IONTATERIWANONTONNITA;

TOKAT AIAHIRON,

IONTATERIHONNIENNITA NE TEIOTONWENTSIOHON AKWEKON N'ONKWE AlEWEIENTETONHAKE NONEN ARIWAWAKON ENSAKORIWANIRATSHE, TSI-IAKOTNEKOSERHON.

A CATECHISM;

THAT IS TO SAY,

AN INSTRUCTION TO BE LEARNED BY EVERY PERSON BEFORE HE BE BROUGHT TO BE CONFIRMED BY THE BISHOP.

Iontateriwanontonni.

    Nahoten iesaiats?
    Taiontati. N. tokat M.
    Ionta. Onka iesasennawi ?
    Taion. Ne ionksennawi ne tehotiiena tsahonknekoserawe, ethone wakiatarahon raotiokwake ne Iesos Keristos, Niioh rakienha iotonhon, nok tewakenaktaien ne karoniake, ne tokenske-onwe entkeriwaierite ne kariwiiostonke.
    Ionta. Oh-nahoten wahesariwisahase ne tehotiiena ethone tsahesanekoserawe?
    Taion. Ionkeriwisahani nok aksennakon ionkewennentase ashen nikariwake: Tiotierenton, ihsini ionhiiatonti ne Ohnesenronon, nok akwekon tsinihoiotenseraien, iken, kanaiesera, nok tsinikon ne iah othenon tekariwastak kariwanakere ne kentho Iotonwentsianeren ionwenssiate, nok akwekon ne ioteriwaneren kanonwes ne Ieieronke n'onkwe.
    Tekenihaton. Akwekon aontonkwetakon tsinikariwake ne iakoriwhiioston tiakawetakon. Nok ashenhaton; akeriwanoronkwake tsinihonikonroten, nok, aontakeriwaieritsheke tsinihakerihonte ne Niioh, nok ne sakariwat tiotkont akianenhawiseke niatewenniserake tsi-nenwe enkonnheke.
    Ionia. Iak-ken tesere tsi sennontonnionke, akwa saterihonte ne aontisetakon, nok etho nahasiere tsinahoten iesariwisahani tsahesanekoserawe?
    Taion. Etho-niiot tokenske, nok aiawenhens ahakienawase ne Niioh etho nahakiere tsiniionkeriwisahani. Nok akweriasakon tethinonweratons ne karoniake tesonkwaniha, tsi rakinonkon nok etho non we nihakiteron tsi nonwe nenwaton karoniake enkatshennonni, ne raoriwa ne sesonkwaskontakwen, Iesos Keristos. Nok ri-iennitentase ne Niioh nahakerihon ne raoianerenstakwa, ne aonkienawase ok-tiakatonnhokten ok ne sakariwa, aonkienawakonhake.
    Ionta. Satrori tsinikarihotens ne tisetakon.
 

Taiontati.

    Tewaketakon ne Niioh Ronwaniha, iah othenon tehonoronse, roteweiennonni ne karonia, oni Onwentsia.
    Tewaketakon oni Iesos Keristos raonrhatsiwa Niioh roienha ne sonkwawenniio; onkwe rotonhon, ne roiatison Ronikonratokenton; Onwari roteweton iah tekanakwaienteri; Pontias Pilatas roroniakenton, tekaiasontne ronwaiatanentakton, rawenheion, nok ronwaiataten; onwentsiakon iehokton; nok asen watonta niwenniserake sotonnheton ; karoniake ieshawenonton, nok etho ieshenteron tsi raweientetakon ne Niioh Ronwaniha iah othenon tehonoronse; etho tent-haientakwe n'onen tentesakokoiatoretane n'eniakonnheke, ne oni iakowentahon.
    Tewaketakon oni ne Ronikonratokenton; ksntiokwaien ne kentiokwatokenti tateiaonwentsiawerhon; teiakoriwawakon ne akoiatatokentison; sewaterakewas ne kariwaneren; ensewatonnhete ne ieieronke n'enkwe, nok tsini-ienhenwe ientsiakonnhetie. Amen.
    Ionta. Nahoten ne kariwakwenniiose sarihonnienni ne ken-iken tsiniioriwake tisetakon.
    Taion. Tiotierenton; Ne wakerihonniennis ne aontonkwetakon raonrhake ne Niioh Ronwaniha, iken raonha rakiatison, nok Onwentsiakwekon N'onkwe.
    Tekenihaton. Aontonkwetakon raonrhake ne Niioh Roienha, iken ne sesakeskontakwen nok akwekon N'onkwe.
    Asenhaton. Aontonkwetakon oni Raonrhake ne Niioh Ronikonratokenton, iken ne rakiatatokentista, nok akwekon ne iontatiatarakwen ne Niioh raonkweta.
    Ionta. Washiron ne tehotiiena tsahesanekoserawe, iesariwisahani nok rotirharatston nè enseriwenhawake ne Niioh tsinihoriwataton, iahtiawenrati. Takrori kati, To-nah nikariwake?
    Taion. Oieri.
    Ionta. Kah-kati nikaien?
 

Taiontati.

    Ne ki sakat tsinahoten ne Niioh rotati ne tewasenhaton tsiioteriwatasawen ne Exodus, rawen IIH ne Rawenniio sa-Niioh tetkwaiatinekenhon tsi Ionwentsiate ne Egypt tsikanonsote iontatenaskonniata.

Tiotierentont.

    I. Tosa Oiah Niioohokon aesaientake ne-ŏk ne iih.

Tekenihatont.

    II. Tosa othenon asatatiatonniseronnien, ne othenon taonsakiatierenhake ne ehneken karoniake, tokat ehtake n'onwentsiakon, tokat, ohnekakon nakon ne Onwentsiake. Tosa ne taseiatontshothase ne asesennaien; aseken I-Ih ne Rawenniio Sa-Niioh wakenoshen Niioh, nok nè enhenatarenawiten raotiriwaneraaksera ne ronwatihniha ne sakotiienhokonha, tsiniiore ne ashen-hatont nok kaierihatont tsi enkawatsiratatie rononrha ne ionkeswense ne iih; nok enkhenatonhase atennitenrasera tho-ŏk niwenniawehetsherasenrononha ne ionkenoronkwa ne iih, nok ratihawe tsinikherihonte.

Asenhatont.

    III Tosa èh-tsennaiesat ne Rawenniio sa-Niioh: aseken ne Rawenniio iah teiawet tsi tenhoriwakanerake ne iah tahoriwahestennire ne Raosenna enhatshawennoriate, enhosennaiesatake.

Kaierihatont.

    IV. Seiarak sentatokentistonhak ne aontatokentike wenniserate. Iaiak niwerrniserake ensaioten, nok enseweiennentane tsinisariwaien tsi nensatiere; nok ne tsiatakhaton nonwe niwenniserate rawentawen ne Rawenniio Sa-Niioh. Ne èh nonwe iah othenon taonsasatiere tsi-ŏk nikaiotenseroton, Ise, nok Ehtsienha, nok sheienha, ehtsennhas, nok sennhas, satshenen, nok tiiaka-onwentsiate eniesonwentsiorenhon ne sannhohakon enieterontake. Aseken iaiak niwenniserake ne Rawenniio raonnison ne karonia nok onwentsia, kaniatarakekowa, nok akwekon tsiniwat netho, nok etho niiehotorishen ne tsiatakhaton nonwe niwenniserate; ne wahonni ne Rawenniio raiatateriston ne tsiatakhaton nonwe niwenniserate nok rawenniseratoken tiston.

Wiskhatont.

    V. Etskonnienstak ne Ianiha nok Sanistenha ahesatenniserakateke kati tsi nonwe niionwentsiawi ne Rawenniio sa Niioh.

Iaiakhatont.

    VI. Tosa Serio.

Tsiatakhotont.

    VII. Tosa kanakwa seri waneraak.

Tekeronhatont.

    VIII. Tosa Senensko.

Watronhatont.

    IX. Tosa seriwenhawe ne ohnowen aseiatrorien ne tesennonsaneken.

Oierihatont.

    X. Tosa ehtsenosha no tetsiennonsaneksn tsirononsote, tosa ehtsenosha ne tetsiennonsaneken Rone, tokat ne Ronnhase, tokat ne Rannhase, tokat ne raotshenenhokon teiotinakares, tokat tewahontes, tokat tsi ŏk nahoten enhoientake.
    Ionta. Nahoten kariwakweniios sarihonniennis ne ken Oieri nikariwake?
    Taion. Teioriwake wakerihonniennis, tsiniwakaterihonte raonrhake ne Niioh, nok tsiniwakaterihonte akaonrhake ne satekonkwe.
    Ionta. To-nikarihoten saterihonte raonrhake ne Niioh?
    Taion. Tsiniwakaterihonte ne Niiohne, raonrhake entewaketakon, enhitsaniseke, enhinoronkwake akweriasakwekon, akenikonrakwekon, akwatonnhetsherakwekon nok akeshatstenserakwekon; enhisennaiensekeenhiiatonronniheke, raonrha-ŏk enhiniahesenhake, ienhironienharheke, enkkonnienstake ne raosennatokenti, raowenna oni, nok tokenske ne tahonkioteke tsinihakerihonte, tsiniwenniserake enkonnheke.
    Ionta. To-nen-ne, nikarihoten tsinisaterihonte nè akoriwake ne tsatesonkwe?
    Taion. Tsiniwakaterihonte ne tsatekonkwe akoriwake, èh nenkenoronkwake tsi nikatatenoronkwa ne iih, nok etho nenkeiatierase akwekon n'onkwe, tsi-kens nikere niih etho naionkwatierase: Enkenoronkwake, enkekonnienstake nok enkeienawaseheke ne Rakeniha nok Ionkienha! Enkekonnienstake nok enkewennarakwake ne kaianerensera ronatsteriston: Enkeiathontatiheke akwekon ne ionkhiriwakwatakwennis, sakotirihonniennis, Ratitsihenstatsihokon, nok ratiriwakwenniioson. Tsinenwakatatieren, ehtake enwakatatonnihake, nok enkekonnienstake akwekon ne senha iakoianere tsiniiot ne iih: Iah onka takhekarewate ne kewennake, iahoni, keweiennake; entkeriwaierite akwekon tsi nonwe natenwakerihontonke: Iah tenwakeriwaientake ne kanakwensera, nok atateswenhon ne akweriasakon: Enkenikonrarake ne kesnonke ne tosa tha-ăkhekwen akhenensko, ne tosa oni ne kennasake iotaksen hakatatiatake, aonkenowenhake nok atatewennotahon aonkonniaton: Enkenikonrarake ne kieronke, ne tosa akaiesha, nok enwakatateweientonke: Iah takenosha, iahoni, taonkenikonrotako ne thiionkwetateniion akowen, nok enkataterihonnien tsi enwakioteke tokenske kati etho nenteweseke ne enkonnhekon, nok eh nenkiere tsiniwakaterihonte tsi naioton tsi akonnheke tsi nontahanonwene ne Niioh tsi ok nonwe nen hakenaktòtenste ne onwentsiake.
    Sakorihonniennis. Satarientarak konienha, iah tesakwenion ne iahtesiati etho naàhsiere neken iken tsinikarihotens, tokat ne ahsianenhawe tsiniiarihonte ne Niioh, nok ahetsiotense, ne iah nè tensaienawasere ne raotennitenrasera; ne kati wahonni tiotkont asataterihonnieniheke nok ahesatsteniaronke ne aterennaientatsera, Tokaste kentho wakethontek ne aseweientetonhake ne Rawenniio Iesos raoterennaien.
 

Taiontati.

    Takwaienha ne karoniake tesiteron; ahiesasennatokentiste; Sawenniiosera aontawe; Tsinisanikonroten èh-naiawenne ne onwentsiake tsinitiot ne karoniake; Takwenont ne kenwente n'iatewenniserake onkwanatarok: Nok tontakwanikonrhens tsi niionkwariwaneren, tsiniiot n'ii tsionkwanikonrhens n'othenon n'onkwe ionkinikonraksaton. Nok takwaiatonnek tsi nonwe othenon n'aionkwanikonrotako; nok èren takwahawiten ne iotaksen; ise Sawenniiosera; ise sashatstensera; nok ise saroniaientonsera tsini-ienhenwe. Amen.
    Ionta. ONahoten ehtsenekennis ne Niioh ne ken tsiniwaterennaientakseres?
    Taion. Ne rinekennis ne Niioh sonkwawenniio, karoniake tetsisewaniha, ne sakowis akwekon ne ioianereson, ne aontahakwatennietase, nok akwekon n'onkwehokon, ne raotennitenrasera, aontiesenhake kati, atsitewasennaienseke, atsitewaiotenseheke nok atsitewawennarakwake eh-ki-naionkwaierenhake tsiniionkwaterihonte. Nok ri-iennitentase ne Niioh, ne aontasonkwa tennieten akwekon tsinahotenson teionatonwentsioni tetsiaron ne onkwatonnhets nok tewaieronke; nok asonkwentenre aonsasonkwaronkwase tsinniionkwariwaneren; nok etho naontahanonwene ne aontasonkwannhe nok asonkwaiatanonstate akwekon tsinate-ioterientarak tetsiaron nonkwatennhets nok tewaieronke; nok asonkwaiatontako akwekon tsi nonwe niwateriwines ne kariwaneren nok kariwahetkens, nok ionkhiswense, tsi ionkwariwhiioston nok tosa ne kenheionke tsi niienhenwe ahetewatkaronni. Ne wakerharekon eh-nenhaiere ne ken iken, tsirotennitenraskon nok roianere kowa ne raoriwake ne Iesos Keristos sonkwawenniio. Nok ne wahonni katon, Amen, Etho-naiawenne.
 

Iontateriwanontonni.

    To-nikon ne Sakrement ne Iesos Keristos sakoriwisahani ne raotiokwatokenti.
    Taion. Tekini ŏk ne ieiokwekton teiotonwentsiohon ne karoniake aiontshennonniatakwe, ne iken ne iontons, Atatnekoserhon, nok Rawenniio iokaraskha raokhwa, tokat Eucherist.
    Ionta. Nahoten tsiton ne ken iken tsinikawennoten ne Sakrement:
    Taion. Ne kiton ne atste nonkatikwen nok iontkathos watenientenston tsi nakon nonkati tkariwain, ne kariwhiioston aotennitenrat tsi ionkhiriwhawi, iahtehaiati Iesos Keristos ken roriwataton, tsi ne enionkwakweniase ne sakari wat enteweiena.
    Ionta. To nikon tekakhasion ne ken iken ne Sakrement?
    Taion. Tekeni; ne atste nonkatikon nok iontkathos watenientenston; nok nakon nonkati tkariwaien ne kariwhiioston aotennitenrat.
    Ionta. Nahoten ne atste nonkatikon ne iontkathos watenientenston, no ne, tsiniieierha ne wahontatnekoserawe.
    Taion. Ohnekanos, iontatnekoserata,— Ne Rasennakon ne Ronwaniha, nok Ronwaienha nok Ronikonratokenton.
    Ionta. Nahoten ne nakon nonkati tkariwaien ne kariwhiioston aotennitenrat?
    Taion. Enkenheie ne kariwaneren (entewenheiase), nok ahse entsiontătăteweton etho ioteriwakwarisiontseratokentike: aseken tsiniiakonnhoten kariwaneraakserakon tsiiakonakeraton, Niioh raonakwensera iakoriware, sane raotennitenrasera sonkwaienhokonha entsionkionni.
    Ionta. Nahoten teiotonwentsiohon akaonrhake ne eniontnekoserawe?
    Taion. Entsiontatrewate; etho nentewe entsiakorihonti ne kariwaneren; nok Entiakawetakon, ne enkarihonni enioriwanironhake tsi entiakawetakon tsinisakorharatstenni ne Niioh, ne aoriwake ne Sakrement atatnekoserhon.
    Ionta. Oh-niiotieren ne Eksahokonha tsi iontatnekoseras, tsisekon akotonniha, tsinitiakoien, iah taiekweni aieriwaierite?
    Taion. Ne wahonni tsi waheriwisa rononrhake ne wahontatshennon; nok ne ken iken tsi nahontateriwisahase nonen ienionwe tsinitiakoien eniontokhake, akaonrha ne wake enieriwaierite tsinihotirharatston.
    Ionta. Oh-niiotieren (ne Sakrement) Rawenniio iokaraskha raokhwa, tsi ken roriwataton?
    Taion. Ne kariwaientakon ne tiotkon ne aiakaweiarahkwenniheke tsi rotatewenteton, tsi rawenheion ne Iesos Keristos, nok tsiniwatshennonniaserowanen etho nitewese tewaienas.
    Ionta. Nahoten ne atste nonkatikon watenientenstakon ne Rawennlio iokaraskha raakhwa?
    Taion. Kanatarok nok Ohnenharatasetserakeri (kihens Otsitsia), ne ken iken, roriwison ne Rawenniio enieienaseke.
    Ionta. Nahoten ne nakon nonkati kenton tsitekariware?
    Taion. Ne Raieronke nok raonekwensa ne Keristos, ne iken ne kanikonrakon, teiekwa nok ieienas ne tiakawetakon ne Rawenniio iokaraskha raokhwa.
    Ionia: Nahoten tsiniwatshennonniasera ne etho nitewese tsitewaienas ne keniken?
    Taion. Ne ioshatstenserawis nok iotakaritatstha ne onkwatonnhets, ne Raieronke nok raonekwensa ne Keristos, tsiniiot ne tewaieronke ne kanatarok nok otsitsia.
    Ionta. Nahoten teiotonwentsiohen ne akaonhake tsiniiakon ne etho wahakawenontonhatie ne aieiena ne Rawenniio iokaraskha raokhwa.
    Taion. Eniontatkahenion iahteieiatison, kasiken, akwekon entsiakotatrewaton, tsinontawe ne akoriwaneraaksera, nok ioriwaniron enteiontennikonrisahaseke, nok enionterientasahaseke tsi ahse nentsiakonnhotenhake, eniotakariteke entiakawetakon, Niioh tsi rotennitenraskon ne raoriwa ne Iesos Keristos, teniontenonweratonheke tsi entsiakeiaraseke tsi sakawenheiase, nok eniontatenoronkwake akwekon n'onkwe.