PSALMS OF DAVID.

MORNING PRAYER.

ORHONKENE IONTERENNAIENTAKWA.

Psalm I. Beatus vir, qui non abiit.

    Rotaska-onwe ne ronkwe ne iah tehonaktaien tsi rontkennisahatha ne rotiriwanerahakskon; iah oni tehatiens tsi ratitsienhaientakwa ne ronatkenronniaskon.
    2. Rawenniio raoianerensera ratennikonroriata, ne n'iatewenniserake, n'iatewasontake oni rennontonnionkwa.
    3. Teshiatieren ne kerhite kahionakta kaienthon waianiiontha nonen ienkahawe.
    4. Iah ne rahonerate tahontakenheie, nok satkatho, tsi ok nahoten nenhatiere enhotsheraterese.
    5. Nok ne rotiriwanerahakskon, iah etho teiot, ne teshontieren ne ohsewaseri, tsi iahote tewat-tonkwata tsi ok niekahas nonwentsiake.
    6. Wahonni ne iakoriwaksen iah teiokwenion aietake tekaiatoretatserakon, iah oni ne iakoriwanerahakskon akotiokwakon ne iakoriwiioston.
    7. Roterientare ne Rawenniio tsiniiakohahoten pe iakoriwiioston, nok iotkaronniatseraien tsiniiakohahaksen ne iakoriwanerahakskon.
 

Psalm II. Quare fremuerunt gentes?

    Oh-nah niiotieren iakonakwenserons ne iah teiakoriwiioston; nok Ohnah niiotieren nonkwehokon tsi ne ionnontonnionkwa ne iah othenon tekariwastak.
    2. Nonwentsiake Ratikorason wahonteriwaketsko, nok ne ratiriwakweniioson enskatne tehotiiatoreton tsi ronwatkonte ne Rawenniio nok roienha ne roweiennaweron.
    3. Tetewaiakon ne ionkiwannhaston, nok ihsini ieionk wati ne raotiseriie.
    4. Raonrha ne karoniake tenteron, enthatkonsonweskwen tsi nensakokenron; raonrha ne Rawenniio ok-tensakoriwaieron.
    5. Ethone raonakwenserakon ensakowennarane, tensakawerientaren tsiniiokararen tsi iah teshonikonriio.
    6. Sekon kati ne akenontiio etho wahits kwaren Onontoharatseratokentike ne Sion.
    7. Enkeriwanoton ne kaianerenseriio, aseken ne aoriwake rakwenni ne Rawenniio, Ise konienha, ken wenniserate enkoniatoni.
    8. Tahkeneken nok enkonwenniioste ne iah teiakoriwiioston, tsiieiotonwentsiokte ienkaniharihane ensèwenniioke.
    9. I'okontatie karistatsi okwire en setakwarase, nok tenseiakon kenniwasan tenskenhake tsiniiot ne raksonnis raokera.
    10. Wahoni sewat-tokhak nonwa, O ise ne sewanontiioson, sewataterihonnien, ise oni nonwentsiake teietshiiatoretase.
    11. Etsisewawenniiosta, ne Rawenniio, etsisewatshanisek, nok, etsisewatonnharen, etsisewakonnienstak.
    12. Tetsisewanonronkwanion ne roienha, onwa-ok enhonakwen, nok ensewatkaronni tsi akte nisewe tsi nonwe niiothahakwarision. Tokat ne raonakwensera enioketote, sanekennenwaska, iah kotaskats ki akwekon nakaonha nenhonwatshaniseke.
 

Psalm III. Domine quid multiplicati?

    Sewenniio, toh-niioteiarontie tsiniiakon ne teionkenikonrharha, èso-iakon ne ionkwateriwaketskwase.
    2. Eso-iakon ne iontonnions nè nakwatonnhets aoriwake, iah tehoiatakennhaseraien ne Niiohne.
    3. Nok, O Sewenniio ise takiatakennhas, nok ise takraketskwas.
    4. Kewennake ienhironienhare ne Rawenniio, nok etho raononsatokentike haontahakwa ronkase.
    5. Wakatiationnite nok onkitawe, nok sekon sakatketsko, aseken Rawenniio wahakiatanotstate.
    6. Iah taketshanike ne oieri niwenniawehetserasen n'onkwe, ne tateiokwatase ionkwatkonte.
    7. Sewenniio, satketskoh, nok takienawas, nok ise ostienke ratikonsake enseiente akwekon ne ionkeswens, nok tesenawiriakon ne iakori wanerahakskon.
    8. Rawenniio raiatakweniio ne karoniake iontshennonnis, nok ne raoiatateritsera iakoras ne rahonkweta.
 

Psalm IV. Cum invocarem.

    Askwathontatshe nonen wakonniahese, O Niioh, ise wahi ne akwateriwakwarisionsera: saskiatontako nonen tsatewakenikonrhare; takitenrhek, nok takwathontats tsi wakaterennaien.
    2. O ise n'onkwe ietshiienha, to-nikariwes sekon ensewaiesatake ne ak-konniensera, nok ne entsionheskwaniheke ne iah othenon tekastak, nok ne sewesakonhaties ne ohnowen.
    3. Sewaterientarak ne ken iken, ne nah rotaterakwenni ne Rawenniio ne ronkwe roriwiioston; nonen wehiniahese, iahironienhare ne Rawenniio, nok enhakwathontatshe.
    4. Istak ok tatesatonharenronhek, tosa seriwanerahak; seriane satateriwisak, tsi non we tisanaktaien nok tatesatotek.
    5. Ioteriwakwarision ehtsatewentetas tsi tetsenonweraton, nok, ètseniahesenhak ne Rawenniio.
    6. Eso iakon ne iontonnion, onka nah-àh enionkinatonhase ne ioianere.
    7. Sewenniio tsinatesakonsaswathe asketsko nok taskwatkaneren.
    8. Akweriasakon takwetshennonniaserawi, tsinahe tsi nonwe sikahawi sakonteiaron ne onenste, ohtsitsia nok kenhie.
    9. Skennon enkatiationnite, nok enkatorishen, aseken, ise ok Sewenniio sakwenion ne iah othenon tenwakiatawensere.
 

Psalm V. Verba mea auribus.

    Skahenion nakewenna, O Sewenniio, nok tetsiatoret teinikennontonnionkwa.
    2. O aontaskewennaronke tsi koniennitentase, ise ne takewenniio nok ake-Niioh; iseke nenkierate tsi enkaterennaien.
    3. Orhonkene, O Sewenniio, enskewennaronke; iseke nonkati nenkierate tsi enkaterennaien, nok ehneken iatenkatkaneren.
    4. Wahonni ise ne Niioh, iah ne kariwanerahaksensera tesarihonweskwani, iah oni othenon tesenikwekon ne kariwahetken.
    5. Ne ti-iakoriwenteha iah sahenton tenietake, aseken seriwaswase akwekon ne iah tekari wastak iah-koiotekon.
    6. Enseiàhtonte ne ohnowen iontatiata; sakoriwaswàhsekowa ne Rawenniio ne ronkwe ne sakonikwensinekenhon nok ranikonrhata.
    7. Nok niih etho sanonsatokentike enkete, ieiohe tsiniiaweta takwentenranions nok tsinikontshanise, enkaterennaien etho sanonsakentike nenkatierate.
    8. O Sewenniio, sariwatokentitserakon n'iask'iatenhawe ne tsiniionkeswens nonkwe hokon; askwenèsten nakhenton tsi nisahahoten.
    9. Aseken iah othenon teioteriwakwarision tsi rasakaronte; kariwaksenkowa tsinitiot ne ratiiatakon.
    10. Ne tsirotiniakta arinte tsinateiotennhohontion ne teskiatieren tsi iontatiatatahasta; raonennasake tesakotirensarons.
    11. Aseriwatonte, O Niioh, tsi nè rotikaronniata tsinihonterientatshenries; ihsini iaseiatonti tsiniioteriwakate, tsi iah tehotiriwatokentitseraien; iesatketskwase tsi iesawennonties.
    12. Nok kenhak akwekon ne ranonrha, ne iesaniahesen aontonnharen; tiotkon teniesanonweratonheke, ne wahonni tsi seiatakennhas; rononrha ne iesasennanoronkwa eniesatonnharake.
    13. Aseken nise, Sewenniio, enseiatateriste ne iakoriwiioston, nok ne ensetenrate tsi enseiateweienton, enteshennhe, iseke eniontrenhostakwe.

EVENING PRAYER.

IOKARASNE IONTERENNAIENTAKWA.

Psalm VI. Domine, ne in furore.

    O Sewenniio tosa sanakwenserakon askeriwasten, iah oni naskrewate tsi iah tesanikonron weskwani.
    2. Takitenrhek, O Sewenniio, tsi sotsi ok tiwakeriwatsiioha; O Sewenniio, aonsasketsiente, tsiniwakenonwaktani nakstientakonson.
    3. Nok akwatonnhets iononwaktani tsi nateionikonrhare, nok, Sewenniio, to-nikariwes enskrewatake?
    4. Tonsasatkarhateni, O Sewenniio, nok satsiatontako nakwatonnhets, O takiatanonstat, ne tsinisatennitenraskon.
    5. Aseken ne kenheionke iah nonkwe teieseiare; nok onka nah-ah teniesanonweraton ne nakon tsi iontatiatatahasta.
    6. Tekwishenheions tsi wakonsenapes; n'iatewasontake ne kenohareta nakenakte, nok ne kennanawenta tsi karatsta ne ak-kasera.
    7. Tokenske onkwaterakewase tsiniwakonkwetaweienstonne, ne tsinatewakaterientare èren onthawite tsinikiatotenne, ne akoriwa akweken ne ionkeswens.
    8. Eren ihsewet, nise ne kariwaneren sewaiotekon; aseken ne Rawenniio rakewennaronken tsi katstarha.
    9. Rakwaronkàse ne Rawenniio tsi riiennitentase, enhaiena ne Rawenniio tsi wakaterennaien.
    10. Akwekon ne ionkewens tensakonikonrawenrie; nok iononwakte tsi tensakawerientaren, ohnaken enshonnete nok teniawentsi enhonatehenserarenne.
 

Psalm VII. Domine, Deus meus.

    O Sewenniio, ake-Niioh, ise ok konniahesen, takiatanonstat akwekon ne ionkiesata, nok tontakiatontako.
    2. Onwa-ok enhariwentho enhatekhwisa nakwatonnhets, ahnio kenreks, ken nensewaseka tsi nenharatsionko, nok iah onka taionkiatakennha.
    3. O Sewenniio ake-Niioh, ne tokat othenon nenwakatieren, tokat, nothenon ne kariwaksen kesnonke enkeriwenhawake.
    4. Ne tokat kariwahetken enhiiatonraseron raonha ne watenroseriio tsi nihakieren; tokenske, waheiatontako ne raonrha, iah othenon tehoriwaien ne ahakeswenseke.
    5. Kinio ne rakeswens raiesat nakwatonnhets, nok rakiena, ieiohe tsi konnhe tehaskwaseronkwat èhtake onwentsiake, nok tsiniwaksennakonnienst ohkenrake raien.
    6. Tahastane, O Sewenniio, sanakwense. rakon, ahsateriwatketsko, ne aoriwa tsi iakototenakonni ne ionkeswens; askwateriwaketskwase etho saiatoretatserakon tsinisariwatokenston.
    7. Etho kati neniawenne tsinikentiokwa ne sonkweta teniesanenraientho, wahonni kati ne akoriwake sekon aonsasateriwaketsko.
    8. Rawenniio tensakoiatorete nonkwehokon: tsinaskeriwaieraten, O Sewenniio, ne aontaioianenhawe tsiniwakateriwakwarision, nok tsiniiore iah tewakeriwanraakseraien.
    9. O waterihokten ne iah teiakoriwiioston; nok sekwatakwas ne iakoteriwakwarision.
    10. Aseken ne Niioh tsinihoteriwakwarisiontseratokenti ne tesakoiatoretakwa, ieiohe akwa akaweriasakon nonkwehokon.
    11. Niiohne tkaientakwa ne akiatakennhasera, iken ne raonrha sakoiatanonstats ne raonrha sakoiatanonstats ne tokenske iakaweriasiio.
    12. Niioh tsi tehaiatoreta ioteriwakwarision; roriwaniron nok ronikonkatste: Sane ne Niioh n'iatewenniserake ronwanikonraksata.
    13. Ne tokat ne ronkwe iah tatenshatkarhatenionhe enhahiotiion ne raosharekowa; onen ok tehosakton ne rahohenna nok kaweiennentahon.
    14. Roweiennentahon ne kenheiat en kakweni rotokenston ne raoienkwerehokon nok iakonateshennonni ne ienonwes naiontatiesate nonkwe.
    15. Satkatho, ne roroniakentakwa tsi iokarewat nakarihoten roiotekon, ionikonraksat rotateriwatshenriase, nok iah teioriwatokenti ne ken wahariwaketoten.
    16. Iontatiatatahasta rokwaton, ios-honwes, nok ok raonrha etho iahaiatenne ne eniakoren sakosahewi.
    17. Ne raoiohtensera ok raonrha ranontsine enkarane, nok ne raoriwanerahaksera ok teniawentsi enhorane.
18. Tsinihoteriwakwarision ne Rawenniio tenhinonweraton, nok     ne Rawenniio ne ehnekentsi enhisennakonnienste.
 

Psalm VIII. Domine, Dominus noster.

    O Sewenniio, ise takwatsterista, tsiniiatewakte Sasenniio n'onwentsiakwekon: ehnekentsi tsinitkaroniatenion nitisariwataton ne saroniaientonsera.
    2. Tsi iesakaronte ne ohwiraha nok ienonkerha entkaientakwe ne satokenston kashatstensera, ne wakarihonni tsi iesaswens, nok taseiatotate ne iesatkente nok tetsiontateri waserakwenni.
    3. Tsisaroniatenion tenkiatorete tsi niioiotenhon ne sesnonke: asonthenke karakwa, nok otsistohoken ne setokenstenni tsinenioton.
    4. Nahoten nah-ah ne ronkwe tsinihetsieren ne raonrha? Nok onkwe ronwaienha nok ehtsenatàrsnawi.
    5. Ehtakeha tsinihetsiatotenston tsinihatiiatoten ne Ratironiakeronon, ne ehtsennon warorokton ne karoniaientonsera nok kakonnienstataera.
    6. Tsinisason ne sesnonke etsiatakweniioston: nok akwekon rasitokon saien tsi ensakowenniioke.
    7. Akwekon ne teiotinakarontonha, nok teiotinakares, oni ne kontirio ne kahentake konnese.
    8. Ne otsitenhokoha ne ehneken kontities nok ne kenstion ne kaniatarakekowa kontinakere, nok tsi ok nahoten ne etho kaniatarakoson konnese.
    9. O Sewenniio, ise takwatsterista, tsiniiatewakte sasenniio nonwentsiakwekon.