TE TIKANGA
MO TE
WHANGAI I TE HAPA A TE ARIKI,
ARA,
I TE KAINGA TAHITANGA TAPU.

¶ Hei te rangi i mиa ake o te rae kainga ai te Hapa tapu, me whakaatu mai o ratou ingoa ki te Minita e nga tangata e mea ana kia kai.

¶ Ki te mea he tangata mahi i te kino tetahi o taua hunga, kua ke ranei tana kupu tana mahi hi ona hoa noho, i kinongia ai ia e te whakaminenga; a ka rangona e te Minita, me karanga ia me whakapuaki atu ki a ia, kei pokanoa ia ki te kaere mai ki te Tepara a te Ariki kia korerotia nuitia ra ano e ia tona ripenetatanga, me te malmetanga o ana mahi kino, kia tatu ai te ngakau o te whakaminenga i kino nei ki a ia; me tanti utunga i te hunga i kino nei tana maki ki a ratou; tana whakaaro tuturu ranei ki te utu, ina whiwhi ia ki te mea pai hei utu.

¶ Me pena ano te Minita ki te Kunga e kitea ana e ia e kae ana, e mauahara ana ki a raua; kaua raua e tukua kia kai i nga mea o te Tepara a te Ariki, ki te kahore ia e mohio kua, houhia ta raua rongo. Ki te pai tetahi o taua hunga i whawhai ra ki a raua kia whakarerea noatia iho e ia nga kara o tetahi, kia utua ano hoki e ia ana mahi kino ki tetahi; ko tetahi ia, e kore e rongo ki te noho aroka, engari ka tohe ano ki tana mahi tutu, ki tana mahi mauakara: hei reira ra te Minita ka tuku ai i te tangata ripeneta ki te Kainga tahitanga tapu, a ko tera e riri tonu ra, kauaka. Na, ki te pana tetahi e te Minita mo enei he, e korerotia nei, kaua e tukua kia taka nga ra kotahi tekau ma wha, me herero e ia ki te Kai whakariterite. A kei te Kai whakariterite te whakaaro mo taua tangata, kia meatia ki a ia ta te Ture i whakarite ai.

¶ Hei te wa e kainga ai te Hapa, me hipoki te Tepara ki te kakahu rinena ma, me whakatu hoki ki waenganui o te Whare Karakia, ki roto ranei i te taiepa i te wahi e korerotia ana te Karakia me te Ata, me te Ahiahi. Me tu hoki te Piriti ki te taha ki te Nota o te Tepara, ka whakahua ai i te Inoi a te Ariki, i te inoi hoki i muri iho; me te horopiko ano nga tangata.
 

The Order of the Administration of the Lord's Supper, or

Holy Communion

E TO matou Matua i te rangi, Kia tapu tou Ingoa. Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine.
 

TE INOI.

E TE Atua Kaha rawa, e tuwhera ana nga ngakau katoa ki a ko e, e mohiotia ana nga hiahia, e kore hoki e ngaro i a koe te mea huna; Whakahangia iho tou Wairua Tapu hei whakama i nga whakaaro a o matou ngakau, kia tino aroha ai matou ki a koe, kia tika ai te whakanui i tou Ingoa tapu; ko Ihu Karaiti hoki to matou Ariki. Amine.

¶ Ko konei te Piriti tahuri ai ki nga tangata, whakahua ai ano i NGA TURE KOTAHI TEKAU, kia marama hoki te reo; ko nga tangata me koropiko tonu, a, ka mutu ia Ture, ia Ture, na, me inoi atu ki te Atua kia tohungia ratou, i hara nei i nga ra kua pahemo atu, kia homai hoki he kaka kia rite ai i a ratou ana Ture a muri ake nei.
 

Minita.

I KOREROTIA e te Atua enei kupu, i mea ia, Кo Ihowa ahau, ko tou Atua: aua etahi atua ke atu mou ki mua atu i a au.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kei hanga koe i te whakapakoko mou, i tetahi ritenga ranei o nga mea o te rangi i runga, o te whenua ranei i raro, o te wai ranei i raro i te whenua. Kei koropiko koe ki ena mea, kei mahi ranei ki ena mea: ko Ihowa hoki ahau, ko tou Atua, he Atua hae, e mea ana i nga hara o nga matua kia tau iho ki nga tamariki, a, te toru, te wha ra ano o nga whakatupuranga o te hunga e kino ana ki a au, e whakaputa aroha ana hoki ki nga mano, ki te hunga e aroha ana ki a au, e whakarite ana i aku ture.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kei whakahuatia noatia e koe te Ingoa o Ihowa, o tou Atua: e kore hoki a Ihowa e mea he harakore te tangata e whakahua noa ana i tona Ingoa.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kia mahara ki te Ra Hapati, kia whakatapua. E ono nga ra e mahi ai koe, e mea ai hoki i au mea katoa; tena ko te ra whitu, he Hapati no Ihowa, no tou Atua. Kaua e mahia tetahi mahi i reira, e koe, e to tamaiti, e to tamahine, e to pononga tane, e to pononga wahine, e o kararehe hoki, me to tangata ke i roto i o tatau. E ono hoki nga ra i hanga ai e Ihowa te rangi me te whenua, te moana, me nga mea katoa i roto, a okioki ana i te ra whitu: no reira i whakapaingia ai te Ra Hapati e Ihowa, a whakatapua ana.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Whakahonoretia tou papa nie tou whaea; kia roa ai ou ra ki te whenua e homai nei e Ihowa, e to Atua ki a koe.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kaua e patu.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kaua e puremu.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kaua e tahae.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kaua e whakapae teka ki tou hoa.
    Te Nuinga. E Ihowa, tohungia matou, whakatahuritia hoki o matou ngakau ki te whakarite i tenei ture.

    Minita. Kaua e hiahia ki te whare o tou hoa, kaua e hiahia ki te wahine a tou hoa, ki tana pononga tane ranei, ki tana pononga wahine ranei, ki tana kau ranei, ki tana kaihe ranei, ki tetahi mea ranei a tou hoa.
    Te Nuinga. E Ihowa, tohungia matou, tuhia katoatia hoki enei ture au ki o matou ngakau.

¶ Ko konei tetahi o enei Inoi mo te Kuini, kia pera ano te tu o te Minita me to mua, kia mea hoki ia,
 

Tatou ka inoi.

E TE Atua Kaha rawa, he rangatiratanga tou e kore rawa e mutu, e taea ana hoki e koe nga mea katoa; Kia atawhai koe ki te Hahi katoa, whakatikatikaia ano hoki te ngakau o to Pononga i whiriwhiria e koe, o to matou Kuini, o WIKITORIA, kia matau ai ia no wai ia minita, kia tino whai ai ia i nga mea e whai kororia ai koe: kia whakaaroa marietia ano hoki e matou, e ona tangata, te take mai o tona mana, ka pono ai te mahi ki a ia, te whakahonore, te rongo marie ki a ia, i roto ano i a koe, me te whakaaro ano ki a koe, hei whakarite i to Kupu tapu; ko Ihu Karaiti hoki to matou Ariki, tena ia te ora na, te kingi tahi na, i a korua ko te Wairua Tapu, kotahi ano Atua, a, ake ake ake. Amine.

Ko tenei ranei.

E TE Atua Kaha rawa ora tonu, kua whakaakona mai matou e to Kupu tapu, kei tou ringaringa nga ngakau o nga Kingi, mau ano ratou e whakahaere, e whakaanga ki nga mea e pai ai koe: Tenei matou te inoi atu nei, mo to Pononga, mo to matou Kuini, mo WIKITORIA; kia whakahaerea, kia whakatikatikaia tona ngakau, kia whai tonu ai ana whakaaro katoa, ana kupu, me ana mahi î nga mea e whai kororia ai koe, kia tohe ano hoki ia kia noho te iwi i tukua ki a ia, i runga i te pai, i runga i te rangimarie, i runga i te tapu: Tukua mai tenei, e te Matua tohu, ko to Tama hoki, ko Ihu Karaiti, to matou Ariki. Amine.

¶ Ko konei korerotia ai te Inoi mo taua Ra. Muri tonu iho i te Inoi ko te Tuhituhi me mea hoki te Piriti; Ko te Tuhituhi, [ko te wahi ranei o te Karaipiture i whakaritea mo te Tuhituhi,] kei te ——— o nga Upoko o ———, ka timata i te ——— o nga Rarangi. A ka mutu te Tuhituhi, me mea ia, Ko te mutunga tenei o te Tuhituhi. Hei konei ia korero ai i te Rongo Pai, (me tu katoa ano nga tangata,) me mea hoki ia, Ko te Rongo Pai Tapu, kei te ——— o nga Upoko o ———, kei te ——— o nga Rarangi te timatanga. A ka mutu te Rongo Pai, me waiata me korero ranei tenei whakapono, me tu tonu ano te whakaminenga.
 

E WHAKAPONO ana ahau ki te Atua kotahi ki te Matua Kaha rawa, Ko ia te Kai hanga o te rangi, o te whenua, O nga mea e kitea ana, o nga mea hoki e kore e kitea:
    Ki te Ariki kotahi hoki, ki a Ihu Karaiti, ko ia ta te Atua Tama kotahi, He mea whakatupu na tona Matua i mua ake O nga ao katoa, he Atua no te Atua, he Maramatanga no te Maramatanga, Tino Atua no te tino Atua, He mea whakatupu, ehara i te mea hanga, Kotahi ano raua ko te Matua, Nana nei nga mea katoa i hanga: I heke iho ano ia i te rangi ki te whakaora i a tatou, i nga tangata, I whakakikokikotia e te Wairua Tapu ki roto ki te Wahina, ki a Meri, I whakatangatatia, I ripekatia ano hoki mo tatou i te wa i a Ponotio Pirato e kawana ana. I mate ia, i tanumia, I ara ake hoki i te toru o nga ra, i pera me te mea i tuhituhia, I kake atu ki te rangi, E noho mai nei ano ia i te ringaringa matau o te Matua. Ka haere mai ano ia a mua, i runga i te kororia, ki te whakarite whakawa mo te hunga ora, mo te hunga mate: E kore hoki tona kingitanga e mutu.
    E whakapono ana hoki ahau ki te Wairua Tapu, Ko te Ariki ia, me te Kai homai i te ora, E puta mai ana i te Matua, i te Tama, E koropikoria nei, e whakakororiatia tahitia nei, me te Matua me te Tama, Nana hoki nga korero a nga Poropiti. E whakapono ana ano ahau, kotahi ano Hahi, ko ta nga Apotoro, a puta noa i te ao. E whakaae ana ano ahau, kotahi ano Iriiringa hei murunga hara, E tumanako atu ana ahau ki te Aranga mai o te hunga mate, Ki te oranga hoki ki tera ao atu. Amine.

¶ Ko konei korerotia ai e te Minita ki nga tangata nga Ra nui, me nga Ra noho puku o taua Wiki. Ko konei ano hoki whakaaturia ai e ia te takotoranga o te Hopa a te Ariki; ko konei hoki korerotia ai nga Kupu pei, me era atu kupu pera hoki. Ma te Minita anake e korero aua ku aua kupu i roto i te Whare Karakia, i te mea e karakia ana: kaua hoki tetahi mea e korerotia e ia ki te kahore i whakaritea e tenei Pukapuka, e te Kuini ranei, e te Kai whakariterite ranei.

¶ Ko konei te Kauwhau.

¶ Muri iho, me hoki te Piriti ki te Tepara a te Ariki, ka timata ai i te Okaohatanga, ka korero ai i tetahi, i etahi ranei, o enei Rarangi, ana e pai ai.
 

KIA tiaho raia to koutou maramatanga ki te aroaro O nga tangata, kia kite ai ratou i a koutou hanga pai, kia whakakororiaaihoki i to koutou Matua i te rangi.   Matiu v.
    Kaua e purangatia he taonga ma koutou ki te whenua, ki te wahi e whakakinongia ana e te huhu, e te waikura; ki te wahi hoki e keri mai ai nga tahae, tahae ai. Erangi purangatia ma koutou he taonga ki te rangi, ki te wahi e kore ai e whakakino te huhu, te waikura; ki te wahi hoki e kore ai e keri nga tahae, tahae ai.   Matiu vi.
    Na, nga mea katoa e pai ai koutou kia meatia e nga tangata ki a koutou, meatia ano e koutou ki a ratou: ko ta te ture me ta nga poropiti hoki tenei.   Matiu vii.
    E kore e tomo ki roto ki te rangatiratanga o te rangi nga tangata katoa e mea mai ana ki a au, E te Ariki, e te Ariki; engari ia e mea ana i ta toku Matua i te rangi i pai ai.   Matiu vii.
    Ka tu a Hakiaha, ka mea ki te Ariki, E te Ariki, na, he hoatu taku i te hawhe o aku taonga ki te hunga rawakore: a ki te mea kua riro mai i a au te mea a tetahi i te whakapae teka, ka takiwhatia aku utu.   Ruka xix.
    Ko wai ka haere hei hoia, a nona ake ano nga utu mona? ko wai e whakato ana i te mara waina, a kahore e kai i ona hua? ko wai hoki e whangai ana i te kahui, a kahore e kai i te waiu o te kahui?   1 Koriniti ix.
    Kua ruia atu nei e matou nga mea wairua ma koutou, he mea nui ianei ki te kotia e matou a koutou mea o te kikokiko?   l Koriniti ix.
    Kahore oti koutou i matau, na, te hunga e mahi ana i nga mea tapu, e kai ana ratou i nga mea o te temepara? me nga kai tiaki o te aata, ma ratou ano tetahi wahi o to te aata? Pera tonu ano hoki ta te Ariki i whakarite ai mo nga kai kauwhau o te rongo pai, hei runga i te rongo pai he oranga mo ratou.   1 Koriniti ix.
    He torutoru a tetahi i rui ai, he torutoru ano ana e kokoti ai; a he maha nga mea i ruia e tetahi, he maha ano ana e kokoti ai. Kia rite ano ki ta tenei, ki ta tenei i whakaaro ai i roto i tono ngakau; kaua e tua pouri, kaua e tua whakauaua: ko ta te Atua hoki e aroha ai, he tangata e hoatu ana i runga i te ngakau marama.   2 Koriniti ix.
    Te tangata ano e whakaakona ana ki te kupu, me whakawhiwhi e ia tona kai whakaako ki nga mea pai katoa. Kei whakapohehetia koutou; kahore te Atua e tinihangatia: ko ta te tangata hoki e rui ai, ko tenei tana e kokoti ai.   Karatia vi.
    Na, i te mea e whai takiwa ana tatou, kia mahi tatou i te pai ki nga tangata katoa, tera noa ake ia ki te hunga o te whare o te whakapono.   Karatia vi.
    He taonga nui ano ia te karakia pai hui tahi ki te ngakau tatu. Kahore hoki he mea i mauria mai e tatou ki te ao, a he mea marama noa tenei, e kore e ahei te mau atu e tatou tetahi mea.   1 Timoti vi.
    Akona atu te hunga i nga taonga o tenei ao, kia hihiko ki teohaoha, ki te whakawhiwhi i etahi; ko te turanga pai mo a mua ta ratou taonga e rongoa ai, kia mau ai i a ratou te oranga tonutanga.   1 Timoti vi.
    E kore hoki te Atua e he, e wareware ki ta koutou mahi, ki te uaua hoki o to koutou aroha, i whakakitea mai e koutou ki tona ingoa, i a koutou i atawhai i te hunga tapu, a ka atawhai nei ano.   Hiperu vi.
    Kei wareware hoki ki te mahi pai, ki te atawhai: e manakohia ana hoki e te Atua nga patanga tapu pera.  Hiperu xiii.
    Na, te tangata i a ia nei nga oranga o tenei ao, a ka kite e matea ana tetahi mea e tona teina, na, ka tutakina iho e ia tona ngakau aroha ki a ia, e mau pehea ana te aroha o te Atua i roto i a ia?   1 Hoani iii.
    Me hoatu etahi o ou taonga hei atawhainga mau i te rawakore. Kaua e tahuri ke atu tou kanohi i te rawakore, kia kore ai te kanohi o te Atua e tahuri ke atu i a koe.   Topiti iv.
    Kia rite ki nga mea i a koe. Ki te nui; kia pera ano tau e hoatu ai. Ki te iti; kei manawapa koe ki te hoatu i tetahi wahi o taua mea iti, Penei ka pae i a koe he taonga mou mo te ra o te aitua.   Topiti iv.
    Te ohaoha ki te rawakore, e whakatarewa moni ana ia ki a Ihowa; ka utua ano tana mahi atawhai.   Whakatauki xix.
    Ka hari te tangata e whakaaro ana ki te rawakore: e whakaorangia ia e Ihowa i te wa o te he.   Waiata xli.

¶ Ko konei, ko te korerotanga i enei Rarangi, kohia ai e nga Rikona, e nga Watena ranei, e tetahi ata tangata ranei i whakaritea me tenei maki, nga Ohaokatanga ma te Hunga ramakore, me te aha noa atu, ki roto hi tetahi peikana i homai e te Parika me tenei mea; me ata kawe atu hoki ki te kahore he Piriti, a mana e ata whakatakoto ki runga ki te Tepara tapu.

¶ Ki te mea e whakatakotoria ana te Hapa tapu, me hoatu e te Piriti tetahi taro, me tetahi waina, ki runga ki te Tepara, kia rite ki te tokomaka o nga tangata hei kai. Ka muta tena, me mea te Piriti,

Tatou ka inoi mo te Hahi katoa o te Karaiti, e whawhai nei i te ao nei.
 

E TE Atua Kaha rawa, ora tonu, kua whakaako matou e koe, ara e to Apotoro tapu, ki te inoi, ki te whakawhetai mo nga tangata katoa; Tenei matou te inoi atu nei ki a koe

* Ki te kahore he ohaohatanga, me whakarere atu te kupu nei [kia manako mai ki enei ohaohatanga a matou.]

[ *kia manako mai ki enei ohaohatanga a matou,] kia whakarongo mai ki a matou e inoi atu nei ki a koe, ki te Atuanui; kia whakanohoia ki roto ki te Hahi puta noa i te ao te wairua o te pono, o te ngakau tahi; kia whakaae katoa ai ki to Kupu pono nga tangata e whakahua ana i tou Ingoa tapu, kia noho ai i runga i te ngakau tahi, i te aroha. He inoi tenei na matou kia tiakina e koe nga Kingi whakapono katoa, me nga Rangatira; tiakina to pononga, to matou Kuini, a WIKITORIA; kia kawanatia ai matou i runga i te tapu, i runga i te ata noho: Tukua mai ano hoki ki tana Runanga katoa, ki nga tangata katoa hoki i whakaritea e ia hei kai whakahaere tikanga, kia pono, kia tika ta ratou whakarite whakawa, ara kia riria e ratou te kino, kia whakapumautia o tikanga pono, me nga mahi pai. Tukua mai he kaha, e te Matua i te rangi, ki nga Pihopa katoa, ki nga Minita, kia ai ta ratou mahi me ta ratou ako hei whakapuaki i to Kupu pono, i to Kupu ora, kia tika ai hoki ta ratou tuku i au Hakarameta tapu: Homai ano hoki tou kaha i te rangi ki to iwi katoa; ki tenei whakaminenga ano hoki e koropiko atu nei; kia mahaki ai o ratou ngakau, kia tupato ai, ina whakarongo ratou ki to Kupu tapu; me te mahi ano ki a koe i runga i te tapu, i te tika, i nga ra katoa e ora ai ratou. He inoi ano tenei na matou ki a koe, e te Ariki, kia whakamarietiakiatautokona nga tangata katoa, e pouri ana i tenei ao pahemohemo, e tangi ana, e rawakore ana, e mate ana, e whakaekea ana ranei e tetahi atu he. E whakapai ana hoki matou ki tou Ingoa tapu mo o pononga katoa kua mate atu i tenei ao i runga i te whakapono, i runga i te wehi ki a koe; e inoi ana ano hoki matou ki a koe kia homai he kaha ki a matou, e aru ai matou i a ratou mahi pai, kia uru tahi ai matou ki tou rangatiratanga i te rangi: Tukua mai tenei, e te Matua, ko Ihu Karaiti hoki to matou Kaiwawao, Kai inoi. Amine.
 

¶ Ka whakatupatoria nga tangata e te Minita ki te Hapa a te Ariki, me korero e ia enei Kupu whakahau, ina mutu te Kauwhau, i te Ra tapu, i tetahi Ra nui ranei, i mua tata ahe a te ra e whakatakotoria ai.

E AKU hoa aroha, e mea ana ahau, ki te pai te Atua, kia tukua, a tenei ra ———— e haere ake nei, taua mea whakahari, te Hakarameta O te Tinana, o te Toto o te Karaiti, ki nga tangata katoa e whakapono ana, e whai whakaaro ana, hei whakamahara ki tona Ripeka, ki ona Mamae utu nui, e murua ai o tatou hara, e riro mai ai hoki te Rangatiratanga o te rangi. Na, me ata whakawhetai atu tatou ki te Atua Kaha rawa, ki to tatou Matua i te rangi, mona i homai i tana Tama, i to tatou Kai whakaora, i a Ihu Karaiti, kia mate mo tatou, kia meinga hoki hei kai ma o tatou wairua i roto i taua Hakarameta. Na, he mea whakahari nei tenei i te hunga e kai tika ana, he mea whakamate hoki ki te hunga e kore e tika te kai; koia ahau ka whakahau nei i a koutou kia whakaarohia i tenei takiwa te nui o tenei Hakarameta tapu, me te nui o te mate, ki te kahore e tika te kai; kia anga ano ta koutou titiro ki roto ki o koutou hinengaro, (kaua e mahi hangareka, me te mea e tinihanga ana ki te Atua; engari kia tika;) kia tapu ai, kia hekore ai koutou ina haere mai ki tenei Hakari nui o te rangi, me te kakahu ano i te kakahu marena i whakaritea mai e te Atua i roto i te Karaipiture tapu, kia manakohia ai takoutouwhakatatanga mai ki tenei Tepara tapu.
    Na, me penei te meatanga; Tirohia a koutou mahi me ta koutou whakahaere, e rite ana ranei ki nga ture a te Atua; a, e kite koutou kua he tetahi wahi, te hiahia ranei, te kupu ranei, te mahi ranei, na me tangi mo a koutou hara, me whaki atu hoki ki te Atua Kaha rawa, kia u hoki te ngakau ki te mahi i te pai a muri ake nei. A ki te kitea e koutou he mahi kino ta koutou ki te tangata, ehara i te mea ki te Atua anake; na, me hohou ta koutou rongo; kia pai ano hoki ki te whakautu i o koutou he, kaua e kaiponuhia, kia rite ra ano te utu; me te whakarere noa iho ano i nga hara a nga tangata i hara ki a koutou, kia pera hoki me koutou e mea nei kia whakarerea noatia iho o koutou hara e te Atua: ta te mea hoki, ki te kahore koutou e penei, hei whakanui kau te kainga i te Hapa Tapu i te mate mo koutou. Heoi, ki te mea he tangata whakarawai tetahi o koutou ki te Atua, he tangata whakaware, whakahe ranei i tana Kupu, he tangata puremu ranei, mauahara ranei, hae ranei, mahi ranei i tetahi atu kino nui, ripeneta koutou ki o koutou hara, ki te kahore, kaua e haere mai ki tenei Tepara tapu; kei kainga e koutou taua Hakarameta tapu, a, ka tapoko te rewera ki roto ki a koutou, kei pera me tona tapokoranga ki a Hura, a ka whakakiia koutou ki nga kino katoa, ka whakangaromia ano hoki o koutou tinana, o koutou wairua.
    Na, kaua tetahi tangata e whakatata mai ki te Hapa Tapu, ki te kahore ia e okioki ki ta to Atua mahi tohu, ki te kahore e tatu tona hinengaro; heoi, ki te kahore e taea e te tahi o koutou te whakamauru tona ngakau, engari e mea ana kia whakamarietia, kia korerotia, me haere mai ia ki a au, ki tetahi atu Minita whakaaro ranei 0 ta te Atua Kupu, ka whakaatu mai ai i te pouri o tona ngakau; kia riro ai i a ia te wetekanga o ona hara i te Kupu a te Atua ka whakapuakina ki a ia, kia whakamarietia ai tona hinengaro, kia mutu ai hoki te rapurapu me te whakaaroaro.

¶ Ki te kitea e te Minita, e ngoikore ana nga tangata ki te haere mai ki te Hapa Tapu, me korero ko tenei.

E AKU hoa aroha, e mea ana ahau, ki te pai te Atua, kia tukua te Hapa a te Ariki i ———: he whakapuaki hoki tenei i te karanga a te Atua, kia haere katoa mai koutou; he tohe ano tenei naku, kia mahara koutou ki a te Karaiti, kaua hoki e noho atu, ko te Atua nei hoki ko te karanga nei i a koutou i runga i tona aroha nui. E mohio ana ano koutou he mea kino rawa, ki te taka e tetahi tangata he hakari nui, takoto rawa nga tini kai papai ki runga ki tana tepara, heoi ano nga mea mahue atu, ko nga tangata hei kai; ko ratou ia, ka paopao noa iho, te ai he take. Ko wai o koutou e kore e riri ki tena mahi? E kore ianei e kiia, he he nui tena? Heoi ra, kia tupato koutou, e aku hoa i roto i a te Karaiti, kei waiho ta koutou noho atu i tenei Hapa tapu hei whakapataritari ki te Atua. He hanga takoto noa te ki ma te tangata, e kore au e tae atu ki te Hapa tapu, e whakawarea ana ahau e nga mahi o te ao. E kore ia te Atua e pai mai, e whakaae mai, ki enei kupu whakawareware. Ki te mea tetahi, he nui oku he, e kore au e tae atu i te wehi: he aha ra koutou te ripeneta ai, te whakatika ai i ta koutou mahi? Ka karangatia koutou e te Atua, e kore ianei koutou e whakama ki te ki mai, e kore koutou e tae mai? Ka takoto te tikanga kia hoki koutou ki te Atua, me whakawareware ano ranei koutou, me ki mai, kahore ano koutou kia watea noa? Whakaaroa marietia e koutou; e whakarangona mai ranei ena kupu tekateka noa e te Atua? Taua hunga hoki i te Rongo pai i paopao ra ki te hakari, i mea, Kua hokona he mara; Me haere ki te whakamatamatau i nga okiha; Katahi ano ka marenatia; kihai rawa ratou i whakarangona mai, engari i araia atu kei kai i taua Hakari. Tenei au, te Minita, te tatari atu nei; te whakahua atu nei i te Ingoa o te Atua, te karanga atu nei ki a koutou, kia mahara ki a te Karaiti, kia mate nui ki te ora, kia kai ano hoki i tenei Hapa Tapu. Kua pai nei te Tama a te Atua kia mate i runga i te Ripeka hei whakaora i a koutou, waihoki e tika ana ano kia kainga te Hapa Tapu, hei whakamaharatanga ki taua patunga tapu, hei whakarite hoki i tana kupu: ki te ka pea ia e koutou tenei mahi, whakaarohia te nui o to koutou kino ki te Atua, me te whiu nui e takoto ake nei mo tena mea; i a koutou e whakarere marire nei i te Tepara a te Ariki, e momotu atu nei i a koutou i roto i o koutou hoa, e haere mai ana ki te kai i tenei hakari a te Atua. Ma te Atua koutou e mea kia ata whakaaro ki tenei, kia hoki ake ai o koutou mahara ki te pai: ko ta matou inoi ano hoki tenei me koutou ki te Atua Kaha rawa, ki to tatou Matua i te rangi.

¶ Ka kainga te Hapa, me whakatu nga tangata, kia pai ai te hoatu i te Hakarameta tapu ki a ratou, ka korero ai te Piriti i tenei whakakaunga.

E AKU hoa aroha, e te hunga e mea ana kia haere mai ki te kai tahi i te Tinana me te Toto o to tatou Kai whakaora, o te Karaiti, kia mahara koutou ki ta Paora kupu whakatupato ki nga tangata katoa, kia ata uiui i a ratou ano ka kai ai i tena Taro, ka inu ai i tena Кapa. He nui hoki te pai ki te kainga taua Hakarameta tapu i runga i te ngakau ripeneta, i te whakapono ora; (ko reira ho ki tatou kai ai i te kikokiko o te Karaiti, inu ai i tona toto i roto i o tatou ngakau; ko reira tatou noho ai i roto i a te Karaiti, me te Karaiti i roto i a tatou; kua whakakotahitia tatou ki a te Karaiti, me te Karaiti ki a tatou; ) he kino nui hoki te tukunga iho ki te kainga maharakoretia e tatou; Ka whai hara hoki tatou i te Tinana, i nga Toto o to tatou Kai whakaora, o te Karaiti; ka kainga, ka inumia e tatou he whakawakanga mo tatou, te whakaaro ki te Tinana o te Ariki; ka whakaohokia e tatou te riri a te Atua; ka whakahihiri i a ia ki te papaki i a tatou ki te tini o te mate. Heoi, e hoa ma, whakawakia a koutou mahi, kei whakawakia koutou e te Ariki; kia pono te ripeneta mo a koutou hara o mua; kia u te whakapono ki to tatou Kai whakaora, ki a te Karaiti; pokaia ketia he mahi hou; kia aroha koutou ki nga tangata katoa; kia tika ai ta koutou kai i tenei Hakarameta tapu. Ko te tino mea ano ia tenei, kia whakaiti koutou i a koutou, kia whakawhetai atu ki te Atua, ki te Matua, ki te Tama, ki te Wairua Tapu, mo te hokonga o te ao ki te matenga, ki nga mamae o to tatou Kai whakaora, o te Karaiti; he Atua nei ia, he tangata; heoi, whakaiti iho ana ia i a ia ano, a mate iho ki runga ki te Ripeka mo tatou, mo te hunga hara, i takoto nei i te pouri, i te atarangi o te mate; kia meinga ai tatou hei tamariki ma te Atua, kia whakaarahia ai ki te ora tonu. Na, he mea kia mahara tonu ai tatou ki te aroha nui whakaharahara o to tatou Ariki, o Ihu Karaiti, i mate nei mo tatou, ki nga tini mea pai hoki i whakawhiwhia mai e ia ki a tatou, i ona toto i whakahekea ra; koia tenei Hakarameta i whakaritea mai ai e ia, hei tohu mo tona aroha, hei whakamahara tonu hoki ki tona matenga, hei mea hoki e nui ai, e pumau ai to tatou hari. Mo konei kia whakawhetai tonu atu tatou ki a ia, ki te Matua, ki te Wairua Tapu, ko ta tatou mahi tika hoki tenei; me te tuku tonu atu i a tatou ki tana e pai ai, me te whai tonu ki te mahi ki a ia i runga i te tapu, i te pai, i nga ra katoa e ora ai tatou. Amine.

¶ Ko konei mea, ai te Piriti ki te hunga e kaere mai ana ki te Hapa Tapu.
 

E TE hunga e tino ripeneta ana mo o koutou hara, e aroha ana ki o koutou hoa, e mea ana kia pokaia houtia he mahi hou, ara, kia whakarite i nga ture a te Atua, kia haere i ana ara tapu amua ake; Awhi whakapono mai, kainga tenei Hakarameta tapu, kia tatu ai o koutou ngakau; whakina o koutou hara ki te Atua Kaha rawa, me te tuku ano i nga turi ki raro.

¶ Ko konei tenei whakinga nui a te hunga katoa e mea ana kia kai i te Hapa Tapu, ma tetahi o nga Minita e korero; me tuku ki raro ona turi, o te nuinga hoki, ka mea ai ia,
 

E TE Atua Kaha rawa, E te Matua o to matou Ariki, o Ihu Karaiti, Ko koe te Kai hanga i nga mea katoa, Te Kai whakarite whakawa mo nga tangata katoa; Tenei te whakina atu nei e matou, Te tangihia atu nei, O matou tini hara i hara ai matou i enei rangi kua pahure ake nei, Ki a koe, ki te Atua nui, Ko a matou whakaaro, ko a matou kupu, ko a matou mahi, He mea whakaoho i a koe kia riri mai ki a matou. E ripeneta ana matou, E pouri pu ana mo enei hara o matou; Mamae rawa ua maharatia e matou; Rorotu tonu te taimaha. Tohungia matou, e te Matua tohu, Tohungia matou; Whaka-arohia tau Tama to matou Ariki, a Ihu Karaiti, Whakarerea noatia iho nga mea o mua; Meinga hoki kia hou ta matou ritenga, Ara kia mahi matou i nga mea e pai ai koe a mua tonu atu, Kia whakakororiatia ai tou Ingoa; Ko Ihu Karaiti hoki to matou Ariki. Amine.

¶ Ko konei whakatika ai te Piriti (te Pihopa ranei, kit e mea kei reira ia,) ka tahuri atu ai ki te iwi, ka korero ai i tenei Wetekanga hara.

HE nui te aroha o te Atua Kaha rawa, o to tatou Matua i te rangi, kua mea mai ano hoki ia, ka murua nga hara o te hunga katoa e tino ripenata ana, e tahuri whakapono atu ana ki a ia; Mana koutou e tohu; mana e hohou te rongo ki a koutou; mana koutou e whakaora i o koutou hara katoa; mana hoki koutou e whakau, e whakakaha, i runga i nga mea pai katoa; mana koutou e kawe ki te ora tonu; ko Ihu Karaiti hoki to tatou Ariki. Amen.

¶ Ko konei te Piriti mea ai,
 

WHAKARONGO ki nga kupu whakamarie a to tatou Kai whakaora, a te Karaiti, kit e hunga katoa e tahuri pono atu ana ki a ia.

HAERE mai ki ahau, e koutou katoa e mauiui ana, e taimaha ana, a maku koutou e whakakioki.   Matiu xi. 28.
    Koia ano te aroha o te Atua ki te ao, homai ana e ia tana Tama kotahi, kia kahore ai e mate te tangata e whakapono ana ki a ia, engari kia whiwhi ai kit e orange tonutanga.   Hoani iii. 16.

Whakarongo hoki ki ta Paora.

He pono te korero, a e pai ana kia tangohia rawatia, I haere mai a Karaiti Ihu ki te ao kit e whakaora i te hunga hara.   1 Timoti i. 15.

Whakarongo ano hoki kit a Hoani.

Ki te hara tetahi, he kai korero mo tatou kei te Matua, ko Ihu Karaiti, ko te tika: ko ia ano te whakamarietanga mo o tatou hara.   1 Hoani ii. 1, 2.

¶ Muri iho, ka mea ano te Minita,

    Kia ara o koutou ngakau.
    Te Nuinga. Ka ara nei ki te Ariki.
    Piriti. Kia whakapai tatou ki to tatou Atua, ki a Ihowa.
    Te Nuinga. Ko te mea tika ano hoki tenei.

¶ Na, ka tahuri te Piriti ki te Tepara a te Ariki, a ka mea:

HE mea pai, he mea tika,

* Me whakarere enei kupu [E te Matua Tapu] I te Ra Tapu o te Tokotoru.

he tino mahi ano hoki tenei ma matou, te whakapai atu i nga wa katoa, i nga wa katoa, i nga wahi katoa, ki a koe, e Ihowa, e te * Matua Tapu, e te Atua Kaha rawa, Ora tonu.

¶ Ko konei te Matakupu me nga ra i whakaritea ai; ki te hahore, me korero tonu iho tenei,

KOIA hoki matou ko nga Anahera, ko nga Anahera nui, ko te hunga katoa ano hoki o te rangi, ka whakapai atu ai, ka whakanui ai i tou Ingoa kororia; ka mea tonu ai ki a koe, Tapu, tapu, tapu rawa, e Ihowa, e te Atua o nga mano tuauriuri, ki tonu te rangi me te whenua i tou kororia: Kia whakakororiatia koe, e Ihowa, i Runga rawa. Amine.
 

NGA MATAKUPU.

Mo te Ra Whanautanga, me nga ra e whitu hoki i muri iho.

MO to homaitanga i tau Tama Kotahi, i a Ihu Karaiti, kia whanau i tenei wa mo matou, i whakatangatatia nei e te Wairua Tapu ki roto ki tona whaea, ki te Wahina, ki a Meri; kahore rawa nei hoki ona hara; kia ma ai o matou hara i a ia. Koia hoki matou ko nga Anahera, &c.

Mo te Ra Aranga, me nga ra e whitu hoki i muri iho.

KO te tino mea ia e whakamoemiti ai matou ki a koe, ko te Aranga mai o tau Tama, o to matou Ariki, o Ihu Karaiti: ko ia hoki te tino Reme o te Kapenga i tukua nei mo matou, kua riro nei i a ia nga hara o te ao; na tona matenga te mate i ngaro ai, na tona aranga ki te ora te oranga tonutanga i riro mai ai i a matou. Koia hoki matou ko nga Anahera, &c.

Mo te Ra Kakenga, me nga ra e whitu hoki i muri iho.

KO tau Tama aroha hoki, ko Ihu Karaiti, to matou Ariki; i puta mai nei ki ana Apotoro katoa i muri iho i tona aranga ake, a, i a ratou ano e titiro ana, ka kake atu ia ki te rangi ki te whakapai i tetahi wahi mo mutou; kia tae atu ai matou ki te wahi e noho nei ia, kia uru ai hoki ki tona kingitanga, ki tona kororia. Koia hoki matou ko nga Anahera, &c.

Mo te Ra o te Petekoha, me nga ra e ono i muri iho.

KO Ihu Karaiti hoki to matou Ariki; he mana tonu nei hoki tana kupu, i heke mai ai te Wairua Tapu i tenei wa i runga i te rangi me te haruru nui, ano he hau nui, ko te ahua, me te mea he arero ahi, e tau iho ana ki runga ki nga Apotoro, hei whakaako i a ratou, hei arahi i a ratou ki nga mea pono katoa; na reira ratou i mohio ai ki te tini o nga reo ke, i maia ai, i kaha ai, te ako tonu i te Rongo pai ki nga tauiwi katoa; na tenei matou i puta mai ai i roto i te ppuri, i roto i te he, ki te maramatanga, ki te tino matauranga ki a koe, ki tau Tama hoki, ki a Ihu Karaiti. Koia hoki matou ko nga Anahera, &c.

Mo te Hakari anake o te Tokotoru.

HE Atua kotahi nei hoki koe, he Ihowa kotahi; he hunga tokotoru ano ia i roto i te Atua kotahi. I a matou hoki e whakapono nei ki te kororia o te Matua, e pena ana ano ki te Tama, ki te Wairua Tapu, kahore he kohirahiranga ake o tetahi, kahore he rerenga ketanga. Koia hoki matou ko nga Anahera, &c.

¶ Ka mutu tetahi o enei Matakupu, me waiata me korero ranei,

KOIA hoki matou ko nga Anahera, ko nga Anahera nui, ko te hunga katoa ano hoki o te rangi, ka whakapai atu ai, ka whakanui ai i to Ingoa kororia; ka mea tonu ai ki a koe, Tapu, tapu, tapu rawa, e Ihowa, e te Atua o nga mano tuauriuri, ki tonu te rangi me te whenuai, tou kororia: Kia whakakororiatia koe, e Ihowa, i Kunga rawa. Amine.

¶ Hei konei ka koropiko te Minita ki te Tepara a te Ariki, ka whakahua ai i tenei Inoi a te hunga katoa e mea ana kia kai i te Hapa.
 

E TE Ariki tohu, ehara i te mea he whakapakari ki a matou mahi tika i haere mai ai matou ki tau Tepara e tu nei, engari he whakaaro ki te tini o au mahi tohu. Kahore matou e tau hei kohikohi i nga kongakonga i raro i to Tepara. O tira ko taua Ihowa nei ano koe, he mahi tuturu hoki nau te atawhai: E te Ariki atawhai, meinga kia tika ta matou kai i te kikokiko o tau Tama e aroha nei koe, o Ihu Karaiti, kia tika ta matou inu i ona toto, kia ma ai o matou tinana hara i tona tinana, kia horoia ai hoki o matou wairua ki ona toto utu nui, kia noho tonu ai matou i roto i a ia, me ia hoki i roto i a matou. Amine.

¶ Me tu te Minita ki mua mai o te Tepara, ka ata whakatakoto ai i te Taro, i te Waina, kia tatanga ai, kia pai ai te whawhati te Taro ki te aroaro o te whakaminenga, te tango hoki i te Kapa ki ona ringaringa, muri iko ka whakahua ai i t e nei Inoi Whakatapu:
 

¶ Ko konei te Minita kai ai i te taro, i te maina, muri iho, ki te mea he Pihopa, he Piriti, he Rikona ranei kei reira, me whangai e ia ki a ratou; a, muri iho ki nga tangata katoa, hoatu rama ki o ratou ringaringa, me whakatepe tonu te whangai, me te ata tuku ano hoki ratou i o ratou turi ki raro. Ka hoatu e ia te Taro ki tetahi, me ki atu:
 

MA te Tinana o to tatou Ariki, o Ihu Karaiti, i tukua nei mou, e whakaora tou tinana me tou wairua kia ora tonu. Tangohia tenei, kainga, hei whakamaharatanga ki a te Karaiti i mate mou, kainga whakaponotia ia i roto i tou ngakau, i runga i te whakawhetai.

¶ Ka hoatu e te Minita te Kapa ki tetahi, me ki atu ia:

MA nga Toto o to tatou Ariki, o Ihu Karaiti, i whakahekea mou, e whakaora tou tinana me tou wairua kia ora tonu. Inumia tenei, hei whakamaharatanga ki nga Toto o te Karaiti i whakahekea mou, me te whakawhetai ano.

¶ Ki te pau wawe te Taro, te Waina ranei, i whakatapua, me te hapa ano etahi, me whakatapu ano e te Piriti tetahi atu; me te Taro, me hoki ano ki enei kapu, [I taua po ano i tukua ai to tatou Kai whakaora, a te Karaiti;] mo te Kapa, ki enei ano. [Waihoki ka mutu te Hapa].

¶ Ka mutu katoa, me hoki atu ano te Minita ki te Tepara a te Ariki, ka whakatakoto marire ai i nga mahi i toe o nga Kai i whakatapua, ka hipoki ai ki te kakahu ma.

¶ Ko konei korerotia ai e te Piriti te Inoi a te Ariki; me te whakahua ano nga tangata i nga kupu katoa i muri i a i a:
 

E TO matou Matua i te rangi, Kiataputoulngoa. Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino; Nou hoki te rangatiratanga, Te kaha, me te kororia, Ake ake ake. Amine.

¶ A ka mutu tena, ko tenei:
 

E IHOWA, e to matou Matua i te rangi, e hiahia ana matou, o pononga, kia paingia e koe tenei whakahere a matou, a matou nei kupu whakamoemiti, whakawhetai; e inoi ana hoki matou ki a koe kia murua o matou hara, me o tou Hahi katoa, mo nga mahi pai, mo te matenga o to Tama, o Ihu Karaiti, kia tukua mai ano hoki ki a matou, ki te hunga e whakapono ana ki ona toto, era atu hua pai katoa o tona matenga. E Ihowa, tenei matou te hoatu nei i a matou, i o matou wairua me o matou tinana, hei whakahere whai whakaaro, ora, tapu, ki a koe; me te inoi ano ki a koe kia manaakitia mai matou, te hunga kua kai i tenei Hapa Tapu, kia whakakiia hoki ki tou kaha. Kahore rawa matou e tau hei tapae whakahere ki a koe, he nui hoki no o matou hara; he ahakoa ra me manaaki mai e koe tenei mahi a matou; kaua e tirohia te ahua pai, kino ranei; engari murua o matou hara, ko Ihu Karaiti hoki to matou Ariki; kei roto nei i a ia matou e whakamoemiti atu nei ki a koe, e te Matua Kaha rawa, ki a ia, ki te Wairua Tapu, a, ake tonu atu. Amine.

Ko tenei ranei.

E TE Atua Kaha rawa ora tonu, he whakawhetai atu tenei na matou ki a koe, mou i pai ki te whangai i a matou, i te hunga kua tango nei i tenei Hakarameta tapu, ki aua mea utu nui, ki te Tinana, ki nga Toto o tau Tama, o to matou Kai Whakaora, o Ihu Karaiti, kia kainga i roto i o matou ngakau; he whakapumau hoki tenei nau i tou aroha ki a matou, he whakaatu mai hoki i to matou unga ki roto ki tau Tama hei wahi mo tona tinana, ko te rangapu tapu hoki tenei o te hunga whakapono katoa; na konei hoki i tika ai ta matou tumanako atu ki tou rangatiratanga mutunga kore, i runga i te matenga utu nui, i nga mamae, o tau Tama aroha. Ko ta matou inoi ano tenei ki a koe, e te Matua i te rangi, kia whakakahangia matou, kia tuturu tonu ai matou ki taua iwi tapu, kia mahia ai hoki e matou nga mahi pai katoa i whakaritea e koe hei mahi ma matou; ko Ihu Karaiti hoki to matou Ariki, ko ia, ko koe, ko te Wairua Tapu, te whakamoemititia, a, ake ake ake. Amine.

¶ Muri iho, ko tenei, me korero, me waiata ranei:
 

KIA whakakororiatia te Atua i runga rawa, kia mau te rongo ki runga ki te whenua, kia pai te whakaaro ki nga tangata. Ka whakamoemiti atu matou ki a koe, ka whakapai atu, ka koropiko atu, ka whakakororia, ka whakawhetai ki a koe, mo toukororianui,elhowa, e te Atua, e te Matua Kaha rawa.
    E te Ariki, e te Tama whakatupu kotahi, e Ihu Karaiti; e Ihowa, e te Atua, e te Reme a te Atua, e te Tama a te Matua, e waha atu nei i nga hara o te ao, tohungia matou. E te Kai waha o nga hara o te ao, tohungia matou. E te Kai waha o nga hara o te ao, whakarongo ki ta matou inoi. E koe e noho nei i te ringaringa matau o te Atua, o te Matua, tohungia matou.
    Ko koe anake te tapu ana; ko koe anake a Ihowa; ko koe anake, e te Karaiti, me te Wairua Tapu, kei runga rawa, i roto i te kororia o te Atua, o te Matua. Amine.

¶ Hei konei te Minita (te Pihopa ranei, ki te mea kei reira ia) tuku ai i nga tangata kia kaere, he tenei hei Manaakitanga.
 

MA te marie a te Atua, e kore nei e taea te whakaaro, e mea o koutou ngakau, o koutou hinengaro kia u i runga i te matauranga, i te aroha ki te Atua, ki tana Tama ano hoki, ki to tatou Ariki, ki a Ihu Karaiti: kia mau, kia u tonu hoki ki a koutou te manaakitanga a te Atua Kaha rawa, a te Matua, a te Tama, a te Wairua Tapu. Amine.

¶ Ko nga Inoi enei me muri i te Ohaokatanga i te mea kahare he Hapa, me korero kia kotaki, kia maka atu ranei; kei te Minita ano te tikanga me te korero i enei inoi i etahi atu ma, i muri iko i nga Inoi o te Karakia o te Ata, o te Ahiahi ranei, o te Kainga tahitanga ranei, o te Ritani ranei.
 

KIA tata mai koe, e Ihowa, i a matou e inoi nei, hei arahi i o pononga ki te ora tonu; hei awhina, hei tiaki i a matou i roto i nga tini putanga ketanga, i nga tini paheketanga O tenei ao matemate; ko Ihu Karaiti nei hoki to matou Ariki. Amine.

E IHOWA Kaha rawa, e te Atua ora tonu, he inoi tenei na matou ki a koe kia whakatikaia, kia whakatapua, kia whakahaerea o matou ngakau, me o matou tinana, i runga i nga ara o au ture, i nga mahi hoki i whakahaua e koe; mau, ma te Mea kaha, matou e tiaki, ka ora ai o matou tinana, me o matou wairua aianei, a ake tonu atu; ko Ihu Karaiti hoki to matou Ariki, to matou Kai whakaora. Amine.

HE inoi tenei na matou, e te Atua Kaha rawa, ki a koe, kia meinga nga kupu, kua rangona nei e o matou taringa i tenei ra, kia whai pakiaka ki roto ki o matou ngakau, kia nui a
i nga hua, ara, kia pai ai ta matou noho, kia whakamoemititia ai tou Ingoa; ko Ihu Karaiti hoki to matou Ariki. Amine.

HEI mua koe i a matou, e Ihowa, hei tohutohu i a matou mahi katoa; ko koe ano hoki hei whakakaha i a matou; kia whai kororia ai koe i a matou mahi katoa; he mea timata, he mea mahi, he mea whakaoti i roto i a koe; kia whiwhi ai hoki matou ki te ora tonu i te mea e atawhaitia nei e koe; ko Ihu Karaiti hoki to matou Ariki. Amine.

E TE Atua Kaha rawa, ko koe te puna o te matauranga katoa, kua matan noa ake koe ki o matou mate, i te mea kiano matou i inoi, ki to matou kuwaretanga ano hoki ki te inoi; He inoi tenei na matou kia aroha mai koe ki a matou ki te hunga ngoikore; he kino matou i kore ai e maia ki te inoi; he matapo hoki i kuware ai; heoi, mau e homai noa mai nga mea pai; me whakaaro ki te pai o tau Tama o to matou Ariki, o Ihu Karaiti. Amine.

E TE Atua Kaha rawa, kua ki mai koe ka whakarangona mai nga inoi a te hunga e inoi ana i runga i te Ingoa o tau Tama; kia tahuri mai ou taringa ki a matou inoi; tukua mai hoki ki a matou nga mea kua inoia whakaponotia nei e matou, nga mea e rite ana ki tau e pai ai, kia kore ai o matou mate, kia whakakororiatia ai hoki koe; ko Ihu Karaiti hoki to matou Ariki. Amine.
 

¶ Na, i nga Ra tapu, me era atu Ra Nui hoki, (ki te kahore he Hapa,) me karakia nga Karakia kotoa i whakaritea mo te Hapa, a, te mutunga ra ano o te Inoi [Mo te Hahi katoa o te Karaiti e whawhai nei i te ao nei] me tetaki ano hoki o enei Inoi i runga ake nei, me te Manaakitanga hei whakamutunga.

¶ Kaua hoki te Hapa tapu e tukua ki te kahore e rite ki ta te Minita whakaaro te tokomaha, o nga tangata hei kai.

¶ Akakoa kakore i hira ake i te rua tekau nga tangata o te Pariha e tika ana kia kai; kaua e tukua te Hapa tapu ki te kahore i tokowka, (i tokotoru ranei,) hei hoa kai mo te Piriti.

¶ Hei nga Whare-karakia nui o nga Pihopatanga, hei nga Kareti ano hoki, he tokomaha nei nga Minita o reira, me tango katoa ratou i te Hapa tapu i nga Ratapu katoa; kaua hoki e kapea ki te kahore he putake nui.

¶ Kia kore ai tetahi tangata e totohe, e poauau ki te Taro, ki te Waina, me kawe mai te Taro e kainga noatia ana i te kainga; hei te Taro pai ano ia hei te mea Witi.

¶ Ki te toe hoki tetahi mahi o te Taro, o te Waina, kahore nei i whakatapua, ma te Minita tena: ki te toe ia tetahi mahi o tera i whakatapua, e kore e kawea ki maho o te whare, engari ma te Minita e karanga etahi o te Hunga i tango i te Hapa, a, ma ratou ano e ata kai; hei muri tata iho ano o te Manaakitanga.

¶ Kei te Minita ratou ko nga Watena te whakaaro ki te Taro, ki te Waina, mo te Hapa; ma te Pariha e utu.

¶ Na, kia makara, kia toru nga tangohanga Hapa a nga tangata katoa o te Pariha i te tau kotahi; hei te Aranga tetahi tangohanga. Hei te takiwa hoki o te Aranga, i ia tau, i ia tau, me kawe mai e nga tangata katoa o te Pariha nga mea katoa e tika ana kia homai e ratou ki te Minita.

¶ Ka mutu te Karakia, me hoatu te Moni i kohikohia i te Ohaohatanga ki nga mahi a te Hahi, ki nga mahi aroha, e pai ai te Minita ratou ko nga Watena. Ki te kahore hoki e rite a ratou whakaaro, ma te Kai whakariterite ano te tikanga.

NA, kua takoto nei te tikanga mo te Tukunga i te Hapa a te Ariki kia tukua ki raro nga turi o te Hunga e kai ana; he tikanga pai ano hoki tenei hei tohu mo te ngakau papaku, mo te ngakau whakawhetai, whakaae ki te pai o nga mea a te Karaiti e tukua mai ana i reira ki nga tangata e kai tika ana; hei mea hoki e ahua pai ai te kainga i te Hapa tapu; kaua tetahi tangata kuware, tangata hianga ranei e pokanoa ki te whakahe i tenei tikanga; ehara hoki i te mea he koropiko ki te Taro, ki te Waina, o te Hakarameta e kainga maoritia nei; ki te Tinana maori ranei, ki te Toto maori o te Karaiti, me te mea kei roto enei i te Taro, i te Waina; ina hoki he Taro nei ano te Taro o te Hakarameta, he Waina nei ano te Waina, e kore hoki e tika kia koropikoria atu; (he Karakia Whakapakoko hoki tena, he tikanga whakarihariha ki nga Tangata Whakapono katoa;) ko te Tinana maori koki o to tatou Kai Whakaora o te Karaiti, me ona Toto, kei te Rangi, kahore i konei; e kore ano hoki ejahei te ki, kei konei, i te mea kei te Rangi tonu o noho ana.