WILAWĀL
GIGĪANGWĀKLTHUM GUNKLĀG

a da tkānī sha a tkash gaulthit.

¶ Wil hī shidāt ga gigīangwaklthum gunklāg gut ada dumt līazak da Minister a dum wī amkou dit a ligi gūal ligi alish ga da Verses a Shaōnshk gish ga Shimoigiat ga lakāga gut in yāk a dit. Ada dum wul hou da da gau damt ga da da n’tkalān Verses.

    Zida ltha zunsh yeltk a da hadak ga da giat na hadak ga dit gu na wāl dit, ada wāl da da gau hoigiak a dit dilth gup wilalaut, ada dumt dimaut ga na auzun dit a gundidōlshit. Ezekiel xviii. 27.
    Nēunō na wul gishgīshūt, ada lthāwila shkāhoksh ga na hadak gūt a hazāklth gūt. Psalm li. 3.
    Yū zant a na hadak gūt, ada ma shalthīl tkānī na gishgīshum wālūt. Psalm li. 9.
    Na ōmgauksh ga Shimoigiat ga lakāga gwashum haiikut: gwashum giluksha-aiitikshum gaud O Shimoigiat altha ma dum shkāghuit. Psalm li. 17.
    Bakbēgul gagaudshimt, ada al aina na wishwash a shimt, ada yilyēltk ga shim ash ga Mīyān ga na Shimoigiat ga shimt; āwul ama gauid ga, ada hūkgumgaud ga, laltgum lthūnti ga, ada wīlēksh ga na ama giat, ada gāghunsh ga hadak ga ga. Joel ii. 13.
    Mīyān ga Shimoigiat gum ga nha wāl da da gumgaudit dilth shalthilukshat, zō ltha libilt wālt gum gat nīat ga; ada althga dup wāunsh ga amhoush ga Mīyān ga Shimoigiat gum ga, a dum wālukshum gish ga na wilaigiaut ga, gu ltha dau-i dada hazazāklth gum. Daniel ix. 9, 10.
    O Mīyān shita gaudī, ada ma am dapt, ain a da lthūndunt, op ma za zīabuli. Jeremiah x. 24.
    Gilukshat-aiitiksha shim, āwul ltha gaiyim gwai shga na kingdomsh ga lakāga. Matthew iii. 2.
    Dum haldumbānū ada n’dum gau Nagwādū, ada dum hou-i gish niat, Nagwādi, ltha hadaki gish ga lakāga dilth zant, ada althga gik tkalāmi alth dumt kshlthgōlthunīa gwan. Luke xv. 18, 19.
    Gilau ma dap a tkalwālimlth O Mīyān, āwul althgat nālth didōlsh a da zant gu za wha hadak gut. Psalm cxliii., 2.
    Ami houm da wha hadadak gumt ada lip giluksh yakyāmuk shimt; ada althga hoksh gulth shimhou a gum; ada al amī dup nēum na hadadak gumt, shimhou ga ada hoigiakt ga, a dumt shalthīl na hadadak gumt, dilth dumt shikshakshinumt a tkānī wha hoigiak a dit. 1 John i. 8, 9

Shipshīebunum waikia haiizum ga num inkshgegedum wul hakhoksh ga dida Shaonshk gishga Shimoigiat ga lakāga dup dum nēun na whamat gum hadadak gumt, ada dup dum wha līyūāda dit ash ga hazāklth gish ga zalsh ga Tkāgutgiatgum Shimoigiat ga Nagwādum ga lakāga; ada al dup dum yagai nēun dit a mauakum, giluksh-aiitiksh dilth hūkwāunshgum gaudit; dup dum wul wā dum gunshālthilk a dit, ash ga na whati shābām āmt ga dilth na gumgaud ga. Ada zō gup am lthāwila dup dum da makmauakum nēun na hadadakum gish ga hazāklth gish ga Shimoigiat, ada yagai am gup zhū gum wālumt, zida shgait yām a dum doiyigumty ash ga wīlēkshum kshtām gu dokum gish ga gāanont ga; dilth dup dum tkalam’m gwanīazunsh ga na wīlēkshum amadālgush gum gish niat; dilth dup dum naknōsh ga shim n’thlōdukshum algiakt ga; gunlth dup dum gwanō gau gu nhahagaum tkamaut dilth auzunt. Nī nī gun na gwanō da da gwashim shkabū hakhoksh ga dīya gwa, ma dum shim hoksh gūt, a shikshakshgum gagaudit dilth makmauakum gāamhout ash ga āwāsh ga na halīdhāsh ga na āmsh ga lakāga.
 

lōyāka houyū;

¶ Shgait nēunshk gu dum hou tkānī giat at lōyāka Minister; tkānī da dum klthumgulgaiishuk ga dit.

    Tkāgutgiatk ada Hūkgumgaudum Nagwāt ltha dup kudaksh ada dup zunsh libagait wāluksh a na gaiinunt hoigiakum gwātgum mati. Ltha gul zhu dup yāk a na shanāshk dilth nhahagaum lip gagaudumi. Ltha dup bilau n’lthōdukshum yaoulthimgush gunt.
    Ltha althga walumi gau n’dum al wālumi: ada al ltha yagai wālum da gau, n’dum al wha wālum: gun althga shgūilth gutgiat a gum. Ada alt nūngunt O Mīyān gumgaudun a gum hākhākum hadadakunumi.
    Gumgaudun ash dup nīat O Shimoigiat gut’in nēun na gishgīsh dit. Gikmakshun a lūgilukshat aiitikshum gagaud a dit, nīwālda na gup ēshgunt, malthk ga da da giatit ash Jesus Christ Mīyānum ga. Ada wān O Hūkgumgaudum Nagwāt ash nīat gulth gunwān, wāt ga da da gīoun, dum gup lthāwila ām’m, hoigiaka, dilth shakshgum dildōlshumt; dum wul lthaut ga n’lthōdukshum wānt. Amen.

¶ Absolutiont dum gaulu hou Priest a dum haiitk ga dit, ashi klthumgulgaiishuk ga giatit.

Tkāgutgiatgum Shimoigiat, Nagwātsh ga Mīyānum gat Jesus Christ, gu wha hashaga da da dum zak a hadak ga da giat; yagai al dumt zunsh yēltk ga na hadak ga dit, ada dum didōlsh dit adat ginamsh ga gutgiatk ga dilth yaoulthumgush gut gish ga na Ministers gut ga, a dum algiakt ga dilth dumt malthit gish ga gilukshat aiitikshum ga-gaaudum zaptk ga, a dum shalthīlt ga hadadak ga dit. Nīat ga t’in shalthil na hadadak ga tkānīsh dup nīat gu shimhoum gilukshat-aiitiksha dit, dilth lugwul shimhoudikshit gish ga Amt ga na Mālsh gut ga. Nī nī gun shūun za gup dup gwanō dish nīat dumt ginam da da dgum shimhoum gilukshaiitikshum gaudit, dilth Am da Haiikut ga, dumt wul shalthgwushghūut ga gau hūwālumī gīoun; ada dum gup wul hāzush lthāwila shikshaksh gum dilth dum ām na dildōlshumt; dup dum wul wāsh ga whati shābām gun lūamagaud ga, a za lthā shābāt, āwult Jesus Christ Mīyānum dum gunwāl dit.

¶ Dum dīlamak ga giat diya gwa, dilth gup tkānī wul shā gulth nakazāō gigīangwāklthit a. Amen.

¶ Ada dum wul klthumgulgaiishuk ga Minister, ada dum hou da da gigīangwāklth shga Mīyān ga, a dumt alūdāun amhou dit; a dum di klthumgulgaiishuk ga giatit ada dum dīt shila hou dit, a nī nī gwa dilth gup ligi n’da wul hoiik ga dit a Divine Service.
 

    Nagwādum gu zin lakāga n’lthōduksha na wānt. Am dum goiduksha na kingdom gunt. Shagaud-gun dum wāl halizokum nīwālda zim lakāga. Ginamlth a gum a sha gwa ām da shkabū wunēumt. Ada ma shalthīl na hadadakumi nīwālda dup wila shalthīl na hadak ga dī da gum. Ada gilau ma za dadēunt gum shpugait gun shpālt gaudit.
    Ada ma al dīlamaud gum a hadak gut.
    Awul nūngun nha wāl da da kingdom, dilth gutgiatit, dilth n’lthaumsh gut: ada dum lthā wila wāl dit. Amen.

¶ Ada dum gik wul hou dit.

    O Mīyān gāga gagwultha gumi.
    Dīlamak. Ada dumt gwanīazun da zumak gum na ama-dālak shunt.
    Priest. O Shimoigiat dīun a ma dilamaud gum.
    Dīlamak. O Mīyān dīun a ma lthimaum’m.

¶ Gwai dum wul shugait-maksh ga dit, ada dum hou Priest.

    Dum shugait n’lthaumsh ga ga Nagwāt ga dilth Lthgōlth ga ga, gunlth Am da Haiikut.
    Dīlamak. Na guni wila wālt gish ga wilhīshidhāt ga ga, gik wāldi gīoun, ada gup lthā dum wila wāl da wugait althga dum shābāt. Amen.
    Priest. Āma daluksh ga Mīyān ga.
    Dīlamak. Dum ama dāluksha ga na wāsh ga Mīyān.

¶ Ada dum wul hou di ligi dum līamī dīyā Psalm gwa. Venite exultemus Domino. Psalm 95.

    1. O gul shūunza līamīn ash ga Mīyān ga: lān za shim lūumam gāgaudumi ash ga na laubsh ga gun līmaud gum ga.
    2. Shūun za gutgoidukshum ash ga hazāklth gut ga a dum doiya gumt: dilth dup dum gwanīazum lūumūm gagaudum līamīm dish nīat.
    3. Awult Jehovah wīlēkshum Shimoigiat: ada gāksh lakam King da da tkānī shimgigiat.
    4. Zim anont ga tkānī wilgāga halizokum: ada gik nīat ga nha wāl da da na gutlata shikshkunīsh dit.
    5. Nīat ga nha wāl da da lakakshit, ada n’t zap dit: ada anont ga t’in gwuldum gouun ghūanukshum lak yōbit.
    6. O gul waza dup lthaudit ada dum klthnādau gum: dilth dum klthumgulgaiishūk gum ash ga hazāklth gish Jehovah na’ tin zapumi.
    7. Āwult nīat ga Shimoigiat gum ga: ada nūngum ga n’zapt ga di’tkauk gunt ga, dilth mati gish ga anont ga.
    8. Sha gīoun ami maza shim naknōsh ga amhout ga, gilau mashim shashāipk ga gagaud shim: nīwālda na wāldi da Meribah, dilth shā gish ga Massah gish ga lak zakum yōb ga.
    9. N’dat shagulth nīaza da na gānagwāt ga shim gaudū: bāl da da shkadikgaudū, adat nī na halthālshū,
    10. Tkālpka wilgiap galth shanuka lūhāk ga gaudū a wilshidhāt gagiat gwa, ada houyū: gup gishgīshum gagaudum giatit, āwul hāwulth gut wilai wilāgīauyūt.
    11. Nīnī na gun gup houyū da n’da lthūntīyū a dum whati lāmzak da da shpugait gun shkait gut.
    Dum shugait n’lthaumsh ga ga Nagwāt ga dilth Lthgōlth ga ga, gunlth Am da Haiikut.
    Na guni wilawālt gish ga wilhishidhāt ga ga, gik wāl di gīoun, ada gup ltha dum wila wālda wugait althga dum shābāt. Amen.

¶ Ada dumwult yā ga da Psalms nīwālda n’t wila ama īyan dit.

¶ Ada zia shishāgulth a tkānī Psalm a tkash gaulthit, dilt gik da shāgulth a Benedictus, Magnificat ada Nunc Dimittis, ada dum hou di da.

    Dum shugait n’lthaumsh ga ga Nagwāt ga dilth Lthgolth gagag, gunlth Am da Haiikut;
    Dīlamak. Na guni wila wālt gish ga wilhīshidhāt ga ga, gik wāl di gīoun, ada gup lthā dum wila wāl da wugait althga dum shābāt. Amen.

¶ Ada dum wul ama līazk ga kshgauga da Lesson da wātksh a dada lthā Testament nīwālda na hou Kalender, amuksha zida lip tkal shgū za Lessonsh ga shā ga. Nīat ga gu līazk ga dit dum haiit gut a dumt wila ama naknō da tkānī hakhoksh ga dit.

Zida ltha goudi dit, ada dum wul hou di ligi dum līamī da da Zimshian a līamī shawāt ga da da Te Deum laudamus a tkānī sha tkash gaulthit.

¶ Nīlth. Na gauga tkānī Lesson ada dum hou Minister. “Gwai wil kshawāt ga gian Chapter, ligi. Verse a gian Chapter, a gian a Shāonshk gut.” Ada zida ltha goudi tkānī Lesson ada dum hou da “Gwai wil shābā kshgauga da ligi n’anīyā da Lessont.”
 

Te Deum laudamus.

    Dup ama dāl gunt O Shimoigiat: gup nēunumt nūngun shim Mīyānt.
    Tkānī halizokut t’in gigīanak gunt: aiegedum Nagwāt.
    Ash nūngun wul wīamlahou dash ga tkānī angels: lakāga dilth gutlat ga lūwānt gut.
    Ash nūngun wul lthā wila: wīamlahou da Cherubum dilth Seraphim.
    Holy, Holy, Holy: Mīyān Shimoigiatum Sabāoth.
    Lakāga dilth halizok: shim holt ga da wīlēkshumt n’lthaudunt.
    N’lthaumsh gum shugait-na-daltha Apostlest: t’in ama dāl gunt.
    Ama wilshugait-wān a Prophets: t’in ama dāl gunt.
    Alalgum wilshugait-daltha Martyrs: t’in ama dāl gunt.
    N’lthōdukshum Church tkānī halizoka: t’in nēunsh nūngun.
    Nagwādsh ga: wha wul shābām n’lthaumsh ga ga.
    Na wīlēkshum, shimhoum; dilth gaulu Lthgōlth gunt.
    Dilth gik nī Ām da Haiikut: tin hūk-shagun-daoultha gaudit.
    Nūngun King n’lthaumsh gut: O Christ.
    Nūngun aiegedum Lthgōlth: gish ga Nagwāt ga.
    Nam da gā ma dum dīlamaut ga giatit: althga nam balth-gaud ga dum kshlaklakun da Whagulgiat ga dit.
    N’da gā’-gutgetun da na gushk ga gun didhūit: nam da gkāgash ga kingdomsh ga lakāga a tkānī gashimhoudiksh a dit.
    Gup dhān da nakshimyāōn shga Shimoigiat ga lakāga: shpugait n’lthaumshgum Nagwāt ga.
    Gup shimhoudikshanum: dum goidukshint a ma dum dapumi.
    Nīnī dup gun gigīanak gunt ma dum lthimaum tkalhūkwālimlth gunt: gu na lipgigian’n da n’dauklth gum ilthēunt.
    Sha shugait līazklth dilt umāmt gunt: shpugait aiegedum n’lthaumsh gut.
    O Mīyān dilamaut ga n’zapunt: ada ma gumgaud ga na-gian’nt.
    Algiakgush dupnīat: ada lthā ma wila manpishpazit.
Tkānī sha: dup ama-dāla gunt.
    Ada dup gigīanak ga na wānt: ltha dum wilawālt, althga dum shabat.
    Gwanīshk gun O Mīyān: ma dum dukdokum a sha gwa dum wul wha hadadak gumi.
    O Mīyān gumgaudun a gum: gumgaudum a gum.
    O Mīyān ām a līdau na gungaudun lakaumpt: āwul wayikyauksh gum da gwan.
    O Mīyān nungun wul wayauksh gut gilau ma za anauk za zaugai.

¶ Ada dum wul gik līazk ga n’anīyā Lesson da wātk sha da da Shu Testament, a na ltha wila hou dit. Zida lthā goudit ada nīnī līamī gwa.

Benedictus. St. Luke i. 68.

    Gumgaulth wālsh a Mīyān ga Shimoigiat gish Israel: āwul lthat zilaiyut adat kshagigīak shga n’zapt ga.
    Ada lthat haiyinsh ga dum gutgiatum gun līmaut gum ga: ash ga na wālbsh ga tkalwālimlth gut David ga.
    Nīwāl ga n’lthā algiakt gish ga gāzumāksh ga Holy Prophets gut ga; ash ga amgait wilhī shidhāt ga ga.
    Gu dum dīlamautkshum da nibulthgaush gunt: dilth gā-anon tkānī t’in libālukshumt.
    Dumt lū hoigiakunsh ga gumgaud ga na ēsh gut gish ga na gaugum ga: dilth dumt ābakash ga na Holy Covenant ga.
    Dumt lu hoigiakunsh ga na ēsh gut gish ga na gaugum gut Abraham: dumt ginamt a gum.
    A lthā wul dīlamautkshum da gāanon nibulthgaush gumt: dup dum gun yāk gut ga a wha libāshumt.
    Ash ga n’lthōdukshit dilt hoigiakut hazāklth gut ga: shkanak za dildōlshum.
    Ada nūngunt Lthgūwaumlthk dum shuwātk ga dalth Prophet gish ga gālakāt: āwul dum kshkaugun gish ga zālsh ga Mīyān, ma dum gwildumgouunsh ga na gaiinat ga.
    Ma dum ginam gun-wilaigilshum gun-līmaut gut gish ga n’zapt ga: nini dum wul shagiamuksha na hadadak ga dit.
    Ash ga na wul shīebunsh gum gumgaudsh ga Shimoigiat gum ga: gu wul kshwāt ga ukshīā gwa zīosh dit t’in nīazimt.
    Dumt ginam goiba dish dup nīat gu wan da da shpugait shkēatk dilth shpugait gun-auzunak ga gun-didhūit: dilth dumt dadēunt ga gāshishīuumt a gaiinum giakshit.
    Dum shugait n’lthaumsh ga ga Nagwāt ga, dilth Lthgōlth ga ga, gunlth Ām da Haiikut.
    Na guni wilawālt gish ga wilhī shidhāt ga ga, gik waldi gioun, ada gup ltha dum wila wal da wugait althga dum shabat. Amen.

¶ Ligi Psalm gwa.

Jubilate Deo. Psalm c.

    O galthgwushgū da nash ga Mīyān ga tkānī lak yipyōbut: yā gish ga Mīyān ga a di lū-amagaudlth, ada goidukshum ash ga hazāklth gut ga liamit.
    Shimgiat wilai Shimoigiatsh ga Mīyān ga: nīat ga na t’in zāpm ada althgat lip nūngum.
    Nūngum ga n’zapt ga; dilth na mati gut ga dit-tkauk gunt ga.
    O shimhabsh ga na lukshaukt ga alth doiyukshim; dilth na zim tkākt ga alth ama dālgush ga shim.
    Doiyuk shim ash nīat: ada ama alaliak shim ash ga na wāt ga.
    Awul āmsh ga Mīyān ga, aieget ga na gumgaud ga: ada lthā wila wālsh ga na shimhout ga a wul shahūkwantk ga giatit.
    Dum shugait n’lthaumsh ga ga Nagwātga dilth Lthgōlth gagag, gunlth Am da Haiikut.
    Na guni wila wālt gish ga wilhī shidhāt ga ga, gik wāl di gioun, ada gup ltha dum wila wal da wugait althga dum shābāt. Amen.
 

¶ Ada dum wul līamī, ligi dum houdi da Creed a Apostles, gu Minister dilth giatit a dum maksh ga dit.

    Shimhoudikshanū gish ga gup gault ga Shimoigiat ga: Nagwāt ga: Tkagutgiatk ga ga: Inzabsh ga lakaga dilth halizokum: adat Jesus Christ ga gupgaulu Lthgōlth gut ga, Mīyānum ga: gu na goidukshit gish ga Am da Haiikt ga: kshlaklak gish ga whagulgiatk gish Mary: hāgunsh dup Pontius Pilate: tkaldāpgunt gish ga lak kuzāk, ada zakt ga, ada wākshit ga; tikidaoulth gish ga hābsh ga dhūit ga; kwun shā diga sha ga ada gik ginīat gut ga wātgut gish ga shpugait dhūit ga; ada mandāoulth gish ga zim lakāga; ada dhāt gish ga na shimyounsh ga anonsh ga Shimoigiat ga, Nagwāt ga, Tkāgutgiat ga ga. Dum gik goiduksh ga dum wātgut gish ga kwash ga a dunt dapsh ga dildōlshit ga dilth dhūit ga.
    Shimhoudikshanū da Am da Haiikut: dilth ām da shugait gūilum Churchut: dilth n’shilawāl da umām dit: dilth shalthīlth ga na hadadak gut: dilth dum gik nhanīada tkamaud: dilth aiegedum gundidōlshit. Amen.

¶ Zida ltha goudit ada wul nīnī gigīangwāklth a gwa, tkānī da dum na da makmaugum gālthumgulgaiishu ga dit, ada dum kshkaugum hou dit a wīam hou dit.

Dum hoksh ga ga Mīyān ga gwashim.

Dilamak. Dilth na di haiikunt.
Minister. Shuun za gigīangwāklthum.
Mīyān gumgaudun a gum.
Gīat. Christ gumgaudun a gum.
Mīyān gumgaudun a gum.

¶ Ada dum wul hou Minister dilth giatit ash ga gigīangwāklthsh ga Mīyān ga a dum wīamlahou da dit.
 

Nagwādum gu zim lakāga: n’lthōduksha na wānt. Am dum goiduksha na kingdom gunt. Shagaud-gun dum wāl halizokum, nīwālda zin lakāga. Ginamlth a gum a sha gwa ām di shkabū wunēumt. Ada ma shalthīl na hadadakumi, nīwālda dup wila shalthil na hadak ga di da gum. Ada gilau ma za dadēuntk gum shpugait gunshpālt gaudit. Ada ma al dīlamaud gum a hadak gut. Amen.

¶ Ada dum wul haiitk ga Minister a dum hou dit.

    O Mīyān gwunīazun na gumgaudint a lakomt.
    Dīlamak. Ada ma ginam na gunlīmaut gunt a gum.
    Priest. O Mīyān dimaut gish Queen.
    Dīlamak. Ada gumgaudun naknūm a dup da hūit gunt.
    Priest. Wishwāshun na Ministers gunt a hoigiak a dit.
    Dīlamak. Ada ma sha galthgwushgū da na kshnaknīshgum zāpunt.
    Priest. O Mīyān dilamaut ga n’zapunt.
    Dīlamak. Ada ma gumgaudk ga na giant.
    Priest. Ginamlth gungiaksh a ashīt nūngumi O Mīyān.
    Dīlamak. Awul althgat gik nā za t’in lthānum amuksha nūngunt O Shimoigiat.
    Priest. O Shimoigiat lūshikshakshun gagaudumi.
    Dīlamak. Ada gilau ma za kbagā n’lthōduk shim Haiikunt a gum.

¶ Ada dumt wul yā ga da gwilī da Collects; Kshkauga da dash ga sha ga; ada wul nhaanīyā da dum giakshit; ada na gwilī da dum āmt a dum gun ama dildōlshit.

Ada gōpul da kshtalām Collects althya di sha lukshgiat gut, ada al yagai lthā wila dum hoiik ga dada tkānī shat a gigīangwāklthum gunklāg a tkash gaulthit, nīwālda a gwa; tkānī da dum gālthum-gulgaiishu ga dit.
 

Nhaanīyā Collect a gungiakshit.

O Shimoigiat t’in zāpa gungiakshit, dilth t’in shīebun shugait gūilum gagaudit, t’in ginam aiegedum gundidōlshit ash dupnīatit gu t’in wilaiyunt; dilth shimlipgigiat a da dī t’in yā gunt. Lthānum gu makmauakum tkalhūkwālimlth guni a tkānī dum wult ashtiwilāok dum nibulthkaush gumt: ada ni dum wul shimhoum waiyau kshgumt a na lthānumsh gunt, dum gun wha libāsh dum da da gutgiat a ligi t’in libiltwālt gumt, āwul na gutgiats Jesus Christ Mīyānum ga dum gun wāldit. Amen.
 

Gwilī Collect a āmt.

O Mīyān Nagwādum ga lakāga, Tkāgutgiat gum, aiegedum Shimoigiat gu t’in dīlamaut gum duwātumi wilshidāt ga sha gwa; lthanum a na wīlēkshum gutgiatun za wī shā sha, dum wul wha lū tikiklthālum da hadak gut, ligi dum wul wha lu-gumgolthum da gun ashtīwalt; ada al dum yagai ama dau tkānī wālumi a na aiyāogush gunt; dum wul gwulazugā wālum da hoigiak a da da zānt; āwul Jesus Christ Mīyānum ga, dum gun wāl. Amen.

¶ Gwai dum yā ga līamit.

¶ Ada wul gwai kushtōnsh a da gigīangwāklthum a dum līazak ga dit a gwa; aina zida al Litany za līazak gut; ada ni dum da līazak ga umgōpil da kshtalān dit, nīnī wila wān dit.
 

Gigīangwaklth a dum wul ām wila wālsh Queen.

O Mīyān Nagwādum ga lakāga, lakā ada gutgiat King gulth Kings, Mīyānlth gāmīyāntk, t’in gup gaulū Algiak gulth Princes, gu t’in nī tkānī wāl diyā lak halizokut; shim shishgwungātiksh-a-num da gwan, ma dum ama-giatum nī ama Mīyānum Shigitumnā gumt Queen Victoria, ada nī ma ho’nt ā na ām Ām da Haiikunt, dum wul lthawila hukwaiyauksh ga da da na shigaud gunt, ada dumt lūyāka wilaigiaunt. Wīlēkshlth ma sha-ama wālt a na kshaginamum lakānt; ginamlth ash nīat dum nagum didōlsh dit a gutgiatit dilth dum ām wilawāl dit. Sha gutgetlth a dum gākshtā da da tkānī nibiltkaushk ga dit; ada zida lthā shābā gun-didōlsh a gwa, dumt wā aiegedum gun lthgwushghūit dilth gun lūama gaudit: āwult Jesus Christ. Mīyānum dum gun wāl dit. Amen.
 

Gigīangwāklth a da Royal Family.

Tkagutgiatkum Shimoigiat wulukshawāt gulth tkānīlth ām, damakmaukum gwanōyum da gwan ma dum gumgaud gish Albert Edward, Prince of Wales, Princess of Wales, dilth gup tkānī wulnadalth dit, ada dilth nī Governor-General.
    Hanhonlth a Ām da Haiikunt; sha amagāwālth a na ām’m lakānt: gumgaud gulth a tkānī gun lū-ama-gaudit: ada ma duwitwā da da aiegedum kingdomt, āwult Jesus Christ Mīyānum ga dum gun wāl dit. Amen.
 

Gigīan a da Clergy dilt giatit.

Tkāgutgiatkum Aiegedum Shimoigiat gu t’in gaulū halthāl wīlēkshum n’lūshanālthashk gut; tikihaiizlth ā lakau Bishops gumt dilth Ministersit, dilth tkānī wil shugait-yikyā-giatit gu lip habilbaul da dit, na gutgiatum Haiikut a na āmint; dilth dumt wul shimhoum sha lthgwushghūun gun lthā ma wila tikiya’an na gumgauunt a lakau dit: ginam gwa O Mīyān dum wul lthaut ga t’in Awulmak dumt dilth Lākakyāt gun gut Jesus Christ ga. Amen.
 

Gigiangwaklth Saint Chrysostom.

Tkāgutgiatkum Shimoigiat ga lthat’in ginam ām da gum, a shugait guil gagaudumt dup dum gigīanak gunt gīoun; ada gup ēshgun, zida shugait wan dup kudōl dit ligi gwilaun dit a na wān gunwāl dit, dum ginanum a gwunōidit. Wāunlth gīoun O Mīyān n’nhahagaum dilth na gigīangwāklth a tkalhūkwālimlth gunt gu dum yagai gā-ām da dish dupnīat, ginamlth a gum a gwai halizok dup dum wilai na shimhouunt, dilth dum aiegedum dildōlshum gish ga halizokum gish ga gaugum ga. Amen.

2 Corinthians xiii.

Na āmsh ga Mīyān gut Jesus Christ, dilth na shīebunsh gish ga Shimoigiat ga lakāga, dilth na shila wālumsh gish ga Am da Haiik ga dum gup lthāwila hoksh ga da da gum.

Gwai wul Shābā wila giant ga gigīangwāklthum gunklāg gut a tkash gaulthit.