UMTANDAZO WANGOKUHLWA
WEMIHLA NGEMIHLA.

¶ Ekuqaleni kom-Tandazo wanga-Kuhlwa u-Mfundisi makafunde ngezwi elivakalayo sibe sinye nokuba kungapezulu kwezi-Zahlukwana. Andul' ukuteta okubàliweyo emva kwazo.

BATANDWA, kutìwa ezi-Bàlweni kwindawo ngendawo masivume sizixele izono zetu ezininzi nenkohlakalo yetu; singazifihli ku-Tixo u-Somandla u-Bawo wetu wasezulwini, kodwa sizixele ngentliziyo elulamileyo, eguqukayo, evayo; ukuze sizixolelwe ngenxa yenceba yake engapèliyo. Nangona sifanele ukuzivuma izono zetu ngolulamo pambi ko-Tixo ngamaxesha onke, simelwe kukwenjenjalo ngokukodwa manxa sihlangeneyo size kubulela intsikelelo esizifumeneyo kuye, sivakalise udumo lwake, silive i-Lizwi lake elingcwele, sicele okulungele umzimba nompefumlo. Nditì ngoko kuni nonke bakòyo, ndipelekeni ngentliziyo enyanisekileyo nangelizwi elibekekileyo, siye sizitobe pambi ko-Bawo onofefe, siti sonke;
 

¶ Ukuvunywa kwezono okutetwa yintlanganiso, yonke emva ko-Mfundisi, beguqile bonke.

BAWO Somandla, Olufefe lukulu; Sipambukile salahlekana nendlela zako njengegusha ezilahlekileyo. Sigqitisile ukulandela amaqìnga neminqweno yentliziyo zetu. Siyapùle imiteto yako engcwele. Siziyekile asazenza izinto ebesifanele ukuzenza; Senza izihto ebesingafanele ukuzenza; Akukò kupila kuti. Kodwa wena, Nkosi, yiba netaru kuti tina boni balusizi. Banyamezele, Tixo, abazixelayo izipòso zabo. Babuyisele abaguqukayo ; Ngokwezitembiso zako ezishunyayelweyo ebantwini ngaye u-Kristu Yesu i-Nkosi yetu. Uz' uti, Bawo otaru likulu, wenze ngenxa yake; Okokuba siti ukususela koku, sihlale ngokumkonza u-Tixo, Ngokulungileyo, nangobuncàtu, Kuze kudunyiswe i-Gama lako elingcwele. Amen.
 

U-TIXO u-Somandla, u-Yise we-Nkosi yetu u-Yesu Kristu, ongakutandiyo ukufa komoni, kodwa otanda. ukuba aguquke enkohlakalweni yake, apile; owanika ,aba-Fundisi bake igunya nomyalelo wokushumayela ebantwini bake, beguqukile, ukukùlulwa nokuxolelwa kwezono zabo: Yena uyabaxolela abakùlule bonke abaguqukayo ngenyaniso, bekòlwa ngokwenene yi-Vangeli yake engcwele. Ngoko masimtandaze ukuba asipè inguquko eyinene nö-Moya wake Oyingcwele, ukuze oko sìkwenzayo kaloku-nje kutandeke kuye; buze ubomi betu emva koku bube msulwa, bube ngcwele; siti ekugqibeleni singene enywebeni yake yapakade; ngaye u-Yesu Kristu i-Nkosi yetu.
 

¶ Andule u-Mfundisi aguqe atete um-Tandazo We-Nkosi ngezwi elivakalayo; abantu besaguqile, bawutete kunye naye.

BAWU wetu osezulwini, Malingcwaliswe i-Gama lako. Ubukumkani bako mabufike. Intando yako mayenziwe emhlabeni, Njengokuba isenziwa ezu1wini. Sipè namhla-nje isonka setu semihla ngemihla. Usixolele izono zetu, Njengokuba nati sibaxolela. abasonayo. Ungasingenisi ekuhendweni; Usisindise enkohlakalweni: Ngokuba ubukumkani bobako, Namandla, nodumo, Ngonapakade. Amen.

¶ Aze ati,

    Nkosi, vula imilomo yetu.
Abantu. Ize ivakalise indumiso yako.
Um-Priste. Tixo, kàuleza ukusisindisa.
Abantu. Nkosi, kauleza ukusisiza.

¶ Aze atì um-Priste, bemi bonke,

    Udumo ku-Yise, naku-Nyana: naku-Moya Oyingcwele;
    Abantu. Kwavela kunjalo, kusenjalo nanamhla: kohlala kunjalo ngonapakade. Amen.
    Um-Priste. Bongani i-Nkosi.
    Abantu. MalibOngwe i-Gama le-Nkosi.

¶ Kwandul' ukutetwa, okunye kuculwe, i-Ndumiso ngokumiswa kwazo. Kulandele ,isi-Fundo esimisiweyo sitatyatwa e-Testamenteni e-Ndala. Kulandele ke i-Ngoma ye-Ntombi engcwele u-Mariya, etì.
 

U-Luka Ongcwele i.

UMPEFUMLO wam uyayibpnga, i-NkoSi : nomoya wam ugcobele ku-Tixo u-Msindisi Wam.
    Ngokuba ekukangele : ukutobeka kwesicakazana sake.
    Ngokuba kususela koku : zonke izizukulwana ziyakutì ndingonetamsanqa.
    Ngokuba u-Somandla wandenzela izinto ezinkulu : lingcwele i-Gama lake.
    Itaru lake likwabamoyikayo : kuzo zonke izizukulwana.
    Wavelisa amandla, ngengalo yake: wabacìtacìta abaneratshi ekucingeni kwentliziyo zabo.
    Wabawisa esihlalweni sabo abanamandla : wabapakamisa abatobekileyo.
    Wabahlutisa ngento ezilungileyo abalambileyo : wabimdulula abazityebi bengenanto.
    Wati ngokukiunbula itaru lake, wasisiza isicaka sake u-Sirayeli : njengoko watetayo kobawo, ku-Abraham nenzala yake ngonapakade.
    Udumo ku-Yise, naku-Nyana: naku~Moya OYingcwele;
Kwavela kunjalo, kusenjalo nanamhla : kohlala kunjalo ngonapakade. Amen.

¶ Okunye le-Ndumiso, ukuba asinguwo umhlta weshurmi elinesitoba wenyanga, eti ngawo itetwe kwi-Ndumiso endaweni yayo.
 

VUMELANI I-NKOSI ingoma entsha: ngokuba yenze imimangaliso.
    Isandla sayo sokunene, nengalo yayo engcwele: iyizuzele uloyiso.
    I-NKOSI ilwazisile usindiso lwayo: ubulungisa bayo ibutyilile emehlweni entlanga.
    Ikùmbule inceba yayo nokunyaniseka kwayo kwindlu ka-Sirayeli: zonke izipèlo zomhlaba zilubonile usindiso lo-Tixo wetu.
    Vumelani I-NKOSI, nonke nina mihlaba: culani, nimemelele ngovuyo, nidumise.
    Yibeteleni I-NKOSI uhadi: uhadi nelizwi lendumiso.
    Ngamaxilongo nangezwi lesigodlo: dumani pambi kwe-NKOSI u~Kumkani.
    Malugqume ulwandle nenzaliseko yalo: elimiweyo nabemi balo.
    Imilambo mayibete izandla, nentaba zimemelele kunye pambi kwe-NKOSI: ngokuba isiza kugweba umhlaba.
    Iyakugweba elimiweyo ngobulungisa: nezizwe ngokulungileyo.
    Udumo ku-Yise, naku-Nyana: naku~Moya Oyingcwele:
    Kwavela kunjalo, kusenjalo nanamhla: kohlala kunjalo ngonapakade. Amen.

¶ Kulandele isi-Fundo esimiselweyo, sitatyatwa kwi-Testamente e-Ntsha. Emva koko i-Ngoma. ka-Simon etì:
 

NKOSI,kaloku uyasindulula isicaka sako ngoxolo: ngokwelizwi lako.
    Kuba amehlo am: elubonile usindiso lwako,
    Olulungisileyo: ebusweni bezizwe zonke;
    Lusisikanyiso sokukanyisela intlanga: udumo lwabantu bako aina-Sirayeli.
    Udumo ku-Yise, naku-Nyana: naku-Moya Oyingcwele;
    Kwavela kunjalo, kusenjalo nanamhla: kohlala kunjalo ngonapakade. Amen.

¶ Okunye le-Ndumiso, ukuba asinguwo umhla weshumi elinesibini wenyanga.
 

Nunc Dimittis, Luke 2:29

NGAMANA u-Tixo wasibabala inceba, wasisikelela: wasibonisa ukukànya kobuso bake.
    Ukuze indlela yako yaziwe emhlabeni: usindiso lwako ezintlangeni zonke.
    Izizwe mazikubulele, Tixo: zonke izizwe mazikubulele.
    Intlanga mazivuye zimemelele: ngokuba uyakuzigweba izizwe ngokute-tye, uzilaule intlanga ezisemhlabeni.
    Izizwe mazikubulele, Tixo: zonke izizwe mazikubulele.
    Umhlaba uyivelisile indyebo yawo: u-Tixo, u-Tixo, wetu, uyakusisikelela.
    U-Tixo uyakusisikelela: zaziyakuti zonke izipèlo zomhlaba zimoyike.
    Udumo ku-Yise, naku-Nyana: naku-Moya Oyingcwele;
    Kwavela kunjalo, kusenjalo nanamhla: kohlala kunjalo ngonapakade. Amen.

¶ Kuculwe, okunye kuteiwe, i-Ngxelo yo-Kòlo yaba-Postile ngu-Mfundisi nabantu, bemi.
 

¶ Bandule baguqe bonke, kulandele lemitandazo; u-Mfundisi aqale ati, ngelizwi elivakalayo,

I-Nkosi maibe nani.
Abantu. Ibe nomoya wako.
Um-Fundisi. Masitandaze.

Taru, Nkosi.
       Taru, Kristu.
Tarn, Nkosi.

¶ Kwandul' ukutetwa um-Tandazo we-Nkosi ngu-Mfundisi nangabantu, ngokuvakalayo.
 

BAWU wetu osezulwini, Malingcwaliswe i-Gama lako. Ubukumkani bako mabufike. Intando yako mayenziwe emhlabeni, Njengokuba isenziwa ezu1wini. Sipè namhla-nje isonka setu semihla ngemihla. Usixolele izono zetu, Njengokuba nati sibaxolela. abasonayo. Ungasingenisi ekuhendweni; Usisindise enkohlakalweni: Ngokuba ubukumkani bobako, Namandla, nodumo, Ngonapakade. Amen.

¶ Ati um-Priste, emi,

        Nkosi, sibonise ububele bako.
    Abantu. Usipè usindiso lwako.
    Um-Priste. Nkosi, sindisa u-Kumkani.
    Abantu. Usive ngetaru sakuzibika kuwe.
    Um-Priste. Yambesa aba-Fundisi bako ngobulungisa.
    Abantu. Uvuyise abantu bako abanyuliweyo.
    Um-Priste. Nkosi, sindisa abantu bako.
    Abantu. Ulisikelele ilifa lako.
    Um-Priste. Sipè uxolo ngexesha letu, Nkosi.
    Abantu. Ngokuba kungekò wumbì usilwelayo, nguwe wedwa, Tixo.
    Um-Priste. Tixo, dala pakati kwetu intliziyo ezingcwele.
    Abantu. Ungamsusi kuti u-Moya wako Oyingcwele.

¶ Kulandele imi-Tandazwana emitatu, owokuqala, ngowalomhla ukòyo: owesibini, owoxolo; owesitatu, owokusizwa ezingozini zonke. Lemibini yokugqibela mayitetwe imihla yonke em-Tandazweni wango-Kuhlwa.
 

TIXO, ekuvela kuwe yonke iminqweno engcwele, namacebo angawo, nezenzo zonke ezilungileyo; Sipè tina bantu bako oloxolo singenakulunikwa ngumhlaba; ukuze intliziyo. zetu zimiselwe ekuyibambeni imiteto yako, silondolozwe ezintshabeni zetu, sihlale ngokuzola nangokupumla; ngenxa yemfaneleko ka-Yesu Kristu u-Msindisi wetu. Amen.
 

BUKANYISE ubumnyama betu, siyakukùnga, Nkosi, uti ngetaru lako elikulu usilondoloze ezingozini zonke zobubusuku; ngenxa yotando lokupèla ko-Nyana wako emnye, u-Yesu Kristu u-Mkùluli wetu. Amen.

¶ Apo kuculwayo, kuZandela i-Culo.
 

NKOSI, Bawo wasezulwini, Opezulu, Omandla makulu, Kumkani wokumkani, Nkosi yenkosi, okupèla ko-Mlauli wezilauli, oti, use-troneni yako, ubone bonke. abemi bomhlaba; Siyakutandaza ngentliziyo yonke, ukuba ukangele ngobubele u-Kumkani wetu u-GEORGE, umgalele ngo-Moya wako Oyingcwele, ukuze ahlale ebèka entandweni yako, ahambe ngendlela yako: Mtyebise kakulu ngezipò zasezulwini; menze ukuba ahlale ngokupila nangokonwaba; momeleze azoyise zonke intshaba zake; ati ekugqibeleni angene enywebeni yapakade; ngaye u-Yesu Kristu i-Nkosi yetu. Amen.
 

TIXO Somandla, Mtombo wako konke ukulunga, siyakukùnga ngolulamo ukuba usikelele u-Kumkanikazi wetu u-Elizabeth, u-Mary u-Nina wo-Kumkani, in Kosazana u-Elizabeth: Bambese ngo-Moya wako Oyingewele; batyebise ngofefe lwako lwasezulwini; batamsanqele ngayo yonke inyweba; ubangenise ebukumkanini bako bapakade; ngaye u-Yesu Kristu i-Nkosi yetu. Amen.
 

TIXO Somandla Ongunapakade, okupèla kowenza imimangaliso emikulu; Galela o-Bishop naba-Fundisi, na-Bantu abapàtiswe bona, ngo-Moya wako opilisayo; nokuze bakukòlise kanye, uhlale ugalela pezu kwabo umbete wetamsanqa lako. Kwenze oku, Nkosi, ngenxa yo-Mteteleli no-Mtandazeli wetu u-Yesu Kristu. Amen.
 

TIXO Somandla, osipìleyo ufefe ukuba siti ngantliziyonye siyisingisele kuwe imitandazo yetu; nositembisayo ukuba woti kwakubutana babini, batatu, e-Gameni lako ubenzele izicelo zabo: Zenze kaloku, Nkosi, izicelo zezicaka zako, njengoko kulungele zona; usipè kwelilizwe. ukuyazi inyaniso, yako, nakwelizayo ubomi obungunapakade. Amen.

2 Kwabase-Korinte xiii.

UFEFE lwe-Nkosi. yetu u-Yesu Kristu, notando luka-Tixo, nobudlelane bo-Moya Oyingcwele, malube nati sonke ngonapakade. Amen.

Upèla apa um-Tandazo wango-Kuhlwa.

¶ Ngemihla emikulu, eyilè: Umhla we-Kristmas, owe-Epifani, oka-Matiyas Ongcwele, owe-Pasika, owoku-Nyukela kwe-Nkosi, owe-Pentekost, oka-Yohane u-Mbaptizi Ongcwele, bka-Yakobi Ongcwele, oka-Bartolomeyu Ongcwele, oka-Mateyu Ongcwele, oka-Simon Ongcwele noka-Yuda Ongcwele, oka-Andreya Ongcwele, nange-Cawa yo-Mtriniti, kovunywa okunye ketetwe em-Tandazweni wa-Kusasa, endaweni ye-Ngxelo yo-Kòlo yaba-Postile le-Ngxelo yenkolo yobu-Kristu betu ekukòliswa ukutìwa yeka-Athanasius; ngu-Mfundisi nangabantu, bemi.

 
QUICUNQUE VULT.

ONGA angasinda: pambi kwento zonke makakòlwe yi-Nkolo eyi-Katolika.
    Lenkolo ke uyakuti wonke ubani owoba engayibambanga iyonke, ingangxengelelwe: ngokungatandabuzekiyo wotshabalala ngonapakade.
    Inkolo eyi-Katolika yilè: yokuba sinqule u-Tixo omnye ommilo zintatu, nommilo ntatu zingu-Tixo omnye.
    Singazidibanisi immilo: singayahluli immo.
    Kuba iyodwa immilo yo-Yise, iyodwa eyo-Nyana; iyodwa eyo-Moya Oyingcwele.
    Kanti ke ubu-Tixo bo-Yise, nobo-Nyana, nobo-Moya Oyingcwele bunye: ubuqaqauli buyalingana, nobukulu bunye bungunapakade.
    Into ayiyo u-Yise, ukwayiyo no-Nyana: ukwayiyo no-Moya Oyingcwele.
    U-Yise akadaliwe, u-Nyana akadaliwe: u~Moya Oyingcwele akadaliwe.
    U-Yise akanamlinganiselo, u-Nyana akanamlinganiselo: u-Moya Oyingcwele akanamlinganiselo.
    U-Yise ungunapakade, u-Nyana ungunapakade: u-Moya Oyingcwele ungunapakade.
    Kanti Onapakade ababatatu: kodwa ngunapakade mnye.
    Kwa njengokuba bengebatatu abangenamlinganiselo, bengebatatu abangadaliweyo: kodwa ngongadaliweyo mnye, ngongenamlinganiselo mnye.
    Ngokunjalo u-Yise ngu-Somandla, u-Nyana ngu-Somandla: u-Moya Oyingcwele ngu-Somandla.
    Kanti o-Somandla ababatatu: kodwa ngu-Somandla omnye.
    Ngokunjalo ke u-Yise ngu-Tixo, u-Nyana ngu-Tixo: u-Moya Oyingcwele ngu-Tixo.
    Kanti o-Tixo ahabatlitu: kodwa ngu-Tixo omnye.
    Ngokunjalo ke u-Yise uyi-Nkosi, u-Nyana uyi-Nkosi: u-Moya Oyingcwele uyi-Nkosi.
    Kanti asizizo i-Nkosi ezintatu: kodwa yi-Nkosi inye.
    Kuba njengokuba sinyanzelwe yinyaniso yobu-Kristu: ukuba sivume ukuba ileyo immilo ingu-Tixo, ileyo iyi-Nkosi;
    Kwa ngokunjalo asivunyelwa yi-Nkolo eyi-Katolika: ukuba sitì o-Tixo batatu, i-Nkosi zintatu.
    U-Yise akenziwanga bani: akadalwanga, akazalwanga.
    U-Nyana ngoka-Yise yedwa: akenziwanga, akadalwanga, uzelwe.
    U-Moya Oyingcwele ngoka-Yise no-Nyana: akenziwanga, akadalwanga, akazalwanga, upuma kubo.
    Ngoko mnye u-Yise, ababatatu o-Yise; mnye u-Nyana, ababatatu o-Nyana: mnye u-Moya Oyingcwele, ababatatu o-Moya abayingcwele.
    Nakulo-Mtriniti . aktukò upambili nongasemva komnye: akukò ungapezulu nongapantsi komnye.
    Kodwa immilo zontatu ziyalingana: zihleli zikò zontatu.
    Ngoko ezintweni zonke, njengokuba sekutshiwo: makunqulwe u-Tixo omnye ommilo zintatu,nommilo ntatu zingu-Tixo omnye.
    Ngoko ke onga angasinda ke: makabuqonde njalo ubu-Triniti.
    Kananjalo makati lowo unga angasinda: alungise ukukòlwa kukwenziwa abe ngumntu kwe-Nkosi yetu u-Yesu Kristu.
    Kuba i-Nkolo eyinyaniso yilé, yokuba sikòlwe, sixele: ukuba i-Nkosi yetu u-Yesu Kristu, u-Nyana ka-Tixo, ingu-Tixo, ingumntu;
    Ngu-Tixo, obummo wabuzekela ku-Yise, ezelwe pambi kwamapakade: ngumntu, obummo wabuzekela ku-Nina, ezelwe emhlabeni.
    Engu-Tixo onguye kanye, engumntu onguye kanye: enompefumlo onengqondo, enomzimba womntu;
    Elingana no-Yise ngobu-Tixo bake: engapantsi ko-Yise ngobuntu bake.
    Ote, noko engu-Tixo, engumntu: akababini, ngu-Kristu omnye;
    Emnye, kungengakuguqulwa kwabu-Tixo bube bubuntu: kodwa ngokungeniswa kobuntu ku-Tixo;
    Emnye kanye, kungengakudityaniswa kwabummo nobu-Tixo: kungokuba immilo yake inye.
    Kuba njengokuba umpefumlo onengqondo nomzimba zingumntu omnye: ngokunjalo u-Tixo nomntu ngu-Kristu omnye;
    Oweva ubunzima ngenxa yosindiso lwetu: wehlela kwelabafileyo, wabuya wavuka kwabafileyo ngomhla wesitatu.
    Wenyukela ezulwini, uhleli ngasekunene kuka- Yise, u-Tixo u-Somandla: apo ayakubuya evela kòna; abe ngu-Mgwebi wabahleliyo nabafileyo.
    Ekuyakuti ekuiikeni kwake babuye bavuke bonke abantu benemizimba yabo: benze ingxelo yemisebenzi yabo;
    Baze abalungisileyo badle ubomi bapakade: bati abonileyo baye emlilweni wapakade.
    Yiyo le ke i-Nkolo eyi-Katolika: ayakuti owoba engakOlwanga yiyo ngokuqinisekileyo angabinakusindiswa.
    Udumo ku-Yise, naku-Nyana: naku-Moya Oyingcwele;
    Kwavela kunjalo, kusenjalo nanamhla: kohlala kunjalo ngonapakade. Amen.