(ORDER OF EVENING PRAYER)

KITTUKWITRICHILTSHEI

KHAHTSUT GICHINCHIK KENJIT,

TTRIN KWITETKOOGWINYACHO NUKWUTUDHUT TUTTHUG KẠTHOG

¶ Khahtaut Gichinchik koogwinyäei teị, Kwitinyithutluth Rsikotitinyoo kwut sut chih kinji kkitteitrutuntluth ihthlog kọ kwyendo tsut kwitezyoo techịnttsi ha Ministor kwikit teigitekhya. Akọ tsut ei kwitinyithutluth chih kinji kwunkyọ zyunnilị tlẹ kwikitteigitekhya.

TINJIH trandyoth ti trigwandyoth tetiyin kwut sut uttsutnutuneh teị, akọ ei tugwitịe kit tekwichöeị akọ tshitgwichöe tsut titiyin ti kwundei tassi. Ezek. xviii. 27.
   Si trigwandyoth ket kwelhnduk, akọ si trigwandyoth sheg sunteị ket kwichöeị. Psalm li, 3.
   Si trigwandyoth kwut sut zuknyidhạei, akọ si kwirzyoọ tigwitiyin tutthug kiịzhoo. Psalm li, 9.
   Vittekwichanchyo vi atteịnji kwunkyọ kihlikwunahtun zyunnili; kwittri kihlikwunahtun akọ kwatya, Vittekwichanchyo, elyet kwitteịnjitutudhạa. Psalm li. 17.
   Nyiwho ttri khuntunohcha, akọ nyiwho yikk elyet kkwa, akọ Kekwadhut nyiwho Vittekwichanchyo tsut uttsutnetunohya; kwuggut yoo cheịrzị akọ zyooguttidichyo, tritsutkwinyoo ha zitnahtsi, akọ kwintluth tsut oozoochanchyo, akọ khuịnjikwuahchi kenjit kineịnjiitizhit. Joel ii. 13.
   Kekwadhut nyiwho Vittekwichanchyo tsut zyooguttigwidichyo akọ trigwandyoth oounkwitichya zyunkitiyin, vi netsi kwituntinitäe kwitizyik: akọ Kekwadhut nyiwho Vittekwichanchyo vi tezyoo elyet kunkwata tthuị, vi tugwitetuggun ei yoo nyiwhonda nukwitinịli kwikit tetituta kenjit. Daniel ix. 9, 10.
   Kekwadhut Vittekwichanchyo, khuịnjisutạthut kọ kochitri zit; ni vecho zit elyet kkwa, elyet rsyetetkusittutudhạhli kenjit. Jer. x. 24. Psalm vi. 1.
   Kineịnjiitowhohchi; kwuggut yoo zyeh kug kookekwadhut kwu tsut nyakwun nekwizhit. St. Matt. iii. 2.
   Nutihseh, akọ Ttiạ vut tsut tihsya, akọ akọtuvutakhnja, Ttiạ: zyeh kug kwu tsut akọ nyin nda trigwandyoth kwudhelhtseị: akọ elyet tthui te giihlị, si Tinji su tạnja. St. Luke xv. 18, 19.
   Kekwadhut nyi kahnduk uttoututọntri rshọ; kwuggut yoo nyinda elyet tinjih ihlẹ tshitohöe otitethinja. Psalm cxliii. 2.
   Elyet trigwandyoth kundhitiị zyunchitinyoo chi, zyunnetitinitäe akọ elyet hlitegwitli nyiwho zit kwilị, Nyiwho trigwandyoth ket zyunkwanduk chi, Vittekwichanchyo, hli ha akọ tshitchöe nilị nyiwho trigwandyoth nyiwhet oounkwititelya akọ tutthug tshitkwichietigwittiyin kwut sut nyiwhon etahta. 1 St. John i. 8, 9.
   Kekwadhut Vittekwichanchyo ti trigichinchi-zzeh rsikotitinyo kwizit tinchyo: nunhkug tutthug vunda uttukwitokhnyo. Habakuk ii. 20.
   Rsikotitinyo ndotukonchyo zit Kekwadhut Vittekwichanchyo tsut nuntshikwichidhoe; nunhkug tutthug, vundo zyuntotrhut. Psalm xcvi. 9.
   Kekwadhut Vittekwichanchyo vookunohtyi vitrikwitaa kookwudhun kathog, vookugzyungunokhyi kwu tsut nyakwun tinchyo kathog: Kwirzyootitiyin ti kwinie akhekonyo, ako tinjih tshitchie ti ninjiitrudhut: ako Kekwadhut Vittekwichanchyo tsut utsinetinyootae, ako yenjitzyooguttitedichya; ako niwho Vittekwichanchyo tsut, kwuggut yoo kwintluth tsut oounkwitelya. Isaiah lv. 6, 7.
   Kwuggut yoo Ihle tugdhut ako yettuië kwilyin kwitchli kwitchin akotinyo, attun vorzi Rsotitinyo nili; kwitekit tugdhut ako rsikotitinyo kug kwihchin attun te kwunkyo kwatya ako khuzugtidichyo tinchyo vah, khuzugtidichyo vunkyo nukwutulhndui kenjit, ako einut zyunkwatya ko ttri nukwulhndui kenjit. Isaiah lvii, 15.

¶ Chih Kwunduk tthui khe vi trin zit tei.

Ninutetudhut tei (Advent)

   Kineinjiitowhochi; kwuggut yoo zyehkug kookekwadhut kwutsut nyakwun tinchyo. St. Matt. iii. 2.

Kreist vo Koli Trin (Christmas)

   Zyehkugkudhaug akotunkovahnyo, Zyunnochut rshọ; kwuggut yoo, kwinyooyin, kwunduk nịrzi kwintluth rsikoonchyo niwhot tsut nitinili, ei tinjih tutthug tsut tunkwitechya: kwuggut yoo choog ttrin niwho tsut vukooli David vi zzehkwịlyei kwizit Ahsi, attun Kreist Kekwadhut tinchyo. St. Luke ii. 10, 11.

Kreist gultsuk Trin (Good Friday)

   Niwhot tutthug tivi kit hletichidhidichik; ettounyachyo khe ti kwinie tsut utseyinjitinidhidichik; ako titutthug niwho trigwandyoth Kekwadhut Vittekwichanchyo yi kko teyotli. Isaiah liii. 6.

Ninekwali Trin (Easter)

   Kekwadhut hli ha ninelkhyin. St. Luke xxiv. 34.
   Vittekwichanchyo tsut hui koli, ei yoo kwitugtigwichichyo niwhontlutaei niwhe Kekwadhut Jesus Kreist kirkhe. 1 Korinth xv. 57.

Gitritichodhut Trin (Ascension)

   Ezyuk kwuggut yoo ateinji ahtsi tshid chintsi zyunitiyin kenjit, zyehkug nitechozi, Jesus Vittekwichanchyo Tinji niwho kwinduk kwinittui ha zyunovitutun. Chekoorzi ketetlechiti kwutsut nutodiohi kwiteinjikwichanchyo ha zyoogutigwidichyo otititundul kenjit, akọ kwịrzi ei zit kwutsutrikwinji kenjit chekoorzi unkwutaa kenjit. Hibra iv. 14, 16.

Trin Takui (Whitsunday)

   Ako huiko trin zit tei nukwitutattha, Vittekwichanchyo nyoo, Sunkyo ttsut tinjih tutthug kko nukwitutinja. Kind. ii. 17.
   Ko chutluth otutowhohndul Chunkyo Rsotitinyo niwho kko nuntutedhut tei: ako si kwinduknut zyuntohlya, nunh lin kwut sut. Kind. i. 8.

KWUTCHAHNUT kwintluth tsut nyiwhet titrinidhun, Kwitinyithutluth Rsikotitinyoo kwitekit kwịlyeị zit nyiwho tetekwitinilhe nyiwhot trigwandyoth akọ kwirzoọ tigwitiyin kwịlyeị kazyuntitundei akọ ket zyunkwutanduk; akọ Hlanchi ha Nichinttei Vittekwichanchyo zyeh kug nyiwho Ttyi vun nda elyet nuntoututudhandul akọ elyet netuntunudhäị tthui; kọ kwittri chettukotithinyoo khutzugtigwtdichyo, kwatya akọ kookekwathut ha ket zyunkwutanduk; ei kwut tsut nyiwho trigwandyoth nyiwhet oounkwiteta kunkwutaä; vi kwịrzị tigwitiyin akọ zyooguttigwidichyo kwichịntsi kwikirkhe. Akọ kwitizik Vittekwichanchyo nda khutzugtigwidichyo ha nyiwho trigwandyoth etelyẹ sheg ket zyunkwutanduk; nukoọlyọ kwiyendo tsut akọtuntitiya hlyegoo, chunzyunnihlichidhazi akọ hlidhachil huị kwuntluntititilya tutthug vi kwịrzị tigwitiyin kenjit ei yoo vunli ttsut tekwichidhanjik, vi tekwitichile kwintluth tsut ginilị kwikuntunatya, vi Kinjik kwintluth tsut rsotitinyoo zyuntititutthuk, akọ ei ekwichichyo koọkettigwinidhun akọ kookoọlị kwizyin kenjit tthui akọ tikwundei kenjit zyunotititukthut. Ezyuk kwuggut koọkutunnyiwhohchihnyoo akọ nyiwhot tsut sihtshik ettettunohlyeị tzet tunohchyo, kwittri dhitsyạ, akọ kwitezyoo khuzugtigwidichyo ha, zyeh kug chekoọrzị kitettlchiti kwut tsut sah tutohta sikitteigokhyi;

¶ Khuttrookwahnduk tutthug tsut, hlelchil tutthug Minister kit teikigitekhya, tutthug nuntehikwutgele.
 

¶ Kwittitinji, kọ trigwandyoth ekwitichya, Presbuter rzị nudhut vik kirkhe akọtititetinja; tinjih tthui te nuntshikwutgele.

HLANCHI ha nichinttei Vittekwichanchyo, nyiwhe Kekwadhut Jesus Kreist Ttyi, uttun trandyoth ihlẹ rsyetegititelya elyet koọkuttinidhun, kọ kwiyendo tsut yi trigwandyoth ttsut uttsutnetutunahe akọ kwutendei; akọ ti Ministernut tsut kutukwitadhut akọ tugwitịe kwuntletetịli ti tsyahnut kineịnjiikidichi unkookwutahnduk akọ akọtungutahnja, koh trigwandyoth ttsut zyungittitinji akọ kwet oounkwitichya; Einut tutthug hli ha kineịnjiikidichi akọ ti Kwunduk nirzị rsotitinyoo tuchugwaị ketun kwikinjigichi kwet oounkwitili akọ koh tinji. Ezyuk kwuggut vut tsut zyunotitshik hli ha kineịnjiikwitizhit akọ Vunkyọ rsotitinyoo nyiwhontluntitelya kenjit, ei ekwichichyo choog tunitiyin sso yi tsun tahtsya kenjit; akọ choog kwut sut nyiwho kwundei trooninịdhut dhitsyạ akọ rsikotitinyoo zyuntelya; akọ tsut koochid sheg vi nindulh kwu tsut nutetituta; Jesus Kreist nyiwbe Kekwadhut kirkhe. Amen.

¶ Akọ teị Minister nittshikwutetaä, akọ Kekwadhut vit gichinchik kwitezyoo techịnttai ha kwikit teigitekhya; tinjihnut tthui nuntshikwutgele, akọ giyah kwikitteigịkhyi, tzet tthui, akọ nichinkwuun te vih zit trigichinchi Vittekwichanchyo tsut kookudhunduk zit.
   

NYIWHOT Ttyi zyeh zit ni kwilnjik, Nyorzi rsinjoochootinyoo. Ni kookekwadhut nichoozhit. Ni yinji zyeh zit kwikit nunh kug akotekọnji. Chih trin zit nyiwhon enyạntsit trin ndo hlekwitunazya nyiwho ssih. Nyiwho trigwandyoth nyiwhet oounkwichjli nitsọ einut trigwandyoth nyiwhet tungitiyin kot sut oounkwichitili. Kookukwutundei kwu tsut nyiwhot tunọe rshọ; Kọ trigwandyoth kwut sut nyiwho yunnoụnji. Kwuggut yoo nitsun nilị kookekwadhut, ttei, akọ ekwandit, sheg akọ sheg kenjit. Amen.

¶ Akọteị kwikit gitekhya tthui,

Kekwadhut, nikyitnyiwhottevanịei.
Kwitịtrigịkhyi. Akọ nyiwho zhig ni tekwitichile kwikeitenahtya.
Presbuter. Vittekwichanchyo, khunkwittshị nyiwhạssi.
Kwitịtrigịkhyi. Kekwadhut, anidhook nyiwhot tsuttrunyundei.

¶ Tzet tutthug nugichilzi, Preabuter akọtititenja,

   Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
   Kwitịtrigịkhyi. Nitsọ trootshid kwịlih choog koọlị, akọ sheg kwikit kwitelya : nunh kwilyin kwitehli. Amen.
   Presbuter. Kekwadhut tuntichidhohe.
   Kwitịtrigịkhyi. Kekwadhut vorzi tuntichooë.

¶ Akọ tsut Psalm kwikitteitrigitekhya kọ chitrititelya koochazi ha nittsọ kuntukookwichiltsheị. akọ tsut Tigwititinyoo sheg kwut sut kwikitteitrigịkhyi nittsọ kittokookwichiltsheị. Akọ ei tlẹ, Magnificat (kọ Mari dhittsyạ ssotreltseị vit Chilig), tinjihzyoo kinjik zit, nittsọ kwikit tukwudhut.

MAGNIFICAT. St. Luke i. 40.

KEKWADHUT si kwundei yi chahttsi : akọ sunkyọ Vittekwichanchyo Sahsi zit tseyin ịlih.
   Kwuggut yoo trig yi kahnduk : zugchöeị neyịyin.
   Kwuggut yoo kwinyạyin, choog kwut sut : nizyoọnedichi tutthug ssotreltseị zyunsikoterzya. Kwuggut yoo uttun chintluth ekwichichyo kwichịnttsi senjit tettiyin : akọ Rsotitinyoo Vazi.
   Akọ einut rsungiyoohtahnyoo vi zyooguttigwidichyo koh kkọ kwichoeị : nizyoọnedichi tutthug kạthog.
   Ti kyin ha kwuttei keiniltyị : ersitchileịnut koh ttri ninjiitrudhut ha rsyetetgichotli.
   Chintluthnut koh kekwadhut choh tettlchiti kwut sut nechotli : akọ chịntsulnut nichanchik.
   Vizitkwiltsiknut echichi nirzị ha koh zit tunkwitunäe : akọ chilenut kwizha oounzyunnechileh. Ti zyooguttigwidichyo unahnjik kenjit yih kahnduk Israel tsut trininjik; nittsị nyiwho ttyinut tsut khenitteitinittäeị, Abraham akọ vi kkyinut tsut sheg kenjit.
   Kwittyi akọ Kwitinji tsut : akọ Chunkyọ Rsotitinyoo tsut ekwhandit koli;
   Nitso trootshid kwịlih, choog koọlị, akọ sheg kwikit kwitelya : nunh kwilyin kwitehli. Amen.

¶ Kọ chih Psalm: Rsyenun Ttrin ihthlogchotyin tsut vunchuthnukozukdhityin ttsut koọlị teị kwirzị elyet kkwa, akọteị Psalm koochazi kkyọ kwikitteitrigịkhyi.

CANTATE DOMINO. Psalm xcviii.

KEKWADHUT Vittekwichanchyo tsut chilig kechid untohli : kwuggut yoo ekwichichyo nukwatte tunetiyin.
   Khe vunli nandeitseị akọ vih kyin rsotitinyoo ha : kwitugtigwichichyo uttu tsut khugwitäeị.
   Kekwadhut Vittekwichanchyo vi chekwasi ket kwahnduk : atshinnut nda vi tshigwichöe tigwitiyin kwirzi kwikeinilhtyị.
   Israel vih zzeh kwu tsut vih zyooguttigwidichyo hlitegwitli ha kunahnjik; akọ nyiwhoh Vittekwichanchyo vi chekwasi nunh lin tutthug zyunkoogwunạhyin.
   Kthoikit tutthug Kekwadhut tsut ssozyunohlị : untohli tseyinzyunohlị akọ huị kwuntluntohli.
   Ttlyäetli ha Kekwadhut tuntichidhohe : ttlyäetli ha hui kwuntlutitäei kwi chilig rsotitinyoo ha untohli.
   Vizitvizyoo tthei akọ yoozyoo etli ha : Kekwadhut Vittekwichanchyo choh nda ssozyunohlị.
   Choọchoh nudhotthun akọ tutthug kwikit zyunkoọlị : nunh tutthug kwizit tunkoonchyo ha.
   Hun kwutchoh hlinekwichootthuk akọ Kekwadhut Vittekwichanchyo nda tdha nikha saozyunkoli : kwuggut yoo nunh kutoututahtri kenjit ninetutetudha.
   Tshitgwichöe kuttukwitichatri ha nunh kuttoutitahtri : akọ tinjihnut tshitgwichöetigwitiyin ha.
   Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
   Nitsọ trootshid kwịlih, choog koọli, akọ sheg kwikit kwitelya : nunh kwilyin kwitehli. Amen.

¶ Akọ tsut Tigwititinyoo Kechid kwut sut Kwikitteitrigịkhyi, nittsọ kittekookwichiltsheị. Akọ ei tlẹ, Nunc dimittis (kọ Sumion vit chilig) tinjihyzoo kinjik kit, nittsọ kwikit tukwudhut.

NUNC DIMITTIS. St. Luke ii. 29.

KEKWADHUT, choog ni kahnduk kehletiohodhut: ni kinjik kit, tsinettun zit.
   Kwuggut yoo sinde : ni Chekwasi kwunạhyin.
   Ei yoo rsyenugwinịeị : tinjih tutthug koh nda;
   Attri Atshinnut giitattri : akọ Israel ni tsyanut koh ekwahndit.
   Kwittyi akọ Kwitinji tsut : akọ Chunkyọ Rsotitinyoo tsut ekwahndit koli ;
   Nitsọ trootshid kwịlih, choog koọlị akọ sheg kwikit kwitelya : nunh kwilyin kwitehli. Amen.

¶ Kọ chih Psalm: Rsyenun Ttrin ihlogchotyin tsut nekthuị ttsut koọlị teị kwirzị elyet kkwa.

DEUS MISEREATUR. Psalm lxvii.

VITTEKWICHANCHYO nersingichachyo nyiwhoh choonyoo, akọ kwịrzị tinnyiwhohyin : akọ vinyun attri kkenyiwhoh nyootyi, akọ nersingichachyo nyiwhoh choonyoo.
   Nyih nutinde nunh kug kakutetundei kenjit : nih rsyeninekwili chekwasi tutthug kwitchinnut tet.
   Tinjih tunnyigitichooë Vittckwichanchyo : ạhạ, tinjih tutthug tunnyigitichooë.
   Tinjih kwitchinnut ssozyunkoli, akọ tseyinzyunkoli : kwuggut yoo tshigwichöe tsut tinjih untoututạntri akọ nunh kug kwitchinnut tsut kunkwutạdhut.
   Tinjih tunnyigitiohooë Vittekwichanchyo : ạhạ tinjih tutthug tunnyigitichooë.
   Akọ teị nunh kwunasi kwịrzị kwutunasya : akọ Vittekwichanehyo khe nyiwhoh Vittekwichanchyo vih kwịrzị kwuntlukwutazi nyiwhontlututahzya.    Vittekwichanchyo kwịrzị nyiwhontlunkwititelya : akọ tutthug nunh kug kwilyin rsyungiyootitenja.
   Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
   Nitsọ trootshid kwịlih, choog koọlị, akọ sheg kwikit kwitelya : nunh kwilyin kwitehli. Amen.

¶ Akọ taut Chilehnut koh kwikinjikwizhit chitrititelya kọ akọtititetinja Minister akọ tinjihnut kirkhe, nugichilzi.
 

¶ Akọ ei tlẹ, chih Gichinchik kwikit tukooë, tutthug nirsyookonyoo ha nuntshikwutgele; Minister trootshid kwitezyoo techintsi ha akọtinyoo.

Kekwadhut nyiwhah koli.
Kwitịtrigịkhyi. Akọ nyin nkyọ ha.
Minister. Zyunguttochya.
Kekwadhut, nersingichachyo nyiwhochịnyoo,
Kreist, nersingichachyo nyiwhochịnyoo.
Kekwadhut, nersingichachyo nyiwhochinyoo.

¶ Akọ tsut Minister, Kwuttsuttrinjinut, akọ tinjihnut Kekwadhut vit Gichinchik kwitezyoo techịntsi ha akọtungititenja.
 

NYIWHOT Ttyi zyeh zit ni kwilnjik, Nyorzi rsinjoochootinyoo. Ni kookekwadhut nichoozhit. Ni yinji zyeh zit kwikit nunh kug akọtekọnji, Chih ttrin zit nyiwhon enyạntsit ttrin ndo hlekwitunazya nyiwhoh ssih. Nyiwho trigwandyoth nyiwhet oounkwichịli nitsọ einut trigwandyoth nyiwhet tungittiyin kot sut oounkwichitili. Kookukwutundei kwu tsut nyiwhot tunọe rshọ; Kọ trigwandyoth kwut sut nyiwho yunnoụnji. Amen.

¶ Akọ tsut Presbuter nudhut akọtititenja,

   Kekwadhut, ni zyooguttigwidichyo nyiwhoh kkọ kwikeinyạntyi.
   Kwitịtrigịkhyi. Akọ ni chekwassi nyịwhontlekwichịei.
   Presbuter. Kekwadhut, kekwadhut choh nyạssi.
   Kwitịtrigịkhyi. Akọ zyooguttigwidichyo ha nyiwno dhọntsheị akọteị te ni tsut zyunochitukthut.
   Presbuter. Ni Ministernut tshitgwichoëtigwittiyin ha ko nenyạntsyoo.
   Kwitịtrigịkhyi. Akọ ni tsyahnut uttoutitinyoonut tseyingichachyo ko nyạntsi.
   Presbuter. Kekwadhut, ni tsyahnut ko nyạssi.
   Kwitịtrigịkhyi. Akọ ni kwittiịnut kwịrzị tunkohvạyin.
   Presbuter. Nyiwhah ndokwedha, Kekwadhut tsietun kwuntloụe.
   Kwitịtrigịkhyi. Kwuggut yoo chizi nyiwhenjit nitsyathut kkwa, kọ nun rzị Vittekwichanchyo.
   Presbuter.Vittekwichanchyo, nyiwhoh zit nyiwho ttri chanchi.
   Kwitịtrigịkhyi. Akọ Nyun Nkyọ Rsotitinyoo nyiwhot sut oonn noụnji rshọ.

¶ Akọ tsut Gichinchik ttyig kwikit tukwitedhut, ei Ttrin kenjit trootshid: nekud, Tsinettun kenjit; ttyid Kwutsuttrikwinji kenjit Koogwunachut tutthug netsi, nittsọ tzut kootlẹ kwikit tukwudhut: ei Gichinchik nekthuị huịko, ttrin kwitetkookwinyachyo Khahtsut Trigichinchik teị nithlinetsi kettun tigwititetinja.
 

Khahteut Trigichinchik teị Gichinchik nekud.

VITTEKWICHANCHYO, tinjikwidichi rsikotitinyoo tutthug, katronitun nirzị tutthug, akọ kwittrid tshitgwichöe tutthug nit sut nekwichichya: Ni kahnduknut ei tsinettun koh nitlunkwiohịei, ei yoo nunh kug elyet kookwidhun kwuntlukwitili; akọ tsut nyiwho ttri tthei ni tugwitetuggun kunkwutata yinjuntunahwa, akọ ni kirkhe tthui nyiwho tsutkwilheịnut koh nuchutkwichachyo ttsut nyiwho kutrunyoo kenjit nukwazi akọ khekwutachyo zit nyiwho ndo kwedha zyunkwutitundei; Jesus Kreist nyiwho Assi vi ginilị kirkhe. Amen.
 

Kwutsuttrikwinji kenjit koogwunachut tutthug netsi, Gichinchik ttyid.

KEKWADHUT Vittekwichanchyo nyiwho tsegga guạnttri ni tsut zyunititshik; akọ ni zyooguttigwidichyo chịnttsi kirkhe choog ttodh undeikwichanchyo akọ koukonyoo kwututthug kwut sut nyiwho kunninyo; ettevirzi, nyiwho Assi, Jesus Kreist vi chettigwinidhun kirkhe. Amen.

¶ Nichin te Etlinut koọlị akị Kwitekit nichin te chitritli, tzet Chilig kwikit tukwudhut.
 

Gichinchik Kekwadhut choh enjit.

KEKWADHUT Vittekwichanchyo, zyeh kug nyiwhot Ttyi, neyitịzhit akọ chịntluth, kekwadhut choh tshidnut kwet Kekwadhut choh tshid, kekwadhutchohnut kwet Kekwadhut choh, kekwadhut tshidnut kwet Kekwadhut rzị, nun nit kitetlchiti kwut sut nunh kug kwundeinut tutthug zyunnyạyin; Kwittri thlanchi ha ni tsut zyunititshik nit chekoọrzị ha nyiwhe kekwadhut choh tshid chịnttsi, Kukwadhut choh George nyantshị: akọ Chunkyọ Rsotitinyoo kwutsuttrikwinji ha kwikit vi zit tetinyạeị, akọ tsut ni yinji kit sheg yitinezhya, akọ ni nutinde kit kwutendei: Zyeh kug ozi kwịlyeị vuntlukwichịli; akọtouchịnyoo rsyekwundei akọ kwichile zit nizhook kwutendei; nichạnttei yi tsutkwilheịnut tutthug zugtuntahya akọ koh tugtuntechya; akọ koochid, tzut trookwundei kootlẹ, rsikoonchyo akọ tseyinkwichanchyo kwutattha kwilyin kwitehli kitettiya; Jesus Kreist nyiwhe Kekwadhut kirkhe. Amen.
 

Kuttrookwadhut tahid zzehkkọ enjit Gichinchik.

HLANCHI ha Nichinttei Vittekwichanchyo, kwịrzị tigwittiyin tutthug etteịleị, khuzugtigwidichyo ha ni tsut zyunititshik Kwiyëutchohtshid Mari, Kwiyëutchohtshid Kwuhun Alexandra, Edward Wales Kekwadhut tshid, akọ kuttrookwadhut tshid zzehkkọ kwịrzị koh tsut tinitiyin: Nyunkyọ Rsyotitinyoo koh nittlunili; zyeh kug ni chekoọrzi ha koh zit tetinyäeị; tseyinkwichanchyo tutthug koh nitlunkwichịli; akọ sheg ni kookekwadhut kwu tsut nekonili; Jesus Kreist nyiwhe Kekwadhut kirkhe. Amen.
 

Ministernut akọ tinjihnut enjit Gichinchik.

HLANCHI ha Nichinttei akọ sheg Vittekwichanchyo, nun rzị Chunkyo ozi kwuntluchịei: Nyiwhot Khuotahyinnut akọ chizi Gikhyinut, akọ Hlelchilnut tutthug koh kwikenahtyi tsut kwuntlutrantshị, ni chekoọrzi Nikyọ, rsyehkwahndei koh kkọ tichạshit; akọ hlih ha sso ni tsun gutahtsya kenjit, ni kwịrzị tigwittiyin techoọ kọ telchoọ sheg koh kkọ nechịnja. Kekwadhut Vittekwichanchyo, akọtunnyiwho chịnyoo, nyiwhot Kwitutsutgikhyi akọ Nikunyoo, Jesus Kreist vi yinjikwichile kirkhe. Amen.

¶ Gichinchik tinjih tutthug nithlinetsi kohzyunkwilnjik enjit, vizit trigititechya akọtinchi teị tinjih tutthug enjit kwititshik vizit trigititechya kittukookwichiltsheị kkwa.
 

VITTEKWICHANCHYO, tinjih tutthug zyunkohdhạntseị akọ kohkunyạntyi, chettukotithinyoo ha tinjih tutthug nihlinetsi tunthichyo akọ nihlinetsi kohzyunkwilnjik enjit ni tsut zyunititshik; kwikit kettitinizhya nyi nutinde kazyunkohtạndul, ni chekwassi nihlinetsi kwitchinnut tutthug tsut kwikeitunạntya. Kwiyendo tsut Hlitrelchil Nikyọ kwịrzị tungitechya kenjit ni tsut zyungittinichi; Chunkyọ Rsotitinyoo kirkhe kwikit zyunkoh tunetuä akọ koh tsut kunkwututahta, tutthug Kreist ttsun nilinut zyunitilị zyunuttugutahtinyoo akọ kwikit ket zyunkookwahnduk hlitegwitli kwinie kwinjyo akọ kwizit zyunkohtunetuä, akọ ihlog kwiyinji zit, tsinetun hlukwinadhun zit, akọ tshitgwichöetigwittyin trikwundei zit kwikinjikwizhit kungutunahtya. Huịko tsut, einut tutthug khuịnjikidichi kọ kwähuttseịnutroogwiei, kwiyinji zit, kwizyin zit, kọ kwittiị zit nit kwịrzị tigwittiyin kwittyi ttsun kwu tsut, kohnittlundhitshi: [*kwiyendo taut einut kwenjit nyiwhot gichinchik koọkuttigwinidhun] kwikit kettitinịzhya koh nutạshọ akọ koh tsut truntindei nitsọ nihlinetsi kettuntungidichyo, khuịnjikidiohi kathog khekwutachyo koh nitlunchịei, akọ koh kuịnjikwidichi kwut sut ssotrigweltseị ndotunäeị. Chih ekwichichyo zyunochitukthut Jesus Kreist vi chettigwinidhun kirkhe. Amen.

¶ Huị kwuntlukwitäei ekwichichyo kwututthug kenjit.
 

General Thanksgiving

† Chih akotititetinja ihthlẹ venjit trigetiti teị koọkettinidhun huị kwuntlutitelya.

Krisostom rsotitinyoo vit Gichinchik.

HLANCHI ha Nichinttei Vittekwichanchyo, nun kwutsuttrikwinji nyiwhontlukwichịeị choog ehlog kwiyinji ha nyiwho nikha zyunotutukthut nit tsut zyuntatsya; akọ khenitteitinyitäei, nyorzi zit nekunnut kọ ttyẹnut hligelchil teị nittsọ zyunkotutukthut koh nitlutịlya: Kekwadhut, nyi kahnduknut koh tinjikwidichi akọ koh zyunotutukthut choog kwittshilikwịei, nittsọ kwenjit kwiyendo tsut kookooli; tzet nunh kug ni hlitegwitli kikyikwanjik nyiwhontlukwichịli, akọ nunh kug nukwitutattha kwi zit sheg kwundei. Amen.

2 Cor. xiii.

NYIWHE Kekwadhut Jesus Kreist vi chekoọrzị, akọ Vittekwichanchyo chettigwinidhun, akọ Chunkyọ Rsotitinyoo nichya, sheg nyiwho tutthug tinya zyunkoli. Amen.

Tzut Khahtsut Trigichinchik Koochazi Nukwutudhut tutthug kạthog kenjit ndonyaeị.

VUHN TRIGICHINCHIK TEI.

¶ Chih Ninjikwudhut teị, Kreist vii kwịlih ttrin, Epiphani, Matthias rsotitinyoo, Ninekwali ttrin, Gitritichodhut ttrin, Nekwazi ttrin Takuị, John Baptist Rsotitinyoo, James rsotitinyoo, Bartholomai rsotitinyoo, Matthew rsotitinyoo, Simon rsotitinyoo akọ Joudas rsotitinyoo, Andrew rsotitinyoo, akọ Nekwazi ttrin Ttyẹnut tritilị teị, Vuhn Trigichinchik teị etrititelya kọ akọtititetinja, Chilehnut Kwikinjikwizhit ti, chih Kettrookwahnduk Kreist ttsun nilị nyiwhot kwikinjikwizhit, Athanasius rsotitinyoo Kwikinjikwizhit nikhun kwikit koovazi, Minister akọ tinjihnut kirkhe, nugichilzi.

QUICUNQUE VULT

CHOOTYIN te vihsizi yinihdhun : ekwichichyo kwututthug kwitshikh kookoọlị Kwikinjikwizhit Nikyọ kuttunahtya.
   Chootyin te ei Kwikinjikwizhit hlọ ha akọ dhittsyạ kunahtya kkwa : nukweyinjiikwitizhit ketun sheg kenjit rsyetetgititelya.
   Ahọ Kwikinjikwizhit Nikyọ kwikit tekwichöeị : Vittekwichanchyo ihlog Ttyenut tritilị zit, akọ Ihlog kwitilị zit Ttyẹnut tritilị vut tsut zyungittinichi;
   Tritilịnut nukweyinjitritizhit kkwa tthui : akọ Hlanchi ha Kwitilị vukunetritili kkwa tthui.
   Kwuggut yoo Kwittyi Ihlog Tilị nilị, Kwitinji Ihlog Tilị nilị : akọ Chunkyọ Rsotitinyoo Ihlog Tilị nilị.
   Kọ Kwittyi Vittekwichanchyo tilị, Kwitinji Vittekwichanchyo tilị, akọ Chunkyị Rsotitinyoo Vittekwichanchyo tilị ihlog rzị kwitilị : Ekwahndit nihlugwachyo, Chịnttsi kwutattha kwilyin kwitehli nihlugwachyo.
   Nittsọ Kwittyi tinchyo, kwikit Kwitinji tinchyo : akọ kwikit Chunkyọ Rsotitinyoo tinchyo.
   Kwittyi treltseị kkwa, Kwitinji treltseị kkwa: akọ Chunkyo Rsotitinyoo treltseị kkwa.
   Kwittyi elyet vilyin kwitehli, Kwitinji elyet vilyin kwitehli : akọ Chunkyọ Rsotitinyoo elyet vilyin kwitehli.
   Kwittyi sheg tinchyo, Kwitinji sheg tinchyo : akọ Chunkyọ Rsotitinyoo sheg tinchyo.
   Akọ kwitizyik, ttyẹnut sheg tinchyonut elyet zyungilị : kọ sheg tinchyo ihlog.
   Nittsọ tthuị, elyet hlanchi ha vilyin kwitchlinut ttyenut zyungilị, akọ trelhtsinut ttyẹnut elyet kkwa : kọ ihlẹ elyet trahtsya, akọ ihlẹ elyet hlanchi ha vilyin kwitchli.
   Kwikit tthui, Kwittyi Hlanchi ha Nichinttei, Kwitinji Hianchi ha Nichinttei: akọ Chunkyọ Rsotitinyoo Hluuchi ha Nichinttei.
Akọ kwitizyik, Ttyẹnut Hlanchi ha Nichintteinut elyet zyllngilị : kọ Hlanchi ha Nichinttei ihlog.
   Kwikit Kwittyi Vittekwichanchyo nilị, Kwitinji Vittekwichanchyo nilị : akọ Chunkyọ Rsotitinyoo Vittckwichanchyo nilị.
   Akọ kwitizvik, Vittekwichanchyo ttyẹnut elyet zyungilị : kọ Vittekwichanchyo ihlog.
  Kwikit tthui Kwittyi Kekwadhut nilị, Kwitinji Kekwadhut nilị : akọ Chunkyọ Rsotitinyoo Kekwadhut nilị.
   Akọ kwitizyik, Kekwadhut ttyẹnut elyet kkwa : kọ Kekwadhut ihlog.
Kwuggut nittsọ nyiwhot trutunahkui Christ ttsun nilị kwikyinjikwizhit kirkhe : ihlog tilị ettounyachyo thun Vittekwichanchyo akọ Kekwadhut nilị ketkwutanduk;
   Kwikit Tunutrunatlị Nikyọ kirkhe kinunyinwhohtrutuneun : Vittekwichanchyo ttyẹnut, kọ Kekwadhut-ttyẹnut zyunkoọlị akọtuntititinja.
   Kwittyi ihlẹ kirkhe treltseị kkwa : kakwilị ttsut treltseị elyet kkwa, akọ elyet vi kwilya tthui.
   Kwitinji Kwittyi ttsut rzị nilị : elyet trahtsya, kakwilị ttsut elyet trahtsya, kọ vi kwịlih.
   Chunkyọ Rsotitinyoo Kwittyi akọ Kwitinji ttsut nilị : elyet trahtsya tthui, elyet vi kwilya tthui, kọ kwut sut titizhit.
   Kwikit Kwittyi ihlog koọli, Kwittyi ttyẹnut elyet kkwa : Kwitinji ihlog, Kwitinji ttyẹnut elyet kkwa : Chunkyọ Rsotitinyoo ihlog, Chunkyọ Rsotitinyoo ttyẹnut elyet kkwa.
   Akọ chih Ttyẹnut tritilị zit ihlẹ trootshid ilị tthui, ihlẹ kwikitlẹ ilị tthui : ihle kwiyendo tsut chịnttsi ilị, kọ ihlẹ ihlẹ tsut kyiyeyit ilị.
   Kọ Ttyẹnut Tritilị tutthug sheg nihlugachyo zyunịlị : akọ nihlugachyo.
   Kwikit ekwichichyo tutthug zit, nittsọ uttuị tigwi tịnyoo : Ihlog kwitilị Ttyẹnut tritilị zit, akọ Ttyenut tritilị Ihlog kwitilị zit vut tsut trigititechya.
   Ezyuk kwuggut uttun visihzi yinihdhun : Ttyenut tritilị enjit etelye kwikit yittinezhya.
   Kwiyendo tsut kọ, sheg chekwasi kwu tsut kookoọlị : nyiwhe Kekwadhut Jesus Kreist kwutthuị ochithinjik tshitgwichöe tsut kwikinjitedha tthui.
   Kwuggut yoo Kwikinjikwizhit tshitgwichöe tekwichöeị, nyiwhe Kekwadhut Jesus Kreist : Vittekwichanchyo Tinji, Vittekwichanchyo akọ Tinjih nilị kwikinjitituta akọ ket kwutanduk;
   Vittekwichanchyo, Kwittyi, Hlanchi ha kwitilị ttsut, nunukwutudhut tutthug kwiyetshi vi kwịlih : akọ Tinjih, vuh Hun, Hlanchi ha kwitilị ttsut, kakwedha teị vi kwịlih;
   Vittekwichanchyo, hlanchi ha, akọ Tinjih hlanchi ha : kwundei ninjiidhut akọ tinjih tthuị tilị;
   Kwittyi ha hlachyo Vittekwichanchyo tilị ggut : akọ Kwittyi tsut kyiyeyit, tih Tinjih tilị ggut.
   Uttun, Vittekwichanchyo akọ Tinjih nilị kwitizyik: nukoọlyọ nekunnut tilị kkwa, kọ Kreist ihlog;
   Ihlẹ; Vittekwichanchyo tilị kwutthuị njyo etchitrinịdhut kwikirke elyet kkwa : kọ Tinjih tilị Vittekwichanchyo njyo trochithinjik.
   Ihlẹ hlanchi ha; Hlanchi ha Kwitilị nukweyinjikwitizhit kirkhe elyet kkwa : kọ Kwitilị ihlog tilị kwikirkhe.
   Kwuggut yoo nittsọ kwundei ninjiidhut akọ kwuttheị tinjih ihlog tilị : kwikit Vittekwichanchyo akọ Tinjih Kreist ihlog nilị;
   Uttun nyiwhot chekwasi kenjit khuinjiithudhut : kwiyezug kootetichodhut, nekud trin kendo trin nininchik tet kwut sut ninelkhyin.
   Zyeh zyọ kinetichithudhut, Vittekwichanchyo Hlanchi ha Nichinttei, Kwittyi nandeitseị dhiti : ezyuk kwut sut ninututetudha kwundeinut akọ nininchiknut untoututatri kenjit.
   Ninutetudhut teị tinjih tutthug kitti zyin ha nịnegutali : akọ khe kitti kwittrid kenjit zyunkookwutahnduk.
   Akọ einut kwịrzị tungettiyin kwundei sheg kwinjyo gututeta : akọ einut kwirzoọ tungettiyin kkon sheg kwinjyo gututeta.
   Chih Kwikinjikwizhit Nikyọ tekwichöeị : ei yoo tinjih kwiteinjikwichanchyo ha kwikyinjizhit kkwa chi, elyet kookwidhun tetizi.
Kwittyi akọ Kwitinji tsut : akọ Chunkyọ Rsotitinyoo tsut ekwahndit koli;
Nittsọ trootshid kwịlih choog koọlị akọ sheg kwikit kwitelya : nunh kwilyin kwitehli. Amen.