¶ Sing-yē-gai singlthgang gushu-īdai gu, nung minister-gas a Gin Lā k’ālung-as t’ich kwunan līdadie lāgung. Waigien itan ashgai dlā ga k’ālung-as il shudie lāgung.

    Nung dā-ung-a gin dā-ung-a il isdaias sta ung-a stilths gien, gin lā il isdasdlu, althandang il kogundā-ashgang.   Ezekiel xviii. 27.
    Di dā-ung-as unsta lth shūgung, waigien gin dā-ung-a lth isdagīni di hang-gu isgīgung.   Psalm li. 3.
    Di dā-ung-as sta lth hung-ung ging-s’al, waigien lth di dā-ung-as wautliwon wau sta gīshu.   Psalm li. 9.
    Nung gudung-ai ai oduts Shanung-itlagadas kwoya-dagung-gung; O shanung-itlagadas, nung gudung-ai ai oduts isgien, nung gudung-ai sti ishin, gum ga dung gwou-ang-ashang.   Psalm li. 17.
    Gudung-ung ai lth otadāū, waigien gin dalung giandas ai tl gum otadang-ū, waigien lth Shalana Itlagidang gwī stilthu; il las gien, tla kalthshint il guduns altha, gum hawīdan il kalthi-yilthdagung-ung-gung, waigien yenki il k’ung-gudung-ung, waigien gum tl tlū-unshkotiē da il gudung-gung-ung-gung.   Joel ii. 13.
    Shalana itil Itlagida gin kalthshint guduns gien, ishin tl dā-ung-as da agung il ging k’eshgīdung, la ga talung gwou-gung-us k’ianan-a; waigien gum Shalana itil Itlagida kilth ging-ān talung edang-gun, king-go-gung itil ga il isdaian ai ishin gum talung istalang-gun.   Daniel ix. 9, 10.
    O Shalana, ging-kilisalang alth swonan lth di tlū-unshkota; kalthi-yildang alth di dung tlū-un-shko-tasdlu, di dung hīlūdāashang.   Jer. x. 24; Psalm vi. 1.
    Gūdung-ung lth stīlthdū, shagai kingdomgai dōng-as altha.   St. Matt. iii. 2.
    Lth kālthūashang, waigien Aung-ung ā lth kaidshang, waigien hin la lth shudāashang, Aung-a, shasi un di dāung-ung, waigien dung hang-gu ishin, waigien gum housen, Di git, hin di dung kyādie un di lā-ung-gung.   St. Luke xv. 18, 19.
    Gum lth gītsadang ging-kilisalung-ung, O Shalana; dung hang-gu gum nung swonshung-hun lā-ans altha.   Psalm cxliii. 2.
    Gum itil dāung-ang-ung talung shūsdlu, talung kodan agung odlougung, waigien gum yenkien gin et itil kālthi ā isang-gung; waigien itil dāung-as unsta talung shusdlu, itil dāung-as da k’eshgadē un yenkien il k’ung-gūdung-ung, waigien gum gin lā-ans wautliwon sta itil il tlishkwunagulthushang.   1 St. John i. 8, 9.

Di tou-ilung kwoyasi, Gin La kālung-as gin dāung-a gut ila et kwon talung isdas unsta talung shougai lang shugīgung-gung; waigien Shanung-itlagadas dugwia-euons itil Aung sha isis hang-gu ung-a talung salgai gum lā-ung-gung; hēt gūdung-ung alth isgien, gudung-ung stilthda alth ishin, unsta talung shougai tlou lāgung; Shanung-itlagadas lā-euons gien kungudung-as itil kalthshint gudung-ai una. Sha-nung-itlagadas hang-gu itil daung-as hēt gūdung-ung alth unsta talung shugigai lagung; gūdā talung isisdlu tlou, ging-an talung shougai wautleg lagung; Shanung-itlagadas gin la kwon itil ga isdas sing la ā killagai un gūdā talung ijung-us altha, la un talung yagudung-ai un ishin, il kil lā-euons talung gudung-ai un ishin, itil lthu isgien itil althandai un ishin gin las da la alth talung kianung-ai un ishin gūdā talung ijung. Althji alth gudung-ai shkwuna alth isgien, gushou hēt et alth ishin, aulthgahung-u las sha isis ā dalung wautliwon adlun isis di alth istgai da dalung alth lth kiānung-gung, hin di dla dalung shougai una;
 

Church haade wautliwon kwolōng kudsung alth tl’odas gien, nung minister-gas dlā ashgai shūdiē lāgung.

Nung Dugwīa-euons gien Aung kung-gudung-euons; talung odlougung-gung, waigien dung-gia k’eu-ē sta, lumado gūguns ging-ān, tligwonan talung istal-gung-gung. Tliku talung guduns isgien, gin ga itil stalthas ging-ān ishin talung gundsu-hunsgidung. King-go-guns las ai dang-a talung tla-odēdung-gung. Gin talung isdalthing-as gum talung isdagung-ung-gung; Waigien gum gin talung isdalthing-aus talung isdagung-gung; Waigien althing gum itil ā isang-gung. Waigien Dāū, O Shalana, ging-gang-an itil haadas, king-go-guns talung tla-hūjans, kalthshint lth gudung. Gin tl tlishgudas unsta ung-a tl shusdlu, tla lth kogundi, O Shanung-itlagadas. Gudung-ung tl stilthdas lth silthgang isdi; Tliku Christ Jesu itil Shalana alth tl haada ga dung shūdgīgan ging-ān lth wau. O Aung k’ung-gudung-euons, la agunan lth itil da tlaad; waigien adshi sta hēnung-a lā isgien, shkwuna ishin, dagang gwūdaju alth ishin itil henung-gai una, dung kyē las un yāgudung-as agunana. Amen.

¶ THE ABSOLUTION.

Nung Lipletgas swonan giāans gien, ashgai unsta il shougai lagung; waigien tl’ haada k’wai kwolong kudsung alth tl’ōdie lāgung.

Shanung-itlagadas Dugwīa-euons, itil Shalana Jesus Christ Aung, nung haada hawun dā-ung-gundan kotulai ga gum stalthagung-ang-gung, gin da-ung-a il isdas sta tlou il stelgai da la il gudung-gung, waigien il henung-gai una. Gushou dugwīa isgien, king-go-guns ishin, gyang lipletgasgai ga il isdiāgung, tl’ haada gudung-ung la gwi stilthdasdlu, tl dā-ung-as aist tlang-a il tlāadshang, waigien hin shougai un-a. Tl’ wautliwon yenkien gudung-ung stilthdas kalthshint il gudung-gung, waigien gialthang las lang-a hwunan tl’ yetdasdlu, tl dā-ung-as da il k’eshgīdung-gung. Althji alth yenkien dugung-ung stilthdie isgien, Hantsung Las ishin, itil ga il isdie da la alth talung kiānundsum; waigien wēt a gin talung isdas la gudaku etgai un-a, waigien adshi sta itil henung-askialthk shkwunas gien, waigien ligai una; althji alth shantlan ōstlasdlu, la kwulth itil gudung-ai lā-swonung-ai un-a; Jesus Christ itil Shalana agunan-a.

¶ Itan nung minister-gas kwolong kudsung alth k’ous gien, Shalana gia singlthgang gushue kwunan il shudie lagung; tl haada ishin kwolong kudsung alth tl’ous gien, il shudasikialthk la dlā tl shudie lagung.
 

    Nung Aung-as un lth yāgudung-u, Il Git ishin, nun Hants Las ishin;
   Tl haada. Tlidlūgai ging-ānū wētgai ishin ēdung, waigien hetligai gu waiging-ān et swonung-ashang. Amen.
   Liplet. Shalana ā lth kilā-ū.
   Tl haada. Shalana kyē ā talung kilā ashang.

¶ Itan tliku church laugai shūs ging-ān Psalmgai tl līdidie lagung, ishin ā tl k’utsoulthing-agung. Waudlā Old Testamentgai sta chapter kwunan tl lididie lagung. Waigien itan Magnificatgai ā tl k’utsū-ashang (Mary dlians las gia salang-gai ā ijung).

MAGNIFICAT. St. Luke i.

    Di althandai Shalana ā kilāgung: waigien Shanung-itlagadas nung alth di koguns alth di gudung-ai tlika gūlāgun.
   Il gītsada jadas hēt gudung-ai ets il kāng-an altha.
Althji alth, gwokeng, adshi sta gudista kāng-gai wautliwon nung tloulth-ligulas hin di kyādā-ashang.
   Nung dugwīa euons di un-yāgudung-ēlthdagun altha: waigien il kyē-ū lāgung.
   Waigien la ga ga lthwaugasgai wautliwon gūsilthan kalthshint il gudung-gung.
   Hyang alth dugwīa il kendaian: ga dugung-ai sha etsgai hawn gin odō kwulthil-gundan il hagu-jang-an.
   Ga dugwīasgai aulthga-hung-we sta hēt ga ung-a il isdaian: waigien hēt ga ga gudung-ai estgai shiga il isdaian.
   Ga k’wotsgai gin lā alth il skisudaian: waigien ga gin-lthing-asgai kestlang-an il kilistīidan.
   K’ung-gudung-ie ā ung-a il gushgadan gien, Israel gītsadang da il tlāadan: Abraham isgien, il gītalung ishin, itil aung-alung kwunasi is ga gin il shudaian et swonuns ging-ān-a.
   Nung Aung-as un lth yāgudung-u, Il Git ishin, nung Hants Las ishin;
   Tlidlūgai ging-ān-u wētgai ishin edung, waigien hētligai gu waiging-ān et swonung-ashang. Amen.

¶ Itan New Testamentgai sta chapter tl’ līdidie lagung. Waigien itan s’alang, Nunc Dimittis, hin kyas, a tl k’utsue lagung.

NUNC DIMITTIS. St. Luke ii. 29.

    Shalana, dung shou-on ging-an wēt gītsadang gudung-ai dlai-a alth dung kilkaidung,
   Hung-ung alth dung-gia kogunai lth keng-gun altha;
   Tl haada wautliwon hang-gu gin dung tha-elth-daian-a;
   Alth tliga k’ulat haade otgēlths gien, Israel dung-gia haadgai is alth ishin un-yāgudung-gai una.
   Nung Aung-as un lth yāgudung-u, Il Git ishin, nung Hants Las ishin;
   Tlidlūgai ging-ān-u wētgai ishin edung, waigien hētligai gu waiging-ān et swonung-ashang. Amen.

¶ Itan nung lipletgas isgien, tl haada ishin, tljūgias gien, Apostles’ Creedgai ā tl k’utsue lagung, ishin tl’ shudalthing-agung.
 

¶ Althji dlā, kwolōng kudsung-alth tl’ tl’ou-ōdsūs gien, adshi singlthgang gushue tl shudie lagung; waigien nung minister-gas hin kwunan shu-tlagang-ashang,

Ak’won lth Shalana kwulthgang isdu.
Tl haada. Waigien dung hants alth ishin.
Minister. Singlthgang talung gushudsun.

Shalana, itil kalthshint lth gudung.
Christ, itil kalthshint lth gudung.
Shalana, itil kalthshint lth gudung.

¶ Itan nung minister-gas isgien, tl haada ishin, Shalana gia singlthgang gushue kwunan shudie lagung.
 

¶ Itan nung lipletgas giāas gien, hin il shougai lalung,
O Shalana, dung k’ung-gudung-as lth ung-a itil kendi.

    Tl haada. Waigien gin alth tl koguns itil ga ung-a isdi.
   Liplet. O Shalana, Queen lth kogundi.
   Tl haada. Waigien itil kalthshint lth gudung-ang-a itil kil gudung, tlistleu-on dung ga talung kiagansdlu-a.
   Liplet. Ministers lth gin lā ung-a giandadi.
   Tli haada. Waigien tl haada dung kenstas lth tlika tligula.
   Liplet. O Shalana, tl haada lth ung-a kogundi.
   Tl haada. Waigien dung ga yetdasgai wautliwon lth gudung-ai tl-lā.
   Liplet. O Shalana, itil gia taim-gai gut lth gudung-ai dlai-a itil ga isdi.
   Tl haada. Gum nung k’ulat itil kalthkāan ailthdā-ansī altha, tlan da swonan, O Shanung-itlagadas.
   Liplet. O Shanung-itlaqgadas, itil kalthi ā itil gu-dung-ai isis lth tlishkwuni.
   Tl haada. Waigien gum Hants-ung Las itil sta lth isdang.

¶ Itan Collectgai lthonulth tl shudā-ashang; sing-ai un nung tl shudāashang; Gudung-ai dlaia sing ishin tl gushus gien, gin dāung-a wautliwon sta tl kogunai sing ishin tl gushue lagung; waigien sing-yasdlu singlthgang tl gushuskialthk otgwaw Collectgai stung tl shudie lagung.
 

O Shanung-itlagadas, kwulthal lā wautliwon dung sta ijung, kudang lā wautliwon ishin, lthong-gwila yā wautliwon ishin; gudung-ai dlai-a lth gitsadalung ga isdi, hetligai gu gum tla ga nung isdalthing-ang-gung; waigien king-go-gunts lasi ging-an gudung-ang alth dang-a talung ūgai una, waigien itil telg tl kens ga itil lthwaugas sta ishin dung-alth itil kogunai una, althji alth itil hēnung-askialthk gin daung-as sta agung talung shandsudas gien, ishin itil gudung-ai ou-ie una; Jesus Christ nung alth itil koguns agunan-a. Amen.
 

O Shalana, itil da algas dung otgēlthdie da dung alth talung kiānung-gung; waigien dung k’ung-gudung-euons alth aiat algwau gin da-ung-a wautliwon isgien, agung lthanstla sta ishin lth itil kogundi; Gitang swonshuns dung kwoyadas agunan-a, nung alth itil koguns, Jesus Christ-a. Amen.

¶ K’utsou-lē-alung anā isisdlu, s’alang ā itan k’utsue lagung.
 

O Shalana itil Aung sha isis, sha nung ets waigien nung Dugwīa-euons, ga king-gasgai un dung King-gagung, ga shalanasgasgai un dun Shalanagagung, ga prince-gasgai un tlan da swonan itlagadagung, waigien dung-gia aulthgahung-we las sta hēt-tligai hu tl naans wautliwon dung keng-gung-gung; Itil Itilgudsada lā-euon Queen VICTORIA duman dumng kang-gai da yenki gudung-ung alth dung alth talung kianung-gung; dung Hants Las gia ligai alth lth il stāūgāda, waigien tliku dung guduns ging-anil waigīs gien, dung-gia keu-e gut ishin il kāgigai una; sha gin lā ia lth il gianda-kwonda; althin lth laga isda ang-a il tla-ginlthing-a, tlāa il hēnung-gai una; la lth tl-dugwīa, waigien la telg tl kens wautliwon il hīludie una; waigien tlistleu-on il kotulthsdlu, gudung-ai lā et swonung isgien tlika gwūlā ishin il isdie una: Jesus Christ itil Shalana agunana. Amen.
 

Sha-nung-itlagadas Dugwia-euons, gin lā wautliwon dung sta ijung-gung; Albert Edward Prince of Wales isgien, Princess of Wales ishin, nung queen-gas tou-alung wautliwon ishin, dung tl-ligulai da gudung-ai hēt et alth dung alth talung kiān-ung-gung; Hants-ung Las lth tl giandada; sha gin lā dang-a isis alth lth tl tla-ginlthing-a; gin lā wautliwon alth tl gudung-ai tl-lā; waigien kindgom et swonuns ā lth ung-a tla isdang; Jesus Christ itil Shalana agunana. Amen.
 

Nung Dugwīa-euons waigien nung Uitlagada hēnung-a swonuns; tlan da swonan gin unkul-dung-a euonda isdagung-gung; itil un ga bishop-gas isgien, ga minister-gasgai ishin, Church haade wautliwon tla ga dung isdas ishin ing-gu lth dung Hants Las althins het ga isda; waigien kulang-wīduns ging-an lth tl tloulth-ligulai etgīdi, yenkien dung gudaku tl etgai una. Ging-an lth wau, O Shalana, Jesus Christ itil kalthkāan gushoulēgas isgien stagīdlēgas ishin nyagudung-as agunana. Amen.
 

Shanung-itlagadas Dugwīa-euons, wēt gudung-ai lā itil ga dung isdang, althji alth gudung-ai swonshung alth dung ā singlthgang talung gushugung; waigien tlistleuon tl’ stung, tl’ lth’ōnulth, dung kyē agunan gudung-alth gudā isisdlu, gina da tl kiānunts ging-ān dung wausang-an; althji alth, O Shalana, tliku dung gitsadalung singlthgang gushus ging-ān lth wēt tla ga isdi, waigien gin ga tl stalthas ging-ān lth wau, tl an lasidlu-a; adshi tligai gu lth yenkien gin un ung-a itil tla-ūnshitgulth, waigien tliga isangkasas gu lth hēnung-a swonung itil ga isda. Amen.

2 Cor. xiii.

Itil Shalana Jesus Christ gia gudung-ai ligai isgien, Shanung-itlagadas tl kwoyādagung-us ishin, Hants Las tla ā ijung-us ishin, lth ak’won itil wautliwon kwulth is-gī-di. Amen.

Tuda shoshgu gut hin sing-yē-gai singlthgang gushuē tlan elgung.