The Book of Common Prayer
United States England Scotland Ireland Wales Canada World

    The Book of Common Prayer in Mohawk

 

THE LITANY,

OR

GENERAL SUPPLICATION.

¶ Kentho ne enwatasawen ne Litany, nonen orhokene enwaterihokten, ne aontatokentike; nok Wednesdays nok Fridays nonweniwennis eratenion enwotstonkake,

    O Niioh karoniake kwaniha; takwentenrhek ne ionkwentent ionkwariwaneraakskon.
    O Niioh karoniake kwaniha; takwentenrhek ne ionkwentent ionkwariwaneraakskon.
    O Niioh Iaienha, ise seseskontakwen onwentsiakwekon n'onkwe, takwentenrhek ne ionkwentent ionkwariwaneraakskon.
    O Niioh Iaienha, ise seseskontakwen onwentsiakwekon n'onkwe, takwentenrhek ne ionkwentent ionkwariwaneraakskon.
   O Niioh Sanikonratokenton, thisaientakon raonrhke ne Ronwaniha nok Ronwaienha; takwentenrhek ne ionkwentent ionkwariwaneraakskon.
    O Niioh Sanikonratokenton, thisaientakon raonrhke ne Ronwaniha nok Ronwaienha; takwentenrhek ne ionkwentent ionkwariwaneraakskon.
    O ashen-seratokenti, satesewataskats, nok satesewaiatanoron, ashen-n'iatesewatieston, nok enskat-ok ne Niioh; takwentenrhek ne ionkwentent ionkwariwaneraakskon.
    O ashen-seratokenti, satesewataskats, nok satesewaiatanoron, ashen-n'iatesewatieston, nok enskat-ok ne Niioh; takwentenrhek ne ionkwentent ionkwariwaneraakskon.
    Sewenniio, tosa aseiarake tsinikwasentenni iah oni tsiniiesasentenni ne iakinihokonkenha, nok tosa ne askwarewatakwe ne onkwariwaneraakserahokon: takwaiatanonstat, Sewenniio tsinisaianere, seiateweienton ne sonkweta, iken, tsinisenekwensanoron iateionenon tsi seseskontakwen, nok tosa ne tiotkont ahakwanakhwase.
    Sewenniio tsinisaianere askwaiatanonstate.
    Akwekon ne kariwaksens, ahtieronsera, kariwaneren, tsinihanikonrhatatseraweienhon, nok, tsinitesonkwatiatonties ne ohnesenronon, sanakwensera nok tsini-ienhenwe aiontetsirate.
    Sewenniio tsinisanere, èren askwahawiten.
    Akwekon ne onkweriane teioronweks, kanaiasera, iontatawis, kanikonrhata, kanoshaon, atatswensera, kanakwensera, nok akwekon ne iah teiotennitenraseraien.
    Sewenniio tsinisanere, èren askwahawiten.
    Akwekon ne ieiakohetstha, nok ioriwaneraakseraien iakotontakwennis, akwekon n'onwentsiake aonikonrhata, ne ieieronke n'onkwe nok ohnesenronon.
    Sewenniio tsinisanere, èren askwahawiten.
   Tsi-tewennirekarahon, tekaweratases, kannratarines, ionwentase, atonkar'iakon, ateriiosera, atataseton, nok taiawentsi aiakwenheie.
    Sewenniio tsinisanere, èren askwahawiten.
    Akwekon ne tekanikonrakhasions, atasetonke ionteriwaseronnis, nok konwatkonte ne kaianerensera, akwekon ne ohnowen kariwiiostonke kariwanentakton, kaiatatont, nok iakoiatontakwata ne sentiokwatokentike, ionter'iasanirats, nok, iekenronnis ne sawennatokenti nok tsiniseiatenientenstenni.
    Sewenniio tsinisanere, èren askwahawiten.
    Tsiniioteriwaseton-tseranerakwat ne satonni-tseratokenti nok sennakereton, nok circumcision satieronnitston; tsi iesanekoserhon, tsi oni wesentontietekwe, nok tsi iesanikonrotakwaskwe.
    Sewenniio tsinisanere, èren askwahawiten.
    Tsinisaroniakenhon, ohnekwensa tisatarihenserarihon, tsi teiesaientannhare, watesatonnhakari, tsinikanoron tsi senheion nok iesaiataten, saroniaientontserakon tsr satonnheton, nok karoniake ietsisatharataton, nok tsi ihro n'onwentsiake ne Ronikonratokenti.
    Sewenniio tsinisanere, èren askwahawiten.
    Akwekon tsinonwe ne onkwaterientakar'iatsera; akwekon tsinonwe ne onkwatshokowatsera enionkwatsheraterese; tsinonwe neniakwenheie nok ne wenniserate tsinatenskwaiatorete.
    Sewenniio tsinisanere, èren askwahawiten.
    Ne ken ionhwariwaneraakskon, wakwennitentase, aontaskwathontatshe, O Niioh Sewenniio, ne aontesanikonriione, aseiatateriste nok aseriwakanonni ne sentiokwatokenti ne tateia-onwentsiawerhon kentiokwaien, aontaieriwaierite kati tsiniserihonte.
    Sewenniio tsinisaianere, wakwennitentase aontaskwathontatshe.
    Aonteserientiione aseiateweienton nok aseiatanonstate akwekon ne rotiriwiioston ronaterihonte nok ratiriwakweniiose ne kaianerenserake, aseianerenstatseron, aioteriwakwarision kati tsi tahatiiatoretake nok ne aonaskennhaton tsiniiohahoten ne tokenske.
    Sewenniio tsinisaianere, wakwennitentase aontaskwathontatshe.
    Aonteserientiione, tasesheswatheten akwekon ne Ratiriwawakonson, Ratitsihenstatsi, nok Deacons, tokenske kati ahatiienterihake nok ahotinikonraientaseke tsinisewennoten, tetsiaron kati tsi enhatirihowanatake, nok, tsinahonnonnhotenhake ne ahatiriwaniratstakwake tsi teiesawennakanere.
    Sewenniio tsinisaianere, wakwennitentase aontaskwathontatshe.
    Aonteserientiione aseiatateriste, aseiateweienton oni akwekon ne sonkweta.
    Sewenniio tsinisaianere, wakwennitentase aontaskwathontatshe.
    Aonteserientiione, ne asetenrate akwekon ne ken iaka-onwentsiatenion n'onkwe, iatasenikonraieste, sataiakonikonrotenhake kati, nok, skennon takenhake.
    Sewenniio tsinisaianere, wakwennitentase aontaskwathontatshe.
    Aonteserientiione askwer'iason ne akwanoronkwake, akwatshaniseke, nok aionkwatsten'iaronke èh-naiakionnhotenhake tsiniskwatenientenstenni.
    Sewenniio tsinisaianere, wakwennitentase aontaskwathontatshe.
    Aonteserientiione, akwekon ne sonkweta aseieiaronse ne saianerenstakwa, aiakotennikonranitenton kati tsi aiesawennaronkaseke, nok iakahewe akonikonrakon aontaiakotonnisahase.
    Sewenniio tsinisaianere, wakwennitentase aontaskwathontatshe.
    Aonteserientiione, sawennatokentike aonsasehaharate akwekon ne iakoiatatonhon nok iontatenikonrhatenni ne kariwiiostonke.
    Sewenniio tsinisaianere, wakwennitentase aontaskwathontatshe.
    Aonteserientiione, aseshatstenseron ne sekon ietaties kariwiiostontserakon, aseionwesahte, nok, aseienawase ne iakawer'iasanetska, aonsaseketsko ne iakoiatienenhon, iakahewe kati tasakwaskhwaseren ne ohneshonronon.
    Sewenniio tsinisaianere, wakwennitentase aontaskwathontatshe.
    Aonteserientiione, asesnienon, aseienawase, nok aseiennikonronwesente, akwekon ne teiakoterientare, teiontonnhakarias, nok iakonikonranonwaks.
    Sewenniio tsinisaianere, wakwennitentase aontaskwathontatshe.
    Aonteserientiione, aseiatanonstate akwekon ne iah-onwentsiathense nok ahwenke teiakotstekah-henhaties: akwekon oni ne tsiakothonwisen ieneronse, akwekon ne iakononwaktanionni, nok Eksahokonha, nok, asetenre akwekon ne ienaskwah nok iah teiontatewenniio.
    Sewenniio tsinisaianere, wakwennitentase aontaskwathontatshe.
    Aonteserientiione aontasennhe, nok, tashesnie ne iah teiakonishenton, ne iakoterehonse oni, nok akwekon ne ieiesase nok teion tonnhakarias.
    Sewenniio tsinisaianere, wakwennitentase aontaskwathontatshe.
    Aonteserientiione, asetenre akwekon n'onkwe.
    Sewenniio tsinisaianere, wakwennitentase aontaskwathontatshe.
    Aonteserientiione, aonsasheriwatonten ne ionkhiswens, ionkhiiatkonte, ohnowen ionkhiiatatiase, taonsaskarhateni ne akaweriane nok aonsaiontatrewate.
    Sewenniio tsinisaianere, wakwennitentase aontaskwathontatshe.
    Aonteserientiione, askwentenre askion nok asateweienton ne iakwatstha n'onwentsiake kaienthoseron, aontonnisa, iakahewe kati nè aionkwaiatakennhate.
    Sewenniio tsinisaianere, wakwennitentase aontaskwathontatshe.
    Aonteserientiione, etho naskwaierase, ne tokenske aonsaiakwatatrewate, nok aonsaskwanikonrhense tsinikon ionkwariwaneren; nok tsiniionkwatentstakwenhaties tsiniskwarihonte, tsi oni nitionkwanikonrakaras, nok nè askwariwatahase ne sanikonratokenti raoianerenstakwa, nok, ne aonsaionkionnhakwatako tsi nè aiakwaianenhawi na sawennatokenti.
    Sewenniio tsinisaianere, wakwennitentase aontaskwathontatshe.
    Niioh Iaienha, wakwennitentase aontaskwathontatshe.
    Niioh Iaienha, wakwennitentase aontaskwathontatshe.
    O Niioh Iaienha, ise n'onwentsiake, èren sahawiton ne kariwaneren.
    Sariwiiotsera skennon askion.
    O Niioh Iaienha, ise n'onwentsiake èren sahawiton ne kariwaneren.
    Takwentenrhek.
 

 

¶ Raonhake kariwaientakon, ne Ratsihenstatsi tsinikon na oknaken. ne iah tenwatston tsiniiora ieiotasawen. ne Atterennaien wakwennitentase, O Takwaienha, tsinisatennitenron, &c.

O Keristos, takwathontats.
O Keristos, takwathontats.
Sewenniio takwentenrhek.
Sewenniio takwentenrhek.
Keristos takwentenrhek.
Keristos takwentenrhek.
Sewenniio takwentenrhek.
Sewenniio takwentenrhek.

¶ Kentho onen ne Ratsihenstatsi, re enhariwakaratate ne Takwaienha, nok enhatikwekonhatie akwekon, n'onkwekokon.
 

 

Takwaienha ne karoniake tesiteron; ahiesasennatokentiste; Sawenniiosera aontawe; Tsinisanikonroten eh-naiawenne ne onwentsiake tsinitiot ne karoniake; Takwanont ne kenwente n'iatewenniserake onkwanatarok: Nok tontakwanikonrhens tsi niionkwariwaneren, tsiniiot n'ii tsionkwanihonrhens n'othenon n'onkwe ionkinikonraksaton. Nok takwaiatonnek tsi nonwe othenon n'aionkwanikonrotako: nok èren takwakwiten ne iotaksen; ise Sawenniiosera, ise sashatstensera nok ise Saroniaientonsera tsini-ienhenwe. Amen.
    Ratsi. O Sewenniio, tsinaskwaiere, tosa ne aontaioianenhawe tsiniionkwariwaneraakseraien.
    Taion. Iah oni tsinsiionkwannhiseraien ne askwarewatakwe.
    O Niioh kwaniha, tsinisatennitenraskon, iah tesekenron ne iakawer'iasanonwaks; iah oni tsi iesanekenni ne ienikonraiesas: Tsinisatennitenraserananon, askwaienawase nonwa tsi ionkwaterennaien, nok iseke ieiakwennitenta, ne aontaskwannhe akwekon tsi ok nahoten teionkwanikonrharha, nok ionkwatkenrenseronni; ne kanke oni senha ne tenionkwatonnhakar'iate; nok takwentenr takwathontats, kariwaneraaksewekon ne ohnesenronon raonikonrhatatsera, onkwe oni tsiniiakoiotenseroten, nonwa ne tionkwatiatonties, nok etho naskwariwaweienstase ne tonsaionkwateriwareniase, iah kati, ne ken takwannhasehokon, ne kanke ne taionkwakarewate, tsiniionkhiiateshennonni ne ionkhiriwaiesata, nok iah taiakwatorishen, etho Sentiokwatokentike, nè tenkwanonweratontake, ne askwentenrate tsinisakwaniahesen ne Iesos Keristos sonkwawenniio. Amen.
    O Sewenniio, tsinitsennanoron, asateriwaketsko, askwasnienon nok askwaiatontako.
    O Niioh, onkwahonta ionaronken, ionkirorihakwe ne iakinihokonkenha, tsini-iǒiǒtenseraweienstenion tsinisatieren tsihonenniseratenionkwe, nok, wahonnise arekho tsihonnonnhenion.
    O Sewenniio, sasennakonnienstatsera, asateriwaketsko, askwaienawase nok askwaiatontako.
    Aonwasennaien ne Ronwaniha, nok Ronwaienha, nok Ronikonratokenton.
    Taion. Tsiniiotonne ne tiotierenton, tsiniiot nonwa, nok tsi neniotkonhake tsini-ienhenwe. Amen.
    Akwekon ne ionkhiriwaswens, aontaskwannhe, O Keristos.
    Tsinisatennitenron aontaskwatkatho, tsinateionkwaterientare.
    Askwentenrheke asatkato onkweriane tsiniionkwanikonraksense.
    Tsinisatennitenraserowanen sasanikonrhen ne sonkweta akoriwaneraaksera.
    Ne askwentenrate aontaskwathontatshe, tsi ken nonwa ionkwaterennaien, kwennitentase,
    O Iaienha David, takwentenrhek.
    Tetsiaron nonwa, nok tsini-ienhenwe askwentenrheke aontaskwathontatsheke, O Keristos.
    Satennitenraserakon askwatahon-sateke, O Keristos; Satennitenraserake askwatahonsateke, O Sewenniio Keristos.
    Ratsi. O Sewenniio, aionkwarane ne satennitenrasera.
    Taion. Tsi ise-ok tokenske kwaniahesen.
 

Lord's Prayer

Tewaterennaien.

    Wakwennitentase, O takwaienha, tsinisatenitenron, askwentenrheke tsi teskanere ionkwariwakenheion, nok tsinitsennanoron, èren takwahawiten akwekon tsini ionkwatatkweniase, nè iokwenion, enionkwakaronni; nok ethonaskwaierase tsinikon teionkwerientarani, ok-tiaionkwasahaton tsinaiakwaniahesenhake ne satennitenrasera; nok tiotkon aionkwatsteniaronke ne akwawennaieritsheke, nok tsinaiakionnhotenseke, aionkionnhatokenton, nok ne akwasennakonnienste, nok taiakwaroniaienton tsinitsennanoron, ne raoriwa, askwathontatshe, ne iatehaiati sesonkwariwaseronnienni, nok iseke sonkwatatiase, Iesos Keristos sonkwawenniio. Amen.

General Thanksgiving

 

Return home

Web author: Charles Wohlers U. S. EnglandScotlandIrelandWalesCanadaWorld