TE TIKANGA MO TE

MOTUHANGA I TE TANGATA

HEI

PIRITI.

¶ Kia taea te ra i whakaritea e te Pihopa, kia mutu hoki nga Inoi o te Ata, ko reira te Kauwhau hei whakaatu i te maki ma te kunga e motuhia ana hei Piriti, i te paio taua tu Minita mo te Hahi a Te Karaiti, me te tikanga mote whakaaro a nga tangata ki a ratou, ki ta ratou mahi.

¶ Kote hunga meake nei motuhia hei Piriti, kia matua tukua ki te Pihopa, i te mea e noho ana ia ki runga ki tona nohoanga i tewahi e tata ana ki te Tepara tapu, e te Atirikona (e te tangata ranei i whakaritea hei whakakapi mona i te mea e ngare atu ana ia) whakakakahu rawa hoki taua hunga ki te kakahu e tau ana, kia penei hoki tana ki atu.
 

E TE Matua i roto i te Atua, he tuku atu tenei naku i enei tangata e tu nei ki a koe, kia motuhia hei Piriti.

Te Pihopa.

KIA tupato ki nga tangata e tukua mai e koe ki a au, hei te hunga mohio, e pai ana te whakahaere, e tau ana hei whakarite i te mahi minita, kia whai kororia ai te Atua, kia whai pai ai hoki tana Hahi.

Me whakaheki ake e te Atirikona.

KUA uiuia ratou e ahau, e mea ana hoki ahau he pena enei tangata.

¶ Katahika ki atu te Pihopa ki te Whakaminenga.

E HOA ma, ko nga tangata enei e mea nei ahau, ki te pai te Atua, kia whakaurua aianei ki roto ki te mahi tapu a te Piriti: kua oti hoki ratou te uiui, ka kitea hoki kua tika to ratou karangatanga ki tenei mahi minita, he tangata pai hoki ratou hei whakarite i taua mahi. Heoi, ki te mea e mohiotia ana e tetahi o koutou tetahi hara nui o tetahi o ratou, tetahi mea ke ranei, e kore ai e tika kia uru ia ki tenei minitatanga tapu, whakatika mai i runga i te ingoa o te Atua, whakaaturia mai hoki taua hara, taua mea ke ranei.

¶ A, kie tw tehaiaatwia mai tetahi hara nui, titahi atu mea whakakahore rtmei, iaua û Pihopa e wtonatu i taua tangata hii PiriH kia hitea ra ano te iorenga o taua hari i aia.

¶ Hei komei ka tukua e te Pihopa nga tangata, kahore nei i whakahengia to ratou motuhanga hei Piriti, ki nga Inoi a te Whakaminenga; me waiata hoki, me korero ranei e ia, e nga minita, e nga tangata, te Ritani, me nga Inoi, kia rite ki te mea i whakaritea mo te Motuhanga i te tangata hei Rikona; otira ko tenei kupu ko “Rikona” e kape i roto i te inoi mo nga Rikona, ko “Piriti” e whakanoho ki roto.

¶ Katahi kta waiatatia, ka korerotia ranei te karakia o te “KAINGA TAHITANGA TAPU,” me tenei Inoi, me tenei Tuhituhi, me tenei Rongo pai, i raro iho nei.
 

TE INOI.

E TE Atua Kaha rawa, e te Kai homai o nga mea pai katoa; Nau, ara, na tou Wairua Tapu i whakarite nga tu Minita mo te Hahi: Tirohia atawhaitia enei pononga au, kua karangatia nei ki te mahi Piriti: whakaki a ratou ki tau akoranga pono, meingar kia harakore to ratou noho, kia pono hoki ta ratou minita ki a koe, ara, kia pai a ratou kupu, a ratou mahi kia whakakororiatia ai tou Ingoa, kia whiwhi ai hoki to Hahi ki te pai: he pai hoki te mahi a to matou Kai whakaora, a Ihu Karaiti, e ora iia, e kingi tahi na, me koe, me te Wairua Tapu, aianei, a, ake, ake, ake. Amine.
 

TE TUHITUHI, Epeha iv. 7.

KUA oti te aroha noa te homai ki tenei, ki tenei o tatou, i runga i te mehua o ta te Karaiti homaitanga. Na reira hoki ia i mea ai, Tona kakenga atu ki runga, whakaraua ana e ia nga whakarau, a hoatu mea ana ia ma nga tangata. (Na, tona kakenga ki runga ra, he aha to tena, ki te kahore ia i matua heke atu ki nga wahi o raro rawa o te whenua? Tera i heke atu ra, ko ia ano i kake atu nei ki runga ake i nga rangi katoa, kia ki ai iiga mea katoa i a ia.) A homai ana e ia, ko etahi, hei apotoro; ko etahi, hei poropiti; ko etahi, hei kai kauwhau i te Rongo pai; ko etahi, hei hepara, hei kai whakaako; kia tino rite ai te hunga tapu, he mea mo te mahi minita, hei hanga i te whare, ara, i te tinana o te Karaiti: kia tae katoa ra ano tatou ki te kotahitanga o te whakapono, o te matauranga hoki ki te Tama a te Atua, ki te tino tangata, ki te mehua o te tino kaumatuatanga e tutuki ai ki to te Karaiti.

¶ Muri iho i tenei me korero hei Rongo pai ko tetahi wahi o te iwa o nga upoko o ta Matiu, ara ko tenei.
 

MATIU ix. 36.

TONA kitenga i nga mano, ka toko ake tona ngakau aroha ki a ratou, e mauiui ana hoki ratou, e marara ke ana, me he hipi hepara kore. Katahi ia ka mea ki ana akonga, Ko te kotinga e nui ana, ko nga kai mahi e ruarua ana; na, inoi atu ki te Ariki nana te kokinga, kia tonoa mai e ia he kai mahi ki tana kotinga.

¶ Ko tenei mahi ranei o te tekau o nga upoko o ta Hoani.

HOANI x. 1.

HE pono, he pono, takti e mea atu nei ki a koutou, Ki te kahore tetahi e tomo ra te kuwaha ki te kainga hipi, a ka piki ke, he tahae ia, he tangata pahua. Tena, ko te tangata e tomo ana ra te kuwaha, ko te hepara ia o nga hipi. Ka uaki te kai tiaki tatau ki a ia; a ka rongo nga hipi ki tona reo: na, ka karangatia e ia ana hipi ake, to tenei ingoa, to tenei ingoa, a ka arahina ki waho. A ka oti ana ake hipi te tuku ki waho, ka haere ia ki mua i a ratou, a ka aru nga hipi i a ia; e matau ana hoki ratou ki tona reo. E kore ia ratou e aru i te tauhou; engari ka oma i a ia: e kore hoki e matau ki te reo o nga tauhou. I korerotia tenei kupu whakarite e Ihu ki a ratou: heoi, kihai ratou i mohio ki nga mea i korerotia e ia ki a ratou. Na, ka mea ano a Ihu ki a ratou, He pono, he pono, taku e mea atu nei ki a koutou, Ko ahau te tatau o nga hipi. He tahae, he kai pahua, te hunga katoa i haere mai i mua i a au: heoi, kihai nga hipi i whakarongo ki a ratou. Ko ahau te tatau: ki te waiho ahau hei huarahi tomokanga atu ma tetahi, e ora ia; a ka haere ki roto, ka haere ki waho, ka kite hoki i te kai. Heoi ano ta te tahae e haere mai ai, he tahae, he patu, he whakamoti hoki: i haere mai ahau kia whiwhi ai ratou ki te ora, ina, tona nui noa atu. Ko ahau te hepara pai: he hepara pai, ka tuku i a ia ano kia mate mo nga hipi. Tena, ko te tangata e utua ana, ehara nei i te hepara, ehara nei i a ia nga hipi, tona kitenga i te wuruhi e haere mai ana, whakarerea ake e ia nga hipi, oma ana: na ka hopukia ratou e te wuruhi, a whakamararatia ana nga hipi. Ka oma te tangata e utua ana, no te mea e utua ana ia, a kahore ana whakaaro ki nga hipi. Ko ahau te hepara pai; e matau ana hoki ki aku, a e matauria ana ahau e aku. Rite touu ki to te Matua matauranga ki a au, toku matauranga hoki ki te Matua: e tuku ana ano hoki ahau i a au ki te mate mo nga hipi. He hipi atu ano aku, ehara nei i tenei kainga: me arahi mai ratou e ahau, a ka ronga ratou ki toku reo; a e whakakotahitia te kahui, kotahi ano hoki hepara.

¶ Hei kanei ka noho te Pihopa hi tona nohoanga, ka penei ai he korero atu mana ki a ratou.

KUA rongo koutou, e hoa ma, i te mea e uia pukutia ana koutou, i te kauwhau ano hoki kua kauwhautia nei ki a koutou, i nga wahi hoki o te Karaipiture Tapu, ara, o te Rongo pai, o nga pukapuka a nga Apotoro, ki te honore, ki te ahua nui hoki o tenei mahi e karangatia nei koutou ki te whakarite. He whakahau atu ano hoki tenei naku i a koutou, i runga i te Ingoa o to tatou Ariki, o Ihu Karaiti, kia noho mahara tonu koutou ki te nui o te honore, ki te uaua o te mahi, e tukua atu nei ki a koutou, ara, kia waiho koutou hei karere, hei kai mataara, hei tuari ma te Ariki; hei whakaako, hei whakatupato, hei whaogai, hei rapu oranga mo nga tamariki a te Ariki; hei rapu i nga hipi a Te Karaiti kua marara noa atu, i ana tamariki hoki, e noho nei i roto i tenei ao kino, kia ora ai ratou i runga i a te Karaiti, a, ake tonu atu.
    Mo konei, kia mau tonu i roto i o koutou mahara, me te mea i tuhituhia ki reira, te nui o te taonga e tukua atu nei kia tiakina e koutou. Ko nga hipi hoki enei a Te Karaiti i hokona nei e ia ki tona matenga, mo ratou nei hoki ona toto i whâkahekea ra. Te Hahi, ara, te Whakaminenga hei mahinga ma koutou, ko tana Wahine, ko tona Tinana. Ki te pono mai hoki tetahi mate, tetahi raruraru ranei, ki taua Hahi, ki tetahi ranei o nga wahi o taua Hahi, he mea na to koutou mangere, e mohio ana koutou ki te nui o tena he, ki te ahua mataku hoki o tona whiu e takoto ake nei. Heoi, me ata whakaaroaro i roto i a koutou te take o ta koutou mahi minita, ara, te wahi ki nga tamariki a te Atua ki te Wahine a Te Karaiti, ki tona Tinana: kia tupato kei whakamutua e koutou te mahi, te whakaputa i te uaua, a, kia oti ra ano nga mea katoa e taea ana e koutou, nga mea kua oti te whakatuturu hei mahi ma koutou, kia meinga nga tangata katoa e tukua atu kia tiakina e koutou kia tino rite i runga i te whakapono, i te matauranga hoki ki te Atua, kia tutuki atu ano hoki ki te tino kaumatuatanga i roto i a Te Karaiti, kia kore rawa ai he wahi i roto i a koutou mo te akoranga pohehe i nga mea o te Karakia, mo te mahi tutu ranei.
    Ma te nui o te honore, ma te nui o te uaua o te mahi ma koutou, ka mohio ai koutou ki tenei, ara, kua takoto te tikanga kia whakapaua o koutou ngakau, me o koutou whakaaro katoa kia kitea to koutou rongo, me to koutou ngakau whakawhetai ki te Ariki, nana nei koutou i whakawhiwhi ki tenei honore nui; kia tupato hoki kei he koutou, kei ai ranei koutou hei take e he ai etahi atu tangata. Otiia e kore koutou ake ano e whai ngakau, e whai hiahia, ki enei mea: ma te Atua anake hoki e homai taua hiahia, taua kaha; heoi, kua takoto te tikanga kia kaha rawa ta koutou inoi kia tukua mai tona Wairua Tapu. Kahore atu he mea e taea ai te whakarite tenei tu mahi taimaha, he mea hoki mo te whakaoranga o.te tangata, ko te kupu ako anake, ko te kupu whakahau, o roto o nga Karaipiture tapu, me te mahi hoki e rite ana ki aua Karaipiture. Mo konei kia mahara ki te whakaputa i te uaua, ki te korero, ki te ako i nga Karaipiture, ki te mea hoki i a koutou mahi, i nga mahi hoki a nga tangata o o koutou whare, kia rite ki nga tikanga o aua Karaipiture; i rungi hoki i tenei whakaaro, ki te taea, me whakarere te manukanuka, te whakaaroaro ki nga mea o tenei ao.
    E mea ana ahau, tenei kua ata whakaaroa noatia ake enei mea e koutou kua oti hoki te whakapumau to koutou whakaaro, i runga i te kaha o te Atua, kia whakapaua o koutou ngakau ki tenei mahi, kua whakaritea nei e te Atua hei mahi ma koutou; kia whakaputaia to koutou uaua ki taua mea tahi; kia wkakaangaa ki konei o koutou whakaaro katoa me a koutou mahi; kia tohe tonu hoki ki te inoi atu ki te Atua Matua, i runga i te mahi wawao a to tatou Kai whakaora, a Ihu Karaiti, kia tukua mai i te Rangi te kaha o te Wairua Tapu; kia ahua pakari ai, kia kaha haere ai ta koutou mahi minita, i te mea e korerotia ana, e whakaaroarohia ana e koutou nga Karaipiture i tenei ra, i tenei ra; kia tohe tonu ai hoki koutou, i nga wa katoa, ki te whakatapu i nga mahi a koutou ko nga tangata o o koutou whare, kia rite ki te tikanga i whakatakotoria, i whakaakona mai e Te Karaiti, kia ai a koutou mahi pai hei tauira mo nga tangata.
    Ko tenei hoki, kia matau ai tenei whakaminenga a Te Karaiti, e noho nei, ki te nui o to koutou ngakau, o to koutou hiahia ki enei mea; kia waiho ano hoki kua kauwhautia nei ki a koutou, i nga wahi hoki o te Karaipiture Tapu, ara, o te Rongo pai, o nga pukapuka a nga Apotoro, ki te honore, ki te ahua nui hoki o tenei mahi e karangatia nei koutou ki te whakarite. He whakahau atu ano hoki tenei naku i a koutou, i runga i te Ingoa o to tatou Ariki, o Ihu Karaiti, kia noho mahara tonu koutou ki te nui o te honore, ki te uaua o te mahi, e tukua atu nei ki a koutou, ara, kia waiho koutou hei karere, hei kai mataara, hei tuari ma te Ariki; hei whakaako, hei whakatupato, hei whangai, hei rapu oranga mo nga tamariki a te Ariki; hei rapu i nga hipi a Te Karaiti kua marara noa atu, i ana tamariki hoki, e noho nei i roto i tenei ao kino, kia ora ai ratou i runga i a te Karaiti, a, ake tonu atu.
    Mo konei, kia mau tonu i roto i o koutou mahara, me te mea i tuhituhia ki reira, te nui o te taonga e tukua atu nei kia tiakina e koutou. Ko nga hipi hoki enei a Te Karaiti i hokona nei e' ia ki tona matenga, mo ratou nei hoki ona toto i whakahekea ra. Te Hahi, ara, te Whakaminenga hei mahinga ma koutou, ko tana Wahine, ko to na Tinana. Ki te pono mai i hoki tetahi mate, tetahi raruraru ranei, ki taua Hahi, ki te i tahi ranei o nga wahi o taua Hahi, he mea na to koutou mangere, e mohio ana koutou ki te nui o tena he, ki te ahua mataku hoki o tona whiu e takoto ake nei. Heoi, me ata whakaaroaro i roto i a koutou te take o ta koutou mahi minita, ara, te wahi Ki nga tamariki a te Atua ki te Wahine a Te Karaiti, ki tona Tinana: kia i tupato kei whakamutua e koutou te mahi, te whakaputa i te uaua, a, kia oti ra ano; nga mea katoa e taea ana e koutou, nga mea kua oti te whakatuturu hei mahi ma koutou, kia meinga nga tangata katoa e tukua atu kia tiakina e koutou kia tino rite i runga i te whakapono, i te matauranga hoki ki te Atua, kia tutuki atu ano hoki ki te tino kaumatuatanga i roto i a Te Karaiti, kia kore rawa ai he wahi i roto i a koutou mo te akoranga pohehe i nga mea o te Karakia, mo te mahi tutu ranei.
    Ma te nui o te honore, ma te nui o te uaua o te mahi ina koutou, ka mohio ai koutou ki tenei, ara, kua takoto te tikanga kia whakapaua o koutou ngakau, me o koutou whakaaro katoa kia kitea to koutou rongo, me to koutou ngakau whakawhetai ki te Ariki, nana nei koutou i whakawhiwhi ki tenei honore nui; kia tupato hoki kei he koutou, kei ai ranei koutou hei take e he ai etahi atu tangata. Otiia e kore koutou ake ano e whai ngakau, e whai hiahia, ki enei mea: ma te Atua anake hoki e homai taua hiahia, taua kaha; heoi, kua takoto te tikanga kia kaha rawa ta koutou inoi kia tukua mai tona Wairua Tapu. Kahore atu he mea e taea ai te whakarite tenei tu mahi taimaha, he mea hoki mo te whakaoranga o te tangata, ko te kupu ako anake, ko te kupu whakahau, o roto o nga Karaipiture tapu, me te mahi hoki e rite ana ki aua Karaipiture. Mo konei kia mahara ki te whakaputa i te uaua, ki te korero, ki te ako i nga Karaipiture, ki te mea hoki i a koutou mahi, i nga maiii hoki a nga tangata o o koutou whare, kia rite ki nga tikanga o aua Karaipiture; i rungi hoki i tenei whakaaro, ki te taea, me whakarere te manukanuka, te whakaaroaro ki nga mea o tenei ao.
    E mea ana ahau, tenei kua ata whakaaroa noatia ake enei mea e koutou kua oti hoki te whakapumau to koutou whakaaro, i runga i te kaha o te Atua, kia whakapaua o koutou ngakau ki tenei mahi, kua whakaritea nei e te Atua hei mahi ma koutou; kia whakaputaia to koutou uaua ki taua mea tahi; kia whakaangaa ki konei o koutou whakaaro katoa me a koutou mahi; kia tohe tonu hoki ki te inoi atu ki te Atua Matua, i runga i te mahi wawao a to tatou Kai whakaora, a Ihu Karaiti, kia tukua mai i te Rangi te kaha o te Wairua Tapu; kia ahua pakari ai, kia kaha haere ai ta koutou mahi minita, i te mea e korerotia ana, e whakaaroarohia ana e koutou nga Karaipiture i tenei ra, i tenei ra; kia tohe tonu ai hoki koutou, i nga wa katoa, ki te whakatapu i nga mahi a koutou ko nga tangata o o koutou whare, kia rite ki te tikanga i whakatakotoria, i whakaakona mai e Te Karaiti, kia ai a koutou mahi pai hei tauira mo nga tangata.
    Ko tenei hoki, kia matau ai tenei whakaminenga a Te Karaiti, e noho nei, ki te nui o to koutou ngakau, o to koutou hiahia ki enei mea; kia waiho ai hoki tenei kupu a koutou hei mea i a koutou kia anga nui ki te mahi: me whakahoki marama mai e koutou he kupu ki enei patai ka makaa atu nei e au ki a koutou mo enei mea, i runga i te ingoa o te Atua, o tana Hahi hoki.
 

E mea ana ranei koutou i roto i o koutou ngakau, be pono to koutou karangatanga i runga i te whakaaro a to tatou Ariki, a Ihu Karaiti, i runga hoki i te tikanga o tenei Hahi, ki te minitatanga, ki te mahi a te Piriti?
    Kupu Whakahoki. E pena ana toku whakaaro.

Pihopa.

E MOHIO ana ranei koutou ki nga Karaipiture, e kite a nuitia ana ki reira nga mea katoa hei akoranga ma te tangata, e whiwhi ai ki te Qranga tonutanga, i runga i te whakapono ki a Ihu Karaiti? Kua takoto rauei to koutou whakaaro mo nga tangata e tukua ki a koutou, kia whakaakona ratou ki nga mea o roto o aua Karaipiture, kia kaua hoki e whakaakona tetahi mea ke atu, hei mea e ora ai te tangata, ko nga mea anake, e mohio ana koutou e taea te whakapumau ki te Karaipiture?
    Kupu Whakahoki. E mohio ana ahau ki enei mea, kua takoto hoki toku whakaaro kia pena ahau, i runga i te kaha o te Atua.

Pihopa.

E WHAKAPUTAIA rawatia ranei to koutou uaua kia rite tonu i nga wa katoa ta koutou minita i te akoranga a te Karaiti, i ana Hakarameta, i ana tikanga, ki ta te Ariki i whakahau mai ai, ki ta tenei Hahi hoki i whakaae ai, kia rite ki' nga ture a te Atua; kia whakaakona ai e koutou nga tangata e tukua ki a koutou kia uaua tonu ratou ki te pupuri i aua mea?
    Kupu Whakahoki. Ka pena ahau, ki te awhinatia raai e te Ariki.

Pihopa.

E WHAKAPUTAIA rawatia ranei to koutou uaua ki te pana, ki te pei atu, i nga akoranga pohehe katoa, i nga mea ahua ke, kahore nei e rite ki ta te Atua Kupu; ki te whakatupato hoki, ki te whakahau, i nga turoro, i nga tangata ora o nga wahi e tukua ki a koutou; kia meatia pukutia hoki tenei, kia meatia nuitia ranei, hei te tu kupu e tika ana, e pai ana, mo tenei wa, mo teuei wa?
    Kupu Whakahoki. Ka pena ahau, ma te Ariki hoki ahau e awhina.

Pihopa.

E UAUA ranei koutou ki te inoi, ki te korero i nga Karaipiture Tapu, ki te mahi hoki i era atu mea e nui ai to koutou matau ki aua mea; me te whakarere i te whakaaro ki nga mea o te ao, o te kikokiko?
    Kupu Whakahoki. Ka tohea tena e ahau; ma te Ariki ahau e awhina.

Pihopa.

E UAUA ranei koutou ki te mea i a koutou ano, i nga tangata hoki o o koutou whare, kia rite ki ta te Karaiti i whakaako mai ai, kia ai ko koutou ko ratou hoki, hei tauira ki te kahui a te Karaiti mo nga mahi pai?
    Kupu Whakahoki. Ka anga ahau ki to mahi i tena; ma te Ariki hoki ahau e awhina.

Pihopa.

E WHAKAPAUA ranei to koutou uaua ki te tohe ki nga tangata e tukua ki a koutou, ki nga tangata katoa ano hoki a te Karaiti, kia noho i runga i te rangimarie, i te rongo mau, i te aroha?
    Kupu Whakahoki. Ka pena ahau, ma te Ariki hoki ahau e awhina.

Pihopa.

E ATA rongo ranei koutou ki to koutou kai whakariterite, ki era atu Minita nui hoki e whakaritea hei kai whakahaere tikauga mo koutou, hei kai tirotiro i a koutou; e kakama ranei koutou ki te whakarite i a ratoa whakahau tika?
    Kupu Whakahoki. Ka pena ahau, ma te Ariki hoki ahau e awhina.

¶ Katahi te Pihopa ha whakatika ka mea,

MA te Atua Kaha rawa, nana nei i tuku mai ki a koutou te ngakau mo tenei mahi: mana ano hoki e homai he kaha, e rite ai enei mea i a koutou, kia whakaotia ai e ia te mahi kua timataia nei e ia i roto i a koutou; ko Ihu Karaiti hoki to tatou Ariki. Amine.

¶ Ka mutu tenei, me whakahau te whakaminenga kia inoi puku atu ki te Atua no enei mea katoa; kia nohopuku hoki nga tangata katoa mo tetahi takiwa, he mea mo aua Inoi.

¶ Muri iho (kia tuturi tonu nga tangata e motuhia ana hei Piriti.) me waiata, me kerero ranei, e te Pihopa, te Himene, “E te Wairua Kai-hanga,” ma te Pihopa tetahi rurangi, ma nga Piriti ratou ko era atu tangata e korero tetahi rarangi, kia rite ki tenei e takato nei.
 

E te Wairua Kai-hanga
O te ngakau taogata,
Heke iho, tou kaha
Homai hi o pononga.

Oha a te Rungarawa,
Hei kai whakamarire,
Ahi, Aroha, Wai ora,
Hinu whakawahinga.

Takiwhitu au mea homai,
Ringa o te Atua:
Ta te Matua i ki mai
Hei whakaako korero.

Mau te marama e homai,
Matapuna aroha;
Mana tonu tou kaha
Ki o matou tinana.

Mau e arai te hoariri;
Mau e ata noho ai.
Matou ata arahina
Kia atea ai i te he.

Homai au mea whakahari,
Me au tohu atawhai;
Whakangaromia te whainga
Runga i te Rongo mau.

Meinga matou kia whakaae
Ki te Matua aroha,
Ki te Tama atawhai,
Ki to raua Wairua.

A, kia puaki he moemiti
Ki te Tokotoru pai:
Ko te Wairua whakahari,
Hei a matou noho ai.

¶ Ka mutu tenei, kia penei te inoi a te Pihopa, hia mea hoki ia,

Tatou ka inoi.

ETE Atua Kaha rawa, e te Matua i te Rangi, na te nui o tou aroha ki a matou, i homai ai e koe tau Tama kotahi, e arohaina nuitia nei e koe, a Ihu Karaiti, hei Kai hoko i a matou, e whiwhi ai matou ki te oranga tonutanga; a, i te mea kua oti matou te hoko ki tona matenga, kua kake atu hoki ia ki te Rangi, i tonoa e ia ki te ao ana Apotoro, Poropiti, Kai kauwhau i te Rongo pai, Hepara, Kaiwhakaako, kia kohikohia ai, i runga i ta ratou mahi minita, he kahui nui i nga wahi katoa o te ao, hei whakapuaki i te whakamoemiti ki tou îngoa Tapu, a, ake, ake, ake. E whakawhetai atu ana matou ki a koe, e whakamoemiti ana, e koropiko ana ki a koe mo enei mea nui, i tukua mai e tou whakaaro aroha o mua iho; mou ano hoki kua pai ki te karanga. i enei pononga au ki taua mahi minita i whakaritea nei hei mea e whai oranga ai te tangata; e inoi atu ana hoki matou ki a koe, i runga i te Ingoa o taua Tama tapu au, kia tukua mai ki a matou ki te hunga katoa ano hoki o era atu wahi e karanga atu ana ki tou Ingoa Tapu, kia noho tonu i runga i te ngakau whakawhetai ki a koe mo enei, mo era atu mea pai katoa hoki, kua homai e koe; kia tupu ai, kia kake haere ai to matou matau, to matou whakapono ki a korua ko to Tama, he mea na te Wairua Tapu; kia ai hoki enei Minita au, me nga tangata hoki e whakaritea hei minitatanga ma ratou hei whakakororia i tou Ingoa, hei whakanui i tou Rangatiratanga Tapu; ko taua Ihu Karaiti hoki to matou Ariki, e ora na, e kingi tahi na, me koe, me te Wairua Tapu, a, ake ake ake. Amine.

¶ Kia mutu tenei Inoi, me popoki iho nga ringaringa o te Pihopa, o nga Piriti ano hoki, ki runga ki te upoko o tenei, o tenei, o te hunga e motuhia ana hei Piriti, me te tuturi tonu taua hunga, me te ki ano te Pihopa,
 

KIA riro i a koe te Wairua Tapu, kia whai mana ai to mahi i te mahi a te Piriti i roto i te Hahi a te Atua, e tukua atu nei ki a koe, he mea na te whakapanga atu o o matou ringaringa. Ki te whakarerea e koe nga hara o tetahi tangata, ka whakarerea; ki te whakamaua nga hara o tetahi e koe, ka mau ano. Kia pono tau minita i te Kupu a te Atua, i ana Hakarameta tapu; i runga i te Ingoa o te Matua, o te Tama, o te Wairua Tapu. Amine.

¶ Katakahoatuete Pihopa te Paipera ki tenei, ki tenei, o ratou i te mea e tuturi ana ano, me hoatu rawa ki roto ki tona ringa me te ki ana ia,

KIA riro i a koe te mana mo te kauwhau i te Kupu a te Atua, mo te minita i nga Hakarameta tapu ki te Wakaminenga, e whakaritea tikatia hei minitatanga mau.

¶ Ka mutu tenei, me waiata, me korero ranei te Whakapono o Naihia, me te Pihopahoki e korero te wahi e toe ana o te Karakia o te Kainga tahitanga Tapu: kia kai tahi hoki i te Hapa a te Ariki te hunga katoa i motuhia nei hei minita, kia noho tonu hoki ratouki te wahi i whakapakia ai ratou, a, kia tango ra ano i te Hapa.

¶ Te mutunga o te Hapa, o te inoi whakamutunga hoki, i te mea kahore ano kia korerotia te manaakitanga, me korero enei Inoi.

E TE Matua tino atawhai, he inoi tenei na matou ki a koe kia tukua mai ki enei pononga au, tau manaakitanga i runga i te Rangi, kia whakakakahuria ai ratou ki te tika, kia whai mana ai hokitau kupu e whakapuakina e o ratou mangai, kia kaua hoki e hua-kore ina whakapuakina. Tukua mai hoki ki a matou tou Wairua Tapu, kia whakarongo ai matou ki nga mea katoa e meatia mai e ratou i roto i tau Kupu tapu rawa, ki nga mea hoki e rite ana ki taua Kupu; kia tango ai hoki matou i aua mea, hei mea e whai oranga ai matou; kia whai kororia ai koe i a matou kupu katoa, i a matou mahi, kia nui haere ai hoki tou Rangatiratanga; ko Ihu Karaiti hoki to matou Ariki. Amine.

HEI mua koe i a matou, e Ihowa, hei tohutohu i a matou mahi katoa; ko koe ano hoki hei whakakaha i a matou, kia whai kororia ai koe i a matou mahi katoa, he mea timata, he mea mahi, he mea whakaoti i roto i a koo; kia whiwhi ai hoki matou ki te ora tonu i te mea e atawhaitia nei e koe; ko Ihu Karaiti hoki to matou Ariki. Amine.

MA te marie kore nei e a te Atua, e taea te whakaaro, e mea o koutou ngakau, o koutou hinengaro, kia te i runga i te matauranga, i te aroha, ki te Atua, ki tana Tama ano hoki, ki to tatou Ariki, ki a Ihu Karaiti: kia mau, kia te tonu hoki ki a koutou, te manaakitanga a te Atua Kaha rawa, a te Matua, a te Tama, a te Wairua Tapu. Amine.

¶ Ki te motuhia i taua ra tahi, ko etahi hei Rikona, ko etahi hei Piriti, ko nga Rikona e matua tukua ki te Pihopa, muri iho ko nga Piriti: kia kotahi ano hoki korerotanga i te Ritani ma ratou katoa. Me korero ano nga inoi e rua; ko te mea ma nga Rikona i te tuatahi, muri iho ko te mea mo nga Piriti. Te Tuhituhi ko Epeha iv. 7-13. Muri iho i te Tuhituhi, me uiui, me whakapa nga Rikona, kia rite ki te tikanga kua whakatakoteria i runga ake nei. A, ka oti te korero e tetahi o ratou te Rongo Pai, (ko ta Motiu ranei, upoko ix. 36-38, ko ta Ruka ranei, upoko xii, 35-38,) katahi ka uiuia, ka whakapakia hoki nga tangata e motuhia ana hei Piriti, kia, rita ki te tikanga kua takoto i runga ake nei.