakosa onse, pamenso enu imitima yonse ili apatubile, fyonse ifyo tukofwaya filishibilwe, tapapo akantu neli kamo akafiseme: musamfye ifyakulasa ifyamumitima yesu pakupemenamo Umupashi Uswetele, ati tukamutemwe icinecine nekulicindikisha ishina lyenu ilitondelwe; mwaYesu Klistu Bashikulu besu. Amen.

Bashikulu mutucitile inkumbu
BASHIKULU MUTUCITILE INKUMBU
Bashikulu mutucitile inkumbu

KLISTU MUTUCITILE INKUMBU
Klistu mutucitile inkumbu
KLISTU MUTUCITILE INKUMBU

Bashikulu mutucitile inkumbu
BASHIKULU MUTUCITILE INKUMBU
Bashikulu mutucitile inkumbu

Cipale

BaYesu balilabile ati: Utemwe Bashikulu Lesa wobe nemutima wobe onse, nemupashi wobe onse, nemano obe onse. Ili efunde ilyakutanga ilikulu. Ilya buabili lilipalene kuli ili. Utemwe umunobe kubati kilitemwa wemwine. Pali aya mafunde abili epakumanine amafunde onse abakushimika.

Abantu: BASHIKULU MUTUCITILE INKUMBU NEKULEMBA AMAFUNDE AYA ONSE MUMITIMA YESU, TUKOMUPAPATA.

Cipale

PaMilungu iyaMesilo namuKwalesima namunshiku shimbi, amafunde ikumi angalabilwa.
 

1. Lesa alilabile amashiwi aya ati: Nine Bashikulu Lesa wobe; tekuba naBaLesa bambi sombi nebo nenka.
    Abantu: BASHIKULU MUTUCITILE INKUMBU MUSWESYE IMITIMA YESU UKUTI TUSUNGE IFUNDE ILI
2. Tekulambila utulubi neli kutotela neli cintu cimbi icamwiuli neli cintu cimbi icapanshi neli cintu camumenda, neli kwinama ukufitotela nangu ukufipyungila.
3. Tekulapa lukoso ishina lyakwe Lesa.
4. Ulokulanguluka akasuba kakwe Lesa nekukatonda.
5. Ulokucindika bawisho nabanoko.
6. Tekwipayo muntu.
7.  Tekucito bucende.
8.  Tekwiba.
9.  Tekubepesyo mubyobe pacebo.
10. Tekukumbwe-cintu camubyobe.
    Abantu: BASHIKULU MUTUCITILE INKUMBU LEMBENI AMAFUNDE AYA ONSE MUMITIMA YESU, TUKOMUPAPATA.

Ubuleme bungembwa, nangu pakushila Iminsa

    UBULEME BWIKALE NALESA KWIULU, napanshi pacalo ubutende bwikale nabantunshi abo abalokutemwa. Tukomulumba, tukomulambila, tukomucindika, tukomulemya, tukomutota pabuleme bwenu ubukulu, mwebo mweBashikulu Lesa, Imfumu yakwiulu, Lesa Tata wamakosa onse.
    Mwebo mweBashikulu, cana-cimo uwafyelwe enka, Yesu Klistu, Bashikulu Lesa, Mwana wambelele wakwe Lesa, Mwana waBawishinwe, mwebo mukofumya ifibipile fyamucalo, mutucitile inkumbu. Mwebo mukofumya ifibipile fyamucalo pokeleleni ukupapata kwesu. Mwebo mukoikala kulwine lwakwe Lesa Bawishinwe, mutucitile inkumbu.
    Pakuti mwebo mwenka batondelwe, mwebo mwenka eBashikulu, mwebo mwenka mweKlistu, pamo neMupashi Uswetele, nimwe bakulu ukwakuti mubuleme bwakwe Lesa Tata. Amen.

Cipupila: Bashikulu babe namwebo.
Abantu: Napamo nemutima wenu.
Cipupila: Ngatulombe
 

Akalombelo Akanshiku

UKUPENDA KWAMASHIWI

    Inkalata yalembwa mucapita ... cankalata yaMusanto ... yakwe ..., ukutatika pamusela ...

Inkalata

Amasamo nangu ulwimbo lungalabilwa
    Cipupila: Bashikulu babe namwebo
    Abantu: Napamo nemutima wenu

    Cipulila: Ifangelo ilitondelwe lyalembwa mucapita . . . ica mwifangelo lyakwe Musanto ... ukutatika pamusela ...
    Abantu: Umucinshi kuli mwebo, mweBashikulu.

Ifangelo

Abantu: Twamutota, mweKlistu.

Ukubilisya

Ukubilisya kungesa iyimpindi, pambi pakushila nkocetekela
 

UKUPUPA

    Cipupila: Bashikulu babe nemwebo
    Abantu: Napamo nemutima wenu
    Cipupila: Ukutuba kwanyali shenu ngakuboneke kubantu, ati bakabone milimo yeno iweme nekucindika BaWishinwe abali kwiulu.
    Mucifulo cimbi palifyo ifili peulu. Cipupila angapyungisya amashiwi apakupupa. Ulwimbo lungembwa, elo nemitulo ingapokwa. Cipupila abile iflmpwampwa if ilingile nemfaina pacipupilo, pakushila alabile nebantu pamo ati:
    Syukisheni twapapata mwe Bashikulu pafyabupe fyenu ifi cimpwampwa nemfaina, nekufisyukisya pampindi ino itondelwe ati mulifyo tulisibe kumweo utashila uwamupashi nemubili: muli Bashikulu wesu Yesu Klistu. Amen.
 

UKULOMBELA ABANESU

    Amalombelo abantu angatangililwa nemuntu lukoso. Ngashila amalombelo limo limo ayo panshi ukutaba muciputulwa icakupelako, mangu pakushila ambi amalombelo angalabilwa.
    Uwakubelenga: Bashikulu umfweni amalombelo esu
    Abantu: Nekulila kwesu kufike kuli mwebo.

    MweLesa wamakosa onse mwemweo utashila uyo uwatufundile kumusambile wenu abatondelwe ukuti tucite kutembela nekulomba nekutotela pakuti pabantu bonse: twamusumina nekuli cefya ukukulu ngamupokelele ifya bupe fyesu nekupupa kwesu, nekupokelela amapepo yesu ayo tukopela kubuleme bwenu ubwabulesa: tukomupapata ngamupemenemo mwiKelesya ilikatoliko umweo uwabucine bumo nemutende ucilile kabili mubapele ati bonse abakusumina ishina liswetele lyenu ngabalongane muli bucine bwamucebo ciswetele, nekwikala mumitima umo nekutemwa kwakwe Lesa.
    Kabili twamupapata ukutangilila abantu bamikoka yonse kunshila yabulungeme nemutende, nekufundisha imfumu shonse, baPresident nebakateka bonse, na bantu abali mubuteko bwabo ati icalo cilokutekwa nemakosa akwe Lesa nemutende. Kabili mubapele Ba . . . BaPresident besu, nebaMinister, nababo abali munganda yamafunde nabonse abali mumakosa yabo, ati balokupingula ifyabucine nekufumyo ifibipile fyonse nekufinasha nekusunga amafunde abo mubuteko buswetele.
    MweBawishifwe bakwiulu, ngamubasyukisye baskofu bonse ukucila abapyunjishi benu . . . baskofu besu (na . . . baskofu sufragan) nabacipupila nematikoni, kabili ngamubasyukisye ati balokushimikisha icebo cenu cacine necikalilo mumyeo yabo nekusambisha kwesu nekulokucita amasakalamenti enu atondelwe ukwelelwe; kabili ngamubapele uluse lwenu Iwakwiulu abantu benu bonse; nekucila kuli ababonse abalongana muno ati nemitima yabucine nemucinshi uwelelwe ukuti tungomfwa nekupoka ishiwi lyenu iliswetele; ukupyunjila cinecine mubuswetele nebulungeme nekumupyunjila ukwacine mubucetekelo nakulungama munshiku shamyeo yesu shonse.
    (Tangilileni nekucita bwino, twamupapata, bonse abo abakopyunjisya ukushimika ifangelo ilitondelwe kubantu bamitundu.)
    (Kabili nekumasukulu nemaUniversity musuminishe ukutuba nemupashi wenu, ukuti icalo cisule nempupo namano yabucine bwenu).
    (Kabili twapapata mulolesye bonse abakolila ukuti bangafwaya ubune bwabantu bonse nekwibucisya mukutemwa namubwanankashi bwapanwesonde.)
    Kabili twapapata nekulicefya ukwakuti mubune bwenu, mweBashikulu, ukuti ngamusangalasye bonse abakopenga, nabo bonse abakolila, bano bonse abakolwala, nabonse abali neshyamo limbi lyonse (ukucila kubapyunjisi benu ... ).
    Kabili tukolamisya kusunga kwesu kwaluse, mweBashikulu, bonse ababomfi benu abo abafumine mumweo ukumucetekela, nekumucindika (ukucila ababomfi benu . . . ) balangulukileni nekubapela inkumbu nekutuba nemutende, ukufuma.lelo napampindi yakubuka.
    Kabili twamucindikisya ukwakuti, mweBashikulu, nekumutota icinecine pakuti pafyebo fyaluse ulwakuti ubwingi nebune fibwenekele mubasanto bonse, ukucila muli Maliya Virgo utotwa utondwa ukwakuti, nyina waMwana wenu Yesu Klistu Bashikulu besu Lesa wesu; kabili mubakulu bacindikwa namuBakushimika, namuBapostolo, namuBafwilile bumboni; twamupapata mutupele uluse ati fwebo, tulokusangalala mubwanankashi bwaBasanto nekukonka amekalilo yabo bonse abamubombele muno, ukwalakanya nabo mubufumu bwabo bwakwiulu ngamusuminefi, mweBawishifwe, pamutwi wakwe Yesu Klistu, mulamwishi wesu ulokutulombela. Amen.
 

UKUPEKANYA KWA MINSA

Kuli abo bonse abalokulapila kufibipile fyabo, kabili ball nebutemwe bwakutemwa ababyabo, nekufwaisya ukulokwikala mumweo uwacine, kukusunga kwamafunde akwe Lesa, nekulokwenda munshila yakwe ilungeme: Palamineni mubucetekelo, nekupoka isakalamenti ilitondelwe ati mukose; nekufisulula kuli Lesa wamakosa onse mukunaka mukufukama kumakufi esu.

Abantu

MweLesa wamakosa onse, BaTata Bashikulu besu Yesu Klistu, kabumba wafintu fyonse, kapingula wabanti bonse: tulokwibukisha nekulila pamulandu wafibipile fyesu finji nebubi bwesu, ubo impindi nampindi tulecita namukucita kuli mwebo nekubifya ubutemwe bwenu ubulokwisa kuli fwebo.

Cipale

Tukofisulula kuli Lesa wamakosa onse, kuli Tata, nakuMwana nakuli Umupashi Uswetele ati twabifya ukwakuti mukulanguluka, namukulabila, namukucita pamulandu wabubi bwesi. Epo twapapata mweLesa mutucitile inkumbu.

Cipupila

MweLesa wamakosa onse abo abankumbu bamulekelele nekumukakululula nekumushilisya ububi bonse nekumuleta kumweo utashila. Amen.
 

    MweLesa wamakosa onse mwe Bawishifwe besu bakwiulu, kunkumbu syenu mwe balayile ukulekelelwa ifibipile kuli abo bonse abali nensoni nebucetekelo bwakwalula kuli ye. Mumucitile inkumbu; banulekelele nekumushilisyo bubi bonse; nekumukosya muli fyonse fiweme; nekumutwala kumweo utashila mwa Yesu Klistu Bashikulu besu.
    Umfweni amashiwi akutukosya ayo Mupulushi wesu Klistu alabile kuli abo bonse abalokwaluluka kuli ye nacine, ati:
    Iseni kuli nebo mwense mwemwakatala mumilimo nefipinto ifilemene, lomba nakumupelo-kutusya. S. Matt. 11, 28.
    Lesa alitemenwe abantu bonse ukwakuti, fyenka filya aliposele Umwana wakwe ufyelwe enka, ati abantu bonse abantu ulokupemamo muli ye takonaulwa iyu, sombi akalokwikele nemweo utashila. John, 2, 16.
    Umfweni amashiwi ambi akwe Musanto Paulo. Ukukulabila ukwacine, kumunti uli onse ukupokolela, ukuti Klistu alishile mucalo mukupulusya imbifi. I. Tim. 1, 15.
    Umfweni nakabili Musanto Yoanne ifyo akolabila. Kani umuntu abifya, tuli nenkishi iya kuli Bawishifwe, eba Yesu Klistu abalungeme, nabo mulubulo wafya kubifya fyesu. I John 2, 1.
 

UKUSYUCISYA

Cipupila: Bashikulu babe namwebo
Abantu: Napamo nemutima wenu.
Cipupila: Imyeni imitima yenu
Abantu: Twaimya kuli Bashikulu
Cipupila: Ngatutote Bashikulu Lesa wesu
Abantu: Ukumutota kuweme nekulungama.
Cipupila: Kuweme ukwakuti nekungama nemulimo wesu wakucita, ati impindo syonse namufifulo fyonse tulokumutota, mweBashikulu batondelwe, Tata wamakosa onse Lesa utashila.

(Kuno kungaba amashiwi ayamunshiku ishisalilwe isyashiku nkulu)

    Epo pamo nenkalamba nenkalamba ishikulu, nebumba lyonse lyakwiulu, tukomutota nekulemya ishina lyamucinshi: twakulokumutota kwakutaleka nekuti:
    Cipupila nebantu bonse: BATONDELWE, BATONDELWE, BATONDELWE, MWEBASHIKULU LESA WAMABUMBA, IULU NECALO FYAISULA NEMPUPO SYENU: UTOTELWE UYO ULOKWISA MWISHINA LYABASHIKULU. OSANNA KWIULUKWIULU.
    Cipupila: Ubuleme nemucinshi nematotelo fibe kuli mwebo, mweLesa wamakosa onse, mweBawishifwe bakwiulu, pakuti pankumbu syenu ishikulu mwalipele Umwana wenu enka Yesu Klistu ati akafwe ubuntunshi bwesu pali ye nekufa pamusalaba ati atulubule; enkoyo palya penka (pakuliposa umwine uko acitile limo lyenka) aliposele icipupo iciwaminine, icakukumana, cimo icabubi bwabantu bonse. Alitalile ukulangulusya ukutashila kwakufwa kwakwe kwabuleme ukufikila ati akesa libili.
    Tumfweni, mweBawishifwe wankumbu, twamupapata nekunaka kwesu; mutupele ati fwebo fwetukopoka filengelwe ifi fyenu cimpwampwa nemfaina kubati Mwana wenu Mupulushi wesu Yesu Klistu atalile, ukulanguluka imfwa yakwe iyakupenga ukuti tube abakunaka mukupoka umubili nakalabula wakwe: bwenkebo ubushiku ubo akwililwemo alibulile icimpwampwa, ulo atotele, alicimokawile nekubapela abasambile bakwe nekulabila ati, POKENI, MULYE, ICI MUBILI WANJI ULOKUPELWA PAKUTI PALI MWEBO, MUKALOKUCITEFI UKUNANGULUKA NEBO. Fyenkefyo, balile, alipokele imkombo, ili atotele alibapele, nekulabila ati, NWENIMO MWENSE, PAKUTI IYI EKALABULA WANJI WAKULAYANA KWABUKUMO, ULOKUPOKOMOKELA PAKUTI PALI MWEBO NAPABENJI ATI IFYAKUBIFYA FILEKELELWE, MUKALOKUCITEFI, IMPINDI SYONSE PAKUFINWA, UKUNANGULUKA NEBO.
    Pakuti palifyo mweBashikulu, mweBawishifwe bakwiulu kubati Mwana utemenwe wenu, Mupulushi wesu Yesu Klistu atalile, pakulanguluka imfwa iyisyukile nekupenga ukumakwebo apatali, nekubuka kwakwe ukwamakosa, nekuya kwiulu kwakwe ukwamucinshi, nakabili pakumutota ukwakuti pamasyuko atapenda ayo afuma kulifyo fyenka; kabili ukupembelela nekufwaisya ukwisa libili kwakwe nemakosa nebuleme ubukulu, tukoposa kuno kubuleme bwenu ubwabuLesa ifyabupe efilengelwe fyenu ifi, ici cimpwampwa icamweo utasila nenkombo iyi yakupupusya ukutaleka. Kabili twapapata nekulicefya ngamwitilepo Umupashi Uswetele wenu pali fwebo napafyabupe fyenu ifi, ati atondesye icipupo ici, nakabuli ati fwebo fwense twakutengamina mucitenge ici cicindikwa, tupoke ukwelelwe umbili nakalabula amakwebo apatali waMwana wenu nekwisushiwa uluse wwenu Iwakiulu.
    Nakabili tukofwaisye icine-cine, pakuti nimwe Bawishifwe bakutemwa, ati mupokelele ici cipupo cesu icakumulemya icakumucindika ngamusumine ati fwebo neKelesya lyenu lyonse tulokupoka ukulekelelwa kwafibipile fyesu, pamo nifiweme fimbi fyonse ififumano mukupenga kwaMwana wenu Yesu Klistu, pakuti pakutetemwa nekufwa kwakwe napakucetekela muli kalabula wakwe. Kabili pano penka twalileta kuli mwebo, mweBashikulu, fwebo fwebene, imitima yesu namibili yesu, ati tulokuli pamenso enu icipupo icamano iciswetele icilabi.
    Nangati tatwelelwe mwe Bawishifwe, twapapata ngamupokelele icipupo cesu ici; mwipima ubune bwesu sombi ngamulekelele ububi bwesu, mwa Yesu Klistu Bashikulu besu, pali uyo nakuli uyo, umo naMupashi Uswetele, ube ubuleme nemucinshi wonse kuli mwebo, mweBawishifwe bamakosa onse, inshiku mipelo. Amen.
    Cipupila: Kubati fintu ifi Mupulushi wesu Yesu Klistu atufundile nekutusambisya tulabile nemitima ikosele ati:
    Cipupila nebantu bonse: MweBawishifwe muli kwiulu, ishina lyenu licindikwe, ubufumu bwenu bwise, ukufwaya kwenu kucitwe, panshi pano kubati nikwiulu. Mutupele lelo ifyakulya fyesu ifyalelo. Mutulekelele ifibipile fyesu. Fyenkefyo tubalekelela abatubifisya. Takututwala kufyakwesya, kuntu mutupulusye kukubifya. Pantu ubufumu bwenu, nemakosa, nebuleme, inshiku shonse. Amen.

(KWAAMALOMBELO AMUTIMA)

    Pakukumala icimpwampwa ngalabile ati:
    Cipupila: Umutende waBashikulu ulokuli namwebo inshiku shonse
    Abantu: Napano nemutima wenu.
    Elo epakulabila kani ukwimba ifyo:
    MweMwana-wambelele wakwe Lesa, mulokufumye fibipile fyamucalo, mutucitile inkumbu (kani mubapele umutende).
    MweMwana-wambelele wakwe Lesa, mulokufumye fibipile fyamucalo, mutucitile inkumbu (kani mubapele umutende).
    MweMwana-wambelele wakwe Lesa, mulokufumya fibipile fyamucalo, mutupele mutende wenu (kani mubapele mutende utashila).
 

MUCITENGE ICICINDIKWA

    MweBashikulu bankumbu tatwelelwe ukwisa kuno kucitenge cenu ici, ukupemamo bulungeme bwesu, sombi nkumbu shipusenepusene neshikulu shenu. Tatwelelwe neli ukutola ulusekemtwa mwifungu lye'tebulo. Sombi mull Bashikulu pamo ubuntu bwenu kucita inkumbu nshiku shonse: eico mutupele, mweBashikulu baluse, ati tulyeko umumafi waMwana wenu utemenwe Yesu Klistu nekunwako ati kalabula wakwe, ati tukalokwikala mull ye inshiku shonse, naye umwine mull fwebo. Amen.

    Cipupila: Mupalamineni mupoke mubili nakalabula wakwe Yesu Klistu, uyo uwapelwe pakuti pall mwebo, nakumulya mumitima yesu mubucetekelo namukumutota.
    Ulo alukupela ifimpwampwa ngalabile ati:
    Umubili waBashikulu besu Yesu Klistu ulame umubili nemutima wobe kumweo utashila.
    Pakupela inkombo ngalabile ati:
    Kalabula waBashikulu besu Yesu Klistu ulame umbili nemutima wobe kumweo utashila.

AMALOMBELO PAKUSHILA ICITENGE

    Cipupila: Ngatutote Bashikulu pabuleme bwabo
    Abantu: Inkumbu syabo shilokwikalile inshiku mipelo.
    Cipupila: Ngatulombe.
    MweLesa wamakosa onse, wanshiku shonse, tukomutota ukwakuti nemitima yesu, kuli ifyo mwatupela, pakupoka ifyabuleme bwenu ifyacakulya fyamupashi ifya mubili nekalabula ifyuma fyakutali ifyaMwana wenu umupulushi wesu Yesu Klistu; nekutulangisya ubutemwe bwenu nebune bwenu kuli fwebo; nakabili ati tuli bamwibumba lyambili waMwama wenu, ico icibumba icitondelwe icalucetekelo icabantu benu, kabili tuli impyani sya mwana wenu pamulandu wakucetekela mubufumu bwenu mipelo, munshiku yakafwa kwenu ifyuma iyakutali nekucula kwaMwama wenu uwatemwikwa.
    Kabili twamupapata mweBawishifwe bakwiulu nekutwafa kuluse bwenu ukuti tungatwalilila mubwanakashi nekucita imilimo iyo iweme iyo mutasalile ukutukwendamo; mweBashikulu Yesu Klistu, mull uyo namu Mupashi Uswetele ube ubuleme nemucinshi inshiku mipelo. Amen.

Kani ‘Ubuleme' tabulabilwe pakwamba, bungalabililwa pall iyi impindi

Ubuleme bwikale . . .

UKUPALANGANA

    Cipupila: Bashikulu babe namwebo.
    Abantu: Napamo nemutima wenu.
    Cipupila: Kamuyeni nemutende
    Abantu: Twatutota Lesa.
    Cipupila: Umutende wakweLesa ucilile amano onse, upembelele imitima yenu nemalangulushi enu mukwishibila namukutemwa Lesa naYesu Klistu Umwana wakwe Bashikulu besu. Isyuko lyakwe Lesa uwamakosa onse, Tata, Mwana, Mupashi Uswetele, Jibe muli mwebo, nekulokwikala namwebo inshiku mipelo.
    Abantu: Amen.

ASALILWE AKUMUTOTA

Amutusuba utusalilwe paMinsa pakusyukisya.

Kasuba kakufyalwa Yesu ukufika namukulangisya netusuba twaba Maliya.

    Pakuti mwalipele Umwana wenu enka ukufyalwa (kuti nempindi ino) kuli fwebo uyo uwacitilwe kuMupashi Uswetele, uwacitilwe umuntu uwacine uwamunafi wakwe Maliya Virgo baNyina; apakubulo busali neli bumo ubwafibipile nekutusamfya ifibipile fyonse. Epo pamo nemkalamba ...

Ukulangisya nenshiku ishikonkene

    MwaYesu Klistu Bashikulu besu abalangisya impupo syabo mumubili wabantunshi bwesu ubwakufwa, mukufumya mumfinshi abantu bonse abamfyalo fyonse, nekubengisya mukutuba kwabo ukwabuleme. Epo pamo nenkalamba ...

PaCinai tangafka Pasaka

    MwaYesu Klistu Bashikulu besu, abo abalokutemwa abantu babo abali mucalo capanshi: balibatemenwe ukufika nakumpindi iyakupelako, ubushiku ubo bwenka ubukwililwemo, balitalile ifyamiso ifi: ati fwebo tukopike ifyabwikalo bwabo ubwabuLesa, pakuti pakulokupoka ifiweme ififuma kukupenga kwabo napakubushiwa kukubuka kwabo, kabili ati tukesule ukuwana kwakwe Lesa. Epo pamo nenkalamba ...

Pasaka ukufika neKunina

    Sombi tangecine tungatota pakuti pakubuka ukwamucinshi ukwaMwana wenu Yesu Klistu Bashikulu besu; pakuti eye umwanawambelele uwaPasaka uwacine, uwapupilwe pall fwebo, nekufumya ifibipile fyamucalo; eye uwacilile amakosa alufu kumfwa yakwe umwine nekubwesya kuli fwebo umweo utashila. Epo pamo nenkalamba ...

Ukunina ukufika Pentekosite

    MwaYesu Klistu Mwana wenu utemwikwa Bashikulu besu uyo ilo abucile mubuleme bwakwe nebonekela kubasambile bakwe mumenso abo nekunina kwiulu mukuwamya icifulo cesu; ati uko ukwali nefwebo tukanine nekuya kwikala pamo naye mumufumu bwakwe. Epo pamo nenkalamba ...

PaPentekosite nenshiku 6 ishikonkene

    Mwe Yesu Klistu Bashikulu besu; uyo, ili aile kwiulu-kwiulu nekwikala kulwine Iwampupo syenu kuti pampindi ino nekwitilapo pabana benu Mupashi wenu Uswetele uwamweo, ati ukusangalala kwacebo iciweme icitashile kukengile mufyalo fyonse kumakosa akwe abuleme; kuli ico nafwebo twalifumishiwe mufinshi nabumbifi; nekwingila mukutuba ukwakumwishiba mwebo neMwana wenu Mupulushi wenu Yesu Klistu. Epo pamo nenkalamba ...

Mulungu waButatu

    Mwebo pamo neMwana wenu ufyelwe enka, neMupashi Uswetele nimwe Bashikulu bamo mubene batatu sombi mumusango umo, pakuti ifyo ifitusumina ifyampupu syenu, mweLesa Tata, ifyo fyenka tusumina ifyaMwana nefyakwe Mupashi Uswetele, ifyakubulokulibela neli kulekana. Epo pamo nenkalamba ...

Pakasuba kaKwaluka kwakwe Yesu

    Pakuti umucinshi we shiwi, lyacitilwe umuntu walitulile palupili ulutondelwe pamenso amboni syabufumu bwaliko nekubwenesya ubukulu nekwisa kwabufumu bwaliko pamo nebasanto baliko mukutuba. Epo pamo nenkalamba ...

Patusuba twabasanto utukulu nebasambile nebaEvangelisiti

    Mwebo mwapele kuli fwebo mubasanto icipimo cakwikala ukupalene nefintu ifi Lesa alokufwaya, kulayana ukwakupemamo ukwakwita kwesu; ati apakusinguluka kubasanto bonse tukokwenda mutima-nteka munshila iyo atulangile, nekupoka pamo nabo ingala isyamucinshi ishitafotapo. Epo pamo nenkalamba ...

Ukulanguluka bafwile

    Muli Bashikulu besu Yesu Klistu abo abaletele umweo mukutuba ati fwebo fwetukacilwe kukulema kwafibipile nemfwa, teti tutine kuti ni babo aba tali nebucetekelo. Epo pamo nenkalamba ...

Panshiku iyakutondesye icalice kani myaka yonse yakutondesya icalice

    Nangati lulu iline talishipo ukumufimbapo lukoso, nebuleme bwenu bulikumene icalo conse, mwemulokusumina inganda isyapanwesonde ishitondelwe mwishina lyenu, umo mwitila ifyaluse lwenu pabantu benu abakucetekela. Epo pamo nenkalamba ...
 

AMALOMBELO AKUPEPA

Angabombeshiwa kani ubulandanya buswetele.
    Amalombelo mukabuku akalembelwe kangabombeshiwa kukonka kwamapepo nzutusuba tumbi umantalukoso ukupepesha amapepo yonse.

UKUBUNGANA KWA BONSE

Ulwimbo
    Ilombelo papegi 9 ukulabila bonse pamo.
    Amafunde ikumi kani aBashikulu abili nekwasuka kuti ni pegi 9.
    Ukufisulula papegi 13.

    Kani Cipupila epoali ngalabile ukusyukisya, uyo ulukupempelesya kani Katikisti ngapende kalombelo aka pa Butatu 21.

Ubuleme papegi 10
Kalombelo Kanshika

UKUPENDA KWAMASHIWI

Inkalata Kani ukupenda mukulayana kwakale
Ulwimbo kani masamo kani kantikali
Ifangelo
Ilwimbo lungembwa kani Nkocetekela kulabilwa lomba.

    Kani mukulu wafwaye uku palunganya bantu pamulandu ukufunda, bupe ngakwetwe nekupupa munshita yalwimbo ulu, pantanshi baice bafumine. Cipale bupe ngakwete mulwimbo kulekelesha.

    Ukubilisya nemashiwi ambi.

UKUPEMBELELA

    Ulwimbo lungembwa

Amalombelo ekelesya papegi 12 angabombeshiwa
Amalombelo ambi ali papegi 21-22
Bonse balabile: Ilombelo lyaBashikulu.

    Uluse lawBashikulu besu Yesu Klistu nebutemwe bwakwaLesa nekwambula kwaMupashi Uswetele alokwikele nafwebo inshiku mipelo.

    Ulwimbo ulwakupelako lungembwa.
 

UKULUNDAPO AMASHIWI NAMBI KULI BA
CIPUPILA NEBAPENDESHI

1.  Ubuleme tekuti bwimbwepo paMilungu yaMeshilo nekufuma ku Septuagesima ukufika kuMulungu wafibale, munshiku lukoso isyo ishitashili shikulu.

2. Cilisuminishiwe ukuti akalombelo lukoso kamo kangabombeshiwa.

3.  Ukalayana kwakale pambi amasamo pambi Kantikali fingapendwa ulo taingapendwa ipistola. Balayman ngapende isambilila nepistola.

4.  Munshiku ishitashili shikulu Nkocetekela tekwimba nangu kulabila iyo.

5.  Ukupepela abanensu kungapendwa kuli layman uyo mupendeshi angabombesya ali onse nangu amalombelo amu 1964 liturgy nekubi kapo ambi akafuma kuli ye umwine, nangu mufiputulwa fimbi ifyebombelo lyaKelesya ililembelwe mull ili buku.

Pakushila ilombelo limo limo, angalabila ati:
MweBashikulu umfweni ukupepa kwesu
Abantu bangasuka ati:
Nekulila kwesu kufike kuli mwebo.

6. Pakuwamya kwaMinsa ubwite bungafumishiwamo munshiku lukoso, nekufisulula nekusyukisya efingabombeshiwa, sombi amashiwi aweme tekulabilapo pall konse akasuba.

7.  WeMwana wambelele ingembwa kani uku labila pampindi yaMinsa ukucila impindi yenkeyo ulo akumuna icimpwampwa.

8.  Pampindi yaMinsa amashiwi akupelelamo umubili angaputulwa kuti kufwaya kuti nifi: Umubili wakwe Klistu. Amen. Kalabula wakwe Klistu. Amen.

9.  Kani amalombelo akupepa papegi 21, 22 angabombeshiwa ukulundapo ulo Iminsa yashila, amasambilo ambi angapendwa pamalo epistola neFangelo lyanshiku.

10. Ulo amalombelo ashila mukupepa cipale pampindi imbi cili ciwena ukulandapo ilombelo lyakwe Musanti CHRYSOSTOM mwilombelo ilyobe.
 

AMALOMBELO AYOBE WEMWINE

1. Ilitayaingatendeka Iminsa
    MweBashikulu naisa kuli mwebo pakuti mukonjita,
Naisa mukumutota pabutemwe bukulu bwenu,
Naisa mukulipela umweo wanji kuli mwebo nekwipusya
ukulekelelwa kuli fyonse ifitayelelwe nekubomba ati munjimakanike milimo yenu yonse. . .

    MweBashikulu, naisa nebananji bonse abena Klistu ... Imyeni imitima yesu ilokuli namwebo mwiSakalamenti iyamubili.

2. Pakushita Iminsa
    MweBashikulu nkomutota.
Mwibukisya, mweBashikulu ifyo, ifi mwabika mull fwebo, tefyefyo ifitufwaya iyo, kuti fintu ifyo mwatwita kumilimo yenu, tuciteni ukuti twitabe ubwite bwenu mull Yesu Klistu. Amen.

3. Ulucelo
    MweBashikulu, nalipela kuli mwebo lelo; mbuleni mweBashikulu nekumbombesya.

4. Pampindi ili yonse.
    Klistu tali nemubili pano panshi, sombi fwebo, neli maboko, sombi fwebo, amenso esu akulolesyako ukuti tubone imilimo yakwe muno calo amakosa esu akwendelako ukucitilako imilimo iwene Iminwe yesu minwe iyo ako tusyukisyako bukomo.

5. Ukumulemya Lesa
    Lesa ngacindikwe
    Ishina lyakwe ngalicindikwe
    Yesu Klistu ngacindikwe, Lesa wacine nebuntu bwacine
    Ishina lyakwe Yesu ngalicindikwe
    Yesu ngacindikwe mwiSakalamenti ilitondelwe
    Lesa ngacindikwe mumupashi uswetele
    BaMaliya ngabacindikwe atondelwe baNyina
    Lesa ngacindikwe munkalamba namuBasanto bakwe
    Lesa ngacindikwe.

6. Ilombelo lyakupepela Africa
Lesa syukisyeni icalo ca Africa,
Cicileni abantu baciko,
Tungululeni intungulushi syaciko,
Nekucipela umutende,
Muli baYesu Klistu. Amen.

7. Ilombelo lyaZambia
    MweLesa bawishifwe babantu bonse twapapata kumutima wankumbu, nebutemwe ubwakutema abamucalo cino nemutima wankumbu uwabucine nebutemwe ukuti mumulimo yesu yonse ukuti tulangisye ubwanabwankashi muli mwebo, mull Yesu Klistu Bashikulu wesu. Amen.

8. Ilombelo lyakwe Musanto Chrysostom
    MweLesa wamakosa onse mwemwatupele uluse bukumo nemutima umo ulwakupapatila amapapatilo afonse pamo kuli mwebo, mukolayana ati pakulonganina babili kani batatu mwishina lyenu mukabapela ukulomba kwabo; Shilisyeni mweBashikulu, ukufwaya kwabapyunjishi benu unomulokufwaila; mutupele ukulokwishiba ifyacine fyenu mumweo uno namucalo cikesa mumweo utashila. Amen.