Flag of Malaysia The Book of Common Prayer
United States England Scotland Ireland Wales Canada World

    Portions of the Book of Common Prayer in Selako

 

SAMBAYANG MASS

Samuai belutut lalu Padei bediri di-moha Alta

 

Holy Communion.

This appears to be a translation of the 1928 Proposed BCP, somewhat modified and abbreviated.

Padri aja: Bapa kami ang di serga, kudus Dama Tuhan, atang Printah Tuhan, jaji kamauan Tuhan, iakoa da’am serga, jakoa da’am dunya. Bari ka kami sa-hari nian chukup di-makan kami. Ampuni kasalahan kami, aiya kami ngampuni orang ang salah angan kami. Ami nabanan kami notok panguji. Apasan ka kami ari kajahatan. AMIN.
 
 
Lord's Prayer
Padri: Tuhan Allah ang bekuasa, samuai ati manusia abis di-tanang Tuhan, samuai ang di-mauan manusia di-tahui Tuhan, ana muih diri napuki Tuhan: Pijawat berisih pikiran ati kami angan ajaran Roh Alkudus, supaya kami suka ka Tuhan angan pengabis ati kami, lalu ngayai ka dama Tuhan angan patut; olih Isa Almesih Tuhan kami. AMIN

KYRIE: Udah angkoa orang balagu atau nyabut:

Padri: Tuhan, kasih ka kami
Jawab: Tuhan, kasih ka kami
Padri: Tuhan, kasih ka kami

Jawab: Almesih, kasih ka kami
Padri: Almesih, kasih ka kami
Jawab: Almesih, kasih ka kami

Padri: Tuhan, kasih ka kami
Jawab: Tuhan, kasih ka kami
Padri: Tuhan, kasih ka kami

GLORIA: Udah angkoa Hari Minggu angan Hari Kaya samuai bediri lalu balagu atau nyabut nian (ana kamie Musim Advent atau Lent):

  Puji ka Allah, di tampat di tinggi, salamat ka dunya, kasihani ka manusia. Kami muji Tuhan, kami nyamah Tuhan, kami ngayai ka Tuhan, kami belagu muji Tuhan, sa tegal mulia Tuhan ang kaya; Tuhan Raja nagari serga, Allah Bapa ang pengabis bekuasa.
  Tuhan Isa Almesih, Anak sa-ingga-ingga’ei Allah Bapa, Anak Domba Allah Taala, ang muang kasalahan manusia, kasih ka kami. Tuhan ang muang kasalahan manusia, terima sambayang kami.
  Tuhan ang duduk puak kanan Allah Bapa, kasih ka kami. Tuhan siko aja ang kudus, kau siko aja ang Tuhan, kau, Almesih, siko aja angan Roh Alkudus ang pengabis tinggi da’am mulia Allah Bapa. AMIN.
 

Collect for Purity

 

Kamie dibacha SAMPI, EPISTOLA angan INJIL

Padri: Tuhan angan kita
Jawab: Lalu angan ati kau
Padri: Besampi diri (Samuai belutut)

Apas angkoa Padri macha SAMPI ka minggu nian-semuai jawab “Amin”

Apas Sampi samuai duduk lalu Padri atau orang bukan macha EPISTOLA

Apas Epistola dibacha samuai bediri

Padri sabut damia INJIL ka minggu nian: JAWAB: Mulia ka Tuhan Allah

Apas Injil dibacha samuai jawab: Puji ka Tuhan Allah

Hari Minggu atau Hari Kaya kania CREED disabut atau dilaguan:

AKU ARAP ka Allah Taala, Patara siko aja; Bapa ang ngoasa-ai samuai kuasa, Ang minjawat serga angan dunya, angan samuai jukut anggari di-tanang angan ana gari di-tanang.
  Aku arap ka Tuhan Isa Almesih, ang siko aja, Anak sa-ingga-ingga’ei Allah Taala. Iya di-ada’an olih Bapa iya sa-napan samuai jukut ada. Allah atang ari Allah; Tarang atang ari Tarang; Patara sidi ari Patara sidi. Iya di-ada’an, bukan dipijawat. Iya nanga sabaya angan Allah Bapa. Samuai jukut dipijawat olih iya. Iya turun ari serga satagal diri manusia, satagal salamat diri. OLIH KUASA ROH ALKUDUS IYA DI-ADA KA MARIA DARA CHUCHI LALU JAJI MANUSIA. Iya diragang satagal diri kamie Pontius Pilatus. Iya marinsa lalu disubur. Hari ka-tiga iya angkat idup agi munyi kata Surat Kudus du’uya, lalu puang ka serga. Iya duduk puak kanan Allah Bapa. Ari na’ un iya mau atang agi angan mulia, mau ninbangi manusia, ang idup angan ang mati, Parintah hei ana abis.
Aku arap ka Roh Alkudus, Tuhan ang ngidupi. Iya atang ari Bapa angan Anak samuai disembah, samuai dipuji. Iya udah bekata olih nabi.
  Aku arap ka satu Eklisia, ang kudus, ang Katolika, ang bapu’hun ari kaban Rasul. Aku ngako satu Baptisa ang muang kasalahan. + Aku ngantian pengangkat orang ang udah mati, angan idup maruan da’am dunya ang mau atang. AMIN.

Udah angkoa kamie Hari Minggu Padri macha Notis lalu ansi iya mau iya ngajar orang (Samuai duduk). Apas angkoa samuai bediri lalu padri macha;

Padri: Tandah kita tarang menarang ditanang mamusia supaya ka bala’i muih nanang karaja kita ang bato, lalu ngayai ka Bapa kita di serga

OFFERTORY: Roti angan ai anggor kania dibri ka Padri jaji iya muih mari ka Tuhan Allah (lalu orang narima Sadekah umpat ari orang) PANTUN muih dilaguan
 

Collect, Epistle, & Gospel
SAMPI KA EKLISIA (Samuai belutut)

  Padri: Besampi diri ka samuai Eklisia Almesih:
  Tuhan Allah ang pengabis bekuasa, ang endang idup, Tuhan olih Rasul udah ngajar besampi lalu mari puji ka Tuhan ka samuai manusia. Kami minta Tuhan angan pengasih nyambut sambayang angan jukut nian ang diterima kami ari Tuhan. Kami minta Tuhan mari ka samuai Eklisia ati lurus, ati satu, supaya samuai-muai sabaya.
  Suruh samuai orang ang ngako dama Tuhan jaji sapikiran olih kata Tuhan ang lurus, lalu diam babatoan angan ati suka.
  Kami minta Tuhan uga ngalapa’an samuai Parintah, labih agi da’am nagari kami nian; Supaya ka kami diparintah bato. Ochoran samuai orang disusuh na’api Parintah, supaya ka dangan mutus ka bicnararan angan batol lalu ngukum kasalahan angan kajahatan, lalu nguatan ka pangarap ang sidi angan bato.
  Bapa di serga, bari barakat ka (BASIL) bishop kami angan samuai bishop, padri angan dikon, supaya ka dangan naga’an ka kata Tuhan, masa da’am ajaran, mesa da’am olah dangan, lalu ngada’an Sakramen Tuhan angan kana angan patut.
  Kami minta Tuhan ka dangan ang bekeraja ka pemansang Eklisia seluruh dunya lalu narangi angan Roh Alkudus samuai sekolah angan tampat pa’ajaran.
Bari barakat uga ka samuai kamuda Tuhan, labih agi ka samuai orang ang bakuna disian sapaya ka dangan angan ati baik angan ati hormat muih nengar lalu nyabut kata Tuhan lalu bakapala’an ka Tuhan angan otah ang bato, ang uchur sa-umor-umor dangan idup. Kami minta Tuhan kasih ka orang ang sakit atau marinsa, lalu kami mari kada’am ibun Tuhan + semengat samuai orang ang udah mati da’am dangan arap lalu suka ka Tuhan. Kami muji lalu ngaiyai ka dama Tuhan sategal samuai kamuda Tuhan ang uchur, atau dikenala kami atau ana. Kami minta Tuhan nyuruh kami ang ditulung olih taladan dangan, muih narima pesaka sabaya angan dangan orang barisih ang diam di serga. Bapa, bari ka kami jukut nian, olih Isa Almesih, iya aja Seruan kami. AMIN.

PREPARATION—kamie orang nanangi ati sanapan nyambut Sakramen

Padri: Ayu diri ngako kasalahan diri notok Allah Taala
 

Prayer for Christ's Church Militant
Samuai: Tuhan Allah, Bapa isa Atmesih Tuhan kami, ang minjawat samuai jukut, Tuhan ang hakim ka samuai manusia; Angan susah ati kami ngako samuai kasalahan kami, da’am pikiran, da’am kata, da’am keraja kami, ngalawan pasan Tuhan. Patut Tuhan merai’i kami. Kami nasal ati olih kasalahan angkoa. Susah ati kami ngingatan iya. Kabaratan ne ana dapat disahan kami. Kasih ka kami, kasih ka kami, Bapa ang kasih, sategal Anak Tuhan Isa Almesih, Tuhan kami, ampuni samuai kasalahan kami ang udah, Tulung kami dari kami sampei ari nian bakapala ka Tuhan angan olah ang bato, sapaya ninga’i ka dara Tuhan; Olih Isa Almesih Tuhan kami. AMIN

Padri: Allah Taala, Bapa diri ang di serga, angan kasihan kaya udah bejanji ngampuni kasalahan samuai orang ang puang notok iya angan ati nasal lalu angan arap, kasih ka kita, + ngampuni kita, ngapasani ka kita ari samuai kasalahan kita, ngoati kita da’am samuai kerajan bato, lalu nabaran kita ja’an idup salama-amai, olih Isa Almesih Tuhan diri. AMIN.

(Samuai bediri)
 

Confession & Absolution

  Padri: Dengar kita kata Isa Almesih penulong diri, ang nyamani ati samuai orang ang muang notok iya:
  Atang notok aku, samuai kita ang nganga, kita ang ngamin barat, lalu aku mau nyamani ka ati kita.
  Allah Taala suka ka manusia, sampei iya mari anak tunggali supaya samuai manusia ang arap ka iya ana lalu mati tapi muih idup sa-ama-amai.

  Dengar uga kita kata St. Paul:
  Kata nian muih di-arap, muih disambut diterima uga, iya angkoa Isa Almesih atang ka-da’am dunya, mau ngidupi ka orang ang bedosa.

  Dengar uga kata St John:
  Ansi orang bedosa, diri ada penulong siko nutup Bapa, iya angkoa Isa Almesih ang lurus, iya sendiri jaji piring gasan muang kasalahan diri.

CANON: Sampi berakat ka Sakramen

  Padri: Tuhan angan kita
  Jawab: Lalu angan Ati kau
  Padri: Angkat ka ati kita
  Jawab: Kami angkat ka ati notok Tuhan
  Padri: Aya diri mari puji ka Allah Taala, Tuhan diri
  Jawab: Nang kana, nang patut diri muji iya
  Padri: Nang kana, nang bato, nang patut, masa kami samuai, tampat samuai balagu muji Tuhan, Bapa kudus,   Tuhan ang pengabis bekuasa, ang andang sa-lama-lama’ei.
  Jaji angkoa angan malikat, angan pengulu malikat, angan samuai orang serga, kami ngalagui’i, kami ningi’i ka dama Tuhan, tiaptiap hari kami muji Tuhan, jari kami:

SAMUAI: Kudus, Kudus, Kudus, Tuhan ang ngoasai bala serga angan bumi, serga angan bumi baisi mulia Tuhan; mulia ka Tuhan ang pengabis tinggi. + Bebarakat iya ang atang da’am dama Tuhan; Hosanna da’am tampatang pengabis tinggi.

(Samuai belutut ka SAMPI KAYA)
 

Comfortable Words
  Padri: Muliaka Tuhan Alla, ang pengabis bekuasa Bapa kami ang di-serga, ang udah mari Anak tunggal Tuhan, Isa Almesih, mati di kayu ragang, olih iya nojokan diri sa-kali, iya minjawat piring, planarian angan timbangan chukup gasan muang kasalahan samuai orang manusia; iya udah ngal atan + Sakramen nian lalu nyuruh kami ngada-an iya gasan peringatan ka kamatian nei, atang sampei ka atangani iya agi.
  Kami minta Tuhan, Bapa ang kasih, nengar ka kami, bari ka kami nyambut roti angan ai anggor nian, ngikut ka bagas sei, jaji peringatan ka kamatian nei, bari kami makan + Tuboh angan + Darah nei.
  Ma’am iya dijua, iya na’api roti lalu udah angkoa iya mari puji, iya mechaan roti angkoa lalu mari ka murid tei, jari SAMBUT, MAKAN, NIAN TUBUH AKU ANG DIMARLAN KA KITA, PIJAWAT NIAN GASAN KU PERINGATAN.
  Ia koa uga bala’i makan iya na’api mangkok, udah iya mari puji iya nyu’oan ka murid tei, jari
  CHOCHOK ARI NIAN, KITA SAMUAI; NIAN-LAH DARA AKU; DARA PENYANG-GUP BAHARU ANG KAUAR ANG NGIDUPI KITA ANGAN ORANG MANYAK GASAN NYAMPUNI KASALAHAN. PIJAWAT IYA TIAP KAH KITA NOCHOK IYA JAJI PERINGATAN KU.
  Jaji nya koa, Tuhan, Bapa kami di serga, kami kamuda Tuhan minta Tuhan narima Sambayang piring, sambayang puji kami. Kami minta Tuhan olih Kabatoan, olih kamatian Isa Almesih Anak Tuhan, olih kami arap ka Dara hei, bari samuai Eklisia Tuhan ngichang pangampun kasalahan angan samuai barakat ang atang umpat dari kasusahan nei. Tuhan disia kami maguruan diri kami sendiri ka Tuhan, kamanyakan tubuh angan sumengat kami, supaya jaji piring ang batol, ang idup, ang chuchi. Kami minta Tuhan nyuruh samuai kami ang mau makan Sakramen nian, narima pangasihan angan barakat Tuhan ari serga. Memang banar kami ana patut olih kasalahan diri mari asal aja ada piring ka Tuhan tapi kami minta Tuhan narima sambiang nian ang patut dikeraja’an kami, ami mikiran ka batoan kami, tapi ampuni dosa kami, olih Isa Almesih Tuhan kami +olih iya + olih kami + ang sabaya angan iya angan Roh Alkudus nya, Tuhan + nangga dipuji + nangga dipebasai, Bapa ang pengabis bakuasa, sampei salama-lama-i. AMIN.
 
Eucharistic :Prayer
Padri: Kerana Isa Almesih, Bapasani kami, nyuruh kami, jaji kami bekata:
Samuai: Bapa kami ang di serga, kudus dama Tuhan, atang Parintah Tuhan, jajian Parintah Tuhan, iya-koa da’am serga, ia-koa da’am dunya. Bari ka kami sa-hari nian chukup dimakan kami. Ampuni kami kasalahan kamil, aiya kami ngampuni ka orang ang salah angan kami. Ami nabanab kami notok panguji. Apasan ka kami ka kajahatan; Kirai Tuhan ang ngoasai parintah angan kuasa angan mulia sampei ka sa-lama-lama’i. AMIN.

Padri mechah ka Roti atas Mangkok pirak lalu mari sa-bagi da’am mangkok

Padri: Salamat Tuhan angan kita
Jawab: Lalu angan ati kau

AGNUS DEI: samuai angan Padri: (Sabut atau balagu)

Anak Domba Allah Taala, ang muang kasalahan manusia, Kasih ka kami
Anak Domba Allah Taala, ang muang kasalahan manusia, Kasih ka kami
Anak Domba Allah Taala, ang muang kasalahan manusia. Bari ka kami salamat Tuhan

Sampi ka orang ang mau nyambut Sakramen

Samuai: Tuhan ang kasih, kami berani notok mija Tuhan, bukan olih kami arap ka pangorchoran diri san diri, tapi kami kahi arap ka kasihan Tuhan, ang rami, ang kaya. Kami ana ada kabatuan tampat kami patut makan sisa dibaba mija Tuhan, tapi kau andang Tuhan ang na’api pengasih, Tuhan ang baik, bari kami makan Tubuh Isa Almesih Anak Tuhan, bari kami nyochok Dara iya, supaya Tuboh kami ang bedosa dichuchi olih Tubuh iya, lalu semangat kami uga disasah olih Dara hei, supaya kami diam da’am iya, iya diem da’am kami, sala-lama-ei. AMIN

Udah angkoa Padri mari Sakramen ka orang, jari

Tubuh angan Dara Tuhan Isa Almesih, Tuhan diri

Udah samuai orang nyambut, lalu Padri udah nuchi mangkok pirak, iya muang ka alta. Samuai belutut

Padri: Tuhan angan kita
Jawab: Lalu angan ati kau

Padri: Besampi diri. Tuhan Allah ang pengabis bekuasa, ang andang idup, kami banar muji Tuhan, olih Tuhan da’am Sakramen nian, nyuapi kami angan pemakanan sumengat, iya angkoa Tubuh angan Darah Anak Tuhan, Isa Almesih, Penulong kami; da’am Sakramen nian Tuhan udah nantuan ka pengasih angan kabatoan Tuhan angan kami, udah nantuan ka kami udah banar masok kaban Eklisia Almesih, Anak Tuhan, iya angkoa kaban samuai orang ang arap, agi uga udah nantuan ka kami ang arap udah ngoasali pusaka idup sa-ama-amai, olihkuasa ka kamatian angan kasusahan Anak disukai ka Tuhan. Angan ati babah, kami minta Tuhan, Bapa di serga tulung kami angan kuasa Tuhan, supaya kami sa-lama-lamatei da’am kaban kudus angkoa, lalu minjawat samuai kerejatan bato ang udah ditagatan Tuhan ka kami, supaya kami maju da’am iya, olih Isa Almesih Tuhan kami, jaji puji angan mulia dibari ka Tuhan angkoa, ka Allah Bapa, ka Roh Alkudus sampei ka salama-lama-ei. AMIN.

Padri: Tuhan angan kita
Jawab: Lalu angan ati kau.

Padri: Salamat Allah Taala ngalimpasi pikiran manusia nungui ati, nungui samengat kita, lalu nyuruh kita nahui lalu suka ka Allah Taala angan Anak iya Isa Almesih Tuhan diri + Barakat Allah Taala, Bapa, Anak, Roh Alkudus diam datas kita samuai, maruan angan kita salama-lama-ei. AMIN.

 

Lord's Prayer

   
   
   
   
   

 
Return to the Book of Common Prayer in Selako

 

Web author: Charles Wohlers U. S. EnglandScotlandIrelandWalesCanadaWorld