Flag of Malaysia The Book of Common Prayer
United States England Scotland Ireland Wales Canada World

    Portions of the Book of Common Prayer in Selako

 

SAKRAMEN BAPTISA KAMUDA KENIK
 

Padri: Dengar, kita dikasuka ka Isa Almesih: Ati semua manusia mau minjawat kasalahan tikala ari dangan ada, kerana Allah Taala mau ngidupi ka samuai manusia, sabab Iya suka ka manusia. Jaji jari Isa Almesih, Napasan diri: Ana orang muih tama ka Printah Allah Taala ansi iya ana di-ada ka barahu olih Ai angan Roh Alkudus. Angkoatampataku nyuruh kita besambayang ang ampus Allah Taala, Bapa diri, dapat Isa Almesih, Tuhan diri, minta iya kasi ka kamuda kenik nyian, lalu mari ka iya jukut angkoa, iyamai ana muih dapat kuasa diri, pejari ka iyamuih dibaptisa anganai angan Roh Alkudus, lalu mui idup da’am bala angkoa tamalan kada’am Eklisia Almesih, lalu maruar Beniat diri:

Tuhan Allah pengabis bekuasa iyamai andang maruan, iyamai ngudus ka ai gasa muang kasalahan orang, kamie Isa Almesih, Anak Tuhan, dipaptisadalam Sungai Jordan: Kami minta Tuhan kasi ka kamuda nyian, sasah iya lalu kudus ka iya angan Roh Alkudus, pejari ka iya muih di-tamalan kada’am Eklisia Almesih, lalu arap angan ati tatap, lalu suka dapat jukut di-adang ka iya, lalu masih nuhani kasukahan da’am ati iya pajari ka iya muih nagaran kasukahan dunya nyian, lalu atang ka nagari tampat idup salamaamai, lalu diam dikoa beharihari - anan angan Tuhan, namu Isa Almesih Tuhan diri. AMIN.

INJIL

Padri: Dengar kita bekata Injil ditulis St. Mark, bagi 10, ari ayat 13:

Jawab: Mulia ka Tuhan, Allah Taala
 

Public Baptism of Infants

 

Padri: Jaji orang nabanan kamuda kenik nutup Isa, ichang ka iya nangkapi dangan, lalu murid iya ngarara dangan. Kamie Isa nanang angkoa, iya mirai murid, lalu madahan ka dangan: Pejari ka kamuda kenik nutup aku, ami ngerara dangan, karana orang nya koa muku Printah Allah Taala. Banar aku madahan ka kita: Samuai orang iyamai ana nunda’an ka adat. Printah Allah Taala sabaya kamuda kenik, ana iya muih tama kada’am Printah angkoa. Lalu iya nguhu dangan, iya muangan kokut kalatas dangan latumarakat ka dangan.

Jawab: Puji ka Tuhan, Allah Taala

Padri: Da’am Injil udah dibacha aku ta’i, kita nengar kata Isa Almesih, Napasan diri, kamie iya nyuruh kamuda kanik nutup iya. Kita nahui iya nguhu dangan lalu marakat ka dangan. Jaji Isa Almesih andang samuai sabaya berhari-anan. Jaji ami ati kita begantangan, tapi arap banar iya suka ka kamuda kenik nyian, talu suka nanang diri ngantat iya ka Baptisa, iya mau sambut iya, iya mau kasi ka iya lalu mari ka iya idup sama-amai. Jaji dapat diri tantu nahui ari bekata Isa Almesih, kamuda kenik nyian disukal an ka Bapa diri di Serga, jakoa jin diri angan ati arap, iyamai mangap ka iya, puji iya munyi nyian:

Samuai: Tuhan Allah, labih kuasa, iyamai andang ada, Bapa kami iyamai di Serga, angan ati mangap kami muji Tuhan, kerana Tuhan udah nabanan kami nahui kasih Tuhan, nabanan kami arap ka Tuhan: Tamahi ka penemu kami, lalu tatap ka pengarap kami behari-harian. Bari Roh Alkudus ka kamuda kenik nyian pejari ka iya muih diada ka barahu, lalu muih pesaka salamat bato sa’ama-amai, namu Isa Almesih Tuhan diri, iyamai idup, iyamai nangkapi Printah sabayan angan Tuhan, angan Roh Alkudus, kenia lalu sama-amai. AMIN.
 

Mark 10:13
Padri: Dengar kita saksi kamuda kenik nyian: Kita udah nabanan kamuda kenik nyian pejari ka iya muih dibaptisa, kita udah besambayang minta Isa Almesih, Tuhan diri, sambut iya, barasi iya lalu ngudus ka iya. Jaji Isa Almesih, Tuhan diri, udah besemaiai da’am Injil mau mari samuai jukut angkoa dipinta kita, lalu iya tantu mau ingat, tantu mau ngichang ka semaia angkoa.

Dapat kita mesti besabaya kamuda kenik nyian mau mijawat kukut talu bengkah: Ka-satu, iya mau muang Sitan angan samuai keraia iva, kadua, iya mau arap beharai-harian ka Allah Taala, ka-talu, iya mau ngasi ka Allah Taala, lalu nunda’an ka pasan iya.

Padri: Dapat aku betanya:

Iyamai kita, besamaia (Kamuda kenik nyian) (Kau) mau muang Sitan angan samuai keraja’an iya, samuai jukut toa-toa ana guna angan samuai charat jahat da’am dunya nyian, angan samuai ingin jahat da’am ati diri, nichang ka (iya) (kau) ana nunda’an ka iya?
Jawab: Aku muang samuai jukut angkoa

Padri: Iyamai kita, basamaia (Kamuda kenik nyian) (kau) mau arap ka samuai jukut dikarap ka orang Kristian?
Jawab: Aku arap ka samuai jukut angkoa
 

The Promises
Samuai: AKU ARAP KA ALLAH TAALA, Bapa pengabis bakuasa, Minjawat angit angan bumi.

Aku arap ka Isa Almesih, Anak Siko Iya, Tuhan diri; iya dibuntinggi namu kuasa Roh Alkudus; diada ka Maria Dara Bato; Iya bajara kamie Pontius Pilatus; Iya diregang lalu mati lalu disubur; Iya turun ka Sabayan; hari ka-talu iya puang idup agi: Iya puang ka Serga: Iya duduk di-kanan Allah Bapa, pengabis bekuasa; ari umpat di-nau’un iya atang barahu, ka naka’an ka pechara manusia, orang idup angan orang mati.
Aku arap ka Roh Alkudus; ka Eklisia Katolika Kudus; ka diri kahan barayong angan Orang Berasi, ka ngampun kasalahan, ka Pengangkat tubuh mati: idup sama-amai. AMIN.

Padri: Iyamai, kita sabaya (Kamuda kenik nyian) (kau) mau minjawat jukut ka mau Allah Taala, lalu nunda’an ka pasan iya?
Jawab: Aku besabaya minjawat jukut angkoa

Padri: Iyamai, kita (Dalam dama kamuda kenik nyian) minta Baptisa?
Jawab: Aku minta angkoa.

SAMPI KENIK

Padri: Tuhan Allah ensi kasih ka kami manusia, nyuruhan ati (Kamuda kenik nyian) ansi dahama baka mati, dahama baka disubur, pejari ka ati iya barahu muih idup da’am iya. AMIN.

Suruhan mati da’am ati iya samuai ingin jahat ichang ka samuai barakat dibari Roh Alkudus muih idup lalu ampus jaji da’am iya. AMIN.

Bari kuasa angan keras ka iya, pejari ka iya muih menang, lalu muru ka Sitan, muru ka Jahat dunya, muru ka ingin jahat da’am ati iya. AMIN.

Bari kakatauan bato ka samuai ansi akan dibari ka Tuhan dapat keraja angan sambayang kami nyian, pejari ka dangan tau sambut untong sama-amai, dapat kasi Tuhan Allah ansi andang idup, andang marintah samuai jukut besama-amai. AMIN.
 

Apostles' Creed
SAMBAYANG BARKATI KA AI

Padri: Tuhan angan kita
Jawab: Lalu angan ati kau
Padri: Angkat ka ati kita
Jawab: Kami ngangkat ka ati ampus Tuhan
Padri: Ijin diri mari puji ka Allah Taala, Petara diri
Jawab: Andang sidi, andang banar muji iya

Padri: Andang bato, andang banar, andang sidi, kami muji Tuhan, Bapa Kudus, Allah Taala ang pengabis bekuasa, ang andang ada salalum kerana Isa Almesih Anak disukalan ka Tuhan, kawar ka darah bechampur angan ai umput dirusok ka, pejari ka kasalahan kami muih di-ampun, lalu iya nyuruh murid iya beja’an ngajar samuai bansa manusia lalu maptisa ka dangan da’am dama Bapa angan Anak angan Roh Alkudus. Kami minta Tuhan nengar ka sambayang anak Tuhan, kudus ka ai nyian kena muang kasalahan, lalu bari ka (kamuda kenik) nyian ti dibaptisa da’am iya samuai barakat Tuhan, pejari ka iya muih mesih da’am bala anak Tuhan ang arap banar, ang dipilih Tuhan, namu Isa Almesih Tuhan kami, jaji puji angan basa dibari ka iya angan Bapa angan Roh Alkudus, kania ihan lalu ka sama-amai. AMIN.
 

Blessing of the Water
BAPTISA

Padri: . . . . . aku maptisa ka kau da’am Dama Bapa angan Anak angan Roh Alkudus. AMIN.

Diri nyambut (kamuda kenik) nyian kada’am bala anak Almesih, lalu nanda iya angan tanda Regang, tanda iya ana malu ngaku diri arap ka Isa Almesih ang diregang, tanda iya nundalan ka mandira Almesih, ngelawan dosa, ngelawan kejahatan dunya, ngelawan Sitan, lalu tahan behariari jaji soldadu, jaji anak Almesih, sama-amai idup. AMIN.

SAMBAYANG PUJI

Padri: Dengar kita samuai, kerana (kamuda kenik) nyian udah di-ada ka barahu, udah ditama’an kada’am Eklisia Almesih, jin diri muji Allah Taala setagal barakat angkoa, jin diri subaya saragi besambayang minta pejari (kamuda kenik) nyian muih masih bato aya ka iya sa’ama umor iya:
 

The Baptism

SAMPI TUHAN ISA

BAPA KAMI ang di Serga, kudus dama Tuhan, atang Printah Tuhan, jaji penaka Tuhan, nya koa da’am Serga, nya koa da’am bumi. Bari ka karat hari nyian chukup dimakan kami. Ampun kami kasalahan kami, ala koa kami ngampuni orang ang salah angan kami. Ami nabanan ampus manchobaan. Lepas ka kami umpat kasalahan. Kirai Tuhan ada Printah angan kuasa angan mulia, sampai ka sama-amai. AMIN.

Padri: Tuhan Allah, Bapa kami ka ada’an pengasih, angan ati banar kami muji Tuhan kerana kamuda kenik nyian udah di-ada ka barahu, dapat Tuhan udah ngangkat iya jaji anak Tuhan, kerana Tuhan udah tama ka iya da’am Eklisia Tuhan. AMIN.

Kami minta Tuhan nyuruh kamuda kenik nyian, ang udah sabaya angan Isa Almesih ang Mati, ang disubur, muih sabaya angan iya umpat idup barahu, lalu nyakoa iya muih batua ka Tuhan angan rupaie barahu, lalu dudi ari angan samuai Eklisia Kudus iya muih tama ka Nagari Tuhan, ansi masih sama-amai, dapat Isa Almesiah, Tuhan Diri, AMIN.

Tuhan Allah pengabis kuasa, Bapa kami di serga: Isa Almesih Anak Tuhan udah bechampur angan manusia di rumah orang di Nazaret; kami minta Tuhan marakatka dangan sa-mikan angan kamuda kenik nyian, lalu bari tahu ka samuai orang ang nungui iya, pejari ka iya mansang behara-harian angan ati mangap, dapat Isa Almesih Tuhan kami. AMIN.
 

The Thanksgiving

JUKUT PATUT DIPIJAWAT SAKSI

Padri; Kita ang udah nabanan kamuda kenik nyian pejari ka iya dibaptisa lalu ditamanan kada’am Eklisia Almesih, ana muih ana nyuruh iya ba’ajar asah “Aku arap ka Allah Taala” Sampi Tuhan Isa angan sapuloh Pasan, angkoa ansi ditulis da’am Surat Katikisim, angan samuai jukut bukan patut orang Kristian nahui, patut iya arap, gasa ngidupi ka samengat iya.

Suruh iya ditabanan nutup Bishop iya pejari ka iya muih tatap, ngichang ka iya, dapat saup kakuatan Roh Alkudus, muih ngamasika diri lalu atang nyambut Sakraman Tubuh angan Darah Isa Almesih, lalu betua ka Allah Taala baharai-harian da’am Eklisia iya.

Iyamai kita ka saup iya ba’ajar lalu minjawat samuai jukut angkoa?

Saksi: Aku mau saup iya, dapat saup Allah Taala.

Padri: Ingat kita, Sakramen Baptisa ngajari diri jukut dipijawat orang Kristian iya angkoa nunda’an ka teladan Isa Almesih Napasan diri. Iya mati lalu angkat idup barahu pejari ka ngidupi ka diri. Nya koa uga patut diri ang udah dibaptisa jaji nya koa mati nunga’an ka kasalahan diri, lalu angkat barahu angan rupai’i uchur. Patut diri muang bahari-haranan samuai charat tengok jahat ari ati diri lalu ampus tiap hari diambato, diam uchur.

Tuhan Allah marakat ka kita lalu nunguih kita. Tuhan gari ka kita lalu kasih ka kita. Tuhan narangan ka ati kita lalu mari salamat ka kita, kania hari lalu atang ka sama-amai. AMIN.

 

 

Duties of the Godparents

SAMBAYANG BAPTISA KA ORANG KAYA

Padri: Dengar, kita kasukahan ka Isa Almesih; Ati samuai manusia mau minjawat kasalahan tikala ari dengan ada, lalu dengan udah minjawat manyak macham kasatahan. Jaji jari Isa Almesih Napasan diri: Anaorang muih masok printah Allah Taala ansi iya ana diada ka barahu dapat ai, dapat Roh Alkudus uga.

Dapat aku nyuruh kita besambayang nutup Allah Taala, Bapa diri, dapat Isa Almesih, Tuhan diri, minta iya kasi ka orang nyian, lalu mari ka iya jukut angkoa iya ana nyambut dapat kuasa diri; pejari ka iya dibaptisa angan ai angan Roh Alkudus, lalu muih ditama’an kada’am Eklisia Almesihang Kudus, lalu idup beharai-hari-anan da’am bala angkoa.

Beniat diri:

Tuhan Allah pengabis bekuasa iyamai andang maruan, Iyamai ngudus ka ai gasa muang kasatahan orang, kamie Isa Almesih, Anak Tuhan, dibaptisa da’am Sungai Jordan: Kami minta Tuhan kasi ka (Orang) nyian, sasah iya lalu kudus ka iya angan Roh Alkudus, pejari ka iya muih di-tama’an kada’am Eklisia Almesih, lalu arap angan ati tatap, lalu suka dapat jukut di-adang ka iya, lalu masi nuhani kasukahan da’am ati iya pejari ka iya muih nagaran kasukahan dunya nyian, lalu atang ka nagari tampat idup sa’ama-amai, lalu diam dikoa beharihari-anan angan Tuhan, namu Isa Almesih Tuhan diri. AMIN.
 

Baptism of Adults

INJIL

Padri: Dengar kita Injil ditulis St. John, bagi 3 ari ayat 1:
Jawab: Mulia ka Tuhan, Allah Taala

Padri: Ada siko orang Parisi, dama iya Nikodemus, tuha orang Judah. Iya angkoa atang ma’am ngampusi Isa, lalu bakata angan iya: “Rabi, kami nahui kau pengajar ang atang ari Allah Taala, ana manusia muih minjawat keraja’an, macham dipijawat kau ansi Allah Taala ana angan iya”. Disahati isa: “Sidi, sidi, aku madahan ka kau, ansi orang ana diada ka barahu, iya ana muih nanang Printah Allah Taala”. Jari Nikodemus angan iya: “Iyamai orang muih diada udah iya tuha? Muih iya tama ka dua ka’i kada’am tubuh inu iya, lalu diada ka barahu?” Disahuti Isa: “Sidi, sidi, aku madahan ka kau, ansi orang ana di-ada ka dapat ai angan Roh, ana iya muih tama kada’an Printah Allah Taala. Jukut di-ada ka manusia, iya manusia, jukut diada ka Roh, iya Roh. Ami heran ati kerana aku madahan ka kau, kita ana muih ana di-ada ka baruhu. Ribut betiup barang tampat iya mau, kau nengar auh iya, tapi kau ana nahui umpat dimai penatangi, ka mai tujui jakoa uga samuai orang diada ka Roh.”

Jawab: Puji ka Tuhan, Allah Taala.

Padri: Kita dikasukahan ka Allah Taala, nangar da’am Injil dibacha aku tali kataisa Afinesih, Napasan diri, Jari: “Ana orang muih masok ka Printah Allah Taala, ansi iya ana diada ka barahu dapat ai, dapat Roh Alkudus.” Angkoa lah kita nahui ana muih ana orang dibaptisa, ansi ada orang muih maptisa ka dangan. Munyi nyian uga kata Tuhan Isa angan murid iya, kamie iya mau puang ka Serga, aiya dibacha diri da’am Injil St. Mark, bagi 10, jari “Baja’an kita sabalah bumi churita’an injil ka samuai manusia. Orang ang arap dibaptisa, iya idup, orang ang ana arap, iya gasa ukum. Kala’angkoa mada’an ka diri untong kaya dapat diri dibaptisa. Angkoa lalu Rasul St. Peter, kamie barahu nyurita’an Injil, lalu manyak orang nasal ati, lalu batanya, jari dangan “Ayung, damie ampatut dipi jawat kami” iya nyabut madahan ka dangan: “Barubah ati kita lalu masok Baptisa samuai kita, pejari kasalahan kita muih diampun, lalu barakat Roh Alkudus mau dibari ka kita”. Kerana semaia nyian dipijawat angan kita, angan anak kita, angan samuai orang jauh, samuai disuru Allah Taala ngagai iya. Ami kampong ati, tapi arap banar Allah Taala suka nerima orang nyian, ansi banar ngasal ati, ansi atang ampus ka iya angan ati arap, iya mau ngampuni samuai kasalahan dangan, iya mau mari ka dangan Roh Alkudus, iya mau mari ka dangan idup masi, lalu masok ka dangankaidalam printah iya, masi sa’ama-amai.

Angkoa lah dapat diri tantu nahui ari kata Isa Almesih orang nyian dikasuka’an ka Bapa diri di Serga nya koa, jin diri angan ati ang arap, iyamai mangap ka iya, muji iya munyi nyian:

Samuai: Tuhan Allah, labih kuasa, iyamai andang ada, Bapa kami iyamai di Serga, angan at’ mangap kami muji Tuhan, kerana Tuhan udah nabanan kami nahui kasi Tuhan, nabanan kami arap ka Tuhan: Tamahi ka penemu kami, lalu tatap ka pengarap kami behari-harian. Bari Roh Alkudus ka (Orang) nyian pejari ka iya muih diada ka barahu, lalu muih pesaka salamat bato salama-amai, namu IsaAlmesih Tuhan diri , iyamai idup, iyamai nangkapi Printah sabayan angan Tuhan, angan Roh Alkudus, kenia lalu samaamai. AMIN.
 

John 3:1
Padri: Dengar kita ang atang kasia minta Baptisa. Kita udah nengar orang manyak basambayang minta Isa Almesih Tuhan diri sambut kita lalu marakat ka kita, ampun kasalahan kita lalu masok ka kita kadl am Printah Serga, lalu mari ka kita idup masi. Kita udah nangar uga Isa Almesih, Tuhan diri, kamie iya basamaia mari samuai jukut dipinta diri, lalu iya tantu mau ingat, tantu mau ichang ka samaia iya.

Angkoa ala kerana Isa Almesih basamaia aiakoa, kita uga ana muih ana basamaia dimoha saksi kita, dimoha orang manyak anyian, basamaia muang Sitan angan samuai kerajaan iya, arap baharian anan ka kata Allah Taala, lalu ngasi ka allah taala lalu nunda’an ka pasan iya.

Padri: Iyamai, kita sabaya mau minjawat jukut ka mau Alla Taala, lalu nunda’an ka pasan iya:
Jawab: Aku besabaya minjawat jukut angkoa

Padri: Iyamai, kita minta Baptisa?
Jawab: Aku minta angkoa

SAMPI KENIK

Padri: Tuhan Allah ang kasi ka kami manusia, nyuruhan ati (Orang nyian) ansi dahama baka mati, dahama baka disubur, pejari ka ati iya barahu muih idup da’am iya. AMIN.

Suruhan mati da’am ati iya samuai ingin jahat ichang ka samuai berakat dibari Roh Alkudus muih idup lalu ampus jaji da’am iya. AMIN.

Bari kuasa angan keras ka iya, pejari ka iya muih menang, lalu muru ka Sitan, muru ka Jahat dunya, muru ka ingin, jahat da’am ati iya. AMIN.

Bari kabatauan ang bato ka samuai ansi akan dibari ka Tuhan dapat keraja angan sambayang kami nyian, pejari ka dangan tau sambut untong sama-amai, dapat kasi Tuhan Allah ansi andang idup, andang marintah samuai jukut besama-amai. AMIN.
 

The Promises

SAMBAYANG BARKATI KA AI

Padri: Tuhan angan kita
Jawab: Lalu angan ati kau
Padri: Angkat ka ati kita
Jawab: Kami ngangkat ka ati ampus Tuhan
Padri: Ijin diri mari puji ka Allah Taala, Petara diri
Jawab: Andang sidi, andang banar muji iya

Padri: Andang bato, andang banar, andang sidi, kami muji Tuhan, Bapa Kudus, Allah Taala ang pengabis bekuasa, ang andang ada salalu kerana Isa Almesih Anak disuka’an ka Tuhan, kawar ka darah bechampur angan ai umpat di rusok ka, pejari ka kasalahan kami muih di-ampun, lalu iya nyuruh murid iya beja’an ngajar samuai bansa manusia lalu maptisa ka dangan da’am dama Bapa angan Anak angan Roh Alkudus. Kami minta Tuhan nengar ka sambayang anak Tuhan, kudus ka ai nyian kena muang kasalahan, lalu bari ka (orang) nyian ti dibapitsa da’am iya samuai barakat Tuhan, pejari ka iya muih masih da’am bala anak Tuhan ang arap banar, ang dipilih Tuhan, namu Isa Almesih Tuhan kami, jaji puji angan basa dibari ka iya angan Bapa angan Roh Alkudus, kania ihan lalu ka sama-amai. AMIN.
 

Blessing of the water

BAPTISA

Padri: . . . . . aku maptisa ka kau da’am Dama Bapa angan Anak angan Roh Alkudus. AMIN.

Diri nyambut (orang) nyian kada’am bala anak Almesih, lalu nanda iya angan tanda Regang, tanda iya anamalu ngaku diri arap ka Isa Almesih ang diregang, tanda iya nunda’an ka mandira Almesih, ngelawan dosa, ngelawan kejahatan dunya, ngelawan Sitan, lalu tahan behariari jaji soldadu, jaji anak Almesih, Sama-amai idup. AMIN.
 

The Baptism

SAMBAYANG PUJI

Padri: Dengar kita samuai, kerana (orang) nyian udah di-ada ka barahu, udah ditama’an kada’am Eklisia Almesih, jin diri muji Allah Taala setagal barakat angkoa, jin diri subaya saragi besambayang minta pejari (orang) nyian muih masih bato aya ka iya sa’ama umor iya:
 
Thanksgiving

SAMPI TUHAN ISA

BAPA KAMI ang di Serga, kudus dama Tuhan, atang Printah Tuhan, jaji penaka Tuhan, nya koa da’am Serga, nya koa da’am bumi. Bari ka kami hari nyian chukup dimakan kami. Ampun kami kasalahan kami, aia koa kami ngampuni orang ang salah angan kami. Ami nabanan ampus munchoba’an. Lepas ka kami umpat kasalahan. Kirai Tuhan ada Printah angan kuasa angan mulia, sampai ka sama-amai. AMIN.

SAMPI UDAH ORANG DIBAPTISA

Padri: Bapa ang udah kasi ka kami, kami muji Tuhan kerana orang anyian udah diada ka barahu dapat Roh Alkudus, kerana udah nyambut (iya) jaji bala Eklisia Tuhan. Lalu angan atimangap karat minta Tuhan saup (iya) nyian aya mati, ninggan ka kasalahan iya lalu idup barahu angan rupai-i uchur aya disuburangan Almesih udah iyamati. Saup (iya) ninga’an ka rupai-i angama, lalu muang abis samuai macham kasalahansuruh iya nyian udah saum angan Almesih mati, muih saum uga angan iya angkat idup barahu, pejari ka dudi hari sabaia angan samuai Ekl isia Kudus iya muih masok ka nagari Tuhan masi salamalamai, dapat isa Almesih Tuhan kami. AMIN.

JUKUT PATUT MINJAWAT SAKSI

Padri: Kerana orang nyian udah besamaia di moha kita saksi, mau muang Sitan angan samuai kerajaan iya, lalu mau arap ka Allah Taala, lalu betua ka iya, ami kita ana ingat patut kita nyuruh dangan ba’ajar karati samaia angkoa disanggup iya di moha samuai orang kasian, angan dimoa kita jaji saksi iya. Patut kita nyuruh iya rajin ba’ajat pasal kata Allah Taala, pejari ka angkoa barakat Allah muih ditambahi ka iya, lalu iya muih mangkin nahui Isa Almesih Tuhan diri, lalu diam angan olah ang bato, ang lurus, ang baik-baik.

Lord's Prayer

JUKUT PATUT MINJAWAT ORANG DIBAPTISA

Padri: Jaji kita ang udah jaji saum angan Almesih dapat Baptisa, kita ang udah jaji anak angkat Allah Taala, anak Tarang ati, dapat kita arap ka Isa Almesih, ami kita ana diam. aya ang patut orang Kristian diam, aya anak tarang ati. Ingat kita berhariarianan, Sakramen Baptise nyian ngajari diri jukut ang patut di-pijawat orang Kristian, iya angkoa munda’an ka taladan isa Almesih Napasan diri, lalu nunda’an iya mati lalu angkat idup barahu, ngidupi ka diri. Nya koa uga patut diri ang udah dibaptisa jaji jakoa mati ninga’an ka kasalahan diri, lalu angkat idup barahu anganrupai-i ang uchur. Patut diri muang behariari-anan samuai charat jahat ari ati diri, lalu ampus tiap hari diam bato, diam kuchu.

SAMPI BARAKAT

Tuhan Allah marakat ka kita, lalu nungui kita,
Tuhan gari nampak ka kita lalu kasih ka kita.
Tuhan nerangan ka kita lalu mari salamat ka kita, kania arie atang ka sama-amai. AMIN.

Duties of the Witnesses & Baptized person(s)

 
Return to the Book of Common Prayer in Selako

 

Web author: Charles Wohlers U. S. EnglandScotlandIrelandWalesCanadaWorld