LITANY

N'ebe a ka LITANY, ma-ọba Arirọ nke ike nile, nēso, nke aganābù ma-ọbu nāgu ma Ekpere Ututu gasia n'ubọchi Sunday, na Wednesday, na Friday, na mbe ọzọ otú Bishop ma-ọbu onye nọchiri anya ya gēnye ya n'iwu.

    Chineke Nna nke elu-igwe: mere ayi ebere, ayi ndi-nmehie ndi di imere ebere.
    Chineke Nna nke elu-igwe: mere ayi ebere, ayi ndi-nmehie ndi di imere ebere.

    Chineke Ọkpara, Onye-nbaputa nke uwa: mere ayi ebere, ayi ndi-nmehie ndi di imere ebere.
    Chineke Ọkpara, Onye-npaputa nke nwa: mere ayi ebere, ayi ndi-nmehie ndi di imere ebere.

    Chineke Mọ Nsọ, Onye si na Nna na Ọkpara puta: mere ayi ebere, ayi ndi-nmehie ndi di imere ebere. Chineke Mọ Nsọ,
    Onye si na Nna na Ọkpara puta: mere ayi ebere, ayi ndi-nmehie ndi di imere ebere.

    Trinity, Nke di nsọ, di ngọzi, di ebube, Nke di Ndi ato ma otù Chineke: mere ayi ebere, ayi ndi-nmehie ndi di imere ebere.
    Trinity, Nke di nsọ, di ngọzi, di ebube, Nke di Ndi ato ma otù Chineke: mere ayi ebere, ayi ndi-nmehie ndi di imere ebere.

    Onye-nwe-ayi, echetala ajọ omume-ayi, ma-ọbu ajọ omume nke nna-ayi ochie-hà: abọla ọbọ nke nmehie-ayi: rapu ayi, ezi Onye-nwe-ayi, rapu ndi nke Gi, ndi I jiworo ọbara-Gi kasi oké ọnu baputa, ewesala ayi iwe mbe ebigh-ebi.
    Ezi Onye-nwe-ayi, rapu ayi.

    N'ajọ ihe na ilu-aru nile; na nmehie, n'aghughọ na nmegide nile nke ekwensu; n'iwe-Gi, na n'ọmuma-ikpe ebigh-ebi,
    Ezi Onye-nwe-ayi, dọputa ayi.

    N'ìsì obi nile; na nganga na inya-isi na iru-abua; n'ekworo na ikpọ-asì na idebe-iwe, na n'ejigh ihu-n'anya nile,
    Ezi Onye-nwe-ayi, dọputa ayi.

    N'ikwa-iko na nmehie ọzọ nile nēbute ọnwu: na nrafu nile nke uwa na anu-aru na ekwensu,
    Ezi Onye-moe ayi, dọputa ayi.

    N'amùmà-igwe na oké ifufe; n'ajọ ọria na ajọ oria nēfe efè na unwu; n'agha na ọchu, na n'ọnwu mberede,
    Ezi Onye-nwe-ayi, dọputa ayi.

    N'ikpasu-ogù nile na iba ajọ izù nzuzo na inupu isi n'okpuru ndi-isi; n'ihe-ozizí ugha nile na irọ-òtù na nkewa; n'obi ike na ileda Okwu-Gi na iwu-Gi anya,
    Ezi Onye-nwe-ayi, dọputa ayi.

    Site n'ihe-omimì nke Ighọ-madu I ghọrọ nke di nsọ; site n'Ọmumu-Gi na Obibi-úgwù-Gi di nsọ; site na Baptism-I na Obubu-ọnu-Gi na Ọnwunwa-Gi,
    Ezi Onye-nwe-ayi, dọputa ayi.
 

    Site na Nbu o buru Gi ri'obi na Ọsusọ-ọbara-Gi: site n'Obe nke Gi na Ihu-ahuhu-Gi; site n'Ọnwu-Gi di oke ọnu na Òlìlì-Gi: site na Nbilite-n'ọnwu-Gi di ebube, na Nrigo-n'elu-igwe-Gi; site kwa n'ọbibia nke Mọ Nsọ.
    Ezi Onye-nwe-ayi, dọputa ayi.

    Na mbe nile nke ahuhu-ayi; na mbe nile ọ diri ayi nma; na mbe ọnwu, na n'ubọchi ikpé,
    Ezi Onye-nwe-ayi, doputa ayi.

    Ayi ndi-nmehie nāriọ Gi ka I nuru olu-ayi, Onye-nwe-ayi Chineke; ka Ọ di Gi nma ka I nāchi Nzukọ Nsọ Gi di ri'ebe nile nēdu, kwa ya n'uzọ ziri ezi;
    Ayi nāriọ Gi ka I nuru olu-ayi, Ezi Onye-nwe-ayi.

    Ka Ọ di Gi nma ka I debe orù-Gi ELIZABETH, bú Eze-nwayi-ayi na Onye-isi-ayi nwere obi-ọma, ka I nye kwa ya ike ikpere Gi n'ezie, n'ibi-obi ezi omume na nke di nsọ;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I nachi obi oru-Gi bu Governor-General nke ala nka, ya na Governor nke akuku Nigeria ayi bi nime ya, ka I me ka ha kwere na Gi, tukwa egwu Gi, ka ha we hu Gi n'anya, we tukwasi Gi obi mgbe nile.
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I were ezi ọmuma na nghọta nke Okwu-Gi nye Ndi-bishop na Ndi-presbyter na Ndi-deacon nile ìhè; ka ha weputa Okwu ahu n'iru ọra madu, gosi kwa ya otú ọ di site n'ihe-ozizi-ha na ibi-obi-ha;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ diGi nma ka I nye ndi Minister obodo, na ndi naga Nzukọ uku ebe aneme iwu nachi obodo ayi, na ndi Chief, na ndi nile nachi achi n'ala nka, amara na amam-ihe na nghọta.
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I buru Onye nedu ndi-ikpe na ndi magistrate, nenye ha amara ime nma nye madu nile, natugh egwu, nelegh madu anya n'iru, nejigh aghughọ ma-obu obi ọjọ.
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I gọzie ndi-Gi nile, debe kwa ha;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I nye mba nile idi-n'otù, na udo, na otù obi;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ do Gi nrna ka I nye ayi obi ihu Gi n'anya, na itu egwu Gi, na ijisi ike ibi obi dika ihe nile I nyere n'iwu si di;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I nye ndi-Gi nile amara n'uba ka ha were nwayọ nānu Okuwu-Gi, ka ha were obi ihu-ri'anya nara ya, ka ha mia nkpuru nke Mọ Nsọ;
    Ayi nāriọ Gi ka I nuru olu-ayi, Ezi Onye-nwe-ayi.
 

    Ka ọ di Gi nma ka I kpọbata nime uzọ ezi-okwu ndi nile jehiere ejehie, ndi arafuru arafu;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I nye ndi guzoro eguzo ike; ka I kasie ndi ume nādigh n'obi, ka I yere ha aka; ka I palie ndi nke dara ada; n'ikpe-azu ka I tid a Setan n'okpuru ukwu-ayi;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I bakute ndi nile nọ n'ebe ize-ndu ma-ọbu na nkpa ma-ọbu n'ahuhu, ka I yere ha aka, kasi kwa ha obi;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I chebe ndi nile nọga ije n'ukwu-ala ma-ọbu na miri, na ndinyom nile ime nēme, na ndi-ọria nile, na umu-ntakiri, ka I mere ndi nile nọ n'ulo-nkpọrọ na ndi adọtara n'agha ebere;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I luara umu-nbei ọgù, ha na ndinyom di-ha nwuru, na ndi nile nēnwegh ikwu na ibe anēmebu, ka I boro ha nkpa;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I mere madu nile ebere;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I baghara ndi-iro-ayi, na ndi nēsobu ayi, na ndi nēkwulu aha-ayi, ka I me kwa ka obi-ha chigharia;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I nye ayi nkpuru nke ala di iche iche, ka I chebere ayi ha, ka ọ gābu, mbe ubọchi-ha ruru, a yi erie ha;
    Ayi nāriọ Gi ka I nuru olu-ayi, Ezi Onye-nwe-ayi.

    Ka ọ di Gi nma ka I nye ayi ezi ncheghari; ka I baghara ayi nmehie-ayi nile, na ihe ayi rapuru ime, na nke ayi mere n'amagh-ama; ka I were kwa amara Mọ Nsọ nke Gi yikwasi ayi dika uwe, ka ayi we dozie ibi-obi-ayi ka Okwu nsọ Gi si di;
    Ayi nāriọ Gi ka I nuru olu-ayi, Ezi Onye-nwe-ayi.

    Ọkpara Chineke: ayi nāriọ Gi ka Inurn olu-ayi.
    Ọkpara Chineke: ayi nāriọ Gi ka Inurn olu-ayi.

    Nwa-aturu Chineke: Onye nēbupu nmehie nke uwa.

    Nwa-aturu Chineke: Onye nēbupu nmehie nke uwa.

Kraist, nuru olu-ayi.
Kraist, nuru olu-ayi.

Onye-nwe-ayi, mere ayi ebere.
Onye-nwe-ayi, mere ayi ebere.

Kraist, mere ayi ebere.
Kraist, mere ayi ebere.

Onye-nwe-ayi, mere ayi ebere.
Onye-nwe-ayi, mere ayi ebere.

Emesia, Presbyter na pra madu gāgukọ Ekpere nke Onye-nwe-ayi.
 

Nna-ayi, Nke bi n'elu-igwe, Ka aha-Gi di nsọ. Ka ala-eze-Gi bia. Ka eme ihe I nāchọ, dika (esi eme ya) n'elu-igwe, (ka eme kwa ya) otú ahu n'uwa. Nye ayi nri ta nke gēzuru ayi n'ubọchi ta. Baghara ayi ihe ọjọ nile ayi mere, otú ayi onwe-ayi si baghara ndi mere ayi ihe ọjọ. Edubala ayi nime ọnwunwa; Ma dọputa ayi n'aka ajọ ihe. Amen.

    Presbyter. Onye-nwe-ayi, emesola ayi ka nmehie-ayi si di.
   Ọziza. Ma akwughachila ayi ka ajọ omume-ayi si die

Ka ayi kpere Chineke.

Chineke, Nna Nke di ebere, Onye nādigh-eleda ize-ume nke obi nākwa nmehie, ma-ọbu ọchichọ nke ndi nero újú; Were ebere yere ayi aka n'ekpere-ayi nke ayi nēkpe n'iru Gi nime ahuhu-ayi nile na ihe nile nēmegide ayi, rnbe ọ bula ha nēmebu ayi; were amara nuru olu-ayi, ka ihe ọjọ nile nke aghughọ na nyibu nke ekwensu ma-ọbu madu nāgho megide ayi we la n'efu: ka ha basasia site n'iburo-uzọ-hu-ihe obi-ọma-Gi nāhu: ka ayi, bú ndi-orù-Gi, ebe ọ nādigh nsobu ọ bula nēmeru ayi aru, ka ayi we nēkele Gi mbe nile nime Nzukọ nsọ Gi; site na Jisus Kraist, bú Onye-nwe-ayi.
    Onye-nwe-ayi, bilie, yere ayi aka, dọputa ayi n'ihi Aha-Gi.

    Chineke, ayi ewerewo nti-ayi nu, nna-ayi-hà akọworo ayi akukọ ọlu ebube nile nke I luru n'ubọchi-ha, lu kwa na mbe ochie buru ha uzọ.
    Onye-nwe-ayi, bilie, yere ayi aka, dọputa ayi n'ihi nsọpuru-Gi.

    Otuto diri Nna, na Ọkpara: na Mọ Nsọ;
   Ọziza. Otú ọ diri na mbu, ọ di ubu a, gādigide otú a: we rue n'uwa ebigh-ebi. Amen.

    Kraist, bopuru ayi ndi-iro-ayi.
    Were amara lekuiasi anya n'ahuhu-ayi.

    Were ebere lekwasi anya n'iru-újú nke obi-ayi.
    Were ebere baghara nmehie ndi nke Gi.

    Were amara na ebere nuru ekpere-ayi.
    Nwa nke Devid, mere ayi ebere.
 

    Kraist, ubu a na mbe nile wedata Onwe-gi ka I nuru olu-ayi.
    Kraist, were amara nuru olu-ayi; Onye-nwe-ayi Kraist, were amara nuru olu-ayi.

    Presbyter. Onye-nwe-ayi, me ka ahú ebere-Gi u'aru ayi;
    Ọziza. Ebe ayi tukwasiri Gi obi.

Ka ayi kpere Chineke.

Nna-ayi, ayi ji obi di ume-ala ariọ Gi, ka I were ebere lekwasi adigh-ike nke ayi anya ; ri'ihi otuto Aha-Gi wepu ri'isi-ayi ihe ọjọ nile nke kwesiri ayi n'ezie; nime ahuhu nile nke ayi, kwe ka ayi tukwasi obi-ayi nile n'ebere-Gi, dabebere kwa ya, we nēfè Gi òfùfè mbe nile n'ibi-obi di nsọ di ọcha, ka nsopuru na otuto we diri Gi; site na nání otù Onye-obubo-ayi na Ona nēkwuru-ayi, Jisus Kraist, bú Onye-nwe-ayi. Amen.

Ekpere nke Saint Chrysostom.

Chineke Nke puru ime ihe nile, Onye nyeworo ayi amara ubu a ka ayi were otu obi bute aririọ-ayi n'iru Gi n'ọbọ; Gi Onye kwere si na mbe madu abua ma-obu atọ zukọworo n'aha-Gi I gānu aririọ-ha; Onye-nwe-ayi, mezue ọchichọ na aririọ nke ndi-orù-Gi ubu a, otú ọ gādichasiri ha ezi nma: nye ayi ọmuma nke ezi-okwu-Gi n'uwa nka, na ndu ebigh-ebi n'uwa nke nabia. Amen.

2 Ndi Korint 13.

Ka amara nke Onye-nwe-ayi Jisus Kraist, na ihu-n'anya nke Chineke, na nnwekọ nke Mọ Nsọ, diyere ayi nile mbe nile. Amen.

N'ebe a lea Litany ruru.