ETTUNETLE

TUTTHUG ENJIT GICHINCHIK

AKỌ

SAKRAMENT RSIKOTITINYOO

AKỌ CHIZI

THLELCHIL NUTINDE AKỌ KINDI
KWUNTTLUTRITILI

INGLAND TIILELCHIL CANADA KWI ZIT
TUNGITTIYIN KWIKIT

TAKUDH TSHA ZIT THLETETEITAZYA

VEN. ARCHDEACON McDONALD, D.D.

KIRKHE

AND

ADMINISTRATION OF THE SACRAMENTS

AND OTHER

RITES AND OEREMONIES OF THE CHURCH

ACCORDING TO THE USE OF

THE CHURCH OF ENGLAND IN CANADA

[The Tables are printed in English. and the references for Epistles and Gospels are inserted. Prayers for the Governor-General of the Dominion, and for the Dominion Parliament are included (also the Ordination Service).]

TRANSLATED INTO THE TAKUDH TONGUE

BY

VEN. ARCHDEACON McDONALD, D.D.

REVISED EDITION.

LONDON

SOCIETY FOR PROMOTING CHRISTIAN KNOWLEDGE
HOLY TRINITY CHURCH, MARYLEBONE ROAD, N.W. 1

1957

PRINTED IN GREAT BRITAIN BY RICHARD CLAY AND COMPANY, LTD., BUNGAY, SUFFOLK

THE CONTENTS OF THIS BOOK

THE ORDER FOR MORNING PRAYER . . . . . . . . 7

THE ORDER FOR EVENING PRAYER . . . . . . . . 28

THE CREED OF ST. ATHANASIUS . . . . . . . . 43

THE LITANY . . . . . . . . 47

PRAYERS AND THANKSGIVINGS FOR SEVERAL OCCASIONS . . . . . . . . 57

THE COLLECTS, WITH REFERENCES FOR EPISTLES AND GOSPELS TO BE USED AT MINISTRATION OF HOLY COMMPNION THROUGHOUT THE YEAR . . . . . . . . 73

THE ORDER OF MINISTRATION OF THE HOLY COMMUNION . . . . . . . . 116

THE ORDER OF PUBLIC BAPTISM. . . . . . . . . 148

THE ORDER OF PRIVATE BAPTISM . . . . . . . . 158

THE ORDER OF BAPTISM FOR THOSE OF RIPER YEARS . . . . . . . . 166

THE CATECHISM . . . . . . . . 177

THE ORDER OF CONFIRMATION . . . . . . . . 186

A TABLE OF KINDRED AND AFFINITY . . . . . . . . 193

THE FORM OF SOLEMNIZATION OF MATRIMONY . . . . . . . . 194

THE ORDER FOR THE VISITATION OF THE SICK 206
THE COMMUNION OF THE SICK . . . . . . . . 223

THE ORDER FOR BURIAL OF THE DEAD . . . . . . . . 226

THE THANKSGIVING OF WOMEN AFTER CHILDBIRTH . . . . . . . . 239

A COMMINATION . . . . . . . . 243

THE PSALTER. . . . . . . . . 254

A PRAYER FOR THE GOVERNOR-GENERAL. . . . . . . . . 447

THE FORM OF MAKING AND ORDAINING DEACONS. . . . . . . . . 449

TABLES OF LESSONS . . . . . . . . 467

TABLE OF PROPER PSALMS . . . . . . . . 469

TABLES AND RULES FOR THE FEASTS AND FASTS THROUGH THE WHOLE YEAR . . . . . . . . 490

KITTUKWITRICHILTSHEI

VUHN GICHINCHIK KENJIT,

TTRIN KWITETKOOGWINYACHYO NUKWUTUDHUT TUTTHUG KẠTHOG

¶ Vuhn gichinchik koogwinyäei tei, Kwitinyithutluth Rsikotitinyoo kwut sut chih kinji kitteitrutuntluth ihlog kọ kwiyendo tsut kwitezyoo techịnttsi ha Minister kwikit teigitekhya. Akọ tsut ei kwitinyithutluth chih kinji kwunkyọ zyunnilị tlẹ kwikitteigitekhya.

TINJIH trandyoth ti trigwandyoth tetiyin kwut sut uttsutnutuneh teị, akọ ei tugwitịe kit tekwichöeị akọ tshitgwichöe tsut titiyin ti kwundei tahsi. Ezek. xviii. 27.
   Si trigwandyoth ket kwelhnduk, akọ si trigwandyoth sheg sunteị ket kwichöeị. Psalm li, 3.
   Si trigwandyoth kwut sut zuknyidhạei, akọ si kwirzyoọ tigwitiyin tutthug kiịzhoo. Psalm li, 9.
   Vittekwichanchyo vi atteịnji kwunkyọ kihlikwunahtun zyunnilị; kwittri kihlikwunahtun akọ kwatya, Vittekwichanchyo, elyet kwitteịnjitutudhạa. Psalm li. 17.
   Nyiwhot ttri khuntunohcha, akọ nyiwho yikk elyet kkwa, akọ Kekwadhut nyiwho Vittekwichanchyo tsut uttsutnetunohta; kwuggut yoo cheịrzị akọ zyooguttidichyo, tritsutkwinyoo ha zitnahtsi, akọ kwịntluth tsut oozoochanchyo, akọ khuịnjikwuahchi kenjit kineịnjiitizhit. Joel ii. 13.
   Kekwadhut nyiwho Vittekwichanchyo tsut zyooguttigwidichyo akọ trigwandyoth oounkwitichya zyunkitiyin, vi netsi kwituntinitäe kwitizik: akọ Kekwadhut nyiwho Vittekwichanchyo vi tezyoo elyet kunkwata tthui, vi tugwitetuggun ei yoo nyiwhonda nukwitinịli kwikit tetituta kenjit. Daniel ix. 9, 10.
   Kekwadhut Vittekwichanchyo, khuịnjisutạthut kọ kochitri zit; ni vecho zit elyet kkwa, elyet rsyetetkusittutudhạhli kenjit. Jer. x. 24. Psalm vi. 1.
Kineịnjiitowhohchi; kwuggut yoo zyeh kug kookekwadhut kwu tsut nyakwun nekwizhit. St. Matt. iii. 2.
   Nutihseh, akọ Ttiạ vut tsut tihsya, akọ akotuvutakhnja, Ttiạ: zyeh kug kwu tsut akọ nyinda trigwandyoth * kwudhelhtseị: akọ elyet tthui te giihli, si Tinji su tạnja. St. Luke xv. 18, 19.

    Kekwadhut nyi kahnduk uttoututọntri rshọ; kwuggut yoo nyinda elyet tinjih ihlẹ tshitohöe otitethinja. Psalm cxliii. 2.
   Elyet trigwandyoth kundhitiị zyunchitinyoo chi, zyunnetitinitäe akọ elyet hlitegwitli nyiwho zit kwilị, Nyiwho trigwandyoth ket zyunkwanduk chi, Vittekwichanchyo, hli ha akọ tshitchöe nilị nyiwho trigwandyoth nyiwhet oounkwititelya akọ, tutthug tshitkwichietigwittiyin kwut sut nyiwhon etahta. 1 St. John i. 8, 9.
   Kekwadhut Vittekwichanchyo ti trigichinchi-zzeh rsikotitinyo kwizit tinchyo: nunhkug tutthug vunda uttukwitokhnyo. Habakuk ii. 20.
   Rsikotitinyo ndotukonchyo zit Kekwadhut Vittekwichanchyo tsut nuntshikwichidhoe; nunhkug tutthug, vundo zyuntotrhut. Psalm xcvi. 9.
   Kekwadhut Vittekwichanchyo vookunohtyi vitrikwitaa kookwudhun kathog, vookugzyungunokhyi kwu tsut nyakwun tinchyo kathog: Kwirzyootitiyin ti kwinie akhekonyo, ako tinjih tshitchie ti ninjiitrudhut: ako Kekwadhut Vittekwichanchyo tsut utsinetinyootae, ako yenjit zyooguttitedichya; ako niwho Vittekwichanchyo tsut, kwuggut yoo kwintluth tsut oounkwitelya. Isaiah lv. 6, 7.
   Kwuggut yoo Ihle tugdhut ako yettuië kwilyin kwitchli kwitchin akotinyo, attun vorzi Rsotitinyo nili; kwitekit tugdhut ako rsikotitinyo kug kwihchin attun te kwunkyo kwatya ako khuzugtidichyo tinchyo vah, khuzugtidichyo vunkyo nukwutulhndui kenjit, ako einut zyunkwatya ko ttri nukwulhndui kenjit. Isaiah lvii, 15.

¶ Chih Kwunduk tthui khe vi trin zit tei.

Ninutetudhut tei (Advent)

    Kineinjiitowhochi; kwuggut yoo zyehkug kookekwadhut kwutsut nyakwun tinchyo. St. Matt. iii. 2.

Kreist vo Koli Trin (Christmas)

    Zyehkugkudhaug akotunkovahnyo, Zyunnochut rshọ; kwuggut yoo, kwinyooyin, kwunduk nirzi kwintluth rsikoonchyo niwhot tsut nitinili, ei tinjih tutthug tsut tunkwitechya: kwuggut yoo choog ttrin niwho tsut vukooli David vi zzehkwịlyei kwizit Ahsi, attun Kreist Kekwadhut tinchyo. St. Luke ii. 10, 11.

Kreist gultsuk Trin (Good Friday)

    Niwhot tutthug tivi kit hletichidhidichik; ettounyachyo khe ti kwinie tsut utseyinjitinidhidichik; ako titutthug niwho trigwandyoth Kekwadhut Vittekwichanchyo yi kko teyotli. Isaiah liii. 6.

Ninekwali Trin (Easter)

    Kekwadhut hli ha ninelkhyin. St. Luke xxiv. 34.
    Vittekwichanchyo tsut hui koli, ei yoo kwitugtigwichichyo niwhontlutaei niwhe Kekwadhut Jesus Kreist kirkhe. 1 Korinth xv. 57.

Gitritichodhut Trin (Ascension)

    Ezyuk kwuggut yoo ateinji ahtsi tshid chintsi zyunitiyin kenjit, zyehkug nitechozi, Jesus Vittekwichanchyo Tinji niwho kwinduk kwinittui ha zyunovitutun. Chekoorzi ketetlechiti kwutsut nutodiohi kwiteinjikwichanchyo ha zyoogutigwidichyo otititundul kenjit, akọ kwirzi ei zit kwutsutrikwinji kenjit chekoorzi unkwutaa kenjit. Hibra iv. 14, 16.

Trin Takui (Whitsunday)

    Ako huiko trin zit tei nukwitutattha, Vittekwichanchyo nyoo, Sunkyo ttsut tinjih tutthug kko nukwitutinja. Kind. ii. 17.
    Ko chutluth otutowhohndul Chunkyo Rsotitinyo niwho kko nuntutedhut tei: ako si kwinduknut zyuntohlya, nunh lin kwut sut. Kind. i. 8.

KWUTCHAHNUT kwintluth tsut nyiwhet titrinidhun, Kwitinyithutluth Rsikotitinyoo kwitekit kwịlyeị zit nyiwho tetekwitinilhe nyiwho trigwandyoth akọ kwirzoọ tigwitiyin kwịlyeị kazyuntitundei akọ ket zyunkwutanduk; akọ Hlanchi ha Nichinttei Vittekwichanchyo zyeh kug nyiwho Ttyi vunda elyet nuntoututudhandul akọ elyet netuntunudhäị tthui; kọ kwittri chettukotithinyoo khutzugtigwtdichyo, kwatya akọ kookekwathut ha ket zyunkwutanduk; ei kwut tsut nyiwho trigwandyoth nyiwhet oounkwiteta kunkwutaä; vi kwịrzị tigwitiyin akọ zyooguttigwidichyo kwichịntsi kwikirkhe. Akọ kwitizik Vittekwichanchyo nda khutzugtigwidichyo ha nyiwho trigwandyoth etelyẹ sheg ket zyunkwutanduk; nukoọlyọ kwiyendo tsut akọtuntitiya hlyegoo, chunzyunnihlichidhazi akọ hlịdhachil huị kwuntluntititilya tutthug vi kwịrzị tigwitiyin kenjit ei yoo vunli ttsut tukwichidhanjik, vi tekwitichile kwintluth tsut ginilị kwikuntunatya, vi Kinjik kwintluth tsut rsotitinyoo zyuntititutthuk, akọ ei ekwichichyo koọkettigwinidhun akọ kookoọlị kwizyin kenjit tthui akọ tikwundei kenjit zyunotititukthut. Ezyuk kwuggut koọkutunnyiwhohchihnyoo akọ nyiwho tsut sihtshik etettunohlyeị tzet tunohchyo, kwittri dhitsyạ, akọ kwitezyoo khuzugtigwidichyo ha, zyeh kug chekoọrzị kitettlchiti kwut tsut sah tutohta sikitteigokhyi;

¶ Khuttrookwahnduk tutthug tsut, hlelchil tutthug Minister kit teikigitekhya, tutthug nuntehikwutgele.
 

¶ Kwittitinji, kọ trigwandyoth ekwitichya, Presbuter rzị nudhut vi kirkhe akọtititetinja; tinjih tthui te nuntshikwutgele.

HLANCHI ha nichinttei Vittekwichanchyo, nyiwhe Kekwadhut Jesus Kreist Ttyi, uttun trandyoth ihlẹ rsyetegititelya elyet koọkuttinidhun, kọ kwiyendo tsut yi trigwandyoth ttsut uttsutnetutunahe akọ kwutendei; akọ ti Ministernut tsut kutukwitadhut akọ tugwitịe kwuntletetili ti tsyahnut kineịnjiikidichi unkookwutahnduk akọ akọtungutahnja, koh trigwandyoth ttsut zyungittitinji akọ kwet oounkwitichya; Einut tutthug hli ha kineịnjiikidichi akọ ti Kwunduk nirzị rsotitinyoo tuchugwaị ketun kwikinjigichi kwet oounkwitili akọ koh tinji. Ezyuk kwuggut vut tsut zyunotitshik hli ha kineịnjiikwitizhit akọ Vunkyọ rsotitinyoo nyiwhontluntitelya kenjit, ei ekwichichyo choog tunitiyin sso yi tsun tahtsya kenjit; akọ choog kwut sut nyiwho kwundei trooninịdhut dhitsyạ akọ rsikotitinyoo zyuntelya; akọ tsut koochid sheg vi nindulh kwu tsut nutetituta; Jesus Kreist nyiwbe Kekwadhut kirkhe.

¶ Tinjihnut tzet, akọ chizi gichinchik tutthug ndonyäeị tsut kwikit kwiti kigitekhya. Amen.

¶ Akọ teị Minister nittshikwutetaä, akọ Kekwadhut vi gichinchik kwitezyoo techịnttai ha kwikit teigitekhya; tinjihnut tthui nuntshikwutgele, akọ giyah kwikitteigịkhyi, tzet tthui, akọ nichinkwuun te vih zit trigichinchi Vittekwichanchyo tsut kookudhunduk zit.
 

NYIWHOT Ttyi zyeh zit ni kwilnjik, Nyorzi rsinjoochootinyoo. Ni kookekwadhut nichoozhit. Ni yinji zyeh zit kwikit nunh kug akotekonji. Chih trin zit nyiwhon enyạntsit trin ndo hlekwitunazya nyiwho ssih. Nyiwho trigwandyoth nyiwhet oounkwichjli nitsọ einut trigwandyoth nyiwhet tungitiyin kot sut oounkwichitili. Kookukwutundei kwu tsut nyiwhot tunọe rshọ; Kọ trigwandyoth kwut sut nyiwho yunnoụnji. Kwuggut yoo nitsun nilị kookekwadhut, ttei, akọ ekwandit, sheg akọ sheg kenjit. Amen.

¶ Akọteị kwikit gitekhya tthui,

    Kekwadhut, nikyitnyiwhottevanịei.

    Kwitịtrigịkhyi. Akọ nyiwho zhig ni tekwitichile kwikeitenahtya.
    Presbuter. Vittekwichanchyo, khunkwittshị nyiwhạssi.
    Kwitịtrigịkhyi. Kekwadhut, anidhook nyiwho tsuttrunyundei.

¶ Tzet tutthug nugichilzi, Preabuter akọtititenja,

    Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
    Kwitịtrigịkhyi. Nitsọ trootshid kwịlih choog koọlị, akọ sheg kwikit kwitelya : nunh kwilyin kwitehli. Amen.
    Presbuter. Kekwadhut tuntichidhohe.
    Kwitịtrigịkhyi. Kekwadhut vorzi tuntichooë.

¶ Akọ tsut chili Psalm kwikit tukooë kwikitteitrigitekhya kọ chitrititelya; Ninekwali Trin chi elyet kkwa, akọteị kenjit chizi chilig kitukookwichiltsheị; akọ Rsyenun kwitekoogwinyachyo trin ihthlogchotyin tsut vunchuthnukozukdhityin tsut tzet kwikitteitrigitekhya kkwa, ko Psalm koochazi kkyọ kwitet.

VENITE, EXULTEMUS DOMINO

Psalm xcv.

NENOCHYA, Kekwadhut tsut untotili : kwittri ha nyiwhot ohekwassi ttei zit ssozyunvitilị.
    Huị kwuntlukwutazị ha vu nda nevidichya : akọ vah ssosyunitilị chilig ha uttikuninotyi.
    Kwuggut yoo Kekwadhut, Vittekwichanchyo chịntsi nilị akọ Kekwadhut choh : vittekwichanchyonut tutthug yendo tsut nilị.
    Vunli zit nunh zyunkwitinili tutthug kwichotli : akọ tdha kwuttei vut sun nilị tthei.
    Choochoh vut sun nilị, kwuggut yoo yeltseị : akọ vunli nunh zhei rsyenunelnjik.
    Nenochyah, kwiyetutozya akọ nututozya : akọ nyiwheltseị nda nuntshikwutväe,
    Kwuggut yoo Kekwadhut nyiwhoh Vittekwichanchyo nilị : akọ kwitsyahnut uh aä zyunitilị akọ vunli kwi tivi.
    Choog ttrin vi tezyoo zyunotudhohtsha chi, nyiwho ttri trittutohtsi rshọ : zitkwinatsi teị kwikit akọ nunh kwinjirh kwi zit kookukwutundei kwi trin zit kwikit.
    Nyiwho ttyinut si kunkookonjik tei: si kunukookotịnduk teị akọ si kwitrid zyunkoogwunahyin.
    Nukwutudhut tạnkthut tsut chotyin kạthoog chih nizyoọnedichi ha trigwihti, akọ akọtitihnyoo : tinjih zyungịlị kitti ttri zit hleinjikitinidichi, kwuggut yoo elyet sih nutinde kazyungitundul.
    Siv vecho zit einut tsut kwinitei ha gihkhe : sih nukwazi zit elyet nittegituteta.
    Kwittyi akọ Kwitinji tsut : akọ Chunkyọ Rsotitinyoo tsut ekwahndit koli:
    Nittsọ trootshid kwịlih, choog koọlị akọ sheg kwikit kwitelya : nunh kwilyin kwitehli. Amen.

¶ Akọ taut Psalm koochazi zit nittsọ kittukookwitchiltaheị kwikitteitrigitekhya. Akọ Psalm kwitetkoogwinyachyo ndonyäeị taut nukwutudhut tutthug kạthog, akọ Benedicite, Benedictus, Magnificat, akọ Nunc dimittis tthei ndonyaeị taut, kwikitteitri gitekhya,

    Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
    Nittsọ trootshid kwịlih, choog koọlị akọ sheg kwikit kwitelya : nunh kwilyin kwitehli. Amen.

¶ Akọ taut Trootshid Kwikitteitrigịkhyi Tigwititinyoo Sheg kwut sut tronjik kwitezyoo trikwichitthuk ha kwirzi kwikitteitrigitekhya, nittsọ Nukwutudhut tutthug kạthog ket kwikitteitrigitekhya kittekookwichiltaheị kkwa chi: Ei kwikitteigịkhyi kwikit nudhut akọ uttsutnettutunehe nittsọ tutthug trichiltsheị kirkhe kwiyendo tsut kwịrzị tritutetutthuk. Akọ ei tlẹ, akọtititetinja kọ etrititelya, ei Elig Te Deum Laudamus koovezi, ttrin kwitetkoogwinyachyo Nukwutudhut tutthug kạthog.

¶ Zyunyinjikwunohyin Kwikitteitrigịkhyi tutthug kwiyetshi Minister akọtititenja, Tzet ei Etunetle kwut sut ei Vikeäzi, kọ ei Vikeäzi ttaul ei Vikeọzi kwut sut, koogwinyäei: Akọ Kwikitteitrigịkhyi tutthug kootle, Tzet Trootshid Kwikitteitrigịkhyi, kọ Nekud Kwikitteitrigịkhyi ndonyaeị,
 

VITTEKWICHANCHYO tunnyittichidhae : Kekwadhut ịlị nyet zyunkwanduk.
    Sheg kwut tsut kwittyi : nunh tutthug tinyihtichile.
    Zyehketkwitchin tutthug ni tsut zyungurzrul : zyeh kug akọ kwizit ninteinut tutthug ha.
    Cherubin akọ Seraphin : sheg kwikit ni tsut zyungurzrul.
    Rsochịtinyoo, Rsochịtinyoo, Rsochịtinyoo : hlachyanut lyeị tsut Kekwadhut Vittekwichanchyo ịlị.
    Nih ekwahndit kwichịnttsi ha : zyeh nunh ha tekwitinyaeị.
    Chilehnut ehlok kututute zyunugahndit : tunnyihgitichile.
    Kutukwitaugnut koh nichya nirzị : tunnyigitachile.
    Kekwahnduknut nuvenut lyeị gichile : tunnyigitichile.
    Hlahchya rsotitinyoonut nikyọ nunh kug : nyet zyunkookwahnduk.
    Kwichinttsi kwilyin kwitehli : Kwittyi ịlị.
    Ni Tinji yinjitrichile : hlitetli akọ ettevirzi.
    Chunkyị Rsotitinyoo tthei : Khukwashit nilị.
    Nun Kreist : ekwahndit Kekwadhut choh ịlị.
    Kwittyi ttsun : sheg Kwitinji ịlị.
    Tinjih vihyitịndul kenjit utta kodhịtinjik teị : elyet nichid ttsut zit yinjikwitenyạë,
    Chittshi kwichittsik kwitugtitịnchio tei : kwikinjichinut tutthug tsut zyeh kug kookekwadhut kiitininintyin.
    Vittekwichanchyo nandeitseị dhịnti : Kwittyi ekwahndit zit.
    Nyiwhot Ketoutichatri tịlya kenjit : ninetutịtudha kwikinjidichi.
    Azyuk kwuggut ni taut zyungitinichi nih ultsunnut tsut trunyundei : einut nyi tta tatluth kirkhe zyunnekohvịkthut.
    Nih rsotitinyoonut ha zyungitichootityin tunkọlye : sheg ekwahndit zit.
    Kekwadhut ni tsyahnut zyunnọsi : akọ nih kittiịnut tsut kwịrzị tọntiyin.
    Koh tsut kunkodhut : akọ sheg tugzyunkodhạnttei.
    Ttrin ndo hlekwitunazya : tunnyihtattsi.
    Akọ nyooh rzi zyunyinjiohidhäe : sheg kwilyin kwitehli.
    Kekwadhut akọtotọnyoo : chili trin zit trigwandyoth ketun nyiwhoh kunnyentyi.
    Kekwadhut nersingichachyo nyiwhoh tọnyoo : nersingichachyo nyiwhoh tọnyoo.
    Kekwadhut nih zyooguttigwidichyo nyiwhah koli : kwuggut yoo nyi teịnjichachyo.
    Kekwadhut nyi teịnjitelhehyo ; nukweyinjiivisihzhit rshọ.

¶ Kọ chih Chilig.

BENEDICITE, OMNIA OPERA

KEKWADHUT vi Kwittrid tutthug, Kekwadhut huị vuntlunohli : tuntichidhohọ, akọ sheg zyuntohttsi.
    Nyiwhon Kekwadhut vi traënut, Kekwadhut huị vuntlunohli : tuntichidhohe akọ sheg zyuntohttsi.
    Nyiwhon Zyeh kuk, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Choọkthut zyeh kug gichidhohtli, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Ttrinorzi, akọ Ttodhorzi, Kekwadhut huị vuntlunohli : tuntichidhohe; akọ sheg zyuntohttsi.
    Nyiwhon Zyeh, kug Ssun, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Atsinkthut, akọ kiitsiktịdha, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Vittekwichanchyo vit attrui, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Kkon akọ kwinidha, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Khui akọ Ssin, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Kiitsiktịdha akọ Chitsik, Kekwadhut huị vuntlunohli : tuntichidhone, akọ sheg zyuntohttsi. Nyiwhon Tetutun akọ Ttlyoo, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Thlyoo akọ Zzo, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Ttodh, akọ Ttrin, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Attri akọ Tsegga, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Nettunkkon, akọ Kko, Kekwadhut huị vuntlunohli ; tuntichidhohe, akọ sheg zyuntohttsi.
    Nunh kuk Kekwadhut huị nuttluchooë : ạhạ, teyittichooë, akọ sheg teyitchoottsi.
    Nyiwhon Tdha akọ Tteịh, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon tutthug Nunh kug Ttlottrig, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Choọëkyit, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Choọchoh, akọ Hunkwutchoh, Kekwadhut hui vuntlunohli : tuntichidhohe, akọ shag zyuntohttsi.
    Nyiwhon Thlyoogchoh, akọ tutthug Choọ kug nowhohnde, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon tutthug Tedhut Nette, Kekwadhut huị vuntlunohli : tuntichidhohe, akọ sheg zyuntohtsi.
    Nyiwhon tutthug Utthuị, akọ Notlị, Kekwadhut huị vunttlunohli : tuntichidhohe, akọ sheg zyuntohttsi.
    Nyiwhon Tinjih Tinjinut, Kekwadhut hui vuntlunohli : tuntichidhohe, akọ sheg zyuntohttsi.
    Israel Kekwadhut huị nuttluchooë : teyittichooë akọ sheg teyitchootsi.
    Nyiwhon Kekwadhut vit Atteịnjiahtsinut, Kekwadhut huị vuntlonohli : tuntichidhohe, akọ sheg zyuntohttsi.
    Nyiwhon Kekwadhut Yikkahnduknut, Kekwadhut huị vuntlunohli : tuntichidhohe, akọ sheg zyuntohttsi.
    Nyiwhon Tshitchoënut Nikyọ akọ Kwundei, Kekwadhut hui vuntlunohli : tuntichidhohe, akọ sheg zyuntohttsi.
    Nyiwhon Rsotitinyoonut akọ Kwittri zit khuzugtunowhohchyo, Kekwadhut hui vuntlunohli : tuntichidhohe, akọ sheg zyuntohttsi.
    Nyiwhon Ananeias, Azareias, akọ Meisael, Kekwadhut huị vuntlunohli : tuntichidhohe, akọ sheg zyuntohttsi.
    Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
    Nittsị trootshid kwịlih, choog koọlị akọ sheg kwikit kwitelya : nunh kwilyin kwitehli. Amen.

¶ Akọ tsut Kwikitteitrigịkhyi Nekud ehthlogkkyọ kwikitteitrigitekhya, Tigwitititinyoo Keehid kwut sut tronjik. Akọ, ei tlẹ, ei Chilig kwikkit tukooë; ei kwirzị ei Ttrin kenjit Vikeäzi zit kwikitteitrigikhyi nukwichanei teị elyet kkwa, kọ Kwunduk Nirzị kenjit John Baptist rsotitinyoo vit Ttrin zit.

BENEDICTUS.

St. Luke i. 68.

ISRAEL yet Kekwadhut Vittekwichanchyo kwịrzi vet trigokhya : kwuggut yoo ti tsyahnut nindetinịdhut, akọ nekohvịkthut ;
    Akọ nyiwhenjit chekwasi nintei nichathut : yih kahnduk David vi zzeh kwi zit;
    Nittsọ vi kuttugwitäug rsotitinyoonut zhig kirkhe gịkhe : einut nunh kotlit kwut sut zyungịlih;
    Nyiwho tsutkwilheịnut ttsut nenyiwhottrikwutahndei kenjit : akọ kuttunli ttsut einut tutthug truttunnyiwhohkochachyo;
    Nyiwho ttyinut tsut zyooguttigwidichyo khenittsikwichittäeị kwittshilitkwuteä : akọ ti hlikwinadhun rsikotitinyoo kunutandei;
    Kinji techinttei nyiwho ttyi Abraham kwinittei ha tsut gịkhe kwitshilitkwuteä : nyiwhonttlututeä kenjit;
    Nyiwho tsutkwilheịnut nili ttsut nyiwhot itrininjik kwikirkhe : nuchut etun vikuntutanduk lyẹ; Rsikotitinyoo akọ tshitgwichöetigwittiyin zit vunda : tutthug nyiwho kwundei ttrin zit.
    Akọ nun, Trinyun, Kwiyendo tsut Tugdhut vi kutugwitäug otạzya : kwuggut yoo Kckwadhut ninyun nda tịhah vi kwinie rsyekwitịlya kenjit;
    Ti ttsyahnut chekwasi kikyikwahnji tsun tạntsya : koh trigwandyoth kwet oounkwiteta kenjit,
    Nyiwho Vittekwichanchyo vi zyooguttigwidichyo titizhin kwikirkhe : ei kwikirkhe yettug kwut sut rsyegittallg nindenylwhottinịdhut;
    Einut tsegga zit akọ chittshị nikyo zit gichiltsheị gitattri kenjit : akọ tsinetun kwinie tsut nyiwho kthui tuneä.
    Kwittyi akọ Kwitinji tsut : akọ Chunkyo Rsotltinyoo tsut ekwahndit koli;
    Nitso trootshid kwịlih, choog koọlị akọ sheg kwikit kwitelya : nunh kwilyin kwitehli. Amen.

¶ Kọ chih Psalm.

JUBILATE DEO.

Psalm c.

KEKWADHUT zit ssozyunohlị, nyiwho tutthug nunh kug zyunkohndei : sso ha Kckwadhut vi kunnonduk, akọ chilig ha vun nda nenochya.
    Kekwadhut uttun Vittekwichanchyo nilị kikyunonji : uttun nyiwheltseị akọ nyiwhon thun elyet kkwa; vi tsyahnut akọ vi guäa tekit tivi zyunitilị.
    Huị ha vi nitegwitị nitte tohchya, akọ vi zzeh kwi zit tekwitichile chilig ha : huị vuntlunyinjitohe, akọ Vorzi kenjit kwịrzị zyungunokhyi.
    Kwuggut yoo Kekwadhut cheịrzị, vit zyoogutdichi sheg koọlị : akọ vi hlitegwitli nizyoọnedichi ttsut nizyoọnenichi tsut kwundei.
    Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
    Nitso trootshid kwịlih, choog koọlị, akọ sheg kwikit kwitelya : nunh kwilyin kwitehli. Amen.

¶ Akọ tsut Minister akọ tinjihnut kirkhe nugichilzi, Chilehnut koh kwikinjikwizhit chitrititelya kọ akọtititetinja: ei kwirzị ei ttrin zit Athanasius Rsotitinyoo vik Kwikinjikwizhit kwikitteitrigitekhya kenjit kittukookwichiltsheị elyet kkwa.
 

¶ Akọ ei tlẹ, chih Gichinchik kwikit tukooë, tutthug nirsyookonyoo ha nuntahikwutgele; Minister trootshid kwitezyoo techintsi ha akọtinyoo.

Kekwadhut nyiwhah koli.
Kwitịtrigịkhyi. Akọ nyin nkyọ ha.
Minister. Zyunguttochya.
Kekwadhut, nersingichachyo nyiwhochịnyoo,
Kreist, nersingichachyo nyiwhochịnyoo.
Kekwadhut, nersingichachyo nyiwhochinyoo.

¶ Akọ taut Minister, Kwuttsuttrinjinut, akọ tinjihnut Kekwadhut vit Gichinchik kwitezyoo techịntsi ha akọtungititenja.
 

NYIWHOT Ttyi zyeh zit ni kwilnjik, Nyorzi rsinjoochootinyoo. Ni kookekwadhut nichoozhit. Ni yinji zyeh zit kwikit nunh kug akịtekonji, Chih ttrin zit nyiwhon enyạntsit ttrin ndo hlekwitunazya nyiwhoh ssih. Nyiwho trigwandyoth nyiwhet oounkwichịli nitsọ einut trigwandyoth nyiwhet tungittiyin kot sut oounkwichitili. Kookukwutundei kwu tsut nyiwhot tunọe rshọ; Kọ trigwandyoth kwut sut nyiwho yunnoụnji. Amen.

¶ Akọ taut Presbuter nudhut akọtibitenja,

    Kekwadhut, ni zyooguttigwidichyo nyiwhoh kkọ kwikeinyạntyi.
    Kwitịtrigịkhyi. Akọ ni chekwassi nyịwhontlekwichịei.
    Presbuter. Kekwadhut, kekwadhut choh nyạssi.
    Kwitịtrigịkhyi. Akọ zyooguttigwidichyo ha nyiwno dhọntsheị akọteị te ni tsut zyunochitukthut.
    Presbuter. Ni Ministernut tshitgwichoëtigwittiyin ha ko nenyạntsyoo.
    Kwitịtrigịkhyi. Akọ ni tsyahnut uttoutitinyoonut tseyingichachyo ko nyạntsi.
    Presbuter. Kekwadhut, ni tsyahnut ko nyạssi.
    Kwitịtrigịkhyi. Akọ ni kwittiịnub kwịrzị tunkohvayin.
    Presbuter. Nyiwhah ndokwedha, Kekwadhut tsietun kwuntloụe.
    Kwitịtrigịkhyi. Kwuggut yoo chizi nyiwhenjit niitsyathut kkwa, kọ nun rzị Vittekwichanchyo.
    Presbuter. Vittekwichanchyo, nyiwhoh zit nyiwho ttri chanchi.
    Kwitịtrigịkhyi. Akọ Nyun Nkyọ Rsotitinyoo nyi whot sut oonn noụnji rshọ.

¶ Akọ tsut Gichinchik ttyig kwikit tukwitedhut; ei Ttrin kenjit trootshid, ei yoo ei Kwitchyakwitili kenjit kitukookwichiltsheị ehloginchi kwitelya; nekthud, Tsinetun kenjit; tyid Kwutsuttrikwinji kenjit, kwịrzị trikwutendei kenjit. Akọ Gichinchik nekthuị huịko sheg chichoog kwitelya kkwa, kọ trin kwitetkoogwinyachyo Vuhn Trigichinchik teị nukwutudhut tutthug kạthog kwikitteitrigitekhya, nitsọ kwikit tukwudhut; tutthug nuntshikwutgele.
 

Gichinchik nekthud, Ttsinettun kenjit,

VITTEKWICHANCHYO, nun tsinetun kwunttukwichili ehlog kwiyinji ket tinịdhun, nyah zyunitundei nyiwho sheg kwundei kwịchoeị, ni kutrahnduk kwiyikwinji hlanchi ha nilị; Nyiwhon nyi kahnduknut khuzugtunidichyo nyiwho tsutkwilheinut ko kovazyook tutthug zit nyiwho kunninyo, akọ tsut nyiwhon, ni kwikunyoo zit hlih ha kwitteịnjichachyo, etelyẹ titsutkwilheịnut ttei elyet kuntenudhachut, Jesus Kreist nyiwhe Kekwadhut ttei kirkhe. Amen.
 

Gichinchik Ttyid, Kwutsuttrikwinji kenjit.

KEKWDHUT Vittekwichanchyo, zyeh kug nyiwho Ttyi, Hlanchi ha Nichinttei akọ sheg Vittekwichanchyo, choog trin nukwitilị kwu tsut hlanchi ha nenyiwhonili: Ehloginchi zit ni tluth nintei ha nyiwho kunninyo; akọtunnyiwhochịnyoo choog trin trigwandyoth kwinjyo elyet kwiyuntudhattha akọ koogwunachut kwinjyo elyet yinjikultudhata tthei; kọ nyiwho kwittrid kwututthug ni kutukwitadhut kirkhe kwu tsut kututrookwitutahdhut, akọ tsut ei tshitgwichoë tekwichöeị sheg akọtuntitiya; Jesus Kreist nyiwhe Kekwadbut kirkhe. Amen.

¶ Nichin te Etlinut koọli akọ Kwitekit nichin te chitritli, tzet Chilig kwikkit tukwudhut.

¶ Akọ tsut chih Gichinchik ihlọkwunli kwikit tukwudhut tzet kwikitteitrigitekhya, Tinjih tutthug enjit kwititshik kwikitteitrigịkhyi teị kwirzị elyet kkwa; akọteị nekthuị huịko kwirzị kwikitteitrigitekhya, nitsọ zut kwichotli.
 

Gichinchik Kekwadhut Choh enjit.

KEKWADHUT Vittekwichanchyo, zyeh kug nyiwhot Ttyi, neyitịzhit akọ chịntluth, kekwadhut choh tshidnut kwet Kekwadhut choh tshid, kekwadhutchohnut kwet Kekwadhut choh, kekwadhut tshidnut kwet Kekwadhut rzị, nun nit kitetlchiti kwut sut nunh kug kwundeinut tutthug zyunnyạyin; Kwittri hlanchi ha nit tsut zyunititshik nit chekoọrzị ha nyiwhe kekwadhut choh tshid chịnttsi, Kukwadhut choh George nyantshị: akọ Chunkyọ Rsotitinyoo kwutsuttrikwinji ha kwikit vi zit tetinyạeị, akọ tsut ni yinji kit sheg yitinezhya, akọ ni nutinde kit kwutendei: Zyeh kug ozi kwịlyeị vuntlukwichịli; akọtouchịnyoo rsyekwundei akọ kwichile zit nizhook kwutendei nichạnttei yi tsutkwilheịnut tutthug zugtuntahya akọ ko tugtuntechya; akọ koochid, tzut trookwundei kootlẹ, rsikoonchyo akọ tseyinkwichanchyo kwutattha kwilyin kwitehli kitettiya; Jesus Kreist nyiwhe Kekwadhut kirkhe. Amen.
 

Kuttrookwadhut tahid zzehkko enjit Gichinchik.

HLANCHI ha Nichinttei Vittekwichanchyo, kwirzị tigwittiyin tutthug etteịlei, khuzugtigwidichyo ha ni tsut zyunititshik Kwiyëutchohtshid Mari, Kwiyëutchohtshid Kwuhun Alexandra, Edward Wales Kekwadhut tshid, akọ kuttrookwadhut tshid zzehkọ kwịrzị ko tsut tinitiyin: Nyunkyọ Rsyotitinyoo ko nittlunili; zyeh kug ni chekoọrzi ha ko zit tetinyäeị; tseyinkwichanchyo tutthug ko nitlunkwichili; akọ sheg ni kookekwadhut kwu tsut nekonili; Jesus Kreist nyiwhe Kekwadhut kirkhe. Amen.
 

Ministernut akọ tinjihnut enjit Gichinchik.

HLANCHI ha Nichinttei akọ sheg Vittekwichanchyo, nun rzị chunkyo ozi kwuntluchịei: Nyiwhot Khuötahyinnut akọ chizi Gikhyinut, akọ Hlelchilnut tutthug ko kwikenahtyi tsut kuntlutrantshị, ni chekoọrzi Nikyọ, rsyehkwahndei ko kkọ tichạshit; akọ hlih ha sso ni tsun gutahtsya kenjit, ni kwịrzị tigwittiyin techoọ kọ telchoọ sheg ko kkọ nechịnja. Kekwadhut Vittekwichanchyo, akọtunnyiwhochịnyoo, nyiwho Kwitutsutgikhyi akọ Nikunyoo, Jesus Kreist vi yinjikwichile kirkhe. Amen.

(For all Sorts and Conditions of Men)

¶ Gichinchik tinjih tutthug nithlinetsi kohzyunkwilnjik enjit, vizit trigititechya akọtinchi teị tinjih tutthug enjit kwititshik vizit trigititechya kittukookwichiltsheị kkwa.

VITTEKWICHANCHYO, tinjih tutthug zyunkohdhạntseị akọ kohkunyạntyi, chettukotithinyoo ha tinjih tutthug nihlinetsi tunthichyo akọ nihlinetsi kohzyunkwilnjik enjit ni tsut zyunititshik; kwikit kettitinizhya nyi nutinde kazyunkohtạndul, ni chekwassi nihlinetsi kwitchinnut tutthug tsut kwikeitunạntya. Kwiyendo tsut Hlitrelchil Nikyọ kwịrzị tungitechya kenjit ni tsut zyungittinichi; Chunkyọ Rsotitinyoo kirkhe kwikit zyunkoh tunetuä akọ koh tsut kunkwututahta, tutthug Kreist ttsun nilịnut zyunitilị zyunuttugutahtinyoo akọ kwikit ket zyunkookwahnduk hlitegwitli kwinie kwinjyo akọ kwizit zyunkohtunetuä, akọ ihlog kwiyinji zit, tsinetun hlukwinadhun zit, akọ tshitgwichöetigwittyin trikwundei zit kwikinjikwizhit kungutunahtya. Huịko tsut, einut tutthug khuịnjikidichi kọ kwähuttseịnutroogwiei, kwiyinji zit, kwizyin zit, kọ kwittiị zit nit kwịrzị tigwittiyin kwittyi ttsun kwu tsut, kohnittlundhitshi: [*kwiyendo taut einut kwenjit nyiwhot gichinchik koọkuttigwinidhun] kwikit kettitinịzhya koh nutạshọ akọ koh tsut truntindei nitsọ nihlinetsi kettuntungidichyo, khuịnjikidiohi kathog khekwutachyo koh nitlunchịei, akọ koh kuịnjikwidichi kwut sut ssotrigweltseị ndotunäeị. Chih ekwichichyo zyunochitukthut Jesus Kreist vi chettigwinidhun kirkhe. Amen.
 

¶ Hui kwuntlukwitäei ekwiohichyo kwututthug kenjit.

VITTEKWICHANCHYO Hlanchi ha Nichinttei, zyooguttigwidichyo kwututthug Kwittyi ịlị, nyiwhon nyi kahnduknut elyet gunitilị, hui nyintluntechitäe kwintluth tsut khuzugtigwidichyo ha akọ nyiwho ttri ha ni kwirz] tigwittiyin akọ oozookwichanchyo kenjit nyiwho tsut akọ tinjih tutthug tsut; [†einut tsut kwiyendo choog koọkuttunginidhun tunnyitgitetaä akọ huị nyintluntegititelya ni zyooguttigwidichyo kechid kwunno koh nitlunkwitịli kenjit.] Huị nyintlunyinjitechitäe nyiwhoh dhạntseị, nyiwhoh kunnyạntyi, akọ tzet trikwundei kwịrzị kwuntlukwichịli kcnjit; ko kwututthug kwiyendo tsut, nit chettigwinidhun elyet kookwidhun ettet tegwantsi yinjikwitaä kenjit nunh kug netrovịkthut zit nyiwhe Kekwadhut Jesus Kreist kirkhe; chekoọrzị kwutsuttriwinji kenjit, akọ ekwahndit nokonyoo kenjit. Akọ, ni tsut zyunititshik, ni zyoo guttigwidichyo tutthug kwikit rsyookonyoo ha ket ninjiitituta nyiwhontlukwichịei, nyiwho ttri tuchugwäị ketun huị kwitinezhya kenjit, akọ ni tekwitichile kwikunutunatya lyẹ, nyiwho teva rzi ha elyet kkwa kọ nyiwho kwundei zit; ni kutrahnduk kwu tsut kwuntletututazya, akọ nyi nda kwu tsut tetituta rsikotitinyoo akọ tsitgwichöetigwittiyin zit nyiwho trin tutthug ndonyäeị kwu tsut; Jesus Kreist nyiwhe Kekwadhut kirkhe, uttun tsut nyah akọ Chunkyọ Rsotitinyoo ha yinjikwichile akọ ekwahndit kwututthug zyunkoli, kwutattha kwilyin kwitchli. Amen.
 

General Thanksgiving

† Chih akotititetinja ihthlẹ venjit trigetiti teị koọkettinidhun huị kwuntlutitelya.

Krisostom rsotitinyoo vit Gichinchik.

HLANCHI ha Nichinttei Vittekwichanchyo, nun kwutsuttrikwinji nyiwhontlukwichịei choog ehlog kwiyinji ha nyiwho nikha zyunotutukthut nit tsut zyuntatsya; akọ khenitteitinyitäei, nyorzi zit nekunnut kọ ttyenut hligelchil teị nittsọ zyunkotutukthut koh nitlutịlya: Kekwadhut, ni kahnduknut ko tinjikwidichi akọ ko zyunotutukthut choog kwittshilikwịei, nittsọ kwenjit kwiyendo tsut kookooli; tzet nunh kug ni hlitegwitli kikyikwanjik nyiwhontlukwichịli, akọ nunh kug nukwitutattha kwi zit sheg kwundei. Amen.

2 Cor. xiii.

NYIWHE Kekwadhut Jesus Kreist vi chekoọrzị, akọ Vittekwichanchyo chettigwinidhun, akọ Chunkyọ Rsotitinyoo nichya, sheg nyiwho tutthug tinya zyunkoli. Amen.

Tzet Vuhn Gichinchik Koochazi Nukwutudhut tutthug kạthog ndonyäeị.