Nalne Genyon

Ta Melanesia

BISHOP MA VATEG SO MUGUMGU AE

LE DIOCESE TA MELANESIA
  

NALNE TEY TEYMAT LOK NEK BE GENYON

JESUS CHRIST ni van me hiy no le Genyon. Ke ni lep me hiy no na taqnen ke mukeg veg no, wa na nday nonon mo lon veg no. Ke ni lep me hiy no neh nonon so nipnen na talek wa so ni ak maymay na taqnik.

BE tey teymat so lep Jesus le Genyon, no nemyos ne Demleh, ne Demtig ba na Tamtam.

Demleh  
Nu Vu Yon non God, nek biyin no so nok etsas ne gengenyeg mino, ba nek af so nok lolwon ae
Nek demdem yoyon be nom togay so nek etsas ne gengenyeg nonom. Ne gengenyeg te ae so nak inmeg ne demdem nonom, nek bae ni priest so ni yonteg nonom ol bug.

GOD mino, ino me gengenyeg yeh goy nek.
No mo lolwon yeh veg no mak memeh nek mi ne gengenyeg mino.
No neglal: so Jesus ma mat veg no
   so nok tog wawah den ne gengenyeg.
Nok matueg apwon Jesus to no te lep veh ne demveteg bug,
wa mi nambyimbyin nonom no nemyos so menes  goy nek
wa mok veteg ne gengenyeg del.

Demtig
I Mam, no ne demtig so nek me vetleg me Inti Jesus Christ so ni vaeh no.
No ne demtig so no te lep ke le Genyon.
Nok matueg apwon Jesus ba apwek tateh.

Tamtam
I Mam, no na tam nek,
veg kemem mo tog lap ge to le gengenyeg
wa nek me vetleg me Jesus lnti so ni mat vegkemem.

Jesus, no nemyos so tam heywe nek
veg nek ma tam no amag.

Jesus van me hiy no ba vaeh no,
to no tit van veteg vehte nek.

LORD, kemem et dem sotel te
  so kemem hayteyeh so van me letno gengen nonom.
Kemem et matueg te bo togay nonmem so netnenen,
  ba bemgaysen nonom ne keken.
Kemem et hayteyeh te
so veles yakyak ni vin gengen lalne tono gengen nonom,
Ba namtevu nemgaysen lap vaga.
Lord magaysen, nek hog me hiy kemem
   so gen nephog non Inti ne netmey tam J esus Christ,
   ba so in na nday nonon,
   to kemem totog lap mi ke,
   wa ike mi kemem. Amen.
 

NALNE GENYON

Hatig

LA han na Mam, Nintigi wa nu Vu Yon. Amen.

Ni sil del —
 

GOD ni tiyman,
   natqe et del netwal goy nange;
   nek neglal namyos nonmem del;
   ihe tit lonveg vehte nonon demdem yoyon den nek;
nek mokheg me nonom Vu Yon
   so;.ni ak wenwen ne demdem del lelo taqamem;
      to kemem toy tam nek,
      wa to ol map na he mey no yon;
la han Jesus Christ Lord kemem. Amen.

OL liwo God alge,
   wa ke nitmat lemyam, net del key qulqul ewe lokse.
Kemem vegwe nek,
   olwe nek,
   vawe nek,
   taqlun goy nek,
   ol liwo nek,
veg ne lenas nonom nilwo yeh,
Lord God, namyanag talge, God na Mam ni tiyman.

Lord,Nintigi vitwag woy Jesus Christ;
Lord God, Lamb non God, Enten na Mam,
   inek ne lep yak nimbgu mayam, magaysen kemem.
Lord, nek ne lep yak nimbgu mayam, tey goy nonmem tatay.
Lord, nek na hag hiy lemto non God na Mam, magaysen kemem.

Veg inek vitwag no yon;
   inek vitwag Lord;
   inek vitwag, Jesus Christ, wa nu Vu Yon,
      ne ketket yeh le lenas non God na Mam. Amen.

Gen tatay:

COLLECT

NA YAPYAP - hag hiy
NE LE EWE - tig ketket

Lord no tog mi kimi,
Wa mi nek.

Amag den ne Le Ewe -
   Ol liwo nek, Lord.

Lekle Le Ewe -
   Kemem vegwe nek, Christ.
 

NO TOYTOY

DEMTIG

GEN ne demtig God vitwag, na Mam ni tiyman,
   mi tin alge wa antan,
   wa na ge del gen netgeh wa na ge del gen et etgeh te.
 
Wa Lord vitwag Jesus Christ, Enten God vitwag woy,
   Enten Itman amag me den namyam del;
   God me den God;
   Namyeyen me den Namyeyen;
   tiy God me den tiy God;
   Enten God, et a ge tin te;
   koyo Itman namtevuge vitwag;
   ke mi tin na ge del mi ke;
ke me heuteqel me alge veg gen net del so ni vaeligen;
   mo togsas ke namun nu Vu Yon mi ni tiy Qelwey Mary;
   ke me vehgi et;
key mo wos kal ke lo wolwol veg gen letno liwo non Pontius Pilate;
   ke mo yonmemeh, key metvig ke;
lo qon vetelnegi ke ma hatig lokse qele ma yap to;
   ke mo mol kal alge;
   ke na hag hiy lemto non na Mam;
   ke to mol lokse me mi ne lenas.
   so ni veveg iyge mey neh wa iyge mey mal mat vatag;
   nonon meyeyen tit bah vehte.

Gen ne demtig nu Vu Yon, Lord wa Vaeh,
   mo youlo me den na Mam wa Nintigi;
   gen mogmogo wa ol liwo ke tiwag mi na Mam wa Nintigi;
   ke ma vap heylo iyge et hohole non God.

Gen ne demtig no Loglo vitwag no yon
   vel vono del non iyge Hal;
   gen vasem lo nohyon vitwag be demveteg bug:
   gen tog deye so iyge mey mal mat vatag key hatig lok;
   wa neh lemyam mey ta van me. Amen.
 

NA TATAY TIETIES

Gen tatay veg no Loglo del non Cbrist wa veg net del ba haphap te ni tig veg key:

GOD ni tiyman, nek ma vatgo ro kemem la Vavap yon nonom so kamem vegwe nek wa tatay veg net del;. sowo, togtoge kemem vegwe nek be nom vawe del nek me lep me hiy kemem ....
    Gen olwe Lord.
    Kemem vegwe nek, God.

Kemem ties nek so nek lep vasget nonmem tatay bo Loglo del non Christ, so ke ni oyheg vu mey ne we, nu vu tamat, so iyge del mey ne demtig na he so no yon, key mugu goy del so na Vavap yon nonom heywe, wa tog qulqul mi na tamtam veles.
    V. Lord, le nom magaysen
    R. Yonteg nonmem tatay.

Lep me nasgop nonom hiy iyge mugumgu mi na Vavap wa na Sacrament del nonom, yakbagyeh hiy iyge youyouveg nonom...... .iyge bishop nonom, wa iyge priest wa iyge deacon del la diocese gohke ..........., so key vantey lo galsi ne lenas nonom mi netnegay wa nalne vatvatgo nonoy, wa key yap me net del hiy nek.
    V. Lord, le nom magaysen
    R. Yonteg nonmem tatay.

Kemem tatay veg iyge mayanag goy ne vetgi sil del, wa yakhagyeh veg no youyouveg nonom Queen .Elizabeth wa ne President ta France, wa veg iyge lililwo goy del ... , so key mayanag goy mi nemnay wa mi nave tenenen, wa ak natmat, wa etgoy galgalsi ni sil del.
    V. Lord, le nom magaysen
    R. Yonteg nonmem tatay.

Nek ave wa biyin iyge mugumgu hiy iyge sil del so vantey le ewe nonom ...... , wa valwey mi .nu Vu nonom vel tono mugumgu, vel school wa vel em gom ............
    V. Lord, le nom magaysen
    R. Yonteg nonmem tatay.

Lep me nasgop talge nonom hiy iyge del nek molol to key letno mugumgu tegtegha, wa yakbagyeh (hiy .........., wa) hiy kemem iyge youyouveg nonom, so kemem yonteg na Vavap yon nonom mi natqamem mey ne we wa mi namyos, wa mugumgu heyheywe hiy nek vel qon del nonmem.
    V. Lord, le nom magaysen
    R: Yonteg nonmem tatay.

I Mam, kemem ties nek so nonom tamtam liwo ni ak muhuy wa nimbyin iyge no tog letno memeh, lo lolwon, lemgamgaysen, lo gom ............
    V. Lord, le nom magaysen
    R. Yonteg nonmem tatay.

Kemem taytay veg iyge del nonom mal qelen den namyam gohke mi ne demtig mogmogo nek ............, wa kemem olwe nek veg iyge yon del nonom .. ....... ,wa kemem vegwe nek bo togay ewe nonoy, wa tatay so kemem tatag na makaliu ewe nonoy, wa kalbat tiwag mi key lemlaklak lap nonom.

I Mam mey no yon, nek ak tig na haphap del gohke sowo tig lemyos nonom, la han  Jesus Christ Inti, Lord nonmem. Amen.
 

NA TATAY TIETIES ITAN

Sowo iptaptah nemyos ke telge veh yatkel vavap den na tatay agoh, si so to mok tiwag veh yatkelgi, si so tu tuan veli yatkelgi mi na vavap gayaq.
La mahe iptaptab ni vap so, "Kemem vegwe nek" si so "Kemem tatay hiy nek" ni sil niplu so:

Lord, nek yonteg nonmem tatay.

Veg ................. , kemem vegwe nek;

So iyge non Christ del ni qul tiwag lo Lolgo yon vitwag, kemem tatay hiy nek;

Veg iyge bishop, iyge priest wa iyge deacon del, wa veg iyge mugumgu tehga del to lo Loglo (yakhagyeh .....................), kemem tatay hiy nek;

Veg net del so key tinqoy, key lep vasget na vavap, nonom (yakhagyeh . ...........), kemem tatay hiy nek;

Veg iyge lolqon del telepno nonmem (yakhagyeh ............ ), wa veg iyge del nemgumgu mi key, kemem tatay hiy nek;

Veg natmat lelo mayam del (yakhagyeh .................), kemem tatay hi:y nek;

Veg iyge mayanag vel vono del lemyam ke, so key liwo goy tatag namyos yon nonom, kemem tatay hiy nek;

Veg napno nonmem wa veg Queen Elizabeth tiwag mi President ta France, wa iyge mag goy kemem (yakhagyeh .....................), kemem tatay hiy nek;

Veg net del lo togay wa lemgumgu nonoy velqon (yakhagyeh . ...........), kemem tatay hiy nek;

Veg net del nemgumgu la town si la plantation si apwo baklap, kemem tatay hiy nek;

Veg iyge taktaklemem tiwag mi iyge bulsal nonmem, wa iyge mam tiwag mi iyge vep wa iyge netnetmey del velvono, kemem tatay hiy nek; .

Veg iyge del ni vatvatgo wa ni soksok no lolmeyen le nonmem school wa lo college geh (yakhagyeh ........ ...), kemem tatay hiy nek;

. Veg iyge vanvan leve tan si so iyge gamgam le. lam si so iyge gapgap lemyayawoy (yakhagyeh ...........), kemem tatay hiy nek;

Veg iyge masay tiwag mi iyge maygay wa iyge mey, nem nonoy tapegeh, kemem tatay hiy nek;

Veg iyge mey soksok namgwngu ba et etsas te, kemem tatay hiy nek;

Veg iyge mey no tog .mahgey wa iyge mey no yonmemeh wa mi: qisen key (yakhagyeh ....................), kemem tatay hiy nek;

Veg iyge tavale nonmem wa iyge kemem mak memeh key, kemem tatay hiy nek;. .

Veg iyge gom wa ihe te no yonmemeh la taqnige si la talege (yakpaglyeh .............), kemem tatay hiy nek;

Veg iyge sisqet so mat, wa iyge mey mal van vatag den namyam gohke (yakhagyeh ......................) kemem tatay hiy nek;

Gen tatay yoyon ba hap gen nemyos veg gen lokse.

Tog yoyon

V. Lord, le nom magaysen
R. Yonteg nonmem tatay.

I Mam mey no yon, nek ak tig na haphap del gohke, sowo ni tig lemyos nomom, la han Jesus Christ Inti, Lord nonmem. Amen.
 

NE TESTES ME

Gen van sisqet me mi no lolwon wa ni tiy demtig, gen vap ulul nimbgungen van hiy i Mam nongen alge.

Tog yoyon

NA VAP ULUL BUG

I Mam ru tiyman, i Vonvon et del,
  kemem ble gengenyeg goy nek
    le demdem, la vavap wa lemgumgu.
Kemem et tam te nek mi natqamem del;
  kemem et:\tam .te ni sil nonom qe1e kemem lokse.
Nek demveteg mmbgumem
  veg Inti i Vaeh nonmem Jesus Christ,
wa nek biyin kemem so mugumgu hiy nek lo togay mey negyaq,
  kemem ol 1iwo na he. Amen.
 

NOL SUWYEG BUG

God ni tiyman, Itmangen mey no lolmagaysen,
  melgeg to ne demveteg bug
    den ihe te ne demleh heyheywe,
    ni mol lok me hiy ke mi ne demtig,
    wa ne teymat so ni demveteg nimbgun iyge tehga;
ke nimgaysen kimi,
ke ni demveteg nimbgumi,
ke ni ak wawah kimi den ne gengenyeg del,
ke ni vayge kimi le ge del mey ne we,
ke ni kokmeg goy kimi leh lap;
  la han Jesus Christ Lord nongen. Amen.
 

MOK TEYMAT NO OLOL

Hatig

Natmat non Lord ni tog mi kimi vaga,
  wa mi nek.

Igen na taqnen Christ,
  Mi nu Vu vitwag ma vasugyon gen del la taqnige vitwag.

Lep netnegay so kokmeg goy nu qultiwag non nu Vu
  La gatli tamat.

No olol mi ne breod ba na wine, basto vap qelegen:

Nonom noumat, Lord, nilwo, wa na man, wa ne lenas, wa na lalaket, wa nol liwo.
  Nonom noumat no yonyontey lo tok wa 1eve tan,
  wa kemem me 1ep lok van hiy nek ni tiy bele noumat.
 

NA TATAY VEGWE .MEY NILWO

Lep kal natqami,
Kemem lep kal van hiy Lord,

Gen .vegwe Lord God nongen.
Ne we ba netnenen so gen ak qele anen.

Ne we, netnenen,
  veg kemem ta vap ewe, tol liwo, te vegwe nek, i Mam alge,
  la han Jesus Christ Inti .vitwag woy, Lord nonmem;
veg nek mi tin na haphap del .den lototen mi ke,
  wa mi .tin kemem tatag na makaliu nonom;
mi ke, mahe no qon tenenen ma van me,
  nek mi tin lok kemem,
  mahe kemem mi o sisgoy le gengenyeg;
  nek mukeg ke so ni wot me lemtevu et;
  so ni mat apwo wolwol,
  wa so ni hatig lokse veg kemem;
  nek mo mok ke le lenas nonom 1emto nonom.

Mi ke, nek me lep me hiy kemem nu Yu Yon nonom
  so ni ak kemem so qeteg ni sil mey no yon,
  so ni ak oy kemem mi neh mey negyaq,
  wa so ni lep me hiy kemem namyos-deye be nom meyeyen mey ta van me.

To ne demdem nan,
  kemem wa ni angel del wa na me angel del,
  wa ni sil mey ne lenas hag a1ge en,
  kemem olwe nek mi nam1ak1ak so:

Ni sil del

No yon, no yon, no yon,
  Lord God non nevetgi ta1ge,
  alge wa antan toyheg ne lenas nonom.
  Kemem ol Ewo nIk, Lord, ni "tiy ketket yeh.
Kemem vap IwI hiy kI ta van me 1a han Lord.
  Na vaeh nonom ni heu me den a1ge.

Vatiqau

I Mam alge, kemem na vap ewe yeh hiy nek
  veg nek me lep magaysen me Inti vitwag woy Jesus Christ
  so iyge del me demtig ke te tey temuy neh 1ap ae.

I Mam, nek tinqoy kemem,
  la han Jesus Christ Lord nonmem;
  nek lep vasget no olol nonmem bolwe nek mi ke
  wa nek ak so mi, na man non nu Vu Yon nonom
  nasgop geh gohke ne bread ba na wine
  te qeteg mi kemem na taqnen ba na nday nonon.

Lo qon amag den ke mo yon memeh apwo wolwol,
  ke me tei ne bread,
  wa me vegwe bah nek,
  ke mo toq woy,
  ba me lep velvel van hiy iyge tinqoy, ma vap so:
    “Atmi tey goy ba gen.
    Igohke na taqnik me lep me hiy kimi;
    atmi ak qele gohke so demlok no ae,
    ba eglal so ino mi kimi.”

Mahe ne gengen ma bah, ke mak lokse qeleanen,
  ke me tey ni vinlah,
  wa me vegwe bah nek,
  me lep van hiy key wa ma vap so:
    “Atmi del in,
    veg igohke na nyek nonon na vatvat gayaq,
    mo lon veg kimi so tuw veteg ne gengenyeg den kimi;
    atmi ak qele gohke, mahe kimi in mey gohke,
    so demlok no ae,
    ba eglal so ino mi kimi.”

Ni sil del—

I Mam, kemem vssem lo namte nonon,
  kemem hoyhoy lo nonon hatig lokse,
  kemem deye nonon molmol lok me.
  Ol liwo nek, Lord, ni tiy ketket yeh,

Priest

Sowo, i Mam, kemem ak qele gohke qele Inti ma vayeg to,
  wa kemem lep kal van hiy nek
    ne bread eh wa ni vinlah vaeh,
  mi nonmem olol bolwe nek wa be vegwe nek,
  kemem vasem lo namte nonon apwo wolwol veg nu bug ne mayam;
    nonon hatig lokse me mey na vak,
    wa nonon mol ka1 lokse mei ne lenas.

God, nek lep kemem mi Jesus, Vaeh nonmem,
  me lep kal no olol vitwag ne teymat,
  wa nek ak so kemem del te tey ne Genyon gohke
    tu qultiwag le nom Loglo yon,
    na taqnen Inti Jesus Cbrist, Lord nonmem;.

La han, kemem demap wa ol liwo nek,
  i Mam 'ni tiyman,
  lu qultiwag namun nu Vu Yon
    no togtog lap vaga, Amen,

Tog yoyon

Qele Lord nonmem ma vatgo to kemem ae, kemem vap so—
 

I Mam alge,
  na he ni yon,
  namyeyen nonom ni van me,
  namyos nonom ni qal,
    atan ke qele, alge.
Lep me hiy kemem .ne gengen bi qiyig.
Demveteg nimbgumem
  qele, kemem demveteg nimbgun iyge mey ne het mi kemem.
  Nitog ukukeg kemem van le meygal;
    ba lep yak kemem den ne gengenyeg.
  Veg nonom namyeyen, na man we ne lenas,
    no togtog lap qelenen. Amen.

NO TOQTOQ WOY BREAD

Ei! Lamb non God, inek ne lep yak nimbgu mayam,
magaysen kemem.

Ei! Lamb non God, inek ne lep yak nimbgu mayam,
magaysen kemem.

Ei! Lamb non God, inek ne lep yak nimbgu mayam,
vetleg me natmat nonom hiy kemem

NE GENYON

Van sisqet me mi ne, demtig:
  lep na taqnen Lord nongen Jesus Christ
    mo hog to van.hiy kimi,
  wa na nday nonon
    ma lon to veg kimi,
  wa gen mi ne demtig ke lela taqami
    wa vegwe ke ae.

Mahe ni Priest ni tigyeg ne Genyon hiy ni sil, ke ni vap so­—
 

    Na taqnen Lord nongen Jesus Christ.

    Na nday non Lord nongen Jesus Christ.

Mahe ni Priest ni tigyeg bah ne Genyon hiy ni sil, ke ni oh ni vinlah, basto ke ni vap so—

Gen tatay.
 

God ni tiyman, tiy eh lap,
  kemem vegwe yeh nek
  veg nek mepnen kemem mi ne gengen mey no yon,
    na taqnen Inti Vaeh nonmem Jesus Christ wa na ndyan.
Wa kemem vegwe nek be nom tamtam wa be nom lolwe hiy kemem,
  veg nek mak kemem iyge soso haphap ne taqnen mey neh,
    ne vetgi et nonom,
  wa veg nek me lep me hiy kemem natkelgi non­mem leh lap.

Ni sil del—

Sowo, i Mam, nek kokmeg goy kemem mi nasgop nonom,
  so kemem so ak namgumgu mey ne we
  nek mak teymat to hiy kemem.
Wa kemem mok lok kemem goy nange gohke,
  na talamem wa na taqnimem,
  mi no olol mey no yon wa neh,
Ia han Jesus Christ, Lord nonmem,
  kemem demap wa ol liwo ke,
  wa inek wa nu Vu Yon,
    tit bah vehte. Amen.
 

NA VAWE

Mol mi natmat;
  tam Lord, ba mugumgu hiy ke;
  oyheg mi namlaklak la man non nu Vu Yon.
Wa God ni tiyman, na Mam, Nintigi, wa nu Vu Yon,
  ke ni vawe kimi,
  ke ni tog lap mi kimi vaga. Amen.
 

NA TATAY VEGWE, IHE TE TEPTAH VEH MAHGEN

Nek vatah tnulumlutn, vagmadeg, na tatay qele gen—

Lord mino wa God mino.
Nok vegwe nek, Lord Jesus,
  veg nek ma van seme hiy no.
Togtoge nok tey nek lelo teqek.
Nek ak yis no so nok ak qele inek.
Nok ukeg lok no van hiy nek,
  na taqnik na talek, nu vu mino,
  so nok ak namyos nonom.

Hohole galgalsi, ol liwo, vegwe Jesus Christ
  letno haghag mayanag mey ne lenas,
  la Sacrament yon lolta,
  wa lelo em yon, a natqek ke.

Demsas so vel qon del Jesus no togtog mi nek.
 

DIOCESE OF MELANESIA PRESS,
HONIARA, B.S.I.P.