Orationes, Epistolae, et Evangelia
per Annum.
 

Notandum est, quod Oratio unicuique Dominicæ assignata, vel Festo Vigiliam vel Primas (quas vocant) Vesperas habenti, ad Vesperas proxime præcedentes dicenda est.
 

Collects, Epistles & Gospels

The original prints out the scripture readings at length; links to the Latin Vulgate Bible only are given here.

Dominica Prima Adventis

Oratio.

DA nobis, quæsumus, omnipotens Deus, ut abjectis operibus tenebrarum, induamur arma lucis, in hac mortali vita, in qua Jesus Christus Filius tuus cum magna humilitate ad nos visitandos advenit; ut in extremo die, quo rediturus est cum gloria Majestatis suæ ad judicandos vivos et mortuos, resurgamus ad vitam immortalem; per eundem, qui tecum vivit et regnat, in unitate Spiritus Sancti, per omnia sæcula sæculorum. Amen.

¶ Hæc Oratio quotidie dicenda est, cum cæteris Orationibus in Adventu, usque ad Primas Vesperas Nativitatis Domini.

Epistola
Ad. Rom. xii. 8-14

Evangelium.
S. Matt. xxi. 1-13
  

1 Advent

Dominica Secunda Adventus.

Oratio.

BENEDICTE Domine, qui effecisti ut tota Sacra Scriptura ad nostram doctrinam scriberetur: Da nobis ita eam audire, legere, meditari, discere, et intus animo suscipere, ut per patientiam et consolationem Verbi sancti tui amplectamur et usque retineamus spem illam beatam æternæ vitæ, quam dedisti nobis in Salvatore nostro Jesu Christo. Amen.

Epistola
Ad. Rom. vx. 4-13

Evangelium.
S. Lucæ. xxi. 25-33
 

2 Advent

Dominica Tertia Adventus.

Oratio.

DOMINE Jesu Christe, qui in primo Adventu tuo nuntium tuum misisti ad præparandam ante te viam tuam: Da ministris et dispensatoribus mysteriorum tuorum simili modo ita viam tuam præparare, convertendo corda incredulorum ad prudentiam justorum, ut cum Judex mundi iterum adveneris, nos populus tibi acceptus inveniamur. Qui vivis et regnas cum Patre in unitate Spiritus Sancti Deus, per omnia sæcula sæculorum. Amen.

Epistola
1 ad Cor. iv. 1-5

Evangelium.
S. Matt. xi. 2-10
 

3 Advent

Dominica Quarta Adventus.

Oratio.

EXCITA, quæsumus, Domine, potentiam tuam, et veni, et magna nobis virtute succurre; ut, per auxilium gratiæ tuæ, quod nostra peccata in proposito certamine præpediunt, indulgentis tuæ miserationis acceleret; per satisfactionem Filii tui Domini nostri, cui tecum, in unitate Spiritus Sancti, sit honor et gloria. per omnia sæcula sæculorum. Amen.

Epistola
Ad. Phil. iv. 4-7

Evangelium.
S. Joan. i. 19-28
 

In Die Nativitatis Domini.

Oratio.

OMNIPOTENS Deus, qui unigenitum Filium tuum nobis dedisti, ut nostram naturam assumeret, et hoc tempore de pura Virgine nasceretur; Præsta, quæsumus, ut nos regenerati, filiique tui per adoptionem et gratiam facti, Spiritu Sancto tuo quotidie renovemur; per eundem Dominum nostrum Jesum Christum, qui tecum vivit et regnat in unitate ejusdem Spiritus Sancti Deus, per omnia sæcula sæculorum. Amen.

Epistola
Ad. Heb. i. 1-12

Evangelium.
S. Joan. i. 1-14
 

Christmas Day

In Die Sancti Stephani.

Oratio.

DA nobis, Domine, quæsumus, ut inter omnia quæ in terra propter testimonium veritatis tuæ patimur, in cœlum intendentes, gloriam quæ in futuro revelanda est per fidem intueamur; et, Spiritu Sancto repleti, persecutores nostros diligere et benedicere discamus, exemplo Sancti Stephani Protomartyris tui, qui pro interfectoribus suis te, Jesu benedicte, exoravit, qui stas a dextris Dei omnes propter te patientes adjuturus, unicus Mediator noster et Advocatus. Amen.

Deinde sequatur Oratio de Nativitate, quæ quotidie dicenda est usque ad Primas Vesperas Circumcisionis.

Lectio pro Epistola
Act. vii 55-60

Evangelium.
S. Matt. xxiii. 34-39
 

St. Stephen's Day

In Die Sancti Joannis Evangelistae.

Oratio.

ECCLESIAM tuam, quæsumus, misericors Domine, benignus illustra, ut beati Joannis Apostoli tui et Evangelistæ illuminata doctrinis, ita in veritatis tuæ lumine ambulet, ut ad vitæ sempiternæ lucem tandem perveniat; per Jesum Christum Dominum nostrum. Amen.

Epistola
1 S. Joan. i. 1-10

Evangelium.
S. Joan. xxi. 19-25
 

St. John the Evangelist

In Die Innocentium.

Oratio.

OMNIPOTENS Deus, qui ex ore infantium et lactentium perfecisti laudem, et parvulos non loquendo sed moriendo te glorificare voluisti: Omnium in nobis vitiorum mala mortifica, et gratia tua ita nos corrobora, ut innocentia vitæ, et fidei usque ad mortem constantia, sanctum Nomen tuum glorificemus; per Jesum Christum Dominum nostrum. Amen.

Lectio pro Epistola
Apoc. xiv. 1-5

Evangelium.
S. Matt. ii. 13-18
 

Holy Innocents

Dominica infra Octavam Nativitas Domini.

Oratio.

OMNIPOTENS Deus, qui unigenitum Filium tuum nobis dedisti, ut nostram naturam assumeret, et hoc tempore de pura Virgine nasceretur: Præsta, quæsumus, ut nos regenerati, filiique tui per adoptionem et gratiam facti, Spiritu Sancto tuo quotidie renovemur; per eundem Dominum nostrum Jesum Christum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

Epistola
Ad. Gal. iv. 1-7

Evangelium.
S. Matt. i. 18-25
 

Sunday after Christmas Day.

Circumcisio Christi.

Oratio.

OMNIPOTENS Deus, qui benedictum Filium tuum propter hominem circumcidi, et legi obtemperare voluisti: Da nobis veram quæ ex Spiritu est circumcisionem, ut mundanis et carnalibus concupiscentiis tam in corde quam in corpore mortificatis, beatæ voluntati tuæ per omnia obediamos per eundem Filium tuum Jesum Christum Dominum nostrum. Amen.

Hæc eadem cum Epistola et Evangelio, dicatur quotidie usque ad Epiphanium.

Epistola
Ad. Rom. iv. 8-14

Evangelium.
S. Lucæ ii. 15-21
 

Circumcision.

Epiphania.
SIVE CHRISTI CORAM GENTIBUS MANIFESTATIO.

Oratio.

DEUS, qui unigenitum Filium tuum Gentibus stella duce revelasti: Concede propitius, ut qui te jam ex fide cognovimus, tua gloriosa Deitate post hanc vitam perfruamur; per eundem Jesum Christum Dominum nostrum. Amen.

Epistola
Ad. Ephes. iii. 1-12

Evangelium.
S. Matt. ii. 1-12
 

The Epiphany

Dominica Prima post Epiphaniam.

Oratio.

VOTA, quæsumus, Domine, supplicantis populi cœlesti pietate prosequere; ut et ea quæ agenda sunt videant, et ad implenda quæ viderint, tua gratia ac virtute convalescant; per Jesum Christum Dominum nostrum. Amen.

Epistola
Ad. Rom. xii. 1-5

Evangelium.
S. Lucæ ii. 41-52
 

1 Epiphany.

Dominica Secunda post Epiphaniam.

Oratio.

OMNIPOTENS sempiterne Deus, qui cœlestia simul et terrestria moderaris: Supplicationes populi tui clementer exaudi, et pacem tuam nostris concede temporibus; per Jesum Christum Dominum nostrum. Amen.

Epistola
Ad. Rom. xii. 6-16

Evangelium.
S. Joan. ii. 1-11
 

2 Epiphany

Dominica Tertia post Epiphaniam.

Oratio.

OMNIPOTENS sempiterne Deus, infirmitatem nostram propitius respice, atque in omnibus periculis et necessitatibus nostris ad protegendum nos dexteram tuæ Majestatis extende; per Jesum Christum Dominum nostrum. Amen.

Epistola
Ad. Rom. xii. 16-21

Evangelium.
S. Matt. viii. 1-13
 

3 Epiphany

Dominica Quarta post Epiphaniam.

Oratio.

DEUS, qui nos in tantis periculis constitutos pro humana scis fragilitate non posse subsistere; Da nobis eam virtutem ac tutelam quæ nos inter omnia pericula sustentet, et per omnes tentationes illæsos perducat; per Jesum Christum Dominum nostrum. Amen.

Epistola
Ad. Rom. xiii. 1-7

Evangelium.
S. Matt. viii.23-34
 

4 Epiphany

Dominica Quinta post Epiphaniam.

Oratio.

FAMILIAM tuam, quæsumus, Domine, continua pietate custodi; ut quæ in sola spe gratiæ cœlestis innititur, tua semper protectione muniatur; per Jesum Christum Dominum nostrum. Amen.

Epistola
Ad. Coloss. iii. 12-17

Evangelium.
S. Matt. xiii. 24-30
 

5 Epiphany

Dominica Sexta post Epiphaniam.

Oratio.

DEUS, cujus benedictus Filius in hoc apparuit, ut dissolveret opera diaboli, et nos filios Dei vitæque æternæ hæredes efficeret; Da, quæsumus, ut hanc spem habentes, nos metipsos sicut et ille sanctus est sanctificemus; quatenus, cum in potestate magna et majestate iterum apparuerit, similes ei efficiamur in æterno gloriæ ejus regno; ubi tecum, Pater, et tecum Spiritus Sancte, vivit et regnat Deus, per omnia sæcula sæculorum. Amen.

Epistola
1 S. Joan. iii. 1-8

Evangelium.
S. Matt. xxiv. 23-31
 

6 Epiphany

Dominica in Septuagesima,
SIVE DOMINICA TERTIA ANTE QUADRAGESIMAM.

Oratio.

PRECES populi tui, quæsumus, Domine, clementer exaudi; ut qui juste pro peccatis nostris affligimur, pro tui Nominis gloria misericorditer liberemur; per Jesum Christum Salvatorem nostrum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

Epistola
1 Ad. Cor. ix. 24-27

Evangelium.
S. Matt. xx. 1-16
 

Septuagesima

Dominica in Sexagesima,
SIVE DOMINICA SECUNDA ANTE QUADRAGESIMAM.

Oratio.

DEUS, qui conspicis quia ex nulla nostra actione confidimus Concede propitius ut contra adversa omnia tua potestate muniamur; per Jesum Christum Dominum nostrum. Amen.

Epistola
2 Ad. Cor. xi. 19-31

Evangelium.
S. Lucæ viii. 4-15
 

Sexagesima

Dominica in Quinquagesima,
SIVE DOMINICA PROXIMA ANTE QUADRAGESIMAM.

Oratio.

DOMINE, qui nos docuisti, quod omnia opera nostra sine charitate nihil sunt: Mitte Spiritum Sanctum tuum, et infunde in corda nostra charitatem illam, eximium tuum donum, verum vinculum pacis et omnium virtutum, sine qua omnis vivens coram te est mortuus: Hoc largire propter unicum Filium tuum Jesum Christum. Amen.

Epistola
1 Ad. Cor. xiii. 1-13

Evangelium.
S. Lucæ xviii. 31-43
 

Quinquagesima

PRIMUS DIES QUADRAGESIMÆ, VULGO VOCATUS
Feria IV. Cinerum.

Oratio.

OMNIPOTENS æterne Deus, qui nihil odisti eorum quæ fecisti, et omnibus pœnitentibus peccata dimittis: Crea in nobis cor novum et contritum, ut digne peccata nostra deflentes, et iniquitates nostras cognoscentes, a te Deo omnia, misericordiæ perfectam peccatorum remissionem consequamur; per Jesum Christum Dominum nostrum. Amen.

Hæc Oratio quotidie per Quadragesimam legatur post Orationem de die.

Lectio pro Epistola
Joel ii. 12-17

Evangelium.
S. Matt. vi. 16-21
 

Ash Wednesday

Dominica Prima Quadragesimae.

Oratio.

DOMINE qui propter nos quadraginta diebus et quadraginta noctibus jejunasti; Da nobis hujusmodi uti abstinentia, ut carne nostra Spiritui subjecta, sanctis inspirationibus tuis in justitia et vera sanctitate semper obsequamur, ad honorem et gloriam tuam. Qui vivis et regnas cum Patre in unitate Spiritus Sancti Deus, per omnia sæcula sæculorum. Amen.

Epistola
2 Ad. Cor. vi. 1-10

Evangelium.
S. Matt. iv. 1-11
 

1 Lent

Dominica Secunda Quadragesimae.

Oratio.

OMNIPOTENS Deus, qui conspicis nos omni virtute destitus; Interius exteriusque custodi: ut ab omnibus adversitatibus muniamur in corpore, et a pravis cogitationibus mundemur in mente; per Jesum Christum Dominum nostrum. Amen.

Epistola
1 Ad. Thes. iv. 1-8

Evangelium.
S. Matt. xv. 21-28
 

2 Lent

Dominica Tertia Quadragesimae.

Oratio.

QUÆSUMUS omnipotens Deus, vota humilium respice, atque ad defensionem nostram adversus omnes inimicos nostros dexteram tuæ Majestatis extende; per Jesum Christum Dominum nostrum. Amen.

Epistola
Ad. Ephes. v. 1-14

Evangelium.
S. Lucæ xi. 14-28
 

3 Lent

Dominica Quarta Quadragesimae.

Oratio.

CONCEDE quæsumus, omnipotens Deus ut qui ex merito nostræ actionis affligimur, tuæ gratiæ consolatione respiremus; per Jesum Christum Dominum et Salvatorem nostrum. Amen.

Epistola
Ad. Gal. iv. 21-31

Evangelium.
S. Joan. vi. 1-14
 

4 Lent

Dominica Quinta Quadragesimae.

Oratio.

QUÆSUMUS, omnipotens Deus, familiam tuam propitius respice: ut, te largiente, regatur in corpore, et, te servante, custodiatur in mente; per Jesum Christum Dominum nostrum. Amen.

Epistola
Ad. Heb. ix. 11-15

Evangelium.
S. Joan. viii. 46-59
 

5 Lent

Dominica Proxima ante Pascha.

Oratio.

OMNIPOTENS sempiterne Deus, qui humano generi ad imitandum humilitatis exemplum, Filium tuum Salvatorem nostrum Jesum Christum carnem assumere, et crucem subire fecisti; Concede propitius. ut et patientiæ ipsius habere documenta, et resurrectionis consortia mereamur; per eundem Jesum Christum Dominum nostrum. Amen.

Epistola
Ad. Philip. ii. 5-11

Evangelium.
S. Matt. xxvii. 1-54
 

Sunday before Easter (Palm Sunday)

Feria Secunda ante Pascha.

Lectio pro Epistola
Isaiæ lxiii. 1-19

Evangelium.
S. Marci xiv. 1-72
 

Monday before Easter

Feria Tertia ante Pascha.

Lectio pro Epistola
Isaiæ l. 5-11

Evangelium.
S. Marci xv. 1-39
 

Tuesday before Easter

Feria Quarta ante Pascha.

Epistola
Ad. Heb. ix. 16-28

Evangelium.
S. Lucæ xxii. 1-71

Wednesday before Easter

Feria Quinta ante Pascha.

Epistola
1 Ad. Cor. xi. 17-34

Evangelium.
S. Luc. xxiii. 1-49

Thursday before Easter (Maundy Thursday)

Feria Sexta in Parasceve.

Orationes.

RESPICE, quæsumus, omnipotens Deus, super hanc familiam tuam, pro qua Dominus noster Jesus Christus non dubitavit manibus tradi nocentium, et crucis subire tormentum. Qui tecum vivit et regnat in unitate Spiritus Sancti Deus, per omnia sæcula sæculorum. Amen.

OMNIPOTENS sempiterne Deus, cujus Spiritu totum corpus Ecclesiæ sanctificatur et regitur; Exaudi nos pro universis ordinibus in Ecclesia tua sancta constitutis supplicantes: ut ab omnibus tibi gradibus in vocatione et ministerio suo pie et fideliter serviatur; per Dominum et Salvatorem nostrum Jesum Christum. Amen.

MISERICORS Deus, Conditor omnium hominum, nihil odisti eorum quæ fecisti, neque vis mortem peccatoris, sed potius ut convertatur et vivat: Miserere omnium Judæorum, Turcarum, Infidelium, et Hæreticorum; aufer ab eis ignorantiam et duritiem cordis, et contemptum verbi tui; et reduc eos, benedicte Domine, ad gregem tuum, ut salvi fiant inter reliquias veri Israelis, et unum fiant ovile sub uno Pastore Jesu Christo Domino nostro, qui tecum vivit et regnat, in unitate Spiritus Sancti Deus, per omnia sæcula sæculorum. Amen.

Epistola
Ad. Heb. x. 1-25

Evangelium.
S. Joan. xix. 1-37
 

Good Friday

In Vigilia Paschae.

Oratio.

DA nobis, Domine, ut sicut in mortem beatissimi Filii tui Jesu Christi Salvatoris nostri baptizati sumus, ita, concupiscentiam semper mortificando, cum illo consepeliamur; et per sepulchrum et mortis portam in resurrectionis gaudium transeamus. Propter ejusdem merita, qui pro nobis et mortuus et sepultus est et resurrexit, Filii tui Jesu Christi Domini nostri. Amen.

Epistola
1 S. Petri iii. 17-22

Evangelium.
S. Matt. xxvii. 57-66
 

Easter Even

In Die Sancto Paschae.

Ad Matutinas loco Psalmi Venite, exultemus, &c. dicantur aut cantentur Antiphonæ sequentes.

PASCHA nostrum immola. tus est Christus: itaque epulemur;
    Non in fermento veteri, neque in fermento malitiæ et nequitæ: sed in azymis sinceritatis et veritatis. 1 Cor. v. 7.

CHRISTUS resurgens ex mortuis jam non moritur: mors illi ultra non dominabitur.
    Quod enim mortuus est peccato, mortuus est semel: quod autem vivit, vivit Deo.
    Ita et vos existimate vos mortuos quidem esse peccato; viventes autem Deo, in Christo Jesu Domino nostro. Rom. vi. 9.

CHRISTUS resurrexit a mortuis: primitiæ dormientium.
    Quoniam quidem per hominem mors: et per hominem resurrectio mortuorum.
    Et sicut in Adam omnes moriuntur: ita et in Christo omnes vivificabuntur.  1 Cor. xv. 20.
    Gloria Patri, et Filio: et Spiritui Sancto;
    Resp. Sicut erat in principio, et nunc, et semper: et in sæcula sæculorum. Amen.

Oratio.

OMNIPOTENS Deus, qui per unigenitum tuum Filium Jesum Christum æternitatis nobis aditum, devicta morte, reserasti; Vota nostra quæsumus, quæ præveniendo aspiras, etiam jugiter adjuvando prosequere; per eundem Jesum Christum Dominum nostrum, qui vivit et regnat in unitate Spiritus Sancti Deus, per omnia sæcula sæculorum. Amen.

Epistola
Ad. Coloss. iii. 1-7

Evangelium.
S. Joan. xx. 1-10
 

Easter Day

Feria Secunda post Pascha.

Oratio.

OMNIPOTENS Deus, qui per unigenitum tuum Filium Jesum Christum æternitatis nobis aditum, devicta morte, reserasti; Vota nostra quæsumus, quæ præveniendo aspiras, etiam jugiter adjuvando prosequere; per eundem Jesum Christum Dominum nostrum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

Lectia pro Epistola
Act. x. 34-43

Evangelium.
S. Lucæ xxiv. 13-35
 

Monday in Easter-Week

Feria Tertia post Pascha.

Oratio.

OMNIPOTENS Deus, qui per unigenitum tuum Filium Jesum Christum æternitatis nobis aditum, devicta morte, reserasti: Vota nostra quæsumus, quæ præveniendo aspiras, etiam jugiter adjuvando prosequere; per eundem Jesum Christum Dominum nostrum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

Lectio pro Epistola
Act. xiii. 26-41

Evangelium.
S. Lucæ xxiv. 36-48
 

Tuesday in Easter-Week

Dominica Prima post Pascha.

Oratio.

OMNIPOTENS Pater, qui dedisti Filium tuum unicum, ut propter delicta nostra moreretur, et propter justificationem nostram resurgeret: Præsta ut, abjecto fermento malitiæ et nequitiæ, in puritate fidei et vitæ tibi perpetuo serviamus; per merita ejusdem Filii tui Jesu Christi Domini nostri. Amen.

Epistola
1 S. Joan. v. 4-12

Evangelium.
S. Joan. xx. 19-23
 

1st Sunday after Easter

Dominica Secunda post Pascha.

Oratio.

OMNIPOTENS Deus, qui dedisti nobis Filium tuum unicum, ut esset nobis et sacrificium pro peccato, et exemplar pietatis; Da nobis ut gratis mentibus hoc inæstimabile beneficium ejus semper agnoscamus, et beata vestigia vitæ ipsius sanctissimæ quotidie sequi studeamus; per eundem Jesum Christum Dominum nostrum. Amen.

Epistola
1 S. Pet. ii. 19-25

Evangelium.
S. Joan. x. 11-16
 

2nd Sunday after Easter

Dominica Tertia post Pascha.

Oratio.

OMNIPOTENS Deus, qui errantibus, ut in viam possint redire justitiæ, veritatis tuæ lumen ostendis: Da cunctis qui Christiana professione censentur, et illa respuere quæ huic inimica sunt nomini, et ea quæ sunt apta sectari; per Dominum nostrum Jesum Christum. Amen.

Epistola
1 S. Pet. ii. 11-17

Evangelium.
S. Joan. xvi. 16-22
 

3rd Sunday after Easter

Dominica Quarta post Pascha.

Oratio.

OMNIPOTENS Deus, cujus solius est indomitas peccatorum voluntates gubernare: Da populis tuis id amare quod præcipis, id desiderare quod promittis; ut inter mundanas varietates ibi nostra fixa sint corda, ubi vera sunt gaudia; per Jesum Christum Dominum nostrum. Amen.

Epistola
S. Jacob. i. 17-21

Evangelium.
S. Joan. xvi. 5-14
 

4th Sunday after Easter

Dominica Quinta post Pascha.

Oratio.

DEUS, quo bona cuncta procedunt; Largire supplicibus tuis, ut cogitemus, te inspirante, quæ recta sunt, et, te gubernante, eadem faciamus; per Jesum Christum Dominum nostrum. Amen.

Epistola
Jacob. 1. 22-27

Evangelium.
S. Joan. xvii. 23-33
 

5th Sunday after Easter

In Die Ascensionis.

Oratio.

CONCEDE, quæsumus, omnipotens Deus, ut qui Unigenitum tuum Dominum nostrum Jesum Christum ad cœlos ascendisse credimus, ipsi quoque corde et mente illuc ascendamus, et cum illo perpetuo habitemus, qui tecum vivit et regnat in unitate Spiritus Sancti Deus, per omnia sæcula sæculorum. Amen.

Lectio pro Epistola
Act. i. 1-11

Evangelium.
S. Marci. xvi. 14-20
 

Ascension Day

Dominica infra Octam Ascensionis.

Oratio.

DEUS, Rex gloriæ, qui unicum Filium tuum Jesum Christum triumphatorem in cœleste tuum regnum exaltasti; Ne derelinquas nos orphanos; sed mitte nobis Spiritum Sanctum tuum, qui nos consoletur, et eo evehat quo Dominus et Salvator noster Jesus Christus præcessit, qui tecum vivit et regnat in unitate ejusdem Spiritus Sancti Deus, per omnia sæcula sæculorum. Amen.

Epistola
1 S. Pet. iv. 7-11

Evangelium.
S. Joan. xv. 26-xvi. 4.
 

Sunday after Ascension Day

In Die Pentecostes.

Oratio.

DEUS, qui hoc tempore corda fidelium Sancti Spiritus illustratione docuisti; Da nobis in eodem Spiritu de omnibus recta sapere, et de ejus semper sancta consolatione gaudere; per merita Salvatoris nostri Jesu Christi, qui tecum vivit et regnat in unitate ejusdem Spiritus Sanci Deus, per omnia sæcula sæculorum. Amen.

Lectio pro Epistola
Act. ii. 1-11

Evangelium.
S. Joan. xiv. 15-31
 

Whitsunday (Pentecost)

Feria Secunda post Pentecostes.

Oratio.

DEUS, qui hoc tempore corda fidelium Sancti Spiritus illustratione docuisti; Da nobis in eodem Spiritu de omnibus recta sapere, et de ejus semper sancta consolatione gaudere; per merita Salvatoris nostri Jesu Christi, qui tecum vivit et regnat in unitate ejusdem Spiritus Sanci Deus, per omnia sæcula sæculorum. Amen.

Lectio pro Epistola
Act. x. 34-48

Evangelium.
S. Joan. iii. 16-21
 

Monday in Whitsun-Week

Feria Tertia post Pentecostes.

Oratio.

DEUS, qui hoc tempore corda fidelium Sancti Spiritus illustratione docuisti; Da nobis in eodem Spiritu de omnibus recta sapere, et de ejus semper sancta consolatione gaudere; per merita Salvatoris nostri Jesu Christi, qui tecum vivit et regnat in unitate ejusdem Spiritus Sanci Deus, per omnia sæcula sæculorum. Amen.

Lectio pro Epistola
Act. viii. 14-17

Evangelium.
S. Joan. x. 1-10
 

Tuesday in Whitsun-Week

Dominica Trinitatis.

Oratio.

OMNIPOTENS sempiterne Deus, qui gratia tua dedisti nobis famulis tuis in confessione veræ fidei æternæ Trinitatis gloriam agnoscere, et in potentia Divinæ Majestatis adorare Unitatem; Quæsumus, ut nos in eadem fide confirmatos ab omnibus semper munias adversis, qui vivis et regnas Deus, per omnia sæcula sæculorum. Amem.

Lectio pro Epistola
Apoc. iv. 1-11

Evangelium.
S. Joan. iii. 1-15
 

Trinity Sunday

Dominica Prima post Trinitatem.

Oratio.

DEUS, in te sperantium fortitudo, adesto propitius invocationibus nostri; et quia sine te nihil potest mortalis infirmitas, præsta auxilium gratiæ tuæ, ut in exsequendis mandatis tuis, et voluntate tibi et actione placeamus; per Jesum Christum Dominum nostrum. Amen.

Epistola
1 S. Joan. iv. 7-21

Evangelium.
S. Lucæ xvi. 19-31
 

1 Trinity

Dominica Secunda post Trinitatem.

Oratio.

CUSTODI nos, Domine, quæsumus, sub tutamine providentiæ tuæ, et sancti nominis tui timorem pariter et amorem fac nos habere perpetuum: quia nunquam tua gubernatione destituis, quos in soliditate tuæ dilectionis instituis; per Jesum Christum Dominum nostrum. Amen.

Epistola
1 S. Joan. iii. 13-24

Evangelium.
S.Lucæ xiv. 16-24
 

2 Trinity

Dominica Tertia post Trinitatem.

Oratio.

DEPRECATIONEM nostram, quæsumus, Domine, benignus exaudi; et quibus supplicandi præstas affectum, tribue inter omnia pericula et adversa defensionis et consolationis tuæ auxilium; per Jesum Christum Dominum nostrum. Amen.

Epistola
1 S. Pet. v. 5-11

Evangelium.
S. Lucæ xv. 1-10
 

3 Trinity

Dominica Quarta post Trinitatem.

Oratio.

PROTECTOR in te sperantium Deus, sine quo nihil est validum, nihil sanctum; Multiplica super nos misericordiam tuam; ut te rectore, te duce, sic transeamus per temporalia, ut non amittamus æterna; per Jesum Christum Dominum nostrum. Amen.

Epistola
Ad. Rom. viii. 18-23

Evangelium.
S. Lucæ vi. 36-42
 

4 Trinity

Dominica Quinta post Trinitatem.

Oratio.

DA nobis, quæsumus, Domine, ut et mundi cursus pacifice nobis tuo ordine dirigatur, et Ecclesia tua tranquilla devotione lætetur; per Jesum Christum Dominum nostrum. Amen.

Epistola
1 S. Pet. iii. 8-15

Evangelium.
S. Lucæ v. 1-11
 

5 Trinity

Dominica Sexta post Trinitatem.

Oratio.

DEUS, qui diligentibus te bona quæ exsuperant humanum sensum præparasti; Infunde cordibus nostris tui amoris affectum, ut te super omnia diligentes, promissiones tuas, quæ omne desiderium superant, consequamur; per Jesum Christum Dominum nostrum. Amen.

Epistola
Ad. Rom. vi. 3-11

Evangelium.
S. Matt. v. 20-26
 

6 Trinity

Dominica Septima post Trinitatem.

Oratio.

DEUS virtutum, cujus est totum quod est optimum: Insere pectoribus nostris amorem tui nominis, præsta in nobis veræ religionis augmentum, et nos omni bonitate nutritos pietatis studio in eadem custodi; per Jesum Christum Dominum nostrum. Amen.

Epistola
Ad. Rom. vi. 19-23

Evangelium.
S. Marci viii. 1-9
 

7 Trinity

Dominica Octava post Trinitatem.

Oratio.

DEUS, cujus providentia in cœlestium et terrestrium dispositione non fallitur; Te supplices exoramus, ut noxia cuncta submoveas, et omnia nobis profutura concedas; per Jesum Christum Dominum nostrum. Amen.

Epistola
Ad. Rom. viii. 12-17

Evangelium.
S. Matt. vii 15-21
 

8 Trinity

Dominica Nona post Trinitatem.

Oratio.

LARGIRE nobis, quæsumus, Domine, semper spiritum cogitandi quæ recta sunt, propitius, et agendi; ut qui sine te nihil boni agere possumus, secundum te vivere te adjuvante valeamus; per Jesum Christum Dominum nostrum. Amen.

Epistola
1 Ad. Cor. x. 1-13

Evangelium.
S. Lucæ xvi. 1-9
 

9 Trinity

Dominica Decima post Trinitatem.

Oratio.

PATEANT aures misericordiæ tuæ, Domine, precibus supplicantium; et ut petentibus desiderata concedas, fac eos quæ tibi placita sunt postulare; per Jesum Christum Dominum nostrum. Amen.

Epistola
1 Ad. Cor. xii. 1-11

Evangelium.
S. Lucæ xix. 41-47
 

10 Trinity

Dominica Undecima post Trinitatem.

Oratio.

DEUS, qui omnipotentiam tuam parcendo maxime et miserando manifestas: Multiplica super nos gratiam tuam, ut viam mandatorum tuorum currentes, promissa tua consequi et cœlestium bonorum facias esse consortes; per Jesum Christum Dominum nostrum. Amen.

Epistola
1 Ad. Cor. xv. 1-11

Evangelium.
S. Lucæ xviii. 9-14
 

11 Trinity

Dominica Duodecima post Trinitatem.

Oratio.

OMNIPOTENS sempiterne Deus, qui promptior es semper in audiendo quam nos in orando, et abundantia pietatis tuæ et merita supplicum excedis et vota; Effunde super nos misericordiam tuam; ut dimittas quæ conscientia metuit, et adjicias quod oratio non præsumit nisi per merita Mediatoris nostri Jesu Christi Filii tui Domini nostri. Amen.

Epistola
2 Ad. Cor. iii. 4-9

Evangelium.
S. Marci vii. 31-37
 

12 Trinity

Dominica Decima Tertia post Trinitatem.

Oratio.

OMNIPOTENS et misericors Deus, de cujus munere venit ut tibi a fidelibus tuis digne et laudabiliter serviatur: Tribue nobis, quæsumus, ita tibi in hac vita fideliter servire, ut ad cœlestes promissiones tuas sine offensione perveniamus; per Jesum Christum Dominum nostrum. Amen.

Epistola
Ad. Gal. iii. 16-22

Evangelium.
S. Lucæ x. 23-37
 

13 Trinity

Dominica Decima Quarta post Trinitatem.

Oratio.

OMNIPOTENS sempiterne Deus, da nobis fidei, spei, et charitatis augmentum; et, ut assequamur quod promittis, fac nos amare quod præcipis; per Jesum Christum Dominum nostrum. Amen.

Epistola
Ad. Gal. v. 16-24

Evangelium.
S. Lucæ xvii. 11-19
 

14 Trinity

Dominica Decima Quinta post Trinitatem.

Oratio.

CUSTODI, Domine, quæsumus, Ecclesiam tuam propitiatione perpetua; et quia sine te labitur humana mortalitas, tuis semper auxiliis et abstrahatur a noxiis, et ad salutaria dirigatur; per Jesum Christum Dominum nostrum. Amen.

Epistola
Ad. Gal. vi. 11-18

Evangelium.
S. Matt. vi. 24-34
 

15 Trinity

Dominica Decima Sexta post Trinitatem.

Oratio.

ECCLESIAM tuam, quæsumus, Domine, miseratio continuata mundet et muniat; et, quia sine te non potest salva consistere, tuæ semper bonitatis auxilio gubernetur; per Jesum Christum Dominum nostrum. Amen.

Epistola
Ad. Ephes. iii. 13-21

Evangelium.
S. Lucæ vii. 11-17
 

16 Trinity

Dominica Decima Septima post Trinitatem.

Oratio.

TUA nos, Domine, quæsumus, gratia semper et præveniat et sequatur, ac bonis operibus jugiter præstet esse intentos; per Jesum Christum Dominum nostrum. Amen.

Epistola
Ad. Ephes. iv. 1-6

Evangelium.
S. Lucæ xiv. 1-11
 

17 Trinity

Dominica Decima Octava post Trinitatem.

Oratio.

DA, quæsumus, Domine, populo tuo mundana, carnalia, et diabolica vitare contagia, et te solum verum Deum puro corde et mente sectari; per Jesum Christum Dominum nostrum. Amen.

Epistola
1 Ad. Cor. i. 4-8

Evangelium.
S. Matt. xxii. 34-46
 

18 Trinity

Dominica Decima Nona post Trinitatem.

Oratio.

DIRIGAT corda nostra, quæsumus, Domine, Sancti tui Spiritus operatio; quia tibi sine te placere non possumus; per Jesum Christum Dominum nostrum. Amen.

Epistola
Ad. Ephes. iv. 17-32

Evangelium.
S. Matt. ix. 1-8
 

19 Trinity

Dominica Vicesima post Trinitatem.

Oratio.

OMNIPOTENS et misericors Deus, universa nobis adversantia propitiatus exclude: ut, mente et corpore pariter expediti, quæ tua sunt liberia mentibus exsequamur; per Jesum Christum Dominum nostrum. Amen.

Epistola
Ad. Ephes. v. 15-21

Evangelium.
S. Matt. xxii. 1-14
 

20 Trinity

Dominica Vicesima Prima post Trinitatem.

Oratio.

LARGIRE, quæsumus, Domine, fidelibus tuis indulgentiam placatus et pacem: ut pariter ab omnibus mundentur offensis, et secura tibi mente deserviant; per Jesum Christum Dominum nostrum. Amen.

Epistola
Ad. Ephes. vi. 10-20

Evangelium.
S. Joan. iv. 46-54
 

21 Trinity

Dominica Vicesima Secunda post Trinitatem.

Oratio.

FAMILIAM tuam, quæsumus Domine, continua pietate custodi; ut a cunctis adversitatibus, te protegente, sit libera, et in bonis actibus tuo nomini sit devota; per Jesum Christum Dominum nostrum. Amen.

Epistola
Ad. Philip. i. 3-11

Evangelium.
S. Matt. xviii. 21-35
 

22 Trinity

Dominica Vicesima Tertia post Trinitatem.

Oratio.

DEUS, refugium nostrum et virtus; Adesto piis ecclesiæ tuæ precibus, auctor ipse pietatis; et præsta, ut quod fideliter petimus, efficaciter consequamur; per Jesum Christum Dominum nostrum. Amen.

Epistola
Ad. Philip. iii. 17-21

Evangelium.
S. Matt. xxii. 15-22
 

23 Trinity

Dominica Vicesima Quarta post Trinitatem.

Oratio.

ABSOLVE, quæsumus, Domine, tuorum delicta populorum; ut nos omnes a peccatorum nexibus, quæ pro nostra fragilitate contraximus, tua benignitate liberemur. Hoc concede, Pater cœlestis, propter merita Jesu Christi, beatissimi Domini et Salvatoris nostri. Amen.

Epistola
Ad. Coloss. i. 3-12

Evangelium.
S. Matt. ix. 18-26
 

24 Trinity

Dominica Vicesima Quinta post Trinitatem.

Oratio.

EXCITA, quæsumus, Domine, tuorum fidelium voluntates; ut, divini operis fructum propensius exsequentes, pietatis tuæ præmia majora percipiant; per Jesum Christum Dominum nostrum. Amen.

Lectio pro Epistola
Jerem. xxiii. 5-8

Evangelium.
S. Joan. vi. 5-14

Si plures sint Dominica ante Dominicam Adventus, resumantur officia aliquarum ex eis Dominicis quæ superfuerunt post Epipihaniam, ut quod hic desit suppleatur. Sin pauciores, omittatur quod supersit: dummodo hæc proxima Oratio, Epistola, et Evangelium, in proxima Dominica ante Adventum semper recitentur.
 

25 Trinity

In Die Sancti Andreae.

Oratio.

OMNIPOTENS Deus, qui beato Andreæ Apostolo tuo tantam gratiam dedisti, ut a Filio tuo Jesu Christo vocatus eum sine mora sequi non dubitarit; Tribue omnibus nobis, ut per Verbum tuum sanctum vocati, ad sancta mandata tua implenda nosmetipsos continuo tradamus; per eundem Jesum Christum Dominum nostrum. Amen.

Epistola
Ad. Rom. x. 9-21.

Evangelium.
S. Matt. iv. 18-22.
 

St. Andrew

In Die Sancti Thomae Apostoli.

Oratio.

OMNIPOTENS sempiterne Deus, qui ad majorem confirmationem fidei sanctum Thomam Apostolum tuum de resurrectione Filii tui dubitare permisisti : Da nobis ita perfecte et sine ulla dubitatione credere in Filium tuum Jesum Christum, ut fides nostra coram te nunquam reprehendatur. Exaudi nos, Domine, per eundem Jesum Christum, cui tecum, in unitate Spiritus Sancti, sit omnis honor et gloria nunc et per omnia sæcula sæculorum. Amen.

Epistola
Ad. Epes. ii. 19-22.

Evangelium.
S. Joan. xx. 24-31.
 

St. Thomas

In Conversione Sancte Pauli.

Oratio.

DEUS, qui universum mundum per beati Pauli Apostoli prædicationem Evangelica luce illustrasti; Da nobis, quæsumus, ut propter ejus admirabilem conversionem quam recolimus, doctrinæ ejus sanctæ obediendo, tibi gratias referamus; per Jesum Christum Dominum nostrum. Amen.

Lectio pro Epistola
Act. ix. 1-22.

Evangelium.
S. Matt. xix. 27-30.
 

Conversion of St. Paul

IN PRÆSENTATIONE CHRISTI IN TEMPLO,

QUAÆ VULGO VOCATUR

Purificatio Beatae Mariae Virginis.

Oratio.

OMNIPOTENS sempiterne Deus, Majestatem tuam supplices exoramus: ut sicut unigenitus Filius tuus hodierna die cum nostræ carnis substantia in templo est præsentatus; ita nos facias purificatis tibi mentibus præsentari, ab eodem Jesu Christo Domino nostro. Amen.

Lectio pro Epistola
Malachiæ iii. 1-5.

Evangelium.
S. Lucæ ii. 22-40.
 

Purification of St. Mary the Virgin

In Die Sancti Matthiae.

Oratio.

OMNIPOTENS Deus, qui in locum Judæ traditoris elegisti fidelem servum tuum Matthiam, ut esset unus ex duodecim Apostolis; Da Ecclesiæ tuæ ut, a pseudapostolis semper libera, a pastoribus veris et fidelibus regatur et gubernetur; per Jesum Christum Dominum nostrum. Amen.

Lextio pro Epistola
Act. i. 15-26.

Evangelium.
S. Matt. xi. 25-30.
 

St. Matthias

In Annuntiatione Beatae Mariae Virginis.

Oratio.

GRATIAM tuam, quæsumus, Domine, mentibus nostris infunde ; ut qui, angelo nuntiante, Jesu Christi Filii tui incarnationem cognovimus, per passionem ejus et crucem ad resurrectionis gloriam perducamur; per eundem Jesum Christum Dominum nostrum. Amen.

Lectio pro Epistola
Isaiæ vii. 10-15.

Evangelium.
S. Lucæ i. 26-38.
 

The Annunciation of the Blessed Virgin Mary

In Die Sancti Marci

Oratio.

OMNIPOTENS Deus, qui beati Marci Evangelistæ tui cœlesti doctrina Ecclesiam tuam sanctam informasti: Da nobis ut jam non simus parvuli, omni vento doctrinæ circumlati, sed in sancti Evangelii tui veritate confirmemur; per Jesum Christum Dominum nostrum. Amen.

Epistola
Ad. Epes. iv. 7-16.

Evangelium.
S. Joan. xv. 1-11.
 

St. Mark

In Die Sanctorum Philippi et Jacobi.

Oratio.

OMNIPOTENS Deus, quem vere nosse est vita æterna; Fac nos perfecte cognoscere Filium tuum Jesum Christum esse viam, veritatem, et vitam; ut Apostolorum tuorum sanctorum Philippi et Jacobi vestigia sequentes, in via quæ ducit ad vitam sempiternam constanter ambulemus; per eundem Dominum nostrum Jesum Christum. Amen.

Epistola
S. Jacobi i. 1-12.

Evangelium.
S. Joan. xiv. 1-14.
 

St. Phillip & St. James

In Die Sancti Barnabae Apostoli.

Oratio.

DOMINE Deus omnipotens, qui sanctum Apostolum tuum Barnabam Spiritus Sancti donis singularibus ornasti; Ne derelinquas nos, quæsumus, vel donis tuis multiplicibus destitutos, vel gratia qua eis ad tuum honorem et gloriam semper utamur; per Jesum Christum Dominum nostrum. Amen.

Lectio pro Epistola
Act. xi. 22-30.

Evangelium.
S. Joan. xv. 12-16.
 

St. Barnabas

In Die Sanctae Joannis Baptistae.

Oratio.

OMNIPOTENS Deus, cujus providentia famulus tuus Joannes Baptista mirabiliter natus est, et missus ut pœnitentiam prædicando Filii tui Salvatoris nostri viam præpararet; Fac nos ejus doctrinam et sanctam vitam ita imitari, ut veram agamus pœnitentiam juxta ipsius prædicationem ; et secundum ejus exemplum constanter confiteamur veritatem, libere crimina reprehendamus, ac pro confessione veritatis mala patienter perferamus; per eundem Jesum Christum Dominum nostrum. Amen.

Lectio pro Epistola
Isaiæ xl. 1-11.

Evangelium.
S. Lucæ i. 57-80.
 

St. John Baptist

In Die Sancti Petri.

Oratio.

OMNIPOTENS Deus, qui per Filium tuum Jesum Christum beato Petro Apostolo tuo plurima excellentia dona contulisti, et ut gregem tuum pasceret intentius præcepisti; Præsta, quæsumus, ut omnes Episcopi et Pastores Verbum tuum sanctum prædicent, idque populus obedienter sequatur, quatenus coronam æternæ gloriæ consequantur; per eundem Jesum Christum Dominum nostrum. Amen.

Lectio pro Epistola
Act. xii. 1-11.

Evangelium.
S. Matt. xvi. 13-19.
 

St. Peter

In Die Sancti Jacobi Apostoli.

Oratio.

TRIBUE, misericors Deus, ut sicut sanctus Jacobus Apostolus tuus, relicto patre et omnibus quæ habebat, continuo obediens fuit vocationi Filii tui, et eum est secutus; ita nos, relictis omnibus mundanis et carnalibus affectibus, mandatis tuis sanctis semper pareamus; per Jesum Christum Dominum nostrum. Amen.

Lectio pro Epistola
Act. xi. 27, ad xii. 3.

Evangelium.
S. Matt. xx. 20-28.
 

St. James

In Die Sancti Bartholomaei Apostoli.

Oratio.

OMNIPOTENS sempiterne Deus, qui gratiam dedisti Apostolo tuo Bartholomæo qua verbum tuum et vera fide acciperet et doceret; Da, quæsumus, Ecclesiæ tuæ et amare quod credidit, et prædicare atque amplecti quod docuit; per Jesum Christum Dominum nostrum. Amen.

Lectio pro Epistola
Act. v. 12-16.

Evangelium.
S. Lucæ xii. 24-30.
 

St. Bartholomew

In Die Sancti Matthaei Apostoli.

Oratio.

OMNIPOTENS Deus, qui per benedictum Filium tuum vocasti Matthæum, ut ex publicano Apostolus fieret et Evangelista; Da nobis gratiam ut studium pecuniæ et opum amorem inordinatum relinquamus, et sequamur eundem Filium tuum Jesum Christum, qui tecum vivit et regnat, in unitate Spiritus Sancti Deus, per omnia sæcula sæculorum. Amen.

Epistola
2 Ad. Cor. iv. 1-6.

Evangelium.
S. Matt. iv. 9-13.
 

St. Matthew

In Die Sancti Michaelis et omnium Angelorum.

Oratio.

ÆTERNE Deus, qui miro ordine Angelorum ministeria hominumque dispensas; Concede propitius, ut quibus tibi ministrantibus in cœlo semper assistitur, ab his in terra vita nostra muniatur; per Jesum Christum Dominum nostrum. Amen.

Lectio pro Epistola
Apoc. xii. 7-13.

Evangelium.
S. Matt. xviii. 1-10.
 

St. Michael & All Angels

In Die Sancti Lucae Evangelistae.

Oratio.

OMNIPOTENS Deus, qui Lucam medicum, cujus laus est in Evangelio, ad te vocasti, ut factus Evangelista animarum quoque curam susciperet; Præsta, quæsumus, ut salubribus ejus doctrinæ medicinis, omnes animarum nostrarum morbi sanentur; per merita Filii tui Jesu Christi Domini nostri. Amen.

Epistola
2 Ad. Tim. iv. 5-15.

Evangelium.
S. Lucæ. x. 1-7.
 

St. Luke

In Die Sanctorum Simonis et Judae, Apostolorum.

Oratio.

OMNIPOTENS Deus, qui Ecclesiam tuam super fundamentum Prophetarum et Apostolorum, in ipso summo angulari lapide, Christo Jesu, ædificasti; Da nobis ita per eorum doctrinam in unitate Spiritus conjungi, ut sanctum templum tibi acceptum efficiamur; per eundem Jesum Christum Dominum nostrum. Amen.

Epistola
S. Judæ 1-8.

Evangelium.
S. Joan. xv. 17-27.
 

St. Simon & St. Jude

In Die omnium Sanctorum.

Oratio.

OMNIPOTENS Deus, qui conjunxisti electos tuos in una communione et societate mystici corporis Filii tui Domini nostri Jesu Christi; Da nobis Sanctos tuos in omnibus virtutibus et bonis operibus ita imitari, ut ad ineffabile gaudium, quod præparasti iis qui vere te diligunt, perveniamus; per eundem Jesum Christum Dominum nostrum. Amen.

Lectio pro Epistola
Apoc. vii. 2-12.

Evangelium.
S. Matt. v. 1-12.
 

All Saints