Kai-whakaako. I mea mai koe, ko o Matuaatua o kaiwhakaae ki nga Ture a te Atua kia whakaritea e koe. Tena koa, e hia aua Ture?

Akonga. Kotahi tekau.

Kai-whakaako. Ko ehea?

Akonga. Ko aua korero i korero ai te Atua i te rua tekau o nga Upoko o Ekoruhe, i mea ai, Ko Ihowa ahau, ko tou Atua, naku koe i whakaputa mai i te whenua o Ihipa, i te whare pononga.

    I. Aua etahi Atua ke atu mou ki mua atu i a au.
    II. Kei hanga koe i te whakapakoko mou, i tetahi ritenga ranei o nga mea o te rangi i runga, o te whenua ranei i raro, o te wai ranei i raro i te whenua. Kei koropiko koe ki ena mea, kei mahi ranei ki ena mea: ko Ihowa hoki ahau, ko tou Atua, he Atua hae, e mea ana i nga hara o nga matua kia tau iho ki nga tamariki, a, te toru, te wha ra ano o nga whakatupuranga o te hunga e kino ana ki a au; e whakaputa aroha ana hoki ki nga mano, ki te hunga e aroha ana ki a au, e whakarite ana hoki i aku ture.
    III. Kei whakahuatia noatia e koe te Ingoa o Ihowa, o tou Atua: e kore hoki a Ihowa e mea, he harakore te tangata e whakahua noa ana i tona Ingoa.
    IV. Kia mahara ki te Ra Hapati, kia whakatapua. E ono nga ra e mahi ai koe, e mea ai hoki i au mea katoa; tena ko te ra whitu, he Hapati no. Ihowa, no tou Atua. Kaua e mahia tetahi mahi i reira e koe, e to tamaiti, e to tamahine, e to pononga tane, e to pononga wahine, e o kararehe hoki, me to tangata ke i roto i ou tatau. E ono hoki nga ra i hanga ai e Ihowa te rangi, me te whenua, te moana, me nga mea katoa i roto, a okioki ana i te ra whitu; no reira i whakapaiogia ai te Ra Hapati e Ihowa, a whakatapua ana.
    V. Whakahonoretia toupapa me tou whaea, kia roa ai ou ra ki te whenua e homai nei e Ihowa, e tou Atua, ki a koe.
    VI. Kaua e patu.
    VII. Kaua e puremu.
    VIII. Kaua e tahae.
    IX. Kaua e whakapae teka ki tou hoa.
    X. Kaua e hiahia ki te whare o tou hoa, kaua e hiahia ki te wahine a tou hoa, ki tana pononga tane ranei, ki tana pononga wahine ranei, ki tana kau ranei, ki tana kaihe ranei, ki tetahi mea ranei a tou hoa.

Kai-whakaako. Tena koa nga tino mea e akona nei e koe ki anei Ture?

Akonga. E rua nga mea e kite nei ahau: ko te tikanga mo taku mahi ki te Atua, me te tikanga mo taku mahi ki te Tangata.

Kai-whakaako. Tena koe te tikanga mo to mahi ki te Atua?

Akonga. Ko te tikanga tenei mo taku mahi ki te Atua; Kia whakapaua toku ngakau, toku hinengaro, toku wairua, toku kaha, ki te whakapono ki a ia, ki te wehi ki a ia, ki te aroha ki a ia; kia koropiko ahau ki a ia, kia whakawhetai atu ki a ia, kia waiho ko ia anake hei whakawhirinakitaugamoku, kia inoi atu ahau ki a ia, kia whakahonore i tona Ingoa tapu, i tana Kupu, kia pono hoki taku mahi ki a ia i nga ra katoa e ora ai ahau.

Kia-whakaako. Tena koa te tikanga mo to mahi ki te Tangata?

Akonga. Ko te tikanga tenei mo taku mahi ki te Tangata; Ko toku aroha ki a ia kia rite ki toku aroha ki a au nei ano, ko taku ano e mea ai ki era atu tangata, kia rite ki taku e pai ai kia meatia mai e ratou ki a au: Kia aroha, kia whakahonore, kia atawhai ki toku papa, ki toku whaea: Kia whakahonore, kia rongo ki te Kuini, ki nga tangata katoa hoki i waiho e ia hei kaiwhakahaere tikanga: Kia rongo ahau ki oku kai-whakaako, kaitohutohu i nga mea o te wairua, me oku rangatira: Kia ahua humarie ahau ki hga tangata katoa e nui ake ana i a au: Kei mamae hoki tetahi tangata i aku kupu, i aku mahi: Kia pono, kia tika aku hanga katoa: Kia kaua toku ngakau e mauahara, e hae; Kia tupato kei pokanoa, kei tahae oku ringaringa, kei kino, kei teka, kei ngautuara toku arero: Kaua hoki toku tinana e kakai, e iinu, e hiahia puremu: Kia kaua hoki e titiro apo atu, e hiahia atu ranei ki o era Ipngata taonga; engari kia ako ahau ki te mahi kai, ki te mahi rawa moku, kia ata mahia hoki nga mahi katoa e pai ai te Atua hei mahi maku.

Kia-whakaako. E mara, kia matau koe ki tenei, e kore e taea e koe anake te mea i anei mei, te whakarite ranei i nga Ture a te Atua, me te mahi ki a ia, ki te kahore koe e whakakahangia e ia; me whai hoki tenei e koe i nga taima katoa i runga i te inoi pono. Tena, kia rongo ahau, e matau ana ranei koe ki te Inoi a te Ariki?
 

Akonga. E to matou Matua i te rangi, Kia tapu tou Ingoa. Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine.

Kai-whakaako. Tena koa te tikanga o tenei Inoi au?

Akonga. He mea naku ki toku Ariki, ki te Atua, ki to tatou Matua i te rangi, ko ia nei hoki te kaihomai i nga mea pai katoa, kia tukua mai e ia tana atawhai ki a au, ki nga tangata katoa; kia tika ai ta tatou karakia ki a ia, kia mahi ai tatou i tana mahi, kia rongo ai hoki ki a ia. He inoi ano hoki naku ki te Atua, kia tukua mai e ia nga mea e matea ana e o tatou wairua, e o tatou tinana; kia mahi tohu ano ia ki a tatou, kia muru i o tatou hara; kia pai ia ki te whakaora, ki te tiaki i a tatou, i nga panga mai o te he ki o tatou wairua, ki o tatou tinana; kia araia atu e ia i a tatou nga hara katoa te wairua kiuo hoki, to tatou hoa whawhai, me te mate mutungakore. E whakapono ana hoki ahau, ka rite tenei i a ia; he nui hoki tona aroha, tona pai; ko Ihu Karaiti hoki to tatou Ariki. Koia ahau i mea ai, Amine, Kia pono.
 

Kai-whakaako. E hia nga Hakarameta i whakaritea e te Karaiti ma tana Hahi?

Akonga. E rua rawa ano; he mea nui enei e pa ai nga tangata ki te ora; ko te Iriiringa, ko te Hapa a te Ariki.

Kai-whakaako. He aha te tikanga o tenei kupu, o te Hakarameta?

Akonga. He mea no waho te Hakarameta, he mea e kitea ana e te kanohi, hei tohu mo te mahi wairua i roto; he mea i homai ki a tatou e te Karaiti pu ano, i whakaritea ano hoki e ia hei mea e whiwhi ai tatou ki taua mahi wairua, hei taunaha ano hoki mo taua mea.

Kai-whakaako. E hia nga wahi o te Hakarameta kotahi?

Akonga. E rua; ko te tohu o waho, e kitea ana, ko te mahi wairua hoki i roto.

Kai-whakaako. He aha te tohu o waho, e kitea ana i te Iriiringa?

Akongo. He wai; e iriiria nei te tangata i runga i te Ingoa o te Matua, o te Tama, o te Wairua Tapu.

Kai-whakaako. He aha te mahi wairua i roto?

Akonga. He whakatupapakutanga ki te kino, he whanautanga houtanga ki te tika: i whanau hara mai hoki tatou, i he tamariki na te riri, ma tenei ia tatou ka meiuga ai hei tamariki ma te atawhai.

Kai-whakaako. Kia aha nga tangata ka tika ai kia iriiria?

Akonga. Kia ripeneta, ara, kia mahue i a ratou te hara; kia whakapono hoki, ara, kia tino whakaponohia e ratou nga meatanga mai a te Atua ki a ratou i roto i taua Hakarameta.

Kai-whakaako. Na te aha nga tamariki nonohi i iriiria ai, he tamariki rawa nei hoki ratou, e kore hoki e ahei te whakarite i aua mea?

Akonga. Na te mea i waiho o ratou Matuaatua hei kaiwhakaae ma ratou ki aua mea; ma ratou ano hoki e whakarite taua whakaaetanga, inu kaumatua ake ratou.

Kai-whakaako. Hei aha i whakaritea ai te Hakarameta o te Hapa a te Ariki?

Akonga. Hei whakamahara tonu ki taua patunga tapu, ki te matenga o te Karaiti, ki nga mea pai hoki o taua matenga ka riro mai nei, i a tatou.

Kai-whakaako. He aha te tohu o waho i te Hapa a te Ariki?

Akonga. He Taro, he Waina, i meinga e te Ariki kia kainga.

Kai-whakaako. He aha te mea o roto, ara, te mea e tohungia ana?

Akonga. Ko te Tinana, ko nga Toto o te Karaiti; e riro pono mai ana hoki aua mea i te hunga whakapono, ana kainga te Hapa a te Ariki.

Kai-whakaako. He aha nga pai o tena mea ka riro mai nei i a tatou?

Akonga. Ma jeira, ara, ma te Tinana, ma nga Toto o te Karaiti ka whai kaha ai, ka whai manawa ai o tatou wairua, e rite ana hoki ki te Taro, ki te Waina, e whakakaha nei i o tatou tinana.

Kai-whakaako. Kia aha te hunga e haere mai ana ki te Hapa a te Ariki.

Akonga. Kia uiui ki a ratou ano, kia kitea ai, he pono ranei te ripeneta mo o ratou hara o mua, me te u ano te whakaaro kia pokaia houtia he mahi hou; kei te ora ranei te whakapono ki te mahi tohu a te Atua i roto i a te Karaiti, me te mau ano te mahara ki tona matenga, i runga i te ngakau whakawhetai; kia kitea ai hoki, kei te mau ranei te aroha ki nga tangata katoa.

¶ Me whakaako e te Minita o te Pariha etahi o nga Tamariki o tona Pariha ki tetahi wahi o tenei Katikihama, i roto i te Whare-karakia, i te mutunga o te Upoko tuarua o te Karakia o te Ahiahi i nga Ra tapu, i nga Ra nui, kia rite te tokomaha ki tana e whakaaro iho ai.

¶ Me mea ano hoki nga Matua ratou ko nga Rangatira, kia haere mai a ratou Tamariki, ki te Whare-karakia, ite wai whakaritea (ara, nga mea kahore i mohio ki te Katikihama), kia whahaakona e te Minita, kia mohio ra ano ratou ki nga mea e whakaaturia ana i konei, hei ako ma ratou.

¶ Ka kaumatua nga Tamariki, ka mohio ki te whakahua i nga kupu o te Whakapono, i te Inoi a te Ariki, i nga Ture Kotahi Tekau, me tenei Katikihama poto, me kawe ratou ki te Pihopa. Me haere tahi hoki tetahi o nga Matuaatua, hei Kai titiro mo te Whakaunga.

¶ Ka puta te kupu a te Pihopa kia haere atu nga Tamariki ki a ia, ki te Whakaunga, na, me kawe e te Minita, me tuku ranei kia kawea, nga ingoa o nga tangata o tona Pariha, e meatia ana e ia kia whakaungia. A, ki te paingia e te Pihopa me whakau e ia; ko te tikanga tenei.

MO TE

WHAKAUNGA,

ARA

MO TE WHAKAPAKANGA RINGARINGA KI TE HUNGA IRIIIRI, INA KAUMATUA AKE RATOU.

¶ Ka taka mai te ra i whakaritea, kia whakaturia katoatia te hunga i haere mai kia whakaukia ki te aroaro o te Pihopa; hei reira ka korerotia enei kupu e ia, e tetahi Minita ranei i whakaritea e ia.

KO te whakaaro tenei a te Hahi, kia whakatupuria i runga i te pai nga tangata e whakaukia ana, koia i whakaritea ai, Kia kaua tetahi e whakaukia, ki te kore ia e mohio ki te whakahua i nga kupu o te Whakapono, i te Inoi a te Ariki, me nga Ture kotahi tekau; ki te whakahoki kupu ano hoki ki nga Uinga o te Katikihama poto: he ritenga pai ano hoki tenei mo nga tamariki, i te mea ka kaumatua ake ratou, ka oti hoki te whakaako ki nga mea i whakaaetia mo ratou i to ratou Iriiringa e o ratou Matuaatua, kia whakamana ano aua kupu e o ratou ake mangai, i te aroaro o te Hahi; kia whakaae ano hoki kia tohe tonu ratou, i runga i to te Atua kaha, ki te whakarite i nga mea e whaki mai nei ratou kua whakaaetia e ratou.

¶ Ko rerira te Pihopa mea ai:

E PAI ana ranei koutou kia whakahoutia i te aroaro o te Atua,o tenei whakaminenga ano hoki ta koutou kupu whakaae i whakapuakina mai i to koutou Iriiringa: ka whakapumautia ranei e koutou aianei taua kupu whakaae; ka whakaponohia ranei, ka mahia e koutou nga mea katoa i whakaaetia mai e koutou, ara, e o koutou Matuaatua?

¶ Hei reira ki katoa mai ai ratou, kia nui hoki te reo:

E pai ana ano ahau.

Ko te Pihopa.

KEI te Ingoa o Ihowa he awhina mo tatou;

Ko te Nuinga. Kei te kai hanga i te rangi me te whenua.

Ko te Pihopa. Kia whakapaingia te Ingoa o Ihowa.

Ko te Nuinga. Aianei, a, ake ake ake.

Ko te Pihopa. E Ihowa, whakarongo mai ki a matou inoi.

Ko te Nuinga. Kia tae atu ta matou karanga ki a koe.

Ko te Pihopa. Kia inoi tatou.

E TE Atua Kaha rawa ora tonu, kua pai nei koe kia whakawhanautia houtia enei pononga au ki te Wai, ki te Wairua Tapu, kia murua hoki o ratou hara katoa; Whakaka. hangia ratou, e te Ariki, ki te Wairua Tapu, ki te Kai whakahari, whakanuia i roto i a ratou, i nga ra katoa, au homaitanga maha o te atawhai, te wairua o te whakaaro nui, o te matauranga; te wairua o te whakatakoto whakaaro, o te kaha; te wairua o te mohio, o te karakia pono; whakakiia ano hoki ratou, e Ihowa, ki te wairua o te wehi ki a koe, aianei, a, ake ake ake. Amine.

¶ Na, ta koropiko katoa ki te aroaro o te Pihopa, me whakapa e ia tona ringaringa ki te matenga o tetahi o tetahi, me mea hoki ia:
 

TIAKINA, e te Ariki, tenei Tamaiti au [tenei Pononga au ranei] e tou kaha i te rangi, kia pumau tonu ai ia ki a koe; kia tupu ake ai hoki i nga ra katoa i roto i tou Wairua Tapu, a tae noa ki tou rangatiratanga mutunga kore. Amine.

¶ Ko reira te Pihopa mea ai:

Kia noho a Ihowa ki a koutou.

Ko te Nuinga. Ki tou wairua ano hoki.

¶ A, ka koropiko katoa, me mea ano te Pihopa:

Kia inoi tatou.

E TO matou Matua i te rangi, Kia tapu tou Ingoa. Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o maton hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine.

¶ Me tenei Inoi:

E TE Atua Kaha rawa ora tonu, ko koe hei mea i a matou kia hiahia, kia whakarite i nga mea e pai ana ki a koe, ki te Atua Nui; He inoi atu tenei na matou ki a koe mo enei pononga au, kua whakapangia nei e o matou ringaringa, (he mea whakarite ki te mahi a o Apotoro tapu,) hei whakaatu i tou atawhai ki a ratou. Kia taumarumaru tonu iho tou ringaringa ki runga ki a ratou; kia noho tonu tou Wairua Tapu ki a raton; arahina hoki ratou i runga i te mohio, i te whakarongo hoki ki tau Kupu, kia whiwhi ai ratou a mua ki te oranga mutunga kore; Ko Ihu Karaiti hoki to matou Ariki, e ora tahi, e kingi tahi na, me koe, me te Wairua Tapu, kotahi ano Atua, ake ake ake. Amine.

E IHOWA Kaha rawa, e te Atua ora tonu, he inoi atu tenei na matou ki a koe, kia whakatikaia, kia whakatapua, kia whakahaerea o matou ngakau, me o matou tinana, i runga i nga ara o au ture, i nga mahi hoki i whakahaua e koe; Mau, ma te Mea kaha matou e tiaki, ka ora ai o matou tiaana, me o matou wairua, aianei, a, ake tonu atu; ko Ihu Karaiti hoki to matou Ariki, to matou Kai Whakaora. Amine.

¶ Ko reira te Pihopa manaaki ai i a ratou, mea ai:

KIA tau ki a koutou te manaakitanga a te Atua Kaha rawa, a te Matua, a te Tama, a te Wairua Tapu; kia mau tonu iho hoki ki a koutou, ake ake ake. Amine.

¶ Na, e kore tetahi e tukua ki te Hapa Tapu, kia whakaukia ra ano, kia whai hiahia ranei ia kia whakaukia.