Orationes et Gratiarum Actiones

AD DIVERSA,

Ante duas posteriores Litaniæ, seu Matutinarum et Vesperarum Orationes recitandæ.

Orationes.

Prayers and Thanksgivings upon several Occasions

Pro Pluvia.

DEUS, Pater cœlestis, qui per Filium tuum Jesum Christum universis regnum tuum et ejus justitiam quærentibus omnia corporali vitæ necessaria promisisti: Nobis, quæsumus, in hac nostra necessitate pluviam tribue congruentem; ut terræ fructus ad nostram consolationem et honorem tuum percipiamus. Per Jesum Christum Dominum nostrum. Amen.
 

For Rain

Pro Aeris serenitate.

DOMINE Deus omnipotens, qui olim propter hominum peccata mundum universum, octo tantum hominibus exceptis, submersisti, et postea pro bonitate tua pollicitus es eum non iterum te ita deleturum: Supplices te rogamus, ut quamvis propter iniquitatem nostram nimia pluvia vexari meriti simus, pœnitentibus tamen eam aeris tribuas serenitatem, ut terræ fructus tempore opportuno percipiamus: et per pœnam illatam mores emendare, et pro clementia tua tibi grates reddere discamus. Per Jesum Christum Dominum nostrum. Amen.
 

For Fair Weather

Tempore caritatis et famis.

DEUS, Pater cœlestis, cujus beneficio pluvia decidit, terra fit frugifera, animalia piscesque multiplicantur: Afflictiones populi tui, quæsumus, respice: et præsta ut hæc penuria et annonæ caritas, quam nunc pro peccatis juste patimur, in copiam et abundantiam rerum pietate tua convertantur. Propter Jesum Christum Dominum nostrum, cui tecum in unitate Spiritus Sancti sit honor et gloria, nunc et per omnia sæcula sæculorum. Amen.

Aut sequens.

DEUS, Pater misericors, qui tempore Elisæi prophetæ in Samaria magnam penuriam et caritatem in vilitatem et copiam subito mutasti : Miserere nobis, ut qui nunc pro peccatis nostris similiter affligimur, similiter etiam opportune relevemur; fructus terræ benedictione tua cœlesti adauge: et præsta ut nos, beneficentiæ tuæ largitatem accipientes, ea in tui gloriam, in subsidium indigentium, et consolationem nostram utamur. Per Jesum Christum Dominum nostrum. Amen.
 

In Time of Dearth or Famine

Tempore Belli et Tumultus.

OMNIPOTENS Deus, Rex regum et omnium Domimator, cujus potestati nulla creatura resistere valet; cujus est peccatores juste punire, et vere pœnitentibus misereri: Salva et libera nos, supplices te rogamus, a manu inimicorum: superbiam eorum reprime, malitiam mitiga, consilia conturba: ut tua defensione muniti ab omnibus periculis semper conservemur, ad glorificandum te solum victoriæ largitorem. Propter merita unici Filii tui, Jesu Christi Domini nostri. Amen.
 

In Time of War or Tumults

Tempore communis pestis sive morbi.

OMNIPOTENS Deus, qui populo tuo in eremo, contra Moysen et Aaronem pertinaciter rebellanti, pestem iratus immisisti: et in tempore regis David, septuaginta millia hominum peste destruxisti, sed misericordiæ tuæ recordatus conservasti reliquos: Miserere nobis miseris peccatoribus, nunc morbis et gravi mortalitate afflictis: et sicut tunc temporis propitiatus, Angelo vastatori castigationem omittere jussisti, ita nunc quoque a nobis hanc gravem pestem amovere digneris Per Jesum Christum Dominum nostrum. Amen.
 

In the Time of any common Plague or Sickness

In Quatuor Temporibus, pro iis qui in Sacros Ordines promovendi sunt, quotidie dicenda.

OMNIPOTENS Deus, Pater noster cœlestis, Ecclesiam universalem, quam tibi Filii tui dilectissimi pretioso sanguine acquisivisti, respice propitius; et hoc tempore famulorum tuorum Episcoporum, gregis tui Pastorum, mentes ita dirige et guberna, ut manus temere nemini imponant, sed fideliter et sapienter idoneos eligant, qui tibi in sacro Ecclesiæ ministerio serviant. Et iis qui ad quodvis munus sacrum ordinati fuerint, gratiam tuam et benedictionem cœlestem tribue: ut tam vivendo quam docendo gloriam tuam prædicent, et saluti omnium prospiciant. Per Jesum Christum Dominum nostrum. Amen.

Sive hæc.

OMNIPOTENS Deus. omnium bonorum dator, qui divina providentia tua varios Ordines in Ecclesia constituisti; Da gratiam tuam, supplices quæsumus, iis omnibus qui ad quodvis in eadem officium sive administrationem sunt vocandi: et eos doctrinæ tuæ veritate ita adimple, et vitæ innocentia adorna, ut in conspectu tuo fideliter ministrent, ad magni tui Nominis gloriam, et ad profectum sanctæ Ecclesiæ tuæ. Per Jesum Christum Dominum nostrum. Amen.
 

In the Ember Weeks, to be said every day, for those that are to be admitted to Holy Orders

Oratio quæ curvis præcidentium apponi potest.

DEUS cui proprium est misereri semper et parcere, suscipe deprecationem nostram; ut quos delictorum catena constringit, miseratio tuæ pietatis absolvat. Ad honorem Jesu Christi, Mediatoris nostri et Advocati. Amen.
 

A Prayer that may be said after any of the former.

Pro summa curia Parliamenti, durante Sessione.

DEUS clementissime, supplices te rogamus cum pro hoc regno universo, tum maxime pro summa curia Parliamenti, sub Rege nostro pio et clementi jam congregata: Ut omnes eorum deliberationes dirigere et prosperare digneris, ad gloriæ tuæ incrementum, ad Ecclesiæ profectum, et ad Regis nostræ regnique ejus salutem, decus, atque commodum; quo omnibus eorum opera bene compositis fundatis, et stabilitis, pax et felicitas, veritas et justitia, religio et pietas, nobis posterique confirmentur. Hæc et cætera ipsis, nobis, et universæ Ecclesiæ tuæ necessaria, supplices postulamus in Nomine Mediatoris nostri Jesu Christi, beatissimi Domini et Salvatoris. Amen.
 

A Prayer for the High Court of Parliament, to be read during their Session.

Oratio pro omnibus hominibus cujuscunque conditionis, tunc dicenda cum Litania non recitanda est.

DEUS, humani generis Creator et Conservator, supplices te rogamus pro omnibus hominibus cujuscunque conditionis, ut iis vias tuas, et omnibus gentibus salutare tuum, ostendere digneris. Et præcipue pro bono statu Ecclesiæ Catholicæ; quam bono Spiritu tuo, quæsumus, ita dirigas et gubernes, ut omnes qui se Christianos profitentur, in viam veritatis ducti, in unitate spiritus, in vinculo pacis, et in justitia vitæ fidem teneant. Postremo paternæ bonitati tuæ omnes illos commendamus qui quovis modo, in mente, corpore, aut rebus, anguntur aut laborant; [* eos præsertim pro quibus orationes nostræ poscuntur,] ut eos, prout variæ eorum requirunt necessitates, consolari et relevare digneris, et fortitudinem in patiendo, et felicem e pressuris exitum concedens. Quod propter Jesum Christum te rogamus. Amen.

A Prayer for all Conditions of Men, to be used at such time when the Litany is not appointed to be said.

 * Hoc dicendum est si aliqua Populum ut pro eis oret rogaverint

Gratiarum Actiones

Gratiarum Actio generalis

OMNIPOTENS Deus, Pater omnium misericordiarum, nos indigni famuli tui humillime et ex animo tibi gratias agimus pro omni bonitate tua et benignitate erga nos et omnes homines: [*eos præcipue qui jam volunt tibi confiteri et gratias agere pro misericordia tua nuper in se collata.] Benedicimus tibi pro creatione et conservatione nostra et omnibus hujusce vitæ bonis; sed maxime pro amore tuo inæstimabili, quo mundum per Dominum nostrum Jesum Christum redemisti; insuper pro gratiæ instrumentis et spe gloriæ. Quæ omnia beneficia tua da nobis ita, ut justum est, sentire, ut cordibus vere gratis, laudem tuam non loquendo tantum, sed vivendo annuntiemus; dum servitio tuo penitus devoti, coram te in sanctitate et justitia omnibus diebus vitæ nostræ ambulemus. Per Jesum Christum Dominum nostrum, cui tecum, in unitate Spiritus Sancti, sit omnis honor et gloria, per omnia sæcula sæculorum. Amen.
 

Thanksgivings

A General Thanksgiving

 * Hoc dicendum est si aliqui pro quibus oratio facta sit gratias reddere velint

Pro Pluvia.

DEUS, Pater noster cœlestis, qui benigna providentia tua imbrem matutinum et serotinum in terram facis descendere, quo fructus servituti hominum proferat : Gratias agimus tibi, quia in extrema nostra necessitate hæreditatem tuam tandem pluvia lætificare, et infirmatam perficere dignatus es, ad magnum famalorum tuorum indignorum solatium, et ad gloriam sancti Nominis tui; per misericordias tuas in Jesu Christo Domino nostro. Amen.
 

For Rain

Pro Aeris serenitate.

DOMINE Deus, qui nos nuper plaga immodicorum imbrium juste humiliasti, et pro beniguitate tuo cœli opportuna serenitate refecisti; Nomen tuum sanctum pro hac misericordia tua laudamus et glorificamus, et in generationem et generationem benignitatem tuam annuntiabimus; per Jesum Christum Dominum nostrum. Amen.
 

For fair Weather

Pro Copia rerum.

PATER misericors, qui devotas Ecclesiæ supplicationes benignus exaudivisti et caritatem et inopiam quæ nos opprimebant, in vilitatem et copiam convertisti: Pro hac tua singulari beneficentia gratias agimus, rogantes ut nobis clementiam tuam continues, per quam terra nostra det fructum suum, ad gloriam tuam et solatium nostrum. Per Jesum Christum Dominum nostrum. Amen.
 

For Plenty

Pro Pace, et liberatione ab inimicis.

OMNIPOTENS Dens, qui famulis tuis turris es fortitudinis a facie inimicorum: Laudem et gratias tibi referimus, qui a magnis illis et manifestis. quæ nos circumdabant, periculis nos dignatus es liberare; et tuæ soli bonitati ascribimus, quod non dati sumus eis in captionem; rogantes te ut nobis hanc tuam continues misericordiam; quo omnes homines te sciant nostrum esse Salvatorem et potentem Liberatorem. Per Jesum Christum Dominum nostrum. Amen.
 

For Peace & Deliverance from our Enemies

Pro Pace publica domi restituta.

ÆTERNE Dens, Pater noster cœlestis, qui solus inhabitare facis unius moris in domo, et populi indomiti violentiam reprimis: Benedicimus Nomini sancto tuo, quod tumultus seditiosos nuper apud nos concitatos dignatus es sedare: te suppliciter rogantes ut gratiam nobis omnibus concedas qua posthac mandatis tuis sanctis obedire valeamus, et quietam et tranquillam vitam agentes in omni pietate et castitate, sacrificium laudis et gratiarum, pro his misericordiis tuis, tibi jugiter offeramus. Per Jesum Christum Dominum nostrum. Amen.
 

For restoring Public Peace at Home

Pro liberatione le Peste vel de alio morbo communi.

DOMINE Dens, qui nos terribili pœna nuper visitans, propter peccata vulnerasti, propter prævaricationes consumpsisti; et nunc in medio judicii misericordiæ recordatus, e faucibus montis animas nostras redemisti : Paternæ pietati tuæ nosmetipsos, animas et corpora nostra, a te liberata, hostiam viventem exhibemus, et in Ecclesia tua misericordiam tuam semper laudamus et extollimus. Per Jesum Christum Dominum nostrum. Amen.

Sive hæc.

CORAM te, Pater misericors, supplices agnoscimus quod omnes pœnæ in lege tua denuntiatæ in nos, propter multiplicia peccata et duritiam cordis, mento incidere potuissent : Sed tamen quia pro benignitate tua, pœnitentiam nostram imperfectam et indignam respiciens, morbi contagionem, qua nuper laboravimus, amovere, et vocem exultationis et salutis in nostris tabernaculis restituere dignatus es; Divinæ Majestati tuæ sacrificium laudis et gratiarum offerimus, et Nomen tuum gloriosum pro tam benigna providentia laudamus et extollimus; Per Jesum Christum Dominum nostrum. Amen.

For Deliverance from the Plague, or other common Sickness