Na voihavo paepanete, vani na priest ma na toha nahona na hahani tabu.
Form of preparation for priest and server in Vaturana.

Melanesian Mission Press, 1953.

Priest—

TANA Soana na Mama, ma na Dale, ma na Taruna e Tabu. Amen.

Kau visini vano tana mena kodobo nina God.
Vani God nau au lalaoma pujikae matena aia.

Lord, ko pedeau, susuhuradi sana au kaputi na toha ara tau laohaluve: Ko taho au tani aia a mea gugure me sarevo.
Na ronona ihoe, God, o panete au ti au malahai: na ronona na hua ti o zidavahini lihi au? Na ronona na hua ti au vavano padasavi tana mena hira na linamate ara bini sivo au?

Ko subuni mai nimu na marara ma nimu na manana ke hidavi au: me ke tahoau ipolina nimu na vuvuna e tabu, mi tana nimu mena totu.
Kau visini vano tana mena kodobo nina God, vani God nau au lalaoma pujikae matena aia, mi nau kau soavesealiho hini na riha, God, anigu na God.

Ronona na hua, tidaogu, ti o hohoro, ma na ronona na hua ti o kakatiti tana laogu?
Ko jojovata ipolina God, na ronona kau soaveseali tuhudani aia, na mamauri numu vani na matagu ma nigu na God.

Soa dato na Mama, ma na Dale, ma na Taruna e Tabu;
E koaza tana turihana, mi kalinade, me ke tau kode. Amen.

Kau visini vano tana turihana, mi kalinade, me ke tau kode. Amen.
Vani God nau au lalaoma pujikae matena aia.

Na soana Lord ke sanahita.
E vusa ihotu mi vavana.

Nau au jari vulahi vani God na puku na mana, ma vani hira na Angel mi hira na Tabu, mi konimu (konimiu) na ronona inau au sasi, tana papada, mi tana hoko, mi tana hira nigu na agago: hini na kibogu, na kibogu numu, na kibogu manana. Na ronona a nene, nau au noni jajaiho (hamu) ti ko (kamu) sasavo vani Lord God, no ronogu inau.

God Puku na mana ke haluveho, me ke molotahani na kibomui, me ke tahoho atu tana maurisali.
Amen.

Nau au jari vulahi vani God na puku na mana, ma vani hira na Angel mi hira na Tabu, mi konimu, Mama, na ronona au sasi, tana papada, mi tana hoko, mi tana hira nigu na agago: hini na kibogu, na kibogu numu, na kibogu manana. Na ronona nene, nau au noni jajaiho, Mama, ti ko sasavo vani Lord God, na ronogu inau.

God Puku na mana, ke haluveho, me ke molo tahani na kibomu, me ke tahoho atu tana maurisali.
Amen.

Lord, ko jari vulahi Nimu na veihaluve vanihami.
Mo ko molosavu vanihami na Bamaurimu.

Lord, ko ronomi amami na sasavo.
Ma amami na huhu ke jauliho.

Lord, ko totu konimu:
Mi tana tidaomu.