IMI-TANDAZWANA,
NE-NCWADANA, NE-VANGELI

ZOMNYAKA WONKE.

¶ Maiti imi-Tandazwana ye-Cawa nge-Cawar neyemihla engcwele esakuba ine-Vigil itetwe kwi-Nkonzo. yarngo-Kuhlwa pambi kwe-Cawa nemihla leyo.

EYOKUQALA I-CAWA YE-ADVENT.

UM-TANDAZWANA.

TIXO Somandla, sipè ufefe lokuba Siyilahle imisebenzi yobumnyama, sixòbe izixòbo zokukànya, sisabudla,obubomi bupèlayo, awati ngabo u-Yesu Kristu u-Nyana wako weza kuti ngolulamo olukulu; ukuze siti ngomhla wokugqibela, akupinda enamandla nobuqaqauli bake. eze kugweba abahleliyo nabafileyo, sivukele ebomini obungapèliyo, ngaye lowo uhleli elaula ndawony nawe no-Moya Oyingcwele kaloku nangonapakade. Amen.

¶ Lom-Tandazwana mawuhlal' utetwa neminye ye-Advent imihla ngemihla kude kube yi-Nkonzo yo-Kuhlwa okwandulela imini ye-Kristmas.

I-NCWADANA. Kwabase-Roma xiii. 8 - 14.
I-VANGELI. U-Mateyu Ongcwele xxi.1 - 13.
 

First Sunday in Advent

EYESIBINI I-CAWA YE-ADVENT.

UM-TANDAZWANA.

NKOSI encomekayo, owenze ukuba zonke,izi-Bàlo ezingcwele zibàlelwe ukufunda kwetu; Sipè ukuba sizive, sizfunde, sizigqale, sizamkelele entliziyweni, ukuze siti ngonyamezelo nangovuselelo lwe-Lizwi lako sihlale iligcina itemba lobomi obungunapakade, osipè lona ngaye u-Msindisi wetu u-Yesu Kristu. Amen.

I-NCWADANA. Kwabase-Roma xv. 4 - 13.
I-VANGELI. U-Luka Ongcwele xxi. 25 - 33.
 

EYESITATU I-CAWA YE-ADVENT.

UM-TANDAZWANA.

NKOSI Yesu Kristu, ote ukuqala kwako ukuza watuma isitunywa sako ukuya kukulungiselela indlela; Yenza ukuba izicaka namagosa emfihlelo zako zenjenjalo ukulungisa indlela yako, ngokuguqulela intliziyo zabangeyayo ebulumkweni bamalungisa, ukuze wakubuya uzakuligweba ilizwe sifunyanwe singabantu abakòlekileyo kuwe, ohleli ulaula uno-Yiblo no-Moya Oyingcwele, emnye u-Tixo, ngonapakade. Amen.

I-NCWADANA. 1 Kwabase-Korinte iv. 1 - 5.
I-VANGELI. U-Mateyu Ongcwele xi. 2 - 10.
 

EYESINE I-CAWA YE-ADVENT.

UM-TANDAZWANA.

NKOSI, siyakutandaza, bonakalisa amandla ako, ungene pakati kwetu, usisize ngamandla amakulu; ukuze sixakiwe nje zizono zetu, sikòhliwe nokuhamba indlela esiyimiselweyo, usincede wena kamsinya, usikùlule ngobubele bako obukulu; ngenxa yentlaulelo yo-Nyana wako, i-Nkosi yetu, ofanele ukudunyiswa enawe no-Moya Oyingcwele, ngonapakade. Amen.

I-NCWADANA. Kwabakwa-Filipu iv. 4 - 7.
I-VANGELI. U-Yohane Ongcwele i. 19 - 28.
 

UMHLA WOKUZALWA KWE-NKOSI YETU U-KRISTU,
OKUTIWA YI-KRISTMAS.

UM-TANDAZWANA.

TIXO Somandla, osinikeleyo u-NYana wako okupèla kozelweyo, ukuba zitabatele isimo setu, ati ngokwajengelixesha azalwe yi-Ntombi emsulwa; yenza ukuba tina, sizelwe ngokntsha sangeniswa saba ngabantwana bako ngofefe, sihlaziywe imihla ngemihla. ngo-Moya wako Oyingcwele; ngayo lo-Nkosi yetu n-Yesu Kristu, ohleli elaula nawe no-Moya Oyingcwele, emnye u-Tixo, ngonapakade. Amen.

I-NCWADANA. Kuma-Hebere i. 1 - 12.
I-VANGELI. U-Yohane Ongcwele i. 1 - 14.
 

UMHLA KA-STEFANO ONGCWELE.

UM-TANDAZWANA.

SIPE, Nkosi, ukuba kubo bonke ubunzima esibuvayo ngokunqìnela inyaniso yako, siqwalasele ezulwini, sibone ngokòlo ubuqaqauli obuyakuveliswa; sìti, sizaliswe ngu-Moya Oyingcwele, sifunde ukutanda abatshutshisi betu, sibatandazele, sixelisa u-Stefano Ongcwele, um-Feli wako wokuqala, owatandazela kuwe abamsikayo, Yesu oncomekayo, omi ngasekunene kuka-Tixo, ukuze usize bonke abaviswa ubuhlungu ngenxa yako; inguwe wedwa osilamlelayo, inguwe wedwa ositetelelayo. Amen.

¶ Apa makutetwe um-Tandazwana wo-Mhla we-Kristmas, imihla yonke kude kufike umhla owanduteta owokuqala wom-Nyaka om-Tsha.

EYE I-NCWADANA. Izenzo vii. 55 - 60.
I-VANGELI. U-Mateyu Ongcwele xxiii. 34 - 39.
 

UMHLA KA-YOHANE ONGCWELE, UM-VANGELI.

UM-TANDAZWANA.

SIYAKUTANDAZA, Nkosi Onetaru, sitì, toba imità yokukànya kwako pezu kwe-Kerike yako; ize iti ikànyiselwe yimfundiso yom-Postile wako u-Yohane Ongcwele, um-Bàli: we-Vangeli, ihambe ekukànyeni kwenyaniso yako, ize iti ekugqibeleni ifikelele ekukànyeni kobomi obungunapakade; ngaye u-Yesu Kristu i-Nkosi yetu. Amen.

I-NCWADANA. 1 Ke-Yohane Ongcwele i. 1 - 10.
I-VANGELI. U-Yohane Ongcwele xxi. 19 - 25.
 

St. John the Evangelist

UMHLA WENTSANA EZINGCWELE.

UM-TANDAZWANA.

TIXO Somandla,owati emilonyeni yentsana nabànyayo wadala amandla, watì mabakudumise ngokufa. kwabo; Bùbìsa yonke inkohlakalo epakati kwetu, usomeleze ngobubele bako, ukuze siti ngobumsulwa, siqinisile ukukòlwa kude kube sekufeni sidumise i-Gama lako elingcwele; ngaye u-Yesu Kristu i-Nkosi yetu. Amen.

EYE I-NCWADANA. Isityilelo xiv. 1 - 5.
I-VANGELI. U-Mateyu Ongcwele ii. 13 - 18.
 

ICAWA ELANDELA UMHLA WE-KRISTMAS.

UM-TANDAZWANA.

TIXO Somandla, osinikeleyo u~Nyana wako okupela kozelweyo, ukuba azitabatele isimo setu, ati ngokwanjengelixesha azalwe yi-Ntombi emsulwa; Yenza ukuba tina, sizelwe ngokutsha, sangeniswa saba nga bantwanabako ngofefe, sihlaziywe imilha ngemihla ngo-Moya wako Oyingcwele; ngayo lo-Nkosi yetu u-Yesu Kristu, ohleli elaula nawe no-Moya Oyingcwele, emnya u-Tixo, ngonapakade. Amen.

I-NCWADANA. Kuma-Galati 4. 1 - 7.
I-VANGELI. U-Mateyu Ongcwele i. 18 - 25.
 

UKW-ALUKA KUKA-KRISTU.

UM-TANDAZWANA.

TIXO Somandla, owatanda ukuba aluswe u-Nyana wako, awululamele umteto ngenxa yabantu; Sipè ulwaluko lwenene lwo-Moya wako, ukuze zonke inkanuko zomhlaba nezenyama zibùjiswe ezintliziyweni nasemizimbeni yetu, siti ezintweni zonke silulamele intando yako engcwele; ngaye u-Nyana wako lowo u-Yesu Kristui-Nkosi yetu. Amen.

I-NCWADANA. Kwabase-Roma iv. 8 - 14.
I-VANGELI. U-Luka Ongcwele ii. 15 - 21.

¶ Lom-Tandazwana, kunye ne-Ncwadana ne-Vangeli, uyakutetwa imihla yonke ide ifike i-Epifani.
 

I-EPIFANI
oko kukutì,

UKUBONAKALISWA KUKA-KRISTU KWINTLANGA.

UM-TANDAZWANA.

TIXO, owati ngokukokela kwenkwenkwezi wabonakalisa u-Nyana wako ozelweyo emnye kwi-Ntlanga; Yenza ngetaru ukuba tina sikwaziyo kaloku nje ngokòlo, siti emva kobubomi sibe nokubona ubuqaqauli bobu-Tixo bako; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso iii. 1 - 12
I-VANGELI. U-Mateyu Ongcwele ii. 1 - 12
 

EYOKUQALA I-CAWA EMVA KWE-EPIFANI.

UM-TANDAZWANA.

YAMKELA, Nkosi, ngetaru imitandazo yabantu bako abazibika kuwe; ubancede ukuba baziqonde ezonto bafanele ukuzenza, bati ngofefe nangamandla babe nokuzifeza; ngaye u-Yesu Kristu i-Nkosi yetu. Amen.

I-NCWADANA. Kwabase-Roma xii. 1 - 5
I-VANGELI. U-Luka Ongcwele ii. 41 - 52
 

EYESIBINI I-CAWA EMVA KWE-EPIFANI.

UM-TANDAZWANA.

TIXO Somandla, Ongunapakade, olaula konke okusezulwini nokusemhlabeni; Yiva ngetaru imitandazo yabantu. bako, usipè uxolo lwako yonke imihla yobomi betu; ngaye u-Yesu Kristu i-Nkosi yetu. Amen.

I-NCWADANA. Kwabase-Roma xii. 6 - 16
I-VANGELI. U-Yohane Ongcwele ii. 1 - 11
 

EYESITATU I-CAWA EMVA KWE-EPIFANI.

UM-TANDAZWANA.

TIXO Somandla, Ongunapakade, bukangele ngetaru ubulwelwe betu, uti kuzo zonke mgozi nentswelo zetu, wolule isandla sako sokunene, sisincede, sisikùsele; ngaye u-Yesu Kristu i-Nkosi yetu. Amen.

I-NCWADANA. Kwabase-Roma xii. 16 - 21
I-VANGELI. U-Mateyu Ongcwele xiii. 1 - 13
 

EYESINE I-CAWA EMVA KWE-EPIFANI.

UM-TANDAZWANA.

TIXO, osaziyo ukuba sipahlwe zingozi ezininzi nezinkulu kangaka, side siti ngenxa yobutataka betu sikòhlwe nokuma; Sixàse usikùsele, sibe nokupumelela ezingozini nasezihendweni zonke; ngaye u-Yesu Kristu i-Nkosi yetu. Amen.

I-NCWADANA. Kwabase-Roma xiii. 1 - 7
I-VANGELI. U-Mateyu Ongcwele xiii. 23 - 34
 

EYESIHLANU I-CAWA EMVA KWE-EPIFANI.

UM-TANDAZWANA.

NKOSI, siyakutandaza, yigcine i-Kerike. engumzi wako ekukonzeni Wena; baze bati abatembele elufefeni lwako lodwa lwasezlilwini, bakùselwe nguwe ngamaxesha onke: ngaye u-Yesu Kristu i-Nkosi yetu. Amen.

I-NCWADANA. Kwabase-Kolose iii. 12 - 17
I-VANGELI. U-Mateyu Ongcwele xiii. 24 - 30
 

EYESITANDATU I-CAWA EMVA KWE-EPIFANI.

UM-TANDAZWANA.

TIXO, o-Nyana wako oncomekayo wabonakaliswa ukuze atshabalalise imisebenzi ka-Satana asenze sibe ngonyana baka-Tixo, nendla-mafa zobomi bapakade; Sipè ukuti, sinelitemba nje, sizihlambulule njengokuba ehlambulukile yena, ukuze siti, akubuya enamandla nobuqaqauli, senziwe sifane naye ebukumkanini bake obunobuqaqauli obungapèliyo, apo ahlal' ehleli nawe Bawo, nawe Moya Oyingcwele, emnye u-Tixo, ngonapakade. Amen.

I-NCWADANA. 1 Ka-Yohane Ongcwele iii. 1 - 8
I-VANGELI. U-Mateyu Ongcwele xxiv. 23 - 31
 

ICAWA EKUTIWA YI-SETWAJESIMA,
okunye
EYESITATU I-CAWA PAMBI KWE-LENT.

UM-TANDAZWANA.

NKOSI, siyakukùnga, yiva ngobubele imitandazo yabantu bako; ukuze tina sifanele ukohlwaywa ngenxa yezigqito zetu, sikùlulwe ngetaru lako, kuze kudunyiswe i-Gama lako; ngaye., u-Yesu Kristu u-Msindisi wetu, ohleli elaula nawe no-Moya Oyingcwele, emnye u-Tixo, ngonapakade. Amen.

I-NCWADANA. 1 Kwabase-Korinte ix. 24 - 27
I-VANGELI. U-Mateyu Ongcwele xx. 1 - 16
 

I-CAWA EKUTIWA YI-SEZAJESIMA,
okunye
EYESIBINI I-CAWA PAMBI KWE-LENT.

UM-TANDAZWANA.

NKOSI Tixo, obonayo ukuba asitembi nto siyenzayo tina; Sipè ngetaru ukuba sikùselwe ngamandla ako ebllbini bonke, ngaye u-Yesu Kristu i-Nkosi yetu. Amen.

I-NCWADANA. 2 Kwabase-Korinte xi. 19 - 31
I-VANGELI. U-Luka Ongcwele viii. 4 - 15
 

I-CAWA EKUTIWA YI-KWINKWAJESIMA,
okunye
I-CAWA EYANDULELA I-LENT.

UM-TANDAZWANA.

NKOSI, osifundisileyo ukuba zonke izenzo zetu kungekò lutando ziyinto engeyonto: Tuma u-Moya wako Oyingcwele, ugalele ezintliziyweni zetu esosipò silungileyo sotando, silibande loxolo nobulungisa bonke, abe osukuba engenalo, noko apilileyo, enjengofileyo pambi kwako; Sipè oku ngaye u-Nyana. wako emnye u-Yesu Kristu. Amen.

I-NCWADANA. 1 Kwabase-Korinte xiii. 1 - 13
I-VANGELI. U-Luka Ongcwele xviii. 31 - 43
 

UMHLA WOKUQALA WE-LENT,
okunye
IMINI YOTUTU.

UM-TANDAZWANA.

TIXO Somandla Ongunapakade, ongatiyiyo nanye into oyenzileyo, oxolela izono zabo bonke abaguqukayo; Dala pakati kwetu intliziyo ezintsha ezigqobokileyo, size siti, sizililela izono zetu, sibuvuma ubungendawo betu, sizuze kuwe, ongu-Tixo wetaru lonke, ukukùlulwa nokuxolelwa kanye; ngaye u-Yesu Kristu i-Nkosi yetu. Amen.

¶ Lom-Tandazwana mawutetwe yonke imihla ye-Lent, emva kom-Tandazwana we-Mini.

EYE I-NCWADANA.U-Yoweli ii. 12 - 17
I-VANGELI. U-Mateyu Ongcwele vi. 16 - 21
 

EYOKUQALA I-CAWA YE-LENT.

UM-TANDAZWANA.

NKOSI, owati ngenxa yetu wazila ukudla intsuku zamashumi mane; Sipè amandla okuba siti ngokuzila siyoyise imizimba yetu, ilulekwe ngu-Moya wako, size sikulandele ngobulungisa nangobungcwele, ukuze kudunyiswe Wena, ohleli ulaula no-Yise no-Moya Oyingcwele, enmye u-Tixo, ngonapakade. Amen.

I-NCWADANA. 2 Kwabase-Korinte vi. 1 - 10
I-VANGELI. U-Mateyu Ongcwele iv. 1 - 11
 

EYESIBINI I-CAWA YE-LENT.

UM-TANDAZWANA.

TIXO Somandla, obonayo ukuba tina ngokwetu asinamandla okuzigcina; Silondoloze umzimba nompefumlo, size sisinde emashweni onke anokuhlela umzimba, sigcinwe ezingcinganeni zonke ezinokwenzakalisa umpefumlo; ngaye u-Yesu Kristu i-Nkosi yetu. Amen.

I-NCWADANA. 1 Kwabase-Tesalonika iv. 1 - 8
I-VANGELI. U-Mateyu Ongcwele xv. 21 - 28
 

UM-TANDAZWANA.

SIYAKUTANDAZA, Tixo Somandla, ukuba unyamekele ukulangazelela kwentliziyo zezicaka zako, uyolule ingalo yako enamandla, isikùsele kuzo zonke intshaba; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso v. 1 - 14
I-VANGELI. U-Luka Ongcwele xi. 14 - 28
 

UM-TANDAZWANA.

TIXO Somandla, yenza ukuba tina sifanele ukohlwaywa ngenxa yezenzo zetu ezikohlakeleyo siti ngötutuzelo lofefe lwako sikùlulwe ngobubele bako obukulu; ngaye u-Yesu Kristu i-Nkosi no-Msindisi wetu. Amen.

I-NCWADANA. Kuma-Galati iv. 21 - 31
I-VANGELI. U-Yohane Ongcwele vi. 1 - 14
 

EYESIHLANU I-CAWA YE-LENT.

UM-TANDAZWANA.

SIYAKUTA NDAZA, Tixo Somandla, ukuba ubakangele abantu bako; baze bahlale belaulwa begcinwe umzimba nompefumlo ngobubele bako obukulu; ngaye u-Yesu Kristu i-Nkosi yetu. Amen.

I-NCWADANA. Kuma-Hebere ix.11 - 15
I-VANGELI. U-Yohane Ongcwele viii. 46 - 59
 

UM-TANDAZWANA.

TIXO Somandla Ongunapakade, owati ngokubatanda kwako abantu watuma u-Nyana wako u-Msindisi wetu u-Yesu Kristu ukuba azitabatele ubuntu betu, eve ukufa emnqamlezweni, ukuze abantu bonke bawufuze umlinganiso wolulamo lwake olukulu; Yenza ngetaru ukuba nati silufuze unyamezelo lwake olo, size sibe ngabahlulelana naye eluvukweni lwake; ngaye u-Yesu Kristu lowo, i-Nkosi yetu. Amen.

I-NCWADANA. Kwabakwa-Filipu ii. 5 - 11
I-VANGELI. U-Mateyu Ongcwele xxvii. 1 - 54
 

UMVULO OWANDULELA I-PASIKA.

EYE I-NCWADANA. U-Yesaya lxiii. 1 - 19
I-VANGELI. U-Marko Ongcwele xiv. 1 - 72

 
OLWESIBINI OLWANDULELA I-PASIKA.

EYE I-NCWADANA. U-Yesaya l. 5 - 11
I-VANGELI. U-Marko Ongcwele xv. 1 - 39

OLWESITATU OLWANDULELA I-PASIKA.

I-NCWADANA. Kuma-Hebere ix. 16 - 28
I-VANGELI. U-Luka Ongcwele xxii. 11 - 71

OLWESINE OLWANDULELA I-PASIKA.

I-NCWADANA. 1 Kwabase-Korinte xi. 17 - 34
I-VANGELI. U-Luka Ongcwele xxiii. 1 - 49

OLWESIHLANU OLULUNGILEYO
oko kukutì
NGUMHLA WOKUFA KWE-NKOSI YETU U-YESU KRISTU.

IMI-TANDAZWANA.

TIXO Somandla, siyakukùnga ukuba ukangele usapo lwako olu, awati ngenxa yalo u-Yesu Kristu i-Nkosi yetu wavuma ukungcatshwa wanikelwa ezandleni zaboni, nokufela emnqamlezweni, ohleli elaula nawe no-Moya Oyingcwele, emnye u-Tixo, ngonapakade. Amen.

TIXO Somandla, Ongunapakade, oti ngo-Moya wako ulaule ungcwalise i-Kerike yonke; Yamkela izikùngo zetu, sitandazela zonke indidi zabantu abase-Kerikeni yako engcwele, aze ati elowo emsebenzini wake akukonze ngokwenyaniso; ngaye u-Yesu Kristu i-Nkosi no-Msindisi wetu. Amen.

TIXO onetaru, Mdali wabantu bonke, ongatiyiyo nanye into oyenzileyo, ongakutandiyo ukufa komoni, utanda ukuba aguquke, apile; Sitaruzisela kuwe onke ama-Yuda, nama-Islam, nabangakòlwayo, nabapambukileyo, ukuba ususe kubo ukungazi, pobunqòla bentliziyo, nokudela i-Lizwi lako; ubagodusele, Nkosi, emhlambini wako, basindiswe nesisalela sama-Sirayeli enene, ukuze babe mhlambi mnye, omalusi ukwamnye, u-Yesu Kristu i-Nkosi yetu, ohleli elaula nawe no-Moya Oyingcwele, emnye u-Tixo, ngonapakade. Amen.

I-NCWADANA. Kuma-Hebere x. 1 - 25
I-VANGELI. U-Yohane Ongcwele xix. 1 - 37

UMHLA OWANDULELA I-PASIKA.

UM-TANDAZWANA.

NKOSI, ekubeni sabàptizelwa ekufeni ko-Nyana wako u-Msindisi wetu u-Yesu Kristu, yenza ukuba siti ngokuhlala sizoyisa zonke inkanuko ezingendawo sincwàtywe naye, size ngencwàba nangesango lokufa, sipumele eluvukweni olunenyweba; ngayo imfaneleko ya-Lowo wafayo, wancwàtywa, wavuka ngenxa yetu, u-Nyana wako u-Yesu Kristn i-Nkosi yetu. Amen.

I-NCWADANA. 1 Ka-Petros Ongcwele iii. 17 - 22
I-VANGELI. U-Mateyu Ongcwele xxvii. 57 - 66

UMHLA WOKUVUKA KWE-NKOSI,
okutìwa ngowe-
PASIKA,

¶ Em-Tandazweni wa-Kusasa ezizahlukwana ziyakutetwa okunye ziculwe, kuyekwe i-Ndumiso eqala ngokutì, Yizani siculele I-NKOSI.

EYETU i-pasika engu-Kristu siyibingelelwe: ngoko masiwenze umtendeleko;
    Singawenzi ngegwele elidala, ngegwele lobubi nenkohlakalo: masiwenze ngezonka ezingenagwele zokungenakumbi nenyaniso.   1 Kwabase-Korinte v. 7.

U-KRISTU evusiwe nje kwabafileyo akabi safa: ukufa akusampàti ngobukosi;
    Kuba ukufa awakufayo, wakufa kwisono kwaba kanye: ubomi ke abudlayo, ubudlela ku-Tixo.
    Ngokunjalo nani zibaleleni ekutìni ningabafileyo okunene kwisono: kodwa ningabadla ubomi ku-Tixo niku-Kristu Yesu i-Nkosi yetu.   Kwabase-Roma vi. 9.

U-KRISTU uvukile kwabafileyo : waba lulibo lwabalele ukufa;
    Kuba ekubeni kaloku kungomntu ukufa: kukwangomntu ukuvuka kwabafileyo.
    Kuba njengokuba kuye u-Adam bafa bonke: ngokunjalo nakuye u-Kristu bayakudliswa ubomi bonke.   1 Kwabase-Korinte xv. 20.

    Udumo ku-Yise, naku-Nyana: naku-Moya Oyiingcwele;
    Kwavela kunjalo, kusenjalo nanamhla: kohlala kunjalo ngonapakade, Amen.

UM-TANDAZWANA.

TIXO Somandla, owati ngaye okupèla ko-Nyana wako ozelweyo u-Yesu Kristu wakweyisa ukufa, wasivulela isango lobomi bapakade; Uz' uti ekubeni ngofefe lwako olusikokelayo usitsalela ekuzameleni ubulungisa, usincede, siyakutandaza, ipumelele lomizamo yetu; ngaye u-Yesu Kristu i-Nkosi yetu, ohleli elaula nawe no-Moya Oyingcwele, emnye u-Tixo, ngonapakade. Amen.

I-NCWADANA. Kwabase-Kolose iii. 1 - 7
I-VANGELI. U-Yohane Ongcwele xx. 1 - 10

UMVULO OLANDELA I-PASIKA.

UM-TANDAZWANA.

TIXO Somandla, owati ngaye okupèla ko-Nyana wako ozelweyo u-Yesu Kristu wakweyisa ukufa, wasivulela isango lobomi bapakade; Uz' uti ekubeni ngofefe lwako olusikokelayo usitsalela ekuzameleni ubulungisa, usincede, siyakutandaza, ipumelele lomizamo yetu; ngaye u-Yesu Kristu i-Nkosi yetu, ohleli elaula nawe no-Moya Oyingcwele, emnye u-Tixo, ngonapakade. Amen.

EYE I-NCWADANA. Izenzo x. 34 - 43
I-VANGELI. U-Luka Ongcwele xiv. 13 - 35
 

OLWESIBINI OLULANDELA I-PASIKA.

UM-TANDAZWANA.

TIXO Somandla, owati ngaye okupèla ko-Nyana wako ozelweyo u-Yesu Kristu wakweyisa ukufa, wasivulela isango lobomi bapakade; Uz' uti ekubeni ngofefe lwako olusikokelayo usitsalela ekuzameleni ubulungisa, usincede, siyakutandaza, ipumelele lomizamo yetu; ngaye u-Yesu Kristu i-Nkosi yetu, ohleli elaula nawe no-Moya Oyingcwele, emnye u-Tixo, ngonapakade. Amen.

EYE I-NCWADANA. Izenzo xiii. 26 - 41
I-VANGELI. U-Luka Ongcwele xxiv. 36 - 48
 

EYESIBINI I-CAWA EMVA KWE-PASIKA.

UM-TANDAZWANA.

TIXO Somandla, osinike okupèla ko-Nyana wako ukuba abe lidini lezono, abe ngumzekelo wentlalo elungileyo; Sincede ukuba silamkele ngokubulela elotamsanqa likulu lokusifela kwake, siti imihla ngemihla sizame ukulandela emkondweni wentlalo yake engcwele; ngaye u-Yesu Kristu lowo, i-Nkosi yetu. Amen.

I-NCWADANA. 1 Ka-Petros Ongcwele ii. 19 - 25
I-VANGELI. U-Yohane Ongcwele x. 11 - 16
 

EYESITATU I-CAWA EMVA KWE-PASIKA.

UM-TANDAZWANA.

TIXO Somandla, obakànyiselayo ngenyaniso yako abalahlekayo, ukuze babuyele endleleni yobulungisa; Bapè bonke abangenisiweyo ebudlelaneni benkonzo ka-Kristu, ukuba bakwèbuke kuko konke okucàsene nenkolo yabo, balandele konke okuvumelene nayo; ngaYe u-Yesu Kristu i-Nkosi yetu. Amen.

I-NCWADANA. 1 Ka-Petros Ongcwele ii. 11 - 17
I-VANGELI. U-Yohane Ongcwele xvi. 16 - 22
 

EYESINE I-CAWA EMVA KWE-PASIKA.

UM-TANDAZWANA.

TIXO Somandla, okupèla koraula intliziyo ezingevayo zaboni; Yenza ukuba abantu bako bakutande oko ukuyalelayo, bakunqwenele oko ukutembisayo; zize ziti intliziyo zetu, pakati kokuguquguquka kwezinto zomhlaba, zimiselwe apoikona inyweba eyinyaniso; ngaye u-Yesu Kristu i-Nkosi yetu. Amen.

I-NCWADANA. Ka-Yakobi Ongcwele i. 17 - 21
I-VANGELI. U-Yohane Ongcwele xvi. 5 - 14
 

EYESIHLANU I-CAWA EMVA KWE-PASIKA.

UM-TANDAZWANA.

NKOSI, osibabalayo ngento zonke ezilungileyo; Sincede tina zicaka zako, size ngamandla o-Moya Oyingcwele sicinge izinto ezilungileyo, siti ngokukokelwa nguwe sizenze zona; ngaye u-Yesu Kristu i-Nkosi yetu. Amen.

I-NCWADANA. Ka-Yakobi Ongcwele i. 22 - 27
I-VANGELI. U-Yohane Ongcwele xvi. 23 - 33

UM-TANDAZWANA.

TIXO Somandla, ekubeni sikòlwa ukuba u-Nyana. wako u-Yesu Kristu i-Nkosi yetu unyukele ezulwini; Sincede, siyakutandaza, sinyukele kòna nati ngomoya nangentliziyo, sihlale sihleli naye, ohleli elaula nawe no-Moya Oyingcwele, emnye u-Tixo, ngonapakade. Amen.

EYE I-NCWADANA. Izenzo i. 1 - 11
I-VANGELI. U-Marko Ongcwele xvi. 14 - 20
 

I-CAWA ELANDELA UMHLA WOKUNYUKELA.

UM-TANDAZWANA.

TIXO, Kumkani wodumo, omnyuseleyo ezulwini u-Nyana wako u-Yesu Kristu ngovuyo olukulu; Uz'ungasishiyi sizinkedama, kodwa usitumele u-Moya wako Oyingcwele, asitutuzele, asinyusele apo asanduulele ukuya kona u-Msindisi wetu u-Kristu, ohleli elaula nawe no-Moya Oyingcwele, emnye u-Tixo, ngonapakade. Amen.

I-NCWADANA. 1 Ka-Petros Ongcwele iv. 7 - 11
I-VANGELI. U-Yohane Ongcwele xv. 26, nesiqendu sese-xvi. - 4.
 

UM-TANDAZWANA.

TIXO, owati ngokwanjengelixesha wazifundisa intliziyo zamakòlwa ako ngokuwatumela isikanyiso so-Moya wako Oyingcwele; Yenza ukuba nati ngamandla o-Moya lowo sibe nokuqonda inyaniso ezintweni zonke, sihlale sivuyiswa lututuzelo lwake, ngayo imfaneleko yo-Msindisi wetu u-Yesu Kristu, ohleli elaula nawe no-Moya lowo, emnye u-Tixo, ngonapakade. Amen.

EYE I-NCWADANA. Izenzo ii. 1 - 11
I-VANGELI. U-Yohane Ongcwele xiv. 15 - 31
 

UMVULO OLANDELA UMHLA WE-PENTEKOST.

UM-TANDAZWANA.

TIXO, owati ngokwanjengelixesha wazifundisa intliziyo zamakòlwa ako ngokuwatumela isikanyiso so-Moya wako Oyingcwele; Yenza ukuba nati ngamandla o-Moya lowo sibe nokuqonda inyaniso ezintweni zonke, sihlale sivuyiswa lututuzelo lwake, ngayo imfaneleko yo-Msindisi wetu u-Yesu Kristu, ohleli elaula nawe no-Moya lowo, emnye u-Tixo, ngonapakade. Amen.

EYE I-NCWADANA. Izenzo x. 34 - 48
I-VANGELI. U-Yohane Ongcwele iii. 16 - 21
 

OLWESIBINI OLULANDELA UMHLA WE-PENTEKOST.

UM-TANDAZWANA.

TIXO, owati ngokwanjengelixesha wazifundisa intliziyo zamakòlwa ako ngokuwatumela isikanyiso so-Moya wako Oyingcwele; Yenza ukuba nati ngamandla o-Moya lowo sibe nokuqonda inyaniso ezintweni zonke, sihlale sivuyiswa lututuzelo lwake, ngayo imfaneleko yo-Msindisi wetu u-Yesu Kristu, ohleli elaula nawe no-Moya lowo, emnye u-Tixo, ngonapakade. Amen.

EYE I-NCWADANA. Izenzo viii. 14 - 17
I-VANGELI. U-Yohane Ongcwele x. 1 - 10
 

I-CAWA YO-MTRINITI.

UM-TANDAZWANA.

TIXO Somandla, Ongunapakade, osipìleyo tina bantu bako ufefe lokuba siti ngesivumo senkolo eyinene sibuxele ubuqaqauli bo-Mtriniti ongunapakade, siti ngamandla obungangamsha bako sinqule u-Tixo emnye; Siyakukunga ukuba usenze somelele kulenkolo, uhlale usikùsela ebubini bonke, ohleli ulaula, ungu-Tixo mnye, ngonapakade. Amen.

EYE I-NCWADANA. Isityilelo iv. 1 - 11
I-VANGELI. U-Yohane Ongcwele iii. 1 - 15
 

EYOKUQALA I-CAWA EMVA KWEYO-MTRINITI.

UM-TANDAZWANA.

TIXO, ongamandla abo bonke abatembela kuwe, yamkela ngetaru imitandazo yetu; uze uti ekubeni singenako ngenxa yobutataka betu ukwenza nanye into elungileyo ngapandle kwako, usipè uncedo lofefe lwako, siti ekuyigcineni imiteto yako, sikukòlise ngentando nangezenzo zetu; ngaye u-Yesu Kristu i-Nkosi yetu. Amen.

I-NCWADANA. 1 U-Yohane Ongcwele iv. 7 - 21
I-VANGELI. U-Luka Ongcwele xvi. 19 - 31
 

EYESIBINI I-CAWA EMVA KWEYO-MTRINITI.

UM-TANDAZWANA.

NKOSI, ongazange uyeke ukunceda nokubalaula bonke abakuhlonelayo bekutanda; Sikùsele, siyakukùnga, ngokusinonelela kwako, usenze ukuba sihlale silihlonela silitanda i-Gama lako elingcwele; ngaye u-Yesu Kristu i-Nkosi yetu. Amen.

I-NCWADANA. 1 U-Yohane Ongcwele iii. 13 - 24
I-VANGELI. U-Luka Ongcwele xiv. 16 - 24
 

EYESITATU I-CAWA EMVA KWEYO-MTRINITI.

UM-TANDAZWANA.

NKOSI, siyakukùnga ukuba usive ngetaru; wenze ukuba tina wasinikayo umoya wokutandaza, sikùselwe sonwatyiswe ngamandla ako ezingozini nasemashweni onke; ngaye u-Yesu Kristu i-Nkosi yetu. Amen.

I-NCWADANA. 1 Ka-Petros Ongcwele v. 5 - 11
I-VANGELI. U-Luka Ongcwele xv. 1 - 10
 

EYESINE I-CAWA EMVA KWEYO-MTRINITI.

UM-TANDAZWANA.

TIXO, obakùselayo bonke abatembela kuwe, ekuungekò nto inokuqina nenokuba ngcwele ngapandle kwako; Songeze inceba yako, usilaule usikokele, size siti ukuzipàta kwetu kobubomi, singapòsani nobomi obungunapakade: Kwenze oku, Bawo wasezulwini, ngenxa ka-Yesu Kristu i-Nkosi yetu. Amen.

I-NCWADANA. Kwabase-Roma viii. 18 - 23
I-VANGELI. U-Luka Ongcwele vi. 36 - 42
 

EYESIHLANU I-CAWA EMVA KWEYO-MTRINITI.

UM-TANDAZWANA.

YENZA, Nkosi, siyakutandaza, ukuba imeko yomhlaba wonke ipàtwe nguwe ngoxolo, ize i-Kerike yako ikukonze ngokonwaba nangokuhlonela wena; ngaye u-Yesu Kristu i-Nkosi yetu. Amen.

I-NCWADANA. 1 Ka-Petros Ongcwele iii. 8 - 15
I-VANGELI. U-Luka Ongcwele v. 1 - 11
 

EYESITANDATU I-CAWA EMVA KWEYO-MTRINITI.

UM-TANDAZWANA.

TIXO, obalungiseleyo abakutandayo izinto ezigqita ingqondo zabantu ngokulunga kwazo: Galela ezintliziyweni zetu ukukutanda kangaka, ukuba siti, sitanda wena nje ngapezu kwento zonke, sizizuze ezonto uzitembisileyo ezigqite kuko konke ukunqwenela kwetu; ngaye u-Yesu Kristu i-Nkosiyetu. Amen.

I-NCWADANA. Kwabase-Roma vi. 3 - 11
I-VANGELI. U-Mateyu Ongcwele v. 20 - 26
 

EYESIXENXE I-CAWA EMVA KWEYO-MTRINITI.

UM-TANDAZWANA.

NKOSI, Somandla, oyi-Mbàngi no-Mniki wento zonke ezilungileyo; Milisela ezintliziyweni zetu ukutanda i-Gama lako; songeze umoya wokukunqula, usondle ngako konke ukulunga, usenze ngetaru lako elikulu sihlale sihleli kuko; ngaye u-Yesu Kristu i-Nkosi yetu. Amen.

I-NCWADANA. Kwabase-Roma vi. 19 - 23
I-VANGELI. U-Marko Ongcwele viii. 1 - 9
 

EYESIBOZO I-CAWA EMVA KWEYO-MTRINITI.

UM-TANDAZWANA.

TIXO, oti ngokwazelelela kwako okungapèliyo ukulungise konke okusezulwini nokusemhlabeni; Siyakukùnga ukuba ususe kuti konke okungasenzakalisayo, usipè konke okungasincedayo, ngllye u-Yesu Kristu i-Nkosi yetu. Amen.

I-NCWADANA. Kwabase-Roma viii. 12 - 17
I-VANGELI. U-Mateyu Ongcwele vii. 15 - 21
 

EYESITOBA I-CAWA EMVA KWEYO-MTRINTTI.

UM-TANDAZWANA.

NKOSI, siyakubongoza, sipè umoya wokucinga nokwenza okulungileyo ngamaxa onke; size siti, singenakwenza nto ilungileyo ngapandle kwako, sibe namandla òkuhlala ngokwentando yako; ngaye u-Yesu Kristu i-Nkosi yetu. Amen.

I-NCWADANA. 1 Kwabase-Korinte x. 1 - 13
I-VANGELI. U-Luka Ongcwele xvi. 1 - 9
 

EYESHUMI I-CAWA EMVA KWEYO-MTRINITI.

UM-TANDAZWANA.

NKOSI, zanga zingati indlebe zako, ngetaru lako zivulekele imitandazo yezicaka zako; uz'uti, ukuze zikuzuze oko zikucelayo, uzenze ukuba zikucele oko ukutandayo wena; ngaye u-Yesu Kristu i-Nkosi yetu. Amen.

I-NCWADANA. 1 Kwabase-Korinte xii. 1 - 11
I-VANGELI. U-Luka Ongcwele xix. 41 - 47
 

I-CAWA YESHUMI ELINANYE EMVA KWEYO-MTRINITI.

UM-TANDAZWANA.

TIXO, okòlisa ukubonakalisa amandla ako ngokusenzela inceba; Sincede ngobubele bako, size siti, sihamba ngendlela yemiteto yako, sizifumane ezonto uzitembisileyo, sibe ngabamkeli bobutyebi bako basezulwini; ngaye u-Yesu Kristu i-Nkosi yetu. Amen.

I-NCWADANA. 1 Kwabase-Korinte xv. 1 - 11
I-VANGELI. U-Luka Ongcwele xviii. 9 - 14
 

I-CAWA YESHUMI ELINAMBINI EMVA KWEYO-MTRINITI.

UM-TANDAZWANA.

TIXO Somandla Ongunapakade, ohleli ulungele ukusiva tina singekaceli, osibabalayo singafanele nokufanela; Galela pezu kwetu ubuninzi benceba zako, usixolele ezozono zoyikwa zizazela zetu, usipè ezonto zilungileyo esingafanele kukuzicela, kupèla ngemfaneleko yo-Mlamleli wetu, u-Yesu Kristu, u-Nyana wako, i-Nkosi yetu. Amen.

I-NCWADANA. 2 Kwabase-Korinte iii. 4 - 9
I-VANGELI. U-Marko Ongcwele vii. 31 - 37
 

I-CAWA YESHUMI ELINANTATU EMVA KWEYO-MTRINITI.

UM-TANDAZWANA.

TIXO Somandla Onetaru, ekungawe wedwa abakukonzayo abantu bako, bakukòlise; Sincede ukuba sikukonze ngokutembekileyo kobubomi, size ekugqibeleni singapòsani nezitembiso zako zasezulwini; ngayo imfaneleko ka-Yesu Kristu i-Nkosi yetu. Amen.

I-NCWADANA. Kuma-Galati iii. 16 - 22
I-VANGELI. U-Luka Ongcwele x. 23 - 37
 

I-CAWA YESHUMU ELINESINE EMVA KWEYO-MTRINITI.

UM-TANDAZWANA.

TIXO Somandla, Ongunapakade, yandisa kuti ukòlo, netemba, notando; nokuze sizuze oko usitembisayo, wenze ukuba sitande oko usiyalela kona; ngaye u-Yesu Kristu i-Nkosi yetu. Amen.

I-NCWADANA. Kuma-Galati v. 16 - 24
I-VANGELI. U-Luka Ongcwele xvii. 11 - 19
 

I-CAWA YESHUMI ELINESIHLANU EMVA KWEYO-MTRINITI.

UM-TANDAZWANA.

SIYAKUKUNGA, Nkosi, ukuba uyilondoloze i-Kerike yako ngetaru lako elingapèliyo; uze uti, ngenxa yokuba tina zinto zibutataka sinokuwa ngapandle kwako, uhlale usigcina ngoncedo lwako kuzo zonke izinto ezingasenzakalisayo, usalatise kuzo ezo zinokunceda usindiso lwetu; ngaye u-Yesu Kristu i-Nkosi yetu. Amen.

I-NCWADANA. Kuma-Galati vi. 11 - 18
I-VANGELI. U-Mateyu Ongcwele vi. 24 - 34
 

I-CAWA YESHUMI ELINESITANDATU EMVA KWEYO-MTRINITI.

UM-TANDAZWANA.

NKOSI, siyakukùnga, ngamana wayivelela i-Kerike yako ngosizi, wayihlambulula, wayikusela; nasekubeni ingenakugcinakala ngapandle kwako, mayihlale ilondolozwa luncedo lobulungisa bako; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso iii. 13 - 21
I-VANGELI. U-Luka Ongcwele vii. 11 - 17
 

I-CAWA YESHUMI ELINESIXENXE EMVA KWEYO-MTRINITI.

UM-TANDAZWANA.

NKOSI, siyakutandaza ukuba ufefe lwako luhlale lusikokela luslandela, lusenze ukuba sihlale sizinikela kuyo imisebenzi yonke elungileyo; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso iv. 1 - 6
I-VANGELI. U-Luka Ongcwele xiv. 1 - 11
 

I-CAWA YESHUMI ELINESIBOZO EMVA KWEYO-MTRINITI.

UM-TANDAZWANA.

NKOSI, siyakukùnga ukuba ubapè abantu bako amandla okuzicàsa izihendo zomhlaba, zomzimba, nezika-Satana, baze bati ngentliziyo ezingcwele balandele wena okupela ko-Tixo; ngaye u-Yesu Kristu i-Nkosi yetu. Amen.

I-NCWADANA. 1 Kwabase-Korinte i. 4 - 8
I-VANGELI. U-Mateyu Ongcwele xxii. 34 - 46
 

I-CAWA YESHUMI ELINESITOBA EMVA KWEYO-MTRINITI.

UM-TANDAZWANA.

TIXO, ekubeni singenakukukòlisa singancedwanga nguwe; Wanga angati u-Moya wako Oyingcwele azilungise azilaule intliziyo zetu ezintweni zonke; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso iv. 17 - 32
I-VANGELI. U-Mateyu Ongcwele ix. 1 - 8
 

I-CAWA YAMASHUMI MABINI EMVA KWEYO-MTRINITI.

UM-TANDAZWANA.

TIXO Somandla, Sozibele, siyakukùnga, sikùsele ezintweni zonke ezingasenzakalisayo; size silungele ngomzimba nangompefumlo ukwenza ngovuyo ezozinto uzitandayo wena; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso v. 15 - 21
I-VANGELI. U-Mateyu Ongcwele xxii. 1 - 14
 

I-CAWA YAMASHUMI MABINI ANANYE EMVA KWEYO-MTRINITI.

UM-TANDAZWANA.

NKOSI enetaru, siyakukùnga, bapù abakòliweyo bako uxolelo lwezo no noxolo, baze bahlanjululwe kuzo zonke izono zabo, bakukonze ngentliziyo ezolileyo: ngaye u-Yesu Kristu i-Nkosi yetu. Amen.

I-NCWADANA. Kwabase-Efeso vi. 10 - 20
I-VANGELI. U-Yohane Ongcwele iv. 46 - 54
 

I-CAWA YAMASHUMI MABINI ANESIBINI EMVA KWEYO-MTRINITI.

UM-TANDAZWANA.

NKOSI, siyakukùnga ukuba uwugcine umzi wako i-Kerike ekukukonzeni ngamaxesha onke; ukuze wona, ukùselwe nguwe, usindiswe ebubini bonke, ukukonze ngokukuhlonela emisebenzini elungileyo, kuze kudunyiswe i-Gama lako; ngaye u-Yesu Kristu i-Nkosi yetu. Amen.

I-NCWADANA. Kwabakwa-Filipu i. 3 - 11
I-VANGELI. U-Mateyu Ongcwele xviii. 21 - 35
 

I-CAWA YAMASHUMI MABINI ANESITATU EMVA KWEYO-MTRINITI.

UM-TANDAZWANA.

TIXO, oyinqaba namandla etu, nembàngi yako konke ukulunga; Ngamana walungela ukupulapula imitandazo ye-Kerike yako; wenze ukuba oko sikucelayo ngokòlo, sikufumane ngokuzeleyo; ngaye u-Yesu Kristu i-Nkosi yetu. Amen.

I-NCWADANA. Kwabakwa-Filipu iii. 17 - 21
I-VANGELI. U-Mateyu Ongcwele xxii. 15 - 22
 

I-CAWA YAMASHUMI MABINI ANESINE EMVA KWEYO-MTRINITI.

UM-TANDAZWANA.

NKOSI, siyakukùnga, baxolele abantu bako izipòso zabo; ukuze ngobubele bako obukulu sikùlulwe sonke ezintanjeni zezozono sizibope ngazo ngobulwelwe betu; Kwenze oku, Bawo, ngenxa yemfaneleko ka-Yesu Kristu i-Nkosi, no-Msindisi wetu. Amen.

I-NCWADANA. Kwabase-Kolose i. 3 - 12
I-VANGELI. U-Mateyu Ongcwele ix. 18 - 26
 

UM-TANDAZWANA.

NKOSI, siyakukùnga, vuselela intliziyo zabantu bako; baze bati, bevelisa iziqàmo zemisebemzi elungileyo, bavuzwe nguwe ngokukòlisekileyo; ngaye u-Yesu Kristu i-Nkosi yetu. Amen.

EYE I-NCWADANA.U-Yeremiya xxiii. 5 - 8
I-VANGELI. U-Yohane Ongcwele vi. 5 - 14

¶ Nyakana kupele lemi-Tandazwana ne-Ncwadana ne-Vangeli ingekafiki i-Advent, makucatshulwe kwezasalelayo emva kwe-Epifani. Nyakana zingapèlanga ifikile i-Advent, maziyekwe ezo zingafunekiyo, .Koko makugqalwe ulcuba lom-Tandazwana ne-Ncwadana ne-Vangeli ye-Cawa yamashumi mabini anesihlanu emva kweyo-Mtriniti zifanel'ukwenziwa nge-Cawa eyandulelayo eyokuqala ye-Advent.
 

UMHLA KA-ANDREYA ONGCWELE.

UM-TANDAZWANA.

TIXO Somandla, owanika um-Postile wako ongcwele u-Andreya amandla okuba avume akubizwa ngu-Nyana wako u-Yesu Kristu, wamlandela akalibala; Sincede tina sonke, esibizwa nje li-Lizwi lako elingcwele, ukuba sizinikele ngentobeko ekuyenzeni imiteto yako; nga ye u-Yesu Kristu lowo i-Nkosi yetu. Amen.

I-NCWADANA. Kwabase-Roma x. 9 - 21
I-VANGELI. U-Mateyu Ongcwele iv. 18 - 22
 

UMHLA KA-TOMAS ONGCWELE.

UM-TANDAZWANA.

TIXO Somandla, Ongunapakade, owavuma ukuba um-Postile wako u-Tomas atandabuze uvuko lo-Nyana wako, ukuze ukòlo lwetu luqiniseke ngakumbi; Sipè ukuba sikòlwe ngokufezekileyo ku-Nyana wako u-Yesu Kristu, singatandabuzi, luze ukòlo lwetu lungaze lukàlazeke pambi kwako, Sive, Nkosi, ngaye u-Yesu Kristu lowo, omelwe kudunyiswa, enawe no-Moya Oyingcwele, kaloku nangonapakade. Amen.

I-NCWADANA. Kwabase-Efeso ii. 19 - 22
I-VANGELI. U-Yohane Ongcwele xx. 24 - 31
 

UM-TANDAZWANA

TIXO, ote ngòkushumayela kom-Postile u-Paulos wenza ukuba ukanyiso lwe-Vangeli lukànyisele umhlaba wonke; Sipè, siyakukunga, ukuba tina, silukùmbula nje uguquko lwake olungummangaliso, sibonakalise ukubulela kwetu ngokulandela imfundiso engcwele awayishumayelayo: ngaye u-Yesu Kristu i-Nkosi yetu. Amen.

EYE I-NCWADANA. Izenzo ix.1 - 22
I-VANGELI. U-Mateyu Ongcwele xix. 27 - 30
 

UKUNIKELWA KUKA-KRISTU E-TEMPILENI, okukòlisa ukubizwa ngokutìwa
KUKUHLANJULULWA KWE-NTOMBI U-MARIYA ONGCWELE.

UM-TANDAZWANA.

TIXO Somandla, Ohlal' uhleli, o-Nyana wako okupèla kozelweyo wangeniswa namhla e-tempileni engumntu njengati; Siyakukùnga ngolulamo ukuba sinikelwe nati kuwe sinentliziyo ezihlambulukileyo, ngaye u-Nyana wako lowo u-Yesu Kristu i-Nkosi yetu. Amen.

EYE I-NCWADANA. U-Malaki iii. 1 - 5
I-VANGELI. U-Luka Ongcwele ii. 22 - 40
 

UMHLA KA-MATIYAS ONGCWELE.

UM-TANDAZWANA.

TIXO Somandla, owanyula isicaka sako esitembekileyo u-Matiyas abe ngowenani laba-Postile abalishumi elinababini esikundleni sika-Yudas umngcatshi; Yenza ukuba i-Kerike yako, ekubeni ihlale ilondolozwe kuba-Postile ababuxoki, ilaulwe ikokelwe ngabafundisi abatembekileyo benene; ngaye u-Yesu Kristu i-Nkosi yetu. Amen.

EYE I-NCWADANA. Izenzo. i. 15 - 26
I-VANGELI. U-Mateyu Ongcwele xi. 25 - 30
 

UKUSHUNYA YEZWA KWE-NTOMBI ENCOME-KAYO U-MARIYA.

UM-TANDAZWANA.

NKOSI, siyakukùnga ukuba ugalele u-Moya wako ezintliziyweni zetu; ukuze tina sikwazileyo ngokwelizwi le-ngelosi ukwenziwa ko-Nyana wako u-Yesu Kristu abe ngumntu, sisiwe eluvukweni naseluzukweni lwake ngawo umnqamlezo nentlungu zake; ngaye lowo u-Yesu Kristu i-Nkosi yetu. Amen.

EYE I-NCWADANA. U-Yesaya vii. 10 - 15
I-VANGELI. U-Luka Ongcwele i. 26 - 38
 

UMHLA KA-MARKO ONGCWELE.

UM-TANDAZWANA.

TIXO Somandla, oyifundisileyo i-Kerike yako engcwele ngemfundiso yasezulwini yom-Vangeli u-Marko Ongcwele; Sipè amandla okuba siti, singenjengabantwana abakùkùliswa zimfundiso zobuxoki, siqiniseke enyanisweni ye-Vangeli yako engcwele; ngaye u-Yesu Kristu i-Nkosi yetu. Amen.

I-NCWADANA. Kwabase-Efeso iv. 7 - 16
I-VANGELI. U-Yohane Ongcwele xv. l - 11
 

UMHLA KA-FILIPU ONGCWELE NOKA-YAKOBI ONGCWELE.

UM-TANDAZWANA.

TIXO Somandla, ekububomi obungunapakade ukukwazi Wena; Senze simazi kanye u-Nyana wako u-Yesu Kristu ukuba uyindlela, nenyaniso, nobomi; size siti, silandela emkondweni waba-Postile bako abangcwele, u-Filipu no-Yakobi, sibambe indlela esinga ebomini obungunapakade; ngaye u-Nyana wako u-Yesu Kristu i-Nkosi yetu, Amen.

I-NCWADANA. Ka-Yakobi Ongcwele i. 1 - 12
I-VANGELI. U-Yohane Ongcwele xiv. 1 - 14
 

UMHLA KA-BARNABAS ONGCWELE.

UM-TANDAZWANA.

NKOSI, Tixo Somandla, owamnika um-Postile wako ongcwele u-Barnabas izipò ezizodwa zo-Moya Oyingcwele; Siyakukùnga ukuba ungasishiyi siswele izipò zako ezininzi, usipè amandla okukudumisa ngazo; ngaye u-Yesu Kristu i-Nkosi yetu. Amen.

EYE I-NCWADANA. Izenzo xi. 22 - 30
I-VANGELI. U-Yohane Ongcwele xv. 12 - 16
 

UMHLA KA-YOHANE ONGCWELE UM-BAPTIZI.

UM-TANDAZWANA.

TIXO Somandla, owati ngokwazelelela kwako wenza ukuba isicaka sako u-Yohane um-Baptizi azalwe ngokungummangaliso, wamtuma ukuya kumlungiselela indlela u-Nyana wako u-Msindisi wetu ngokushumayela inguquko; Senze siti silandela nje imfundiso nentlalo yake engcwele, siguquke ngokushumayela kwake, siti njengaye sitete inyaniso ngokuqinileyo, sikàlimele inkohlakalo kabukàli, sinyamezele ubunzima ngenxa yenyaniso; ngaye u-Yesu Kristu i-Nkosi yetu. Amen.

EYE I-NCWADANA. U-Yesaya xl. 1 - 11
I-VANGELI. U-Luka Ongcwele i. 57 - 80
 

UMHLA KA-PETROS ONGCWELE.

UM-TANDAZWANA.

TIXO Somandla, ote ngo-Nyana wako u-Yesu Kristu wampà um-Postile wako u-Petros Ongcwele izipo ezininzi ezibalulekileyo, wamyalela ngenyameko ukuba awaluse umhlambi wako; Yenza ukuba bonke o-Bishop naba-Fundisi balishumayele ngokukùteleyo i-Lizwi lako elingcwele, bati nabantu balitobele, baze bamkeliswe isitsaba sozuko olungapeliyo; ngaYe u-Yesu Kristu i-Nkosi yetu. Amen.

EYE I-NCWADANA. Izenzo xii. 1 - 11
I-VANGELI. U-Mateyu Ongcwele xvi. 13 - 19
 

UMHLA KA-YAKOBI ONGCWELE.

UM-TANDAZWANA.

TIXO Onetaru, om-Postile wako u-Yakobi Ongcwele washiya uyise nako konke abenako, wati akubizwa ngu-Nyana wako u-Yesu Kristu wamlandela, akalibala; Masiti nati, sizilahla zonke inkanuko zelizwe nezenyama sihlale silungele ukuyitobela imiteto yako engcwele; ngaye u-Yesu Kristu i-Nkosi yetu. Amen.

EYE I-NCWADANA. Izenzo xi. 27 — xii. 3.
I-VANGELI. U-Mateyu Ongcwele xx. 20 - 28
 

UMHLA KA-BARTOLOMEYU ONGCWELE.

UM-TANDAZWANA.

TIXO Somandla Ongunapakade, owamnika um-Postile wako u-Bartolomeyu ufefe lokuba akòlwe ngokwenene li-Lizwi lako alishumayele; Yenza, siyakukùnga, ukuba i-Kerike yako ilitande elo-Lizwi wakòlwa lilo, yamkele ishumayele oko wakufundisayo; ngaye u-Yesu Kristu i-Nkosi yetu. Amen.

EYE I-NCWADANA. Izenzo v. 12 - 16
I-VANGELI. U-Luka Ongcwele xxii. 24 - 30
 

UMHLA KA-MATEYU ONGCWELE.

UM-TANDAZWANA.

TIXO Somandla, owati ngaye u-Nyana wako oncomekayo wambiza u-Mateyu, ehleli endaweni ye-rafu, abe ngum-Postile nom-Vangeli; Sipè amandla okuba silahle yonke iminqweno emibi yobutyebi, sisuke simlandele u-Nyana wako lowo, u-Yesu Kristu, ohleli elaula ndawonye nawe no-Moya Oyingcwele, emnye u-Tixo, ngonapakade. Amen.

I-NCWADANA. 2 Kwabase-Korinte iv. 1 - 6
I-VANGELI. U-Mateyu Ongcwele ix. 9 - 13
 

UMHLA KA-MIKAYELI ONGCWELE NE-NGELOSI ZONKE.

UM-TANDAZWANA.

TIXO Ongunapakade, owamisela ubukonzi be-Ngelosi nobabantu ngommiselo ongummangaliso; Yiti ngetaru, njengokuba i-Ngelosi zako ezingcwele zihlala zikukonza ezulwini, wenze okokuba zisixase zisikùsele apa emhlabeni: ngaye u-Yesu Kristu i-Nkosi yetu, Amen.

EYE I-NCWADANA. Isi-Tyilelo xii. 7 - 13
I-VANGELI. U-Mateyu Ongcwele xviii. l - 10
 

UMHLA KA-LUKA ONGCWELE.

UM-TANDAZWANA.

TIXO Somandla, owambiza u-Luka obeligqira, odumo luse- Vangelini, abe ngum-Bàli we-Vangeli negqira lokupilisa umpefumlo; Zipilise, siyakukùnga, zonke izifo zemipefumlo yetu ngayo imfundiso yake; ngenxa yemfaneleko yo-Nyana wako u-Yesu Kristu i-Nkosi yetu. Amen.

I-NCWADANA. 2 Ku-Timoti iv. 5 - 15
I-VANGELI. U-Luka Ongcwele x. 1. - 7
 

UMHLA KA-SIMON ONGCWELE NOKA-YUDA ONGCWELE.

UM-TANDAZWANA.

TIXO Somandla, oyakileyo i-Kerike yako pezu kwesiseko saba-Postile naba-Profite, u-Yesu Kristu ngokwake elilitye elikulu lembombo; Senze ukuba simanywe sibe moya mnye ngayo imfundiso yabo, size saklwe sibe yi-tempile engcwele etandekayo kuwe; ngaye u-Yesu Kristu i-Nkosi yetu. Amen.

I-NCWADANA.U-Yuda Ongcwele 1 - 8
I-VANGELI. U-Yohane Ongcwele xv. 17 - 27
 

UMHLA WA-BANGCWELE BONKE.

IKOLEKTA

TIXO Somandla, obamanyileyo abanyulwa bako ngobudlelane obunye emzimbeni wo-Nyana wako u-Yesu Kristu i-Nkosi yetu; Sipè amandla okuba sibafuze a-Bangcwele bako ngentlalo emsulwa neyokuhlonela wena, side sifike enywebeni leyo ingenakubaliswa owayilungiselela abakutandayo ngokwenyaniso; ngaye u-Yesu Kristu i-Nkosi yetu. Amen.

EYE I-NCWADANA. Isi-Tyilelo vii. 2 - 12
I-VANGELI. U-Mateyu Ongcwele v. 1 - 12