LITANY.
¶
Adlun LITANY-GAI waudlā ijung, tl haada wautliwon un ishin k’alung-āgung;
Sunday-gasdlu isgien, shin lth’onulthsdlu ishin, shin tlēthasdlu ishin,
sing-ai singlthgang gushue dlā, ā tl k’utsus gien, tl shudie ishin lagung;
taim k’ulat gut tlistleuon churchnaga un nung itlagadasi un ga shusīdlu
ishin.
O Shanung-itlagadas,
shagai un nung Aung-as, itil kalthshint lth gudung, yenki itil da-ung-as
altha.
O Shanung-itlagadas, shagai un nung Aung-as, itil kalthshint
lth gudung, yenki itil da-ung-as altha.
O Shanung-itlagadas Git, hētligai dah-ale, itil kalthshint
lth gudung, yenki itil da-ung-as altha.
O Shanung-itlagadas Git, hētligai dah-ale, itil kalthshint
lth gudung, yenki itil da-ung-as altha.
O Shanung-itlagadas nun Hants Las, nung Aungas isgien, il
Git ishin sta dung is, itil kalthshint lth gudung, yenki itil da-ung-as
altha.
O Shanung-itlagadas nun Hants Las, nung Aungas isgien,
il Git ishin sta dung is, itil kalthshint lth gudung, yenki itil da-ung-as
altha.
O Trinity las isgien, un-yāgudung-ā ishin, Person lth’onulth,
waigien Shanung-itlagadas swonshung isis, itil kalthshint lth gudung,
yenki itil da-ung-as altha.
O Trinity las isgien, un-yāgudung-ā ishin, Person lth’onulth,
waigien Shanung-itlagadas swonshung isis, itil kalthshint lth gudung,
yenki itil da-ung-as altha. |
|
Shalana, itil da-ung-as isgien, itil aung-alung da-ung-gang-an ishin
lth gum ai k’e-idang; waigien gin daung-a talung isdas lth gum hanksiādang;
itil lth kogundi, Shalana Las, ai-ung kwoyāsi alth tl haada ung-a dung dah-gan
lth kogundi, waigien lth gum itil an kālthi-yildung-gī-ang.
Shalana Las, itil lth kogundi. Gink’ulda wautliwon isgien, haisalang ishin, gin da-ung-a
ishin, hetgwaulana da-a gudang ishin, dung kalthi-yilthdas ishin, hetgwaugai
et swonung sta ishin;
Shalana Las, itil lth kogundi. Gudung-ai hang-kaga wautliwon isgien, gudung-ai sha et ishin,
ging-gang-an gin un-yāgudung-a ishin, gudung-ai stung ishin, s’anagutgang
ishin, tl haada t’elg keng ishin, gum kwoyadang wautliwon sta ishin;
Shalana Las, itil lth kogundi. Gut alth tiigada isgien, gin da-ung-a wautliwon k’otulthgia
āda ishin; hētligai isgien, kyā ishin, hetgwaulana ishin edē kilkāng wautliwon
sta ishin;
Shalana Las, itil lth kogundi. Sē-ā-ulthda isgien, dsīga ishin, gūtgust stigal ishin, k’wotsiga
ishin, askalthā ishin, gūtguk’ou ishin, ladia ishin, umlthīstan k’otal sta
ishin;
Shalana Las, itil lth kogundi. Gin shud-kwolthda wautliwon isgien, ging-gang-an gin shkotada
wautliwon ishin, church gushue ging-gang-an et ishin, agung skā sta ishin,
gudung-ai shing-idsa ishin, dung kil isgien, dung-gia king-go-gung-ai ga
gwou-gung-us sta ishin;
Shalana Las, itil lth kogundi. Nung haada kyē dung isda kwolthdie las isgien, dung kaigai
las ishin, dung tl circumcise daian ishin, dung tl baptize-daian ishin,
dung kaisalan ishin, dung ede nung kil-kāng-an alth ishin;
Shalana Las, itil lth kogundi. Dung waugung-ai iskien, dung dung-althdie ai ishin, dung-gia
shkau-amagai ishin, tīdistlā ishin, dung k’otulai kwoyas ishin, dung lthē-ō-wie
ishin, k’otal sta dung k’ālthu-e un-yāgudung-as ishin, shiga dung itsgai
ishin, Hants las kātlāgai alth ishin;
Shalana Las, itil lth kogundi. Tlistleuon itil gudung-ai lthkwīdas gien, itil ginlthing-asdlu
ishin, itil k’otulai ashkoshgut-gūt ishin, ging-kilisalang shantlanai gūt
ishin.
Shalana Las, itil lth kogundi.
| |
O Shalana Shanung-itlagadas, itil da-ung-as itil kil dung gudung-ai
da dung alth talung kiānung-gung; waigien dung-gia Holy Churchgai hētligai
ashkwau-hun gu is, duman dung kāng-gai da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Dung Gītsada VICTORIA itil an nung
Queen-gas, governor-gas, k’ung-gudung-as, duman dung kāng-gai isgien, la
dung tl-dugwīgai ishin, yenkien dung ā singlthgang il gushue ishin, il gudung-ai
shkwunie ishin, il hēnung-a ligai da ishin dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Dung il yetdie isgien, dung ga il lthwaugie ishin, dung il
kwoyādie ishin; dung ga gūtgadai isgien, dung un-yāgudung-gai ishin da il
keng-gīgai un, il gudung-ai un dung itladagai da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Duman la dung kāng-gai isgien, la t’elg tl kens wautliwon
la gwī kāale un ishin, la ga dung isdie da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Albert Edward, Prince of Wales isgien, Princess of Wales ishin,
nung Queen-gas tou-ilung wautliwon ishin, dung tloulth-ligulai isgien, duman
dung kāng-gai ishin da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Ga Bishop-gas wautliwon isgien, Liplet wautliwon ishin, ga
Deacon-gasgai wautliwon ishin, dung kil un yenki ūnshindai un, da dung tlāadai
da dung alth talung kiānung-gung, tlistleu-on tla geu gu tl gushus gien,
hēnung-a lā alth tl henung-asdlu, dung kil tla tl kendie una.
Itil kil dung gudung-ai da dung alth talung kiānung-gung,
Shalana Las.
Council un ga itlagadasgai isgien, ga itlagadasgai wautliwon
ishin, gin las isgien, kutung-a ishin, gin un ūnshit ishin, dung giandadie
da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Ging-kilisalang-lē-alung dung tloulth-ligulai isgien duman
dung kāng-gai ishin, tl haada yenki tl ging kilisalung-ai un gudung-ai lā
ishin tla ga dung isdie da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Gyang haadgai wautliwon dung tloulth-ligulai isgien, duman
dung kāng-gai ishin da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Gudung-ai dlai-a isgien, gudung-ai swonshung ishin, gwaigang
wautliwon ga dung isdie da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Dung talung kwoyādie isgien, dung ga itil lthwaugie ishin,
yenkien dung-gia king-go-gung-ai ging-ān ishin talung etgai un gudung-ai
lā itil ga dung isdie da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Gudung-ai lā alth dung kil tl gudung-ai un isgien, tl kwoyādie
un ishin, Hants La gia ānē tl īnastl-die un ishin, gyang haadgai wautliwon
ga dung isdie da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Gin ga gūshgūdasgai wautliwon isgien, ga tl gingkōnuns-gai
ishin, k’eu yās ai dung isdie da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Ga tljūgiaansgai dung tl dugwīgai isgien, ga gudung-ai ā-agasgai
da dung tlāads gien, tl gudung-ai wau dung tla-shagadung-ai ishin, ga dl-dulduns-gai
dung tlakālthu-e ishin, hetgwaulana itil st’ai hetgwi dung dl-dulthdadie
ishin da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Gin ga lthwangīga a ga is wautliwon isgien, ga k’ongushgitaigasgai
ishin, ga gudung-ai lthkwīdasgai ishin, da dung tlāadai isgien, tl gudung-ai
wau dung tlashagadung-ai ishin da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Tliga gūt ga tl-lthilthsgai isgien, tung gūt ga tl-lthilthsgai
wautliwon ishin, tl jāada wautliwon ka-gung-us ishin, ga st’isgai wautliwon
ishin, ga īkutilasgai ishin, duman dung kāng-gai isgien, ga k’echidasgai
wautliwon ishin kalthshint dung gudung-ai da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Tl akutila lthkin-gadas isgien, ga dsulthin-gasgai ishin,
gyāga gu-wilasgai wautliwon isgien, gin shingidsa tla ga andung-dasgai ishin,
duman da kāng-gai sigien, da dung tlāadai ishin, da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Tl haada wautliwon kalthshint dung gudung-ai da dung alth
talung kiānung-gung.
Itil kil dung gudung-ai da dung alth talung kiānung-gung,
Shalana Las.
Itil t’elg ga kensgai isgien, gin shing-idsa itil ga andungdasgai
ishin, itil alth ga kilthgadunsgai ishin, kalthshint dung gudung-ai isgien,
tl gudung-ai dung tl-stelgai ishin da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Hetligai ānē las talung tugai un itil ga dung isdas gien,
alth itil gudung-ai ligai un, duman dung kāng-gai da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Yenki gudung-ung stīlthda itil ga dung isdie isgien; itil
da-ung-as wautliwon isgien, gin talung isdalthingas gum talung isdagung-uns
ishin, gin da itil k’ētus ishin, kalthshint dung gudung-ai isgien, dung
kil las ging-ān hēnung-gang talung tl-ligai un, Hantsung Las gia ligai itil
dung giandadie ishin da dung alth talung kiānung-gung.
Itil kil dung gudung-ai da dung alth talung kiānung-gung,
Shalana Las.
Shanung-itlagadas Git, itil kil dung gudung-ai da dung alth
talung kiānung-gung.
Shanung-itlagadas Git, itil kil dung gudung-ai da dung
alth talung kiānung-gung.
O Shanung-itlagadas gia Lumatō-ē Gīti, hētligai sta gin daung-a
dung isdas;
Gyang dlai-e lth itil ga isdang. O Shanung-itlagadas gia Lumatō-ē Gīti, hētligai sta gin da-ung-a
dung isdas;
Itil kalthshint lth gudung.
O Christ, itil kil lth gudung.
O Christ, itil kil lth gudung.
Shalana, itil kalthshint lth gudung.
Shalana, itil kalthshint lth gudung.
Christ, itil kalthshint lth gudung.
Christ, itil kalthshint lth gudung.
Shalana, itil kalthshint lth gudung.
Shalana, itil kalthshint lth gudung. ¶ Itan nung lipletgas isgien, tl haada ishin, Shalana
gia singlthgang gushue shudāashang.
|
|
|
Itil Aung, sha dung isis, akwon lth kyang kwoyadi. Akwon lth kingdom-gai
althgwi ga ung-a isdi. Shagai un dung gudunts ging-ān lth hētligai un gudung.
Shantlan wautliwon lth sing gut tou itil ga isdi. Itil dā-ung-as kalthshint
lth gudung, itil un ga dā-ung-asgai kalthshint talung guduns ging-ān-a.
Gum lth ga dā-ung-asgai shū-wi itil istaldang, waigien gin dā-ung-a sta
lth itil kogundi. Amen.
Liplet. O Shalana, itil da-ung-as ging-ān lth
gum itil isdang.
Tl haada. Itil da-ung-as ging-ān lth gum itil ga
giahou-ang.
Singlthgang talung gushudsun.
O Shanung-itlagadas, Aung k’ung-gudung-as yenki ga gudung-ai stīlthsgai
isgien, yenki ga gudung-ai st’isgai ishin, gum ga dung gwou-ang-gung;
tlistleuon itil gudung-ai lthkwīdas gien, taim wautliwon gin da-ung-a
itil a isisdlu, dung ā singlthgang talung gushusdlu lth itil da tlāad;
k’ung-gudung-ang alth itil kil gudung, a gin da-ung-as hetgwaulana isgien
tl haada ishin itil ā kilitsgai da guduns, ging-gang-an elgai una; waigien
dung k’ung-gu-dung-euons alth itil sta dung ginlthkutung-ai una; dung
gitsadalung itil isis, tlan tl haada gin shing-idsa itil anundas gien,
dung-gia churchnagai las ā talung kilāgī-ishang; Jesus Christ itil Shalana
agunan-a.
O
Shalana, gia-āng-a lth itil da tlāad, waigien dung ga gūtgadas agunan
lth itil kogundi.
O Shanung-itlagadas, gin lā tlidlū āgwī dung isdagang-an
geu-ung alth talung gudung-gun gien, itil aung-alung un itil ūnshidulthdagun.
O Shalana, gia-āng-a lth itil da tlāad, waigien dung
ga gūtgadas agunan lth itil kogundi.
Nung Aung-as un lth yāgudung-u, Il Git ishin, nung Hants
Las ishin;
Tl haada. Tlidlugai ging-ān-ū wetgai ishin ēdung,
waigien hētligai gu waiging-ān et swonung-ashang. Amen.
Itil t’elg ga kensgai sta lth itil kogundi, O Christ.
Itil gudung-ai lthkwīdas lth k’ung-gudung-ang-alth keng.
Itil gudung-ai stis kalthshint lth gudung-ung-āng-a keng.
Gyang haadgai da-ung-as kalthshint lth gudung.
Itil kalthshint lth gudung, waigien lth itil kil gudung.
O David Git, itil kalthshint lth gudung.
Itil kil dung gudung-gi-gai da itil gudung-gung, O Christ.
K’ung-gudung-ang alth itil kil gudung, O Christ, k’ung-gudung-ang
alth itil kil gudung, O Shalana Christ.
Liplet. O Shalana, ak’won lth dung k’ung-gudung-as
itil kendi.
Tl haada. Dung talung yetdas ging-ān-a.
Singlthgang
talung gushudsun.
Itil
āagas k’ung-gudung-ang alth dung kāng-gai da da hēt gudung ang alth dung
alth talung kiān-ung-gung, O Aung-a; waigien dung kyē un-yāgu-dung-as
agunan gin da-ung-as waultliwon itil ā itsgai las, itil sta lth kil-is;
itil gudung-ai lthkwīdaskialthk, yenkien dung k’ung-gudung-as talung yetdie
un isgien, dung ga talung gūtgadai un hēnung-a lā alth dung un talung
lthong-gwil-gī-gai un ishin lth itil da tlaad; Jesus Christ itil stagidlē
isgien, itil kalthkāan gushoulē ishin agunan-a. Amen.
|
Lord's Prayer |
| St.
Chrysostom gia singlthgang gushu ā ijung.
Shanung-itlagadas
dugwīa-euons, wēt gudung-ai lā itil ga dung isdang, althji alth gudung-ai
swonshung alth dung ā singlthgang talung gu-shugung; waigien tlistleu-on
tl stung, tl lthonulth, dung kyē agunan gudung-alth gudā isisdlu, gina
da tl kiānunts ging-ān dung wausang-an; althji alth, O Shalana, tliku
dung gitsadalung singlthgang gushus ging-ān lth wēt tla ga isdi, waigien
gin ga tl stalthas ging-ān lth wau, tl an lasidlu-a; adshi tligai gu lth
yenkien gin un ung-a itil tla-ūnshitgulth, waigien tliga isangkasas gu
lth hēnung-a swonung itil ga isda. Amen.
2
Cor. xiii.
Itil Shalana Jesus
Christ gia gudung-ai ligai isgien, Shanung-itlagadas tl kwoyādagung-us
ishin, Hants Las tla ā ijung-us ishin, lth ak’won itil wautliwon kwulth
is-gī-di. Amen.
Hin-ū
LITANY-GAI tlan elgung.
|
|
¶
Tl haada gut īlā et wautliwon sing gushuē ā ijung, waigien gum Litany-gai
tl shudansdlu, hin singlthgang tl gushuē lagung. O Shanung-itlagadas, tl haada wautliwon tloutlthalē isgien, duman kang-lē
ishin isis, hēt gudung-ang alth tl haada gut īlā et wautliwon sing dung
ā talung gushugung, keu-e un unga-a kung-gudung-ung alth tla dung ūnshidulthdas
gien, gwaigang wautliwon dung kogundalthing as un tl ūnshidulai un-a.
Waigien church haade hēt-ligai ashkwau-hun gut is sing wēt talung gushudung,
Dung Hants Las tl al-istalai un tla ga dung isdas gien, tla un il itlagadagai
una; christian hin agung ga kyadasgai wautliwon keu las gūt il al-istalai
un-a, waigien gudung-ai swonshung alth dung tl yetsladu, gudung-alth tl
gudung-ai dlaias gien, hēnung-a lā alth tl hēnung-gai una. Waigien ga
tlīji-hun stis isgien, gin alth-hun ga gudung-ai lthkwīdas ishin, ga kong-ushgidaigasai
ishin kalthshint dung gudung-ai da dung alth talung kianung-gung, itil
Aung dung isis altha; [* tla sing talung gushue da ga guduns da dung
tlaadai da ishin itil gudung-gung,] tl gudung-ai wau dung tlashagaduns
gien, tla da dung tlāadai da ishin dung alth talung kiānung-gung, tliku
tla un gin lādals gung-an-a; tl gudung-ai stis t’alth gudan tladsga tla
ga dung isdas gien, waudla gin shing-idsah tl anduns wautliwon sta tla
dung kogundie una; waigien adshi talung ginung-gung Jesus Christ agun-an-a.
Amen.
|
*
Nung haada la sing tl gushwe da gudunsdlu, adshi tl shudie lagung.
|
¶
Shanung-itlagadas ā kilagai ā ijung.
Shanung-itlagadas
Dugwīa-euons, k’ung-gudang wautliwon un nung Aung-as, dung gitsadalung
dāung-a ītil isiskianan gudung-ai hēt et alth dung ā talung kilāeuon-gung,
dung-gia ligai waultliwon isgien, k’ung-gudung-ie ishin itil un isgien
tl haada wautliwon un ishin isi sing-a; [* itan ging-an gian dung
k’ung-gudungai-an wēt kwunan dung ā kilagai da gudung-gung.] Itil
tloutlthias isgien, duman itil kāng-gas ishin, adshi tligai gu gin lā
wautliwon isis ishin, sing dung a talung kilāgung; waigien tl haada dung
kwoyād-euon-an gien, itil Shalana Jesus Christ alth tla dung dah-waian
ishin sing wau telg dung a talung kilagung, gin lā itil ga dung isdas
sing ishin, waigien gin un-yādugung-ā talung isdā-ases sing ishin. Waigien
k’ung-gudung-ie wautliwon un ung-a itil dung ūnshudulthdie da dung alth
talung kiānung-gung, yenkien gudung-ung alth dung a talung kilagai un-a,
waigien gum kwōtung alth swonan dung ā talung kilā-ang-ashang, hēnung-ang
alth ishin dung ā talung kilāashang’ dung-gia lthong-gwilie ga agung talung
isdā-ashang, waigien shantlan wautliwon itil hēnung-askialthk gudung-ai
lā alth isgien, gudung-ai shkwuna alth ishin, dung hang-fu talung istalshang;
Jesu Christ til Shalana agunan-a; dung alth isgien, Hants Las alth ishin,
ga talung gut-gutshand, waigien un talung yāgudung-ashang, waigien waiging-ān
et swon-ung-ashang. Amen.
|
* Gia
sing tl gushue da ga gudung-an, Shanung-itlagadas ā kilagai da gudunsdlu,
adshi il shudie lagun |
