Flag of Malaysia The Book of Common Prayer
United States England Scotland Ireland Wales Canada World

   

Atur Simayang Mass
The Holy Eucharist in Bukar

 

 

Bukar (also called Bidayuh and Bukar-Sadong) belongs to the Land-Dayak group of Malayo-Polynesian languages. It is spoken by some 50,000 people in far western Sarawak (Malaysia) and parts of adjacent Indonesia. This translation of the order for the Holy Eucharist into Bukar is used in the Diocese of Kuching, which is part of the Church of the Province of South East Asia. It is undated, but likely was produced around 1980.

Only one earlier BCP translation into Bukar, from 1948, is recorded by David Griffiths (as 27:1) in his Bibliography of the Book of Common Prayer 1549-1999 (London: The British Library; New Castle, Delaware: Oak Knoll Press, 2002).
 


 

cover, Bukar Eucharist

ATUR SIMAYANG MASS
BISIDIYA

Samua mijog wang Padri, bala Subdeacon, Lay Reader, Servers dangan bala Choir mŭrŭt nŭg wangaih Gereja.

MAZMUR ATO NYANYI

SIKINYUG

Padri: Tuhan Tampa da bikuasa, samua pikir-kira kanan akam tubŭk; samua karan manusia dog puan akam, dangan anjap kayuh da kanan dog dayŭm so akam: binisig pikir ami minan birakat Roh Kudus akam, sen ami mŭnŭ-mŭnŭ rindu dangan akam, lalu ngimahas ganan akam da kudus, bada Jesus Kristus Tuhan ami. Amen.

PŬSŬN SIMŬHŬNG ATO KYRIES

Tuhan masi nŭg ami.
Tuhan masi nŭg ami.
Tuhan masi nŭg ami.

Kristus masi nŭg ami.
Kristus masi nŭg ami.
Kristus masi nŭg ami.

Tuhan masi nŭg ami.
Tuhan masi nŭg ami.
Tuhan masi nŭg ami.

Padri: Nya kita ngangku samua dusa kita nŭg Tuhan Tampa da bikuasa.

Samua: Tuhan Tampa da bikuasa, Amang ami da shorga, ami mbŭh bidusa ngilawan akam, dangan ngilawan bala dingaan ami, dalam pikir, dalam sanda dangan pingundah, so pingilamah atti ami, dangan pinyalah adŭp ami da dog tundah dangan tinŭkŭn, Ami simŭnŭ nyasal, dangan nyungka pingampun nŭg samua dusa ami ti.

Tagal Anak akam Jesus Kristus, da mbŭh kabŭs ngaran ami, nampun samua dusa ami da mbŭh ami ngundah, lalu bada ami bituan nŭg akam dalam pimudip da bauh dangan ngimahas ganan akam. Amen.

Padri: Tuhan Tampa da bikuasa, ngampun samua inya da simŭnŭ nyasal atti: masi nŭg kinde, ngampun dangan piluwah kinde so samua dusa kinde, natap dangan nagap kinde dalam samua kiraja kinde da paguh, lalu nyaga kinde dalam pimudip kakal, bada Jesus Kristus Tuhan kita. Amen.

MUJI MULIA TAMPA

MIJOG

Samua: Mulia nŭg Tampa da nŭhŭn da datuh, damai da dunya dangan nŭg manusia.

Ami muji akam, ami ngadap akam, ami nyambah akam, ami ngimahas akam, ami nyugon terima kaseh nŭg akam, sabap ahi pimasi akam,
 

Thanks are due to Richard Mammana, who transcribed the text from a copy of the undated 28-page pamphlet provided by the Diocese of Kuching. It is reproduced by kind permission of the Bishop of Kuching.

O Tutan Tampa, Raja shorga, Tampa da bikuasa; dangan akam, O Tampa Anak Tambŭ Jesus Kristus, dangan akam, O Tampa Roh Kudus. O Tuhan Jesus Kristus Anak Tambŭ, O Tampa Biri Tampa, akam Tuhan da nyigan dusa dunya, masi nŭg ami, O Tuhan da nyigan dusa dunya, sambut simayang ami. O Tuhan da ngulu kanŭg kuntauh Tampa Amang, masi nŭg ami. Sabap mina akam mŭnŭ kudus, mina akam mŭnŭ Tuhan, mina akam O Jesus Kristus, ngaan samah dangan Roh Kudus, da pingabis datuh dalam mulia Tampa Amang. Amen.
 

Gloria

DUWA DA DOG TINAN ANU EN NŬG KIRAJA DA DUNYA

SANDA TUHAN TAMPA

Padri: Tuhan mŭndŭ dangan kinde.
Samua: Samah mŭndŭ dangan akam.

SIKINYUG

Padri: Kita simayang.

NGULU

Pimacha Jangi da Damba (Old Testament) dangan Epistola. Pimacha ti dog pinangan minan sanda: “Ti mah sanda Tampa”

Samua: Terima kaseh nŭg Tampa.

MIJOG

NYANYI

Pimacha Injil.

So Injil Saint ......

Samua: Mulia Kristus Pingkudip ami,
(Da pangan pimacha Injil ti)
Samua: Puji Kristus Tuhan ami.

NGULU

SANDA AJAR
(THE SERMON)

MIJOG

TŬNGŬN PINGARAP KRISTIAN

Samua: Ami pichaya da ini Tampa, Amang da bikuasa da ngundah rangit dangan bumi, dangan samua kayuh da tangah dangan kajuh da kaii tangah.
 

Collect - Epistle - Gospel - Sermon

Ami pichaya da Jesus Kristus, Anak Tambŭ Tampa, da ngaan adŭh dangan Amang tayŭ so samua kayuh jaji. Tampa so Tampa, Jawa so Jawa, Tampa simŭnŭ so Tampa simŭnŭ; sien dog pinira, kaii dog tinampa, samah dangan Tampa Amang. Bada sien samua kayuh mbŭh dog tinampa. Jaji tagal kita manusia dangan ra nibos kita, sien muhun so shorga, lalu bada kuasa Roh Kudus sien dog pinira so Mary Bijŭ Chuchi, lalu jaji manusia. Lalu tagal kita, sien dog ngiragang so ukum Pontius Pilatus; sien sangsara, kabŭs, lalu dog kinubur.

Anu da taruh sien makat mudlp lagi ngajah dalam surat kudus; sien gatuh nŭg shorga, lalu ngulu kanŭg kuntauh Tampa Amang. Sien ra manŭg lagi dangan mulia, lalu ra ngakim manusia da legi mudip dangan da mbŭh kabŭs, lalu perintah sien ra kakal manŭg situhai-tuhai.

Ami pichaya da Roh Kudus, Tuhan da nyugon plmudip, sien manŭg so Amang dangan Anak. Sien samah dangan Tampa Anak, dog sinambah dangan dog pinuji. Sien mbŭh nyanda, lalu dog kinabar bada nabi-nabi.

Ami pichaya da ini Eklisia, Katolika dangan Apostolika kudus. Ami ngangku ini Baptisa tinan ngampun dusa. Ami ngampan pimakat inya da mbŭh kabŭs, dangan pimudip kakal dalam dunya da ra manŭg. Amen.

NGULU

Notis dangan agah so Gereja dangan agah da bŭkŭn-bŭkŭn dog pidaan.

SIKINYUG
 

Nicene Creed

DUWA PINYUNGKA

Padri: Nya kita simayang nan samua Eklisia Tampa dalam Jesus Kristus. Kita simayang nan samua kayuh da biguna nŭg manusia.

Tuhan Tampa da bikuasa, akam mbŭh bijangi ira kaping simayang inya da nyungka dalam pichaya. Jugon nŭg ami da ngangku ganan akam lalu jaji ini atti dalam pimatul akam, mudip samah-samah dalam pingirindu akam, lalu pitangah mulia akam ni entiro dunya.

(Ati kita simayang nan Eklisia Tampa da ni entiro dunya, labih lagi nŭg Bishop Diocese dangan samua kayuh da biguna nŭg samua inya, Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: Jinaga binuwa ti dangan samua binuwa da bŭkŭn: kayak samua ami, lalu nanchak manchang ngajah jaran da batul, dangan mŭndŭ dalam damai, sen ami adu-adu bibasa nŭg samua manusia dalam dunya. Samah jiruwŭn dangan kayuh da paguh sen nŭh jaji pinguntung nŭg samua.

(Ati kita simayang nan samua bancha da dunya labih lagi nŭg samua kita da binuwa ti, nŭg Yang Dipertuan Agong, Perdana Menteri, Ketua Menteri, Menteri-Menteri Kabinet dangan samua inya da magŭh perintah. Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: Tulung tinagap atti samua inya da sangsara, sen kawŭ ti maseh tiyan bituan nŭg akam bait dalam susah ato dalam sanang lalu adu timawis da pingirindu akam da anyap pimangan nŭh.

(Ati kita simayang jugon nŭg inya da mandam dangan susah, nŭg inya da lŭngŭ dangan nŭg samua kayuh da biguna tinan ngurang tingah pinyusah kawŭ ti. Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: Kaping ami wang ami simayang nan samua inya da mbŭh tayŭ buhu tagan dunya ti dalam pichaya. Lalu nanchak ami samah dangan kawŭ ti buleh adŭh dadog dalam perintah akam da kakal adu-adu.

(Ati kita simayang nŭg samua inya da mbŭh kabŭs: sabut ganan inya da patut dog sabut. Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: O Amang, masi jugon nŭg ami samua kayuh da mbŭh dog sungka ami ti, tagal Anak akam Jesus Kristus Pingkudip ami. Amen.

ATO

Padri: Tampa da bikuasa, Tampa da ngaan Pingkudip samua bancha manusia. Nanchak kawŭ puan jaran Tuhan, lalu taban samua bancha manusia mŭndŭ dalam damai akam, Labih lagi ami simayang nan ................. (Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: Ami simayang nan pimanchang Eklisia Katolika, sen nŭh adu-adu dog kayak Roh Kudus akam. Sen samua inya da ngangku adŭp nŭh Kristian buleh dog taban nguhang jaran da batul, lalu samah ini atti tagap dalam pingarap, lalu mŭndŭ dalam damai. Labih lagi ami simayang nan ...................... (Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: Ami nyungka Tuha, Amang da bikuasa, masi nŭg samua inya da sangsara, inya da susah, bait dalam atti ato dalam tibu. Labih lagi ami simayang nan ...... Tulung kawŭ bada sanang, bada kawŭ tirasŭn ngajah pingkira asŭng jugon ami, da kanan so tana da dog tundah bada tangan manusia. Sien ra jaji roti pingkudip ami.

MIRAKAT UMO ANGGUR

Ami nyungka Tuhan, Amang da bikuasa, masi nŭg samua inya da sangsara, inya da susah, bait dalam atti ato dalam tibu. Labih lagi ami

simayang nan ................... Tulung kawii bada sanang, bada kawutirasun ngajah pingkira asung kawŭ lalu pijuho samua kayuh da nyusah kawŭ. Ami simayang nan samua inya da mbŭh kabŭs dalam pichaya. Labih lagi ami simayang nan ............ (Ngirŭjŭh kaduh-kaduh:)

Padri: Tuhan, dalam pimasi akam.

Samua: Kaping simayang ami.

Padri: O Amang, masi jugon nŭg ami samua kayuh da dog sungka ami ti, tagal Anak akam Jesus Kristus Pingkudip ami. Amen.
 

Prayers

SIMAYANG SAKRAMEN

(Padri sikinyug da kanŭg jawi mija kudus, lalu samah-samah dangan ratus dihong nyabut)

O Tuhan da simŭnŭ masi, pingirindu akam da bada ami manŭg nŭg mija kudus akam. Tangan ami dakŭs, atti ami bayuh sidiya, ami kaii patut maan tantuh da rungan mija akam. Pak akam, Tuhan, Tampa da Pinibos ami, lalu nadog roti akam dangan inya da bidusa. En bada, binisig dangan paan ami minan tibu dangan deya Anak akam, sen sien buleh mŭndŭ dalam ami, lalu ami mŭndŭ dalam sien; sen ami kanan suwŭ dangan bala Eklisia Kristus samah ngulu dangan maan dalam perintah akam. Amen.

MIJOG

DAMAI

Padri: Kita ti tibu Kristus. Dalam ini Roh kita mbŭh baptisa lalu jaji ini tibu.

Padri: Damai Tuhan adu-adu mŭndŭ dangan kinde.

Samua: Samah mŭndŭ dangan akam.

Padri: Nya kita samah ini atti dalam Roh, sen kita adu mŭndŭ dalam damai. Nya kita nyugon “tanda damai” nŭg kaban dingaan adŭp:

(Bala ratus diliong buleh bitabi tangan dangan kaban dingaan adŭp)

NYANYI
(Ngumpul Pinyugon)

(Da masa nyanyi ti, pinyugon nŭg Tampa dog ginumpul, lalu roti dangan umo anggur buleh dog dasan da tunduh mija kudus)

PINYUGON ROTI DANGAN UMO ANGGUR

MIRAKAT ROTI

Padri: Puji nŭg akam, Tuhan Tampa da nampa samua kayuh dalam dunya. Bada pimaguh akam, ami adŭh roti ti da ra dog jugon ami, da kanan so tana da dog tundah bada tangan manusia. Sien ra jaji roti pingkudip ami.

Samua: Puji Tuhan Tampa manŭg situhai-tuhai.

MIRAKAT UMO ANGGUR

Padri: Puji nŭg akam, Tuhan Tampa da nampa samua kayuh dalam dunya. Bada pimaguh akam, ami adŭh umo anggur ti da ra dog jugon ami, buwa manŭg so tŭngŭn anggur da dog tundah bada tangan manusia. Sien ra jaji deya Kristus da ra sŭhŭp ami.

Samua: Puji Tuhan Tampa manŭg situhai-tuhai.

(Padri terima pinyugon, lalu sien nyabut)

Padri & Samua:

Samua kayuh da shorga dangan da dunya, nyajakam ampu, nŭg akam ami nyugon. Mulia nŭg ganan akam. Amen.

NYANYI
 

 

DUWA EUKARISTA

Padri: Tuhan mŭndŭ dangan kinde.

Samua: Samah mŭndŭ dangan akam.

Padri: Takat atti kinde.

Samua: Ami ngakat atti ami nŭg Tuhan.

Padri: Nya kita nyugon terima kaseh nŭg Tampa kita.

Samua: Ngaan patut kita nyugon tenma kaseh dangan muji sien.

Padri: Ngaan kana, ngaan patut ami dalam tiyap masa dangan da tiyap nŭhŭn nyugon puji nŭg akam, Amang da kudus, da bikuasa. Tuhan Tampa da ngaan kakal adu-adu, bada Jesus Kristus Anak akam, Tuhan ami, akam mbŭh nampa shorga dangan bumi lalu mbŭh nibos ami, dangan mbŭh nyugon Roh Kudus nŭg ami.

SANDA PINAYU NGAJAH ANU ATO TIMPUH
(PREFACE)

En bada samah dangan malaikat, samua abih shorga, dangan samua kawŭ da mbŭh kabŭs dalam pichaya, ami dangan atti raraam muji akam, lalu nyabut:

Samua: Kudus, Kudus, Kudus, Tuhan Tampa da Tampa samua, shorga dangan bumi puno bada Mulia akam. Mulia nŭg akam; Hosanna da nŭhun da pingabis datuh.

SINKINYUG

Padri: Samua mulia nŭg akam Amang da kudus, da mbŭh nyugon Anak Tambŭ akam Jesus Kristus da jaji sadih da miriyŭ nan nibos dusa dunya.

Kaping ami, O Amang, Nanchak Roh Kudus akam manŭg, sen roti dangan umo anggur ti buleh jaji tibu dangan deya sien.

Sabap da ngarŭ wang sien dog juwa, sien ngumit roti, mbŭh sien nyugon puji, sien ngitah roti lalu nadog nŭh dangan anak murid, kuwan sien: sambut, naan; ti tibu aku da jugon aku nŭg kinde. Tundah mŭng ti tinan pinyitiyan aku.

Mŭng en lagih wang kuon maan, sien ngumit chawan; mbŭh sien nyugon puji, sien nyugon nŭg anak murid, kuwan sien; sŭhŭp kinde samua, ti deya aku, deya jangi bauh da luwah nan kudip kinde, dangan bala ratus dihong, tinan ngampun dusa. Tundah mŭng ti, tiyap sarak kinde nyŭhŭp nŭh, tinan pinyitiyan aku.

En bada, O Amang, ami ngundah mŭng ti ngajah mŭng da dog nanckak Anak akam.

Samua: Kristus mbŭh kabŭs.
Kristus mbŭh makat mudip lagi.
Kristus ra manŭg lagi.

Padri: En bada, Tampa Amang da shorga, ami ngingat sadih tibu sien da dog tundah mina ini sidah da atuh ragang tagal dusa samua manusia. Ami ngangŭn pimakat sien so kabŭs dangan pinyigatuh sien nŭg shorga dalam mulia, dangan pimanŭg sien da bauh dangan mulia dog nampan ami.

Ami mala roti dangan umo anggur ti da jaji tibu dangan deya Anak akam Jesus Kristus, Tuhan ami. En bada, sambut pingundah sadih ami ti lalu pinuno samua ami da maan tibu dangan nyŭhŭp deya sien minan birakat akam. Sen ami, bada kuasa Roh akam buleh jaji ini dalam perintah akam lalu nyambah dangan ngimahas ganan akana da mulia.

Bada sien, dangan sien, lalu dalam sien, samah dangan Roh Kudus, puji basa dangan mulia nŭg akam, Amang da bikuasa, manŭg situhai-tuhai. Amen.

Padri: Kita simayang;

Sabap Jesus Kristus Pingkudip kita mbŭh ngajar kita, sien bada kita nyabut:
 

Eucharistic Prayer

Samua: Amang ami da shorga, kudus ganan akam, manŭg perintah akam, jaji karan akam da dunya mŭng da shorga. Jugon nŭg ami tiyap anu pimaan ami. Nampun pinyalah ami mŭng ami ngampun inya da bisalah dangan ami. Aba ngaban ami nŭg pinchuba, pak piluwah ami so pimiek. Amen.

NGITAH ROTI

Kita ngitah roti ti sen kita samah kanan bidadog dalam tibu Kristus,

Padri: Damai Tuhan adu adŭh dangan kinde.
Samua: Lalu adu adŭh dangan akam.

ANAK BIRI TAMPA

Padri & Samua:

Anak Biri Tampa, akam da nyigan dusa dunya: masi nŭg ami.

Anak Biri Tampa, akam da nyigan dusa dunya: masi nŭg ami.

Anak Biri Tampa, akam da nyigan dusa dunya: jugon nŭg ami damai Tuhan.

NAN INYA DA KABŬS
(REQUIEM)

Anak Biri Tampa, akam da nyigan dusa dunya; jugon nŭg kawŭ pinyanang.

Anak Biri Tampa, akam da nyigan dusa dunya: jugon nŭg kawŭ pinyanang.

Anak Biri Tampa, akam da nyigan dusa dunya: jugon nŭg kawŭ pinyanang adu-adu.
 

Lord's Prayer

NYAMBUT SAKRAMEN

Padri: Manŭg nyambut tibu dangan deya Tuhan Jesus Kristus, tinan ngingat sien kabŭs tagal kinde, sambut sien dalam atti kinde dangan pichaya tangin nyugon puji

PADRI NYUGON SAKRAMEN NŬG BALA RATUS DIHONG.

Padri: Tibu dangan deya Kristus ngintu dangan nyaga amu dalam pimudip da kakal.

ATO

Tibu dangan deya Kristus.

Tiyap-tiyap inya da nyambut sakramen nyaut: “Amen”

UMBŬH NYAMBUT SAKRAMEN
NYUGON PUJI DANGAN TERIMA KASEH

MIJOG

Padri & Samua:

Tuhan Tampa da bikuasa, ami nyugon terima kaseh nŭg akam, sabap mbŭh paan ami minan tibu dangan deya Anak akam Jesus Kristus. Sien bada ami nyugon tibu dangan ihang ami nŭg akam jaji sadih da mudip. Lalu nanchak ami minan kuasa Roh akam kanan mudip dangan kiraja nŭg puji dangan mulia akam. Amen.

SANDA NAN BITINGKAH - MARI

Padri:               Tuhan mŭndŭ dangan kinde.
Samua:            Samah mŭndŭ dangan akam.
Padri:               Mari kinde dalam damai.
Samua:            Ami mari dalam ganan Kristus. Amen

Padri: Mari kinde dalam damai, rindu lalu bituan nŭg Tuhan Tampa. Sen kinde puno bada pingiraraam so kuasa Roh Kudus. Lalu birakat Tuhan Tampa da bikuasa, Amang, Anak, dangan Roh Kudus; adu-adu mŭndŭ dangan kinde, so iti, manŭg situhai-tuhai. Amen,

NYANYI

Padri, bala Subdeacon, Lay Reader, Servers dangan bala Choir panu, lalu mŭrŭt Vestry. Bala ratus dihong kaii buleh tarus mari, pak simayang tanŭ, nyugon terima kaseh nŭg Tampa dog nuntun bada Subdeacon ato Lay Reader.

Tiyap-tiyap da silung duwa da dog sabut bada Subdeacon ato Lay Reader ra dog saut yu ti:

Samua: Ami nyugon terima kasek nŭg akam, O Tampa.

NGUNDAH TANDA RAGANG

Samua: Birakat Jesus Kristus Tuhan kita, dangan pingirindu Tampa, ini dangan Roh Kudus, mŭndŭ dangan kita samua manŭg situkai-tuhai. Amen.

(SIMAYANG MANGAN ATI - SAMUA MOH BULEH MARI)

DUWA TUHAN JESUS

Amang ami da shorga, kudus ganan akam, manŭg perintah akam, jaji karan akam da dunya mŭng da shorga. Jugon nŭg ami tiyap anu pimaan ami. Nampun pinyalah ami mŭng ami ngampun inya da bisalah dangan ami. Aba ngaban ami nŭg pinchuba, pak piluwah ami so pimiek. Sabap akam ngampu perintah, kuasa dangan mulia manŭg situhai-tuhai. Amen.

PŬSŬN SIMŬHŬNG

Padri: Tuhan kita Jesus Kristus adŭh nyanda, kuwan sien; ka kinde rindu dangan aku, najah samua pŭsŭn aku. Sanang asŭn kawŭ da kaping sanda Tampa lalu ngajah sien. Kaping boh samua pŭsŭn ti da jugon Tampa nŭg bala daya nŭh, lalu kubaik sien da wangaih atti.

Aku ti Tuhan da Tampa kinde, aba kinde bituan nŭg tampa da bukun, pak mina nŭg aku saja. Kinde patut rindu nŭg Tuhan Tampa kinde dangan sipuno-puno atti kinde serta dangan sigagah-gagah kinde.

Samua: Amen. Tuhan masi nŭg ami.

Padri: Kinde kaii bulek ngundah tiguno brala, lalu nyambah sien. Tampa en incheh roh, lalu asih-asih nyambah sien misti nyambah dalam roh dangan dalam pimatul da wangaih atti.

Samua: Amen. Tuhan masi nŭg ami,

Padri: Aba kaii blbasa nŭg ganan Tuhan Tampa kinde. Kinde patut nyambah sien dangan puno basa serta dangan atti sagaan.

Samua: Amen. Tuhan masi nŭg ami.

Padri: Tiyan anu Tuhan, sien incheh Anu Minggu, nintu sien jaji anu kudus. Kristus mbŭh makat mudip lagi so kabŭs: tinumpu pikir kinde nŭg samua kayuh da sambu, aba mikir samua kayuh da dunya ti.

Samua: Amen, Tuhan masi nŭg ami.

Padri: Bibasa nŭg andŭ dangan amang kinde. Mŭndŭ dalam dunya mŭng bala anak Tuhan Tampa: bibasa nŭg samua inya; rindu nŭg bala dingaan adŭp mŭng adi-biradi.

Samua: Amen. Tuhan masi nŭg ami.

Padri: Aba kinabŭs inya. Bidamai dangan kaban dingaan: nalah pimiek minan pimaguh.

Samua: Amen. Tuhan masi nŭg ami.

Padri: Aba bikendak. Tiyan, tibu kinde ti en incheh nŭhiki Roh Kudus mŭndŭ.

Samua: Amen. Tuhan masi nŭg ami.

Padri: Aba nangku. Tundah samua kiraja dangan atti batul lalu tulung inya da suntok.

Samua: Amen. Tuhan masi nŭg ami.

Padri: Aba jaji saksi kudo. Samua inya patut nyanda dangan batul.

Samua; Amen. Tuhan masi nŭg ami.

Padri: Aba nyina anih-anih da inya ampu. Tiyan sanda Tuhan Jesus: bibirakat lagi inya da nyugon so da nyambut. Rindu dangan dingaan mŭng adŭp rindu dangan adŭp. Pingirindu bada samua pingundah kiraja ngajah atur da dog latak adat.

Samua: Amen. Tuhan masi nŭg ami.

 

 

SANDA PINAYU - TINAN NGAJAH
MUSIM (PROPER PREPACES)

ADVENT

Minan sien akam bada samua kayuh bauh, sampe Jesus Kristus Tuhan ami manŭg lagi dalam mulia.

KRISTMAS DANGAN IJU ANU RIMPAS KRISTMAS. ANU JESUS DOG TABAN MŬRŬT NŬG WANGAIH KAABA. ANU MALAIKAT BIDAPUD DANGAN MARY, DANGAN ANU MARY BIJU CHUCHI DA BIBIRAKAT.

Sanda akam mbŭh jaji manusia, lalu dog pinira so Mary Biju Chuchi da anu ti (da timpuh ti) Sien anyap dusa, sen slen buleh misig ami so samua dusa ami.

ANU EPIPHANY DANGAN IJU ANU RIMPAS
EPIPHANY DANGAN ANU TUHAN JESUS
TANGAH DANGAN MULIA.

Labih lagi ami muji akam sabap Jesus Kristus Tuhan ami mbŭh adŭh dalam tibu manusia, lalu pitangah mulia akam. Sen sien buleh ngaban ami luwah so pŭtŭ ngajung jawa.

TIMPUH PUSA (LENT)

Labih lagi ami muji akam sabap Jesus Kristus Tuhan ami da anyap dusa mbŭh dog chuba mŭng ami, sen ami, bada birakat so sien kanan manang ngilawan samua pinchuba.

ANU TUHAN JESUS KRISTUS JERA BIRASA (LENT 5)

Labih, lagi ami muji akam sabap Jesus Kristus Tuhan ami, wang sien muhun nibos dunja, sien pisagaan adŭp nŭh, sampe sien dog ngiragang sen sien ngaban samua manusia mari nŭg adŭp nŭh.

ANU UMPAT KUDUS DANGAN ANU
TINAN NGIMAHAS SAKRAMEN
EUKARISTA KUDUS (CORPUS CHRISTI)

Sabap Jesus Kristus Tuhan ami mbŭh rindu dangan daya nŭh da dunya ti. Sien rindu sampe adŭp nŭh kabŭs; lalu da ngarŭ wang sien dog pijera sien nagih sakramem kudus, sen ami dog tinibos bada pingabŭs sien, lalu mudip bada pimakat sien so kabŭs. Mudip bada Tampa da ngaan nŭh asal pingkudip.

DUWA NAN EASTER DANGAN IJU
ANU RIMPAS EASTER

Labih lagi ami muji akam sabap pimakat Anak akam Jesus Kristus Tuhan ami so kabŭs; sabap sien Biri da jaji sadih tagal ami. Sien mbŭh nyigan dusa dunya, lalu mbŭh ngalah pingabŭs. Sien makat mudip lagi nyugon nŭg ami pimudip kakal.

ANU PINYIGATUH (THE ASCENSION)
DANGANIJU ANU RIMPAS PINYIGATUH

Ami muji akam sabap akam mbŭh pigatuh sien, lalu pigulu sien da kanŭg kuntauh akam, lalu ain sien sidiya nŭhŭn nan ami mŭndŭ samah dangan sien da shorga dalam mulia.

ANU PENTECOST DANGAN IJU ANU
RIMPAS PENTECOST

Lalu bada kuasa da nyugon pimudip, daya akam buleh ngabar Injil nŭg samua manusia, lalu bituan nŭg akam mŭng bala imam so purih raja.

ANU MINGGU TRINITY

Da samah dangan Anak akam Jesus Kristus, samah dangan Roh Kudus dangan akam Amang da ngaan nŭh ini Tampa dalam taruh ganan, samah birŭkŭd kuasa dangan mulia.

ANU DAYA CHUCHI DANGAN ANU RASUL

Lalu ngajah ulah pimudip bala daya chuchi, akam mbŭh nyugon chunto jaran pimudip nŭg ami da ngajah atur Tampa. Sen ami raraam, samah ini bala dangan kawŭ, lalu dangan atti sabar ami buleh bilawan dalam lumba da mbŭh dog natur akam, lalu samah-samah nyambut upah makota mulia.

MIRAKAT GEREJA (CONSECRATION)

Iti nŭh, ami nyugon terima kaseh nŭg akam, sabap birakat akam da ramin simayang ti, lalu ami nyugon sambak puji nŭg akam, sabap gereja ti dog tundah bada Roh akam, bŭkŭn dog tundah bada tangan manusia, en jaji tibu Anak akam Jesus Kristus.

PINIKAH (MARRIAGE)

Iti, ami nyugon terima kaseh nŭg akam, sabap akam mbŭh bada Kristus dangan Gereja nŭh jaji ini, chunto nan pinikah dayung dangan dari da ra jaji asau-banŭh.

BAPTISA (BAPTISM)

Iti, ami nyugon terima kaseh nŭg akam, sabap bada baptisa ami mbŭh dog kinubur samah dangan Kristus, lalu ami kanan samah dangan sien makat lagi nŭg pimudip bauh.

NAN INYA DA KABŬS (REQUIEM)

Labih lagi ami ti muji akam, sabap dalam Jesus Kristus Tuhan ami, akam mbŭh bada ami pichaya, lalu mbŭh sidiya nan pimakat da mulia.

IHANG KRISTUS (ANIMA CHRISTI)

Ihang Kristus, kinudus aku.
Tibu Kristus, kudip aku.
Deya Kristus, pigagah aku.
Umo da luwah so tigahang Kristus, kupok aku.
Jera birasa Kristus, tinagap aku.
O Jesus Kristus da maru paguh, kaping aku.
Da wangaih atang akam, kuabik aku.
Aba bada aku juho so akam.
So pingayu da biek, jinaga aku.
Lalu taban aku manŭg nŭg akam.
Sen samah dangan samua daya kudus, aku muji akam.
Adu-adu, lalu manŭg situhai-tuhai. Amen.

ATTI TUHAN JESUS

O atti Tuhan Jesus, tiyan aku.
O batŭh Tuhan Jesus, tubŭk aku.
O jawi Tuhan Jesus, piriru aku.
O tangan Tuhan Jesus, kayak aku.
O tibu Tuhan Jesus, paan aku.
O deya Tuhan Jesus, binisig aku.
O Tuhan Jesus, tundah aku mŭng adŭp akam.
Lalu tulung aku bada adu rindu dangan akam. Amen.

 

 

 

Web author: Charles Wohlers U. S. EnglandScotlandIrelandWalesCanadaWorld