¶ Wicaśa Wakan kin, wicatancan kin akipe, ça itokab mani kta, Tipi Wakan kin ekta, qaiś Wicaĥapi kin ekta, qa de eye qaiś ahiyayin kta,

Woekicetu qa wiconi kin he miye, Itancan kin eya: tuwe wicamada kinhan, tokeĥcin ţa eśa, ni kta: qa tuwe niun qa wicamada kinhan, tohinni ţin kte śni.

Opemakiton kin niun kin, he sdonwaye, ça anpetu ehake kin en maka kin akan inajin kta, Qa mitancan kin de ihangyapi eśa Wakantanka wanbdakin kta, qa miiśta kin wanyakin kta, qa wicaśa matokeca iyececa kte śni.

Maka kin de en takuni unkahipi śni qa awicakehan hetanhan takuni unkayapi unkokihipi kte śni. Itancan kin wawicaqu, qa Itancan kin iwicacu; Itancan Caje kin yawaśtepi nunwe.

¶ Tipi Wakan timahen ipi iyahakab, Psalm kin dena etanhan wanji qaiś sanpa eyapi kta. Psalm wokaĥniye ataya qaiś Psalm otoiyohi iyohukab Gloria Patri eyapi kta.
 

ITANCAN, omawihanke kin sdonyemakiya ye, qa mitaanpetu kin tohanyan kta hecinhan; * hecen wamaśake śni ĥca sdonwakiyin kta.
    Wanyaka ye, mitaanpetu kin nape okdakinyan iyecen yakaga, qa wani kte cin he nitokab takuśni iyececa; * awicakehan wicaśa otoiyoni, sutaya najin eśa, oniya wanjina iyececa.
    Awicakehan wicaśa kin ohanzi wan en icicawinwin omani: awicakehan oniya wan on nihinciyapi; * woyuha waeknaka ece, tka tuwe hena pahi kta sdonye śni.
    Unkan nakaha, Itancan, taku e ape waun he.* Woape mitawa kin he niye etu.
    Wawaĥtani kin owasin etanhan imacu ye; * wicaśa witkotkoka wowiĥaĥamayanpi kta makage śni ye.
    Wawiyopeyapi on wicaśa waĥtani kin iyopeyaya, wayakukes'a iyecen owanyagwaśte kin dutakuniśni ece: * awicakehan wicaśa otoiyohi oniya wanjina hececa.
    ITANCAN, wocekiye mitawa kin naĥon ye, qa hoyewaye cin ninoge naĥonkiya ye; * waceye cin on inina yanke śni ye;
    Niye en wicaśa matokeca heon, unkdaka waun, * atewicawaya owasin un pi qon he iyecen.
    Mitokan etonwan ye, hecen waśagmiçiyin kta, * detanhan ibdabde śni, qa icinonpa en waun śni itokab.
 

Psalm 90. Domine, refugium.

ITANCAN, wowinape unkitawapi kin he niye, * woicage iciyaza uye cin.
    Ĥe kin hena icage śni itokab, maka kin qa makoce ko kagapi śni itokab, * ho, otokahe qa owihanke wanin, Wakantanka kin he niye.
    Wicaśa woatakuni śni ekta wicaduhomni, * qa akeś wicaśa cincapi kin, kdicu miye, eha ece.
    Omaka kektopawinge kin, he niiśta kin en ĥtanihan wanna henakeca he iyececa, * qa hanhepi en woawanyake wanjina iyececa.
    Kahin iyewicayaya woiśtinma wan iyececapi; * hinhanna eca wato iyecen ataninpi śni.
    Hinhanna eca to, qa wankankiya icaga; * ĥtayetu hehan kaśdapi, qa śnija qa puza.
    Ecin nitocanniye kin on unsotapi, * qa nitocanze cin on wikounpapi.
    Waunĥtanipi kin nitokab eyaknuka; * woanaĥbe unkitawapi kin niitoknake iyoyanpa kin en.
    Ecin anpetu unkitawapi kin owasin nitocanniye kin on tokan iyaya: * omaka unkitawapi kin wicowoyake wan iyecen unkdusotapi:
    Omaka unkitawapi anpetu kin hena omaka wikcemna śakowin, qa wowaśake yuke cinhan, omaka wikcemna śakdogan, * hececa eśa wowaśake tawapi kin wokakije qa takuśni, ecana owihanke, qa najica unkiyayapi kin heon.
    Hecen anpetu unkdawapi kta onspeunkiya miye.* kinhan wicoksape ekta cante yeunkiyapi kta.
 

Iyoyanpa mitawa qa Wanikiya mitawa kin he ITANCAN hee: tuwe kowakipin kta het * wiconi mitawa wowaśake kin he ITANCAN kin hee: tuwe on kopewakda kta het
    Taku wanji ITANCAN wakida, he awakita ece kta: * hecen anpetu tona wani kin owasin ITANCAN ti kin en waun kta, hecen ITANCAN toiyokipi kin wanbdakin kta, qa Tipi Wakan tawa kin iwanbdakin kta.
    Anpetu śice cin en tawakeya kin okna namaĥmin kta; * iye tawakeya onaĥme kin en inaĥmemakiyin kta; imnija wan akan wankan emaknakin kta.
    Unkan nakaha mapa kin * tokamayanpi mikdukśan hiyeye cin wiciwankab emakde kta:
    Hecen iye tawakeya kin okna wowiyuśkin wośnapi kin wawakiyuśna kta: * hecen wadowan kta, ho, ITANCAN odowan wakahiyayin kta.
    ITANCAN, tohan houwaye cinhan naĥon ye; * nakun onśimakida qa namaĥon ye.
    Miite akita ye, micante heniciya: * ITANCAN, niite awakitin kta.
    Miye etanhan niite nakiĥme śni ye, * canniniyan en nitaokiye kin tokan iyeye śni ye.
    Omakiye cin he niye; * eĥpemaye śni, nakun amayuśtan śni ye, Wiconi mitawa taWakantanka kin.
    Ĥanwayin kta tuka; * wiconi makoce kin en ITANCAN towaśte kin wanbdakin kta wacinwaya.
    ITANCAN kin ape wo; * tanyan canteţinza wo, qa nicante kin nicanptin kta; ITANCAN kin wacinyan wo.
 

Unkiyepi ekta woape qa wowaśake kin, he Wakantanka ee, * awicakehan wokakije en he wookiye iyeyapi ece.
    Heon etanhan kopeunkdapi śni; maka kin yutokecapi eśa.* qa ĥe kin miniwanca cokaya kin en ayapi eśa;
    En mini kin hotanin qa wowitonpeka eśa.* taja tanka on ĥe kin cancan eśa.
    Wakpa wan mini-canku tawa kin hena Wakantanka totonwe kin iyuśkinkiya;* tounye wakan kin, Iyotan Wankan un ounye cin he.
    Wakantanka he cokaya un; pahohopi kte śni;* anpao hinnapa hehan Wakantanka okiyin kta.
    Ainina un po, qa Wakantanka kin he miye e sdonya po;* oyate kin ekna mayawankantupi, maka akan mayawankantupi.
    Wicota en ITANCAN kin he unkicipi un;* Jacob ta Wakantanka kin, woape unkitawapi kin hee.
 

Ĥe kin hena ekta iśta yuwankan ewekdaku; * tokiyatanhan wowawokiye mitawa kin u he.
    Wowawokiye mitawa kin, ITANCAN kin; * maĥpiya maka ko kage cin he eciyatanhan u ce.
    Iye nisiha yutokanpi kte cin iyowinyin kte śni; * iye niyuha kin iśtinbe śni nunwe.
    Wanyaka wo, iye Israel yuhe cin, * ĥba qa iśtinbe śni ece.
    Awanniyake cin he ITANCAN kin hee; * nietapa ekta wowinape nitawa kin he ITANCAN kin ee.
    Anpetu icunhan, anpetu-wi kin kiunniniyin kte śni, * qa hanhepi-wi kin hanhepi icunhan.
    Taku śica owasin etanhan, ITANCAN kin niyuha kta, * iye ĥca ninagi kin awanyakin kta.
    Tankan idade ça tin yaku kin hena ITANCAN kin awanyakin kta,* detanhan tokatakiya qa owihanke wanin.
 

ITANCAN, ośbe kin etanhan houciciya ece; * Itancan, maho kin naĥon ye.
    Wocekiye mitawa ho kin, * ninoge naĥonkiya ye.
    ITANCAN, niye woaĥtani oyawa kinhan, * Itancan, tuwe najin kta het
    Niye en wokajuju yanke cin.* heon ohonidapi kta.
    ITANCAN kin ape waun, minagi kin ape yanka; * qa iye oie kin wacinwaya.
    Anpao kta ape unpi kin isanpa, minagi Itancan kin akipe, * anpao kta ape unpi kin hen a isanpa, epe.
    Israel, ITANCAN kin wacinyan wo;* ITANCAN kin en wowaonśidawaśte yanke cin heon, qa woekdaku ota iye kici un.
    Qa iye Israel woahtani tawa kin owasin * etanhan ekdaku kta.

¶ Hehan Woonspe kin hee kta, Saint Paul Corinth oyate Wowapi wicakicage cin, tokaheya kin, qa Wicowoyake iakezaptan kin hetanhan.
 

Wanna Christ wiconte etanhan piya kini, qa tona iśtinmapi kin hena en taku tokaheya icage cin hee. Wicaśa kin eciyatanhan wiconţe u kin, he iyecen wicaśa eciyatanhan wiconţe etanhan piya kinipi kin u, Adam en owasin ţapi kin, be iyecen Christ en owasin piya niwicayapi kta. Tka otoiyohi tohantu iyehantu kinhan: Christ e tokaheya icage cin; qa hehan tona tawa kin hena, Christ ake hi kinhan. Qa hehan owihankin kta, tohan iye wokiconze kin he Wakantanka, Ateyapi kin he, kicu kta; wokiconze owasin, qa wicowaśake qa wookihi owasin ihangyin kte cinhan, Tona tokayapi kin hena owasin iye siha kin ihukun iyewicayin kte cin, hehanyan Itancan yankin kta. Qa toka ehake ihangyin kte cin he wiconţe kin ee. Iye siha kin ihukuya taku owasin ekiknaka heon. Tka tohan, He ihukuya taku owasin eknakapi kin, eye çehan, tuwe he ihukuya taku owasin eknake cin he ope śni e tanin. Qa tohan taku owasin he ihukun iyeyapi kinhan, hehan Cinhintku kin eqe, Tuwe owasin iye ihukun iyeye cin he ihukun un kta, hecen Wakantanka owasin en ataya un kta.
    Tka okinniś tuwe heyin kta, Wicaţe cin token piya kinipi, qa taku tancan kin yuha hiyupi he. Wacinyatonśni! taku oyaju kin ţe śni ehantanhanś, icage śni ece. Qa taku oyaju kin he tancan icagin kte cin he oyaju śni, tka su ecena, aguyapi su, qaiś taku su toktokeca naceca. Tka Wakantanka token iyokipi kin hecen tancan qu, qa su ocaje otoiyohi tancan tawa kin kicu ece. Ceĥpi owasin ceĥpi okowanjina śni; tka wicaceĥpi kin he wanji ee, qa woteca ceĥpi kin wanji hee, qa hogan ceĥpi kin wanji hee, qa zitkana ceĥpi kin wanji hee. Unkan maĥpiyata tancan, qa makata tancan kin heca yukan; tka maĥpiyata un kin he towitan kin wanjina, qa makata un kin he towitan kin tokeca. Anpetu-wi towitan kin wanjina, qa hanhepi-wi towitan kin he tokeca, qa wicanĥpi towitanpi kin he nakun tokeca; qa wicanĥpi wanji wicanĥpi tokeca kici wowitan en akidecece śni. He iyeceu wicaţe cin piya kinipi. Tancan kukepica ojupi; tka kukepica śni kiniyapi; okinihan śni ojupi; tka wowitan kiniyapi: wowaśakeśniyan ojupi; tka wowaśagye kiniyapi: wicaceĥpi tancan ojupi; tka woniya tancan kiniyapi, Wicaeĥpi tancan yukan, qa woniya tancan kin yukan, Kaken Wowapi Wakan eye: Adam wicaśa tokaheya kin he wicanagi niun kin heca kagapi; qa Adam ehake un kin he Woniya Wanikiye ein hee. Tka taku woniya un kin he tokaheya śni, tka taku ceĥpi kin hee; qa iyohakab taku woniya kin. Wicaśa tokaheya kin he maka etanhan un, qa maka kin heca: wicaśa iyokihe kin he Itancan maĥpiya etanhan un kin hee. Maka kin heca un qon, tona maka hecapi kin hena hececapi : qa maĥpiyatanhan un kin, tona maĥpiyata unpi kin hena hececapi. Unkan makata un qon touncage kin unyuhapi qon, he iyecen maĥpiyatanhan un kin touncage kin unyuhapi kta.
    Mihunkawanji, kaken epa, wicaceĥpi qa wicawe kin Wakantanka tokiconze kin tawa kta okihi śni; qa nakun taku kukepica kin taku kukepica śni kin tawa kte śni. Iho, woanaĥbe wan ociciyakapi: owasin unkiśtinmapi kte śni, tka owasin unyutokecapi kta, iknuhanna, iśta kakpanpi se en, maza yahotonpi tanka ehake kin tanin kinhan: maza yahotonpi tanka kin he yahotonpi kta, qa wicaţe cin kukeśniyan kiniwicayapi kta, qa unkiye unyutokecapi kta. Taku kuke kte cin de kukepicaśni koyakin kta, qa ţin kte cin de ţepicaśni koyakin kta. Qa tohan taku kuke kte cin de kukepicaśni koyake, ça tancan wiconţe cin de wiconi kin koyagyapi kinhan; hehan Wowapi Wakan taku eye ciqon ecetu kta, Woohiye kin on wiconţe kin ihangyapi. Wiconţe, wicape nitawa kin tokiya un he. Wicaĥapi, woohiye nitawa kin tokiya un he. Wiconţe icape kin he woaĥtani ee; Tka Wakantanka, Jesus Christ Itancan unyanpi kin eciyatanhan woohiye unqupi kin, he wopida yuha nunwe. Hecen, mihunkawanji waśtecicidapi kin, sutaya yahanpi qa pahohośniyan yaunpi nunwe, qa ohinniyan Itancan tawowaśi kin en aiçiciya po, Itancan kin en wowaśi ecanonpi kin he ituya śni sdonyayapi kin heon etanhan.

¶ Qaiś de.
 

Wakantanka Taniya kin tona yus awicaye cin hen a Wakantanka cinca wicaye cin eepi. Wayaka oun kin okna akta wakoyakipapi kta on woniya iyacupi śni; tka Iye cincaniyanpi kta Woniya kin hee iyacupi, on Abba, Ate, eya hoyeunkiyapi ece. Woniya kin he unnagipi kin kici Wakantanka cinca kin heuncapi e yuataninpi, Unkan uncincapi kinhan tawayapi kte cin heuncapi; Wakantanka tawayapi; Christ kici tawayapi kte cin; kici unkakijapi kinhan, nakun kici wowitan unyuhapi kta ce. De nakaha wicokakije kin he, wowitan unkiyepi en ecana yutaninpi kte cin kici akiyecen yawapi kta e iyecece śni wadaka, Wakantanka cinca wicayutaninpi kte cin on taku kagapi kin cantokpaniyan ape yanka. Unkan Wakantanka waśte dakapi kin hena taku owasin tanyan owicakiĥan ece e sdonunyanpi, tona iye tawacin kin eciyatanhan wicakicopi kin hena. Heon etanhan hena taku kin en taku unkeyapi kta he. Wakantanka unkicipi un kinhan, tuwe kaśeunyanpi kta he. Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakiçuya unqupi kte śni he. Tuwe wayasu kta he. Tuwe ţe ciqon he Christ ee, qa ake piya kini kin hee, Wakantanka etapa kin eciyatanhan yanke ça, unkiyepi on wocekiye eciya, Tuwe Christ towaśte kin etanhan unyuśpapi kta he. Wicokakije, wośitkikda, wicokicize, wicaakiĥan, tancowicakana, wokokipe, qa maza sagye okihi kta he. Tuka hen a taku kin owasin en, tuwe canteunkiyapi qon he eciyatanhan, tanyan ohiye unyakonpi. Heon, wiconţe, qa wiconi, qa maĥpiya oknikde cin hena, qa wokiconze kin, qa wicowaśake kin, qa taku nakaha un kin taku u kte cin ko; Qa taku wankantuya un kin, qa taku mahentuya un kin, qa taku icage cin tokeca, takuni Wakantanka towaśte, Jesus Christ Itancan unkiyapi en un kin, he etanhan unyuśpapi kte śni e sdonwaye ĥca.

¶ Qaiś de.
 

Jesus heya: Iknuhan cante niśicapi kinhan; Wakantanka wicayadapi, qa miś nakun wicamayadapi. Ate ti kin en ounyanpi kte cin ota yanka; he hecece śni unkanś ociciyakapi kta tuka; ekta wakde ça oyanke kin ciciyuwiyeyapi kta, Ekta bde ça oyanke ciciyuśtanpi kinhan, hehan ake wau qa miye ekta acikdapi kta; hecen miś waun kin he en niś nakun yaunpi kta. Unkan tokiya bde cin he sdonyayapi, qa canku kin he nakun sdonyayapi. Itancan, tokiya de cin sdonunyanpi śni, tokiyatanhan canku kin he sdonunyanpi kta he, Thomas eciya, Unkan Jesus heciya; Canku, qa wowicake, wiconi ko he miye; tuweni Ateyapi kin en u śni, tka miye eciyatanhan ecena en u ece.

¶ De en cinpi kinhan Odowan wanji, ahiyayayapi kta, qa Wicaśa Wakan iyecetudake cinhan Wowicada kin qa Itancan Tawocekiye kin, wocekiye kin de, qa Wowapi kin de en Wocekiye iyehantu hiyeye cin hetanhan tona cin kin koya eyin kta, qa ihanke kin Woyawaśte kta, tuka wocekiye kin itokab Wicaśa Wakan kin eyin kta,

Itancan kin nicipi un nunwe.
Ayuptapi: Qa ninagi kin kici.

Ceunkiyapi kta.

Itancan, nitoiyokipi kin nitaoyate ekta awicaduhe cin oknayan, nitaokiye kin de kiksuya ye, qa maĥpiyata nitokiconze kin en, wowaśake etanhan wowaśake ekta, wiconan owotanna wiconi kin oknayan, iye sdonniye qa waśtenidake cin kduota kte cin qu ye; Jesus Christ Itancan unyanpi kin he eciyatanhan, he Iye, Niye qa Woniya Wakan kin ob, niun qa wokiconze yuha, Wakantanka wanjina, maka owihanke wanin. Amen.

Wakantanka towaonśida qa toawankdake waśte kin he en eunniknakapi, Itancan kin niyawaśte, qa niyuha nunwe. Itancan kin ite kin iyoyamniye, ça onśinida nunwe. Itancan itoknake kin en ahinitonwan, qa wookiye niçu nunwe, dehan qa ohinniyan, Amen.

¶ Tohan Wicaĥapi kin en ipi, hehan Wicaśa te cin maka mahen eknakapi kte cin piyapi icunhan, he ahiyayapi qaiś eyapi kta,

Wicaśa, winyan etanhan tonpi kin, ni kte cin ptecena, qa wokakije ojuna. Wakantkiya hiyu, qa kaśdapi, waĥca iyecen, ohanzi iyecen dus iyaye, ça tuktena owanjina yanke śni.
    Wiconi ekna unqonpi keś, wiconţe kin en unqonpi ce: tuwe en wowawokiye unkodepi kta he niśnana en, Itancan, woaĥtani unyuhapi kin on owotannayan iyonicipi śni kin.
    Eśa, Itancan Wakantanka iyotan wakan, Itancan iyotan-waśaka, Wanikiya wakan qa iyotan waonśida, wiconţe owihanke wanice cin en, wowayazan pa kin, he en unkayuśtanpi śni ye.
    Itancan, unkicantepi ekta woanaĥbe kin, hena sdonyaya; ceunkiyapi kin en, ninoge waonśida kin nakitake śni ye; tka niunkiya miye, Itancan iyotan wakan, Wakantanka iyotan-waśaka, Wanikiya wakan qa waonśida, Wayasu okinihan owihanke wanice cin, oape ehake wanjina unkicihanpi kin en, wiconṭe wicayazan kin heca on, tokan unkiyayapi kta, iyowinunkiyapi śni ye.

¶ Qaiś de.

Ate tona maqu kin owasin miye en mau kta; qa tuwe en mau kinhan tankan iyewayin kte śni.
    Tuwe Jesus wicate cin etanhan kinikiye ciqon hee unkitancanpi ţepica kiniyin kta, Woniya unkiyepi en ounye cin he eciyatanhan.
    Heon etanhan micante kin iyuśkin, qa mitowitan kin wiyuśkin; ho, miceĥpi kin woape en ounyin kta.
    Wiconi canku kin he mayakipazo kta; nitokab wowiyuśkin owasin, nietapa kin ekta woiyokipi owihanke wanice.
 

¶ Hehan en maka aĥpeyapi icunhan, Wicaśa Wakan kin heyin kta,

Wakantanka iyotan-waśaka hunkawanjin (tankśi) unyanpi nagi kin unqupi, qa iye tancan kin maka kin ekta eunknakapi; maka kin maka kin, caĥota kin caĥota kin, maka bdu kin maka bdu kin unkicupi; wiconi owihanke wanica en wicakini kte cin on woape wowicake qa wacinyepica kin en; Jesus Christ Itancan unyanpi kin eciyatanhan, he wowitan tanka kduha maka kin yasu kta e, u kinhan, maka kin qa miniwanca kin tona tapi kin owasin akan hiyuwicayapi kta; qa tona iye en iśtinmapi kin tancanpi kukepica kin owasin yutokecapi kta, qa iye tancan wowitan kin iyececa wicakagapi kta; woecon waśaka on iye en taku owasin ohiya okihi kin he eciyatanhan.

¶ Hehan de eyapi qaiś ahiyayapi kta,

Maĥpiya kin eciyatanhan wicaho wan nawaĥon, hecen emakiya, Owa yo, Detanhan tokata wicaţe cin tona Itancan kin en ţapi kin, hena wicayawaśtepi ece: hecetu oe, Woniya kin eya; wowaśi tawapi kin etanhan okiĥpapi kin heon,

¶ Hehan Wicaśa Wakan kin ayin kta.

Itancan kin nicipi un nunwe.
Ayuptapi: Qa ninagi kin kici.

Ceunkiyapi kta.

Itancan, onśiunda miye.
Christ, onśiunda miye.
Itancan, onśiunda miye.
 

¶ Hehan Wicaśa Wakan kin Wocekiye kin dena etanhan wanji qaiś isanpa eyin kta, token iyokipi kin oknayan.

Wakantanka, nitowaonśida yawapica śni kin; nitaokiye wanna iyaye cin on wocekiye unkeyapi kin icu ye, nakun tona wakan wicaduha kin odakonkiciyapi tawapi kin en iyoyanpa qa wowiyuśkin makoce kin ekta i kta e onśidaya qu ye; Jesus Christ Itancan unyanpi kin he eciyatanhan. Amen.

Wakantanka Iyotan-waśaka, tona detanhan Itancan kin oknayan iyayapi kin nagipi kin nici unpi, qa tona wacinniyanpi nagipi kin, wicaceĥpi koyakapi kin etanhan wicakiyuśkapi iyohakab nici iyuśkinyan unpi kin; Nitaokiye tona wowacinye oknayan oinyanke kin ihunnikiyapi, qa dehan wowaśi tawapi kin etanhan okiĥpapi, he oĥanpi on tanyan waonspeunkiyapi kin, heon awicakehan wopida unkeniciyapi. Qa unkiyepi, tona Nicaje wakan kin awicakehan wacinyan iyayapi kin ob, wowitan owihanke wanica nitawa kin en wicatancan qa wicanagi kin napin en wowaśte ataya unyuhapi kta iceunniciyapi; Jesus Christ Itancan unyanpi kin he eciyatanhan. Amen.

Wakantanka waonśida, Jesus Christ Itancan unyanpi Atkuku kin, he iye woekicetu qa wiconi kin hee; tuwe he wicada kinhan, ta eśa, ni kta; qa tuwe niun kin en, iye wicada kinhan, owihanke wanin ţin kte śni he iye; nakun, Wahośiye wakan tawa Saint Paul eciyatanhan, waonspeunkiyapi, tona iye en iśtinmapi kin, heon wicaśa takuni wacinye śni iyecen iyounkiśicapi kte śni; Ate, woaĥtani wiconţe kin etanhan wicoowotanna wiconi kin ekta eunyadakupi kta, onśiiçiya iceunniciyapi; hecen, wiconi kin de etanhan unkiyayapi kinhan, iye en unkokiĥpapi kta; qa hecen, anpetu ehake kin owancaya Wicakini kte cin he en, niiśta kin en icu unpicapi kta; qa tona Nicinkśi tanyan-teyaĥinda kin waśtedakapi qa kokipapi kin, hena woyawaśte wicaqu kte cin, unkiś eya unkicupi kta, qa iye heyin kta, U po, Ate cincawicaya waśtepi kin, maka otokahe kin hehantanhan wokiconze wan piniciciyapi kin icu po, De duecetu kta, iceunniciyapi, Ate waonśida, Jesus Christ, Wawiciya qa Wopekiton unkitawapi kin he eciyatanhan. Amen.

Wookiye Wakantanka kin, Jesus Christ Itancan unkitawapi, taĥcaskana awanwicayaka tanka kin he. wiconţe kin etanhan ake kiniye ciqon, he wicotakuye owihanke wanica we kin eciyatanhan; Iye tawacin ecen ecanonpi kta e, wowaśi waśte owasin en niyusutapi kta, qa taku iye iśta kin en iyokipi kin hena ecaniconpi kta; Jesus Christ eciyatanhan, he wowitan owihanke wanica kicihan nun we. Amen.

¶ Wicaśa Wakan kin woyawaśte ehake kin itakab wocekiye kin dena etanhan tona cin kinhan koya eyin kta.

Wakantanka iyotan-waśaka, wicaceĥpi owasin wicanagi Wakantanka tawapi kin, Tuwe maĥpiya kin eciyatanhan wicaho on wadaotanin kin, qa hehe cin: Wicate cin tona Itancan kin en tapi kin, hena wicayawaśtepi ece; tona Jesus en okiĥpapi kin on nitowaśtedake woyawaśte ota kin yakduota kta e iceunniciyapi, hecen wowaśi waśte kin en iyoptewicayaye cin Jesus Christ taanpetu kin hehand yuśtanpi kta; qa nitowaonśida eciyatanhan, maĥpiyata Ateyapi kin, unkiyepi maka akan dehan waecaunniconpi kin, iyepi ob, iyoyanpa en wakanpi taku tawayapi kte cin en ounpapi kta e kipiya iyeunyayapi kta ecetuya ye; Jesus Christ Itancan unyanpi kin hee eciyatanhan. Amen

Ateyapi Iyotan Waonśida kin, nitaokiye kin de (iś wakanheja kin de) nagi kin niye en iyacu kta e iyonicipi; unkiyepi nahanĥcin tona oicimani kin de, qa wowacinye kin on mannnipi kin, maka kin de en patawanjina waecaunniconpi, qa ecen wakanpi waśte wicaduha kin ob wowitan owihanke wanice cin ikoyagunkiçivapi kta e unqu miye; Jesus Christ Itancan unyanpi kin he eciyatanhan. Amen.

Itancan Jesus Christ. nite cin eciyatanhan wiconţe tocape kin tokan iyaye cin; unkiyepi nitaokiyepi kin wowacinye de yuha canku yakage cin okna nihakab unyanpi kta, qa onhanketa niye en aĥbayena unkiśtinmapi, qa nive kin ouncage nitawa kin en unkiktapi kta unqu miye, nitowaonśida kin eciyatanhan, Ateyapi kin qa Woniya Wakan kin ob, Wakantanka wanjina, ni yaun maka owihanke wanin. Amen.

Wakantanka Iyotan-waśaka qa owihanke wanin niun kin, wakanpi wicaduhe cin owasin en wowaonśida qa wowaśte wowinihan yaotaninpi kin on, cante eciyatanhan woyatan qa wopida unkeniciyapi, hena nitowaśte wowidake hecapi, qa wicoicage tawapi kin enen maka iyoyanpa heca unpi qon; nitowaśte unqupi qa patawanjina wacinniyanpi qon qa nitawoahope wakan anagoptanpi kin toĥanpi kin he owicunpapi kta e onśiiçiya iceunniciyapi, hecen anpetu wan en owancaya wicakini kte cin en unkiyepi, qa tona Nicinkśi tancan wakan kin etanhanpi kin owasin ob, iye etapatanhan kin ekta eunknakapi, qa wicaho iyotan wowiyuśkin tawa kin he naunhonpi kta: Ate niyawaśtepi kin, upi, qa maka kagapi kin ehantanhan wokiconze wan pinicieiyapi kin ikikcu po. Ate kin, de unqu miye, Jesus Christ iśnana Wawiciya qa Iyokooknaiyaya unkitawani kin eciyatanhan. Amen.

¶ Maka en wicaĥapi kta taku tona eyapi kta kaĥnigapi kin tuktekten taku on ĥca hena Tipi Wakan en eyapi kta kipi kta seca kin on woiyowadye ĥca yukan hecinhan hehan woiyowinkiyin kta.

¶ Wicaśa Wakan kin wicatancan kin itkokipe ça hetanhan itokab mani kta Tipi Wakan ekta qaiś wicaĥapi kin ekta, qa de eyin kta.

Woekicetu qa Wiconi kin he miye, Itancan kin eya; tuwe wicamada kinhan tokeĥcin ta eśa, ni kta; qa tuwe niun qa wicamada kinhan tohinni ţin kte śni.
    Jesus wicakico qa heya: Wakanheja en maupi kta iyowinwicakiyapi, qa wicakiśicapi śni po: Wakantanka Tokiconze dececapi kin etanhanpi kin heon.
    Taĥcaskana Awanwicayaka wan iyecen Iye optaye tawa kin wonwicakiyin kta; isto on tacincana mnawicakiyin kta, qa maku okna wicakduhe kta.

¶ Tohan Tipi Wakan timahen ipi kin hehan Psalm kin dena eyapi kta; qa Psalm atoiyohi ihanke kin en Gloria Patri eyapi kta.
 

Waawanyaka mitawa kin, Itancan kin hee;* wimakakijin kte śni.
    Peji owiĥankiye en waĥanmakiya;* wooziiçiye mini kin icakda yus-amayan ece.
    Iye minagi kin yuecetu;* wicoowotanna canku kin okna amayan, iye Caje kin on.
    Ho, wiconţe ohanzi kaksiza kin okna mawani eśa, taku śica wanjina kowakipin kte śni,* niye mici yaun kin beon; cansakana qa cansagye nitawa kin, bena micanptapi.
    Mitokab waknawotapi wan miyeciknaka, tokamayanpi kin wicitokab;* wikdi on pa sdamayakiya, wiyatke mitawa kin iyatakde.
    Awicakeban anpetu tona wani kin owasin wowaśte qa wocantkiyewaśte ko miyakna un kta,* qa ITANCAN ti kin anpetu ohinniyan en ounwayin kta.
 

Ĥe kin hena ekta iśta yuwankan ewekdaku; * tokiyatanhan wowawokiye mitawa kin u he.
    Wowawokiye mitawa kin, ITANCAN kin; * maĥpiya maka ko kage cin he eciyatanhan u ce.
    Iye nisiha yutokanpi kte cin iyowinyin kte śni; * iye niyuha kin iśtinbe śni nunwe.
    Wanyaka wo, iye Israel yuhe cin, * ĥba qa iśtinbe śni ece.
    Awanniyake cin he ITANCAN kin hee; * nietapa ekta wowinape nitawa kin he ITANCAN kin ee.
    Anpetu icunhan, anpetu-wi kin kiunniniyin kte śni, * qa hanhepi-wi kin hanhepi icunhan.
    Taku śica owasin etanhan, ITANCAN kin niyuha kta, * iye ĥca ninagi kin awanyakin kta.
    Tankan idade ça tin yaku kin hena ITANCAN kin awanyakin kta,* detanhan tokatakiya qa owihanke wanin.
 

¶ Hehan woonspe kin de yawapi kta, St. Matthew Wotanin Waśte tawa kin Wicowoyake iakeśakdoyan kin etanhan.

Unkan hehan waonspewicakiye cin Jesus en hipi qa heciyapi; Maĥpiya wokiconze kin en tuwe iyotan tanka he. Unkan Jesus wakanheja wan kico qa wicacokaya eknaka; qa heya, Awicakehan heciciyapi, Nikduhomnipi śni, qa wakanheja iyenicecapi śni kinhan, maĥpiya wokiconze kin en yaipi kte śni. Tuwe ikduhukuye ça wakanheja kin de iyecen canteyuze cinhan, maĥpiya wokiconze kin en iyotan tanka kin hee. Qa tuwe wakanheja dececa wan, micaje on, iyowinkiye cinhan, he miye iyowinmakiya ece. Iknuhan dena cikcistinpina wanjina eśa śiceyadake cinhan; heciciyapi ce, Maĥpiya ekta oknikdewicayapi tawapi kin hena Ate maĥpiya ekta un kin ite ohinniyan wanyakapi ece.

¶ De en cinpi kinhan Odowan wanji ahiyayapi kta. Hehan Wicaśa Wakan heyin kta,

Itancan kin nicipi un nunwe.
Qa ninagi kin kici.

Ceunkiyapi kta,

Itancan, onśiunda miye.
Christ, onśiunda miye.
Itancan, onśiunda miye.

Hehan Wikaśa Wakan qa omniciye eyapi kta,
 

¶ Tohan wicaĥapi kin en ipi, hehan de eyapi qaiś ahiyayapi kta,

Jesus Waonspewicakiye cin hewicakiye: Heon nakaha iyokiśin vaunpi, tuka ake wanciyakapi kta, kinhan nicantepi kin wiyuśkin kta qa widuśkinpi kte cin he tuweni nicipi kte śni.

¶ Wicatancan maka en eĥpeyapi icunnan Wicaśa Wakan kin heyin kta,