FORMS OF

PRAYER TO BE USED IN FAMILIES.

MORNING PRAYER.

[FROM THE BOOK OF COMMON PRAYER.]

IONTEREKNAIENTAKWA ORHONKENE.

¶ Ne akwa entewatierente ne orhonkene, nonen akwekon eniakothetskwen ne tsiakononsat; enionterennaien, nok tsieiathat enieriwakaratate ne ken tsi niwaterennaientatserake ne orhonkene ionterennaientakwa. Akwekon teniontontshoten nok eniahiron.

    Takwaienha ne karoniake tesiteron; ahiesasennatokentiste; sawenniiosera aontawe; Tsinisanikonroten èhnaiawenne ne onwentsiake tsinitiot ne karoniake; Takwanont ne kenwente n'iatewenniserake onkwanatarok: Nok tontakwanikohrhens tsi niionkwariwaneren, tsiniiot nii tsionkwanikonrhens n'othenon n'onkwe ionkinikonraksaton. Nok takwaiatonnek tsi nonwe othenon n'aionkwanikonrotako ; nok èren takwahawiten ne iotaksen; ise sawenniiosera, ise sashatstensera, nok ise saroniaientonsera tsini-ienhenwe. Amen.
    Niioh iah othenon tesanoronse, nok, sonnhe-onwe, ise takionnhetonhaties, ise takiorianeronkwas, nok ise ihsawe tsi iakionnhenion, Ne ken ionkwentent takwawenniio, tekwanonweratons, n'iawen, tsi takwaiatanonstaton tsinahe tsiiakionnhe, iekanihare ne ken wenniserate, nok ne tsi waskwatennikonraren iah othenon teionkwaiatawenhon ne ken wasontatekwe, nok skenon saskwaiatewe ne ken wenniserate sontasawen. Tsinaskwentenre ne ken iken, kwatonrons nok kwasennowanata; kwennitentase oni ne aontasiena aon taskwaron kase, nonwa ken orhonkene kwasennaiens nok tekwanonweratons, ne ra-o-ri-wa, ne ron waiataten nok sasonkwatonnhettse, ne Etsienha Iesos Keristos. Amen.

    Nok, O Niioh kwaniha, tsinisatennitenraskon nok tsinisaianere, sekon thiwenniserate ionsasieste tsi iakionnhenion. Kentho kati tetsiaron ne onkwatonnhets nok iakwaieronke wakwawenniioste, nok nè taionkwaiotekon ne akwawennarakwake; aionkwateweientonke, aionkwariwhiioston, nok aionkion hatokenton. Tsi etho niiakwaterientasahas, O Niioh, tsinisatennitenron takwariwanirats nok takwashatstenseron, ne etho naiakwaiere; nok tsinateionkioseriiakonhatie, saianerenstakserakon aionkwateiarontie nok asakwaienterihake ne sonkwawenniio Iesos Keristos. Amen.

    Nok, O Niioh tsisaterientaratsihon iah teionkwariwaniron nok iakionnhaketken, nok niatewenniserake n'iatekon ionkwanikonrotakwas. Wakwennitentase naskwentenre tsiniionkwariwanetska, haaskion ne sanikonratokenton, tiotkon-nè asonkwaiatakennhaseke, iah ne kanke taiakwariwanerake, nok aontaiakwariwaieritsheke tsiniskwarihonte. Etho onkweriane askwariwanentakten tsi aiakwatshaniseke ne saiatoretaksera, nok tsiniskwaianerenstennis aiakwatshaniseke aiakwatehenseke oni nakwanikonraksate. Nok senha tiotkont ne askweiarakwenniheke tsi kowanen tontenniserine tsi nonwe natenskwaiatorete, nok ethone ken teniakwariwaien tsiniionkwennontonnionkwen, tsiniionkwatati nok tsiniionkwatieranion; nok ne entioianenhawe tsiniionkwatieren ne iakwaieronke ienskwaieritshe, tsini-ienhenwe ensonkwatshennonniaten, tokat ensonkwarewate raonrha ne hetsiatarakwen tensakoiatorete neniakonnheke nok iakowentahon, ne Etsienha Iesos Keristos sonkwawenniio. Amen.

    Tsinisatennitenraskon kwennitentase n'askwanikonrarake ne ken wenniserate. Askwateweiennonnien, naiakwateweienton tsi nikon eniakwakseke nok eniakwanekirhake; nok aionkwatsteniaronke ne etho naiakwaiere tsiniskwarihonte: Askwanikonkatstate akwekon tsi ok nenskwaiere, noktaionkwanikonriiohake nonwa tsiniskwanaktotenston; askwaianerenstatseron, aontakariwaierike kati akwekon tsineniakwatierhake skennon taiakionnhenionke aionkwatennitenraskon, tiotkont aionkwatateweiennentahon naiak hiiatakennha akwekon n'onkwe tsiniiore enionkwakwenionhake. Askwakwatakwase akwekon tsiniionkwahahotens, nok askwaiataseriste tsiniionkwaiotenseraien. Nok tsinikonne iotteronk naionkwakarewate, aontaskwannhe; nok askwentenre tsinisaianere, aontesanikonriiono askwannonna nii nok tsiniionkwaien ne tosa othenon naionkwaiatawen. Ne ken iken tsinikariwake nok tsi ok nahoten ensatkatho teiotonwentsiohon ne onkionrhake, kwennitentenni ne etho naskwaierase, tsinihaiatanoron ne sesonnwariwa-seronnienni, Estienha Iesos Keristos, sonkwawenniio. Amen.

    Raotennitenron ne sonkwawenniio Iesos Keristos, nok tsinisonkwanoronkwa ne Niioh tsi oni sonkwatiennis ne ronikonratokenton, ahetwakwekon, nonwa, nok tsiniienhenwe. Amen.

EVENING PRAYER.

IOKARASNE IONTERENNAIENTAKWA.

¶ Nonen entiokarawe eniontiaroroke ne tsia-kononsat enionterennaien; nok tsieiatha enieriwakaratate ne ken ne n'iatewenniserake Ioknrasne ionterennaientakwa-Akwekon teniontontshoken nok eniahiron.

    Takwaienha ne karoniaken tesiteron; ahiesasennatokentiste; Sawenniiosera aontawe; Tsinisanikonroten ehnaiawenne ne Onwentsiake tsinitiot ne karoniake; Takwanont ne ken wente n'iatewenniserake onkwanatarok: Nok tontakwanikonrhens tsi niionkwariwaneren, tsiniiot nii tsionkwanikonrhens n'othenon n'onkwe ionkinikonraksaton. Nok takwaiatonnek tsi nonwe othenon n'aionkwanikonrotako; nok èren takwakwiten ne iotaksen; ise sawenniiosera, ise sashatstensera, nok ise saroniaien tons era tsini-ienhenwe. Amen.

    Niioh satennitenraserowanen, tsi nisaiatatokenton iah-'ne skateke teiotikwenion kariwaneren tasatkaneren; nok serharatstenni enseseronkwase akwekon neniesariwaienhase, nentsiakarihonti oni ne akoriwane-raaksera; tsi iseke nonwa wakwaniahese, ionkwennitenton tsi tokenske iakwatkathos iah othenon teionkwarihonte, iakwaienteres oni tsinateionanetarion ionkwaiesatonne saianerenseratokenti. Nok, O Kwaniha, tsinisaianere, iah-ne tesatontakwani n'aiontkaronni ne iakoriwaneraakskon; askwententenre satennitenraserakon taskwatkaneren, nok tontakwanikonrhens akwekon tsiniionkwariwaneren. Askwatokaten tsi kowanen kariwahetken tsi teskanere nonkwariwannhisera, askwaienawase oni tokenske-onwe aonsaiakwatatrewate, nok aonsaskwani-konrhense tsinikwasentenni, nè nonwa ionkwarharekon, tsi tiotkont satateweiennen-tahon n'astenre ne tsiontatrewata tsiniie-sannikonraksaton, ne raoriwa askwathontatshe ne Etsienha Iesos Keristos sesonkwaskontakwen. Amen.

    Nok onwa-ǒk tsiniionkwariwatsiioha, nok tsiniiotkate naionkwanikonrotako nonsaiakwariwanerake, wakwennitentase, askwentenre, sanikonratokenti asonkwakwatakwase, nok asonkwaiatakennha. Aonsaskwaseronnien ne onkwatonnhetsherakon tsinikon ionkwannhikon, nok tosa etho aonterihonniheke ne wennontonniontseraksen ne iah teioteriwison aionkwatontakwaniheke. Askwariwanentasiase ne kanoshatsera, atatswensera oni, iah kati ne kanke kanakwenserakon taionkwaterakwatonse, nok tiotkont skennon takenhake, aiakhinoronkwake akwekon ne sateiakionkwe nonen wahonkwentawe, nok tosa othenon aiakinikonraksate; iah katiothenon taionkwariwaientake ne kariwhaksen, nok aionkwariwhiiohake nonen tentre tentesonkwaiatoretane ne Sonkwawenniio Iesos Keristos. Amen.

    O Sewenniio tsi iakionnhe, aontaskwathontatshe tsi iakiiaterennaienni akwekon n'onkwe. Sariwatokenti taionkwaswatheten, nok tsini-iakon nonen iakoiena, etho naiakonnhotenhake tsiniiakorihonniennis, Aseianerensten ne sentiokwatokenti, nok asetenre akwekon aontaieriwaieritsheke tsi aiesawenniiostake nok aiesawennarakwake. Aseiatateriste akwekon ne kaianerenserake ionkhiiatsteristase; aseriasiioste nok asenentshanirate, asakotirewate kati ne iakoriwaksen; nok ahatiriwaniratsheke ne tokenske kariwhiioston. Akwekon ne onkwatatenonkwe, onkwatenrohokon ne enskatne iakwanakere, aseiatateriste n'onwentsiake nok kariwhiiostonke. Aonsaseieritshe akwekon ne ioianere tsiniionkhiieren, nok aonsasenikonrhense tsi nikon onen ionkhiiesaton, tokat, teiakotonwentsioni sekon n'aionkhikarewate, aseiatatrewatatseron, nok, aonsasenikonriioste. Asetenre akwekon ne othenon teiakoterientare, nok Niioh, tsinisatennitenron, ne aontaioianenhawe tsinateiakotonwentsioni asetenranion; ne ra-o-ri-wa etho naseierase; ne ioianere tsinihotierenhatieskwe, ne Etsienha Iesos Keristos. Amen.

    Tsi kwennitentase, O Sewenniio, kentho wakwariwanentakten, tsi tekwanonweratons akwekon tsiniskwentenranions, tsi iakionnhe, tsiniiakwattokha, tsiniskionnhotenston, nok tsinisaieren nonkwatonnhets, iakwaieronke oni; tsi skennon thiiakionnhe, tsi ionkwatenroseraien, tsi ionkwaientas ne iakionnhekon nok iakwatsheronniata, nok akwekon ne oiahson tsiniskwatshennonniatennis nonwa tsi iakionnhe. Nok ne senha kwasennaiens tsitakwentenron Onwentsiake tetsatennieton ne Etsienha, ne ranientene nasonkwariwatonten n'onkwariwanerahaksera; ne tosa aiakwatkaronni-onwe ne kenheionke, tsi oni takwaienteristenni, nok iakwat-tokas tsiniionkwaterihonte ne iseke. Tekwanonweratons tsi takwatennikonkatstaton, sane kowanen kwanikonraksaton; nok akwekon ne Sanikonratokenti, tsinisonkwatokatennis, tsinisonkwaienawase, nok tsinisonkwatonnhakanonnis; tsi oni tiotkont teskwasnie nok takwanikonrare tsinahe si-iakionnhe, nok ne akwa tsinaskwentenranion waskwateweienton ne ken wenniseratekwe. Wakwenniten tase, newatoken tsi non tesaierenhakeaskwaiatateristake nok askwentenre, tsi tenkwanonweratonheke etho akaieronnihake tsi tokenske enkwawennarakwake tsinisonkwaianerensarawi ne raiatanoronkowa nok sesonkwariwaseronnienni ne Etsienha Iesos Keristos. Amen.
    Niioh Sewenniio tsi 'iakionnhe, ne akwa oni wakwennitentase, ne watoken tsi nontesaierenhake askwanikonrarake nonwa tsiniwasontes; aontaskwannhe ne tosa othenon taionkwanikonrharen, iah oni naionkwakarewate nok aontaionkwatonnekten; skennon kati taionkwentawe, nok ne aionkionnhakaritate neniorhenne ne etho-naiakwaiere tsiniionkwaterihonte. Askweiarakwenniheke tsi ienkahewe okenroken ienskaientane ne iakwaieronkekenha; nok nè askwentenrate ne tiotkont etho naiakionnhotenhake ne iah nonwenton taiakwatshaniseke naiakwenheie; etho kati naiotonhake tsi aiakionnheke, tsi oni aiakwenheie, ise askwawenniioke, ne askwentenrate etho naiawenne tsinihaiatanoron nok tesesonkwariwaserakwenni ne Etsienha Iesos Keristos, ne raosennakon nonwa ken wakwennitentase. Amen.

    Raotennitenron ne sonkwawenniio Iesos Keristos, nok tsinisonkwanoronkwa ne Niioh, tsi oni sonkwatiennis ne ronikonratokenton, ahetwakwekon, nonwa, nok, tsiniienhenwe. Amen.