ATOR SAMBIANG MASS

BESEDIA

Orang maioh bediri leboh bala choir enggau padri tama mansang nuju penudok sida.

Ditu masmur tauka Pantun tau di nyanyi

Padri: Tuhan enggau kita
Orang: Lalu sama enggau nuan mega.

TAUKA

Padri: Tuhan bisi ditu
Orang: Roh iya bisi enggau kitai.

TAUKA leboh Hari Ista nyentok ka Pentikos

Padri: Alleluya: Kristus udah angkat idup baru ari mati.
Orang: Iya amat udah angkat idup baru. Alleluya.

BESUGANG

Samoa: Allah Taala ti pemadu bekuasa, samoa ati mesnia dipeda nuan, samoa ti ka deka mensia ditemu nuan, nadai kami tau belalai ka nuan asoh tuchi peragam ati kami olih Roh Kudus nuan, ngambi ka-kami tau rindu ka nuan enggau pengabis ati kami, lalu ngemesai ka nama nuan ti kudus; olih Jesus Kristus Tuhan kami. Amin.

Sambiang Pengesal ati

Padri: Laban Allah Taala rindu ka kitai mensia, iya meri Anak Tunggal iya Jesus Kristus ngidup ka kitai ari dosa, iya nyadi seruan kitai dalam serega, lalu mai kitai soh pengidup ti meruan belama.

Aram kitai ngaku dosa kitai, dalam pengarap sereta ngesal ati, lalu enggau ati ti mutus tetap ngintu pesan allah Taala lalu begulai diau dalam pengerdinu enggau pemaik enggau samoa orang.

Samoa: Allah Taala ti pemadu bekuasa, Apai kami ti di serega, kami udah bedosa ngelaban nuan, enggau diri sama diri, dalam peragam, dalam jako, dalam kereja, olih ati ti enda iboh, olih pengelemi, olih ati ti endang deka ngereja iya. Kami amat ngesal ati ka samoa dosa ti udah digaga kami.

Tegal anak nuan Jesus Kristus ti mati ka kami, ampun samoa dosa kami ti udah, lalu saup kami betuai ka nuan enggau olah badas awak ka ngemesai ka nama nuan. Amin.

Padri: Allah Taala ti pemadu bekuasa, ti ngampun samoa orang ti amat ngesal ati ka dosa. Kasih ka kita, ngampun lalu ngelepas ka kita ari samoa dosa kita, netap lalu ngering ka kita dalam samoa kereja badas, lalu ngintu kita dalam pengidup ti meruan, olih Jesus Kristus Tuhan kitai. Amin.

KYRIE

Tuhan, kasih ka kami.
Tuhan, kasih ka kami.

Kristus, kasih ka kami.
Kristus, kasih ka kami.

Tuhan, kasih ka kami.
Tuhan, kasih ka kami.

BEDIRI
 

Mulia ka Allah Taala dalam endor ti pemadu  tinggi, selamat ka anembiak iya dalam dunya.

Tuhan Allah, Rajah serega. Allah Taala ti pemadu bekuasa, ti Apai samoa, kami nyembah nuan, kami meri terima kasih soh nuan, kami muji nuan ketegal mulia nuan.

Tuhan Jesus Kristus, Anak Tunggal Allah Apai, Tuhan Allah Anak Domba Allah Taala, nuan ti muai dosa mensia; kasih ka kami; nuan ti dudok muak ka kanan Allah Apai, sambut sambiang kami.

Laban semina nuan siko aja ti kudus, nuan aja ti Tuhan, nuan aja ti Pemadu Tinggi, Tuhan Jesus, sama enggau Roh Kudus, dalam mulia allah Taala. Amin.

SAMPI TI DILETAK KA HARI NYA
 

(MINISTRI) JAKO ALLAH TAALA

DUDOK

Bacha ari Penyanggup Lama.
Tuai:    Bacha di ambi ari Bup . . . . . bagi . . . . .
Ayat . . . . .
Ba Pengabis bacha.
Tuai:    Tu jako Tuhan

Samoa: Terima kasih ka Allah Taala.
Tu alai tau ngena MASMUR
Bacha ari Penyanggup Baru (EPISTOLA)
Tuai:    Bacha di ambi ari Epistola ....... Bagi ....... Ayat .....
Ba Pengabis bacha.
Tuai:    Tu jako Tuhan
Samoa: Terima kasih ka Allah Taala.

PANTUN

BEDIRI
INJIL

Tuai:    Bacha di ambi ari INJIL ti ditulis St. ........ Bagi.......... Ayat ...........
Samoa: Mulia ka Kristus, Pengelepas kitai.
Ba pengabis Bacha.
Tuai:    Tu Injil Kristus.
Samoa: Puji Kristus, Tuhan kitai.

DUDOK
JAKO AJAR

BEDIRI
 

BATANG PENGARAP KRISTIAN

Kami arap ka Allah Taala, ti Petara siko aja, ti Apai ti Pemadu Bekuasa, ti ngaga serega enggau bumi, enggau samoa utai ti dipeda enggau samoa utai ti enda dipeda.

Kami arap ka Tuhan siko aja, Jesus Kristus, Anak Tunggal Allah Taala, ti endang sama bisi enggau Allah Taala kenyau ari mula iya kelia, Allah Taala ti datai ari Allah Taala, Penampak ti datai ari Penampak, Petara bendar ti datai ari Petara bendar, iya diperanak, iya ukai digaga, iya endang sama sabaka enggau Allah Apai. Olih iya samoa utai digaga, iya nurun ari serega kategal kitai laban deka nebus kitai mensia. Olih kuasa Roh Kudus iya diada ka Maria Dara Tuchi lalu nyadi mensia. Ka tegal kitai iya diregang diletak Pontius Pilatus; iya merinsa, mati lalu dikubor:

Hari ti katiga iya angkat idup baru ngamat ka jako dalam Surat Allah Taala kelia; iya pulai ka serega lalu dudok ari puak kanan Allah Apai: iya deka datai baru enggau mulia, deka milih orang ti manah enggau ti jai, sampal ti agi idup enggau ti udati mati, lalu perintah iya deka meruan belama lama.

Kami arap ka Roh Kudus, ti Tuhan, ti meri pengidup iya datai ari Apai enggau Anak, iya sama sabaka enggau Allah Apai enggau Allah Anak, sama disembah lalu di-kemesai iya udah bejako beseruan ka sida nabi.

Kami arap ka siti Eklisla aja, ti Kudus, ti katolika, ti bepun ari slda Rasul Kami ngaku sitl Baptisa dikena ngampun dosa. Kami nganti pengangkat orang ti udah mati enggau pengidup ti meruan dalam dunya ti ka datai. Amin.

DUDOK

Jako Padah enggan Jako Tanya orang ti deka nikah.

BESUGANG

SAMPI PINTA

Tuai: Aram kitai besampi ka Eklisia, sereta ka samoa mensia dalam dunya tu, lalu meri terima kasih ka samoa pemanah Allah Taala ba kitai.

Allah Taala ti pemadu bekuasa, Apai kami ti di serega, nuan udah besemaia deka ninga ka sampi kami ti minta dalam pengarap.

Kering ka....... Bishop kami, ka Eklisia nuan ti betuai ka Kristus, awak ka samoa orang ti ngaku nama nuan tau begempong dalam pemendar nuan, begulai diau dalam pengerindu nuan, lalu mandang ka mulia nuan di sabelah dunya.

Beri penemu enggau pengelandik ka samoa orang ti megai kuasa, lalu iring menoa tu (Malaysia) enggau samoa menoa bukai dalam jalai pengeluras enggau pemaik, awak ka mensia tau bebasa ka pangan diri, lalu ngereja utai ti pulai ka penguntong samoa.

Beri berekat nuan ka samoa kami, ka kami sabilik, ka pangan kami, sereta enggau orang ti diau semak kami, awak ka kami tau ngereja pengawa Kristus dalam pemanah enggau pangan diri, lalu rindu ka diri sama diri baka Kristus ti rindu ka kami.

Kelantang lalu gerai ka sida ti nat ka penyakit ba tuboh, ati enggau roh, lebih agi ka........ Beri ka sida peransang enggau pengadang ati leboh nat ka penusah, lalu beri ka sida pengaga ati ti datai ari selamat nuan.

Dinga ka kami leboh kami ngingat ka sida ti udah mati arap ka Kristus.......... nitih ka semaia nuan, beri ka kami sama enggau sida bagi dalam perintah nuan ti meruan belama-lama.

Nya alai andal ati begulai enggau (N sereta sama) enggau samoa Orang Tuchi, kami meri diri, sampal enggau Orang Kristian bukai mega, kedalam pengerindu nuan.

Samoa:            Apai ti kasih,
sambut sambiang kami,
tegal Anak nuan,
Jesus Kristus ti Penebus kami. Amin.

BESUGANG

Samoa: Tuhan ti pemadu kasih, pengeriniu nuan ti matak kami tama kitu. Jari kami enda tuchi, ati kami enda besedia, kami enda patut makai teda dibaroh mija nuan, Tang nuan, Tuhan, Petara ti Penebus kami; lalu magi roti nuan enggau orang ti bedosa. Nya alai tuchi lalu tupi kami ngena tuboh enggau darah Anak nuan ti berega awak ka iya tau diais dalam kami, lalu kami dalam iya; awak ka kami; sama enggau bala Eklisia Kristus, tau begulai dudok sama makai dalam perintah nuan. Amin.

(MINISTRI) SAKRAMEN

Selamat

BEDIRI

Padri: Kristus ti selamat kitai. Iya udah mai kitai saum bara enggau Allah Taala dalam tuboh siti olih regang iya. Kitai begempuru dalam nama iya; lalu sama bulih selamat ti di beri iya.

TAUKA

Kitai tu Tuboh Kristus. Olih Roh siko, kitai udah dibaptisa ka dalam Tuboh siti.

Aram kitai ngereja utai ti mai selamat lalu ngemansang ka jalai pengidup samoa.

Padri: Selamat Tuhan diau enggau kita selalu.

Samoa: Lalu sama enggau nuan mega.

Padri: Aram kitai meri tanda selamat ba pangan diri. (Orang maioh tau betabi jari enggau pangan diri)

NYENDIA KA PEMBERI

Sampi meri roti

Padri: Puji ka nuan, Tuhan Allah ti Petara samoa dunya, laban pemanah nuan kami bisi roti tu ti deka dienjok, ti olih ari tanah lalu udah digaga jari mensia. iya deka nyadi roti pengidup ka kami.

Samoa: Puji ka Allah Taala belama-lama.

Sampi meri ai anggor

Padri: Puji ka nuan, Tuhan Allah ti Petara samoa dunya. Laban pemanah nuan kami bisi ai anggor ti deka dienjok, ti datai ari buah pun anggor, lalu digaga jari mensia. Iya deka nyadi darah Kristus ka di irap kami.

Samoa: Puji ka Allah Taala belama-lama.

PANTUN. SADEKAH DIGUMPUL
SAMPI NYAMBUT SADEKAH. NGETU NYANYI

Samoa: Enggi nuan Tuhan, samoa pemesal, kuasa, mulia enggau peraanah, laban samoa utai ti di serega enggau di bumi enggi nuan magang. Samoa utai datai ari nuan, lalu ari pemisi kami ti datai ari nuan, kami ngenjok nuan.

PANTUN TAU DI NYANYI BARU
SAMPI/EUKARISTA

MERUAN BEDIRI
 

SAMBIANG EUKARISTA NO. 1

Padri: Tuhan enggau kita
Samoa: Lalu sama enggau nuan mega.

TAUKA

Padri: Tuhan bisi ditu
Samoa: Roh iya bisi enggau kitai.
Padri: Angkat ka ati kita.
Samoa: Kami ngangkat ka ati ngagai Tuhan.
Padri: Aram kitai muji Tuhan ti Petara kitai.
Samoa: Endang ngena kitai muji lalu ngemesai ka iya.

Padri: Endang ngena, endang patut kitai enggau ati andal, di sebarang maia, di sebarang endor, meri terima kasih enggau puji soh nuan, Apai ti Kudus, Rajah menoa serga, Allah Taala ti pemadu bekuasa, ti endang meruan, olih Jesus Kristus Anak nuan Tuhan kami:

Laban iya endang Jako nuan ti idup; olih iya nuan udah ngaga samoa utai kenyau ari mula iya kelia, lalu ngaga kami baka nuan empu.

Olih iya nuan udah ngelepas ka kami ari tanggam dosa, nuan udah ngasoh iya ada nyadi mensia lalu mati ba kayu regang; nuan udah ngangkat ka iya idup bara ari mati lalu ngemesai ka iya dudok puak kanan nuan di tempat ti tinggi,

Olih iya nuan udah ngiram ka kami Roh ti tuchi ti meri pengidup, lalu ngaga kami nyadi anembiak pesaka nuan empu.

JAKO PENULU NITIH KA HARI TAUKA MUSIN
PEDA DAUN 26

Nya alai sereta enggau malikat enggau pengulu malikat enggau samoa bala serga, kami ngemesai ka nama nuan ti besai, ti bemulia, lalu berari muji nuan, ko kami:

Samoa: Kudus, kudus, kudus, Tuhan. Allah Taala ti pengering ti bekuasa. Serega enggau bumi penoh olih mulia nuan,
Hosanna dalam endor ti pemadu tinggi.

(GENTERAN tu tau mega di kena)

Beberekat iya ti datal dalam nama Tuhan,
Hosanna dalam endor ti pemadu tinggi.

BESUGANG

Padri: Sambut puji kami, Apai ti di serega, olih Anak nuan Jesus Kristus ti Penebus kami; lalu laban kami nitih ka teladan enggau letak iya, asoh, olih kuasa Roh Kudus nuan, awak ka roti enggau ai anggor ti diberi kami tu, tau nyadi ba kami tuboh enggau darah iya.

Laban malam katungkah iya mati diregang, iya ngambi roti; udah iya meri puji iya mechah ka roti nya, lalu bedua ka murid iya, ko iya: Sambut, pakai; tu Tuboh aku ti diberi ka kita. Gnga tu kena ngingat ka aku.

Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irup tu kita samoa; laban tu Darah aku, darah penyanggup baru ti pansut ngidup ka kita enggau orang maioh, kena ngampun dosa: Gaga tu genap kali kita ngirup iya, kena ngingat ka aku.

Samoa: Kristus udah mati.
Kristus udah angkat idup baru.
Kristus deka datai baru.

Padri: Nya alai Apai kami ti di serega: kami ngingat ka piring tuboh iya ti dienjok sakali di kayu regang, lalu mandang ka pasal pengangkat iya ari mati sereta pasal pemulai iya ka serega dalam mulia. Laban kami nganti penatai iya bara dalam mulia, kami mela, ngena roti enggau mangkok tu, piring iya ti siti ti chukup.

Sambut olih iya ti nyadi imam besai kami, piring puji tu, lalu leboh kami makai sereta ngirap pemberi kudus tu ba moa nuan, ubah ati enggau ulah kami nyadi baru olih Roh Kudus nuan, asoh kami idup dalam pengerindu nuan, lalu gempong kami dalam tuboh Anak nuan Jesus Kristus Tuhan kami.

Olih iya, sama enggau iya sereta dalam iya, lalu olih kuasa Roh Kudus mega, kami, sama begulai enggau samoa bala serega enggau bumi bediri di moa nuan, Apai ti pemadu bekuasa, nyembah nuan belama-lama ngena pantun puji, ko kami:

Samoa: Berekat, enggau basa enggau mulia enggau kuasa endang enggi nuan belama lama iya. Amin.

Ditu tau diau jenoh
 

SAMBIANG EUKARISTA NO. 2

Padri: Tuhan enggau kita
Samoa: Lalu sama enggau nuan mega.

TAUKA

Padri: Tuhan bisi ditu
Samoa: Roh iya bisi enggau kitai.
Padri: Angkat ka ati kita.
Samoa: Kami ngangkat ka ati ngagai Tuhan.
Padri: Aram kitai muji Tuhan ti Petara kitai.
Samoa: Endang ngena kitai muji lalu ngemesai ka iya.

Padri: Endang ngena, endang patut kitai enggau ati andal, di sebarang maia, di sebarang endor, meri terima kasih enggau puji soh nuan, Apai ti kudus, Rajah menoa serega, Allah Taala ti pemadu bekuasa, ti endang meruan, olih Jesus Kristus Anak nuan Tuhan kami:

(Jako di baroh tau dikelaung enti JAKO PENULU di kena)

Laban iya endang Jako nuan ti idup; olih iya nuan udah ngaga samoa utai kenyau ari mula iya kalia, lalu ngaga kami baka nuan empu.

Olih iya, nuan udah ngelepas ka kami ari tanggam dosa, nuan udah ngasoh iya ada nyadi mensia lalu mati ba kayu regang: nuan udah ngangkat ka iya idup baru ari mati lalu ngemesai ka iya dudok puak kanan nuan di tempat ti tinggi.

Olih iya, nuan udah ngiram ka kami Roh ti tuchi ti meri pengidup, lalu ngaga kami nyadi anembiak pesaka nuan empu.

JAKO PENULU NITIH KA HARI TAUKA MUSIN
PEDA DAUN 26

Nya alai sereta enggau malikat enggau pengulu malikat enggau samoa bala serega, kami ngemesai ka nama nuan ti besai, ti bemulia, lalu berari muji nuan, ko kami:

Samoa: Kudus, kudus, kudus Tuhan,
Allah Taala ti pengering ti bekuasa,
Serega enggau bumi penoh olih mulia nuan,
Hosanna dalam endor ti pemadu tinggi.

(GENTERAN tu tau mega di kena)

Beberekat iya ti datai dalam nama Tuhan,
Hosanna dalam endor ti pemadu tinggi.

BESUGANG

Padri: Dinga ka kami, Apai ti di serega, olih Anak nuan Jesus Kristus Tuhan kami, lalu olih iya sambut piring puji kami tu; asoh, olih kuasa Roh Kudus nuan, awak ka roti enggau ai anggor ti diberi kami tu, tau nyadi ba kami tuboh enggau darah iya.

Laban malam katungkah iya mati diregang, iya ngambi roti; udah iya mri puji iya mechah ka roti nya, lalu bedua ka murid iya. ko iya: Sambut, pakai; tu Tuboh aku ti diberi ka kita. Gaga tu kena ngingat ka aku.

Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irap tu kita samoa; laban tu Darah aku, darah penyanggup bara ti pansut ngidup ka kita enggau orang maioh, kena ngampun dosa: Gaga tu genap kali kita ngirap iya, kena nglngat ka aku.

Samoa: Kristus udah mati.
Kristus udah angkat idup baru.
Kristus deka datai baru.

Padri: Nya alai Tuhan, Apai kami ti di serega, ngingat ka Kristus ti mati sekali ba kayu regang, ka pengangkat iya ari mati, ka pemulai iya ka serega, sereta nganti penatai perintah iya, kami ngaga ngena roti enggau mangkok tu, pengingat Kristus Anak nuan Tuhan kami.

Sambut olih iya piring pengawa tu ti patut dikereja kami, lalu leboh kami makal sereta ngirap pemberi kudus tu di moa nuan, beri kami pengasih enggau beberkat ari serega; tupi kami ngena tuboh enggau darah Anak nuan, awak ka kami tau mansang sabaka enggau iya, lalu digaga nyadi siti olih Roh nuan, lalu nyadi kaaba ti idup, awak pulai ka mulia nuan.

Olih Jesus Kristus Tuhan kami, olih iya, sama enggau iya, sereta dalam iya lalu sama saum dalam Roh Kudus, samoa basa enggau mulia endang diberi soh nuan, Apai ti pemadu bekuasa, ari samoa utai di bumi enggau di serega ti bediri di moa nuan, diatu lalu datai ka belama-lama iya.

Samoa: Amin.

Ditu tau diau jenoh
 

SAMBIANG EUKARISTA NO. 3

Padri: Tuhan enggau kita
Samoa: Lalu sama enggau nuan mega.

TAUKA

Padri: Tuhan bisi ditu
Samoa: Roh iya bisi enggau kitai.
Padri: Angkat ka ati kita.
Samoa: Kami ngangkat ka ati ngagai Tuhan.
Padri:  Aram kitai muji Tuhan ti Petara kitai.
Samoa: Endang ngena kitai muji lalu ngemesai ka iya.

Padri: Apai, kami meri nuan terima kasih enggau puji olih Jesus Kristus Anak ti dikarindu nuan, laban iya endang Jako nuan ti idup, lalu olih iya nuan udah ngaga samoa utai; iya udah diasoh datai, olih pemanah nuan, nyadi Penebus kami;

Olih kuasa Roh Kudus iya nyadi mensia, lalu laban iya Anak nuan,, diada ka Maria Dara Tuchi, iya pegari dalam dunya tu lalu diau begulai enggau mensia,

lya entepa ka jari ka kami ba kayu regang; iya ngalah ka pemati olih iya ti mati ka kami, lalu mandang ka pengangkat ari mati olih iya ti pulai idup bara; nya alal iya ngamat ka peneka nuan lalu ngulih ka nuan raban orang ti kudus.

JAKO PENULU NITIH KA HARI TAUKA MUSIN
PEDA DAUN 26

Nya alai sereta enggau malikat enggau pengulu malikat enggau samoa bala serega, kami ngemesai ka nama nuan ti besai, ti bemulia, lalu berari muji nuan» ko kami:

Samoa: Kudus, kudus, kudus Tuhan,
Allah Taala ti pengering ti bekuasa,
Serega enggau burai penoh olih mulia nuan,
Hosanna dalam endor ti pemadu tinggi.

(GENTERAN tu tau mega di kena)

Beberekat iya ti datai dalam nama Tuhan,
Hosanna dalam endor ti pemadu tinggi.

Padri: Tuhan, nuan endang kudus, ti pun penatai pengudus, asoh, olih kuasa Roh Kudus nuan sereta nitih ka peneka nuan, awak ka roti enggau ai anggor tu tau nyadi ba kami, tuboh enggau darah Anak nuan Jesus Kristus Tuhan kami.

Laban malam katungkah iya mati diregang, iya ngambi roti; udah iya meri puji iya mechali ka roti nya, lalu bedua ka murid iya, ko iya: Sambut, pakai; tu Tuboh aku ti diberi ka kita. Gaga tu kena ngingat ka aku.

Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irup tu kita samoa; laban tu Darah aku, darah penyanggup baru ti pansut ngidup ka kita enggau orang maioh, kena ngampun dosa: Gaga tu genap kali kita ngirap iya, kena ngingat ka aku.

Samoa: Kristus udah mati,
Kristus udah angkat idup baru,
Kristus deka datai baru.

Padri: Nya alai Apai, ngingat ka pemati iya ba kayu regang, ka piring iya ti chukup ti sakali aja dikena muai dosa mensia, sereta andal ka pengangkat iya ari mati enggau pemulai iya ka serega ti bemulia, sereta mega nganti penatai iya baru dalam mulia, kami mela tu ka pengingat iya ti nebus kami; kami meri besai terima kasih ka nuan ti udah nerima kami bediri di moa nuan lalu betuai ka nuan; kami ngadap nuan ngena roti enggau mangkok tu; Kami besampi minta nuan nerima pengawa tu ti endang patut dikereja kami, iya nya piring puji enggau terima kasih;
Asoh datai Roh Kudus datas anembiak nuan lalu gempong samoa kami ti bebagi ka roti lalu ngirap ari mangkok siti tu, awak ka kami, enggau samoa orang tuchi, tau muji lalu ngemesai ka mulia nuan belama-lama, olih iya ti pun samoa pemanah, Jesus Kristus Tuhan kami;
Olih iya, sama enggau iya, sereta dalam iya, lalu sama saum enggau Roh Kudus mega samoa basa enggau mulia diberi soh nuan, Apai ti pemadu bekuasa, datai; ka belama-lama iya.

Samoa: Amin.

Ditu tau diau jenoh.

TAUKA
 

SAMPI EUKARISTA NO. 4

Padri: Tuhan enggau kita.
Samoa: Lalu sama enggau nuan mega.
Padri: Tuhan bisi ditu.
Samoa: Roh iya bisi enggau kitai.
Padri: Angkat ka ati kita.
Samoa: Kami ngangkat ka ati ngagai Tuhan.
Padri: Aram kitai muji Tuhan ti Petara kitai.
Samoa: Endang ngena idtai muji lalu ngemesai ka iya.

Padri: Endang ngena, endang patut kitai enggau ati andal di sebarang maia, di sebarang endor, meri terima kasih enggau puji soh nuan. Apai ti kudus, Rajah menoa serega, Allah Taala ti pemadu bekuasa, ti endang meruan, ti ngaga serega enggau bumi, olih Jesus Kristus Anak nuan Tuhan kami:

JAKO PENULU NITIH KA HARI TAUKA MUSIN
PEDA DAUN 26

(Kena iya ti di baroh tu leboh nadai JAKO PENULU diletak)

Laban iya endang imam besal ti bendar, ti udah ngelepas ka kami ari dosa lalu udah ngaga kami nyadi bala imam nuan empu, ti Petara ti Apai kami.

Nya alai serta enggau malikat enggau pengulu malikat enggau samoa bala serega, kami ngemesai ka nama nuan ti besai, ti bemulia, lalu berari muji nuan, ko kami:

Samoa: Kudus, kudus, kudus Tuhan,
Allah Taala ti pengering ti bekuasa,
Serega enggau bumi penoh olih mulia nuan,
            Hosanna dalam endor ti pemadu tinggi.

(GENTERAN tu tau mega di kena)

Beberekat iyati datai dalam nama Tuhan,
Hosanna dalam endor ti pemadu tinggi.

BESUGANG

Padri: Samoa mulia ka nuan. Apai kami ti di serega: laban dalam pengasih nuan, nuan mri Anak Tunggal nuan Jesus Kristus mati merinsa ba kayu regang awak ka nebus kami; lalu dia mega iya nimbang dosa samoa mensia sereta meri diri nyadi piring sekali aja; iya ngeletak, lalu dalam injil kudus iya ngasoh kami meruan nampong pengingat pasal pemati iya ti berega nyentok ka iya datai baru.

Apai ti kasih, dinga ka kami tu ti minta enggau ati baroh, lalu asoh, olih kuasa Roh Kudus nuan, samoa kami ti nyambut pemberi tu ti datai ari utai ti digaga nuan, roti enggau ai anggor tu, nitih ka letak Anak nuan Jesus Kristus ti Penebus kami, dikena ngingat ka pemarinsa pemati iya, tau sama ensepi tuboh enggau darah iya ti kudus,

Laban malam katungkah iya mati diregang, iya ngambi roti; udah iya meri puji iya mechah roti nya, lalu bedua ka murid iya, ko iya: Sambut, pakai; tu Tuboh aku ti diberi ka kita. Gaga tu kena ngingat ka aku.

Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irap tu kita samoa laban tu Darah aku, darah penyanggup bara ti pansut ngidup ka kita enggau orang maioh, kena ngampun dosa: Gaga tu genap kali kita ngirap iya, kena ngingat ka aku.

Samoa: Kristus udah mati.
Kristus udah angkat idup baru.
Kristus deka datai baru.

Padri: Nya alai, Tuhan, Apai kami ti di serega, ti kena ngingat ka pemarinsa enggau pemati Anak nuan Jesus Kristus ka iya ti udah angkat pulai idup baru ari mati lalu pulai ka serega enggau mulia, kami meri soh nuan, olih iya, piring puji enggau terima kasih.

Olih pematiah kereja enggau pemati iya, olih kami ti arap ka darah iya, beri kami, sampal enggau samoa raban Eklisia nuan, tau nyambut pengampun dosa kami sereta enggau sanioa penguntong bukai ti olih ari pemarinsa iya. Taja kami amat enda patut, kategal pemaioh dosa kami, meri sebarang piring soh nuan, tang kami besampi minta nuan nyambut piring kami tu, iya nya pengawa ti endang patut dikereja kami soh nuan; anang ngira pemanah kereja kami, tang ampun samoa dosa kami, lalu beri ka samoa kami ti bisi bagi dalam sakramen kudus tu, berekat nuan ari serega,

Olih Jesus Kristus Tuhan kami, olih iya, sama enggau iya, sereta, dalam iya, lalu sama saum dalam Roh Kudus, samoa basa enggau mulia diberi soh nuan, Apai ti pemadu bekuasa, diatu lalu datai ka belama-lama iya.

Samoa: Amin.

Ditu tau diau jenoh
 

NYAMBUT SAKRAMEN

MECHAH KA ROTI, MERI ROTI ENGGAU AI ANGGOR

Padri: Laban Penebus kitai, udah ngajar kitai, nya alai kitai nyebut.

Samoa: Apai kami di serega; Kudus meh nama nuan, Datai meh perintah nuan,
 

Jadi meh Peneka nuan, Baka dalam serega baka nya dalam bumi. Beri ka kami pengidup tiap hari, Ampun penyalah kami baka kami ngampun orang ti salah ngelaban kami. Intu kami ari penguji. Lepas ka kami ari penyai. Kera, nuan ti bempu perintah enggau kuasa, enggau mulia, datai ka belama-lama iya. Amin.

Padri mechah ka Roti lalu nyebut:

Kitai mechah ka Roti tu, awak ka bisi bagi dalam Tuboh Kristus.

Samoa: Taja kitai maioh, kitai endang setuboh, laban kitai sama bebagi ka roti siti.

Samoa:

Anak Domba Allah Taala, nuan ti muai dosa mensia; kasih ka kami
Anak Domba Allah Taala, nuan ti mual dosa mensia; kasih ka kami.
Anak Domba Allah Taala, nuan ti muai dosa mensia; beri ka kami selamat nuan.

TAUKA

Jesus, Anak Domba Allah Taala, kasih ka kami.
Jesus, ti nanggong dosa kami, kasih ka kami.
Jesus, ti Penebus dunya; beri ka kami selamat nuan.

Padri: Datai kitu enggau pengarap. Sambut Tuboh Jesus Kristus Tuhan kitai ti di beri iya ka kita, enggau Darah iya ti di pansut iya ka kita. Pakai enggau irap ka pengingat iya ti mati kategal kita, lalu sambut iya dalam ati kita enggau pengarap serta lalu meri puji.

Sakramen di sadong ka samoa orang ti mela. Mass sama enggau orang maioh.

Tuboh enggau Darah Kristus ngintu nuan dalam pengidup meruan.

TAUKA

Tuboh enggau Darah Kristus.

Tiap iko orang ti nyambut Sakramen nyebut - Amin.

PANTUN leboh nyambut TAU DINYANYI.

Enti Sakramen ti udah diberekat enda chukup, orang ti mela Mass tau nambah ka iya baru lalu nyebut:

Apai, kami meri atas roti enggau ai anggor tu nitih ka ti diletak Anak nuan Jesus Kristus, ti nyebut, Sambut, pakai; tu Tuboh aku (enggau/tauka-Irup tu; tu darah aku), kami nyampi awak ka roti/ai anggor tu tau nyadi ba kami, tuboh/darah Kristus empu, di sambut kena ngingat ka iya.

Utai kena mela sakramen di tuchi maia tu.

UBAH NYAMBUT SAKRAMEN
PANTUN TAUKA JAKO (SAMPI) BUKAI

Padri: Apai samoa kami, kami muji lalu meri terima kasih soh nuan, laban leboh kami agi jauh, nuan ngambat kami dalam Anak nuan lalu mai kami pulai enggau nuan, Dalam pemati enggau pengidup, iya ngayan ka pengerindu nuan, meri kami berekat; sereta nukang ka pintu mulia nuan. Asoh kami ti udah ngasai ka Tuboh Kristus idup nitih ka pengidup iya ti udah angkat baru ari mati; asoh kami ti udah ngirap ari mangkok iya meri pengidup soh orang bukai, asoh kami ti udah diterang ka olih Roh Kudus meri penerang ka orang bukai. Asoh kami meruan tetap dalam pengarap ti udah ditaga nuan ka kami, awak ka kami enggau samoa anak nuan tau bulih pengelepas, lalu samoa mensia deka idup muji nama nuan, olih Kristus Tuhan kami.

Samoa: Amin.

Samoa: Tuhan Allah ti pemadu bekuasa, kami meri puji ka nuan ngenang pemanah nuan ti udah nupi kami enggau tuboh enggau darah Anak nuan Jesus Kristus. Olih iya, kami ngenjok ka nuan samengat enggau tuboh kami nyadi piring ti idup. Asoh kami ngena kuasa Roh nuan ngambi ka kami tau idup lalu bekereja pulai ka puji enggau mulia nuan, Amin.

JAKO DIKENA NGASOH ORANG PULAI

Padri: Selamat Allah Taala ti ngelui peragam mensia, ngintu ati enggau randing kita dalam penemu enggau pengerindu Allah Taala enggau Anak iya Jesus Kristus Tuhan kitai; lalu berekat Allah Taala ti pemadu bekuasa, Apai, Anak enggau Roh Kudus, diau enggau kita, meruan enggau kita berari-ari.

Samoa: Amin.

Padri: Pulai kita dalam selamat, rindu lalu betuai ka Allah Taala.

Samoa: Dalam nama Kristus. Amin.

TAUKA

Padri: Pulai kita dalam selamat Kristus.

Samoa: Puji ka Allah Taala.

Brengkah ari Hari Easter nyentok ka Hari Pentikos “alleluya alleluya” tau disebut ba ujong jako dua iti datas tu.
 

TAMBAH 1. SAPULOH PESAN

Padri: Tuhan kitai Jesus Kristus bisi bejako, ko iya. Enti kita rindu ka aku, intu pesan aku: lantang sida ti ninga ka jako Allah Taala lalu ngintu iya Dinga ka samoa pesan tu ti diberi Allah Taala ngagai nembiak iya, lalu simpan sida dalam ati, Aku tu Tuhan Petara kita: kita anang betuai ka petara bukai, samina aku aja. Kita deka rindu ka Tuhan Petara kita enggau pengabis ati kita, lalu enggau pengabis pengering kita.
Saut:    Amin, Tuhan kasih ka kami.

Padri: Anang ngaga engkeramba ka diri empu. Allah Taala roh, lalu samoa ti nyembah iya enda tau enda nyembah dalam roh enggau pemendar dalam ati.
Saut:    Amin, Tuhan kasih ka kami.

Padri: Anang enda bebasa ka nama Tuhan Petara kita. Kita enda tau enda nyembah iya enggau basa enggau nangi.
Saut:    Amin, Tuhan kasih ka kami.

Padri: Ingat ka hari Tuhan, iya nya Hari Minggu, lalu intu iya baka hari kudus. Kristus udah angkat ari mati: asoh ati kita ba utai ti datas: ukai ba utai dunya tu.
Saut:    Amin, Tuhan kasih ka kami.

Padri: Bebasa ka apai enggau indai nuan. Diau dalam dunya baka nembiak Allah Taala: bebasa ka samoa orang: rindu ka samoa orang ti sakaban baka diri menyadi.
Saut:    Amin, Tuhan kasih ka kami.

Padri:   Anang munoh orang, Anang nyimpan pengeringat soh menyadi nuan: alah ka penyai ngena pemanah.
Saut:    Amin, Tuhan kasih ka kami.

Padri:   Anang butang, Ingat ka tuboh kita ti alai Roh Kudus diau.
Saut:    Amin, Tuhan kasih ka kami.

Padri:   Anang ngenchuri. Bekereja enggau ati lurus lalu beri utai ngagai orang ti suntok.
Saut:    Amin, Tuhan kasih ka kami.

Padri:   Anang nyadi saksi bula. Awak ka tiap iko madah ka utai ti bendar.
Saut:    Amin, Tuhan kasih ka kami.

Padri:   Anang angkun ka utai orang. Ingat ka jako Tuhan Jesus: orang ti meri beberekat agi ari orang ti nyambut. Rindu ka orang bukai baka rindu ka diri empu laban pengerindu ngaga samoa utai ti diletak adat.
Saut:    Amin, Tuhan kasih ka kami.
 

TAMBAH 2. JAKO PENULU

ADVENT

1. Lalu diatu kami meri nuan terima kasih laban dalam iya ti nyadi mensia, hari pengelepas kami pen datai mega; lalu olih iya nuan deka ngaga samoa utai nyadi baru, leboh iya datai dalam kuasa enggau pemenang nyadi hakim bechara ka samoa dunya.

2. Lalu diatu kami meri nuan terima kasih laban nuan udah nyendia ka jalai Anak nuan Jesus Kristus olih ajar artembiak nuan John Pemaptisa, ti mandang ka iya nya Anak Domba Allah Taala ti Penebus kami.

ALLAH TAALA NYADI MENSIA

1. Lalu diatu kami meri nuan terima kasih, laban olih kuasa Roh Kudus, iya nyadi mensia, diada ka indai iya Maria Dara Tuchi, lalu olih iya empu endang nadai dosa, iya tau ngasoh kami nyadi tuchi ari samoa dosa.

2. Lalu diatu kami meri nuan terima kasih laban olih Jako nya ti nyadi mensia, penerang ti bara udah pegari dalam dunya; nuan udah diau enggau kami awak ka kami tau mega begulai diau enggau nuan dalam perintah nuan ti bemulia.

3. Lalu diatu kami meri nuan terima kasih laban olih ti diau enggau kami nyadi mensia, iya mandang ka panchar mulia nuan lalu mai kami pansut ari pemetang ngagai penerang nuan.

4. Lalu diatu kami meri nuan terima kasih, laban dalam ti milih Maria Dara Tuchi nyadi indai Anak nuan, nuan udah ngemesai ka orang ti baroh ati sereta nurut ka peneka nuan. Malikat nuan udah madah ka iya amat dikarindu ka; lalu enggau samoa serak mensia kami ngumbai iya beberekat, lalu sama enggau iya, kami andal lalu ngemesai ka nama nuan ti kudus.

5. Lalu diatu kami meri nuan terima kasih laban leboh iya agi biak, hidup dalam dunya tu nuan ngasoh iya di intu dalam raang bilik kami mensia, Ba Maria seduai Joseph nuan udah meri kami teladan pengerindu enggau pengangkun ka iya, ti nyadi teladan pengidup diri sabilik ka kami.

LENT

1. Lalu diatu kami meri nuan terima kasih laban olih iya nuan udah meri kami ati ti dikena ngator pendiau diri, awak ka kami tau menang ngelaban penyai lalu mansang dalam pengasih.

REGANG

2. Lalu diatu kami meri nuan terima kasih laban olih dosa kami iya udah di tanggong tinggi datas regang, awak iya olih matak samoa mensia pulai soh iya, lalu olih pemarinsa enggau pemati iya, nyadi pun penebus ti meruan belama-lama ba orang ti arap ka iya.

3. Lalu diatu kami meri nuan terima kasih laban awak ka kami olih ditebus, iya ngasi nyentok ka mati ba regang. Kayu pemalu nyau nyadi kayu ti bemulia, iya ti alai pengidup lenyau nya mega ti alai pengidup pulai bara.

HARI EMPAT TI DULU ARI HARI ISTA

Lalu diatu kami meri nuan terima kasih, laban maia timpoh iya datai, dalam pemesai pengerindu iya, iya nyendia ka makai Gawai Paska tu ka bala murid iya, awak ka kami tau mandang ka pemati iya lalu sama makai begulai enggau iya dalam perintah iya.

MEREKAT KA MINYAK

Lalu diatu kami mri nuan terima kasih, laban olih Roh Kudus nuan udah nata Anak Tunggal nuan awak ka nyadi baka ulun ka samoa, awak ka iya olih tama soh perintah iya olih pemarinsa iya. Olih penalam randing enggau pengerindu, nuan udah ngasoh Eklisia nuan bekereja di dalam dunya lalu mega sama bisi bagi dalam pemarinsa ti diasai ka Kristus sereta mandang ka mulia iya.

PENGANGKAT AM MATI

1. Lalu diatu kami meri nuan terima kasih laban nuan udah ngangkat ka iya ari mati enggau mulia. Laban iya endang Anak Domba Paska ti amat bendar ti udali dibeli kategal kami lalu udah nebus dosa kami mensia, Olih pemati, iya ngalah ka kuasa pemati, lalu olih iya angkat idup bara ari mati, iya udah meri pulai soh kami pengidup ti meruan belama-lama.

2. Lalu diatu kami meri nuan terima kasih laban dalam pemenang iya ngalah ka pemati, timpoh ti baru udah pegari, lalu rambau kuasa dosa udah abis, dunya ti udah rasak digaga nyadi baru lalu mensia sekali agi di suman enggau penoh baru.

3. Lalu diatu kami meri nuan terima kasih laban olih iya nuan udah meri kami pengidup ti meruan belama-lama, lalu ngelepas ka kami ari tanggam dosa enggau ati ti takut ka pemati lalu nyadi anembiak Allah Taala dalam pengelepas ti bemulia.

4. Lalu diatu kami meri nuan terima kasih laban olih iya nuan meri kami pengadang ati pasal pengangkat idup baru ari mati; laban taja kami enda tau enda mati, tang kami andal olih semaia ti meri kami tau bulih pengidup ti meruan belama-lama; laban ba orang ti amat arap ka nuan pengidup sida ka betukar, ukai di ambi ari sida; lalu leboh isi tuboh kami ti tau mati dikubor ka, tempat pengidup ti meruan belama-lama udah di sedia ka kami dalam serega.

PEMULAI KA SEREGA

Lalu diato kami meri nuam terima kasih laban nuan udah agangkat ka iya ngagai endor ti pemadu tinggi, sereta meri ka iya nama ti besai agi ari samoa nama bukai, lalu dalam nama Jesus samoa utai ti digaga deka besugang magang.

PENTIKOS: BAPTISA ENGGAU BETETAP

Lalu diatu kami meri nuan terima kasih laban olih Roh Kudus nuan udah ngiring kami nuju pemendar; lalu meri kami kuasa merita ka Injil nuan ngagai samoa bansa mensia, lalu betuai ka nuan dalam kami ti nyadi imam nuan empu.

MINGGU TRINITI

Lalu diatu kami meri nuan terima kasih laban nuan udah mandang ka mulia nuan, dalam mulia Anak nuan enggau mulia Roh Kudus mega; tiga dalam satu ti sama bela pemesai mulia, ti nadai bebagi, tang taja pia endang Tuhan siko aja, endang Petara siko aja, ti endang di sembah sereta dikemesai belama-lama iya,

TUHAN JESUS BERUBAH GAMAL

Lalu diatu kami meri terima kasih laban mulia serega ti pegari ba Jako nya ti nyadi mensia mandang tampak di atas bukit kudus; lalu nyawa nuan empu di dinga ari serega ngaku Anak nuan ti dikarindu ka nuan.

ST. MICHAEL ENGGAU SAMOA MALIKAT

Olih iya bala pengulu malikat belagu muji nuan, bala malikat ngereja pengawa ti di asoh nuan, bala sida cherubim enggau serapim semampai muji pengudus nuan; samoa bala serega muji nama nuan lalu andal ati ngereja utai nitih peneka nuan. Nya alai kami besampi awak ka nyawa kami mega didinga nuan sama enggau enggi sida, lalu semampai muji nuan, ko kami:

Samoa:            Kudus, kudus, kudus Tuhan.

HAM SAMOA OMANG TUCHI

Lalu diatu kami meri nuan terima kasih laban pengadang ati ti enggi kami ari nuan ti ngumbai kami dalam Anak nuan, awak ka dalam kami ti nitih ka pengarap samoa bala orang Tuchi nuan, kami tau enggau ati liat belaban dalam lumba ti udah diator ka kami, lalu sama enggau slda nyambut upah makota mulia ti enda berubah.

RASUL ENGGAU PEMBERITA INJIL

Lalu diatu kami meri nuan terima kasih laban. Anak nuan Jesus Kristus udah iya angkat idup baru ari mati, iya ngirum ka sida rasul enggau sida pemberita injil ngagai samoa bansa mensia, lalu ngajar kami jalai ti nuju pemendar.

BALA MARTUR

Lalu diatu kami meri nuan terima kasih laban dalam saksi ti diberi sida martur nuan ti nitih ka Kristus nyentok ka mati, nuan udah mandang ka penyukup kuasa nuan leboh kami mensia lemi.

HARI ORANG TUCHI

Lalu diatu kami meri nuan terima kasih kategal pengawa ti nyadi olih pengasih nuan ba pengidup Saint N. lalu sama olih pengasih nya mega, nuan ngiring kami nengah jalai ti kudus sereta nyendiapegari di moa kami gaya mulia nuan.

MEREKAT KA RUMAH SAMBIANG

Lalu diatu kami meri nuan terima kasih olih berekat nuan ba ramah sambiang tu ti alai, olih pengasih nuan, kami meri piring puji kami; sereta mega digaga olih Roh Kudus nuan, nyadi kaaba ti enda digaga ngena jari, iya nya tuboh Anak nuan Jesus Kristus.

NIKAH

Lalu diatu kami meri nuan terima kasih olih nuan udah mandang ka dalam Kristus ti segaum enggau Eklisia iya, gaya teladan ka orang ti jadi diri melakibini.

MASOK KA NYADI PADRI TAUKA DEACON

Lalu diatu kami meri nuan terima kasih laban pengawa imam rajah dalam Eklisia, nuan ngemasok ka orang megai pengawa ti merita ka-jako Allah Taala, sereta ngintu anembiak nuan lalu mela samoa sakramen penyanggup baru.

PENYERAKUP

Lalu diatu kami meri nuan terima kasih ka penyerakup ti udah diberi nuan ka kami olih Anak nuan, lalu pia mega nuan endang Petara enggau Apai samoa kami, ari atas samoa, olih samoa lalu dalam samoa.

BAPTISA

Lalu diatu kami meri nuan terima kasih laban olih ti di baptisa kami udah dikubur ka sama enggau Kristus awak ka kami tau sama angkat bara enggau iya soh pengidup bara.

HARI MINGGU

1. Lalu diatu kami meri nuan terima kasih laban nuan ti pun penampak enggau pengidup; nuan udah ngaga kami nunda gamal nuan lalu meri kami pengidup ti baru dalam iya.

2. Lalu diatu kami meri nuan terima kasih laban ba hari ti terabah dalam minggu iya udah ngalah ka pemati enggau kubor lalu nukang ka kami jalai pengidup ti meruan belama-lama.

3. Lalu diatu kami meri nuan terima kasih laban olih ai enggau Roh Kudus, nuan udah ngaga kami dalam iya nyadi orang ti bara awak ka mandang ka mulia nuan.
 

TAMBAH 3. BEREKAT TI TAU DIKENA NITIH KA MUSIN

ADVENT

Kristus ti Matahari Pengeluras manchar datas kita lalu ngiar kapemetang ari jalai kita; lalu berekat.........

KRISTMAS

Kristus, olih iya ti udah nyadi mensia, udah ngempuru ka samoa utai dunya enggau serega nyadi siti, ngisi kita ngena pengandal enggau selamat iya; lalu berekat......

tauka

Kristus, Anak Allah Taala, ti diada ka Maria Dara Tuchi ngisi kita enggau pengasih iya awak ka olih arap ka semaia iya lalu ngasi ka peneka iya; lalu berekat.....

EPIPANI

Kristus, Anak Allah Taala, ngandal ka ati kita olih berita manah pasal perintah iya; lalu berekat.....

HAM TIGA PUN LENT NYENTOK KA LENT 4

Kristus meri kita pengasih awak ka mansang dalam pengudus, awak ka kita nagang diri, nyan regang kita, lalu nitih ka iya; lalu berekat............

LENT 5 ENGGAU MINGGU KUDUS

Kristus ti udah diregang mai kita pulai soh iya, awak ka kita olih nemu dalam iya pun pengarap kita, sukong pengadang ati kita sereta mega penetap dosa kita diampun; lalu berekat.........

ISTA

Allah Taala ti pun selamat, ti udah ngangkat ka Jesus, ti Tuhan Kitai, iya ti pengibun besai kitai ti domba iya, olih darah ti kena nanggam sempekat bara ti meruan belama-lama, ngasoh kita ngereja enggau betul samoa pemanah nitih ka peneka iya lalu ngereja mega ba kita barang utai ti dikedeka iya; lalu berekat........

tauka

Allah Taala ti pun selamat, ti udah ngangkat ka Jesus ti Tuhan Kitai, iya ti pengibun besai kitai ti domba iya, ngasoh kita ngereja enggau betul samoa pemanah nitih ka peneka iya; lalu berekat.........

tauka

Allah Taala ti Apai kitai ti bempu mulia dikena ngangkat ka Kristus idup bara ari mati, ngering ka kita awak ka olih bejalai enggau iya dalam pengidup iya ti bara; lalu berekat.........

tauka

Allah Taala, ti olih pengangkat Jesus Kristus Tuhan kitai ari mati udah meri kitai pemenang, meri kita pengandal enggau selamat dalam pengarap kita; lalu berekat.....

PEMULAI KA SEREGA

Kristus ti raja kitai ngasoh kita talok serta kering ngerea peneka iya, awak ka kita sama enggau iya tau megai perintah dalam mulia; lalu berekat.......

PENTIKOS

Roh pemendar ngulu ka kita ngagai samoa pemendar, meri kita pengasih awak ka tigaku Jesus Kristus nya amat Tuhan, lalu merita ka jako enggau pengawa Allah Taala; lalu berekat.........

MINGGU TRINITI

Allah Taala, Triniti ti kudus, ngasoh kita kering dalam pengarap enggau pengerindu, ninding kita ari samoa utai, lalu ngiring kita dalam pemendar enggau selamat; lalu berekat.........

HARI ORANG TUCHI

Allah Taala meri kita pengasih, awak ka olih nitih ka teladan sida orang tuchi iya dalam pengarap, pengadang ati enggau pengerindu; lalu berekat........

tauka

Allah Taala meri kita pengasih awak ka olih nitih ka teladan sida orang tuchi iya dalam pengarap, pemendar enggau penyiru; lalu berekat........

tauka

Allah Taala meri kita pengasih awak ka olih sama bisi bagi enggau orang tuchi iya dalam mulia; lalu berekat.......

PENYERAKUP

Kristus, ti Pengibun Domba ti manah ti meri tiyawa diri ketegal kitai ti domba iya, mai kita enggau samoa ti ninga nyawa iya pulai ka dalam kandang domba siti; lalu berekat........

SEBARANG MAIA

Ailah Taala ti pun samoa pengasih ti ngumbai kita ngagai mulia iya ti meruan belama-lama dalam Jesus Kristus, ngemun, ngering sereta rtetap ka kita dalam pengarap; lalu berekat.........

tauka

Allah Taala ti udah ngangkat ka kita ari pemati tegal dosa ngagai pengidup ti bara dalam Kristus nyaga kita awak ka enda alah lalu negap ka kita kedalam mulia iya; lalu berekat.........

tauka

Kristus ti udah nupi kitai ngena tuboh iya empu, ti roti pengidup, ngasoh kita nyadi sakunsi dalam puji enggau pengerindu, lalu ngangkat ka kita leboh Hari Kiamat; lalu berekat.........

tauka

Allah Taala ti pun selamat, ngisi kita ngena pengandal enggau pengadang ati dalam kita ti arap; lalu berekat.......