LITANY,
QAIX
OWANCAYA WACEKIYAPI KIN.
¶ Hinhanna Cekiyapi kin ohakam, Anpetu Wakan, Anpetu Iyamni,
qa Anpetu Izaptan, hena en unpi kta.
O Wakantanka, Marpiyata Ateyapi kin;
wartanis’a
on unxikapi unxiunda miye.
Wayupte—O Wakantanka, Marpiyata Ateyapi
kin; wartanis’a
on unxikapi unxiunda miye.
O Wakantanka Cinhintku, maka Opekiton kin;
wartanis’a onunxikapi
unxiunda miye.
W—O Wakantanka Cinhintku, maka Opekiton
kin; wartanis’a
onunxikapi unxiunda miye.
O Wakantanka Woniya Wakan kin, Ateyapi qa
Cinhintku etanhan u kin; wartanis’a onunxikapi unxiunda miye.
W—O
Wakantanka Woniya Wakan kin, Ateyapi qa Cinhintku etanhan u kin; wartanis’a
onunxikapi unxiunda miye.
O Wakan, waxte, qa Niyamnipi nitowitanpi tanka, Wicaxa
yamni qa Wakantanka niwanjipina; wartanis’a onunxikapi unxiunda miye.
W—O
Wakan, waxte, qa Niyamnipi nitowitanpi tanka, Wicaxa yamni qa Wakantanka niwanjipina;
wartanis’a onunxikapi unxiunda miye.
Itancan, unkoranpi xica, qa hunkake
wicunyanpi wicoran xicapi kin, hena kiksuye xni ye; qa waortani unyuhapi kin
tokicun xni ye: Itancan waxte, niunkiya miye, nitaoyate, niwe terika on opewicayeton
kin niwicakiyaye, qa owihanke wanin awauncinkopi xni miye.
Itancan waxte, niunkiya
miye.
Taku xica qa wicowicaxa xni etanhan; woartani etanhan; Wakanxica
wokipajin wa wotakpe tawa kin hena etanhan; wowacinko nitawa kin, qa wokakiye
owihanke wanice cin hena etanhan;
Itancan waxte, eunkdaku miye.
Wicacante wiwanyake xni owasin
etanhan; witantanpi, woikdatan, qa wanaicirmapi hena etanhan; wowinazi,
awacinkicinkopi, qa wowacinko, qa wacantkiyapi xni hena owasin etanhan.
Itancan waxte, eunkdaku miye.
Woartani wicotawacin qa wicotawacin
ecetu xni hena owasin etanhan; Wakanxica wa wicatancan kia en qa maka etanhan
woknayepi hena owasin etanhan;
Itancan waxte, eunkdaku miye.
Wakankdi qa tateiyumni hena etanhan; wowayazan, makoxica, qa wicaakiran
hena etanhan; wicokicize qa tinwicaktepi, qa wicunte oranko etanhan;
Itancan
waxte, eunkdaku miye.
Wokipajin, narmana wicowicaca xni kuwapi qa wokunze kipajinpi
hena owasin etanhan; wounspe wicakapi xni, wowicada tokeca kagapi, okodakiciye
yuxkixkapi hena owasin etanhan; cante ikduteripi qa Nioie qa Wosukiye
nitawa oxtekdapi hena owasin etanhan;
Itancan waxte, eunkdaku miye.
Unkicerpipi kin wakanyan
edaku okicarnirpica xni kin eciyatanhan; Nitonpi wakan qa Ohomni banixpapi kin
hena eciyatanhan; Baptem nicupi, Akiranniciye cin qa Wawiyutanyan yaun kin hena
eciyatanhan;
Itancan waxte, eunkdaku miye.
Nicakije qa We Tenimni kin hena eciyatanhan;
Canicipawega nitawa qa Nicakije teri hena eciyatanhan; Nitowicunte teri qa Niknakapi
hena eciyatanhan; Wowitan kduha yakini qa Wankan yakiyakde hena eciyatanhan;
wa Woniya Wakan u kin he eciyatanhan;
Itancan waxte, eunkdaku miye.
Wicocante xica unyuhapi owasin
en; waunpipi owasin en; untapi en qa wicayasupi anpetu kin en;
Itancan waxte,
eunkdaku miye.
O Itancan Wakantanka, waunrtanipis’a naunyarunpi kta iceunniciyapi;
qa Okodakiciye wakan nitawa ataya kin canky owotanna kin he oknayan
owanyake ca waecunyakiyin kta, hecen iyonicipi kta;
Itancan waxte,
naunyarumpi kta iceunniciyapi.
Wicaxa Itancanpi kin owasin qa ihukuya Wicaxa
Itancan onpe kin wicaduwaxte kta qa owotanna waecunpi qa wowicake yuhapi kta
e wowaxte wicayaqu kta, hecen iyonicipi kta;
Itancan waxte, naunyarumpi kta iceunniciyapi.
Waawankdaka onpi, Woxnakaga, qa Tawoaxiyepi kin, Nioie kin tanyan
okicarnir wicayayin kta; hecen oiepi qa oranpi kin, napin eciyatanhan
yutaninpi qa oyakapi kta, hecen iyonicipi kta;
Itancan waxte, naunyarumpi
kta iceunniciyapi. |
Nitaoyate kin owasin wicaduwaxte
kta, hecen iyonicipi kta;
Itancan waxte, naunyarumpi kta iceunniciyapi.
Oyate owasin
owanjipina, wookiye, qa okicize wanice yayin kta, hecen iyonicipi kta;
Itancan
waxte, naunyarumpi kta iceunniciyapi.
Cante un waxtenidakapi qa konicipapi unyaqupi
kta, qa Wosukiye nitawa kin ihakan, aiciciya unkopapi kta, hecen iyonicipi kta;
Itancan
waxte, naunyarumpi kta iceunniciyapi.
Nitaoyate kin owasin wowaxte wicayaqu kta
qa on Nioie kin unxiiciya narunpi kta qa awicakehan waxtedakeya icupi kta, qa
Woniya eciyatanhan waskuyeca kin yutaninpi kta, hecen iyonicipi kta;
Itancan waxte,
naunyarumpi kta iceunniciyapi.
Tona nunipi qa wicoowewakankan on dehanyag iyayapi
hena owasin wowicake wicoie kin ekta awicayaku kta, hecen iyonicipi kta;
Itancan
waxte, naunyarumpi kta iceunniciyapi.
Tona najinpi wicaduwaxakin kta; tona cante
sutapi xni wicayecanptin qa owicayakiyin kta; tona hinrpayapi yuwaknkan wicadaku
kta; qa owihanketa, Wakanxica unsihapi ihukuya erpeyayin kta, hecen iyonicipi
kta;
Itancan waxte, naunyarumpi kta iceunniciyapi.
Tona wokokipe, wicakijapi, qa woiyotan iyekiye en unpi kia hena
ewicadaku qa owicayakiyin kta, hecen iyonicipi kta;
Itancan waxte, naunyarumpi
kta iceunniciyapi.
Tona maka qa mini akan icimanipi kin owasin awanwicadakin kta,
tona winyan wakanheja yuhapi kta wokokipe kin he en, qa wicaxa wayazankapi
owasin, qa wakanheja owasin awanwicadakin kta; qa tona wayaka unpi
qa kaxka yankapi owasin nitowaunxida wicayakidutanin kta, hecen iyonicipi
kta;
Itancan waxte, naunyarumpi kta iceunniciyapi.
Wakanheja
atkuku nicapi, qa wiwazicapi kin, qa tona ixnana erpewicayapi qa xicaya wicayupahi
kin hena owasin, wowinape niyanpi qa wawicayecamna kta, hecen iyouicipi kta;
Itancan waxte, naunyarumpi kta iceunniciyapi.
Wicaxa owasin unxiwicayakida kta, hecen iyonicipi kta;
Itancan waxte,
naunyarumpi kta iceunniciyapi.
Tokaunyanpi, kakixunyanpi, qa unkaiapi kin, hena
wicayercicajuju kta qa cantepi kin wicaduhomni kta hecen iyonicipi kta;
Itancan
waxte, naunyarumpi kta iceunniciyapi.
Maka etanhan waskuyeca kin unyaqupi qa uneciduhapi
kta, hecen tohan iyehantu hena on unkiyuxkiapi kta, hecen iyonicipi kta;
Itancan
waxte, naunyarumpi kta iceunniciyapi.
Awicakehan woiyopeiciye unyaqupi kta; woartani,
woawacin xni, qa wookicarnige xni, unyuhapi hena owasin unyecicajujupi kta; qa
Nioie Wakan eciyatanhan unkitonipi kin unkdutokecapi kta, Nitaniya Wakan towaxte
kin unyaqupi kta, hecen iyonicipi kta;
Itancan waxte, naunyarumpi kta iceunniciyapi.
Wakantanka Cinhintku, naunyarunpi kta iceunniciyapi.
Wakantanka Cinhintku,
naunyarunpi kta iceunniciyapi.
O Wakantanka Tarcaxunka Cincana tawa kin, maka
akan woartani yureyam iyeyaye cin;
Wookiye nitawa kin unqu miye.
O Wakantanka Tarcaxunka Cincana tawa kin, maka akan woartani
yureyam iyeyaye cin;
Onxiunda miye.
¶ Wicaxa Wakan kin cin kinhan, de ohakamtu
kin Wocekiye wan “O
Ateyapi, unxiiciya ceunniciyapi,” eyapi kin hehanyan eyin kte
xni.
O Christ, naunrun miye.
O Christ, naunrun miye.
Itancan onxiunda miye.
Itancan onxiunda miye.
Christ, onxiunda miye.
Christ, onxiunda miye.
Itancan, onxiunda miye.
Itancan, onxiunda miye.
¶ Hehan Wicaxa Wakan kin, qa Omniciye kin om, Itancan Tawocekiye
kin eyapi kta.
|
|
Ate unyanpi, marpiva ekta nanke cin, Nicaje wakandapi
kte. Nitokicunze u kte. Marpiya ekta nitawacin ecunpi kin, He iyecen
maka akan ecunpi nuwe. Anpetu otoiyohi aguyapi kin anpetu kin de unqu
miye. Qa unkix tona ecinxniyan ekaunkiconpi wicunkicicajujupi kin,
he iyecen waunrtanipi kin unkicicajuju miye. Qa taku wawiyutan kin
en unkayapi xni miye; Tka taku xice cin etanhan eunkdaku miye. Amen.
Wicaxa Wakan.—O Itancan, waunrtanipi
iyacinyan unkokiranyanpi xni miye.
Wayupte.—Qa nakun waunrtanipi
iyacinyan wixi unqupi xni miye.
Ceunkiyapi kta.
O Wakantanka, Ateyapi waunxida kin, cante iyopeiciya
cuwiokiniya kin, qaix tona iyokixicapi hececa cinpi kin hena erpewicaye
xni kin he niye; Wokakije qa wicocante xica unyuhapi owasin en, tohan
hena kakxunyanpi ca nitokam waceunkiyapi kin hena unxidaya ounkiya
miye; wa Wakanxica qaix wicaxa tonicaxapi xni qa woknaye tawapi kin
on, unkipajinyan xicaya oranyanpi kin, hena wokicamna waxte nitawa
kin eciyatanhan utakunipi kte xni e unxidaya naunrun miye; hecen nitawoaxiyepi
unkiyepi, wokakije takuna un kiunni unyanpi kte xni, qa ohinniyan Okodakiciye
Wakan nitawa kin okna wopida unnicupi kta; Jesus Christ Itancan unyanpi
eciyatanhan.
O Itancan, inajin, ounkiyapi qa Nicaje kin eciyatanhan eunkdaku miye.
O Wakantanka, hunkakewicunyanpi taanpetupi en, wa ehanna iyepi itokam
wicoran tanka ecanon kin, hena unkokiyakapi qa unnogepi kin on hena
naunrunpi.
O Itancan, inajin, ounkiyapi qa wookinihan nitawa
kin eciyatanhan eunkdaku miye.
Ateyapi kin, qa Cinhintku kin, wa Woniya Wakan kin,
hena wowitan yuhapi kta;
Otokaheta hecetu qun, qa dehan hecetu, qa maka owihanke
wanin, ohinniyan hecetu kta. Amen.
O Christ, tokaunyanpi etanhan wowinape unkiciyanka
miye.
Wokakije unyuhapi kin unxidaya atunwan ye.
Wicocante xica unyuhapi
kin wowaunxida yuha atunwan ye.
Nitaoyate woartani yuhapi kin unxidaya wicakicajuju
ye.
Wocekiye unkitawapi kin wacin en yusya qa wowaunxida yuha naunrun
miye.
O David Cinhintku, onxiunda miye.
O Christ, dehan qa ohinniyan naunyarunpi kta wacin yuza
ye.
O Christ, unxidaya naunrun miye; O Christ Itancan, unxidaya
naunrun miye.
Wicaxa Wakan.—O Itancan, nitowaunxida kin unkiyutanin miye.
Woayupte.—Wacin
unniyanpi kin heon.
Ceunkiyapi kta.
O Ate, wowaxake xni unyuhapi kin, ekta unxidaya ayatunwin kta, unxiiciya
iceunniciyapi; qa taku xica en unkupi kta iyecece cin, hena Nicaya
towitan kin un yureyam iyeya ye; qa, taku terika en unkipi kin owasin
en nitwaunxida ecena wacinunyanpi kta, qa owihanke wanin nitokan wowakan
qa woyuecena en unnipi kta, heon wookinihan wa wowitan kin hena duha
kta; Wawiciya qa Otahenaiyaye hecena unyuhapi kin, Jesus Christ Itancan
unyanpi eciyatanhan. Amen.
|
Lord's Prayer |
Owancaya Wopidaeyapi wan.
Wakantanka iyotan waxaka, wowaonxida owasin Ateyapi, taokiye wicayaye
kta iyeuncecapi xni kin he unkiyepi; unkiyepi qa wicaxa owasin en nitowaunxida
qa nitowaxtedake kin on unxiiciya qa awicakehan wopida unkeniciyapi.
Unyakagapi, unyaduhapi, qa wiconi kin de en taku wowaxte unyaqupi kin
hena on unniyawaxtepi; tka iyotan Jesus Christ Itancan unyanpi eciyatanhan
wicaxa maka oknaka owasin niwicayakiye cin heon; wowaxte okihi unyayapi,
qa wowitan wacinunyanpi kin hena on unniyawaxtepi. Oa, nitowaunxida
owasin tanyan okicarnir unyayapi kta iceunniciyapi, hecen unkicantepi
kin awicakehan wopida eyapi kta, qa nitoyatan kin, unkipi ecena on
xni, tka unkoranpi kin nakun en unyataninpi kta; nitoran kin en unkicicupi
kta, qa tohanyan unnipi hehanyan nitokam wowakan wa wicoowotanna en
maunnipi kta: Jesus Christ Itancan unyanpi eciyatanhan, he niye, wa
Woniya wakan kin, wookinihan wa wowitan owasin, maka owihanke wanin
yuha nuwe. Amen.
|
General Thanksgiving |
St. Chrysostom Tawocekiye wan.
Wakantanka iyotan Waxaka, wowaxte unyaqupi qun heon dehan owanjina
niye ekta waceunniciyapi; qa tohan tukten nupa waix yamni xa Nicaje
on witaya yankapi kinhan taku dapi kin hena wicayaqu kta iwahowicayaye
ciqun; Nitawoaxiyepi token cinpi qa icekiyapi kin, token kiciyuwaxtepi
kte cin he iyecen, dehan, O Itancan, wicayeciduecetu nuwe; Wiconi kin
de en wowicake nitawa etanhan woksape kin he unyaqupi, qa tokata kin
he en wiconi owihanke wanice cin he unqu miye.
1 Corinthians, xiii. 14.
Jesus Christ Itancan unyanpi towaxte kin, qa Wakantanka towaxtedake
kin, qa Woniya Wakan okodakiciye kin, unkiyepi owasin om owihanke wanin
un nuwe. Amen.
De en Litany ihanke. |
Prayer of St. Chrysostom |
