The Litany.

¶ Ko te RITANI tenei, me waiata, me korero ranei, i muri iho i nga Inoi o te Ata i nga Ratapu i nga Wenerei, i nga Parairei, i era atu wa hoki e kiia ai e te Kai whakariterite.

E TE Atua, e te Matua, o te rangi: tohungia matou, te hunga pouri rawa i te hara.
    E te Atua, e te Matua, o te rangi: tohungia matou, te hunga pouri rawa i te hara.

    E te Atua, e te Tama, e te Kai hoki i te ao: tohungia matou, te hunga pouri rawa i te hara.
    E te Atua, e te Tama, e te Kai hoki i te ao: tohungia matou, te hunga pouri rawa i te hara.

    E te Atua, e te Wairua Tapu, e puta mai nei i te Matua raua ko te Tama: tohungia matou, te hunga pouri rawa i te hara.
    E te Atua, e te Wairua Tapu, e puta mai nei i te Matua raua ko te Tama: tohungia matou, te hunga pouri rawa i te hara.

    E te Tokutoru Tapu, e whakapingia nei, e whakakorariatia nei, e te Tokutoru, Kotahi ano ia atua: tohungia matou, te hunga pouri rawa i te hara.
    E te Tokutoru Tapu, e whakapingia nei, e whakakorariatia nei, e te Tokutoru, Kotahi ano ia atua: tohungia matou, te hunga pouri rawa i te hara.

    E Ihowa, aua ra e mahara ki a matou he, ki nga he a o matou tupuna; aua ano hoki e utua mai o matou hara: E Ihowa, tohungia matou, tohungia o tangata i hokoa e koe ki te utu nui, ki ou toto; aua ra e riri tonu ki a matou.
    E Ihowa, tohungia matou.

    Whakaorangia matou i nga kino katoa, I te aitua, i te hara, i nga tinihanga me nga whakaekenga a te rewera, i tau riri, I te mamae mutunga kore,
    E Ihowa, whakorangia matou.

    I te ngakau matapo, i te whakapehapeha, i te whakarite kau, i te hae, i te mauahara, i te ngakau nanakia, i te aroha kore,
    E Ihowa, whakorangia matou.

    I te puremu, me era atu hara whakamate katoa; i nga tini hianga o tea o, o te kikokiko, o te rewera,
    E Ihowa, whakorangia matou.

    I te uira, i te awha, i te mateuruta, i te kai kore, i te tatauranga, i te kohuru, i te mate whawhati tata,
    E Ihowa, whakorangia matou.

    I te turaki pokanoa i te ture; i te whakaakoranga teka, i te wehewehe; i te ngakau pakeke, i te whakahawea ki tau Kupu, ki tau Ture,
    E Ihowa, whakorangia matou.

    Kia mahara ki te mea ngaro rawa, ki tou Whakatangatatanga tapu, ki tou Whanautanga tapu, ki tou Kotinga, ki tou Iriiringa, ki tou Nohoanga pukutanga, ki tou Whakamatautauranga,
    E Ihowa, whakorangia matou.

    Kia mahara ki tou Pouritanga, ki tou Kakawa toto; ki tou Ripeka, ki tou Mamae; ki tou Mate utu nui, ki tou Tanumanga; ki tou Aranga kororiatanga mai, ki tou Kakenga ki runga; ki te haerenga mai hoki o te Wairua Tapu,
    E Ihowa, whakorangia matou.

    Hei nga wa katoa e rokohanga ai matou e te kino; hei nga wa ano hoki o te pai; hei te haora o te mate, hei t era whakawa.
    E Ihowa, whakorangia matou.

    E inoi atu ana matou, te hunga hara ki a koe, kia rongo mai koe, e Ihowa, e te Atua; kia kawanatia to Hahi tapu puta noa i te ao, kia t ohutohungia e koe ki te ara tika;
    E Ihowa, whakarongo mai rapea ki a matou.

    Kia pai koe ki te mea i to Pononga i to matou Kuini, i a WIKITORIA, kia u tonu ki te karakia pono ki a koe, ki nga mahi tika, ki nga mahi tapu;
    E Ihowa, whakarongo mai rapea ki a matou.

    Kia pai koe ki te kawana i tona ngakau i runga i te whakapono, i te wehi, i te aroha ki a koe, kia u tonu ai ia ki a koe, kia whaia ai e ia nga mea e whakahonoretia ai koe;
    E Ihowa, whakarongo mai rapea ki a matou.

    Kia pai koe ki te tiaki i a ia; kia whati hoki i a ia ona hoa riri katoa;
    E Ihowa, whakarongo mai rapea ki a matou.

    Kai pai koe ki te manaaki, ki te tiaki i a Arapeti Eruera, Piriniha o Weiri, me tana hoa wahine, me nga whanaunga katoa o te Kuini;
    E Ihowa, whakarongo mai rapea ki a matou.

    Kia pai koe te whakamarama i nga Pihopa katoa, i nga Piriti, i nga Rikona, kia mohio ai ratou, kia whakaaro tika ai ki au korarero, kia ma ta ratou kauwhau, ma ta ratou mahi, ka whakapuakina ai, ka whakakitea ai taua Kupu;
    E Ihowa, whakarongo mai rapea ki a matou.

    Kia pai koe ki te whakawhiwhi i nga Rangatira o te Runanga, i nga Tangata nunui katoa, ki te pai, ki te whakaaro, ki te mohio;
    E Ihowa, whakarongo mai rapea ki a matou.

    Kia pai koe ki te manaaki, ki te tiaki i nga kai whakarite whakawa, kia tika ai ta ratou whakariterite, kia u ai hoki ratou ki te pono;
    E Ihowa, whakarongo mai rapea ki a matou.

    Kia pai koe, ki te manaaki, ki te tiaki i o tangata katoa;
    E Ihowa, whakarongo mai rapea ki a matou.

    Kia pai koe ki te tuku mai i te whakaaro tahi, i te rangimarie, i te rongo mau ki nga Tauiwi katoa;
    E Ihowa, whakarongo mai rapea ki a matou.

    Kia pai koe ki te homai ki a matou i te ngakau e aroha ana, e wehi ana ki a koe, e ata whakarite marie ana hoki i au ture;
    E Ihowa, whakarongo mai rapea ki a matou.

    Kia pai koe ki te whakanui i to atawhai ki o tangata katoa, kia ata whakarangona ai e ratou tau Kupu i runga i te ngakau pai, kia whakaputaia ai hoki nga hua o te Wairua;
    E Ihowa, whakarongo mai rapea ki a matou.

    Kia pai koe ki te arahi mai i te hunga he ki te ara tika, me nga tangata hoki kua tinihangatia;
    E Ihowa, whakarongo mai rapea ki a matou.

    Kia pai koe ki te whakakaha i te hunga e tu ana; ki te whakamarie, ki te awhina i te hunga ngakau rahirahi; ki te whakaara i te hunga kua hinga; ki te kuru koki i a Hatana ki raro i o matou waewae;
    E Ihowa, whakarongo mai rapea ki a matou.

    Kai pai koe ki te awhina, ki te whakamarie i te hunga e ekengia ana e te he, e te mate, e te pouri;
    E Ihowa, whakarongo mai rapea ki a matou.

    Kia pai koe ki te tiaki i nga tangata katoa e haere ana ra uta, ra te moana ano hoki; i nga wahine katoa e whakawhanau ana, i nga turoro katoa, me nga tamariki nonohi; kia puta hoki to atawhai ki nga herehere katoa, ki nga whakarau;
    E Ihowa, whakarongo mai rapea ki a matou.

    Kia pai koe ki te tiaki, ki te whangai, i nga pani, i nga pouaru; i nga tangata rawakore, me te hunga hoki e tukinotia ana;
    E Ihowa, whakarongo mai rapea ki a matou.

    Kia pai koe ki te tohu i nga tangata katoa;
    E Ihowa, whakarongo mai rapea ki a matou.

    Kia pai koe ki te hohou i te rongo ki o matou hoa whawhai, ki te hunga e whakatupu kino ana e nga tuara ana ki a matou; ki te whakatahuri hoki i o ratou ngakau.
    E Ihowa, whakarongo mai rapea ki a matou.

    Kai pai koe ki te homai, ki te whakatupu he oranga mo matou, i nga hua pai katoa, o te whenua, kia kai ai matou;
    E Ihowa, whakarongo mai rapea ki a matou.

    Kia pai koe ki te tuku mai i te tino ripeneta; ki te whakangaro i o matou hara, i o matou warewarenga, i o matou kuwaretanga; ki te homai hoki i tou Wairua Tapu, kia rite ai ta matou mahi ki ta to Kupu tapu;
    E Ihowa, whakarongo mai rapea ki a matou.

    E te Tama a te Atua: whakarongo mai rapea ki a matou.
    E te Tama a te Atua: whakarongo mai rapea ki a matou.

    E te Reme a te Atua: e te kai waha I nga hara o tea o;
    Tukua mai tau rangimarie.

    E te Reme a te Atua: e te kai waha I nga hara o tea o;
    E te Karaiti, whakarongo ki a matou.
    E te Karaiti, whakarongo ki a matou.

    E Ihowa, tohungia rapea matou.
    E Ihowa, tohungia rapea matou.

    E te Karaita, tohungia matou.
    E te Karaiti, tohungia matou.

    E Ihowa, tohungia rapea matou.
    E Ihowa, Tohungia rapea matou.