TE TIKANGA
MO TE
KARAKIA I TE TURORO.

¶ Na, ki te mate tetahi, me korero ki te Minita e noho tata ana ki a ia; a me mea ia, ina tomo atu ki roto ki te whare o te turoro:

KIA tau te rangimarie ki tenei whare, ki te hunga ano hoki e noho ana i roto.

¶ Ka tae ia ki te turara, ka koropiko ia, ka mea:

E IHOWA, aua ra e mahara ki a matou he, ki nga he a o matou tupuna: E Ihowa, tohungia matou, tohungia o tangata, i hokoa e koe ki te utu nui ki ou toto, aua ra e riri tonu ki a matou.
    Ko te Nuinga. E Ihowa, tohungia matou.

¶ Ko reira te Minita mea ai:

Kia inoi tatou.

E Ihowa, tohungia matou.
  E te Karaiti, tohungia matou.
E Ihowa, tohungia matou.
 

E TO matou Matua i te rangi, Kia tapu tou Ingoa. Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine.

    Ko te Minita. E Ihowa, whakaorangia tenei pononga au.
    Ko te Nuinga. E whakawhirinaki atu nei ki a koe.
    Ko te Minita. Homai ki a ia he kaha i tou wahi tapu;
    Ko te Nuinga. Tiakina hoki ia ake ake ake.
    Ko te Minita. Aua rawa te hoa riri e tukua kia whai wahi ki a ia;
    Ko te Nuinga. Kei tata mai hoki te kino ki a ia.
    Ko te Minita. E Ihowa, hei pa kaha koe mona.
    Ko te Nuinga. Kei taea e tona hoa riri.
    Ko te Minita. E Ihowa, whakarongo mai ki a matou inoi.
    Ko te Nuinga. Kia tae atu ta matou karanga ki a koe.

Ko te Minita.

E IHOWA, titiro iho koe i te rangi, maharatia ano hoki tenei pononga au, whakamamakia tona mate. Kia atawhai mai koe ki a ia; meinga kia whai whakamarietanga ia i tona whakaaro e u ana ki a koe; araia atu i a ia nga rauhanga a te hoa riri, kia mau tonu hoki tona ngakau i runga i te rangimarie; ko Ihu Karaiti to matou Ariki. Amine.

E TE Atua Kaha rawa, e te Kai Whakaora tohu, whakarongo mai ki a matou; he mahi nau te ata whai; atawhaitia tenei pononga au e mate nei. Whakatapua tenei whiunga au i a ia; kia nui haere ai tana whakapono, me tana ripeneta, ua whakaaro ia ki tona ngoikoretanga. A, ki te pai koe ki te whakaora ake i a ia, kia noho mahara ia ki a koe i te roanga ake o tona oranga, me te whakakororia ano hoki i a koe: otiia ki te kahore, homai he kaha ki a ia, kia tika ai tana whakaaro ki tenei mahi au ki a ia, kia noho tonu ai ia ki a koe, ki te ora tonu, ua mutu to tenei ao oranga whakauaua; ko Ihu Karaiti to matou Ariki. Amine.

¶ Ko konei te Minita kauwhau ai ki te turoro, ko enei hei kupu, ko etahi atu ranei e rite ana: 
 

E TAKU hoa aroha, kia matau koe ki tenei, ko te Atua Kaha rawa te Ariki o te ora o te mate, o nga mea katoa ano hoki i ora ai, i mate ai tatou, nana hoki i tamariki ai, i kaha ai, i ora ai, i koroheke ai, i ngoikore ai, i mate ai. Heoi, ko tenei mate ou, kia mohio koe, na te Atua. Me te take ano hoki o tou mate, hei whakamatautau ranei i tou manawanui, hei tauira ki era atu tangata, kia whakamoemititia ai tou whakapono a te ra o te Ariki, kia nui ai hoki tou kororia, me tou haringa mutunga kore; hei ako ranei, hei whakatika i etahi mea au e whakahekia ana e nga kanohi o tou Matua i te rangi; kia matau ano ia koe ki tenei, na, ki te pono to ripeneta mo ou hara, ki te manawanui hoki koe ki tenei mate, me te whakawhirinaki atu ano ki nga mahi tohu a te Atua, i roto i tana Tama aroha, i a Ihu Karaiti, ki te whakawhetai ano hoki ki a ia mo tenei whiunga ana, me te tuku ano i a koe ki tana e pai ai, he pono ka meinga ano tenei hei whakanui 1 te pai mou, hei mea hoki e hohoro ai tou haere i te ara e tika ana ki te ora tonu.

¶ Ki te nui rama te mate o te turoro, me whakamutu ki konei te kauwhau; ki te kahore, tenei ake ano:

KOIA ahau ka mea nei kia pai tau whakaaro ki tenei whiunga a te Ariki: (Kia pera me ta Paora i mea ai ki nga Hiperu, i te tekau ma rua O nga Upoko,) E papaki ana hoki te Ariki ki tana e aroha ai, e whiua ana hoki e ia nga tamariki katoa e whakatamarikitia ana ki a ia. Ki te pangia koutou e te whiu, e rite ana ta te Atua meatanga ki a koutou ki tana ki nga tamariki tupu; ko wai hoki te tamaiti e kore e pakia e te papa? Ki te kahore ia o koutou pakinga, te mea e whakawhiwhia ana ki te katoa, he poriro koutou, ehara 1 te tamariki. He matua ano o tatou, no te wahi ki te kikokiko, he mea papaki tatou na ratou; i hopohopo ano tatou ki a ratou: kaua ianei e nui noa atu to tatou ngohengohe ki te Matua o nga wairua kia ora ai? Ta ratou papaki hoki, he torutoru nei nga ra, he mea ano na ta ratou ake i whakaaro ai; ta tenei ia, mo te pai, kia whiwhi ai tatou ki tona tapu. Ko enei kupu, e taku hoa, i tuhituhia i roto i te Karaipiture tapu, hei whakamarie, hei ako hoki i a tatou; kia whakaae atu ai tatou, kia whakawhetai ai hoki kia whakaae atu ai tatou, kia whakawhetai ai hoki ki te whiunga a to tatou Matua i te rangi, i nga wa katoa e tukua mai ai e tona ngakau aroha tetahi raruraru kia pa mai ki a tatou. Heoi ano hoki te tino meahei whakamarie mo te hunga Karaitiana, ko ratou kia rite ki a te Karaiti, ara, kia manawanui i roto i nga mea whakapouri, i nga matenga. Kihai hoki ia i kake tonu ake ki te haringa, i te mea kahore ano i whakamamaetia; kihai ano hoki i tae atu ki tona kororia i te mea kiano ia i ripekatia. Waihoki ko te ara mo tatou e tae atu ai ki te haringa mutunga kore, ko tatou ki mamae tahi me te Karaiti i konei; ko to tatou kuwaha ano hoki ki te ora tonu, ko te mate tahi atu me te Karaiti; kia ara ake ai ano tatou i te mate, kia noho tahi ai ki a ia, ki te ora tonu. Koia ahau ka mea nei ki a koe i runga i te Ingoa o te Atua, kia manawanui koe ki téhei mate, kia mahara hoki ki tau whakaaetanga ki te Atua i tou Iriiringa. Kia mahara hoki, ka mutu te ora o konei, ka uia o mahi e te Kai whakarite tika o te whakawa me nga tangata katoa, e kore nei e pai ake ki tetahi i tetahi; ata tirohia iho e koe te ahua o au mahi ki te Atua, ki te tangata, kia riro ai mau ano e whakawa au he, kia tohungia ai koe i roto i a te Karaiti e to tatou Matua i te rangi, kia kore ai hoki koe e whakahengia i taua whakawakanga mataku. Heoi, me korero atu e ahau ki a koe nga Kupu o ta tatou Whakapono, kia matau ai koe, e rite ana ranei to whakapono ki to te tangata Karaitiana, kahore ranei.

¶ Hei konei te Minita ka korero ai i nga Kupu o te Whakapono, ka penei atu ai:
 

E WHAKAPONO ana ranei koe ki te Atua, ki te Matua Kaha rawa, ki te Kai hanga i te rangi, i te whenua?
    Ki tana Tama kotahi hoki, ki to tatou Ariki, ki a Ihu Karaiti? Ki tona whakatangatatanga e te Wairua Tapu, ki tona whanautanga i te Wahina, i a Meri; ki tona whakamamaetanga i te wa i a Ponotio Pirato, ki tona ripekatanga, ki tona matenga, ki tona tanumanga; ki tona hekenga atu ki te reinga, ki tona aranga ake hoki i te toru o nga ra; ki tona kakenga atu ki te rangi, e noho mai nei ano ia i te ringaringa matau o te Atua, o te Matua Kaha rawa; a ka hoki mai ano i reira ki te whakarite whakawa mo nga tangata ora, mo nga tangata mate, a te mutunga o ao?
    E whakapono ana hoki koe ki te Wairua Tapu; ki te Hahi tapu puta noa i te ao; ki te Kotahitanga o te Hunga Tapu; ki te Murunga hara; ki te Aranga mai o te tinana; me te ora tonu muri iho i te mate?

¶ A ka mea te turoro,

KO tena katoa e tino whakaponohia ana e ahau.
 

¶ Ko konei ui atu ai te Minita ki a ia, ki te pono o tona ripeneta me ona hara; ki tona aroha hoki ki nga tangata katoa; me whakakau hoki te Minita, kia tino houkia e ia te rongo ki nga tangata katoa i he mai ki a ia; ki te mea hoki kua ke ia ki tetahi, me whai ia kia houhia te rongo, a, rite rawa te utu mo nga mea katoa i he ai ia. A, ki te mea kahore ano kia oti he Okaki mana mo ana taonga, me mea ano kia tuhituhia; me whakaatu nga taonga tarewa, kahore ano i ea noa i a ia, me nga mea hoki mea kua riro i era atu, a kiano i utua noatia mai; kia marie ai tona ngakau. Me whakamahara ano ia nga tangata kia anga ki te whakariterite i enei mea i a ratou e era ana.

¶ Ko enei kupu i ranga ake nei, me korero atu e te Minita ki mua i tana Inoi, ki te pai ia.

¶ Aua hoki te Minita e wareware ki te mea atu ki nga turoro, e whai taonga ana, kia atawhai ki te hunga rawakore.

¶ Ki te taimaka te hinengaro o te turoro i te pehanga a tetahi hara nui, hei konei ia whakahaua ai kia anga ki te whaki i ana kara. Kia mutu tana Whaki-hara, ki te hiahiatia nuitia e ia, me korero e te Piriti tenei Wetekanga hara;

KUA tukua mai e to tatou Ariki, E Ihu Karaiti, he mana ki tana Hahi, e wetekina atu ai nga hara o nga tangata katoa e ripeneta ana, e whakapono pu ana ki a ia; mana au hara katoa e muru, he ranea hoki tana mahi tohu. He mea atu hoki tenei naku, i runga i tona mana kua tukua mai nei ki a au, Kua oti ou hara te wewete atu, i runga i te Ingoa o te Matua, o te Tama, o te Wairua Tapu. Amine.

¶ Kataki ka korerotia e te Minita tenei Inoi:

Kia inoi tatou.
 

E TE Atua tohu rawa, e whakarerea rawatia atu ana e koe nga hara o te hunga e ripeneta pono ana, e kore ano hoki aua hara e maharatia e koe amuri ake nei, he nui hoki no tau mahi tohu; tirohia iho tenei pononga au, e hiahia nei kia houhia te rongo ki a ia. Whakahoutia i roto i a ia, e te Matua aroha, nga mea katoa kua pirau i te maminga a te rewera, i te ngoikore ranei o tona kikokiko; tiakina hoki e koe tenei t uroro, whakapumau. tia ia ki roto ki te Hahi; maharatia tona ripeneta, manakohia mai ona roimata, whakaititia ona mamae, ko koe hoki e matau ana ki te mea e pai ana mona. I te mea hoki e tapatahi nei tana whakawhirinaki ki tau mahi tohu, kaua ana hara o mua e whakairia ki a ia, engari whakakahangia ia ki tou Wairua pai; a, a te ra ano e pai ai koe kia tangohia atu ia i konei, tangohia ki tou pai, kia whakaaro hoki ki nga mahi utu nui a tau Tama aroha, a to matou Ariki, a Ihu Karaiti. Amine.

¶ Na, ka korerotia e te Minita tenei Waiata.
 

Waiata lxxi.

KO koe taku e whakawhirinaki ai, e Ihowa: kei whakama ahau ake ake.
    Whakaorangia ahau i runga i tou tika, kia mawhiti atu ano ahau: tahuri mai tou taringa ki a au, whakaorangia hoki ahau.
    Kia ai koe hei teko e noho ai ahau, hei hokihokinga tonutanga atu moku: kua kiia iho ahau e koe kia whakaorangia; ko koe nei hoki toku kohatu, me toku pourewa.
    Whakaorangia ahau, e toku Atua, i te ringaringa o te tangata kino, i te ringaringa o te tangata mahara kore, o te tangata nanakia.
    Ko koe nei hoki, e te Ariki, e Ihowa, taku e tumanako atu nei: taku e whakawhirinaki atu nei, no toku taitamarikitanga ake ano.
    Nau ahau i tautoko ake, no te kopu mai ano: nau ahau i tango mai i roto i nga whekau o toku whaea; ko koe taku e whakamoemiti tonu atu ai.
    He miharotanga ahau na te tini: ko koe ia toku piringa kaha.
    Kia ki toku mangai i te whakamoemiti ki a koe: i tou honore hoki i te roa o te ra.
    Kaua ahau e panga atu a te wa o te koroheketanga: kaua ahau e whakarerea ina hemo toku kaha.
    E korerotia kinotia ana hoki ahau e oku hoa riri: a e runanga tahi ana te hunga e whanga ana kia whakamatea ahau.
    E mea ana, Kua whakarerea ia e te Atua: whaia, hopukia; kahore hoki tetahi hei whakaora.
    E te Atua, kei matara atu koe i a au: e toku Atua, hohoro mai ki te awhina i a au.
    Kia whakama, kia pau, nga hoa riri o toku wairua: kia hipokina ki te tawainga, ki te whakama, te hunga e rapu ana i te he moku.
    Ko ahau ia, ka tumanako tonu atu: ka hono tonu ano hoki te whakamoemiti atu ki a koe.
    Ma toku mangai e whakakite atu tou tika, tau whakaoranga i te roa o te ra: kahore hoki ahau e mohio, ehia ranei.
    Ka haere ahau i runga i te kaha o te Ariki, o Ihowa: ka whakahuatia e ahau tou tika, tou anake.
    E te Atua, he mea whakaako ahau nau, no toku tamarikitanga ake ano: a he whakapuaki taku i au mahi whakamiharo, a, mohoa noa nei.
    Na, kaua ahau e whakarerea, e te Atua, a, koroheke noa, hina noa ahau: kia whakakitea ra ano e ahau tou kaha ki tenei whakatupuranga, tou nui ki nga tangata katoa e puta mai i mua.
    Kei runga rawa ano hoki tou tika, e te Atua, he nui nei hoki au mahi: e te Atua, ko wai te rite ana ki a koe?
    Kia whakakororiatiateMatua, te Tama: me te Wairua Tapu;
    Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine.

¶ Ko tenei hoki.

E TE Kai Whakaora o te ao, nau nei matou i hoki ki tou Ripeka, ki ou Toto utu nui, ko ta matou inoi tenei ki a koe, whakaorangia awhinatia mai hoki matou.

¶ Ko reira te Minita mea ai:

HE pa kaha te Ariki Kaha rawa mo te hunga katoa e whakawhirinaki ana ki a ia; e koropiko ana, e rongo ana ki a ia, nga mea katoa i te rangi, i te whenua, i raro iho hoki i te whenua; mana koe e tiaki aianei, a, ake tonu atu; mana hoki koe e mea kia matau, kia kite, kahore rawa atu he Ingoa i raro iho i te rangi, i homai ki nga tangata, e ora ai koe, ko te Ingoa anake o to tatou Ariki, o Ihu Karaiti. Amine.

¶ Muri iho ko tenei:

KA tukua atu koe e matou ki te Atua tohu, mana koe e tiaki. Ma Ihowa koe e manaaki, mana koe e tiaki: ma Ihowa e mea kia marama tona kanohi ki a koe, mana ano hoki koe e atawhai: ma Ihowa hoki e mea kia ara tona mata ki runga ki a koe; mana ano e tuku iho te rangimarie ki a koe, aianei a, ake ake ake. Amine.
 

He Inoi mo te Tamaiti mate:

E TE Atua Kaha rawa, e te Matua tohu, kei a koe  anake te tikanga mo te ora mo te mate; He inoi tenei na matou ki a koe, kia titiro atawhai iho ou kanohi i runga i te rangi ki tenei tamaiti e takoto mate nei: E te Ariki, tukua mai tau whakaoranga ki a ia; whakakorea atu, ina pai koe, te mamae o tona tinana, kia ora ano hoki tona wairua, nau nei hoki te mahi tohu: Ki te pai ano hoki koe ki te whakaroa i ona ra ki runga ki te whenua, kia ora ake ia ki a koe, ara, kia pono tana mahi ki a koe, kia whai pai hoki i a ia tona whakatupuranga, kia whakakororiatia ai koe; tena, ki te kore tenei, tangohia atu ano ia e koe ki nga kainga i te rangi, e noho hari na, e okioki tonu na, nga wairua o te hunga kua moe i roto i te Ariki, i a Ihu. Whakaaetia mai tenei, e Ihowa, kia mahara hoki ki au mahi tohu i roto i tau Tama, i a Ihu Karaiti, e ora nei, e kingi tahi nei, me koe me te Wairua Tapu, kotahi tonu Atua, a, ake ake ake. Amine.
 

He Inoi me te Tangata mate, ua kitea, e kore pea ia e ora:

E TE Matua o nga mahi tohu, e te Atua o nga whakamarietanga katoa, ko koe anake to matou kai awhina i te wa o te pouri; Tenei matou te rere atu nei ki a koe mo tenei pononga au e takoto nei, he nui rawa nei te mate. Titiro atawhai mai ki a ia, e Ihowa; i te mea hoki e heke haere nei te tangata o waho, mau to roto e whakakaha ki tou Wairua Tapu. Mau e mea kia pono tana ripeneta mo ona hara katoa O te wa kua pahemo nei; kia pumau hoki tana whakapono ki tau Tama, ki a Ihu; kia ngaro ai ona hara i tau mahi tohu, kia tuturu ai hoki i te rangi te houhanga rongo ki a ia keiwha haere atu ia i konei, a ngaro atu i te tirohanga. E Ihowa, e tino matau ana matou, kahore he mea e kore e taea e koe; ki te pai hoki koe, e ahei ano i a koe te whakaara ake i a ia, kia noho ora ai ano ia ki a matou: ka tata ano ia, ki ta matou titiro, tona taima e mate ai, heoi, mau e mea kia kore ona manukanuka ki te haora o te mate, mo tona haere p ai atu 1 konei, i runga i tau manaakitanga, kia tutuki atu ki tou rangatiratanga mutunga kore; i runga i nga mahi pai, i te mahi wawao, a tau Tama kotahi, a to matou Ariki, a to matou Kai Whakaora, a Ihu Karaiti. Amine.
 

He Inoi Tuku mo te Tangata e tata pu ana te mate:

E TE Atua Kaha rawa, kei a koe e noho ana nga wairua o nga tangata tika, kua oti te mea kia tino tika, i te mea kua oti te whakaora i roto i o ratou whare herehere i runga i te whenua; He tuku atu tenei na matou i te wairua o tenei pononga au, o to matou nei hoa, ki ou ringaringa, ki o te Kai hanga pono, ki o t e Kai whakaora tohu; me te inoi ano ki a koe kia tirohia paitia e koe. Horoia ki nga toto o taua Reme kohakore i patua nei hei waha atu i nga hara o te ao; kia whakakahoretia atu ai nga paru, i poke ai i te tohe a te kikokiko, i te hianga ranei a Hatana, kia tu hekore ai ki tou aroaro. Meinga hoki matou, e noho ora nei, kia moh io ki a matou, he mea memeha noa; kia anga hoki ki te tatau i o matou ra, kia tino tahuri ai o matou ngakau, i a matou e noho nei i konei, ki nga whakaaro tapu, e tae ai matou ki te ora tonu, i runga i nga mahi pai a tau Tama, a to matou Ariki, a Ihu Karaiti. Amine.
 

He Inoi me te Tangata e pouri ana, e whakararua ana te ngakau.

E IHOWA, ko koe te Matua o nga mahi tohu, te Atua hoki o nga whakamarietanga katoa; He inoi atu tenei na matou ki a koe, kia titiro iho koe me te aroha, me te atawhai ano, ki tenei pononga au, e nui nei tona pouri. E tuhituhia nei e koe nga mea whakapauri mona, e meinga nei e koe ona hara tawhito kia taimaha ki a ia; tenei tau riri te pehi nei i a ia, e ki ana hoki tona wairua i te pouri: otiia, e te Atua tohu, n au ano tau Kupu tapu i mea kia tuhituhia, hei ako i a matou, kia whai tumanakohanga atu ai matou i te mea e whakamanawanui ana e whakamarietia ana e taua Karaipiture; mau ia e mea kia matau ki a ia ano, ki au kupu whakawehi, me au kupu whakahari ano hoki; kei whakarere noa ia i tana whakaaro atu ki a koe, kei whakawhirinaki atu hoki ia ki tetahi mea ke. Meinga kia kaha ia i ona whakamatautauranga katoa, whakakahoretia ano hoki ona mate katoa. Aua te kakaho maru whatiia rawatia, aua ano hoki te muka pongere e tineia. Aua ra au mahi tohu, mahi aroha e tuta kina atu ki roto ki te riri; engari me mea ano ia kia rongo i te hari, i te koa, kia hari ai nga wheu a ku a  whatiia nei e koe. Whakaorangia ake ia i te mataku ki te hoa riri, meinga te maramatanga o tou kanohi kia whiti mai ki a ia, homai hoki ki a ia te tino marietanga; kia whakaaro hoki koe ki nga mahi wawao a to matou Ariki, a Ihu Karaiti. Amine.
 

TE
TANGOHANGA A TE TURORO
I TE HAPA TAPU.

¶ He tini nga mate, nga aitua pa whakarere, e tata ana ki nga tangata katoa, e kore ai e mohiotia, ko anea ranei mahne ai tenei ao; no reira, nie ata ako nga Minita i nga tangata, kia makara ki te kaere tonu ki te Hapa Тapu o te Tinana, o te Toto, o to tatou Kai whakaora, o te Karaiti, ua takoto i te whare Karakia, kia rite ai ratou me te haerenga atu i konei, ina pai te Atua ki te karanga i a ratou; kia nui rama ano hoki te tohe i nga po mate turoro, i nga ma e horapa nui ai te mate ki te tini o te tangata; kei pouri ratou ki te rokokanga e te mate pa whakarere, e kore ai e ahei te tango i te Hapa. Otiia ki te kore e ahei i te turoro te kaere atu ki te whare Karakia, me te hiahia ano ia kia tango i roto i tona mkare, me korero wame e ia ki te Minita, ka whakaatu ono hoki i ona hoa hei tango tahi; ko te tikanga kia tokotoru, ka here, kia tokorua; a ka oti nga mea te taka, te mkakariterite, ki te whare o te turoro, kia ahua pai ai te meatanga, ka kaere atu te Minita, ka mea ano i te Hapa Tapu, ka timata ki tenei Inoi, ki tenei Tuhituhi me tenei Rongo Pai e takoto atu nei.
 

TE INOI.

E TE Atua Kaha rawa, ora tonu, e te Kai hanga i nga tangata katoa, e whakatikatikaia ana e koe te hunga e arohaina ana e koe, e whiua ana hoki e koe te hunga katoa e manakohia ana e koe; He inoi atu tenei na matou ki a koe kia tohungia tenei pononga au, kua pakia nei e tou ringaringa, meinga hoki kia manawanui ia ki tona matenga, a, ki te pai koe, whakaarahia ake ano ki te ora; a, a te ra e motuhia ketia ai tona wairua i tona tinana, kia tu hara kore ia ki tou aroaro, ko Ihu Karaiti hoki to matou Ariki. Amine.
 

TE TUHITUHI. Hiperu xii. 5.

E TAKU tamaiti, kaua e whakahawea ki ta te Ariki papaki, kei ngakaukore hoki ina riria e ia: e papaki ana hoki te Ariki ki tana e aroha ai, e whiua ana hoki e ia nga tamariki katoa e whakatamarikitia ana ki a ia.
 

TE RONGO PAI. Hoani v. 24.

HE pono, he pono taku e mea atu nei ki a koutou, Te tangata e rongo ana ki taku korero, a e whakapono ana ki toku kai tono mai, he oranga tonutanga tona; e kore ano hoki ia e riro ki roto ki te whakamatenga, engari kua whiti atu i te mate ki te ora.

¶ Ka mutu anei, kia rite te Karakia a te Minita ki te mea i whakaritea me te Hopa Tapu, me timata ki tenei kupu, ara, [E te Hunga e tino ripeneta ana, &o.]

¶ I te tuwhanga o te Hakarameta tapu, ko te Minita e matua tango, meireira ko era atu whakaritea hei tango, a muri rawa iho ko te turoro.

¶ Heoi, ki te kore tetahi e tango i te Hakarameta o te Tinana, o te Toto o te Karaiti, he nui no tona mate, he korenga ranei kia korerotia ki te Minita, he tangata kore ranei hei tango tahi me ia, he aha atu, mea tika ranei, me whakaako e te Minita ki te tangata mate, ki te ripeneta pono ia ki ana kara, me te whakapono pu ki to Ihu Karaiti matenga i runga i te Ripeka, ki te hekenga ano hoki o ona Toto hei hoko i a ia, me te mahara ano, me te whakawhetai ano me aua mea, ahakoa e kore tona mangai e kai i te Hakarameta, e kai ana ano tona wairua, e whai pai ana i te Tinana, i te Toto o to tatou Kai Whakaora, o te Karaiti.