UMMISELO

WOKWENZIWA KWESIDLO SE-NKOSI

ESINGUM-TENDELEKO ONGCWELE.

¶ BONKE abafuna ukungena em-Tendelekweni mabawaxele amagama abo ku-Mfundisi, ingekafiki imini yokwenziwa kwawo.

¶ Ukuba kukò owaziwa ngokukohlakala kwake, nomonileyo ummelwane wake ngento ayitetileyo okunye ngento ayenzileyo, yaza i-Ntlanganiso yaxakaniswa; uyakuti u-Mfundisi akukwazi oko, ambize lomntu, amqondise ukuba makangakè alinge ukuza e-Tafileni ye-Nkosi, ade axele elcuhleni ukuba uguqukile kanye, wazilungisa zonke indawo ate wona ngazo, ukuze i-Ntlanganiso ebixakanisiwe nguye ibuye ikòliseke, Kanjalo lomntu makaxele ukuba ubaxolisile abantu abebonile, ati okunye enze isitembiso sokuti uyakukwenza oko, akuba namandla okwenjenjalo.

¶ U-Mfundisi uyakwenza kwa ngokunjalo akubona ukuba kukò abantu abanenzondo betiyene; angavumi ukuba beze e-Tafileni ye-Nkosi ade abone ukuba baxolelene. Ke ukuba omnye wabo batiyeneyo unga angakuxolela ngentliziyo konke ukoniwa kwake, avume ukwenza imbuyiselo ngokwake ukona; kanti ukuba omnye lowo akavumi, upikele ukuhlala ngenkani nenzondo, u-Mfundisi uyakumamkela oguqukileyo em-Tendelekweni ongcwele, amale ongaguqukanga Woti u-Mfundisi obakùpayo abantu njengoko kubàliweyo apa, ababike ku-Bishop zingekagqiti intsuku ezilishumi elinane. Ati u-Bishop abapàte abobantu ngokomteto omiselweyo.

¶ Maiti i-Tafile ngexesha lom-Tendeleko ibe ne-linen emhlope entle, ime pakati kwe-Kerike, mhlaumbi e-Chanceleni, apo kwenzelwa kòna imi-Tandazo ya-Kusasa neyango-Kuhlwa. Ati um-Priste emi ngase-Tafileni ngecala langasentla awutete um-Tandazo we-Nkosi nom-Tandazwana olandelayo, abantu beguqile.
 

TIXO Somandla, ekutyileke kuwe intliziyo zabantu, oyaziyo yonke iminqweno yabo, ongenakufihlelwa nto; Hlambulula intliziyo zetu ngokusipefumlela ngo-Moya wako Oyingcwele; size sikutande ngokupèleleyo, silidumise i-Gama lako elingcwele ngokulifaneleyo; ngaye u-Kristu i-Nkosi yetu. Amen.

¶ Ati um-Priste, ebèke ebantwini, ashumayele ngezwi elivakalayo IMITETO ELISHUMI, abantu besaguqile; bati emva kwemi-Teto ngaminye bataruzise u-Tixo ngenxa yokuyigqita kwabo, bacele amandla okuyibamba ngexesha elizayo.
 

U-TIXO wateta lamazwi, watì; Mna ndiyi-Nkosi u-Tixo wako: Akuyikuba natixo bambì ngapandle kwam.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Akuyikuzenzela mfanekiso uqingqiweyo, nanto ifana nesezulwini pezulu, nesemhlabeni pantsi, nesemanzini ngapantsi komhlaba. Akuyikuqubuda kuzo, ungazinquli kanjalo: ngokuba Mna Nkosi Tixo wako ndingu-Tixo onekwèle, ndibuza izono zoyise kubo abantwana kuse kwesesitatu nesesine isizukulwana sabanditiyayo, ndinenceba kumawaka abanditandayo, beyibamba imiteto yam.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Akuyikufumana ulikankanye i-Gama le-Nkosi u-Tixo wako: kuba i-Nkosi ingayikumyeka angabi natyala ofumana elikankanya i-Gama layo.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Kùmbula umhla we-Sabata uwenze ngcwele, Uyakusebenza imihla ibe mitandatu, uwenze wonke umsebenzi wako; ke wona umhla wesixènxe uyi-Sabata ye-Nkosi u-Tixo wako, Akuyikupàta msebenzi ngawo, wena, nonyana wako, nentombi yako, nesicaka sako, nesicakazana sako, nenkomo zako, nowasemzini opakati kwamasango ako, Ngokuba i-Nkosi yadala izulu nomhlaba, nolwandle, nento zonke ezikòna, ngemihla emitandatu, yaza yapumla ngowesixènxe umhla: kungoko i-Nkosi yawusikelelayo umhla wesixènxe, yawungcwalisa.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Beka uyihlo nonyoko; ukuze wolulelwe imihla elizweni olipìwayo yi-Nkosi u-Tixo wako.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Akuyikubulala.
    Abantu. Taru, Nkosi, uzibèkise intliziyo zetu ekubambeni lom1teto.
    Um- Fundisi. Akuyikurexeza.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Akuyikuba.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Akuyikunqina ubuxoki ngommelwane wako.
    Abantu. Taru, Nkosi, uzibèkise intliziyo zetu ekubambeni lomteto.
    Um-Fundisi. Akuyikunqwenela indlu yommelwal1e wako, akuyikunqwenela umfazi wommelwane wako, nesicaka sake, nesicakazana sake, nenkomo yake, nehashe lake, nanye into eyiyeyake.
    Abantu. Taru, Nkosi, uyibale lemiteto yako yonke ezintliziyweni zetu, siyakutandaza.

¶ Kulandele ube mnye kulemi-Tandazwana mibini yokutandazela u-Kumkani, um-Priste emi njengokwangapambili, atì,
 

TIXO Somandla, obukumkani bungunapakade, nomandla angapèle ndawo; Yiba netaru kumzi wako i-Kerike; ulaule intliziyo yomntu wako u-GEORGE, u-Kumkani wetu, aze ati (ezazi ukuba ungunmtu wako) azamele ukuba kuhlonelwe kudunyiswe wena pezu kwento zonke: size siti tina, nabantu bake bonke, (silazi apo livela kòna igunya lake), simkonze ngenyaniso, simbeke, simpulapule, njengoko litshoyo i-Lizwi lako; ngaye u-Yesu Kristu i-Nkosi yetu, ohleli elaula nawe no-Moya Oyingcwele, emnye u-Tixo, ngonapakade. Amen.

Okunye,

TIXO Somandla Ongunapakade, sifundiswa li-Lizwi lako elingcwele ukuba intliziyo zenkosi zilaulwa nguwe, ikwanguwe oziguqulayo ngokubona kwako: Siyakukunga ngolulamo ukuba mauyilaule intliziyoyo-Kumkani wetu u-GEORGE, umntu wako, aze ati yena, ngako konke okukuye, ngentliziyo, ngamazwi, nangezenzo, ahlale ezamela ukuhlonelwa nokudunyiswa kwako, aze akukùtalele ukubagcina abantu bako ompàtise bona, bahlale ngokonwaba, ngoxolo, nangobulungisa: Yenjenjalo, Bawo, ngenxa yo-Nyana wako oyintanda, u-Yesu Kristu i-Nkosi yetu. Amen.

¶ Kwandule kutetwe um-Tandazwana wemini ekòyo. Ati um-Priste akuwugqiba, afunde i-Ncwadana yalomini, esitì, Incwadana [atì mhlaumbi, Isicatshulwa sezi-Bàlo esimiselwe i-Ncwadana] ibàlwe [sibàlwe] kwisahluko — sika- —, kuqala kwisahlukwana —, Yakugqitywa i-Ncwadana uyalcutì, Ipèla apa i-Ncwadana. Aze afunde i-Vangeli, (abantu bemi), esitì, I-Vangeli engcwele ibàlwe kwisahluko — sika- —, kuqala kwisahlukwana —. Yakugqitywa i-Vangeli, kuculwe, mhlaumbi kutetwe, i-Ngxelo yo-Kòlo elandelayo, besemi abantu.
 

¶ Andule u-Mfundisi axele ebantwini imihla engcwele nemihla yokuzita ye-veki ezayo efanele ukugcinwa. Ati (ukuba kuyafuneka) ashumayele imini yolcwenziwa kom-Tendeleko; kubizwe amagama abazakutshata; kufundwe nencwadi ezivela ku-Bishop, nezokukùpa abantu e-Kerikeni. Ngu-Mfundisi kupela onokushumayela nayipi into e-Kerikeni ngexesha le-Nkonzo engcwele, naye akanakwenjenjalo engavunyelwanga yimiteto yale-Ncwadi, okunye engayalezwanga ngu-Kumkani, nokuba ngu-Bishop walommandla.

¶ Kwandul' ukulandela i-Ntshumayelo.

¶ Ati um-Priste abuyele e-Tafileni ye-Nkosi, aqale u-Nikelo, ekèta kwezi-Zahlukwana zilandelayo inani alibonayo.
 

MALUKANYE ngokunjalo ukànyiselo lwenu pambi kwabantu, ukuze bayibone imisebenzi yenu emihle, bamzukise u-Yihlo osezulwini.  U-Mateyu Ongcwele v.
    Ningaziqwebeli ubutyebi emhlabeni, apo konakalisa inundu nomhlwa, nalapo amasela agqobozayo ebe: ziqwebeleni ke ubutyebi ezulwini, apo kungonakalisi nundu namhlwa, nalapo amasela angagqoboziyo ebè.   U-Mateyu Ongcwele vi.
    Zonke izinto enisukuba ninga bangazenza abantu kuni, yenzani ezikwanjalo nani kubo; ngokuba oko kungum-Teto naba-Profite.   U-Mateyu Ongcwele vii.
    Asingabo bonke abatì kum, Nkosi, Nkosi, abayakungena ebu-Kumkanini bezulu; ngokwenzayo ukutanda kuka-Bawo osezulwini.   U-Mateyu Ongcwele vii.
    Wema u-Zakeyu, watì kuyo i-Nkosi, Uyabona, isiqingata sempahla yam, Nkosi, ndisinika amahlwempu; nokuba ndidle into kabani ngokumtyöla, ndimbuyisela kane,   U-Luka Ongcwele xix.
    Ngubanina okè apum' umkosi ngeyake indleko? Ngubanina otyala isi-diliya, aze angadli siqàmo saso? Kòna ngubanina owalusa umhlambi, aze angawadli amasi omhlambi lowo?   1 Kwabase-Korrinte ix.
    Ukuba tina sanihlwayelela izinto ezizezo-Moya, yinto enkulu na, ukuba siyakuvuna izinto zenu ezizezenyama?   1 Kwabase-Korinte ix.
    Anazi na, ukuba abo bazisebenzayo izinto ezingcwele badla okwe-tempile, nabo bahlala behleli esibingelelweni bahlulelana nesibingelelo eso? Ngokunjalo ne-Nkosi yabamisela abazazisayo indaba ezilungileyo, ukuba bapile ngendaba ezilungileyo ezi.   1 Kwabase-Korinte ix.
    Lowo uhlwayela kakuvimba wovuna kwa kakuvimba; nalowo uhlwayela kasisa wovuna kwa kasisa. Elowo makanike njengoko agqibe ngako entliziyweni, makungabi kokupuma kabuhlungu nangokunyanzelwa; kuba u-Tixo utanda umpi ocwàyitileyo.   2 Kwabase-Korinte ix.
    Makati lowo ufundiswayo i-Lizwi abelane nalowo ufundisayo ngento zonke ezilungileyo, Musan' ukulahlekiswa; u-Tixo yena asingowokuhlekisa: kuba into ate wahlwayela yona umntu, wovuna kwa yona.   Kuma-Galati vi.
    Njengoko singati sibe netuba, masisebenze okulungileyo kubo bonke; ngokukodwa ke kwabendlu yokèlo.   Kuma-Galati vi.
    Kòna ukuhlonel' u-Tixo, kundawo nye nokwanela, kusekeleze inzuzo enkulu: kuba besingangenanga nanto ehlabatini, kuyabonakala kananjalo ukuba asinakupuma nanto.   1 Ku-Timote vi.
    Abazityebi kwelipakade langoku batetele, babe nokwaba kakuhle, babe nobudlelane; baziqwebele isiseko esihle base exesheni elizakuza, ukuze babubambe ubomi obungunapakade.   1 Ku-Timote vi.
   Akanantswela bulungisa u-Tixo, ukude awulibale umsebenzi wenu nomzamo wotando enalubonakalisa kulo i-Gama lake, nabalungiselelayo nje abangcwele, nisamana nibalungiselela.   Kuma-Hebere vi.
   Ukwenza okuhle nobudlelane musan' ukukulibala; kuba imibingelelo enjalo uyakòliswa kakuhle yiyo u-Tixo.   Kuma-Hebere xiii.
    Osukuba enayo impilo yelihlabati, aze ambone umzalwana wake eswele, azivalele imfesane zake kuye, luti-nina ukuhlala utando luka-Tixo ngapakati kwake?   1 Ka-Yohane Ongcwele iii.
   Yenza amalizo ngempahla zako, ungabufihli ubuso bako kolihlwempu, ize nawe ungayikufihlelwa ubuso be-Nkosi.   U-Tobite iv.
   Yiba nesisa ngokwamandla ako. Ukuba unokuninzi, yipà ngokuninzi; ukuba unokuncinane, yipà ngokukùteleyo kokokuncinane: ngokuba ngokwenjenjalo uyaziqwebela umvuzo olungileyo wemini yokuswela.   U-Tobite iv.
    Uboleka i-Nkosi obabala isisweli; imbuyekeza ukupata kwake okuhle.   Imi-Zekeliso xix.
    Hayi uyolo lwalowo unyamekela ogulayo nolihlwempu; ngomhla wobubi i-Nkosi iyakumhlangula.   I-Ndumiso xli.

¶ Koti kusatetwa ezinye kwezi-Zahlukwana, kuhlanganiswe izivukeliso ezenzelwa amahlwempu, kwa neminye iminikelo yabantu, ngama-Dikoni nama-Gosa e-Kerike nabanye abantu abafanelekileyo, ngesitya esihle esifunelwe lomsebenzi yi-Parish; basizise ngokubekekileyo kum-Priste, oyakusinikela asibeke ngolulamo e-Tafileni engcwele.

¶ Ukuba kuzakwenziwa um-Tendeleko, um-Priste uyakwandula apa abeke e-Tafileni into eyaneleyo ye-Sonka ne-Wayine.

¶ Emva koko um-Priste uyakutì,
 

Masitandazele lonke ibandla le-Kerike ka-Kristu elisekòyo apa emhlabeni.

TIVO Somandla Ongunapakade, osifundisileyo ngom-Postile wako ongcwele ukuba senzele abantu bonke imitandazo, izitaruziso, nemibulelo; Siyakukùnga ngolulamo ukuba wamkele ngezibele zako (*izivukeliso zetu naleminikelo na]lemitandazo siyinikela kuwe, Somkulu; sikukùnga ukuba uhlale uyigalela i-Kerike eyi-Katolika ngomoya wenyaniso, womanyano, nowovumelano: Baze bonke abavuma i-Gama lako elingcwele bavumelana ngenyaniso ye-Lizwi lako, bahlale bebanye ngotando. Kùsela zonke i-Nkosi na-Balauli abangama-Kristu; simtandazela ngokungakumhì u-GEORGE, u-Kumukani wetu; okokuba asipàte ngokulungileyo nangokonwaba: Zuwenze ukuba lonke i-Pakati lake, nabo bonke abanegunya pantsi kwake, balungise ukugweba bengakèti bantu, kuze kohlwaywe aboni nezikohlakali, kusekelwe inkonzo yako yenyaniso nobulungisa. Banike ufefe, Bawo wasezulwini, bonke o-Bishop naba-Fundisi, baze bati ngentlalo nangokufundisa balibonakalise i-Lizwi lako eliyinyaniso elipilileyo, bazipàte ngokufanelekileyo i-Sakramente zako ezingcwele ngoko kumisiweyo: Nabantu bako bonke ubapè amandla asezulwini; ngokukodwa aba bakòyo apa; ukuze balive i-Lizwi lako elingcwele balamkele, ngentliziyo elulamileyo nangohlonelo olufaneleyo; bakukonze ngobungcwele, bahlale belungisa yonke imihla yabo. Nabate, Nkosi, kobubomi bupèlayo bakatazeka, nabasezintsizini, nabasweleyo, nabagulayo, nabahlelwa nabubupina ububi, ubavelele ubasize. Nabemkileyo bekòliwe behlonele Wena siyababulelela; sincede ukuba sihambe kwa ngalondlela yabo nati, sidle ilifa lasezulwini ndawonye nabo: Kwenze oku, Bawo, ngenxa ka-Yesu Kristu, osilamlelayo, enguye yedwa ositetelelayo. Amen.

¶ Makati u-Mfundisi nxa axelayo ukuba um-Tendeleko uzakubakò aqube esisi- Yalo silandelayo, i-Ntshumayelo iseligqityiwe. Esisi-Yalo ke makasenze ngomhla we-Cawa okunye ngomnye um-Hla ongcwele owandulelayo.
 

Prayer for the Church Militant

* Ukuba akukò zivuke1iso naminikelo, akayikutetwa lamazwi okuti izivukeliso zetu nalemmikelo.

¶ Woti u-Mfundisi, ukuba uyabona ukuba abakùtaleli ukuza em-Tendelekweni ongcwele, atete esisi-Yalo silarulelayo endaweni yesokuqala,

BATANDWA, ng —— ndiyakuti, ngoncedo luka-Tixo, ndenze um-Tendeleko we-Nkosi: enditi ngenxa ka-Tixo ndinimeme nize kuyo nonke nikòyo apa; ndinibongoza, ngenxa ye-Nkosi yetu u-Yesu Kristu, ukuba ningali ukuza kuwo, nibizwa ngotando olungaka nje nimenywa ngu-Tixo ngokwake. Niyazi ukuba kuyinto embi kunene ukuba umntu obelungisile isidlo esikulu, wayizalisa i-tafile yake ngentlobo zonke zokutya, akwabikò nto iswelekileyo, kupèla kukuba abamenyiweyo beze kuhlala pantsi; baza bati ababiziweyo bala ukuza (kungekò sizatu). Ngubanina kuni obengayikuqunjiswa kwakuba kunje? Ngubanina obengayikuti woniwe kakubi? Ize niti, batandwa nikuye u-Kristu, nizilumkele kakulu, hleze niti ngokusala esisidlo singcwele, nizivusele ingqumbo ka-Tixo. Umntu angafanelana atì, Audinakuza, ngokuba nditintelwe yimisebenzi yasemhlabeni. Ke izilandulelo ezinjalo aziyikuvunyelwa zamkelwe ngu-Tixo, Ukuba kukò oti, Ndingumoni omkulu, ndiyoyika ukuza ke; kunganina ukuba ungaguquki ulungise? Nakubizwa ngu-Tixo, aninantloni na ukutì, anizi? Nxa nifanele ukuguqukela ku-Tixo, niyakuzilandulela na, nitì anikalungi? Kukùmbuleni oku ngokwenu, nibone ukuba amaqìnga anjalo angendawo ebengayikuninceda nto pambi ko-Tixo, Abaya kutiwa e-Vangelini babizelwe esidlweni bagwetywa, kwatìwa abasifanele isidlo sasezulwini, bakuzilandulela ngokuti batenge umhlaba, bebezakulinga inkabi zabo, bebezeke abafazi. Mna ngokwam ndiyakubakò; ndiyanimema ngenxa ka-Tixo, ndinibize ndisesikundleni sika-Kristu, ndiniyale, ukuba manibe ngabamkeli balom-Tendeleko ungcwele, ukuba nilutanda usindiso lwenu. Njengokuba u-Nyana ka-Tixo wanincamela ubomi bake ngokunifela emtini, yimfanelo yenu ukwamkela lom-Tendeleko ngokulikùmbula elodini lokufa kwake, njengoko ebesiyalele ngokwake: ukuba niyakwala ukwenza oku, kukùmbuleni ukumona kwenu u-Tixo, nesohlwayo esipezu kwentloko zenu ngenxa yoku; nakuyishiya i-Tafile ye-Nkosi ngabom, nizahlule kubo abazalwana benu abeze kudla kwesosidlo sikulu sokutya kwasezulwini. Ukuba niyazicinga kunene ezizinto, niyakuqondiswa nibuyiswe ngofefe luka-Tixo; tina ke asiyikuyeka ukunitandazela ku-Tixo u-Somandla u-Bawo wasezulwini,

¶ Ngexesha lokwenziwa kom-Tendeleko, abamkeli bawo besebelungiselwe ukuwamkela, um-Priste uyakuteta esisi-Yalo, esitì,

BATANDWA e-Nkosini, nina nifuna ukuza em-Tendelekweni ongcwele wom-Zimba ne-Gazi lo-Msindisi wetu u-Kristu, nifanela ukusigqala kunene isiyalo sika-Paulos sokokuba abantu mabazicikide bazilinge, ukuze basidle eso-Sonka, basele kuyo lo-Ndebe. Ngokuba likulu itamsanqa, sakuyamkela le-Sakramente ingcwele ngentliziyo egqobokileyo nangokòlo olupilileyo; (ngokuba siwudla um-Zimba ka-Kristu ngokomoya, silisele ne-Gazi lake; sihlale kuye u-Kristu, ati u-Kristu ahlale kuti; sibe banye no-Kristu, no-Kristu abe mnye nati;) ikwankulu ingozi, xa siyamkela ngokungafaneleyo. Ngokuba xa senjenjalo sinetyala lom-Zimba ne-Gazi lika-Kristu u-Msindisi wetu; sidla ukugwetywa kwetu, singawugqali um-Zimba we-Nkosi; sizivusela ingqumbo ka-Tixo; simqumbisa aze asibete ngezifo ezininzi nangentlobo ezininzi zokufa. Zigwebeni ngoko, bazalwana, nize ningagwetywa yi-Nkosi; niguquke ngokwenyaniso ezonweni zenu ezigqitileyo; nibe nokukòlwa ngokuqinisekileyo kuye u-Kristu u-Mkùluli wetu; kulungiseni ukuhlala kwenu, nitandane nabantu bonke; naniyakuba ngabamkeli abafanelekileyo bezimfihlelo zingcwele. Napezu kwento zonke nifanele ukumbulela u-Tixo ngentliziyo elulamileyo, u-Yise, u-Nyana, u-Moya Oyingcwele, ngenxa yokukùlulwa kwelizwe ngokufa nangokuva ubunzima ko-Msindisi wetu u-Kristu, ongu-Tixo ekwangumntu; owazitobayo kwada kwasekufeni emnqamlezweni, ngenxa yetu, tina boni balusizi, ebesilele ebumnyameni nasetunzini lokufa; aze asenze sibe ngabantwana baka-Tixo, sibe zindla-mafa zobomi obungunapakade. Kananjalo ukuze sihlale silukùmbula utando olukulu kangaka lwe-Nkosi yetu, okupèla ko-Msindisi wetu, u-Yesu Kristu, owasifelayo, namatamsanqa angenakubalwa awasizuzisa wona ngokupalala kwe-Gazi lake; usimisele imfihlelo ezingcwele, zibe zezokunyanisekisa utando lwake, zihlale zisisikùmbuzo sokufa kwake, size sibe nenyweba enkulu engunapakade. Ke kuye ngoko, kunye no-Yise no-Moya Oyingcwele, (njengoko kusifaneleyo), masibulele singayeki; silulamela intando yake engcwele, sizama ukumkonza ngobungcwele nangobulungisa yonke imihla yobomi betu. Amen.

¶ Aze um-Priste abekise kwabo baza kuwamkela um-Tendeleko atì,
 

¶ Kwandule kwenziwe le-Ngxelo egameni labo bonke abazimisele ukwamkela um-Tendeleko, ngo mnye wa-Bafundisi; yena nabantu bonke beguqile ngamadolo, besitì,
 

¶ Ati um-Priste (nokuba ngu-Bishop nxa akoyo) eme, abeke ebantwini, asitete esisi-Kùlulo, atì,

U-TIXO u-Somandla, u-Bawo wetu wasezulwini, ote ngetaru lake elikulu wabatembisa ukuxolelwa kwezono bonke abanenguquko yentliziyo nokòlo oluyanisekileyo; Makabe netaru kuni; anixolele anikulule kuzo zonke izono zenu; aniqinise anomeleze kuko konke okulungileyo; ade aningenise ebomini obungunapakade; ngaye u-Yesu Kristu i-Nkosi yetu. Amen.

¶ Aze atì um-Priste,
 

Yivani amazwi amnandi awatetayo u-Msindisi wetu u-Kristu kubo bonke abaguqukela kuye ngokwenyaniso.

YIZANI kum nonke nina nibulalekayo nisindwayo ngumtwalo, ndoninika ukupumla.   U-Mateyu Ongcwele xi. 28.

    Wenjenje u-Tixo ukulitanda kwake ihlabati ude wanikela u-Nyana wake okupèla kwamzeleyo, ukuze bonke abakòlwayo kuye bangatshabalali, koko babe nobomi obungunapakade.   U-Yohane Ongcwele iii. 16.

Yivani noko akutetayo u-Paulos Ongcwele.

    Litembekile ilizwi eli, lifanelwe kukwamkelwa konke, eli lokuba u-Kristu Yesu weza ehlabatini ukuba asindise aboni.   1 Ku-Timote i. 15.

Yivani noko akutetayo u-Yohane Ongcwele.

    Ukuba kukò ote wona, sino-Mteteleli kuye u-Yise, u-Yesu Kristu ke ilungisa; yena ulucamagushelo lwezono zetu.   1 Ka-Yohane Ongcwele ii. 1.

¶ Ahambise um-Priste atì,
 

    Abantu. Siyazipakamisela e-Nkosini,
    Um-Priste. Masibulele e-Nkosini ku-Tixo wetu.
    Abantu. Kufanelekile kulimgile ukwenjenjalo.

¶ Woza um-Priste abeke e-Tafileni ye-Nkosi, atì,
 

KUFANELEKILE kunene, kulungile, yaye ingumsebenzi wetu esimelwe kukuwenza, ukuba siti ngamaxesha onke, nakuzo zonke indawo, sibulele kuwe, Nkosi,* Bawo ongcwele, Somandla, Tixo ongunapakade.

¶ Koti kulendawo, ukuba ngumhla onesi-Bongo sawo esimisiweyo, kulandele sona; okunye kohanjiswa kutìwe,

NGAKO oko kunye ne-Ngelosi ne-Zinkulu kuzo, nomkosi wonke wasezulwini, siyalibonga silidumise i-Gama lako elingcwele; sihlala sikubonga sisitì, Uyingcwele, uyingcwele, uyingcwele, Nkosi Tixo wemikosi, izulu lizele kwa nomhlaba bubuqaqauli bako: Makudunyiswe wena, Nkosi epezu konke. Amen.
 

* Lamazwì atì Bawo ongcwele akayikutetwa nge-Cawa yo-Mtriniti.

Ngo-Mhla we-Kristmas, nangemihla esixènxe elandelayo.

KUBA wamnikayo u-Yesu Kristu okupèla ko-Nyana wako ukuba azalelwe tina kwanjengelixesha; owati, ngo-Moya Oyingcwele, wenziwa waba ngumntu ngenyaniso wemmo ye-Ntombi u-Mariya unina; aze ati yena engenasono asihlambulule zonke izono. Ngako oko kunye ne-Ngelosi, &c.

Ngo-Mhla we-Pasika, nangemihla esixènxe elandelayo.

KOKO sifanele ukukubonga ngakumbì ngenxa yokuvuka okudumileyo ko-Nyana wako u-Yesu Kristu i-Nkosi yetu: kuba yena uyi-Mvana yenyaniso ye-Pasika, eyanikelwa ngenxa yetu, yazisusa izono zelizwe; ote ngako ukufa kwake wakutshabalalisa ukufa, wati ngokuvuka kwake wasibuyisela ebomini bapakade. Ngako oko kunye ne-Ngelosi, &c.

Ngo-Mhla woku-Nyukela kwe-Nkosi, nangemihla esixènxe elandelayo.

NGENXA yo-Nyana wako otandiweyo u-Yesu Kristu i-Nkosi yetu: owati emva kokuvuka kwake okudumileyo wabonakala kuba-Postile bonke, wati bekangele wenyukela ezulwini ukuya kusilungisela indawo; ukuze apo akona yena, sinyukele kòna nati, silaule naye enywebeni. Ngako oko kunye ne-Ngelosi, &c.

Ngo-Mhla we-Pentekost, nangemihla emitandatu elandelayo.

NGENXA ka-Yesu Kristu i-Nkosi yetu; ekwati ngokwesitembiso sake esiyinyaniso, kwehla kwanjengelixesha u-Moya Oyingcwele evela ezulwini ngesiqupe ngesandi esikulu, esingati sesomoya onamandla, unjengelwimi zomhlo, ezafika zahlala pezu kwaba-Postile, wabafundisa, wabakokelela enyanisweni yonke; ebapà ukuteta nganteto zimbì, nokukàlipela i-Vangeli bayishumayele kuzo zonke intlanga bengadinwa; esati ngayo sabuyiswa ebumnyameni nasekulahlekeni, seziswa ekukanyeni nasekwazini wena, no-Nyana wako lowo u-Yesu Kristu. Ngako oko kunye ne-Ngelosi, &c.

Nge-Cawa yo-Mtriniti kupèla.

WENA Tixo omnye, Nkosi inye; unge-Mmilo nye kupèla, kodwa o-Mmilo zintatu kwi-Mmo nye; kuba oko sikòlwa kuko ngobuqaqauli buka-Yise, sikòlwa kuko ngobo-Nyana, sikòlwa kuko ngobo-Moya Oyingcwele, kungekò mahluko, kungekò kugqitagqitana. Ngako oko kunye ne-Ngelosi, &c.

¶ Kuti emva kwezizi-Bongo ngazinye kuculwe okunye kutetwe kutìwe,

NGAKO oko kunye ne-Ngelosi ne-Zinkulu kuzo, nomkosi wonke wasezulwini, siyalibonga silidumise i-Gama lako elingcwele; sihlala sikubonga sisitì, Uyingcwele, uyingcwele, uyingcwele, Nkosi Tixo wemikosi, izulu lizele kwa nomhlaba bubuqaqauli bako: Makudunyiswe wena, Nkosi epezu konke, Amen.

¶ Ati um-Priste, eguqile e-Tafileni ye-Nkosi, atete lomtandazo ulandelayo egameni labo bonke abaza kuwamkela um-Tendeleko,
 

¶ Ati um-Priste, emi ngase-Tafileni, alungise i-Sonka ne-Wayine, aze abe nokusiqekeza i-Sonka kakuhle pambi kwabantu, nokuyitabata i-Ndebe ezandleni zake, andule enze um-Tandazo woku Ngcwalisa njengoko kulandelayo.
 

¶ Andule amkele u-Mfundisi ngokwake um-Tendeleko ngentlobo zombini, ati emva koko abamkelise o-Bishop, naba-Priste, nama-Dikoni, (nxa bakòyu), andule abanike abantu ngabanye, ezandleni zabo, beguqile ngentobeko. Woti akunikela i-Sonka emntwini attte lamazwi, atì,
 

¶ Ati u-Mfimdisi akunikela i-Ndebe emntwini atele lamazwi, atì,

IGAZI le-Nkosi yetu u-Yesu Kristu elapalalela wena, maligcine. umzimba nompefumlo wako ngonapakade. Sela oku, kube sisikùmbuzo sokuti i-Gazi lika-Kristu lapalalela wena, ubulele.

¶ Ukuba zite zapèla i-Sonka ne-Wayine ezingcwalisiweyo bengekamkeli bonke, um-Priste uyakongeza angcwalise ngokunye ngokwamazwi amisiweyo; aqale ngokuti (U-Msindisi wetu u-Kristu wati, kwa ngobobusuku, &c,) ukuze angcwalise i-Sonka; nokutì (Kwati kwa ngokunjalo emva kwesidlo sangokuhlwa, &c.) ukuze angcwalise i-Wayine.

¶ Ati u-Mfundisi, nxa sebamkele bonke, abuyele e-Tafileni ye-Nkosi, ati ngohlonelo abeke pezu kwayo oko kuseleyo kwezonto zingcwalisiweyo, akugqubutele nge-linen emhlope entle.

¶ Ati um-Priste enze um-Tandazo we-Nkosi, abantu betèlela kwizicelo ngazinye.
 

¶ Kuhanjiswe kutìwe,
 

¶ Okunye kutiwe,

TIXO Somandla Ongunapakade, siyakubulela ngentliziyo yonke kuba uvumile ukusipà tina esite sazamkela ezimfihlakalo zingcwele ukuba sidle ukudla kompefumlo okungum-Zimba ne-Gazi elinqabileyo lo-Nyana wako u-Yesu Kristu u-Msindisi wetu; usiqinisela ngazo ufefe nokulunga kwako; sibulela nokuba singamalungu kanye amiliselweyo emzimbeni wo-Nyana wako olibandla elingcwele lawo onke amakòlwa; sikwazindla-mafa ngetemba zobomi bapakade, ngenxa yemfaneleko zokufa nokuva intlungu ko-Nyana wako otandiweyo. Siyakukunga ngentobeko, Bawo wasezulwini, ukuba usinceda nje ngofefe lwako, size sihlale kobobudlelane bungcwele, senze yonke imisebenzi elungileyo osimisele ukuba siyenze, siyihambe nendlela oti masihambe ngayo; ngaye u-Yesu Kristu i-Nkosi yetu, onokudunyiswa nawe, no-Moya Oyingcwele, ngonapakade. Amen.

¶ Kwandule kutetwe okunye kuculwe,
 

¶ Ati um-Priste (u-Bishop ukuba ukò) abandulule ngale-Ntsikelelo.
 

¶ Imitandazwana engatetwayo emva ko-Nikelo nxa kungekò Mtendelekò; inokutetwa nasemva kwemi-Tandazwana kum-Tandazo wa-Kusasa nowango-Kuhlwa, kum-Tendeleko, ne-Litani, ngokubona ko-Mfundisi.
 

NKOSI Somandla, Tixo Ongunapakade, siyakukunga ukuba mauzilungise, uzingcwalise, uzipàte intliziyo zetu nemizimba yetu sihambe ngendlela ye-Lizwi lako, siyenze imiteto yako; size siti ngokusigcina kwako okunamandla silondolozwe umzimba nompefumlo kaloku nangonapakade, ngaye Oyi-Nkosi no-Msindisi wetu u-Yesu Kristu. Amen.

YENZA, siyakukùnga, Tixo Somandla, ukuba lamazwi siwavileyo ngendlebe amiliselwe nguwe ezintliziyweni zetu, size sivelise iziqàmo zentlalo elungileyo, kuze kuzukiswe kubongwe i-Gama lako; ngaye u-Yesu Kristu i-Nkosi yetu. Amen.

SIKOKELE, Nkosi, kuyo yonke imisebenzi yetu ngofefe lwako olukulu, usihambise ngoncedo lwako olungapèliyo; ize yona iqalwe, ihanjiswe, ifeziselwe kuwe, sidumise ngayo i-Gama lako elingcwele, side siti ekugqibeleni ngetaru lako sizuze ubomi bapakade; ngaye u-Yesu Kristu i-Nkosi yetu. Amen.

TIXO Somandla, Mtombo wabo bonke ubulumko, ozaziyo zonke intswelo zetu singekaceli, nokungazi kwetu ukucela; Siyakukunga ukuba ube nosizi ngenxa yobutataka betu, usipÈ ezonto esoyika ukuzicela ngokungazifaneli kwetu, nezo singenakuzicela ngObumfama betu, ngenxa yemfaneleko yo-Nyana wako u-Yesu Kristu i-Nkosi yetu. Amen.

TIXO Somandla, otembisileyo ukuba uyakuziva izicelo zabo bacelayo nge-Gama lo-Nyana wako; Sipulapule, siyakukùnga, tina sizenzileyo pambi kwako izicelo zetu; usipe ukuba sizizuze ezonto sizicelileyo ngokòlo nangokwentando yako, kuze kusizwe tina, kudunyiswe wena; ngaye u-Yesu Kristu i-Nkosi yetu. Amen.
 

¶ Nge-Cawa nangeminye imi4la engcwele (ukuba akukò Mtendeleko) siyakwenziwa isi-Miselo som-Tendeleko, kuyekwe ekupèleni kom-Tandazo wokulitandazela lonke ibandla le-Kerike ka-Kristu esekòyo apa emhlabeni, kugqityelwe ngomnye walemi-Tandazwana nangelizwi loku-Sikelela,

¶ Ukuba um-Priste uyabona ukuba alikò inani elaneleyo lokwamkela kunye naye, akayikuwenza um-Tendeleko.

¶ Ukuba inani labantu bom-Tendeleko kwi-Parish lingapantsi kwamashumi amabini, akuyikwenziwa Mtendeleko ukuba abo bazakwamkela kunye nom-Priste ababatatu nokuba ababane ubuncinane babo.

¶ Apo kukò iqela laba-Priste nama-Dikoni bayakuwamkela bonke um-Tendeleko kunye nom-Priste i-Cawa nge-Cawa. ukuba abanasizatu sibatintelayo.

¶ Ukuze kungabikò nkani nancinga zimbi malunga ne-Sonka ne-Wayine, kwanele ukuba i-Sonka sibe sesidliwa ngabantu; siti kodwa sibe sesenqòlowa eyona intle icolekileyo, engaxutywanga nanto.

¶ Ukuba kukò okuseleyo kwi-Sonka ne-Wayine okungangcwaliswanga kulungele u-Mfundisi kube kokwake. Ukuba kuko okuseleyo kobekungcwalisiwe akuyikupunywa nako e-Kerikeni, kuyakudliwa ngum-Priste nabanye kubamkeli ababizwa nguye, beguqiie, kwakupela ilizwi loku-Sikelela.

¶ I-Sonka ne-Wayine zom-Tendeleko ziyakufunwa ngu-Mfundisi nama-Gosa e-Kerike ngemali emelwe kurolwa ngabantu.

¶ Bonke abantu mabawamkele um-Tendeleko katatu ngonyaka ubuncinane, ngokungakumbì bamkele nge-Mini ye-Pasika. Mabati ke abantu bonke imiyaka ngeminyaka ngeloxesha bamrolele u-Mfundisi iminikelo yabo efanele ukurolwa nge-Pasika.

¶ Yakugqitywa i-Nkonzo engcwele imali yo-Nikelo iyakucitelwa imisebenzi etile efanelekileyo, ngokubona ko-Mfundisi nama-Gosa. Ukuba abavumelani. wogweba u-Bishop.