UMTANDAZO WAKUSASA
WEMIHLA NGEMIHLA.

¶ Ekuqaleni kom-Tandazo wa-Kusasa. u-Mfundisi makafunde ngezwi elivakalayo sibe sinye nokuba kungapezulu kwezi-Zahlukwana. Andul' ukuteta okubàliweyo emva kwazo.

BATANDWA, kutìwa ezi-Bàlweni kwindawo ngendawomasivume sizixele izono zetu ezininzi nenkohlakalo yetu; singazifihli ku-Tio u-Somandla u-Bawo wetu wasezulwini, kodwa sizixele ngentliziyo elulamileyo, eguqukayo, evayo;. ukuze sizixolelwe ngenxa yenceba yake engapèliyo. Nangona sifanele ukuzivuma izono zetu ngolulamo pambi, ko-Tixo ngamaxesha onke, simelwe kukwenjenjalo ngokukodwa manxa sihlangeneyo size kubulela intsikelelo esizifumeneyo kuye, sivakalise udumo, lwake, silive i-Lizwi lake elingcwele, sicele okulungele umzimba nompefumlo. Nditì ngoko kuni nonke bakòyo, ndipelekeni ngentliziyo enyanisekileyo nangelizwi elibekekileyo, siye sizitobe pambi ko-Bawo onofefe, sitì sonke;
 

BAWO Somandla Olufefe lukulu Sipambukile salahlekana nendlela zako njengegusha eZilahlekileyo. Sigqitisile ukulandela amaqinga neminqweno yentliziyo zetu. Siyapùle imiteto yako engcwele. Siziyekile asazenza izinto ebesifanele ukuzenza; Senza izinto ebesingafanele ukuzenza; Akukò kupila kuti. Kodwa wena; Nkosi, yiba netaru kuti tina boni balusizi. Banyamezefe; Tixo, abazixelayo izipòso zabo. Babuyisele abaguqukayo; Ngokwezitembiso zako ezishunyayelweyo ebantwini ngaye u-Kristu Yesu i-Nkosi yetu. Uz' uti, Bawo otaru likulu, wenze ngenxa yake; Okokuba siti ukususela koku, sihlale ngokumkonza u-Tixo, Ngokulungileyo, nangobuncàtu, Kuze kudunyiswe i-Gama lako elingcwele. Amen.
 

U-TIXO u-Somandla, u-Yise we-Nkosi yetu u-Yesu Kristu, ongakutandiyo ukufa komoni, kodwa otanda. ukuba aguquke enkohlakalweni yake, apile; owanika ,aba-Fundisi bake igunya nomyalelo wokushumayela ebantwini bake, beguqukile, ukukùlulwa nokuxolelwa kwezono zabo: Yena uyabaxolela abakùlule bonke abaguqukayo ngenyaniso, bekòlwa ngokwenene yi-Vangeli yake engcwele. Ngoko masimtandaze ukuba asipè inguquko eyinene nö-Moya wake Oyingcwele, ukuze oko sìkwenzayo kaloku-nje kutandeke kuye; buze ubomi betu emva koku bube msulwa, bube ngcwele; siti ekugqibeleni singene enywebeni yake yapakade; ngaye u-Yesu Kristu i-Nkosi yetu.

¶ Apa abantu mabapendule ngokutì Amen, benjenjalo nasekupèleni kwayo yonke imitandazo.
 

¶ Andule u-Mfundisi aguqe atete um-Tandazo we-Nkosi ngezwi elivakalayo, abantu besaguqile, bawutete kunye naye apa nakuzo zonke indawo osakutetwa kuzo.

BAWU wetu osezulwini, Malingcwaliswe i-Gama lako. Ubukumkani bako mabufike. Intando yako mayenziwe emhlabeni, Njengokuba isenziwa ezu1wini. Sipè namhla-nje isonka setu semihla ngemihla. Usixolele izono zetu, Njengokuba nati sibaxolela. abasonayo. Ungasingenisi ekuhendweni; Usisindise enkohlakalweni: Ngokuba ubukumkani bobako, Namandla, nodumo, Ngonapakade. Amen.

¶ Aze ati,

    Nkosi, vula imilomo yetu.
Abantu. Ize ivakalise indumiso yako.
Um-Priste. Tixo, kàuleza ukusisindisa.
Abantu. Nkosi, kauleza ukusisiza.

¶ Aze atì um-Priste, bemi bonke,

    Udumo ku-Yise, naku-Nyana: naku-Moya Oyingcwele;
    Abantu. Kwavela kunjalo, kusenjalo nanamhla: kohlala kunjalo ngonapakade. Amen.
    Um-Priste. Bongani i-Nkosi.
    Abantu. MalibOngwe i-Gama le-Nkosi.

¶ Kwandul' ukutetwa, okunye kuculwe, le-Ndumiso ilandelayo: iyekwe ngomhla we-Pasika, omiselwe iculo elilimbì; nangomhla weshumi elinesitoba mayiyekwe apa, ingene kwi-Ndumiso zalomhla.
 

YIZANI siculele I-NKOSI: sigcobele kwiliwa losindiso lwetu.
   Masize pambi kwayo sinombulelo: sigcobele kuyo ngamaculo.
    Ngokuba I-NKOSI ingu-Tixo omkulu: ingu-Kumkani omkulu pezu kwabo bonke otixo.
    Inzulu zomhlaba zisesandleni sake: nencopo zentaba zezake.
    Ulwandle lolwake, walwenza: nezandla zake zawubumba umhlaba owomileyo.
    Yizani masiqubude siwe pantsi: siguqe pambi kwe-NKOSI u-Mdali wetu.
    Ngokuba ngu-Tixo wetu yena: tina singabaluswa nguye, sizigusha zesandla sake.
    Namhla,ukuba ninokuliva izwi lake! Musan' ukuzenza lukuni intliziyo zenu: njengomhla wempikiswano, mini nandilingayo entlango.
    Oko bandilingayo oyihlo: bandicikida, bewubona umsebenzi wam.
    Iminyaka emashumi mane ndaruquka sesisiZukulwana, ndatì: Ngabantu abapambukayo ngentliziyc, abazazi indlela zam.
    Ndada ndafunga ndinomsihdo, ndatì: Abasayikungena ekupumleni kwam.
    Udumo ku-Yise, naku-Nyana: naku-Moya Oyingcwele;
    Kwavela kunjalo, kusenjalo nanamhla: kohlala kunjalo ngonapakade. Amen.

¶ Apa kulandela i-Ndumiso ngokumiswa kwazo. Ekupèleni kwe-Ndumiso zonke ngazinye kuyakutìwa,

    Udumo ku-Yise, naku-Nyana : naku-Moya Oyingcwele;
    Abantu. Kwavela kunjalo, kusenjalo, nanamhla: kohlala kunjalo ngonapakade. Amen.

¶ Kwandule kufundwe ngezwi elivakolayo elicacileyo isi-Fundo sokuqala, sitatyatwe e-Testamenteni e-Ndala, ngokumiswa kwazo e-Kolendeni,. ngapandle kokuba kube kukò ezimiselwe imihla etile: ati lowo ufundayo eme ebèke ebantwini ukuze aviwe kakuhle ngabo bonke abakòyo. Kwandule kutetwe, okunye kUvunywe, imihla ngemihla i-Ngoma etì ukuqala kwayo Siyakubonga, Tixo.

¶ Pambi kwezi-Fundo zonke: u-Mfundisi ullakutì: Isahluko esitile, okanye Isahlukwana. esitile sesahluko esitile, sencwadi etile: Ekugqibeleni kwesi-Fundo kutìwe, Sipèla apa esokuqala, okanye esesibini isi-Fundo.
 

SIYAKUBONGA, Tixo : sikuvuma ukuba uyi-Nkosi
   Umhlaba wonke unqula wena: Yise wapakade.
    Zonke i-Ngelosi ziyadandulukela kuwe: amazulu, nawo onke amandla akuwo.
    I-Kerubin ne-Serafin : zihlala zidanduluka zisitì,
    Ngcwele, Ngcwele, Ngcwele: Nkosi, Tixo wemikosi.
    Lizele izulu nomhlaba: bubuqaqauli nodumo lwako.
    Ibuto elidumileyo laba-Postile : libonga wena.
    Umkosi omhle waba-Profite : ubonga wena.
    Ibandla la-Bafeli elambete ezimhlope : libonga wena.
    I-Kerike engcwele ekulo lonke : ivuma wena wedwa;
    U-Yise: obukosi bungunapakade;
    Okupela ko-Nyana wako: obekekileyo, onyanisekileyo ;
    No-Moya Oyingcwele : u-Monwabisi.
    Ungu-Ku1nkani wodumo : Wena, Kristu.
    Ungu-Nyana wapakade: ka-Yise.
    Wati wena wakuza kukitlula abantu: akwasidela isizalo se-Ntombi.
    Wati wakweyisa ulwamyila lokufa : wabuvulela onke arcakòlwa ubu-Kumkani be-Zulu.
    Uhleli ngasekunene kuka-Tixo : ebuqaqaulini buka-Yihlo.
    Siyakòlwa ukuba uyakuza : ube ngu-Mgwebi wetu.
    Siyakutandaza ngoko zincede izicaka zako : ozikUluleyo ngegazi lako elinqabe kunene.
    Zibalele enariini labangcwele bako: ebungcwaliseni obungenakupèla.
    Nkosi, sindisa abantu bako: ulisikelele ilifa lako.
    Balaule, ubapakamise: kude kube ngunapakade.
    Imihla ngelnihla : sihlala sikuncoma;
    Sinqule i-Gama lako: kude kube ngunapakade.
    Mauvume, Nkosi: ukusigcina ngalemini singabi nasono.
    Taru, Nkosi: taru, Nkosi.
    Nkosi, itaru lako malibe nati : njengokuba sitembele kuwe.
    Nkosi, nditembele kuwe: mandingaze ndidaniswe.

¶ Okunye le-Ngoma.
 

NONKE nina misebenzi ye-Nkosi, yidumiseni i-Nkosi: yibongeni niyipakamise ngonapakade.
    Nina zi-Ngelosi ze-Nkosi, yidumiseni i-Nkosi: yibongeni niyipakamise ngonapakade.
    Nina mazulu, yidumiseni i-Nkosi: yibongeni niyipakamise ngonapakade.
    Nina manzi apezu kwesibakabaka, yidumiseni i-Nkosi: yibongeni niyipakamise ngonapakade.
    Nonke nina mandla e-Nkosi, yidumiseni i-Nkosi: yibongeni niyipakamise ngonapakade.
    Nina langa nenyanga,yidumiseni i-Nkosi : yibongeni niyipakamise ngonapakade.
    Nina, zinkwenkwezi zezulu, yidumiseni i-Nkosi : yibongeni niyipakamise ngonapakade.
    Nina zimvula nombete, yidumiseni i-Nkosi : yibongeni niyipakamise, ngonapakade.
    Nina mimoya ka-Tixo, yidumiseni i-Nkosi : yibongeni niyipakamise ngonapakade.
    Nina mililo nobushushu, yidumiseni i-Nkosi : yibongeni niyipakamise. ngonapakade.
    Nina busika nehlobo, yidumiseni i-Nkosi : yibongeni niyipakamise ngonapakade.
    Nina mibete neqabaka, yidumiseni i-Nkosi : yibongeni niyipakamise ngonapakade.
    Nina qabaka nengqele, yidumiseni i-Nkosi : yibongeni niyipakamise ngonapakade.
vNina mkence nekèpu, yidumiseni i-Nkosi : yibongeni niyipakamise ngonapakade.
    Nina busuku nemini, yidumiseni i-Nkosi : yibongeni niyipakamise ngonapakade.
    Nina kukànya nobumnyama, yidumiseni i-Nkosi : yibongeni niyipakamise ngonapakade.
    Nina mibane namafu, yidumiseni i-Nkosi : yibongeni niyipakamise ngonapakade.
    Umhlaba mawuyidumise i-Nkosi : uyibonge uyipakamise ngonapakade.
    Nina zintaba nenduli, yiduniiseni i-Nkosi : yibongeni niyipakamise ngonapakade.
    Nonke nina zinto ziluhlaza zisemhlabeni, yidumiseni i-Nkosi: yibongeni niyipakamise ngonapakade.
    Nina mitombo, yidumiseni i-Nkosi : yibongeni niyipakamise ngonapakade.
    Nina zilwandle nemilambo, yidumiseni i-Nkosi : yibongeni niyipakamise ngonapakade.
    Nina minenga, nako konke okuhamba emanzini; yidumiseni i-Nkosi : yibongeni niyipakamise ngonapakade.
    Nonke nina zintaka, yidumiseni i-Nkosi : yibongeni niyipakamise ngonapakade.
    Nonke nina zinkomo nezilo, yidumiseni i-Nkosi : yibongeni niyipakamise ngonapakade.
    Nina lus&po lwabantu, yidumiseni i-Nkosi : yibongeni niyipakamise ngonapakade.
    O-Sirayeli mabayidumise i-Nkosi : bayibonge bayipakamise ngonapakade.
    Nina ba-priste be-Nkosi, yidumiseni i-Nkosi : yibongeni niyipakamise ngonapakade.
    Nina zicaka ze-Nkosi, yidumiseni i-Nkosi : yibongeni niyipakamise ngonapakade.
    Nina bomoya nemipefumlo yamalungisa, yidumiseni i-Nkosi : yibongeni niyipakamise ngonapakade.
    Nina bangcwele nabalulamileyo ngentliziyo, yidumiseni i-Nkosi: yibongeni niyipakamise ngonapakade.
    Nina Ananiyasi, Azariyasi, no-Misayeli, yidumiseni i-Nkosi : yibongeni niyipakamise ngonapakade.
    Udumo ku~Yise, naku-Nyana : naku-Moya Oyingcwele;
    Kwavela kunjalo, kusenjalo nanamhl a: kohlala kunjalo ngonapakade. Amen.

¶ Kwandul' ukufundwa isi-Fundo sesibini, sitatyatwa e-Testamenteni e Ntsha. Kulandele le-Ngoma, kodwa iyekwe nxa ifundwa esi-Fundweni salomini, nanxa ifundwa e-Vangelini ngomhla ka-Yohane u-Mbaptizi.
 

Benedicite

MAYIDUNYISWE i-Nkosi u-Tixo ka-Sirayeli: ngokuba ubavelele abantu bake wabakùlula;
    Usipakamisele upondo losindiso : endlwini ka-Davide isicaka sake;
    Njengoko watetayo ngomlomo waba-profite bake abangcwele: ababekò kwasekuqaleni komhlaba.
    Okokuba sisindiswe ezintshabeni zetu : nasesandleni sabo bonke abasitiyayo;
    Ukubenzela inceba obawo : akùmbule umnqopiso wake ongcwele;
    Isifungo awasifungela u-Abraham ubawo wetu : sokusenzela;
    Ukuba sisindiswe esandleni sentshaba zetu : simkonze singenakoyika;
    Ngobungcwele nangohulungisa pambi kwake : yonke imihla yobomi betu.
    Nawe, mntwana, uyakubizwa ngokutìwa ungum-Profite w-Opezu konke: kuba uyakuhamba pambi kwe-Nkosi ulungise indlela zayo;
    Ukwazisa ebantwini bayo usindiso : ngokuxolelwa kwezono zabo,
    Ngenxa yemfesane netaru lika-Tixo wetu : ote ngaye wasivelela umso wapezulu;
    Ukukànyisela abahleli ebumnyameni nasetunzini lokufa : nokukokela inyawo zetu endleleni yoxolo;
    Udumo ku-Yise, naku-Nyana : naku-Moya Oyingcwele ;
    Kwavela kunjalo, kusenjalo nanamhla : kohlala kunjalo ngonapakade. Amen.

¶ Okunye le-Ndumiso.
 

GCOBELANI I-NKOSI, mhlaba wonke: yikonzeni I-NKOSI nivuya, nize pambi kwayo ninengoma.
    Yazini ukuba I-NKOSI ingu-Tixo yona : nguye owasenzayo, singabake tina; singabantu bake, negusha zedlelo lake.
    Ngenani emasangweni ake nibulela, ezintendelezweni zake nidumisa : bulelani kuye, nilincome i-Gama lake.
    Ngokuba I-NKOSI inomsa, itaru layo lingunapakade : ukunyaniseka kwayo kukwizizukulwana ngezizukulwana.
    Udumo ku-Yise, naku-Nyana : naku-Moya Oyingcwele;
    Kwavela kunjalo; kusenjalo nanamhla : kohlala kunjalo ngonapakade. Amen.

¶ Kuculwe, okanye kutetwe, i-Ngxelo yo-Kùlo yaba-Postite ngu-Mfundisi nabantu, bemi, ukuba ngalomini akumiselwanga eka-Athanasius.
 

¶ Bandule baguqe bonke, kulandele lemitandazo; u-Mfundisi aqale ati, ngelizwi elivakalayo,

I-Nkosi maibe nani.
Abantu. Ibe nomoya wako.
Um-Fundisi. Masitandaze.

Taru, Nkosi.
       Taru, Kristu.
Tarn, Nkosi.

¶ Kwandul' ukutetwa um-Tandazo we-Nkosi ngu-Mfundisi nangabantu, ngokuvakalayo.
 

BAWU wetu osezulwini, Malingcwaliswe i-Gama lako. Ubukumkani bako mabufike. Intando yako mayenziwe emhlabeni, Njengokuba isenziwa ezu1wini. Sipè namhla-nje isonka setu semihla ngemihla. Usixolele izono zetu, Njengokuba nati sibaxolela. abasonayo. Ungasingenisi ekuhendweni; Usisindise enkohlakalweni: Ngokuba ubukumkani bobako, Namandla, nodumo, Ngonapakade. Amen.

¶ Ati um-Priste, emi,

        Nkosi, sibonise ububele bako.
    Abantu. Usipè usindiso lwako.
    Um-Priste. Nkosi, sindisa u-Kumkani.
    Abantu. Usive ngetaru sakuzibika kuwe.
    Um-Priste. Yambesa aba-Fundisi bako ngobulungisa.
    Abantu. Uvuyise abantu bako abanyuliweyo.
    Um-Priste. Nkosi, sindisa abantu bako.
    Abantu. Ulisikelele ilifa lako.
    Um-Priste. Sipè uxolo ngexesha letu, Nkosi.
    Abantu. Ngokuba kungekò wumbì usilwelayo, nguwe wedwa, Tixo.
    Um-Priste. Tixo, dala pakati kwetu intliziyo ezingcwele.
    Abantu. Ungamsusi kuti u-Moya wako Oyingcwele.

¶ Kulandele imi-Tandazwana emitatu; owokuqala, ngowalomhla ukòyo, okwangulowo umiselwe em-Tendelekweni we-Nkosi; owesibini, ngowokucela uxolo; owesitatu, ngowokucela ufefe lokuba silungise ukuhlala kwetu. Lemibini yokugqibela mayitetwe imihla yonke e-Mtandazweni wa-Kusasa, beguqile bonke.
 

TIXO, Mbàngi yoxolo notandano, okukwazi Wena kukudla ubomi, okukonza Wena yinkululeko kanye; Sikùsele tina zicaka zako ezilulamileyo kuko konke ukulwa kwentshaba zetu; ukuze, sitembe ukùselo lwako, singawoyiki amandla entshaba, ngamandla: ka-Yesu Kristu i-Nkosi yetu. Amen.
 

NKOSI, Bawo wasezulwini,Tixo Somandla wapakade, osilondolozileyo kwada kwasa ngalemini; Silondoloze ngayo ngamandla ako amakulu; Yenza ukuba siti singeyeli sonweni, singangeni ngozini; zize zonke izenzozetu zilaulwe nguwe, sihlale sisenza okulungileyo pambi kwaiko, ngaye u-Yesu Kristu i-Nkosi yetu. Amen.

¶ Apo kuculwayo, kulandela i-Cula.

¶ Kwandul' ukuhanjiswa lemi-Tandazo mihlanu ilandelayo, kodwa mini kumiselwe i-Litani, makutetwe eyokugqibela emibini kupela, ngokudweliswa kwayo.
 

NKOSI, Bawo wasezulwini, Opezulu, Omandla makulu, Kumkani wokumkani, Nkosi yenkosi, okupèla ko-Mlauli wezilauli, oti, use-troneni yako, ubone bonke. abemi bomhlaba; Siyakutandaza ngentliziyo yonke, ukuba ukangele ngobubele u-Kumkani wetu u-GEORGE, umgalele ngo-Moya wako Oyingcwele, ukuze ahlale ebèka entandweni yako, ahambe ngendlela yako: Mtyebise kakulu ngezipò zasezulwini; menze ukuba ahlale ngokupila nangokonwaba; momeleze azoyise zonke intshaba zake; ati ekugqibeleni angene enywebeni yapakade; ngaye u-Yesu Kristu i-Nkosi yetu. Amen.
 

TIXO Somandla, Mtombo wako konke ukulunga, siyakukùnga ngolulamo ukuba usikelele u-Kumkanikazi wetu u-Elizabeth, u-Mary u-Nina wo-Kumkani, in Kosazana u-Elizabeth: Bambese ngo-Moya wako Oyingewele; batyebise ngofefe lwako lwasezulwini; batamsanqele ngayo yonke inyweba; ubangenise ebukumkanini bako bapakade; ngaye u-Yesu Kristu i-Nkosi yetu. Amen.
 

TIXO Somandla Ongunapakade, okupèla kowenza imimangaliso emikulu; Galela o-Bishop naba-Fundisi, na-Bantu abapàtiswe bona, ngo-Moya wako opilisayo; nokuze bakukòlise kanye, uhlale ugalela pezu kwabo umbete wetamsanqa lako. Kwenze oku, Nkosi, ngenxa yo-Mteteleli no-Mtandazeli wetu u-Yesu Kristu. Amen.
 

TIXO Somandla, osipìleyo ufefe ukuba siti ngantliziyonye siyisingisele kuwe imitandazo yetu; nositembisayo ukuba woti kwakubutana babini, batatu, e-Gameni lako ubenzele izicelo zabo: Zenze kaloku, Nkosi, izicelo zezicaka zako, njengoko kulungele zona; usipè kwelilizwe. ukuyazi inyaniso, yako, nakwelizayo ubomi obungunapakade. Amen.

2 Kwabase-Korinte xiii.

UFEFE lwe-Nkosi. yetu u-Yesu Kristu, notando luka-Tixo, nobudlelane bo-Moya Oyingcwele, malube nati sonke ngonapakade. Amen.

Upela apa um-Tandazo wa-Kusasa.