Collectæ, Epistolæ, ad Evangelia

ad sacram Communionem sive in
Cæna Domini Dicenda, per
totum annum.

_________________

Dominica prima Adventus.

Collecta

DA nobis, quæsumus omnipotens Deus, ut abjectis operibus tenebrarum, induamur arma lucis in hac mortali vita, in qua Jesus Christus Filius tuum cum magna humilitate ad nos visitandos advenit, ut in extremo die, quo rediturus est cum gloria Majestatis suæ ad judicandos vives et mortuos, resurgamus ad vitam immortalem. Per Christum Dominum nostrum, qui tecum vivit et regnat in unitate Sancti Spiritus, per. &c.

Epistola. ad Romanes Cap. xiii.

NEMINI quicquam debeatis, nisi hos, ut invicem diligatis . . . et carnis curam ne agatis ad concupiscentias.

Evangelium. Matthæi xxi.

ET quum appropinquassent Hierosolymis, et venissent Bethphage ad montem olivarum . . . et dixit eis : Scriptum est, Domus mea domus deprecationes vocabitur.

The Collects, Epistles, and Gospels to be Used at the Celebration of the Lord's Supper and Holy Communion through the Year

First Sunday of Advent

Collecta

BENEDICTE Deus, qui effecisti ut quæcumque scripta sunt ad nostram doctrinam scriberentur, concede nobis, ut ita Scripturam attente audiamus, legamus, discamus, et intelligamus, sincereque observemus, ut per patientam et consolatonem Scripturarum retineamus spem vitæ æternæ, quam dedisti nobis in servatore nostro Jesu Christo, cui tecum et Sancto Spiritui sit honor et Gloria, per omnia secula seculorum. Amen.

Epistola ad Romanos. xv. capite

QUÆCUNQUE præscripta sunt, in nostram doctrinam præscripta sunt . . . in eo gentes sperabunt.

Evangelium. Lucæ xxi.

ERUNT signa in Sole et Luna et stellis, et in terris anxietas Gentium per desperationem . . . Cœlum et terra transibunt, verba autem mea non transibunt.

Dominica tertia Adventus.

Collecta

AUREM tuam, quæsumus Domine, precibus nostris accomoda, et mentis nostræ tenebras gratia tuæ visitationis illustra, Per Dominum nostrum Jesum Christum. &c.

Epistola. I. Cor. iiii.

SIC nos æstimat homo, ut Ministros Christi, et dispensatores mysterium Dei: . . . et patefaciet consilia cordium, ac tunc laus erit unicunque a Deo.

Evangelium. Matthæi cap. xi.

JOANNES autem cum audisset in carcere facta Christi, missis duobus discipulis suis, . . . qui præparaturus est viam tuam ante te.

Collecta

EXCITA, quæsumus Domine, potentiam tuam et veni, et magna nobis virtute succure, ut per auxilium gratiam tuæ, quod nostra peccata præpediunt, indulgentia tuæ miserationis acceleret. Per Christum Do. &c.

Epistola. Phillip. iiii.

GAUDETE in Domino semper, et iterum dico gaudete . . . custodiat corda vestra et sensus vestros, per Christum Jesum.

Evangelium. Joannis. 1.

ET hoc est testimonium Joannis, quando miserant Judæi ab Hierosolymis sacerdotes et Levitas, . . . Hæc in Bethabara facta sunt, trans Jordanem, ubi Johnnes baptizabat.

In die Natalis Domini

Collecta

OMNIPOTENS Deus, qui unigenitum Filium tuum nobis dedisti, ut nostram naturam assumeret, hodiernaque die de pura virgine nasceretur, presta quæsumus, ut nos regenerati, filiique tui per adoptionem et gratiam facti, tuo Sancto Spiritu quotidie renovemur, per eundem Dominum nostrum. &c.

Epistola. ad Hebræos. cap. i.

DEUS olim multifariam, multisque modis loquuntus patribus per prophetas . . . tu autem idem es, et anni tui non deficient.

Evangelium. Joannes 1.

IN principio erat sermo, et sermo erat apud Deum, et Deus erat ille sermo . . . et conspeximus gloriam ejus, gloriam velut unigeniti a Patre : plenus gratis et veritate.

Die Sancti Stephani

Collecta

DA nobis, Domine quæsumus, ut exemplo sancti Stephani discamus inimicos diligere, qui pro persecutoribus suis precatus est Dominum nostrum Filium Tuum, qui tecum vivit et regnat. &c. Amen.

Tunc sequatur collecta de Nativitate Domini, quæ quotidie dicetur unque ad Circumcisionem.

Epistola. Act vii.

STEPHANUS plenus Spiritu Sancto, intentis in cœlum oculis, vidit gloriam Dei, . . . et cum hæc dixisset, obdormavit.

Evangelium. Matth. xxiii.

ECCE ego mitto ad vos Prophetas, et Sapientes, et Scribas: . . . Dico enim vobis, haudquaquam me videbitis posthac, donec dicatis : Benedictus qui venit in nomine Domini.

Die Joannis Evangelistæ

Collecta

ECCLESIAM tuam, quæsumus Domine, benignus illustra, ut beati Joannis Apostoli tui et Evangelistæ illuminata doctrinis, ad dona perveniat sempiterna. Per Dominun nostrum Jesum Christum. &c. Amen.

Epistola. I Joan. i.

QUOD erat ab initio, quod audivimus, quod vidimus oculis nostris, . . . quod Deus lux est, et tenebræ in eo non sunt ullæ.

Evangelium. Joan. xxi.

DIXIT autem Jesus Petro : Sequere me. Conversus Petrus . . . . quæ si scribantur per singula, nec ipse, opinor, mundus caperet eos qui scriberentur libros.

Die Innocentium.

Collecta.

DEUS, cujus hodierna die præconium Innocentes Martyres non loquendo, sed moriendo confessi sunt, omnia in nobis vitiorum mala morti dede, ut fidem tuam, quam lingua nostra loquitur, etiam vita moribus fateatur. Per Dominum nostrum Jesum Christum. &c. Amen.

Epistola. Apocal. xiiii.

ET vidi, et ecce Agnus stans super montem Sion, et cum eo centum quadraginta quatuor millia, . . . Sine macula enim sunt ante thronum Dei.

Evangelium. Matth. ii.

ANGELUS Domini apparet in somnis Joseph, . . . et noluit consolationem admittere, propterea quod non sint.

Collecta

OMNIPOTENS Deus, qui unigenitum &c.

ut supra in festo Nativitatis.

Epistola. Galatas. iiii.

DICO autem, quamdiu hæres puer est, nihil differt a servo, . . . Itaque jam non es servus, sed filius, quod si filius, et hæres Dei per Christum.

Evangelium. Matthei i.

LIBER generationis Jesu Christi filii David, filii Abraham. . . . donec peperisset filium suum primogenitus, et appellavit nomen ejus Jesum.

Die Circumcisionis

Collecta

OMNIPOTENS Deus, qui unigenitum Filium carnis circumcisionem pati, et Legi subditum esse voluisti, propter hominem, da corda nostra vera et spirituali circumcisione ita discindi, ut mactatis mundanis et carnalibus concupiscentiis, obediamus per omnia divinæ voluntati tuæ. Per eumdem Dominum nostrum.

Epistola. Rom. Iiii.

BEATUS vir, cui non imputavit Dominus peccatum . . . inanis facta est fides, et irrita facta est promissio.

Evangelium. Lucæ. ii.

ET factum est ut discesserunt ab eis Angeli in cœlum . . . vocatum est nomen ejus Jesus, quod vocatum erat ab Angelo, priusquam in utero conciperetur.

Si fuerit Dominica inter festum Epiphaniæ et Circumcisionis, tum recitabitur ipsa Collecta, Epistola et Evangelium, quæ dicebatur in die Circumcisionis.

Die Epiphaniæ.

Collecta.

DEUS, qui unigenitum tuum gentibus stella duce revelasti, concede propitius, ut qui te jam ex fide cognovimus, tua gloriosa Deitate post hanc vitam perfruamur. Per Christum Do.

Epistola. Ephe. iii.

HUJUS rei gratia ego Paulus vinctus sum Christi Jesu pro vobis gentibus . . . per quem habemus audaciam et aditum cum fiducia, quæ est per fidem illius.

Evangelium. Matthæi. ii.

CUM autem natus esset Jesus in Bethleem civitate Judææ, temporibus Herodis regis, ecce Magi ab oriente . . . per aliam viam reversi sunt in regionem suam.

Dominica i. post Epiphanium.

Collecta.

VOTA, quæsumus Domine, supplicantis populi cœlesti pietate prosequere, ut ea quæ agenda sunt, videant, et ad implenda quæ viderint, tua gratia ac virtute commoveantur.

Epistola. Rom. xii.

OBSECRO igitur vos, fratres, per miserationes Dei, . . . sic multi unum corpus sumus in Christo, singulatim autem alii aliorum membra.

Evangelium. Lucæ. ii.

ET ibant parentes ejus quotannis Hierosolymam, in die festo Paschæ . . . Et Jesus proficiebat sapientia et ætate, et gratia apud Deum atque homines.

First Sunday after the Epiphany

Dominica secunda.

Collecta.

OMNIPOTENS sempiterne Deus, qui cœlestia simul et terrestria moderaris, supplicationes nostras clementer axaudi, et pacem tuam nostris concede temporibus. Per Christum &c.

Epistola. ad Rom. xii.

HABENTES dona juxta gratiam datam nobis varia: . . . . non arroganter de vobis ipsis sentientes, sed humilibus vos accomodantes.

Evangelium. Joannis. ii.

ET die tertia nuptiæ fiebant in Cana Galilææ, et erat mater Jesu ibi . . . et manifestavit gloriam suam. et crediderunt in eum discipuli ejus.

Dominica tertia.

Collecta.

OMNIPOTENS æterne Deus, infirmitatem nostram propitius respice, atque ad protegendum nos dexteram tuæ majestatis extende. Per Do. &c.

Epistola. Rom. xii.

NE sitis arrogantes apud vosmetipsos, neque cuipiam malum pro malo reddatis . . . Ne vincaris a malo, imo vince bono malum.

Evangelium. Matth. viii.

CUM descendisset autem de monte, sequutæ sunt eum turbæ multæ : . . . Et sanatus est famulus ejus in hora illa.

Dominica quarta post Epiphaniam.

Collecta.

DEUS, qui nos in tantis periculis constitutes propter humanam fragilitatem scis non posse subsistere : da nobis salutem mentis et corporis, ut ea quæ pro peccatis nostris patimur, te adjuvante vincamus. Per Dominum. &c.

Epistola. Rom. xiii.

OMNIS anima potestatibus supereminentibus subdita sit . . . cui tributum, tributum : cui vectigal, vectigal : cui timorem, timorem :cui honorem, honorem.

Evangelium. Matth. viii.

ET quum esset ingressus navim, sequenti sunt eum discipuli sui . . . Et cum vidissent illum, rogabant, ut dicederet e finibus ipsorum.

Dominica quinta.

Collecta.

FAMILIAM tuam, quæsumus Domine, continua pietate custodi, ut quæ sola fiducia gratiæ cœlestis innititur, tua semper protectione muniatur. Per Christum Dominum nostrum.

Epistola. Coloss. iii.

SITIS igitur induti tanquam electi Dei, sancti ac dilecti, viscera miserationum . . . . omnia in nomine Domini Jesu facite, gratias agentes Deo et Patri per illum.

Evangelium. Matth. xiii.

ASSIMILATUM est regnum cœlorum homini seminanti bonum semen in agro suo : . . . . triticum vero congretate in horreum meum.

Dominica Septuagesimæ

Collecta.

PRECES populi tui, quæsumus Domine, clementer exaudi, ut qui juste pro peccatis nostris affligimur, pro tui nominis gloria per misericordiam tuam liberemur. Per Dominum nostrum. &c.

Epistola. i. Cor. ix.

AN nescitis, quod qui in stadio currunt, omnes quidem currunt, . . . ne quo modo fiat, ut cum aliis prædicarim, ipse reprobus efficiar.

Evangelium. Matth. xx.

SIMILE est regnum cœlorum homini patrifamilias, qui exiit primo statim diluculo, . . . Multi enim sunt vocati, pauci vero electi.

Collecta.

DEUS, qui conspicis quod ex nulla nostra actione confidimus, concede propitius, ut contra adversa omnia protectionis tuæ benignate muniamur. Per Jesum Christum Dominum nostrum.

Epistola. ii Cor. xi.

LIBENTER enim suffertis insipientes, cum sitis sapientes. . . . Deus et Pater Domini nostri Jesu Christi, qui est laudandus in secula, novit quod non mentiar.

Evangelium. Luca. viii.

CUM autem turba plurima conveniret, et e singulis civitibus properarent ad eum, . . . audientes sermonem, retinent, et fructum afferunt per patientiam.

Collecta

DEUS, qui nos per Apostolum tuum docuisti, quod omnia opera nostra sine caritate nihil sint, da nobis Spiritum tuum Sanctum, qui diffundat in cordibus nostris excellens donum caritatis, verum vinculum pacis et omnium virtutum, et sine qua omnis vivens coram te est mortuus, hoc largire: per Dominum no. &c.

Epistola. i.Cor. xiii.

SI linguis nominum loquar et angelorum, caritatem autem non habeam, . . . . Nunc autem manet fides, spes, caritas, tria hæc, sed maxima in his caritas.

Evangelium. Lucæ. xviii.

ASSUMPSIT autem Jesus duodecim, et ait illis: Ecce ascendimus Hierosolymam, . . . Et omnis plebs ut vidit, dedit laudem Deo.

Collecta.

OMNIPOTENS æterne Deus, qui nihil odisti eorum quæ fecisti, et remittis peccata omnibus pœnitentibus : crea in nobis cor contritum, ut digne peccata nostra defleamus, et agnoscamus iniquitates nostras, et a te Deo omnis misericordiæ perfectam peccatorum remissionem consequamur. Per Dominum nostrum Jesum Christum &c.

Lectio Prophetiæ. Jœlis. ii.

CONVERTIMINI ad me in toto corde vestro in jejunio, et in fletu, et in planctu . . . et dominentur eis nationes. Quare dicunt in populis : Ubi est Deus eorum?

Evangelium. Matthei. vi.

CUM jejunaveritis, ne sitis veluti hypocritæ tetrici . . . Nam ubi fuerit thesaurus vester, illic erit et cor vestrum.

Dominica. i. quadragesimæ.

Collecta.

DOMINE Jesu Christe, qui nostra causa quadraginta diebus et quadraginta noctibus jejunasti, da nobis hujusmodi uti abstinentia, ut caro nostra spiritui sit subjecta, et mandatis tuis semper obsequamur in vera justicia et sanctitate, ad gloriam et honorem nominis tui: Qui vivis et regnas. &c.

Epistola. ii. Cor. vi.

QUIN et adjuvantes obsecramus, ne in vacuum graciam Dei receperitis . . . ut nihil habentes, et tamen omnia possidentes.

Evangelium. Matth. iiii.

TUNC Jesus subductus fuit in desertum a Spiritu, ut tentarentur a diabolo, . . . Tunc omittit illum diabolus. Et ecce angeli accedebant, ac ministrabant ei.

Dominica Secunda quadr.

Collecta.

DEUS qui conspicis omni nos virtute destitui, interius exteriusque custodi, ut ab omnibus adversitatibus muniamur in corpore, et a pravis cogitationibus mundemur in mente. Per. &c.

Epistola. i Thessa. iiii.

QUOD superest igitur, fratres, regamus vos, et adhortamur per Dominum Jesum, . . . Proinde qui rejicit hominem, sed Deum, qui dedit Spiritum suum Sanctum in vos.

Evangelium. Matth. xv.

ET digressus illinc Jesus, secessit in partes Tyri et Sidonis. . . . O mulier, magna est fides tua : fiat tibi sicut vis. Et sanata fuit filia ejus ex eo tempore.

Dominica tertia quadra.

Collecta.

QUÆSUMUS omnipotens Deus, vota humilium respice, atque ad defensionem nostram dexteram tuæ Majestatis extende. Per Jesum Christum Dominum nostrum.

Epistola. Ephesios. v.

SITIS igitur imitatores Dei, tamquam filii dilecti, et ambuletis in dilectione, . . . Expergiscere qui dormis, et surge a mortuis, et illucescet tibi Christus.

Evangelium. Lucæ. xi.

ET erat Jesus ejiciens dæmonium, et illud erat mutum : . . . At ille dixit : Quinimo beati qui audiunt sermonem Dei, et custodiunt illum.

Dominica quarta quadr.

Collecta.

CONCEDE, quæsumus omnipotens Deus, ut qui ex merito nostræ pravitatis affligimur, tuæ gratiæ consolatione respiremus. Per Jesum Christum Dominum nostrum.

Epistola. Galat. iiii.

DICITE mihi, qui sub lege vultis esse, legem ipsam non auditis? . . . Itaque, fratres, non sumus ancillæ filii, sed liberæ.

Evangelium. Joannis. vi.

POST hæc abiit Jesus trans mare Galilææ, quod est Tiberiadis, . . . Hic est vere Propheta ille, qui venturus est in mundum.

Collecta.

POPULUM tuum, quæsumus Domine, benigne respice, ut tua magna bonitate dirigatur, et corpore ac animo conservetur. Per Dominum &c.

Epistola. Heb. ix.

CHRISTUS accedens Pontifex futurorum bonorum, . . . ii qui vocati sunt, promissionem accipiant æternæ hæreditatis.

Evangelium. Joannis. viii.

QUIS ex vobis arguit me de peccato? . . . Jesus autem abscondit se, et exivit e templo.

Collecta.

OMNIPOTENS sempiterne Deus, qui humano generi ad imitandum humilitatis exemplum, Salvatorem nostrum carnem assumere, et crucem subire fecisti, concede propitius, ut et pacientiæ ipsius habere documenta, et resurrectionis consortia mereamur. Per eundem Christum Dominum nostrum.

Epistola. Philip. ii.

IS enim affectus sit in vobis, qui fuit et in Christo Jesu : . . . omnisque lingua confiteatur, quod Dominus sit Jesus Christus, ad gloriam Dei Patris.

Evangelium. Matt. xxvi.

ET factum est cum consummasset Jesus sermones hos omnes, dixit discipulis suis . . . . inter quas erat Maria Magdalene, et Maria Jacobi et Jose mater, et mater filiorum Zebedæi.

Feria Secunda ante Pascha.

Lectio Esaiæ Prophetæ. cap. lxiii.

QUIS est iste qui venit de Edom, tinctis vestibus de Bosra : . . . Facti sumus quasi in principie, cum non dominareris nostri, neque invocaretur nomen tuum super nos.

Evangelium. Mar. xiiii.

ERAT autem pascha, et azymorum dies futuri post biduum. . . . Priusquam gallus cecinerit bis, abnegabis me ter. Cœpitque flere.

Lectio Esaiæ Propheta. Cap. l.

DOMINUS Deus aperuit mihi aurem, ego autem non contradico, retrorsum non abii. . . . de manu mea factum est hoc vobis, in doloribus dormietis.

Evangelium. Mar. xv.

ET confestim diluculo concilio inito, summi sacerdites cum Senioribus et Scribis ac toto consessu, . . . At Maria Magcalene, et Maria Jose, spectabant ubi poneretur.

Feria quarta ante pascha.

Epistola. Heb. ix.

SIQUIDEM ubi testamentum est, mors intercedat necesse est testatoris. . . . rursus absque peccato conspicietur iis, qui illum exspectant in salutem.

Evangelium. Lucæ. xxii.

INSTABAT autem dies festus azymorum, qui dicitur Pascha. . . . At illi dixerunt : Quid adhuc desideramus testimonium? Ipsi enim audivimus ex ore ipsius.

Feria quinta ante pascha.

Epistola. i. Cor. xi.

ILLUD tamen præcipiens, non laudo, quod non in melius, sed in deterius convenitis. . . . Cetera vero, cum venero, disponam.

Evangelium. Lucæ. xxiii.

ET surgens universa multitudo eorum, duxit illum ad Pilatum. . . . ac sabbato quidem quieverunt secundum præceptum.

Die Parasceves.

Collecta.

OMNIPOTENS Deus, familiam tuam, quæsumus, benigne respice, pro qua Dominus noster Jesus Christus non dubitavit tradi manibus nocentium, et Crucis subire tormentum : Qui tecum vivit et regnat cum Sancto Spiritu, in secula se. &c.

Alia Collecta.

OMNIPOTENS æteræ Deus, cujus Spiritu universum corpus ecclesiæ sanctificatur et regitur, exaudi nos pro universis ordinibus supplicantes, et præsta, ut ab omnibus tibi digne & laudabiliter serviatur. Per d. n. Jesum.

MISERICORS Deus, creator omnium hominum, qui nihil odisti eorum quæ condidisti, neque vis mortem peccatoris, sed ut magis convertatur et vivat, miserere Judæorum, Turcarum, Infidelium et hæreticorum: aufer ab eis ignorantiam et duriciem cordis, et contemptum verbi tui, et reduc eos, misericors Domine, ad gregem tuum, ut serventur inter reliquias veri Isrælis, ut fiat unum ovile et unus Pastor Jesus Christus Dominus noster, qui tecum vivit et regnat. &c.

Epistola. Heb. x.

NAM lex umbram obtinens futurorum bonorum, non ipsam imaginem rerum, his hostiis, . . . sed adhortantes invicem, idque hoc magis, quod videtis appropinquantem diem.

Evangelium

HÆC cum dixisset Jesus, egressus est cum discipulis suis trans torrentem Cedron, . . . ibi ergo propter Parasceven Judæorum, quod in propinque esset monumentum, poserunt Jesum.

Epistola. i. Pet. iii.

PRÆSTAT enim, ut bene agentes (si ita velit Dei voluntas) . . . . qui est ad dextram Dei, profectus in cœlum, subjectis sibi angelis et potestatibus ac virtutibus.

Evangelium. Math. xxvii.

CUM autem vespera facta esset, venit homo dives ab Arimathæa, . . . Illi autem abientes, munierunt sepulchrum obsignato lapide, adhibitis custodibus.

Die Paschæ.

Ad matutinas, loco Psal. Venite exultemus Domino, Amtiphonæ sequentes cantabuntur aut dicentur.

CHRISTUS resurgens a morte, jam non amplius moritur, mors illi ultra non dominabitur. Quod enim mortuus est, semel mortuus propter abolitionem peccati. Quod autem vivit, vivit Deo. Ita existimate vosipsos mortuos quidem esse peccato, viventes autem Deo, Per Jesum Christum Dominum nostrum.

NUNC autem Christus resurrexit a mortuis primitiæ eorum qui dormierunt. Postquam enim per hominem mors, etiam per hominem Resurrectio mortuorum. Quemadmodum enim omnes per Adam moriuntur, ita per Christum omnes vivificabuntur.

Collecta.

DEUS, qui per unigenitum tuum æternitatis nobis aditum, devicta morte, reserasti, vota nostra quæ præveniendo aspiras, etiam adjuvando prosequere. Per eundem Jesum Christum Christum Dominum nostrum, qui. &c.

Epistola. Coloss. iii.

ITAQUE si resurrexistis una cum Christo, superna quærite, . . . inter quos ambulabatis quondam, cum viveretis in his.

Evangelium. Joan. xx

UNA vero die Sabbatorum Maria Magdalene venit mane, . . . Abierunt ergo rursus discipuli ad semetipsos.

Feria secunda post Pascha.

Collecta.

DEUS qui per unigenitum. &c.

ut supra in die Paschæ.

Epistola. Acto. x.

APERIENS autem Petrus os, dixit : Reipsa comperio, quod non sit personarum respectus apud Deum, . . . quod remissionem peccatorum accepturus sit per nomen ejus, quisquis crediderit in eum.

Evangelium. Lucæ. xxiiii.

ET ecce duo ex illis ibant eodem die in castellum, . . . Et illi narrabant quæ gesta erant in via, et quomodo fuisset agnitus ipsis ex fractione panis.

Feria tertia post Pascha.

Collecta.

OMNIPOTENS Pater, qui dedisti Filium tuum, ut pro peccatis nostris moreretur, et pro justitia nostra resurgeret, præsta, ut abjecto, fermento malitiæ et nequitiæ, in puritate fidei et vitæ tibi perpetuo serviamus. Per. &c.

Epistola. Acto. xiii.

VIRI fratres, filii generis Abrahæ, et qui inter vos timent Deum, . . . quia opus operor ego in diebus vestris, quod non credetis, si quis enarraverit vobis.

Evangelium. Lucæ. xxiiii.

STETIT Jesus ipse in medio discipulorum, et dicit eis : Pax vobis. . . . Vos autem estis testes horum

Dominica prima post Pascha.

Collecta.

DEUS, qui per unigenitum tuum. &c.

ut supra in die Paschæ.

Epistola. i. Joan. v.

OMNE quod natum est ex Deo, vincit mundum : . . . Qui habet Filium, habet vitam : qui non habet Filium Dei, vitam non habet.

Evangelium. Joan. xx.

CUM ergo vespera esset die illo, qui erat unus Sabbatorum, . . . Quorumcumque remiseritis peccata, remittuntur eis : quorumcumque, retenta sunt.

Collecta.

OMNIPOTENS Deus, qui dedisti nobis Filium tuum, ut esset et sacrificium pro peccato, et exemplum novæ et æternæ vitæ, da ut gratis mentibus hoc inestimabile beneficium agnoscamus, et exempla vitæ ipsius sanctissimæ perpetuo imitari studeamus. Per eundem Christum. &c.

Epistola. i. Pet. ii.

NAM hæc est gratia, si quis propter conscientiam Dei suffert molestias, . . . sed conversi estis nunc ad pastorem et curatorem animarum vestrarum.

Evangelium. Joan. x.

DIXIT Jesus discipulis suis : Ego sum Pastor ille bonus. . . . illas quoque oportet me adducere, et vocem meam audient : et fiet unom ovile, unus pastor.

Dominica tertia post Pascha.

Collecta.

DEUS, qui errantibus ut in viam possint redire justitiæ, veritatis tuæ lumen ostendis, da cunctis qui Christiana professione censentur, et illa respuere quæ huic inimica sunt nomini, et ea quæ sunt apta sectari, Per Jesum Christum Dominum nostrum.

Epistola. i. Pet. ii.

DILECTI, obsecro tanquam advenas ac peregrinos, abstinente a carnalibus concupiscentiis, . . . Omnes honorate, fraternitatem diligite, Deum timete, Regem honorate.

Evangelium. Joannis. xvi.

DIXIT Jesus discipulis suis: Pusillum et non videtis me: . . . sed iterum videbo vos, et gaudebit cor vestrum, et gaudium vestrum nemo tollit a vobis.

Dominica quarta post Pascha.

Collecta.

DEUS, qui fidelium mentes unius efficis voluntatis, da populo tuo id amare quod præcipis, id desiderare quod promittis, ut inter mundanas varietates ibi nostra fixa sint corda, ubi vera sunt gaudia. Per Christum Do. &c.

Epistola. Jacobi. i.

OMNIS donatio bona, et omne donum perfectum, e supernis est, . . . cum mansuetudine recipite insitum sermonem, qui potest salvas reddere animas vestras.

Evangelium. Joannis. xvi.

NUNC autem vado ad eum qui misit me, et nemo ex vobis interrogat me, quo vadam. . . . Propterea dixi vobis, quod de meo accipiet, et annunciabit vobis

Collecta.

DEUS, a quo bona cuncta procedunt, largire supplicibus tuis, ut cogitemus te inspirante, quæ vera sunt, et te gubernante, eadem faciamus. Per Jesum Christum Dominum nostrum. Amen.

Epistola. Jacobi. i.

SITIS autem effectores sermonis, et non auditores tantum, fallentes vosmetipsos . . . Invisere orphanos et viduas in afflictione sua, immaculatum seipsum servare a mundo.

Evangelium. Joan xvi.

AMEN amen dico vobis, quæcunque perieritis Patrem in nomine meo, dabit vobis . . . In mundo afflctionem habetis, sed bono animo sitis, ego vici mundum.

Collecta

CONCEDE, quæsumus, omnipotens Deus, ut qui Unigenitum tuum, Redemptorem nostrum, ad cœlos ascendisse credimus, ipsi quoque mente in cœlestibus habitemus. Per eundem Dominum nostrum. &c.

Epistola. Acto i.

SUPERIORE quidem volumine diximus, Theophile, de omnibus quæ cœpti Jesus tum facere, . . . quemadmodum vidistis eum euntem in cœlum.

Evangelium. Mar. xvi.

APPARUIT Jesus undecim, et exprobravit illis incredulitatem suam, et cordis duritiem, . . . et sermonem confirmante per signa subsequentia.

Collecta.

DEUS rex gloriæ, qui exaltasti Filium tuum Unigenitum Jesum Christum ad dexteram tuam in glorioso regno tuo æternæ vitæ, petimus, ne relinquas nos orphanos, sed mitte nobis Spiritum Sanctum Paracletum, qui nos consoletur, et un nos evehat ad illam gloriam, ad quam Dominus et Servator noster Jesus christus prior ascendit. Qui tecum vivit. &c.

Epistola. i Petri. iiii.

RERUM omnium finis imminet. Sitis igitur sobrii, et vigilantes ad orandum . . . cui est gloria et imperium, in secula seculorum. Amen.

Evangelium. Joannis. xv. xvi.

CUM autem venerit Paracletus, quem ego mittam vobis a Patre, Spiritus veritatis, . . . reminiscamini eorum, quod ego dixerim vobis.

Collecta

DEUS, qui corda fidelium Sancti Spiritus illustratione docuisti, da nobis eodem Spiritu recta sapere, et de ejus semper sancta consolatione gaudere: Per merita Servatoris nostri Jesu Christi, qui tecum vivit et regnat in unitate ejusdem Spiritus Sancti Deus, per omnia secula seculorum. Amen.

Epistola. Acto. ii.

ET quum compleretur dies Pentecostes, erant omnes unanimiter in eodem loco : . . . audimus eos loquentes nostris linguis magnifica Dei.

Evangelium. Joannis xiiii.

SI diligitis me, præcepta mea servate. Et ego rogabo Patrem, et alium consolatorem dabit vobis, . . . et sicut mandatum dedit mini Pater, sic facio.

Feria ii. Pentecostes.

Collecta.

DEUS, qui corda fidelium &c.

Ut supra in die Pentecostes.

Epistola. Acto. x.

APERIENS autem Petrus os, dixit : Reipsa comperio quod non sit personarum respectus apud Deum, . . . Tunc rogaverunt eum, ut remaneret aliquot dies.

Evangelium. Joannis iii.

SICUT Deus dilexit mundum, ut Filium suum unigenitum daret, . . . ut conspicua fiant facta ipsius, quod per Deum sint facta.

Collecta.

DEUS, qui corda fidelium &c.

Ut supra in die Pentecostes.

Epistola. Acto. viii.

CUM autem audissent apostoli qui erant Hierosolymis, quod recepisset Samaria Sermonem Dei, . . . Tunc imponebant manus super illos, accipiebantque Spiritum Sanctum.

Evangelium. Joan. x.

AMEN amen dico vobis, qui non intrat per ostium in stabulum ovium, sed ascendit aluiunde, . . . Ego veni ut vitam habeant, et abundantius habeant.

Collecta.

OMNIPOTENS sempiterne Deus, qui dedisti nobis famulis tuis in confessione veræ fidei æternæ Trinitatis gloriam agnoscere, et in potentia Majestatis adorare unitatem, quæsumus, ut ejusdem fidei firmitate ab omnibus semper muniamur adversis. Qui vivis et regnas Deus, per omnia secula seculorum. Amen.

Epistola. Apocalypsis. iiii.

POST hæc vidi, et ecce ostium apertum in cœlo, et vox prima quam audivi tanquam tubæ loquentis mecum, . . . et propter voluntatem tuam sunt, et creata sunt.

Evangelium. Joan. iii.

ERAT autem homo ex Pharisæis, Nicodemus nomine, princeps Judæorum, . . . ut omnis qui credit in eum, non pereat, sed habeat vitam æternam.

Dominica prima post Trinit.

Collecta.

DEUS, in te sperantium fortitudo, adesto propicius invocantibus nostris, et quia nihil sine te potest mortalis infirmitas, præsta auxilium gratiæ tuæ, ut in exequendis mandatis tuis et voluntate tibi et actione placeamus. Per Jesum Christum Dominum nostrum.

Epistola. i. Joan. iiii.

CARISSIMI, diligamus nos invicem, quia caritas ex Deo est. . . . Et hoc præceptum habemus ab eo, ut qui diligit Deum, diligat et fratrem suum.

Evangelium. Lucæ. xvi.

HOMO quidam erat dives, qui induebatur purpura et bysso, et epulabatur quotidie splendide. . . . neque si quis ex mortuis resurrexit, credent.

Dominica ii. post Trinitat.

Collecta.

SANCTI nominis tui, Domine, timorem pariter et amorem fac nos habere perpetuum, quia nunquam tua gubernatione destituis, quos semel in soliditate tuæ dilectionis. Per Jesum Christum Dominum nostrum. Amen.

Epistola. i. Joannis. iii.

NE miremini, fratres mei, si odit vos mundus. Nos scimus, quod translati sumus de morte ad vitam, . . . Et per hoc scimus, quod manet in nobis e Spiritu quem nobis dedit.

Evangelium. Lucæ. xiiii.

HOMO quidam apparaverit cœnam magnam, et vocavit multos : . . . Dico enim vobis, quod nemo virorum illorum qui vocati sunt, gustabit cœnam meam.

Dominica tertia.

Collecta.

QUÆSUMUS nos, Domine, clementer exaudi, et quibus supplicandi præstas affectum, tribue defensionis auxilium. Per Christum Do. &c.

Epistola. i. Petri. v.

OMNES alius alii vicissim subjiciamini. Humilitatem animi vobis infixam habete : . . . Ipsi gloria, imperium in secula seculorum. Amen.

Evangelium. Lucæ. xv.

ACCEDERANT autem ad eum omnes publicani et peccatores, ut audirent illum. . . . Ita dico vobis, gaudium erit coram angelis Dei super uno peccatore resipiscente.

Collecta.

PROTECTOR omnium in te sperantium Deus, sine quo nihil est sanctum, nihil validum, multiplica super nos misericordiam tuam, ut te rectore, te duce, sic transeamus per bona temporalia, ut non amittamus æterna. Per Jesum Christum Dominum nostrum. Amen.

Epistola. Roma. viii.

REPUTO, non esse pares afflictiones præsentis temporis ad gloriam quæ revelabitur erga nos. . . . adoptionem exspectantes, redemptionem corporis nostri.

Evangelium. Lucæ. vi.

ESTOTE misericordes, sicut et Pater vester misericors est. Nolite judicare, et non judicabimini . . . . et tunc perspicies ut ejicias festucam, quæ est in oculo fratris tui.

Dominica quinta.

Collecta.

DA nobis quæsumus, ut et mundi cursus pacifice nobis tuo ordine dirigatur, et Ecclesia tua tranquilla devotione lætetur. Per Jesum Christum Dominum nostrum.

Epistola. i. Petri. iii.

OMNES sitis unamimes, similiter affecti, fraterna præditi caritate, misericordes affabiles, . . . sed Dominum Deum sanctificate in cordibus vestris.

Evangelium. Lucæ. v.

FACTUM est autem, cum turba immineret ei ut audiret verbum Dei, . . . Et subductus in terram navibus, relictis omnibus, sequuti sunt eum.

Dominica sexta post Trinit.

Collecta.

DEUS, qui diligentibus te bona invisibilia præparasti, infunde cordibus nostris tui amoris affectum, ut te in omnibus et super omnia diligentes, promissiones tuas, quæ omnium desiderium superant, consequamur. Per Jesum Christum Dominum nostrum.

Epistola. Rom. vi.

AN ignoratis, quod quicumque baptizati sumus in Christum Jesum, in mortem ejus baptizati sumus? . . . viventes autem Deo, per Christum Jesum Dominum nostrum.

Evangelium. Matt. v.

DIXIT Jesus discipulis suis : Nisi abundaverit vestra justitia plus quam Scribarum et Pharisæorum, . . . donec persolveris extremum quadrantem.

Dominica vii. Post Trinit.

Collecta.

DEUS virtutem, cujus est omne quod est optimum, insere pectoribus nostris amorem tui Nominis, et præsta nobis religionis incrementum, ut quæ bona sunt nutrias, et quæ sunt nutrita custodias, Per Jesum Christum Dominum nostrum. &c.

Epistola. Rom. vi.

HUMANUM quiddam dico, propter infirmatatem carnis vestræ . . . donum autem Dei vita æterna, per Christum Jesum Dominum nostrum.

Evangelium. Mar. viii.

IN diebus illis, cum turba admodum multum esset, nec haberent quod manducarent, . . . erant autem qui comederant, ferme quater mille, et dimisit illos.

Collecta.

DEUS, cujus providentia in sua dispositione non fallitur, te supplices exoramus, ut noxia cuncta submoveas, et omnia nobis profutura concedas. Per Jesum Christum Dominum nostrum.

Epistola. Rom. viii.

PROINDE fratres, debitores sumus non carni, ut secundum carnem vivamus : . . . Siquidem simul cum eo patimur, ut et una cum illo glorificemur.

Evangelium. Matth. vii.

CAVETE vero vobis a pseudoprophetis, qui veniunt ad vos in vestitu ovium, . . . introibit in regnum cœlorum, sed qui fecerit Patris mei in cœlis est.

Collecta.

LARGIRE nobis, quæsumus domine, semper Spiritum cogitandi quæ recta sunt, periter et agendi, ut qui sine te esse non possumus, secundum te vivere valeamus. Per Jesum Christum Dominum nostrum.

Epistola. i. Corint. x.

NOLIM autem vos ignorare, fratres, quod patres nostri omnes sub nube erant, . . . imo, faciet una cum tentatione eventum, quo possitis suffere.

Evangelium. Lucæ. xvi.

DIXIT Jesus discipulis suis : Homo quidem erat dives, qui habebat dispensatorem, . . . ut cum defeceritis, recipiant vos in æterna tabernacula.

Collecta.

PATEANT aures misericordiæ tuæ, Domine, precibus supplicantium, et ut petentibus desiderata concedas, fac eos quæ tibi placita sunt postulare, Per Christum Dominum nostrum.

Epistola. i. Cor. xii.

PORRO de spiritualibus, fratres, nolo vos ignorare. Scitis quod gentes fuistis, . . . Sed omnia hæc efficit unus ille et idem Spiritus, dividens peculiariter unicuique sicuti vult.

Evangelium. Lucæ. xix.

ET ut qppropinquavit Jesus Hierosolymam, videns civitatem flevit super illam, dicens : . . . vos autem fecistis illam speluncam latronum. Et docebat quotidie in templo.

Collecta.

DEUS, qui omnipotentiam tuam parcendo maxime et miserendo manifestas, multiplica super nos misericordiam tuam, ut ad tua promissa currentes cœlestium bonorum facias esse participes. Per Jesum Christum Dominum nostrum.

Epistola. i. Cor. xv.

NOTUM autem vobis facio, fratres, Evangelium quod evangelizavi vobis, et accepistis, . . . Sive igitur ego, sive illi, sic prædicamus, et sic credidistis.

Evangelium. Luc. xviii.

DIXIT autem Jesus ad quosdam, qui in se confidebant quod essent justi, . . . Quia omnis qui se extollit, humiliabitur : et qui se humiliat, extolletur.

Collecta.

OMNIPOTENS sempiterne Deus, qui abundantia pietatis tuæ et merita supplicum excedis et vota, effunde super nos misericordiam tuam, ut dimittas quæ conscientia metuit, et adjicias quæ oratio postulare non audet. Per Jesum Christum Dominum nostrum.

Epistola. ii. Corin. iii.

FIDUCIAM autem hujusmodi habemus per Christum erga Deum, non quod idonei simus nobisipsis, . . . multo magis excellit administratio justitiæ in gloria.

Evangelium. Mar. vii.

ET Jesus inde surgens abiit in confinia Tyria ac Sidonis, et ingressus domum, . . . Bene omnia fecit, et surdos facit audire, et mutos loqui.

Dominica xiii. Post Trinit.

Collecta.

OMNIPOTENS et misericors Deus, a cujus beneficentia profiscitur ut tibi a fidelibus tuis digne et laudabiliter serviatur, tribue quæsumus nobis, ut ad promissiones tuas sine offensione curramus. Per Jesum Christum Do. &c.

Epistola. Galat. iii.

ABRAHÆ dictæ sunt promissiones, et semini ejus. Non dicit, Et seminibus : . . . ut promissio ex fide Jesu Christi daretur credentibus.

Evangelium. Lucæ. x.

BEATI oculi qui vident, quæ vos videtis. Dico enim vobis, . . . At ille dixit : Qui exercuit misericordiam in illum. Ait igitur illi Jesus : Vade, et tu fac similiter.

Collecta.

OMNIPOTENS sempiterne Deus, da nobis fidei, spei et caritatis incrementum : et ut mereamur assequi quod promittis, fac nos amare quod præcipis. Per Jesum Christum Do. &c.

Epistola. Galat. v.

DICO autem, spiritu ambulate, et concupiscentiam carnis non perficietis, . . . Quivero sunt Christi, carnem crucifixerunt cum affectibus et concupiscentiis.

Evangelium. Lucæ. xvii.

ET factum est, dum Jesus iret Hierosolymam, et ipse transibat per mediam Samariam et Galilæam . . . Surge, vade, fides tua te servavit.

Dominica xv. post Trinit.

Collecta.

CUSTODI, quæsumus Domine, ecclesiam tuam miseratione perpetua : et quia sine te labitur humana fragilitas, præsta auxilium gratiæ tuæ, ut ab omnibus abstrahatur noxiis, et ad salutaria cuncta dirigatur. Per Jesum Christum Dominum nostrum Amen.

Epistola. Galat. vi.

VIDETIS quanta vobis epistola scripserim mea manu . . . Gratia Domini nostri Jesu Christi cum Spiritu vestro, fratres. Amen.

Evangelium. Matt. vi.

NEMO potest duobus dominis servire. Aut enim hunc habebit odio, . . . nam crastinus dies curam habebit sui ipsius. Sufficit sua diei afflictio.

Dominica xvi. post Trinit.

Collecta.

ECCLESIAM tuam, Domine, miseratio continuate mundet et muniat; et quia sine te non potest salva consistere, tuo semper munere gubernetur. Per Jesum Christum Do. &c.

Epistola. Ephe. iii.

QUAPROPTER peto, ne deficiatis ob afflictiones meas, quas pro vibis tolero, . . . sit gloria in ecclesia per Christum Jesum, in omnes ætates seculi seculorum.

Evangelium. Lucæ. vii.

ET factum est deinceps, ibat Jesus in civitatem, quæ vocatur Nain, . . . Et exiit hic rumor in universam Judæam de eo, et omnem finitimam regionem.

Collecta.

TUA nos, Domine quæsumus, gratia semper præveniat et sequatur, ac bonis operibus præstet esse intentos. Per Jesum Christum. &c.

Epistola. Ephe. iiii.

HORTOR itaque vos ego vinctus in Domino, ut ambuletis ita ut dignum est vocatione qua vocati estis, . . . et per omnia, et in omnibus vobis.

Evangelium. Lucæ. xiiii.

ET accidit ut introiret Jesus in domum cujusdam principis Pharisæorum Sabbato, . . . Quia omnis qui se extollit, dejicietur, et qui se dejicit, extolletur.

Collecta.

DA, quæsumus Domine, populo tuo diabolica contagia, et te solum verum Deum pura mente sectari, Per Jesum Christum Dominum nostrum.

Epistola. i. Cor. i.

GRATIAS ago Deo meo semper pro vobis de gratia Dei, quæ data est vobis per Christum Jesum, . . . inculpatos in die Domini nostri Jesu Christi.

Evangelium. Matt. xxii.

PHARISÆI autem quum audissent, quod Jesus obturasset os Sadducæis, convenerunt in unum, . . . neque ausus fuit quisquam ex eo die cum amplius interrogare.

Collecta.

DIRIGAT corda nostra, quæsumus Domine, tuæ miserationis operatio : quia tibi sine te placere non possumus. Per Jesum Christum Dominum nostrum . . . Amen.

Epistola. Ephe. iiii.

HOC itaque dico et testor per Dominum, ne posthac ambuletis, . . . quemadmodum et Deus per Christum largitus est vobis.

Evangelium. Matt. ix.

ET ingressus Jesus navem, trajecit, ac venit in suam civitatem. Et ecce, . . . et glorificaverunt Deum, qui didisset potestatem talem hominibus.

Dominica xx. Post Trinitatem.

Collecta.

OMNIPOTENS et misericors Deus, universa nobis adversantia misericors exclude, ut mente et corpore pariter expediti, quæ tua sunt liberis mentibus, Per Christum Dominum nostrum . . . Amen.

Epistola. Ephe. v.

VIDETE igitur quomodo circumspecte ambuletis, non ut insipientes, sed ut sapientes, . . . Subditi vicissim alius alii cum timore Dei.

Evangelium. Matt. xxii.

DIXIT Jesus discipulis suis : Simile factum est regnum cœlorum homini regi, qui fecit nuptias filio suo . . . Multi enim sunt vocati, pauci vero electi.

Dominica xxi. post Trinit.

Collecta.

LARGIRE, quæsumus Domine, fidelibus tuis veniam placatus et pacem, ut pariter ab omnibus mundetur offensis, et secura tibi mente deserviant, Per Jesum Christum Dominum nostram.

Epistola. Ephesios. vi.

QUOD superest, fratres mei, sitis fortes per Dominum perque potentiam roboris illius . . . ut in eo libere loquar, sicut oportet me loqui.

Evangelium. Joan. iiii.

ERAT autem quidam Regulus, cujus filius infirmabatur Capernaum : . . . Hoc iterum secundum signum edidit Jesus, cum venisset a Judæa in Galilæam.

Collecta.

FAMILIAM tuam, quæsumus Domine, continua pietate custodi, ut a cunctis adversitatibus te protegente sit libera, et in omnibus actionibus tuo nimini sit devota. Per Dominum nostrum Jesum Christum. &c.

Epistola. Philip. i.

GRATIAS ago Deo meo in omni memoria vestri, semper in omni precatione mea pro omnibus vobis, . . . qui contingit per Jesum Christum, ad gloriam et laudem Dei.

Evangelium. Matt. xviii.

ACCEDENS Petrus ad Jesum, dixit : Domine, quoties peccabit in me frater meus, et remittam ei? . . . si non remiseritis suo quisque fratri ex cordibus vestris delicta illorum.

Collecta.

DEUS, nostrum refugium et virtus, adesto piis ecclesiæ tuæ precibus, auctor ipse pietatis, et præsta, ut quod fideliter petimus, efficaciter consequamur. Per Jesum Christum Dominum nostrum.

Epistola. Phil. iii.

ESTOTE pariter imitatores mei, fratres, et considerate eos qui sic ambulant, . . . secundum efficatiam, qua potest etiam subjicere sibi omnia.

Evangelium. Matthæi. xxii.

TUNC abeuntes Pharisæi consilium ceperunt, ut illaquearent Jesum in sermone . . . Et his auditis, mirati sunt : et omisso eo, abierunt.

Collecta.

ABSOLVE, quæsumus domine, tuorum delicta populorum, ut a peccatorum nostrorum nexibus, quæ pro nostra fragilitate contraximus, tua benignitate liberamur. Per Jesum Christum Dominum nostrum. &c.

Epistola. Coloss. i.

GRATIAS agimus Deo et Patri Domini nostri Jesu Christi, semper de vobis, cum oramus, . . . qui idoneos nos fecit ad participationem sortis sanctorum in lumine.

Evangelium. Matt. ix.

CUM hæc loqueretur illis Jesus, ecce primas quidam venit et adoravit eum, dicens : . . . Et emanavit rumor hic in totam terram illam.

Dominica xxv. post Trinit.

Collecta.

EXCITA, quæsumus Domine, tuorum fidelium voluntas (vel. voluntates) ut divini operis fructum propensius exequentes, pietatis tuæ præmia majora percipiant. Per Jesum Christum Dominum nostrum.

Lectio. Jeremiæ. xxiii.

ECCE dies veniunt, dicit Dominus : et suscitabo David germen justum : et de cunctis terris, ad quas ejeceram eos illuc : et habitabunt in terra sua.

Evangelium. Joan. vi.

CUM sustulisset ergo oculos Jesus, et vidisset quod multa turba veniret ad se, . . . Hic est vere Propheta ille, qui venturus est in mundum.

Si ante Dominicam Adventus Domini plures istis. .xxv. acciderint Dominicæ, Collecta, Epistola, et Evangelium dicantur, quæ Dominicis inter Epiphanium & Septuagesimam assignata sunt, & erant omissa.

Die Sancti Andreæ Apostoli.

Collecta.

OMNIPOTENS Deus, qui dedisti beato Andreæ Apostolo tuo, ut acerbam et ignominiosam crucis mortem duceret pro magna gloria, tribue ut omnia nobis adversa pro nomine tuo ducamus profutura (et) ad æternam vitam conducibilia. Per Christum Dominum nostrum.

Epistola. Romanos. x.

SI confessus fueris ore tuo Dominum Jesum, et credideris in corde tuo, . . . Toto die expandi manus meas ad populum non credentem et contradicentem.

Evangelium. Matt. iiii.

AMBULANS autem Jesus juxta mare Galilææ, vidit duos fratres, Simonem qui vocabatur Petrus, . . . At illi protinus relicta navi, et patre suo, sequuti sunt eum.

Collecta.

OMNIPOTENS æterne Deus, qui pro confirmatione fidei nostræ beatum Thomam Apostolum de Resurrectione Filii tui dubitantem confirmasti, concede nobis, ut vere et sine ulla dubitatione credamus in Filium tuum Dominum nostrum Jesum Christum, et ut fides nostra coram te nunquam mereatur reprehensionem. Per eundem Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus, per omnia secula seculorum.

Epistola. Ephe. ii.

JAM non estis hospites et incolæ, sed concives Sanctorum, ac domestici Dei, . . . in quo et vos coædificamini in habitaculum die per Spiritum.

Evangelium. Joan. xx.

THOMAS autem unus ex duodecim, qui dicitur Didymus, non erat com eis, . . . quod Jesus est Christus ille Filius Dei, et ut credentes vitam habeatis per nomen ejus

Collecta.

DEUS, qui universum mundum beati Pauli Apostoli prædicatione docuisti, da nobis quæsumus, ut cujus Conversionem recolimus, per ejus ad te exempla gradiamur. Per Jesum Christum Dominum nostrum.

Epistola. Acto. ix.

SAULUS autem adhuc spirans minas ac cædem adversus discipulos Domini, . . . et confundebat Judæos, qui habitabant Damasci, affirmans, quod is esset Christus.

Evangelium. Matthæi. xix.

RESPONDENS Petrus, dixit Jesu : Ecce nos reliquimus omnia, et sequuti sumus te : . . . Multi autem primi erunt novissimi, et novissimi primi.

Die purificationis Mariæ vir.

Collecta.

OMNIPOTENS Deus, majestatem tuam supplices exoramus, ut sicut Unigenitus Filius tuus cum carnis nostræ substantia hodie tibi in templo est præsentatus, ita nos facias purgatis mentibus tibi præsentari, et vitam obtinere æternam : Per eundem Jesum Christum Dominum nostrum.

Epistola.

Eadem cum illa quæ assignatur diei Dominico

Evangelium. Luc. ii.

POSTEAQUAM completi fuissent dies purgationis eorum secundum legem Mosi, . . . nisi prius videret Christum Domini. Et venit per Spiritum in templum.

Die Mathiæ Apostoli.

Collecta.

OMNIPOTENS Deus, qui in locum Judæ traditoris elegisti fidelem servum tuum Mathiam, ut esset unus ex numero duodecim Apostolorum, defende ecclesiam tuam a doctrina pseudoapostolorum, et tribue ut a veris pastoribus gubernetur. Per Jesum Christum Dominum nostrum.

Epistola. Actor. i.

IN diebus his, exurgens Petrus in medio discipulorum, dixit : . . . cecedit sors super Mathiam, et cooptatus est ad numerum undecim Apostolorum.

Evangelium. Matth. xi.

IN illo tempore respondens Jesus dixit : Gratias ago tibi, Pater, Domine cœli et terræ, . . . Jugum enim meum commodum est, et onus meum leve est.

Collecta.

MENTIBUSs nostris, quæsumus Domine, gratiam tuam benignus infunde, ut qui* Filii tui incarnationem cognovimus, per passionem ejus et crucem ad resurrectionis gloriam perducamur : Per eundem Christum Dominum nostrum.

Lectio. Esa. vii.

ET adjecit Dominus loqui ad Achaz, dicens : Pete tibi signum a Domino Deo tuo in profundum inferni, . . . ut sciat reprobare malum, et eligere bonum.

Evangelium. Lucæ. i.

IN mense autem sexto, missus est angelus Gabriel a Deo in civitatem Galilææ, . . . fiat mihi secundum verbum tuum. Ac discessit ab illa Angelus.

The Annunciation of the Virgin Mary

This was copied from Aless' 1549 Latin version; the Sarum Missal inserts "angelo nunciante Christi" at this point.

Die S. Marci Evangelistæ.

Collecta.

DEUS, qui beatum Marcum Evangelistam tuum ad Evangelicæ prædicationis gratiam evexisti, tribue quæsumus, nos semper sancto tu Evangelio proficere, et fidei constantia stabiliri, ut non simus semper pueri, fluctuantes omni vento doctrinæ. Per Jesum Christum Dominum nostrum.

Epistola. Ephe. iiii.

VERUM unicuique nostrum data est gratia juxta mensuram donationis Christi . . . incrementum corporis facit, in ædificationem sui ipsius per caritatem.

Evangelium. Joan. xv.

DIXIT Jesus discipulis suis : Ego sum vitis vera, et Pater meus agricola est . . . ut gaudium meum in vobis maneat, et gaudium vestrum impleatur.

Collecta.

OMNIPOTENS Deus, cujus vera cognitio vita æterna est, fac nos credere Filium tuum Dominum nostrum Jesum Christum esse viam, et veritatem, et vitam, id quod sancti Apostoli tui Philippus et Jacobus crediderunt et docuerunt. Per eundem Dominum nostrum Jesum. &c.

Epistola. Jacobi i.

JACOBUS Dei ac Domini Jesu Christi servus, duodecim tribubus quæ sunt in dispertione, salutem . . . quam promisit Dominus iis, a quibus fuerit dilectus.

Evangelium. Joan. xiiii.

DIXIT Jesus discipulis suis : Ne turbetur cor vestrum. Creditis in Deum, . . . ut glorificetur Pater per Filium. Si quid petieritis per nomen meum, ego faciam.

Collecta.

OMNIPOTENS Domine, qui sanctum Apostolum tuum Barnabas singularibus donis Sancti Spiritus ornasti : quæsumus, ne desinas nos destitui multiplicibus donis tuis, aut gratia ut illis recte utamur ad laudem et gloriam sanctissimi nominis tui. Per Jesum Christum Dominum nostrum.

Epistola. Acto. xi.

PERVENIT autem rumor ad aures ecclesiæ, quæ erat Hierosolymis, super his : . . . quod et fecerunt, mittentes ad seniores per manum Barnabæ ac Sauli.

Evangelium. Joan. xv.

DIXIT Jesus discipulis suis : Hoc est præceptum meum, ut diligatis vos invicem, sicut dilexi vos . . . ut quicquid petieritis Patrem nomine meo, det vobis.

Die Joannis Baptistæ.

Collecta.

OMNIPOTENS Deus, cujus providentia præcursor Joannes Baptista miraculose natus est, et missus ut præpareret viam Filio tuo prædicatione pœnitentiæ : fac nos ejus doctrinam et sanctam vitam ita imitari, ut agamus veram pœnitentiam juxta ipsius doctrinam, et exemplo ejus constanter fateamur veritatum, et libere crimina reprehendamus, ac patienter pro confessione veritatis mortem perferamus acerbam. Per eundem Jesum Christum Dominum nostrum. &c.

Lectio. Esaiæ. xl.

CONSOLAMINI consolamini popule meus, dicit Deus vester. Loquimini ad cor Hierusalem, . . . et in sinu suo levabit : fœtas ipse portabit.

Evangelium. Luce. i.

ELIZABETÆ vero impletum est tempus pariendi, et peperit filium, . . . et erat in desertis donec venieret dies, quo ostendendus erat apud Isrælitas.

Die Sancti Petri apost.

Collecta.

OMNIPOTENS Deus, qui per Filium tuum Dominum nostrum Jesum Christum beato Petro Apostolo excellentia dona contulisti, et ut gregem tuum diligenter pascaret tertio præcepisti, præsta quæsumus, ut omnes Episcopi et Pastores diligenter doceant Evangelium, et ut populus doctrinæ sit obsequens, quatenus vitam consequatur æternam. Per Jesum Christum Dominum nostrum.

Epistola. Act. xii.

EODEM autem tempore injecit Herodes Rex manus, ut affligeret quosdam de ecclesia . . . et ex omni expectatione plebis Judæorum.

Evangelium. Mat. xvi.

CUM venisset autem JESUS in partes Cæsareæ ejus, quæ cognominatur Philippi, . . . et quicquid solveris in terra, erit solutum in cœlis.

Collecta.

MISERICORS Deus, concede, ut sicut sanctus Jacobus Apostolus tuus, relicto patre et omnibus quæ habebat, continuo obediens fuit vocationi Filii tui, et eum est sequutus : ita nos, relictis omnibus mundanis et carnalibus affectibus, semper pareamus mandatis tuis. Per Dominum nostrum Jesum Christum.

Epistola. Act. xi. et xii.

IN his autem diebus supervenerunt ab urbe Hierosolymorum prophetæ Antiocham . . . videns autem quod gratum esset Judæis, perrexit comprehendere et Petrum.

Evangelium. Matth. xx.

TUNC accessit ad Jesum mater filiorum Zebedæi cum filiis suis adorans, . . . sed ut ipse ministraret, utque daret animam suam redemptionem pro multis.

Collecta.

OMNIPOTENS sempiterne Deus, qui dedisti apostolo tuo Bartholomæo, ut crederet Evangelio, illudque doceret, da quæsumus Ecclesiæ tuæ et amare quod credidit, et prædicare quod docuit. Per Jesum Christum Dominum nostrum.

Epistola. Acto. v.

PER manus autem apostolorum ædabantur signa ac prodigia multa in populo . . . afferens ægrao ac vexatos a spiritibus immnundis, qui sanabantur omnes.

Evnagelium. Luc. xxii.

FACTA est autem et contentio inter discipulos, quis eorum videretur esse major . . . et sedeatis super thronos, judicantes duodecim tribus Isræl.

Collecta.

OMNIPOTENSDeus, qui per Filium tuum vocasti beatum Matthæum, ut ex publicanos Apostolus fieret et Evangelista, da nobis gratiam, ut studium pecuniæ et opum amorem inordinatum relinquamus, et sequamur Filium tuum Dominum nostrum Jesum Christum, qui tecum vivit et regnat in unitate Spiritus Sancti Deus, per omnia secula seculorum.

Epistola. ii. Cor. iiii.

PROPTEREA cum ministerium hoc habeamus, ut nostri misertus est Deus, haud degeneramus : . . . ad illuminationem cognitionis gloriæ Dei, in facie Jesu Christi.

Evangelium. Matt. is.

ET præteriens Jesus illinc, vidit hominem desidentem ad telonium, Matthæum nomine, . . . non enim veni ad vocandum justos, sed paccatores ad pœnitentiam.

Die Michælis & omnium Angelorum.

Collecta.

DEUS, qui miro ordine Angelorum ministeria hominumque dispensas, concede propitius, ut a quibus tibi ministrantibus in cœlo semper assisitur, ab his in terra vita nostra muniatur. Per Christum Dominum nostrum.

Epistola. Apo. xii.

ET factum est prælium magnum in cœlo, Michæl et angeli ejus præliabantur cum dracone : . . . habens iram magnam, sciens quod modicum tempus habet.

Evangelium. Matt. xviii.

IN illo tempore accesserunt discipuli ad Jesum, dicantes : Quis maximus est in regno cœlorum? . . . semper vident faciem Patris mei, qui in cœlis est.

Die Sancti Lucæ Evang.

Collecta.

OMNIPOTENSDeus, qui Lucam medicum, cujus laus est in Evangelio, ut animarum quoque curam susciperet, ad te vocasti, præsta quæsumus, ut salubribus ejus doctrinæ medicinis omnes animarum nostrarum morbi sanentur. Per Jesum Christum Dominum nostrum.

Epistola. ii. Tim. iiii.

AT tu vigilia in omnibus, obdura in afflictionibus : opus perage Evangelistæ, . . . quem et tu cave. Vehementer enim restitit sermonibus nostris.

Evangelium. Luc. x.

POST hæc autem designavit Dominus et alios septuaginta, . . . edentes et bibentes quæ dantur ab illis. Dignus est enim operarius mercede sua.

Collecta.

OMNIPOTENS Deus, qui Ecclesiam super fundamento Prophetarum et Apostolorum in ipso summo lapide angulari Christo Jesu ædificasti: da nobis ut per eorum doctrinam in unitate Spiritus conjungamur, ut simus tibi semper templum acceptabile : per eundem Jesum Christum Dominum nostrum.

Epistola. Judæ i.

JUDAS Jesu Christi servus, frater Jacobi, iis qui in Deo Patre sanctificati sunt, . . . dominos vero spernunt, in potestate præditos maledicta congerunt.

Evangelium. Joannis. xv.

HOC est præceptum meum, ut diligatis vos invicem, sicut dilexi vos . . . Quin et vos testes estis, quia ab initio mecum estis.

Collecta.

OMNIPOTENS Deus, qui conjunxisti electos tuos in una communione et societate mystici corporis Filii tui Domini nostri Jesu Christi, da ut sanctos tuos in omnibus virtutibus et bonis operibus imitemur, ut ad ineffibile gaudium, quod præparasti iis qui vere te diligunt, perveniamus. Per Jesum Christum Dominum nostrum.

Epistola. Apo. vii.

ECCE ego Joannes vidi alterum angelum ascendentem ab ortu solis . . . honor et virtus et fortitudo Deo nostro, in secula seculorum. Amen.

Evangelium. Matth. v.

CUM autem vidisset Jesus turbas, ascendit in montem: et quum consedisset, . . . Sic enim persequuti fuerunt prophetas, qui fuerunt ante vos.

Finis Collectarum, Epistolarum, et Evangeliorum totius Anni.