Ordo Visitationis Infirmorum

ET COMMUNIO

eorundem

_________________________

Pax huic Domui, et omnibus habitantibus in ea.

NE reminiscaris, Domine, peccata nostra vel parentum nostrorum. Parce Domine, parce populo tuo, quem redemisti præcioso sanguine tuo, ne in æternum irascaris nobis.

Kyrie eleyson.
Christe eleyson.
Kyrie eleyson.

Pater noster qui es in cœlis, Sanctificetur nomen tuum. Adveniat regnum tuum. Fiat voluntas tua, sicut in cœlo, & in terra. Panem nostrum quotidiamum da nobis hodie. Et dimitte nobis debita nostra, sicut & nos dimittimus debitoribus nostris.
 

Minister: Et ne nos inducas in tentationem.
Responsio: Sed libera nos a malo.
Minister: Domine salvum fac servum tuum.
Responsio: qui suam fiduciam in te collocat.
Minister: Mitte eum* Domine angelum* de sanctuario tuo.
Responsio: Et potenter defende eum.
Minister: Nihil prævaleat inimicus in eo :
Responsio: Et filius iniquitatis non noceat ei.
Minister: Esto ei Domini turris fortitudinis :
Responsio: A facie inimici.
Minister: Domine exaudi orationem nostram :
Responsio: Et clamor noster ad te veniat.

Oremus.

RESPICE Domine de cœlo, visita servum tuum, respice eum oculis misericordiæ tuæ, consolare eum ut in te certo confidat : defende eum ab insidiis inimici, et serva eum in pace perpetua et quiete. Per Jesum Christum Dominum nostrum. Amen.

EXAUDI nos, omnipotens et misericors Deus, extende consuetam misericordiam tuam ad hunc servum tuum ægrotantem: visita illum domine, ut invisisti socrum Petri, et servum Centurionis : sic visita et restitue hunc sanitati, si ita tibi visum fuerit: vel fac eum ita perferre hanc afflictionem, ut post hanc vitam tecum vivat in æternum. Amen.

Suffrages

*Should be eum & angelum

HOC scias, carissime frater, Christum esse Dominum mortis et vitæ, juventutis, fortitudinis, sanitatis, senectutis, et infirmitatis. Quare persuasum tibi sit, quod quicunque tuus fuerit morbus, is Deo volente et sciente tibi contingat, et quacunque tandem de causa, sive ut probet tuam pacientiam, sive ad exemplum aliorum, ut fides tua in die Domini inveniatur ad laudem, gloriam et honorem Dei, et augmentum fœlicitatis vitæ æternæ, sive etiam ad correctionem et castigationem de aliquo, quod offendit oculos cœlestis Patris : noveris certo, quod si vere te pœniteat peccati, et æquo animo feras hanc afflictionem, confisus in misericordia Dei, promissa propter Filium suum Dominum nostrum Jesum Christum, gratias agens pro hac paterna visitatione, et te humiliter subjicias divinæ ejus voluntati, tibi proderit ad salutem, et promovebit te in recta via, quæ ducit ad vitam æternam.

    Quare in optimam partem accipias hanc correctionem. Quem enim diligit Dominus, hunc castigat. Imo, ut D. Paulus inquit : Flagellat omnem filium quem recipit. Item si fertis castigationem, offert semetipsum vobis, ut propriis filiis. Quis enim est filius, quem pater non castigat? Si non estis subjecti correctioni, cujus omnes germani filii sunt participes, nothi estis et spurii, non legitimi filii. Quare cum patres nostri carnales nos castigent, et nihilominus obsequimur illis cum omni reverentia, nunquid multo magis debemus obedire spirituali Patri, ut vivamus? Et illi quidem paucis diebus nos correxerunt pro ipsorum voluntate: Ipse vero nos castigat propter nostram utilitatem, ut participes simus suæ sanctitatis. Hæc verba, carissime frater, propter nostram consolationem et instructionem scripta sunt, ut pacienter et cum gratiarum actione feramus cœlestis Patris correctionem quancunque, et per quæcunque adversa placuerit illi nos visitare. Neque enim major consolatio Christiano esse debet, quam ut similis fiat imaginis Filii Dei, in perferundis ærumnis et adversis ac infirmitatibus. Quemadmodum igitur Christus ipse non ante ingressus est in gloriam, quam pateretur, sed ante crucifixus est, quam glorificatetur :ita profecto via ad gloriam est pacientia tribulationum : et transitus ad vitam est cum Christo mori, ut una cum ipso resurgamus a morte, et perfruamur vita æterna. Feras igitur tuam infirmitatem æquo animo, et memineris professionis tuæ in baptismo. Cum autem post hanc vitam reddenda sit ratio justo Judici, a quo omnes sine respectu personarum oportet judicari, exhortor te, ut examines te ipsum, et quomodo cum Deo et cum omnibus hominibus tecum convenit, ut dum te ipsum accusas et judicas, pro peccatis invenias misericordiam apud cœlestem Patrem propter Christum, et ne accuseris aut damneris in tremendo judico. Recitabo igitur articulos fidei, ut noris utrum vere credas illa, quæ Christianum credere oportet.

Hic sacerdos recitabit articulos Symboli, dicens in hunc modum.

CREDIS in Deum Patrem Omnipotentem, Creatorem cœli et terræ? &c.
 

DOMINUS noster Jesus Christus, qui dedit potestatem Ecclesiæ absolvendi a peccatis pœnitentes, et credentes Evangelio, ipse ex infinita misericordia indulgeat tibi peccata tua : ego vere autoritate ipsius mihi commissa absolvo te ab omnibus peccatis, in nomine Patris et Filii, et Spiritus Sancti. Amen.

Tunc oret Minister hunc Psalmum. lxxi.

SALVATOR mundi, salva nos. Qui per Crucem et præciosum sanguinem redemisti nos, adjuva nos, te rogamus, O Deus.

Collecta.

OMNIPOTENS Deus, qui est fortitudo omnium in se sperantium, cui omnia in cœlo et in terra et subtus terram obediunt, nunc et semper sit tibi protector, et faciat cognoscere et sentire, quod non sit aliud nomen datum sub cœlo hominibus, in quo et per quod tu recipias salutem et sanitatem, præter nomen Domini nostri Jesu Christi.

Psalm 71

Si videtur commodum, dicatur etiam his Psalmus, pro usitata ante hæc tempora, visitatione.
Psalmus. xiiii. (vel xii.)*

The Communion of the Sick

*an error - should be postridie

Oremus.

OMNIPOTENS æterne Deus, conditor humani generis, qui quos diligis corrigis, et castigas omnem filium quem recipis, quæsumus, ut miserearis huic servo tuo infirmo, et præsta, ut pacienter hanc infirmitatem ferat, et recuperet sanitatem, si ita tibi videbitur, et quandocunque hinc emigraverit, immaculatus perveniat ad vitam sempiternam.

Epistola. Heb. xii.

FILI mi, ne neglexeris correptionem Domini, neque deficias, cum ab eo argueris. Quem enim diligit Dominus, corripit : flagellat autem onmem filium quem recipit.

Evangelium. Joan. v.

AMEN amen dico vobis, qui sermonem meum audit, et credit ei qui misit me, habet vitam æternam, et in condemnationem non veniet, sed transivit a morte in vitam.

The Collect

  
Minister: Dominus vobiscum.
Responsio: Et cum spiritu tuo.
Minister: Sursum corda. &c.

usque ad finem, ut supra dictum est. [in Cœnam Domini.]

Cum venitur ad distributionem Sacramenti Corporis et Sanguinis Christi, Sacerdos primo communicet, deinde alii cum ægroto, qui sese ad hoc præpararunt.

Si eodem tempore visitatur, et recepturus sit Sacram Communionem ægrotus, licebit sacerdoti (quo citius officium utrumque absolvat) Visitationem finem facere, cum ventum fuerit ad Psalmum, In te Domine speravi, atque mox incohare officium, atque mox incohare officium Sacræ Communionis.

EGO sum Resurrectio, et vita. Qui credit in me, etiamsi mortuus fuerit, vivet : et omnis qui vivit et credit in me, non morietur in æternum.

SCIO quod Redemptor meus vivit, et in novissimo die de tera surrecturus sum. Et rursum circundabor pelle mea, et in carne mea videbo Deum. Quem visurus sum ego ipse: et oculi mei conspecturi sunt, et non alius.

NIHIL intulimus in mundum, videlicet nec effere quicquam possumus : sed habentes alimenta, et quibus tegamur, his contenti erimus.

DOMINUS dedit, Dominus abstulit : sicut Domino placuit, ita factum est: sit nomen Domini benedictum.

Cum ventum est ad sepulchrum, dum cadaver paratur imponendum, dicatur aut canatur.

HOMO natus de muliere, brevi vivens tempore, repletur multis miseriis. Qui quasi flos egreditur et conteritur, et fugit velut umbra, et nunquam in eodem statu permanet.

MEDIA vita in morte sumus : quem quærimus adjutorem, nisi te Domine? qui pro peccatis nostris juste irasceris. Sancte Desu, Sancte fortis, Sancte et misericors Salvator, amaræ morti ne tradas nos. Tu, Domine, qui cognoscis occulta cordium nostrorum, noli claudere aures tuæ misericordiæ ad preces nostras, sed parce nobis, Sanctissime Deus, fortis, misericors Salvator, et judex æquissime, ne derelinquas nos in hora mortis nostræ.

CUM Deo visum sit ex immensa sua misericordia animam carissimi fratris nostri nunc defuncti ad se suscipere, corpus suum sepulchro committendum curamus, terram terræ, cineram cineribus, pulverem pulveribus, cum certa et constanti spe Resurrectionis ad vitam æternam: Per Dominum nostrum Jesum Christum, qui transformabit corpus humilitatis nostræ, configuratum corpori claritatis suæ, juxta potentiam operationis suæ, qua potest sibi subjicere omnia.

The Order for the Burial of the Dead

   Deinde legatur Lectio. i. Cor. xv.

CHRISTUS surrexit ex mortuis : primitiæ eorum qui dormierant, fuit . . . cum sciatis quod labor vester non est inanis in Domino.

Finita Epistola, Minister dicet:

Kyrie eleyson.
Christe eleyson.
Kyrie eleyson.

    Pater noster qui es in cœlis. &c.

    Minister: Et ne nos inducas in temptationem.
    Responsio: Sed libera nos a malo.

Minister.

Oremus

OMNIPOTENS Deus, apud quem vivunt spiritus illorum qui hinc decesserunt, et quocum animæ electorum, postquam exuerunt onus hujus carnis, lætitia et fœlicitate fruuntur : gratias agimus tibi immensas, propterea quod expedire voluisti .N. nostrum fratrem, ex ærumnis hujus mundi impii, precantes ut placeat infinitæ tuæ bonitati brevi explere numerum electorum tuorum, et maturare gloriam regni tui, ut nos una cum fratre nostro, et omnibus aliis vita defunctis in vera fide et confessione nominis tui, consequamur perfectam absolutionem, et beatitudinem, tum corporis tum animæ, in tua perpetua et sempiterna gloria. Amen.
 

The Lesson

Col. 1.
2 Thes. 4.

MISERICORS Deus, Pater Domini nostri Jesu Christi, qui est Resurrectio vitæ, in quem quicunque creiderit, vivet, etiamsi moriatur; et quicunque vivet et credit in ipsum, in omnem æternitatem non morietur : qui nos docuit etiam, per sanctum Apostolum suum Paulum, ut non tristaremur, tanquam ii qui spem non habent, illorum cause qui dormiunt in ipso : supplices te petimus, O Pater, ut nos suscites a morte peccati ad vitam justitiæ, ut quum decedimus ab hac vita, quiescamus in ipso, prout spes est nostrum fratrem quiescere, et ut in communi illa resurrectione extremi diei reperiamur accepti coram te, et recipiamus illam benedictionem, quam dilectus tuus Filius enunciabit omnibus iis, qui diligunt ac verentur te, dicens : Venite benedicte filii Patris mei, recipite regnum illud, quod vobis paratum fuit ab origine mundi. Largire hoc, quæsumus te, misericors Pater, per Jesum Christum Mediatorem ac Servatorem nostrum. Amen.
 

The Collect