¶ Me ki e te Tane:

E pai ana ahau.

¶ Me penei atu hoki te Minita ki te Wahine:

E —————, E pai ana koe ki tenei Tangata, hei tane marena mau, kia noho tahi korua i runga i te Marena tapu, kia pera ano me ta te Atua i whakarite ai? E rongo ranei koe ki a ia, e mahi i ana mahi, e aroha, e whakahonore, e tiaki i a ia, i te mate, i te ora; e whakarere hoki koe i era atu katoa, e u ki a ia anake, a mate noa tetahi o korua?

KO wai hei homai i tenei Wahine kia marenatia ki tenei Tangata?

¶ Me penei hoki ta raua whakaae ki a raua:

Me tango e te Minita te Wahine i nga ringaringa o tona Matua tane, o tetahi hoa ranei ona, me mea kia hopukia e te ringa matau a te Tane te ringa matau o te Wahine, kia korerotia ano hoki e ia enei kupu i muri i aia.
 

KO ahau, ko ———————, ka tango nei i a koe, e —————, hei wahine marena maku, ka pumau koe ki ahau aianei, a, ake tonu atu, i nga wa o te pai, i nga wa o te kino, ahakoa hua te taonga, ahakoa rawakore,ahakoa turoro, ahakoa tangata ora, ka aroha ahau ki a koe, ka atawhai, a wehea noatia ra ano taua e te mate, ka rite ano ki ta te Atua ture tapu; ko taku whakaaetanga tenei te tukua atu nei ki a koe.

¶ Na, ka tuku raua i o raua ringaringa; hei reira hoki hopukia ai e te ringaringa matau o te Wahine te ringaringa matau o te Tane, ka whakahua ai hoki ia i enei kupu a te Minita:

KO ahau, ko —————, ka tango nei i a koe, e ——————, hei tane marena maku, ka pumau koe ki ahau aianei, a, ake tonu atu, i nga wa o te pai, i nga wa o te kino, ahakoa hua te taonga, ahakoa rawakore, ahakoa turoro, ahakoa tangata ora, ka aroha ahau ki a koe, ka atawhai, ka whakarongo ano ahau ki a koe, a wehea noatia ra ano taua e te mate, ka rite ano ki ta te Atua ture tapu; ko taku whakaaeta-nga tenei te tukua atu nei ki a koe.

¶ Na, ka tuka ano raua i o raua ringaringa; e mt homai e te Tane te Mowhiti ki te Wahine, me waiho i runga i te pukapuka, me te mea ano i whakaritea ma te Minita. Me tango e te Minita te Mowhiti, ka hoatu ai ki te Tane, mana e kuhu ki te tuawha o nga maihao o te ringaringa maui o te Wahine. Me pupuri e te Tane te Mowhiti ki reira, Ita whakahua hoki i enei kupu: ma te Minita e ako atu:

HE marena tenei naku i a koe ki tenei Mowhiti, ka whakarangatira toku tinana i a koe, mou katoa hoki oku taonga i tenei ao: i runga i te Ingoa o te Matua, o te Tama, o te Wairua Tapu. Amine.

¶ Me whakarere atu e te Tane te Mowhiti ki te wha o nga maihao o te ringaringa maui o te Wahitu, a ka koropiko raua; ka penei atu hoki te Minita:

Kia inoi tatou.

E TE Atua ora tonu, ko koe te Kai hanga, te Kai tiaki i nga tangata katoa, ko koe te Kai homai i te kaha mo te wairua, Nau nei ano hoki te oranga tonutanga: Manaakitia iho enei pononga au, tenei tangata, tenei wahine, e mana-akitia nei e matou i runga i tou ingoa: kia rite raua ki a Ihaka raua ko Kipeka te noho tuturu ki a raua; kia rite i a raua te oati, me te kawenata kua wha-kaaetia nei e raua, (ko tona tohu nei tenei Mowhiti, i hoatu nei, i tangohia nei e raua,) kia noho tahi tonu hoki raua i runga i te aroha, i te pai, kia whakarite ano hoki i au ture; ko. Ihu Karaiti hoki to matou Ariki. Amine.

¶ Hei konei te Minita ka hono ai i o raua ringaringa matau, a ka penei atu:

KO a te Atua i hono ai, kaua e wehea e te tangata.

¶ Hei konei te Minita ka ki atu ai ki te whakaminenga:

NA, kua whakaae nei a —————, raua ko —————, kia honoa raua i runga i te marena tapu, kua puaki nui ano hoki ta raua kapu ki te aroaro o te Atua, o tenei hunga ano hoki, kua rite ano nga kupu a tetahi, a tetahi; kua whakakitea ano e raua ki te hoatutanga, ki te tangohanga mai o te Mowhiti, ki te hononga ano hoki o o raua ringarraga; Ka kiia raua e ahau, he Tane tupu, he Wahine tupu, i runga i te Ingoa o te Matua, o te Tama, o te Wairua Tapu. Amine.
  

¶ Na, me haere te Minita ki te Tepara a te Ariki, a ka korero, ka waiata ranai i tenei Waiata:

Waiata cxxviii.

KA hari nga tangata katoa e wehi ana i a Ihowa: e haere ana i ona ara.
    E kai hoki koe i te mahinga a on ringaringa: e hari koe, a ka tau te pai ki a koe.
    E rite to wahine ki te waina hua i nga taha o tou whare: o tamariki ki nga mahuri oriwa i nga taha o to tepara.
    Na, he pera te manaakitanga mo te tangata: e wehi ana i a Ihowa.
    Ka manaakitia mai koe e Ihowa i Hiona: a e kite koe ki te pai o Hiruharama i nga ra katoa e ora ai koe.
    Ae, e kite koe i nga tamariki a o tamariki: me te rongo i mau ana ki a Iharaira.

    Kia whakakororiatia te Matua te Tama: me te Wairua Tapu:
    Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine.

MA te Atua tatou e atawhai, mana tatou e manaaki: mana e mea kia tiaho mai tona mata ki a tatou.
    Kia matauria ai to ara ki runga ki te whenua: tau whakaoranga i roto i nga tauiwi katoa.
    Kia whakamoemiti nga iwi ki a koe, e te Atua: kia whakamoemiti nga iwi katoa ki a koe.
    Kia koa nga tauiwi, kia waiata i te hari: no te mea hoki ka tika tau whakaritenga whakawa mo nga iwi, a ka kawana koe i nga tauiwi o te whenua.
    Kia whakamoemiti nga iwi ki a koe, e te Atua: kia whakamoemiti nga iwi katoa ki a koe.
    Ka tuku mai te whenua i ona hua: a ka manaaki te Atua, to tatou Atua, i a tatou.
    Ka manaaki te Atua i a tatou: a ka wehi nga pito katoa o te whenua i a ia.

    Kia whakakororiatia te Ma-tua, te Tama: me te Wairua Tapu.
    Ko te ritenga ia i te tima-tanga, a teuei ano inaianei: a ka mau tonu iho, a, ake ake ake. Amine.

¶ Ka mutu te Waiata, me koropiko te Tane raua ko te Wahine ki mua o te Tepara o te Ariki, me tu te Minita ki te Tepara, me te anga atu ona kanohi ki a raua, ka mea ai ia:

    E Ihowa, tohungia matou.
    Ko te Nuinga. E te Karaiti, tohuugia matou.
    Ko te Minita. E Ihowa, tohungia matou.

E TO matou Matua i te rangi, Kia tapu tou Ingoa. Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine.

Ko te Minita. E Ihowa, whakaorangia enei pononga au, tenei tangata raua ko tenei wahine;
    Ko te Nuinga. E whakawhirinaki atu nei ki a koe.
    Ko te Minita. E Ihowa, homai he kaha ki a raua i tou wahi tapu;
    Ko te Nuinga. Tiakina hoki raua ake ake ake.
    Ko te Minita. Hei pa kaha koe mo raua;
    Ko te Nuinga. Kei taea e to raua hoa riri.
    Ko te Minita. E Ihowa, whakarongo mai ki ta matou iuoi.
    Ko te Nuinga. Kia tae atu hoki ki a koe ta matou karanga.
 

E TE Atua o Aperahama, e te Atua o Ihaka, e te Atua o Hakopa, manaakitia enei pononga au, ruia mai hoki nga purapura o te oranga tonutanga ki roto ki o raua ngakau; kia whakarite ai raua i nga mea katoa e matau ai raua o roto o au Kupu tapu. E Ihowa, titiro atawhai iho koe i te rangi ki a raua, manaakitia hoki raua ki te manaakitanga i whakaharitia ai a Aperahama raua ko Hera. Meinga raua kia whakarite i tau e pai ai, kia ora hoki i a koe te tiaki i nga wa katoa; kia pumau ai raua ki tou aroha, a, mate noa, ko Ihu Karaiti hoki to matou Ariki. Amine.

¶ Ki te mea kua ruruhitia te Wahine, me kape tenei Inoi.

E TE Ariki tohu, e te Matua i te rangi, nau nei te tangata i tini haere ai; He inoi atu tenei na matou kia mea koe i tenei hunga kia hua, kia tokomaha hoki a raua tamariki, kia roa ano hoki to raua noho tahi i runga i te aroha, i te tika, kia kite ai raua i a raua tamariki e tupu ake ana i runga i te pai, i runga i to te Karaiti ritenga, hei whakamoemiti i a koe; ko Ihu Karaiti hoki to matou Ariki. Amine.

E TE Atua, i mua, i te mea kahore noa iho he mea, i hanga e koe nga mea katoa, he nui hoki no tou kaha; a, ka oti nga mea katoa te whakapai, na, ka whakarite koe kia whai timatanga ake te wahine i roto i te tane, (i hanga ano hoki ia kia rite ki a koe,) a ka oti raua te hono e koe, na, ka ako mai koe, e kore e tika kia wehea te hunga kua whakakotahitia e koe i to raua Marenatanga: E te Atua, nau nei i whakatapu te Marena, hei whakaatu mai i te ahua o te Marenatanga, ara, o te whakakotahitanga o te Karaiti raua ko tana Hahi; Titiro atawhai iho ki enei pononga au, kia rite ai ki ta to Kupu te aroha o tenei tangata ki tana wahine, (pera hoki me te Kataiti i aroha nei ki tana wahine, ara, ki te Hahi, i tuku nei i a ia hei whakaora; i arohaina hoki e ia, i atawhaitia, ano ko ona kikokiko ake;) kia aroha ano hoki tenei wahine, kia pai, kia rongo, kia piri tonu ki tana tane; kia ata noho, kia humarie, kia rite ki ara wahine whakapono. E Ihowa, manaa-kitia raua tokorua, tukua raua kia noho ki tou ranga-tiratanga mutunga kore; ko Ihu Karaiti hoki to matou Ariki. Amine.

¶ Hei konei te Minita ka mea atu ai:

MA te Atua Kaha rawa, nana nei o tatou tupuna, a Arama raua ko Iwi, i hanga i te timatanga i whakatapu, i hono hoki i runga i te marena; Mana e riringi ki runga ki a korua tona kaha nui, mana korua e whakatapu, e manaaki, kia paingia ai e ia o korua ti-nana, o korua wairua, kia noho tahi tonu ai korua i runga i te aroha hara kore, a mate noa. Amine.

¶ Muri iho, ki te kahore he Kauwhau hei whakaatu i nga mahitika ma te Tane raua ko te Wahine, me korero tenei e te Minita:

E TE hunga katoa kua oti te marena, me te hunga ano hoki e mea ana ki te Marena tapu, whakarongo mai ki ta te Karaipiture tapu e mea nei mo nga mahi a nga tane ki a ratou wahine, mo a nga wahine ano hoki ki a ratou tane.
    Kua homai e Paora tenei ture, i tana Pukapuka ki nga tangata o Epeha, i te rima o nga Upoko, mo nga tangata katoa kua oti te marena; E nga tane, arohaina a koutou wahine, kia pera hoki me te Karaiti i aroha ki te hahi, a hoatu ana i a ia ano mo taua hahi; hei hahi e whakatapua e ia, ma rawa i a ia i te horoinga ki te wai, he mea na te kupu, hei hahi e tapaea e ia ki a ia ano, kororia rawa, te whai ira, korukoru, tetahi atu mea pera ranei, engari kia tapu, kia koha kore. Me aroha e nga tane a ratou wahine, me te mea ko o ratou tinana ake ano. Te tangata e aroha ana ki tana wahine ake, e aroha ana ki a ia ake ano. Kahore hoki tetahi kia kino noa ki tona kikokiko ake; engari e atawhai ana, e whakaa-huru ana, e pera tonu ana me ta te Ariki ki te hahi: he wahi hoki tatou no tona tinana, no tona kikokiko, no ona wheua. Mo konei ra ka whakarerea ai e te tangata tona papa tona whaea, a ka piri ki tana wahine, a ko raua tokorua hei kikokiko kotahi. He nui tenei mea ngaro: otiia mo te Karaiti raua ko te hahi taku korero. Na, kia rite ki tona aroha ki a ia ake ano, to koutou aroha to tenei to tenei ki tana wahine ki tana wahine.
    E mea ana ano hoki a Paora i tana Pukapuka ki nga tangata o Korohe, e korero ana ano hoki ki nga tangata katoa kua oti te marena; E nga tane, arohaina a koutou wahine, kei kaha hoki te riri ki a ratou.
    Whakarongo ano hoki ki te kupu a Pita, Apotoro a te Karaiti, he tangata whai hoa ano hoki ia, e mea ana ia ki te hunga kua oti te marena; Me nga tane ano hoki, kia rite ki to koutou matauranga ta koutou nohoki a ratou, whakawhiwhia te wahine ki te honore, ko te mea kaha kore hoki ia, ka uru tahi nei ano hoki korua ki te oranga ka homai noa nei; he mea kei araia a korua inoi.
    Na, kua rongo nei koutou ki nga tikanga ma te tane ki te wahine. Waihoki, e nga wahine, kia rongo koutoii, akona mariretia hoki te tikanga ma koutou ki a koutou tane, ta te Karaipiture tapu e ata whakatakoto mai nei.
    E penei ana te ako a Paora ki a koutou i taua Pukapuka ano ki nga tangata o Epeha; E nga wahine, kia ngohengohe ki a koutou tane ake, hei mea ano ki te Ariki. No te mea hoki ko te tane te upoko o te wahine, e rite ana hoki ki a te Karaiti, ko te upoko ia o te hahi: ko te kai whakaora ano ia o te tinana. Na, e ngohe-ngohe ana te hahi ki ta te Karaiti, kia pera ano hoki nga wahine ki a ratou tane ake i nga mea katoa. A, he wahi ano ka mea ia, Kia hopohopo te wahine ki tana tane.
    Tenei ano hoki ta Paora ako ki a koutou, i tana Pukapuka ki nga tangata o Korohe, he kupu poto hoki; E nga wahine, kia ngohengohe ki a koutou tane ake, kia rite ki ta te Ariki tikanga.
    E pai ana ano hoki te ako a Pita i a koutou, i enei kupu ana; Me koutou ano hoki, e nga wahine, kia ngohengohe ki a koutou tane ake; a ki te turi etahi ki te kupu, na, i kore i te kupu, ko te whakahaere a nga wahine hei mea e riro mai ai ratou; i a ratou e titiro ana ki te he-kore o ta koutou whakahaere, ki te hopohopo. Te whakapaipai mo koutou, kaua-ka hei to waho, kauaka hei te makawe i whiria, kauaka hei te whakapiritanga mai o nga mea koura, kauaka hei te whaka-kakahuranga o nga kakahu; engari hei te tangata ngaro o te ugakau, hei te mea e kore e pirau, hei to te wairua mahaki to te wairua rangimarie, he mea utu nui hoki tenei i te aroaro o te Atua. He penei hoki i mua ta nga wahine tapu whakapaipai mo ratou, ta te hunga i whaka-aro ki te Atua, ngohengohe tonu ratou ki a ratou tane: me Hera hoki i ngohengohe ki a Aperahama, ko te ariki hoki tana ingoa mona: nana hoki koutou tamariki, i a koutou e mahi pai ana, a kahore e mataku i tetahi whakapawera.

¶ He mea tika ano kia kainga te Hapa Tapu e te hunga marena hou i to raua Marenatanga, i muri tata iho ranei.