¶ Anpetu en Kiciyuzapi Yuwakanpi kte cin kaĥniĥ knakapi, qa he iyehan Wicaśa qa Winyan kiciyuzapi kte cin, Tipi-wakan en timahen hipi kta, qaiś tipi wan en econpi kta iyececa, en wiyeya yankapi kta, tona takuwicayapi qa kodawicayapi kin ob; qa hen najinhan najinpi kta, Wica kin e etapa kin eciyatanhan qa Winyan kin catka kin eciyatanhan, Wicaśa Wakan kin heyin kta,

Waśtecicidapi kin, Wakantanka itokab, qa omniciye den yankapi kin wicitokab, Wicaśa kin de qa Winyan kin de kici Wakankiciyuzapi en icikoyag wicunyanpi kta e, den witaya unhipi; he oun okinihan heca, Wakantanka kaga, Christ qa Okodakiciye tawa kici wakanyan tawaye cin yuatanin kin; nakun Galilee makoce kin, Cana otonwe en okiciyuze ecoupi qon Christ en un, qa wapetokeca tokaheya econ kin eciyatanhan oun kin de yuonihan; qa Saint Paul he wicaśa owasin en woyuonihan keya: qa heon etanhan tuweni iyukcanśniyan qa awacinśniyan en iyeiçiyin kte śni; tka yuonihanyan, ksamyahan, iyukcanyan, wacinksamya, qa Wakantanka ohodayan econpi kta. Wicoĥan wakan kin he en wicaśa qa winyan kin denaos icikoyagwicayapi kta e hipi, Wicaśa tuwe keśa taku on kiciyuzapi kta iyececa śni, sdonya hecinhan, dehan taninyan eyin kta, qaiś detanhan tokata ohinni inina un kta.

¶ Qa nakun Wicaśa qa Winyan kiciyuzapi kte cin, hewicakiyin kta,

Niyepi nupin heciciyapi qa iwaktaciyapi, anpetu wokokipe wan wayasupi kte cin en wicacante owasin yuzamnipi kte cin, he en iniwangapi kte cin, heon etanhan unmatukte kaśa Wakankiciyuzapi en icikoyag-niyanpi kte śni iyecen wicoĥan wanji duhapi hecinhan, dehan oyakdakapi kta. Qa he tanyan sdonya po, tuwe Wakantanka Oie kin oknayan śni, kiciyuzapi kinhan, kiciyuzapi kin he woope wakan eciyatanhan śni,

¶ Wicaśa Waken kin, Kiciyuzapi kte cin woope oknayan econpi kte śni dake cinhan, he awicakehan heconpi kin, taku on yutanin wicaśi kta: tka taku on icagipi kta iyececa wanice cinhan, Wicaśa Wakan kin Wica kin heciyin kta,
 

¶ Wica kin ayuptin kta,

Hecamon kta.

¶ Hehan Wicaśa Wakan kin Winyan kin heciyin kta,

N. Wicaśa kin de kiciyuzapi eciyatanhan hiknayayin kta he, kici Wakantanka woope tawa kin oknayan Wakankiciyuzapi ounye kin he en yaun kta he. lye waśteyadakin kta he, yecanptin kta he, duonihan kta he, qa wicozani qa wowayazan nupin en duha kta he; qa tokecapi owasin aduśtan, iśnana en nikduha kta he, tohanyan nupin yanipi kin hehanyan.

¶ Winyan kin ayuptin kta,

Hecamon kta.

¶ Hehan Wicaśa Wakan kin heyin kta,

Winyan kin de, Wicaśa kin de hinknayin kta e, tuwe qu he?

¶ Hehan de iyecen wicakeya ekiciyapi kta. Wicaśa Wakan kin, Winyan kin atkuku qaiś takodaku wanji nape kin etanhan icu Wica kin nape etapa kin on Winyan nape etapa kin eciyatanhan yuskiyin kta, qa iye eye cin ihakab, token eye cin, ecen eya ayin kta, de iyecen.
 

N. Miye N. niye kiciyuzapi eciyatanhan ciyuzin kta e eciyaku, detanhan tokatakiya tawaciye ça ciyuha kta, wicowaśte qa wicośice en, wowijice qa wicowaĥpanica en, wowayazan qa wicozani en, waśtedakeya qa cantekiya, tohanyan wiconte unyukinunkan śni kin hehanyan, Wakantanka woope wakan tawa kin oknayan; qa dena on awicakehan hecen eciciya,

¶ Hehan nape akiciyuśtanpi kta; qa Winyan kin nape etapa On Wica kin nape etapa kin en yuze, ça iś eya Wicaśa, Wakan kin ihakab heya ayin kta.

N. Miye N. niye kiciyuzapi eciyatanhan hiknaciyin kta e eciyaku, detanhan tokatakiya tawaciye ça ciyuha kta, wicowaśte qa wicośice en, wowijice qa wicowaĥpanica en, wowayazan qa wicozani en, waśtedakeya, qa cantekiya, tohanyan wiconṭe unyukinunkan śni kin hehanyan, Wakantanka woope wakan tawa kin oknayan; qa dena on awicakehan hecen eciciya.

¶ Hehan ake nape akiciyuśtanpi kta; qa Wica kin decen Napsiyoĥdi wan Winyan kin qu kta. Qa Wicaśa Wakan kin Napsiyoĥdi kin icu qa Wica kin qu kta, Winyan kin catka eciyatanhan śaśte iyokihe kin en unkiyin kta.

¶ Tka Wicaśa Wakan kin, Wica kin napsiyoĥdi qu śni itokab, cin kinhan, decen eyin kta,
 

Ate unyanpi, maĥpiya ekta nanke cin, Nicaje wakandapi nunwe. Nitokiconze u nunwe. Maĥpiya ekta nitawacin econpi kin, He iyecen maka akan econpi nunwe. Anpetu iyohi aguyapi kin, anpetu kin de unqu miye, Qa tona ecinśniyan ecaunkiconpi wicunkicicajujupi kin, He iyecen waunĥtanipi kin unkicicajuju miye, Qa taku wawiyutanye cin ekta unkayapi śni miye; Tka taku śice cin etanhan eunkdaku miye. Wokiconze kin, qa wowaśake kin, qa wowitan kin, hena ohinni qa ohinni nitawa heon. Amen.

¶ Henan Wicaśa Wakan kin koya eyin kta,

Wakantanka Otokahe nice cin, wicaśa owasin Wicakage ça Wicayuhe cin, Woniya eciyatanhan wowaśte owasin Wicaqu kin, wiconi ohinniyan Kage cin, he niye; Nitaokiye kin dena woyawaśte nitawa kin uwicakiya ye, wicaśa kin de qa winyan kin de, hena Nicaje kin eciyatanhan wicunyawaśtepi; hecen nupin owotanna rripi kta, qa token ekiciyapi kin he kiksuyapi qa awacin unpi kta, (heon kiciksuya unpi kta e, Napsiyoĥdi kin de kiciçupi), qa ohinniyan waśtekicida qa canteśinkiciyeśniyan unpi kta, qa woope nitawa kin hena oknayan oĥanyanpi kta; Jesus Christ Itancan unyanpi kin he eciyatanhan. Amen.

¶ Wocekiye kin denaos unma qaiś napin Wicaśa Wakan kin cin kinhan, koya eyin kta,

Wakantanka Iyotan-waśaka, wicaśa owasin wicayakage cin, Niśnana wiconi owahinape kin he Niye; iyecetuyada kinhan, nitaokiye denaos, wakanheja wicayuhapi kta wookihi kin wicaqu ye; qa Nicaje kinihanpi qa yuonihanpi kta e cincapi kin Nitowacinye qa ohonidapi kin en icaĥwicakiyapi kta, ecetuya ye; Jesus Christ Itancan unyanpi kin he eciyatanhan. Amen.

Wakantanka, Niye Wakankiciyuzapi oun kin he duwakan kin, hecen he en Christ Okodakiciye Wakan kici wakanyan Wakankiciyuzapi qa woyuokonwanjina odake qa duotanin; nitaokiye kin dena os onsidaya awicatonwan ye, hecen sakim waśtekicidapi, kiciyuonihanpi, qa cantokiciknakapi kta qa tipi tawapi kin woyawaśte qa wookiye wowaĥbana heca kta e, iyepi woowotanna en qa wacintankaya, woksape qa wicakeya Wakantanka ohodapi en, nupin nipi kta; Jesus Christ Itancan unyanpi kin hee eciyatanhan, he iye, niye qa Woniya Wakan kin ob, niun qa wokiconze yuha, Wakantanka wanjina, maka owihanke wanin. Amen.

¶ Hehan Wicaśa Wakan kin nape etapa kin icikoyagwicayin kta, qa eyin kta,

Tona Wakantanka wicayuokonwanjina kin wicaśa tuwena wicayukinunkan śni nunwe.

¶ Hehan Wicaśa Wakan kin en yankupi kin hewicakiyin kta:

N. qa N. kici, Wakantanka qa omniciye den yankapi kin wicitokab, kiciyuzapi wakan econpi kin, heon etanhan, qa hecen econpi kta kekiciyapi, qa en Napsiyoĥdi kiciçupi, qa nape kiciyuzapi kin on yutaninpi kin; heon etanhan Hiknaku qa Tawicukiciyapi kin he bdatanin, Ateyapi kin, qa Cinhintku kin, qa Woniya Wakan kin Caje on. Amen.

¶ Qa Wica qa Winyan kin canpeśka makakde inajinpi kta, qa Priest kin Woyawaśte kin de eyin kta,

Wakantanka Ateyapi kin, Wakantanka Cinhintku kin, Wakantanka Woniya Wakan kin, niyawaśtepi, niyuhapi, qa oniciyapi nunwe; Itancan kin onśidaya towaśte kin on wanniyakapi, qa Woniya eciyatanhan wowaśte kin owasin ojuniyanpi nunwe; hecen wiconi kin de en owotanna yanipi, qa ecen makoce u kte cin ekta, wiconi owihanke wanice cin he duhapi kta. Amen.

¶ Kiciyuzapi on woope kin, Tipi-wakan en Yaotaninpi kin he, qaiś waaiapi en Iyowinwicakiyapi kin. Makoce togye unpi ece kin, heon tona kiciyuzapi kte cin, taku owasin en token woope kiciyuśtanpi kin, Wicaśa Wakan otoiyohi woope kin oknayan token econp« iyececa kin, he ecen econ kta.

¶ Qa tohan Yaotaninpi kin oyakapi kinhan wicoie kin dena eo kta: N.—— etanhan, qa N.—— etanhan Kiciyuzapi kta Yaotaninpi kin he ohdaka. Wanji nituktepi kaśa taku wanji on icagipi qa kiciyuzapi kte śni iyececa, qa on Wicaśa qa Winyan kin denaos Wakankiciyuzapi kin on icikoyagwicayapi kta iyecece śni e, sdonynyapi hecinhan yaotanin po. De tokaheya (inonpa qaiś iyamni) iwicawange cin hee.