Flag of Malaysia The Book of Common Prayer
United States England Scotland Ireland Wales Canada World

    Portions of the Book of Common Prayer in Selako

 

Beniat diri:

SAMBAYANG GASA MASOK KA ORANG JAJI KATAKUMIN

Padri: Da’am dama Bapa angan Anak angan Roh Alkudus. AMIN.

Dengar kita: Orang Katakumin iya angkoaorang mau choba nunda’an adat sambayang. Orang katakumin pechaya choba salalu besambayang, lalu ba’ajar ka harati ja’an sambayang. Lalu aku nyuruh kita: Kita mau choba ba’ajarbesambayang kadiri, lalu besambayang ka greja kamie Hari Minggu angan Hari Kaya?
Jawab: Aku mau

Padri: Kita mau choba ba’ajar ka rati Ja’an Sambayang?
Jawab: Aku mau

Padri: Allah Taala, udah mari ka kita ati nunda’an ka ja’an sambayang, nu’ong kita nganyamani ka bejanji kita muih idup ada. AMIN.

(Orang belutut lalu Padri nangkapi kokut kanan)

Padri: . . . . . . . sabap kau mau nunda’an ka ja’an sambayang, lalu bejanji ka rati ja’an angkoa, aku tama ka kau jaji katakumin. AMIN.

(Padri mari ka iya tanda Regang)

Padri: Terima regang anyian, lalu pakai iya belaluan. Tanda nyiansakauingat ka Tuhan Isa mati datas kayu regang pejari ka idup ka kita. Salatu bepikir ka Tuhan angkoa, lalu ami kau supan ngaku diri murid iya.

Beniat diri:

Tuhan Allah andang bekuasa, kami minta Tuhan kasi ka anak Tuhan nyian, nyamai mau bejalan umpat patangampus ka tarang. Nu’ungui dangan nahui lalu marati jukut patut dipejawat dangan, lalu mari barakat ka dangan, pejari ka dangan muih arap ka Tuhan angan banar; dapat Isa Almesih Tuhan kami. AMIN.

Padri: Tuhan angan kita
Jawab: Lalu angan ati kau

Padri: Pejari ka Allah Taala jaji Petara kita.
Pejari ka isa Almesih jaji chuntok kita.
Pejari ka Roh Alkudus jaji tarang kita. AMIN.

 


 

 

Admission of Catechumens.

SAKRAMEN NGAMPUNI KASALAHAN

Orang Ngako: Aku ngako ka Allah Taala, andang bekuasa, di moha samuai orang serga, di moha kau, padri aku, aku udah salah banar da’am pragam, da’am jako, ka’am keraja aku. Labih agi aku udah minjawat kasalahan nyian:

(Iya padahan kasalahan)

Kerana kasalahan angkoa, angan samuai kasalahan bukan ang aku ana ingat kania, aku susah ati banar. Aku mau ngoba diam bato agi; aku minta Allah Taala ngampun aku. Aku minta kau, padri aku, mari Ka aku pengaran, ukum angan kata ngampun kasalahan.

Padri: Isa Almesih, Tuhan diri, andang udah mari kuasa ka Eklisia pejari ka ngampun samuai orang bedosa, ang andang banar ngesal ati, andang banar arap ka iya: angan kasi Tuhan ngampun kasalahan kau, lalu dapat kuasa andang udah dibari iya ka aku, AKU NGAPASAN KA KAU UMPAT SAMUAI KASALAHAN KAU, da’am dama Bapa angan Anak angan Roh Alkudus. AMIN.

 

 

Sacrament of Penance

SAMBAYANG MARI PUJI KAMIE AMBINI UDAH BERANAK

Padri: Kerana Allah Taala, dapat kasihan iya, udah ngidupi ka kau, udah numui kau damam kasakitan beranak, patut kau muji iya:

MASMUR 127

  1. Ansi ana Allah Taala minjawat rumah:
Ana ngadap kerajaan orang minjawat iya.
  2. Ansi ana Tuhan Allah nungui nagari:
Ana ngadap orang tidur nyagai iya.
  3. Ana guna kita dohani awal, lalu lambat tidur; lalu ngangau bekeraja ngagu jukut permakanan:
Kerana Tuhan mari jukut angkoa ka dangan ang dikasukai ka iya, kamie iya tidur.
  4. Ingat, kamuda andang pusaka ang dimari Tuhan ka orang:
Jaji samuai kamuda andang upah ang dimari Tuhan ka orang.
  5. Aya abuh ang ditangkapi orang ang kuat:
Aya angkoa kamuda orang ang agi muda.
  6. Bebarakat orang ang ada manyak, aya tabung ang baisi abih:
Orang angkoa ana supan kamie bechara di pintu nagari:
Angan dangan mau ngalawan iya.

Padri: Mulia ka Bapa angan Anak angan Roh Alkudus.
Jawab: Aya mula duhu, kania: atang ka samalamai. AMIN.

Padri:

Jawab:
Padri:

Besampi giri:
Tuhan, kasi ka kami
Almesih, kasi ka kami
Tuhan, kasi ka kami

 


 
SAMPI TUHAN ISA:

Bapa kami ang di serga, kudus dama Tuhan; atang Printah Tuhan; jaji peneka Tuhan: nya koa da’am serga, nya koa da’am bumi. Bari ka kami hari nyian chukup dimakan kami; Ampun kami kasalahan kami, aia koa kami ngampuni orang ansi salah angan kami. Ami nabanan kami ampus manchoba’an; Lepas ka kami umpat kasalahan, Kirai Tuhan ada Printah angan Kuasa angan Mulia, sampai ka sama’amai. AMIN.

Padri: Tuhan, nungui ambini nyian ang anak Tuhan
Jawab: Ang arap ka Tuhan
Padri: Pejari ka Tuhan ngalingdungi iya
Jawab: Umpat samuai munsoh iya
Padri: Tuhan, dangar ka sambayang kami
Jawab: Pejari ka kampak kami atang ka Tuhan

Besampi diri:

Padri: Tuhan Allah, pengabis bekuasa, angan mangap kami muji Tuhan, dapat Tuhan udah ngidupi ka anak Tuhan, ambini nyian, kamie iya sakit lalu sesa beranak. Kami minta Tuhan, Bapa ang kasi, nungui iya muih salalu angan Barakat Tuhan, ngichang ka iya muih salalu arap ka Tuhan, lalu nunda’an ka iya. Ka mauan Tuhan da’am dunya nyian lalu muih idup masi da’am nagari serga ang napan atang. Dapat Isa Almesih Tuhan diri. AMIN.

Tuhan Allah Taala, Bapa kami di Serga, kami muji lalu ngaia’an ka dama Tuhan, kerana Tuhan udah marakat ka Anak Tuhan, ambini nyian, lalu udah mari anak ka iya. Kami minta kasihan Tuhan nungui iya (angan aki iya) najari anak iya nunda’an ka samuai adat bato, ngichang ka iya muih barakat umpat di Tuhan, lalu ngaya’an ka dama Tuhan, dapat Isa Almesih Tuhan kami. AMIN.

Kami mari kau kada’am kandang Tuhan Allah. Pejari ka Tuhan marakat ka kau, lalu nungui kau. Pejari Tuhan nanang lalu kasih ka kau. Pejari ka Tuhan nunda’an umpat di serga, lalu mari salamat ka kau, kania lalu atang ka sama’amai, AMIN.

 

 

Woman’s Thanksgiving after Childbirth

SAMBAYANG BARAKAT KA RUMAH

 
Padri: Da’am dama Bapa angan Anak angan Roh Alkudus. AMIN.

MASUR 127
ang ditulis daun 38

Besampi diri:

Padri: Kami minta Tuhan atang ka rumah nyian lalu muang umpat di iya samuai akal Sitan ang jahat. Suruh malikat Tuhan diam kasia lalu nungui orangang diam di rumah nyian angan salamat, pejari ka barakat Tuhan masi angan dangan disia sa’amamai; dapat Isa Almesih Tuhan kami. AMIN.

(Udah angkoa Padri ngamuran rumah, tawas angan kada’am, angan Al Kudus)

SAMPI TUHAN ISA

Padri: Tuhan Allah, pengabis bekuasa, Bapa kami di serga: Isa Almesih anak Tuhan udah bechampur angan manusia di rumah di Nazaret: kami minta Tuhan marakat samuai dangan ang diam di rumah nyian. Suruhan dangan nunda’an ka chonto sapi di Rumah Kudus nyian, dapat iya angjaji manusia, ang Napasan kami, Isa Almesih Anak Tuhan. AMIN.

Barakat Allah Taala, Bapa angan Anak angan Roh Alkudus, diam angan kita samuai, sa’amamai, AMIN.

Blessing of a House

   
   
   
   
   
   
   
   

 
Return to the Book of Common Prayer in Selako

 

Web author: Charles Wohlers U. S. EnglandScotlandIrelandWalesCanadaWorld