BAPTISM OF INFANTS
(to be used in Church).

Ngewo-yei-wula-wumba ndolanga va
(ta pe lo Ngewo-welei-bu).

¶ (a) Ta hunge nunga we panda, te, yendengo tã Ngewo-yei wula wumba we, ngiyema Sunday foloisia ke Kpekpeisia ti kome-foloieia ma; ji nunga gboto ta gome. Na va Kome ta nasia jeli ti Ngewo-yei wua ti wumba a nina, ti ti gulu Chraisti-veli-gome hun. Na ve gboma, numu gbi gomengo a ngama nemahun foloi na ge ta vuli i wilinga hun. Ji ve, ta Ngewo yei wula wumba we; numu gbi ngi geṅyei yia hun. Ke 'na ti gbẽngo fa, ta Ngewo-yei-wu-ndopoisiu wumba foloi weka gbi ma hun.

(b) I ye nemahun, hilopoi gbi ngi kesia-Ngewo-hinda hun, ta ye fele; ngi nje-Ngewo-hinda hun a ye yekpe. Nyaha-lopoi ngi nje-Ngewo hinda hun ta ye fele ngi ke a ye yakpe.

(c) Kpemei na ta Ngewo yei wu ndopoisie wumba ti lebela ta hunge a Mahugbe-moi-Ngewo-hinda hun guwei nyiki, o ta humbu penyi Ngenda jeli loto-gbele. Kpele hitia ti kesia, ta ti njesia-Ngewo-hinda hun, ke nunga, ta ye ja-hun-haka gbila, hugbatengo, Lesson i felekelei gelengo kpele kinei, Ngenda-jeli hun, o Lesson i felekelei gelengoi kpele kinei, o Kpoko-jeli hun kia Mahugbemoi-Ngewo-hinda hun a ngi lima ke Ngewo-veli-Lavari wai a wa nja-hun-haka gama, ndavengo a nju-yekpe a lo lo na i moli.

    Ti Ngewo yei wunga ndopoi ji wumba? O ti i ya puni?

¶ "'Na ta luma Un-Un o Saho, Ngewo-veli-lavari wai a nde hin."

    Nya Malomeisia ji ti numu gbi gohunga ti ti leni hinda nyamu hun; ke mu Bawomoi Chraisti ye Numui gbi ẽ gu a wili Ngewo mahayiei hun ngiye ma ta ngi le gboma a ninei a nja, ke Ngewo Yafa Yekpe; ngi wu manene wu Ngewo mu Ke veri, ngi Loi Jisos Chraisti jahun, i hani na fe ndopoi ji we na ẽ gu a sola ngi leyĩ hun, gbamaile ngi manumei wongo; i pe ti ngi mawa a njei ke Ngewo-Yafa-Yekpe, ti ngi guru Chraisti-bela ti gome yekpe hun, i we a kahun-gbia-mo ua.

¶ "Bei lo Ngewo-veli-lavari-wai a nde.”
A mu jeli.

    O kpaya-gbi ke kunafo Yewoi, bia bi Noah ta ngi banda bawoa ge pele-lendei hun a bi manuma wa tĩ lombuni, bia gboma bi li a bi nunga Israeli lenga gulo Gboya-gbori hun han ti bawonga, na hun, bi kema sàlé hun bawo nu ma so, ji ta bi ya-yekpe punga mu wumba, ji gboma bi lima Loi Jesus Chraisti vuli i wilinga hun Jordani gbori hun, bi ye nje hou a ma-lua-hani hinda nyamu kabande gole va; mu bi manene bi manuma wô hun, bi ndopoi ji kpe a manu-yama, bi ngi wa, bi ngi gale a bi Yafa Yekpe, na lo bawocga bi Ii-lewe va, ta ngi gulu lo Chraisti koma-wele lende hun, ta be i lalai fo a ji, i li wele ma a kohunei, i kpaya, ki'a guli a hapi kpakpa ndowu hinda-wanda welei va, i lewe nge'bu moneisia mahun kia ndendei a nja-gatei huvo, na woma, i hiti kunefo-levu-lolei hun, i maha hemei jo bi gbila kerema-i-ma-loloi na hun, Jisos Chraisti mu Lemoi jahun. Amina.

    O kpaya gbi Yewoi na ẽ ha fo, feri-bela gbi ti kpoma-moi, na e gbele nasia gbi ma ta, wime ngi gama gbomei va, jisia ta lala, ti levu-lowu-moi, ke ha-bela ti kpaya-moi hiyelei va kuma ndowu. Mu bi loli ndopoi ji va, ji i wama bi muaṅ-yekpei hun, a manu jo ngi hinda nyamua va a ngi leyili-ji-anina. Ngewo welei huṅ. Ngi gulu, O Ndemoi ki'a bi kenga a bi lima-Loi lahun, be, A ya moli, ke wa soi lo. A ndolo, ke wa koi lo, A pẽ-la lewe, ke ta ndawo wue. Fe mue hin ji mua molima, mu koi mua mu ndoloma, katei lawo mue mun mu pẽ-la lewema, na lo ndolai ji a kahun gbia kunafo lubei ji yengo ngi ma agene-muei ji hun, i hiti kunafo mahayia na hun mu Lemoi Chraisti i kenga, bi jahun. Amina.

¶ Bei gbele uunga gbi ta hije, ke Ngewo-veli-lavari-wai a nde,
 

    "A wolo ngia-yekpei ji ma kia Marki nyẽni ngu pu hun, kpambi pu mahun Sawei hun."

    Ti ndopo mumua wala ngi gama te i jala atie, ke ngi woma beleisia, ti yia nasia ma ti wan i atie, ke Ki'a Jisos i ji longa, ngi li i lewea gbon, a nde ti ma, A pe ndenga mumua ti wa nya gama, wa ti mawali, gbamaile nasia niyki va lo Ngewo mahayiei ye na. A tonya nge wu ma, numu na e Ngewo mabayiei gulu ki'a udopo wulo na, ẽ wa ua. Ke i ti wumbua ngi gahun, i ngi lokoisia la ti ma, i ti luba.

¶ Ji woma, a Ndahin gutu ji we, ndalongo Njia-Yekpe ji i karã.

    Nya Malomeisia, wu Jesus Chraisti layiei menia njia yekpei ji hun, ji i ngi mahalayiei leni, ye, ti ya ndoposia wala ngi gama; ji i yia nasia ma ta ti gbe, ji i nunga gbi li manenea ti to ti lopo-yegii ma. Wu tonga a ngi-lima-yekpe ke atie a ngi we-hinda, ke ngi lolimei, gbamaile, i ti gulua yaka hun, i lokoi la ti ma, i ti lubã. Wu wui-hun a yã bã, ke a la la fo, ke ṅi-kinei a ndolai ji luma panda, a ngi gului lo ngi manu-yakei hun, a ngi luba lo kunafo-levu jo va; a pe i me ngi gunafo mahayiei hun. Ji va lo mu lĩ longa fo a mu Ke na ngelegohun ngi lima-yekpe ndola ji va ma, ki'a i kenga a ngi Loi Jisos Chraisti mu wui-hun bãngo-i-le, ke, i mu yenge-yekpe ji luma lo panda, ji mu ndola ji wã ngi muaṅ-yekpei hun, a mu se-gbia ngi ma a mu li lalango, a malua-bele-houlei, me.
    O Kpaya-gbi ke kunafo Yewoi, Mu Ke na ngele-gohun, mu se-gbia bi ma a ndi-mayei, ji fa bengo bi lima a mu loli bi yama-wanda-kpoma wele hun, ke i lalai. Karei ji mato, lalai ji i gbani mu hun. Bi Yafa Yekpe lewe ndolai ji we, na a we ta ngi le lo gboma, i wea po-hani-mahu-loi kunafo bao-hinda hun, Jisos Chraisti mu Lemoi jahun, na wa ta ke bi Yara Yekpei wu ye fo wu mahayiei hun kia'huna ke kunafo. Amina.

¶ Bei lo Ngewo-veli-lavari-wai a ndolai ngi kesia-Ngewo-hinda-hun ta ngi njeisie-Ngewo-hinda-hun lahin, hin.

    Wua, nya lima Malomesia, wu ndopoi wanga beindo Ngewo yei wula wumba va. Wu Ngewo velinga, we, mu Lemoi Jesus Chraisti i loko wele ngi ma i ngi gbia ngi hinda nyamuisia hun, i ngi gole, a ngi Yafa Yekpe, i ngelegohun mahayiei fe ngie, ke kunafo levui. Wu meninga gboma mu Lemoi Jesus Chraisti i ndea ngi Yia Yekpe hun, ye, a hani jisia kpele fe wu seli wenga va. Ta, ngi ndei hun, ngi layiei e nyani; ki'a Jisos Chraisti i ngi ndei lea, ndolai ji be a ngi ndei lei lo (i kere bumbui lo) wu jahun, han i gbia i gu a kerei bumbui lo ngi yekpe ma, ye, a gbẽ lo Satani ma ta ngi we-hindei gbi, i lã fo a Ngewo-yia-yekpe, i golo a ngi jaweisia, houla.

    Gbe ngi wu moli (or, Wua ti Kesia Ke ti njeisea Ngewo hinda hun, wa lapi lo wu pe ndopoi ji i gbe Satani).
 

    Question. Wa gbẽ' Satani ma ta ngi we-hinda lunye nemei ke ngi hun hindei gbi, ke lunye hu-hani-mani gbi, ke mani hindei ma-luwui, bẽ nite poma ta li abie?
    Answer. Ngi gbea kpele ma.
    Question. Bi lã a Ngewo mu Ke nu kpayei gbi lo ngi hun, ngelegohun gbate-moi ke nge'bu. Ba la'i to a Jesus Chraisti ngi Loi-yakpe mu Lemoi, na ngi nje i Koi bumbuni a Ngewo-Yafa-Yekpe lo; na Tenina Mary i ngi leni, I moneni Pontosi Pilati mahayiei bu lo. Ti ngi gbakpa ngului kpekpango i pekei ma, i ha, ti ngi gbou, i yea ndowu. Lowoi i sawei ma i hiyea gboma ndowu-belesia lia, i lea ngelegohun, i hei Ngewo yejama, mu Ke na kpayei gbi lo ngi hun. A hiyei na lo a wa fulu-bela ke habela ti kpemboi va, Bi lango'a Ngewo Yafa Yekpe, ke Ngewo wele-yekpe i komemei gbi, ke nunga-yekpeisia ti gomelei, ke hinda nyamua manumei, ke hiyelei-kuna ndowu, ke kunafo levui?
    Answer. Ji kpele nya langoila fo.
    Question. Ngi Ngewo yei wu bi wumbe lalei ji hun?
    Answer. Nya lima hinda le.
    Question. Be Ngewo lima hinda we lo, bi ngi jaweisia hou, bi golo mbu, bi jia hun kpele bi levu foloi hun gbi?
    Answer. Ngi luma.

¶ Bei lo Ngewo-ve1i-lavari-wai a nde,

    O Manuma Yewoi, pe nũ wovei i ha ndopoi ji hun, ke nũ ninai i hije ngi hun. Amina.
    Pe mani-hinda-maluwui gbi i ha ngi hun, ke bi Yafa Yekpe hinda gbi, i ye ngi hun, i lola. Amina.
    Pe i kpaya jo ke kahuin a windela Satani mahu, ke lunyei, ke ngi luwui. Amina.
    Pe jisia mu ti fema abie bei mu he-yili ta mu yengei ji hun, ti ngelegohun-jia ga, bi ti pawa bi mauumei hun kunafo, O Ngewo, luwa-lemoi, bia ba lo, bi hinda gbi mahugbe, kerema-ima-loloi hun. Amina.
    O kpaya-gbi ke lo-kunafo Yewoi na ugi lima-loma-Loi Jesus Chraisti iye njei gbia ngi yaka yekpe ma, ke ṅamei, mu hinda nyamu manumei va, ke i mahalayei fea ge ngi woma beleisia we, ye ti li, ti kenye gbi-bela gara, ti Ngewo yei wu ti wumba Ngewo biyei hun, ke ngi Loi, ke Yafa Yekpei. Lali, dai, mu bi manene nunga gomengo beindo ti maneneisia ta pe bi gama. Nje ji gole hinda-nyamu-kabande-muaṅ va, bi pe ndopoi ji ta nje wu wumba i bi ynma-wanda-kpoma so gbi, i lo fo bi lenga huwonyongoisia lia, nasia ti lã abie, Jesus Chraisti mu Lemoi jahun. Amina.

¶ Bei lo Ngewo-veli-lavari-wai a ndopoi bumbu yaka hun a nde ngi kesia ta ngi njesia Ngewo hinda hun, ye,

    Ndopoi ji gbatoi ge?

[Ke ti kea :—N. o M.]
 

¶ Ji ti ndopoi gbatoi genga ('na ta hunge te ndopoi ngi gahun gbiango panda, njei ẽ ngi higbe) a ndombu soi a nemahun a nde,

    N. Ngi Ngewo-yei wu bi wumba, Ngewo biyei hun, ke ngi Loi, ke ngi Yafa Yekpe. Amine.

¶ Ke 'na ta hunge te ndopoi ngi gahun gbiango-i-le, a gu lo lẽ i njei wu ngi ma, i njiei jisin le ki'a ndango mahun,

    N. Ngi Ngewo-yei wu bi wumba Ngewo biyei hun, ke ngi Loi, ke ugi Yafa Yekpe. Amina,

¶ Bei lo Ngewo-veli-Lavari-wai a nde,

    Mu ndopoi ji kurua Chraisti balanga kòmá hun, mu ngi nye hin a nye kpekpango i pekei ma, na a we e wufe a Chraisti jeli ji ngi kpakpango nguli kpekpangoi i pekei ma, i himdoyei ge ngi goi hun na a ko a hinda nyamu, ke lunye, ke Sataai, i lo Christi ngi lonya ko-go-moi, ke ngi boilopoi ngi levufoloi hun gbi.
 

¶ Bei lo Ng-v.-L. a nde,

    Nya Ndenga nya lima malomeisia ji na ndopoi ji lengo lo gboma a nina, makpongo lo a Ngewo-veli-bela ti gomei hu, a mu se-gbia Ngewo-Maha-yela ma boya-kpekpei ji va, i pe ndopoi i lo ji ma ngi levu foloi hun gbi, kia ji i taton.

¶ Bei lo a nde ti gbi wombi gbakpango,
 

    Mu Ke na ngelegohun, Bele maluango i ye bi biyei ma. Bi mahayiei i wa, Bi lima-hindei i we nge'bu ki'a a wela ngelegohun. Mu go a folo ji a mu kugbi-ma mehe. Ke bi manu mu ma a mu hinda nyamuisia ma kia ma manu nasia ma ta hinda nyamu we amue Ba pe mu li hungo-hinda hun, ke mu gbia hinda nyamu-moi yeya. Amina.

¶ Bei lo Ng.-v.-L. a nde,

    Mu se-gbia bima a mu li gbi, O Manuma-Lemoi-wa, ji i ha bi lima bi ndolai ji lea a-nina a bi Yafa Yekpei, bi ngi gulu kia bi lo-jongoi na, bi ngi makpoa bi veli-bela ti koma yekpe hun. Mu bi manene gboma a mu li mayengo, bi pe, ta, hango hinda nyamu welei hu, ke, vulungo tonya-hinda wele hun gboungo be gboma ta Chraisti ngi hei woma, i ngi nũ wovei kpakpa nguli ma, i gbelea fo ngi hinda-nyamui-luwui gbi ma; ke kia i bi Loi ha-jongoi kolèngà ni lo be i ngi hiyelei-ndowu kolè, na a we, kune-kelemei, i we a wohani-mahu-moi bi mabayiei hun kunafo, Jesus Chraisti mu Lemoi jahun. Amina.

¶ Bei lo ti gbi hiyenga ti lo, Ng.-v.-L. a ndahin ji we ngi kesia ta ngi njesia Ngewo hinda hun.

    Ji na ndopoi ji i kere bumbunga wu jahun ye, a gbele lo Satani ma ta ngi we-hindei, a lã lo a Ngewo, i ngi magbei gbia, i lo wu nemahun, ye wu gbei mia, ji ta ndopoi ji gara, ji ngi nemahun a gbia kara houlei va, malua jongoi na ye kerei ji hun i houa wu jahun, ke na a hindei-jisia koi lo panda, wa ngi loli lo i ye he kawandia gbiamei màgomà hun. Na mahun gboma, wa hugbatei lo, i na gara na Ngewo-bela ti laila, ke Ndemoi jeli, ke Sawa Pui, ngi genyeyiei hun, ke hani wekei gbi mahoungo Chraisti-bela ta kolo, ta lai la ti Yafa kahuin-gbiei va. Na gboma, wa, pe lo i make joi lo kpekpe-welei hun, i gbila a Chraisti-hinda, ke Ngewo, ngi levu foloi hun. I ye wu nemahun kpele gbi ye Ngewo yei wula wumba ji, ta lo a mu we-hindei. Na a jeli ye, mu toma mu Bawomoi Chraisti jiayili ma mua wema kia ta vuli na. Ki'a be ta i hanga, ke i hiyea gboma mu va, ni 1o mua ti Ngewo-yie wua mu wumba, ma ha hinda-nyamu hun, ke ma hiye gboma tonya-hinda hun, mu ye mu manisia gbi wu na nyamungo ke lulango mu hun, mu ye li kulo fo-gbima jia yekpe-welei hun, ke Ngewo-hinda-hun.

    Wa pe lo ti wã a ndopoi ji Ngewo-veli-maha we i loko la ngi ma, kpaya so vu Ngewo Yafa Yekpe welei hun, ki'a kinei a gu lo a ngi garei hungela, ndalongo ji i lalanga, ke Ndemoi-jeli, ke Sawa Pu, ngi genyeyie hun, ti ngi gara gboma Ngewo-bela ti karei hun, na lãngo ti jia-hindei va.